कृष्ण का धृतराष्ट्र को उलाहना और पाण्डवों से राजा का मिलन

श्लोक 1 (11.12.1)

तत एनमुपातिष्ठञ्शौचार्थं परिचारकाः । कृतशौचं पुनश्चैनं प्रोवाच मधुसूदनः ॥

tata enamupātiṣṭhañśaucārthaṃ paricārakāḥ | kṛtaśaucaṃ punaścainaṃ provāca madhusūdanaḥ

तब सेवक स्नानादि शुद्धि के लिए उनके पास आए; और जब वे शुद्ध हो चुके, तो मधुसूदन ने उनसे फिर कहा।

श्लोक 2 (11.12.2)

राजन्नधीता वेदास्ते शास्त्राणि विविधानि च । श्रुतानि च पुराणानि राजधर्माश्च केवलाः ॥

rājannadhītā vedāste śāstrāṇi vividhāni ca | śrutāni ca purāṇāni rājadharmāśca kevalāḥ

हे राजन्, आपने वेदों और अनेक शास्त्रों का अध्ययन किया है, पुराणों को सुना है, और राजधर्मों को भी पूरी तरह जाना है।

श्लोक 3 (11.12.3)

एवं विद्वान्महाप्राज्ञः समर्थः सन्बलाबले । आत्मापराधात्कस्मात्त्वं कुरुषे कोपमीदृशम् ॥

evaṃ vidvānmahāprājñaḥ samarthaḥ sanbalābale | ātmāparādhātkasmāttvaṃ kuruṣe kopamīdṛśam

आप जैसे विद्वान, महाप्राज्ञ और बल-अबल को परखने में समर्थ पुरुष अपने ही दोष से ऐसा क्रोध क्यों कर रहे हैं?

श्लोक 4 (11.12.4)

उक्तवांस्त्वां तदैवाहं भीष्मद्रोणौ च भारत । विदुरः सञ्जयश्चैव वाक्यं राजन्न तत्कृथाः ॥

uktavāṃstvāṃ tadaivāhaṃ bhīṣmadroṇau ca bhārata | viduraḥ sañjayaścaiva vākyaṃ rājanna tatkṛthāḥ

हे भारत, उस समय भीष्म, द्रोण, विदुर, संजय और मैंने भी आपसे कहा था; किन्तु हे राजन्, आपने उस बात पर अमल नहीं किया।

श्लोक 5 (11.12.5)

स वार्यमाणो नास्माकमकार्षीर्वचनं तदा । पाण्डवानधिकाञ्जानन्बले शौर्ये च कौरव ॥

sa vāryamāṇo nāsmākamakārṣīrvacanaṃ tadā | pāṇḍavānadhikāñjānanbale śaurye ca kaurava

रोके जाने पर भी आपने तब हमारी बात नहीं मानी, यद्यपि हे कौरव, आप जानते थे कि पाण्डव बल और शौर्य में बढ़कर हैं।

श्लोक 6 (11.12.6)

राजा हि यः स्थिरप्रज्ञः स्वयं दोषानवेक्षते । देशकालविभागं च परं श्रेयः स विन्दति ॥

rājā hi yaḥ sthiraprajñaḥ svayaṃ doṣānavekṣate | deśakālavibhāgaṃ ca paraṃ śreyaḥ sa vindati

जो राजा स्थिर बुद्धि वाला है, अपने दोषों को स्वयं देखता है और देश-काल के भेद को समझता है, वह परम कल्याण पाता है।

श्लोक 7 (11.12.7)

उच्यमानस्तु यः श्रेयो गृह्णीते नो हिताहिते । आपदः समनुप्राप्य सोऽभ्येति विलयं किल ॥

ucyamānastu yaḥ śreyo gṛhṇīte no hitāhite | āpadaḥ samanuprāpya so'bhyeti vilayaṃ kila

परन्तु जो पुरुष हित की बात कही जाने पर भी हित और अहित को ग्रहण नहीं करता, वह आपदाओं में पड़कर नाश को प्राप्त होता है।

श्लोक 8 (11.12.8)

ततोऽन्यवृत्तमात्मानं समवेक्षस्व भारत । राजंस्त्वं ह्यविधेयात्मा दुर्योधनवशे स्थितः ॥

tato'nyavṛttamātmānaṃ samavekṣasva bhārata | rājaṃstvaṃ hyavidheyātmā duryodhanavaśe sthitaḥ

इसलिए हे भारत, अपने उस आचरण को देखिए जो उचित से भिन्न था; हे राजन्, आप अपने वश में नहीं रहे और दुर्योधन के वश में बने रहे।

श्लोक 9 (11.12.9)

आत्मापराधादापन्नस्तत्किं भीमं जिघांससि । तस्मात्संयच्छ कोपं त्वं स्वमनुस्मृत्य दुष्कृतम् ॥

ātmāparādhādāpannastatkiṃ bhīmaṃ jighāṃsasi | tasmātsaṃyaccha kopaṃ tvaṃ svamanusmṛtya duṣkṛtam

अपने ही दोष से इस दशा में पहुँचकर आप भीम को क्यों मारना चाहते हैं? इसलिए अपने दुष्कर्म को स्मरण करके क्रोध को रोकिए।

श्लोक 10 (11.12.10)

यस्तु तां स्पर्धया क्षुद्रः पाञ्चालीमानयत्सभाम् । स हतो भीमसेनेन वैरं प्रतिजिहीर्षता ॥

yastu tāṃ spardhayā kṣudraḥ pāñcālīmānayatsabhām | sa hato bhīmasenena vairaṃ pratijihīrṣatā

जिस नीच ने डाह से पाञ्चाली को सभा में घसीट लाया था, वह उस वैर का बदला लेने की इच्छा वाले भीमसेन के हाथों मारा गया।

श्लोक 11 (11.12.11)

आत्मनोऽतिक्रमं पश्य पुत्रस्य च दुरात्मनः । यदनागसि पाण्डूनां परित्यागस्त्वया कृतः ॥

ātmano'tikramaṃ paśya putrasya ca durātmanaḥ | yadanāgasi pāṇḍūnāṃ parityāgastvayā kṛtaḥ

अपने और अपने दुष्ट पुत्र के उस अपराध को देखिए कि आपने निर्दोष पाण्डवों को त्याग दिया था।

श्लोक 12 (11.12.12)

एवमुक्तः स कृष्णेन सर्वं सत्यं जनाधिप । उवाच देवकीपुत्रं धृतराष्ट्रो महीपतिः ॥

evamuktaḥ sa kṛṣṇena sarvaṃ satyaṃ janādhipa | uvāca devakīputraṃ dhṛtarāṣṭro mahīpatiḥ

हे जनाधिप, कृष्ण द्वारा यह सब सत्य कहे जाने पर राजा धृतराष्ट्र ने देवकीपुत्र को उत्तर दिया।

श्लोक 13 (11.12.13)

एवमेतन्महाबाहो यथा वदसि माधव । पुत्रस्नेहस्तु बलवान्धर्मान्मां समचालयत् ॥

evametanmahābāho yathā vadasi mādhava | putrasnehastu balavāndharmānmāṃ samacālayat

हे महाबाहु माधव, जैसा आप कहते हैं वह ठीक वैसा ही है। पर पुत्र-स्नेह बलवान है, उसी ने मुझे धर्म से डिगा दिया।

श्लोक 14 (11.12.14)

दिष्ट्या तु पुरुषव्याघ्रो बलवान्सत्यविक्रमः । त्वद्गुप्तो नागमत्कृष्ण भीमो बाह्वन्तरं मम ॥

diṣṭyā tu puruṣavyāghro balavānsatyavikramaḥ | tvadgupto nāgamatkṛṣṇa bhīmo bāhvantaraṃ mama

सौभाग्य से, हे कृष्ण, सत्य पराक्रम वाला वह बलवान पुरुषसिंह भीम, आपसे सुरक्षित होने के कारण, मेरी भुजाओं के बीच नहीं आया।

श्लोक 15 (11.12.15)

इदानीं त्वहमव्यग्रो गतमन्युर्गतज्वरः । मध्यमं पाण्डवं वीरं स्प्रष्टुमिच्छामि माधव ॥

idānīṃ tvahamavyagro gatamanyurgatajvaraḥ | madhyamaṃ pāṇḍavaṃ vīraṃ spraṣṭumicchāmi mādhava

हे माधव, अब मैं शान्त हूँ, मेरा क्रोध और ताप चला गया है, और मैं मँझले पाण्डव, उस वीर को छूना चाहता हूँ।

श्लोक 16 (11.12.16)

हतेषु पार्थिवेन्द्रेषु पुत्रेषु निहतेषु च । पाण्डुपुत्रेषु मे धर्मः प्रीतिश्चाप्यवतिष्ठते ॥

hateṣu pārthivendreṣu putreṣu nihateṣu ca | pāṇḍuputreṣu me dharmaḥ prītiścāpyavatiṣṭhate

राजाओं और मेरे पुत्रों के मारे जाने पर भी पाण्डु के पुत्रों के प्रति मेरा धर्म और मेरी प्रीति बनी हुई है।

श्लोक 17 (11.12.17)

ततः स भीमं च धनञ्जयं च । माद्र्याश्च पुत्रौ पुरुषप्रवीरौ । पस्पर्श गात्रैः प्ररुदन्सुगात्रा- । नाश्वास्य कल्याणमुवाच चैनान् ॥

tataḥ sa bhīmaṃ ca dhanañjayaṃ ca | mādryāśca putrau puruṣapravīrau | pasparśa gātraiḥ prarudansugātrā- | nāśvāsya kalyāṇamuvāca cainān

तब रोते हुए उन्होंने भीम, धनंजय और माद्री के दोनों पुत्रों, उन श्रेष्ठ वीरों, को अपने अंगों से स्पर्श किया; और उन सुन्दर अंगों वाले राजकुमारों को ढाढ़स बँधाकर उनसे मंगलमय वचन कहे।