ग्राम-अधिकारी, कर और राष्ट्र की रक्षा

श्लोक 1 (12.87.1)

राष्ट्रगुप्तिं च मे राजन्राष्ट्रस्यैव तु संग्रहम् । सम्यग्जिज्ञासमानाय प्रब्रूहि भरतर्षभ ॥

rāṣṭraguptiṃ ca me rājanrāṣṭrasyaiva tu saṃgraham | samyagjijñāsamānāya prabrūhi bharatarṣabha

हे राजन्, राष्ट्र की रक्षा और राष्ट्र की व्यवस्था के विषय में, मैं भलीभाँति जानना चाहता हूँ, मुझे बताइए, हे भरतश्रेष्ठ।

श्लोक 2 (12.87.2)

राष्ट्रगुप्तिं च ते सम्यग्राष्ट्रस्यैव तु संग्रहम् । हन्त सर्वं प्रवक्ष्यामि तत्त्वमेकमनाः शृणु ॥

rāṣṭraguptiṃ ca te samyagrāṣṭrasyaiva tu saṃgraham | hanta sarvaṃ pravakṣyāmi tattvamekamanāḥ śṛṇu

मैं तुम्हें राष्ट्र की रक्षा और उसकी व्यवस्था के बारे में सब कुछ बताऊँगा; एकाग्र मन से इस तत्त्व को सुनो।

श्लोक 3 (12.87.3)

ग्रामस्याधिपतिः कार्यो दशग्रामपतिस्तथा । विंशतित्रिंशतीशं च सहस्रस्य च कारयेत् ॥

grāmasyādhipatiḥ kāryo daśagrāmapatistathā | viṃśatitriṃśatīśaṃ ca sahasrasya ca kārayet

एक गाँव का अधिपति नियुक्त किया जाए, वैसे ही दस गाँवों का अधिपति; और बीस, तीस तथा हज़ार गाँवों के अधिपति भी नियुक्त करे।

श्लोक 4 (12.87.4)

ग्रामेयान्ग्रामदोषांश्च ग्रामिकः प्रतिभावयेत् । तानाचक्षीत दशिने दशिको विंशिने पुनः ॥

grāmeyāngrāmadoṣāṃśca grāmikaḥ pratibhāvayet | tānācakṣīta daśine daśiko viṃśine punaḥ

गाँव में जो भी बातें और दोष हों, ग्रामपति उन्हें देखे-समझे और दशपति को बताए; दशपति फिर बीसपति को बताए।

श्लोक 5 (12.87.5)

विंशाधिपस्तु तत्सर्वं वृत्तं जानपदे जने । ग्रामाणां शतपालाय सर्वमेव निवेदयेत् ॥

viṃśādhipastu tatsarvaṃ vṛttaṃ jānapade jane | grāmāṇāṃ śatapālāya sarvameva nivedayet

बीस गाँवों का अधिपति जनपद की वह सारी बात सौ गाँवों के रक्षक को बता दे।

श्लोक 6 (12.87.6)

यानि ग्राम्याणि भोज्यानि ग्रामिकस्तान्युपाश्नीयात् । दशपस्तेन भर्तव्यस्तेनापि द्विगुणाधिपः ॥

yāni grāmyāṇi bhojyāni grāmikastānyupāśnīyāt | daśapastena bhartavyastenāpi dviguṇādhipaḥ

गाँव की जो उपज भोग के लिए नियत है, उसे ग्रामपति भोगे; उससे दशपति का भरण-पोषण हो और उससे बीसपति का।

श्लोक 7 (12.87.7)

ग्रामं ग्रामशताध्यक्षो भोक्तुमर्हति सत्कृतः । महान्तं भरतश्रेष्ठ सुस्फीतं जनसंकुलम् । तत्र ह्यनेकमायत्तं राज्ञो भवति भारत ॥

grāmaṃ grāmaśatādhyakṣo bhoktumarhati satkṛtaḥ | mahāntaṃ bharataśreṣṭha susphītaṃ janasaṃkulam | tatra hyanekamāyattaṃ rājño bhavati bhārata

सौ गाँवों का अध्यक्ष सम्मानित होकर एक गाँव भोगे, ऐसा गाँव जो बड़ा, समृद्ध और जनों से भरा हो, हे भरतश्रेष्ठ; क्योंकि वहाँ राजा पर बहुत कुछ निर्भर होता है, हे भारत।

श्लोक 8 (12.87.8)

शाखानगरमर्हस्तु सहस्रपतिरुत्तमः । धान्यहैरण्यभोगेन भोक्तुं राष्ट्रीयसंगतः ॥

śākhānagaramarhastu sahasrapatiruttamaḥ | dhānyahairaṇyabhogena bhoktuṃ rāṣṭrīyasaṃgataḥ

सहस्रपति, जो सर्वश्रेष्ठ अधिकारी है और योग्य है, अन्न और सोने की आय के साथ एक शाखा-नगर राष्ट्र के अधिकारियों के साथ मिलकर भोगे।

श्लोक 9 (12.87.9)

तेषां संग्रामकृत्यं स्याद्ग्रामकृत्यं च तेषु यत् । धर्मज्ञः सचिवः कश्चित्तत्तत्पश्येदतन्द्रितः ॥

teṣāṃ saṃgrāmakṛtyaṃ syādgrāmakṛtyaṃ ca teṣu yat | dharmajñaḥ sacivaḥ kaścittattatpaśyedatandritaḥ

उन अधिकारियों के युद्ध-सम्बन्धी कार्य होंगे और उनमें जो ग्राम-सम्बन्धी कार्य हों; कोई धर्मज्ञ मन्त्री आलस्य छोड़कर उन-उन कार्यों को देखे।

श्लोक 10 (12.87.10)

नगरेनगरे वा स्यादेकः सर्वार्थचिन्तकः । उच्चैः स्थाने घोररूपो नक्षत्राणामिव ग्रहः ॥

nagarenagare vā syādekaḥ sarvārthacintakaḥ | uccaiḥ sthāne ghorarūpo nakṣatrāṇāmiva grahaḥ

प्रत्येक नगर में एक अधिकारी होना चाहिए जो सब कार्यों की चिन्ता करे, ऊँचे स्थान पर बैठा हो, भयंकर रूप वाला हो, जैसे नक्षत्रों के बीच ग्रह।

श्लोक 11 (12.87.11)

भवेत्स तान्परिक्रामेत्सर्वानेव सभासदः । तेषां वृत्तिं परिणयेत्कश्चिद्राष्ट्रेषु तच्चरः ॥

bhavetsa tānparikrāmetsarvāneva sabhāsadaḥ | teṣāṃ vṛttiṃ pariṇayetkaścidrāṣṭreṣu taccaraḥ

वह सभा के सब सदस्यों के बीच घूमे, और राष्ट्रों में उनके बीच विचरने वाला कोई गुप्तचर उनके आचरण का पता लगाए।

श्लोक 12 (12.87.12)

जिघांसवः पापकामाः परस्वादायिनः शठाः । रक्षाभ्यधिकृता नाम तेभ्यो रक्षेदिमाः प्रजाः ॥

jighāṃsavaḥ pāpakāmāḥ parasvādāyinaḥ śaṭhāḥ | rakṣābhyadhikṛtā nāma tebhyo rakṣedimāḥ prajāḥ

कुछ लोग जो नाम से तो रक्षा के लिए नियुक्त अधिकारी हैं, पर हत्या करने के इच्छुक, पाप में लगे हुए, दूसरों का धन छीनने वाले और धूर्त हैं; उनसे राजा इन प्रजाओं की रक्षा करे।

श्लोक 13 (12.87.13)

विक्रयं क्रयमध्वानं भक्तं च सपरिव्ययम् । योगक्षेमं च संप्रेक्ष्य वणिजां कारयेत्करान् ॥

vikrayaṃ krayamadhvānaṃ bhaktaṃ ca saparivyayam | yogakṣemaṃ ca saṃprekṣya vaṇijāṃ kārayetkarān

बिक्री, खरीद, मार्ग, भोजन और व्यय, तथा लाभ और सुरक्षा को देखकर वह व्यापारियों पर कर लगवाए।

श्लोक 14 (12.87.14)

उत्पत्तिं दानवृत्तिं च शिल्पं संप्रेक्ष्य चासकृत् । शिल्पं प्रति करानेवं शिल्पिनः प्रति कारयेत् ॥

utpattiṃ dānavṛttiṃ ca śilpaṃ saṃprekṣya cāsakṛt | śilpaṃ prati karānevaṃ śilpinaḥ prati kārayet

उत्पत्ति, व्यय और जीविका तथा शिल्प को बार-बार देखकर वह शिल्पियों पर उनके शिल्प के अनुसार कर लगवाए।

श्लोक 15 (12.87.15)

उच्चावचकरन्यायाः पूर्वराज्ञां युधिष्ठिर । यथायथा न सीदेरंस्तथा कुर्यान्महीपतिः ॥

uccāvacakaranyāyāḥ pūrvarājñāṃ yudhiṣṭhira | yathāyathā na sīderaṃstathā kuryānmahīpatiḥ

हे युधिष्ठिर, पहले के राजाओं के द्वारा निश्चित किए गए ऊँचे-नीचे कर: राजा ऐसा करे कि प्रजा नष्ट न हो।

श्लोक 16 (12.87.16)

फलं कर्म च संप्रेक्ष्य ततः सर्वं प्रकल्पयेत् । फलं कर्म च निर्हेतु न कश्चित्संप्रवर्तते ॥

phalaṃ karma ca saṃprekṣya tataḥ sarvaṃ prakalpayet | phalaṃ karma ca nirhetu na kaścitsaṃpravartate

फल और परिश्रम को देखकर वह फिर सब कुछ निश्चित करे; क्योंकि जहाँ फल और परिश्रम का कोई युक्तिसंगत आधार न हो, वहाँ कोई काम में नहीं लगता।

श्लोक 17 (12.87.17)

यथा राजा च कर्ता च स्यातां कर्मणि भागिनौ । संवेक्ष्य तु तथा राज्ञा प्रणेयाः सततं कराः ॥

yathā rājā ca kartā ca syātāṃ karmaṇi bhāginau | saṃvekṣya tu tathā rājñā praṇeyāḥ satataṃ karāḥ

राजा और कर्ता दोनों कर्म के फल के भागी हों; यह विचार करके राजा सदा उसी के अनुसार कर निश्चित करे।

श्लोक 18 (12.87.18)

नोच्छिद्यादात्मनो मूलं परेषां चापि तृष्णया । ईहाद्वाराणि संरुध्य राजा संवृतदर्शनः ॥

nocchidyādātmano mūlaṃ pareṣāṃ cāpi tṛṣṇayā | īhādvārāṇi saṃrudhya rājā saṃvṛtadarśanaḥ

वह तृष्णा के कारण न अपने मूल को काटे और न दूसरों के; अपनी इच्छा के द्वारों को बन्द करके राजा अपने मनोभाव को छिपाए रखे।

श्लोक 19 (12.87.19)

प्रद्विषन्ति परिख्यातं राजानमतिखादिनम् । प्रद्विष्टस्य कुतः श्रेयः संवृतो लभते श्रियम् ॥

pradviṣanti parikhyātaṃ rājānamatikhādinam | pradviṣṭasya kutaḥ śreyaḥ saṃvṛto labhate śriyam

बहुत खाने वाले प्रसिद्ध राजा से लोग द्वेष करने लगते हैं। जिससे द्वेष किया जाता है उसका कल्याण कहाँ? संयमी राजा ही लक्ष्मी पाता है।

श्लोक 20 (12.87.20)

वत्सौपम्येन दोग्धव्यं राष्ट्रमक्षीणबुद्धिना । भृतो वत्सो जातबलः पीडां सहति भारत ॥

vatsaupamyena dogdhavyaṃ rāṣṭramakṣīṇabuddhinā | bhṛto vatso jātabalaḥ pīḍāṃ sahati bhārata

बछड़े की उपमा से अटल बुद्धि वाला राजा राष्ट्र को दुहे; पोषित और बलवान् हुआ बछड़ा कष्ट सह लेता है, हे भारत।

श्लोक 21 (12.87.21)

न कर्म कुरुते वत्सो भृशं दुग्धो युधिष्ठिर । राष्ट्रमप्यातिदुग्धं हि न कर्म कुरुते महत् ॥

na karma kurute vatso bhṛśaṃ dugdho yudhiṣṭhira | rāṣṭramapyātidugdhaṃ hi na karma kurute mahat

हे युधिष्ठिर, अधिक दुहा गया बछड़ा काम नहीं करता; वैसे ही बहुत दुहा गया राष्ट्र भी कोई बड़ा कार्य नहीं कर पाता।

श्लोक 22 (12.87.22)

यो राष्ट्रमनुगृह्णाति परिरक्षन्स्वयं नृपः । संजातमुपजीवन्स लभते सुमहत्फलम् ॥

yo rāṣṭramanugṛhṇāti parirakṣansvayaṃ nṛpaḥ | saṃjātamupajīvansa labhate sumahatphalam

जो राजा स्वयं रक्षा करते हुए राष्ट्र पर अनुग्रह करता है और जो उत्पन्न हुआ है उसी पर निर्वाह करता है, वह बहुत बड़ा फल पाता है।

श्लोक 23 (12.87.23)

आपदर्थं च निचयात्राजानो हि चिचिन्वते । राष्ट्रं च कोशभूतं स्यात्कोशो वेश्मगतस्तथा ॥

āpadarthaṃ ca nicayātrājāno hi cicinvate | rāṣṭraṃ ca kośabhūtaṃ syātkośo veśmagatastathā

राजा आपत्ति के लिए संचय करते हैं। राष्ट्र स्वयं कोश-रूप हो और घर में रखा हुआ कोश भी।

श्लोक 24 (12.87.24)

पौरजानपदान्सर्वान्संश्रितोपाश्रितांस्तथा । यथाशक्त्यनुकम्पेत सर्वान्स्वल्पधनानपि ॥

paurajānapadānsarvānsaṃśritopāśritāṃstathā | yathāśaktyanukampeta sarvānsvalpadhanānapi

नगरवासियों और जनपदवासियों पर, जो उसके सीधे आश्रित हैं और जो परोक्ष रूप से आश्रित हैं, चाहे उनके पास थोड़ा ही धन हो, वह यथाशक्ति दया करे।

श्लोक 25 (12.87.25)

बाह्यं जनं भेदयित्वा भोक्तव्यो मध्यमः सुखम् । एवं नास्य प्रकुप्यन्ति जनाः सुखितदुःखिताः ॥

bāhyaṃ janaṃ bhedayitvā bhoktavyo madhyamaḥ sukham | evaṃ nāsya prakupyanti janāḥ sukhitaduḥkhitāḥ

बाहरी लोगों को अलग करके वह मध्यम जनों से सुखपूर्वक कर ले सकता है; इस प्रकार सुखी या दुःखी, कोई भी जन उस पर क्रुद्ध नहीं होते।

श्लोक 26 (12.87.26)

प्रागेव तु धनादानमनुभाष्य ततः पुनः । सन्निपत्य स्वविषये भयं राष्ट्रे प्रदर्शयेत् ॥

prāgeva tu dhanādānamanubhāṣya tataḥ punaḥ | sannipatya svaviṣaye bhayaṃ rāṣṭre pradarśayet

वह पहले धन लेने की घोषणा करे, और फिर अपने देश में लोगों को इकट्ठा करके राष्ट्र के सामने भय प्रकट करे।

श्लोक 27 (12.87.27)

इयमापत्समुत्पन्ना परचक्रभयं महत् । अपि चान्ताय कल्पन्ते वेणोरिव फलागमाः ॥

iyamāpatsamutpannā paracakrabhayaṃ mahat | api cāntāya kalpante veṇoriva phalāgamāḥ

"यह आपत्ति आ पड़ी है, शत्रु की सेना का बड़ा भय है; ऐसे संकट अन्त तक पहुँचा सकते हैं, जैसे बाँस में फल आना उसके अन्त का कारण बनता है।

श्लोक 28 (12.87.28)

अरयो मे समुत्थाय बहुभिर्दस्युभिः सह । इदमात्मवधायैव राष्ट्रमिच्छन्ति बाधितुम् ॥

arayo me samutthāya bahubhirdasyubhiḥ saha | idamātmavadhāyaiva rāṣṭramicchanti bādhitum

मेरे शत्रु बहुत से डाकुओं के साथ उठ खड़े हुए हैं और हम सबका नाश करने के लिए इस राष्ट्र को पीड़ित करना चाहते हैं।

श्लोक 29 (12.87.29)

अस्यामापदि घोरायां संप्राप्ते दारुणे भये । परित्राणाय भवतः प्रार्थयिष्ये धनानि वः ॥

asyāmāpadi ghorāyāṃ saṃprāpte dāruṇe bhaye | paritrāṇāya bhavataḥ prārthayiṣye dhanāni vaḥ

इस भयंकर आपत्ति में, जब यह दारुण भय आ पहुँचा है, मैं तुम्हारी रक्षा के लिए तुमसे तुम्हारा धन माँगूँगा।

श्लोक 30 (12.87.30)

प्रतिदास्ये च भवतां सर्वं चाहं भयक्षये । नारयः प्रतिदास्यन्ति यद्धरेयुर्बलादितः ॥

pratidāsye ca bhavatāṃ sarvaṃ cāhaṃ bhayakṣaye | nārayaḥ pratidāsyanti yaddhareyurbalāditaḥ

और भय के समाप्त होने पर मैं तुम्हें यह सब लौटा दूँगा; शत्रु तो जो यहाँ से बलपूर्वक ले जाएँगे उसे नहीं लौटाएँगे।

श्लोक 31 (12.87.31)

कलत्रमादितः कृत्वा सर्वं वो विनशेदिति । शरीरपुत्रदारार्थमर्थसंचय इष्यते ॥

kalatramāditaḥ kṛtvā sarvaṃ vo vinaśediti | śarīraputradārārthamarthasaṃcaya iṣyate

पत्नियों से आरम्भ करके तुम्हारा सब कुछ नष्ट हो जाएगा; और धन का संचय तो शरीर, पुत्र और पत्नी के लिए ही किया जाता है।

श्लोक 32 (12.87.32)

नन्दामि वः प्रभावेण पुत्राणामिव चोदये । यथाशक्त्युपगृह्णामि राष्ट्रस्यापीडया च वः ॥

nandāmi vaḥ prabhāveṇa putrāṇāmiva codaye | yathāśaktyupagṛhṇāmi rāṣṭrasyāpīḍayā ca vaḥ

मैं तुम्हारे समृद्ध होने में आनन्दित होता हूँ और तुम्हें अपने पुत्रों की तरह प्रेरित करता हूँ; मैं जितना ले सकता हूँ उतना ही लेता हूँ, तुम्हें और राष्ट्र को पीड़ा दिए बिना।

श्लोक 33 (12.87.33)

आपत्स्वेव निवोढव्यं भवद्भिः संगतैरिह । न वः प्रियतरं कार्यं धनं कस्यांचिदापदि ॥

āpatsveva nivoḍhavyaṃ bhavadbhiḥ saṃgatairiha | na vaḥ priyataraṃ kāryaṃ dhanaṃ kasyāṃcidāpadi

यह भार केवल आपत्तियों में ही यहाँ तुम सबको मिलकर उठाना है; किसी भी आपत्ति में मेरे लिए धन तुमसे अधिक प्रिय नहीं है।"

श्लोक 34 (12.87.34)

इति वाचा मधुरया श्लक्ष्णया सोपचारया । स्वरश्मीनभ्यवसृजेद्योगमाधाय कालवित् ॥

iti vācā madhurayā ślakṣṇayā sopacārayā | svaraśmīnabhyavasṛjedyogamādhāya kālavit

इस प्रकार मधुर, कोमल और विनयपूर्ण वाणी से कहकर, समय को जानने वाला राजा अपनी योजना निश्चित करके अपने अधिकारियों रूपी किरणों को (धन लेने के लिए) भेजे।

श्लोक 35 (12.87.35)

प्रचारं भृत्यभरणं व्ययं संग्रामतो भयम् । योगक्षेमं च संप्रेक्ष्य गोमिनः कारयेत्करम् ॥

pracāraṃ bhṛtyabharaṇaṃ vyayaṃ saṃgrāmato bhayam | yogakṣemaṃ ca saṃprekṣya gominaḥ kārayetkaram

चरागाह, सेवकों का पालन, व्यय, युद्ध का भय, और उनका लाभ तथा सुरक्षा देखकर वह गोपालकों पर कर लगवाए।

श्लोक 36 (12.87.36)

उपेक्षिता हि नश्येयुर्गोमिनोऽरण्यवासिनः । तस्मात्तेषु विशेषेण मृदुपूर्वं समाचरेत् ॥

upekṣitā hi naśyeyurgomino'raṇyavāsinaḥ | tasmātteṣu viśeṣeṇa mṛdupūrvaṃ samācaret

उपेक्षित होने पर वनों में रहने वाले गोपालक नष्ट हो जाएँगे; इसलिए उनके साथ विशेष रूप से कोमलता से व्यवहार करे।

श्लोक 37 (12.87.37)

सान्त्वनं रक्षणं दानमवस्था चाप्यभीक्ष्णशः । गोमिनां पार्थ कर्तव्यः संविभागः प्रियाणि च ॥

sāntvanaṃ rakṣaṇaṃ dānamavasthā cāpyabhīkṣṇaśaḥ | gomināṃ pārtha kartavyaḥ saṃvibhāgaḥ priyāṇi ca

हे पार्थ, गोपालकों के लिए बार-बार सान्त्वना, रक्षा, दान और बसने का स्थान, तथा हिस्सा और प्रिय वस्तुएँ देनी चाहिए।

श्लोक 38 (12.87.38)

अजस्रमुपयोक्तव्यं फलं गोमिषु भारत । प्रभावयन्ति राष्ट्रं च व्यवहारं कृषिं तथा ॥

ajasramupayoktavyaṃ phalaṃ gomiṣu bhārata | prabhāvayanti rāṣṭraṃ ca vyavahāraṃ kṛṣiṃ tathā

हे भारत, गोपालकों से मिलने वाले फल का निरन्तर उपयोग करना चाहिए; वे राष्ट्र, व्यापार और खेती को समृद्ध करते हैं।

श्लोक 39 (12.87.39)

तस्माद्गोमिषु यत्नेन प्रीतिं कुर्याद्विचक्षणः । दयावानप्रमत्तश्च करान्संप्रणयन्मृदून् ॥

tasmādgomiṣu yatnena prītiṃ kuryādvicakṣaṇaḥ | dayāvānapramattaśca karānsaṃpraṇayanmṛdūn

इसलिए विवेकी राजा यत्नपूर्वक गोपालकों के प्रति प्रेम रखे; दयालु और सावधान रहकर वह कोमल कर लगाए।

श्लोक 40 (12.87.40)

सर्वत्र क्षेमचरणं सुलभं नाम गोमिषु । न ह्यतः सदृशं किंचिद्धनमस्ति युधिष्ठिर ॥

sarvatra kṣemacaraṇaṃ sulabhaṃ nāma gomiṣu | na hyataḥ sadṛśaṃ kiṃciddhanamasti yudhiṣṭhira

गोपालकों के बीच सर्वत्र कुशल-क्षेम सहज ही मिलता है; हे युधिष्ठिर, इससे बढ़कर कोई धन नहीं है।