भीम का उत्तर और गान्धारी का उलाहना

श्लोक 1 (11.14.1)

तच्छ्रुत्वा वचनं तस्या भीमसेनोऽथ भीतवत् । गान्धारीं प्रत्युवाचेदं वचः सानुनयं तदा ॥

tacchrutvā vacanaṃ tasyā bhīmaseno'tha bhītavat | gāndhārīṃ pratyuvācedaṃ vacaḥ sānunayaṃ tadā

उनके वचन सुनकर भीमसेन ने मानो भयभीत होकर गान्धारी को ये विनम्र वचन कहे।

श्लोक 2 (11.14.2)

अधर्मो यदि वा धर्मस्त्रासात्तत्र मया कृतः । आत्मानं त्रातुकामेन तन्मे त्वं क्षन्तुमर्हसि ॥

adharmo yadi vā dharmastrāsāttatra mayā kṛtaḥ | ātmānaṃ trātukāmena tanme tvaṃ kṣantumarhasi

वह अधर्म हो या धर्म, मैंने भय के कारण, अपनी रक्षा की इच्छा से किया; इसके लिए आपको मुझे क्षमा कर देना चाहिए।

श्लोक 3 (11.14.3)

न हि युद्धेन पुत्रस्ते धर्मेण स महाबलः । दुःशक्यः केनचिद्धर्तुमतो विषममाचरम् ॥

na hi yuddhena putraste dharmeṇa sa mahābalaḥ | duḥśakyaḥ kenaciddhartumato viṣamamācaram

धर्मयुद्ध में आपके उस महाबली पुत्र को कोई भी नहीं जीत सकता था; इसीलिए मैंने कुटिल ढंग से लड़ाई की।

श्लोक 4 (11.14.4)

अधर्मेण जितः पूर्वं तेन चापि युधिष्ठिरः । निकृताश्च सदैव स्म ततो विषममाचरम् ॥

adharmeṇa jitaḥ pūrvaṃ tena cāpi yudhiṣṭhiraḥ | nikṛtāśca sadaiva sma tato viṣamamācaram

उसने पहले अधर्म से युधिष्ठिर को हराया था, और हम सदा छले जाते रहे; इसीलिए मैंने कुटिल ढंग से लड़ाई की।

श्लोक 5 (11.14.5)

सैन्यस्यैकोऽवशिष्टोऽयं गदायुद्धे च वीर्यवान् । न त्यक्ष्यति हृतं राज्यमिति वै तत्कृतं मया ॥

sainyasyaiko'vaśiṣṭo'yaṃ gadāyuddhe ca vīryavān | na tyakṣyati hṛtaṃ rājyamiti vai tatkṛtaṃ mayā

सेना में वही अकेला बचा था और गदायुद्ध में बलवान था; "वह छीना हुआ राज्य नहीं छोड़ेगा": इसीलिए मैंने वह किया।

श्लोक 6 (11.14.6)

एकपत्नीं च पाञ्चालीमेकवस्त्रां रजस्वलाम् । भवत्या विदितं सर्वमुक्तवान्यत्सुतस्तव ॥

ekapatnīṃ ca pāñcālīmekavastrāṃ rajasvalām | bhavatyā viditaṃ sarvamuktavānyatsutastava

हम सबकी एकमात्र पत्नी पाञ्चाली के विषय में, जो एक वस्त्र में और रजस्वला थी, आपके पुत्र ने जो कुछ कहा था वह सब आप जानती हैं।

श्लोक 7 (11.14.7)

सुयोधनं त्वसंहृत्य न शक्या भूः ससागरा । केवला भोक्तुमस्माभिरतश्चैतत्कृतं मया ॥

suyodhanaṃ tvasaṃhṛtya na śakyā bhūḥ sasāgarā | kevalā bhoktumasmābhirataścaitatkṛtaṃ mayā

सुयोधन का नाश किए बिना हम सागरों सहित सारी पृथ्वी को अखण्ड रूप से नहीं भोग सकते थे; इसीलिए मैंने यह किया।

श्लोक 8 (11.14.8)

तच्चाप्यप्रियमस्माकं पुत्रस्ते समुपाचरत् । द्रौपद्या यत्सभामध्ये सव्यमूरुमदर्शयत् ॥

taccāpyapriyamasmākaṃ putraste samupācarat | draupadyā yatsabhāmadhye savyamūrumadarśayat

और आपके पुत्र ने हमारे साथ एक और अप्रिय कर्म किया: सभा के बीच उसने द्रौपदी को अपनी बाईं जाँघ दिखाई।

श्लोक 9 (11.14.9)

तत्रैव वध्यः सोऽस्माकं दुराचारोऽम्ब ते सुतः । धर्मराजाज्ञया चैव स्थिताः स्म समये पुरा ॥

tatraiva vadhyaḥ so'smākaṃ durācāro'mba te sutaḥ | dharmarājājñayā caiva sthitāḥ sma samaye purā

उसी समय आपका वह दुराचारी पुत्र हमारे हाथों मारा जाना चाहिए था, माता; परन्तु धर्मराज की आज्ञा से हम तब अपनी प्रतिज्ञा में ही बँधे रहे।

श्लोक 10 (11.14.10)

वैरमुद्दीपितं राज्ञि पुत्रेण तव यन्महत् । क्लेशिताश्च वने नित्यं तत एतत्कृतं मया ॥

vairamuddīpitaṃ rājñi putreṇa tava yanmahat | kleśitāśca vane nityaṃ tata etatkṛtaṃ mayā

हे रानी, आपके पुत्र ने जो महान् वैर भड़काया था और वन में हमें जो निरन्तर कष्ट दिए गए, इसीलिए मैंने यह किया।

श्लोक 11 (11.14.11)

वैरस्यास्य गताः पारं हत्वा दुर्योधनं रणे । राज्यं युधिष्ठिरे प्राप्ते वयं च गतमन्यवः ॥

vairasyāsya gatāḥ pāraṃ hatvā duryodhanaṃ raṇe | rājyaṃ yudhiṣṭhire prāpte vayaṃ ca gatamanyavaḥ

रण में दुर्योधन को मारकर हम इस वैर के पार पहुँच गए हैं; राज्य युधिष्ठिर को मिल जाने पर हमारा क्रोध भी शान्त हो गया है।

श्लोक 12 (11.14.12)

न तस्यैवं वधस्तात यं प्रशंससि मे सुतम् । कृतवांश्चापि तत्सर्वं यदिदं भाषसे मयि ॥

na tasyaivaṃ vadhastāta yaṃ praśaṃsasi me sutam | kṛtavāṃścāpi tatsarvaṃ yadidaṃ bhāṣase mayi

वत्स, मेरे जिस पुत्र की तुम प्रशंसा करते हो, उसका वध इस प्रकार नहीं होना चाहिए था; यद्यपि उसने वह सब किया भी है जो तुम मुझसे कहते हो।

श्लोक 13 (11.14.13)

हताश्वे नकुले यत्तु वृषसेनेन भारत । अपिबः शोणितं सङ्ख्ये दुःशासनशरीरजम् ॥

hatāśve nakule yattu vṛṣasenena bhārata | apibaḥ śoṇitaṃ saṅkhye duḥśāsanaśarīrajam

पर हे भारत, जब वृषसेन ने नकुल के घोड़े मार डाले, तब तुमने युद्ध में दुःशासन के शरीर से निकला रक्त पिया।

श्लोक 14 (11.14.14)

सद्भिर्विगर्हितं घोरमनार्यजनसेवितम् । क्रूरं कर्माकृथास्तस्मात्तदयुक्तं वृकोदर ॥

sadbhirvigarhitaṃ ghoramanāryajanasevitam | krūraṃ karmākṛthāstasmāttadayuktaṃ vṛkodara

वह क्रूर कर्म सज्जनों द्वारा निन्दित और नीच जनों द्वारा किया जाने वाला था; इसलिए हे वृकोदर, तुमने जो किया वह अनुचित था।

श्लोक 15 (11.14.15)

हताश्वं नकुलं दृष्ट्वा वृषसेनेन संयुगे । शत्रूणां तु प्रहृष्टानां त्रासः सञ्जनितो मया ॥

hatāśvaṃ nakulaṃ dṛṣṭvā vṛṣasenena saṃyuge | śatrūṇāṃ tu prahṛṣṭānāṃ trāsaḥ sañjanito mayā

युद्ध में वृषसेन द्वारा नकुल को घोड़ों से रहित देखकर मैंने हर्ष मनाते हुए शत्रुओं में त्रास उत्पन्न किया।

श्लोक 16 (11.14.16)

स प्रतिज्ञामकरवं पिबाम्यसृगरेरिति । रुधिरं नातिचक्राम दन्तोष्ठादम्ब मा शुचः ॥

sa pratijñāmakaravaṃ pibāmyasṛgareriti | rudhiraṃ nāticakrāma dantoṣṭhādamba mā śucaḥ

मैंने प्रतिज्ञा की थी, "मैं शत्रु का रक्त पिऊँगा"; पर वह रक्त मेरे दाँतों और होंठों से आगे नहीं गया, माता। आप शोक न कीजिए।

श्लोक 17 (11.14.17)

अन्यस्यापि न पातव्यं रुधिरं किंपुनः स्वकम् । यथैवात्मा तथा भ्राता विशेषो नास्ति कश्चन ॥

anyasyāpi na pātavyaṃ rudhiraṃ kiṃpunaḥ svakam | yathaivātmā tathā bhrātā viśeṣo nāsti kaścana

दूसरे का रक्त भी नहीं पिया जाना चाहिए, फिर अपने का तो कहना ही क्या; जैसा अपना आत्मा है वैसा ही भाई है, इनमें कोई भेद नहीं।

श्लोक 18 (11.14.18)

वैवस्वतो हि तद्वेद यथावत्कुलनन्दिनि । मा कृथा हृदि तन्मातर्न तत्पीतं मयाऽनधे ॥

vaivasvato hi tadveda yathāvatkulanandini | mā kṛthā hṛdi tanmātarna tatpītaṃ mayā'nadhe

हे कुल को आनन्द देने वाली, वैवस्वत यम इसे ठीक-ठीक जानता है। माता, हे निष्पाप, आप इसे मन में न रखिए: वह मेरे द्वारा पिया नहीं गया।

श्लोक 19 (11.14.19)

केशपक्षपरामर्शे द्रौपद्या द्यूतकारिते । क्रोधाद्यदब्रवं चाहं तच्च मे हृदि वर्तते ॥

keśapakṣaparāmarśe draupadyā dyūtakārite | krodhādyadabravaṃ cāhaṃ tacca me hṛdi vartate

द्यूत से हुए द्रौपदी के केश-ग्रहण के समय मैंने क्रोध में जो कहा था, वह मेरे हृदय में बना हुआ है।

श्लोक 20 (11.14.20)

क्षत्रधर्माच्च्युतो राज्ञि भवेयं शाश्वतीः समाः । प्रतिज्ञां तामनिस्तीर्य ततस्तत्कृतवानहम् ॥

kṣatradharmāccyuto rājñi bhaveyaṃ śāśvatīḥ samāḥ | pratijñāṃ tāmanistīrya tatastatkṛtavānaham

हे रानी, उस प्रतिज्ञा को पूरा किए बिना मैं अनन्त वर्षों तक क्षत्रिय-धर्म से गिरा रहता; इसीलिए मैंने वह किया।

श्लोक 21 (11.14.21)

अनिगृह्य पुरा पुत्रानस्मास्वनपकारिषु । न ममार्हसि कल्याणि दोषेण परिशङ्कितुम् ॥

anigṛhya purā putrānasmāsvanapakāriṣu | na mamārhasi kalyāṇi doṣeṇa pariśaṅkitum

आपने पहले अपने पुत्रों को नहीं रोका, जब वे हम निरपराधों के साथ अन्याय कर रहे थे; इसलिए हे कल्याणी, आपको मुझ पर दोष की शंका नहीं करनी चाहिए।

श्लोक 22 (11.14.22)

वृद्धस्यास्य शतं पुत्रान्निघ्नंस्त्वमपराजितः । कस्मानाशेषयः कञ्चिद्येनाल्पमपराधितम् ॥

vṛddhasyāsya śataṃ putrānnighnaṃstvamaparājitaḥ | kasmānāśeṣayaḥ kañcidyenālpamaparādhitam

हे अपराजित, तुमने इस वृद्ध के सौ पुत्रों को मार डाला; जिसने थोड़ा ही अपराध किया था, ऐसे किसी एक को भी तुमने क्यों नहीं छोड़ा?

श्लोक 23 (11.14.23)

सन्तानमावयोस्तात वृद्धयोर्हृतराज्ययोः । नाशेषयः कथं यष्टिमेकां वृद्धयुगस्य वै ॥

santānamāvayostāta vṛddhayorhṛtarājyayoḥ | nāśeṣayaḥ kathaṃ yaṣṭimekāṃ vṛddhayugasya vai

वत्स, हम दोनों बूढ़ों की, जिनका राज्य छिन गया है, सन्तान को तुमने क्यों नहीं बचाया? इस बूढ़े जोड़े के लिए एक लाठी तक क्यों नहीं छोड़ी?

श्लोक 24 (11.14.24)

शेषे ह्यवस्थिते तात पुत्राणामल्पकेऽपि च । मन्ददुःखं भवेदद्य यदि त्वं धर्ममाचरेः ॥

śeṣe hyavasthite tāta putrāṇāmalpake'pi ca | mandaduḥkhaṃ bhavedadya yadi tvaṃ dharmamācareḥ

यदि मेरे पुत्रों में से थोड़ा-सा भी शेष रह जाता, तो आज मेरा दुःख हल्का होता, यदि तुम धर्म का आचरण करते।