व्यास द्वारा गान्धारी के क्रोध का शमन

श्लोक 1 (11.13.1)

धृतराष्ट्राभ्यनुज्ञातास्ततस्ते कुरुपुङ्गवाः । अभ्ययुर्भ्रातरः सर्वे गान्धारीं सहकेशवाः ॥

dhṛtarāṣṭrābhyanujñātāstataste kurupuṅgavāḥ | abhyayurbhrātaraḥ sarve gāndhārīṃ sahakeśavāḥ

धृतराष्ट्र की अनुमति पाकर कुरुकुल के वे श्रेष्ठ भाई सब मिलकर केशव के साथ गान्धारी के पास गए।

श्लोक 2 (11.13.2)

ततो ज्ञात्वा हतामित्रं धर्मराजं युधिष्ठिरम् । गान्धारी पुत्रशोकार्ता शप्तुमैच्छदनिन्दिता ॥

tato jñātvā hatāmitraṃ dharmarājaṃ yudhiṣṭhiram | gāndhārī putraśokārtā śaptumaicchadaninditā

तब निर्दोष गान्धारी ने, पुत्रशोक से पीड़ित होकर, यह जानकर कि धर्मराज युधिष्ठिर ने अपने शत्रुओं को मार डाला है, उन्हें शाप देना चाहा।

श्लोक 3 (11.13.3)

तस्याः पापमभिप्रायं विदित्वा पाण्डवान्प्रति । ऋषिर्गन्धवतीपुत्रः प्रागेव समबुध्यत ॥

tasyāḥ pāpamabhiprāyaṃ viditvā pāṇḍavānprati | ṛṣirgandhavatīputraḥ prāgeva samabudhyata

पाण्डवों के प्रति उनके उस पापपूर्ण अभिप्राय को जानकर गन्धवती के पुत्र ऋषि ने उसे पहले ही समझ लिया।

श्लोक 4 (11.13.4)

स गङ्गायामुपस्पृश्य ब्रह्मर्षिः प्रयतः शुचिः । तं देशमुपसंपेदे पाराशर्यो मनोजवः ॥

sa gaṅgāyāmupaspṛśya brahmarṣiḥ prayataḥ śuciḥ | taṃ deśamupasaṃpede pārāśaryo manojavaḥ

पराशर के पुत्र वे पवित्र, संयमी ब्रह्मर्षि, जो मन के समान वेग वाले थे, गंगा में आचमन-स्नान करके उस स्थान पर आ पहुँचे।

श्लोक 5 (11.13.5)

दिव्येन चक्षुषा ज्ञात्वा मनसाऽनुद्धतेन च । सर्वप्राणभृतां भावं सततं स तु बुध्यति ॥

divyena cakṣuṣā jñātvā manasā'nuddhatena ca | sarvaprāṇabhṛtāṃ bhāvaṃ satataṃ sa tu budhyati

दिव्य दृष्टि से जानकर और शान्त मन से वे सदा सब प्राणियों के भाव को समझते रहते हैं।

श्लोक 6 (11.13.6)

स स्नुषामब्रवीत्काले कल्याणानि महातपाः । शापकालमवाक्षिप्य शमकालमुदीरयन् ॥

sa snuṣāmabravītkāle kalyāṇāni mahātapāḥ | śāpakālamavākṣipya śamakālamudīrayan

उन महातपस्वी ने उचित समय पर अपनी पुत्रवधू से कल्याणकारी वचन कहे; उन्होंने शाप के समय को टालकर शान्ति के समय की बात उठाई।

श्लोक 7 (11.13.7)

न कोपः पाण्डवे कार्यो गान्धारि शममाप्नुहि । रजो निगृह्यतां चैव शृणु चेदं वचो मम ॥

na kopaḥ pāṇḍave kāryo gāndhāri śamamāpnuhi | rajo nigṛhyatāṃ caiva śṛṇu cedaṃ vaco mama

गान्धारी, पाण्डव पर क्रोध नहीं करना चाहिए; शान्ति को प्राप्त हो। अपने आवेश को रोको और मेरी यह बात सुनो।

श्लोक 8 (11.13.8)

पुरोक्ता युद्धकाले त्वं पुत्रेण जयमिच्छता । जयमाशास्व मे मातर्युध्यमानस्य शत्रुभिः ॥

puroktā yuddhakāle tvaṃ putreṇa jayamicchatā | jayamāśāsva me mātaryudhyamānasya śatrubhiḥ

पहले युद्ध के समय विजय चाहने वाले तुम्हारे पुत्र ने तुमसे कहा था: "माता, शत्रुओं से लड़ते हुए मुझे विजय का आशीर्वाद दो।"

श्लोक 9 (11.13.9)

सा तथा याच्यमाना त्वं युद्धकाले जयैषिणा । उक्तवत्यसि कल्याणि यतो धर्मस्ततो जयः ॥

sā tathā yācyamānā tvaṃ yuddhakāle jayaiṣiṇā | uktavatyasi kalyāṇi yato dharmastato jayaḥ

इस प्रकार युद्ध के समय विजय चाहने वाले उसके द्वारा याचना किए जाने पर तुमने कहा था, हे कल्याणी: "जहाँ धर्म है, वहाँ विजय है।"

श्लोक 10 (11.13.10)

वाचाऽप्यतीते मा क्रोधे मनः कुरु यशस्विनि । स्मरामि भाषमाणां हि त्वामहं सत्यवादिनीम् ॥

vācā'pyatīte mā krodhe manaḥ kuru yaśasvini | smarāmi bhāṣamāṇāṃ hi tvāmahaṃ satyavādinīm

जब बात तुम्हारे अपने ही वचनों से निकल चुकी है, तो हे यशस्विनी, मन को क्रोध में मत लगाओ; मुझे स्मरण है कि तुम बोलते समय सत्य ही बोलती हो।

श्लोक 11 (11.13.11)

विग्रहे तुमुले राज्ञां गत्वा परमसंशयम् । जितं पाण्डुसुतैर्युद्धे नूनं धर्मस्ततोऽधिकः ॥

vigrahe tumule rājñāṃ gatvā paramasaṃśayam | jitaṃ pāṇḍusutairyuddhe nūnaṃ dharmastato'dhikaḥ

राजाओं के उस भयंकर संग्राम में परम संकट से गुज़रकर पाण्डु के पुत्रों ने युद्ध जीता है; निश्चय ही उनकी ओर धर्म अधिक था।

श्लोक 12 (11.13.12)

क्षमाशीला पुरा भूत्वा साऽद्य न क्षमसे कथम् । अधर्मे जहि धर्मज्ञे यतो धर्मस्ततो जयः ॥

kṣamāśīlā purā bhūtvā sā'dya na kṣamase katham | adharme jahi dharmajñe yato dharmastato jayaḥ

तुम पहले क्षमाशील थीं, फिर आज क्षमा क्यों नहीं करतीं? हे धर्म जानने वाली, अधर्म को छोड़ो: जहाँ धर्म है, वहाँ विजय है।

श्लोक 13 (11.13.13)

सा त्वं धर्मं परिस्मृत्य वाचं चोक्तां मनस्विनी । कोपं संयच्छ गान्धारि पाण्डवेषु सुतेषु ते ॥

sā tvaṃ dharmaṃ parismṛtya vācaṃ coktāṃ manasvinī | kopaṃ saṃyaccha gāndhāri pāṇḍaveṣu suteṣu te

हे उदार मन वाली गान्धारी, धर्म को और अपने कहे हुए वचन को स्मरण करके अपने पुत्रों-जैसे पाण्डवों के प्रति क्रोध को रोको।

श्लोक 14 (11.13.14)

भगवन्नाभ्यसूयामि नैतानिच्छामि नश्यतः । पुत्रशोकेन तु बलान्मनो विह्वलतीव मे ॥

bhagavannābhyasūyāmi naitānicchāmi naśyataḥ | putraśokena tu balānmano vihvalatīva me

भगवन्, मैं उनसे द्वेष नहीं करती और उनका नाश नहीं चाहती; परन्तु पुत्रशोक से मेरा मन बलपूर्वक विचलित-सा हो जाता है।

श्लोक 15 (11.13.15)

यथैव कुन्त्या कौन्तेया रक्षितव्यास्तथा मया । तथैव धृतराष्ट्रेण रक्षितव्या यथा त्वया ॥

yathaiva kuntyā kaunteyā rakṣitavyāstathā mayā | tathaiva dhṛtarāṣṭreṇa rakṣitavyā yathā tvayā

जैसे कुन्ती के पुत्रों की रक्षा कुन्ती को करनी है, वैसे ही मुझे भी करनी है; और उसी प्रकार धृतराष्ट्र को भी, जैसे आपको।

श्लोक 16 (11.13.16)

दुःशासनापराधेन शकुनेः सौबलस्य च । कर्णदुर्योधनाभ्यां च कृतोऽयं कुरुसंक्षयः ॥

duḥśāsanāparādhena śakuneḥ saubalasya ca | karṇaduryodhanābhyāṃ ca kṛto'yaṃ kurusaṃkṣayaḥ

कुरुओं का यह विनाश दुःशासन, सुबलपुत्र शकुनि तथा कर्ण और दुर्योधन के अपराध से हुआ है।

श्लोक 17 (11.13.17)

नापराध्यति बीभत्सुर्न च पार्थो वृकोदरः । नकुलः सहदेवश्च नैव राजा युधिष्ठिरः ॥

nāparādhyati bībhatsurna ca pārtho vṛkodaraḥ | nakulaḥ sahadevaśca naiva rājā yudhiṣṭhiraḥ

अर्जुन कोई अपराध नहीं करता, न कुन्तीपुत्र वृकोदर, न नकुल और सहदेव, और न राजा युधिष्ठिर ही।

श्लोक 18 (11.13.18)

युध्यमाना हि कौरव्याः कृतमानाः परस्परम् । निहताः सहिताश्चान्यैस्तत्र नास्त्यप्रियं मम ॥

yudhyamānā hi kauravyāḥ kṛtamānāḥ parasparam | nihatāḥ sahitāścānyaistatra nāstyapriyaṃ mama

अभिमान से भरे कौरव एक-दूसरे से लड़ते हुए दूसरों के साथ मारे गए; उसमें मुझे कुछ अप्रिय नहीं लगता।

श्लोक 19 (11.13.19)

किं तु कर्माकरोद्भीमो वासुदेवस्य पश्यतः । दुर्योधनं समाहूय गदायुद्धे महामनाः ॥

kiṃ tu karmākarodbhīmo vāsudevasya paśyataḥ | duryodhanaṃ samāhūya gadāyuddhe mahāmanāḥ

परन्तु भीम ने वासुदेव के देखते-देखते महामना दुर्योधन को गदायुद्ध के लिए बुलाकर जो किया —

श्लोक 20 (11.13.20)

शिक्षयाऽभ्यधिकं ज्ञात्वा चरन्तं बहुधा रणे । अधो नाभ्याः प्रहृतवांस्तन्मे कोपमवर्धयत् ॥

śikṣayā'bhyadhikaṃ jñātvā carantaṃ bahudhā raṇe | adho nābhyāḥ prahṛtavāṃstanme kopamavardhayat

उसे युद्ध में अनेक प्रकार से विचरते हुए कौशल में बढ़कर जानकर उसने नाभि के नीचे प्रहार किया; उसी ने मेरे क्रोध को बढ़ाया।

श्लोक 21 (11.13.21)

कथं नु धर्मं धर्मज्ञाः समुद्दिष्टं महात्मभिः । त्यजेयुराहवे शूराः प्राणहेतोः कथञ्चन ॥

kathaṃ nu dharmaṃ dharmajñāḥ samuddiṣṭaṃ mahātmabhiḥ | tyajeyurāhave śūrāḥ prāṇahetoḥ kathañcana

धर्म को जानने वाले शूर वीर महात्माओं द्वारा बताए गए धर्म को प्राणों के लिए युद्ध में कभी कैसे छोड़ सकते हैं?