विदुर द्वारा धृतराष्ट्र को सान्त्वना: काल, मृत्यु और कर्मफल

श्लोक 1 (11.2.1)

ततोऽमृतरसैर्वाक्यैर्ह्लादयन्पुरुषर्षभम् । वैचित्रवीर्यं विदुरो यदुवाच निबोध तत् ॥

tato'mṛtarasairvākyairhlādayanpuruṣarṣabham | vaicitravīryaṃ viduro yaduvāca nibodha tat

तब अमृत के समान मधुर वचनों से पुरुषश्रेष्ठ विचित्रवीर्य-पुत्र को आनन्दित करते हुए विदुर ने जो कहा, उसे सुनो।

श्लोक 2 (11.2.2)

उत्तिष्ठ राजन्किं शेषे धारयात्मानमात्मना । एषा वै सर्वसत्वानां लोकेश्वर परा गतिः ॥

uttiṣṭha rājankiṃ śeṣe dhārayātmānamātmanā | eṣā vai sarvasatvānāṃ lokeśvara parā gatiḥ

हे राजन्, उठिए, क्यों पड़े हैं? अपने आपको अपने ही द्वारा सँभालिए। हे लोकेश्वर, सब प्राणियों की यही अन्तिम गति है।

श्लोक 3 (11.2.3)

सर्वे क्षयान्ता निचयाः पतनान्ताः समुच्छ्रयाः । संयोगा विप्रयोगान्ता मरणान्तं च जीवितम् ॥

sarve kṣayāntā nicayāḥ patanāntāḥ samucchrayāḥ | saṃyogā viprayogāntā maraṇāntaṃ ca jīvitam

सब संचय अन्त में क्षय में, सब ऊँचाइयाँ पतन में, सब संयोग वियोग में और जीवन मृत्यु में समाप्त होता है।

श्लोक 4 (11.2.4)

यदा शूरं च भीरुं च यमः कर्षति भारत । तत्किं न योत्स्यन्ति हि ते क्षत्रियाः क्षत्रियर्षभ ॥

yadā śūraṃ ca bhīruṃ ca yamaḥ karṣati bhārata | tatkiṃ na yotsyanti hi te kṣatriyāḥ kṣatriyarṣabha

हे भारत, जब यम शूर और कायर दोनों को खींच ले जाता है, तब हे क्षत्रियश्रेष्ठ, वे क्षत्रिय क्यों न लड़ें?

श्लोक 5 (11.2.5)

अयुध्यमानो म्रियते युध्यमानश्च जीवति । कालं प्राप्य महाराज न कश्चिदतिवर्तते ॥

ayudhyamāno mriyate yudhyamānaśca jīvati | kālaṃ prāpya mahārāja na kaścidativartate

जो नहीं लड़ता वह भी मरता है और जो लड़ता है वह भी जीता रह सकता है; हे महाराज, समय आने पर कोई उसे लाँघ नहीं सकता।

श्लोक 6 (11.2.6)

अभावादीनि भूतानि भावमध्यानि भारत । अभावनिधनान्येव तत्र का परिदेवना ॥

abhāvādīni bhūtāni bhāvamadhyāni bhārata | abhāvanidhanānyeva tatra kā paridevanā

हे भारत, प्राणी आरम्भ में अव्यक्त होते हैं, बीच में व्यक्त और अन्त में फिर अव्यक्त हो जाते हैं; इसमें शोक कैसा?

श्लोक 7 (11.2.7)

न शोचन्मृतमन्वेति न शोचन्म्रियते नरः । एवं सांसिद्धिके लोके किमर्थमनुशोचसि ॥

na śocanmṛtamanveti na śocanmriyate naraḥ | evaṃ sāṃsiddhike loke kimarthamanuśocasi

शोक करने से कोई मरे हुए के पीछे नहीं जाता और शोक करने से कोई मरता भी नहीं; संसार का यही स्वभाव है, फिर आप किसलिए शोक करते हैं?

श्लोक 8 (11.2.8)

कालः कर्षति भूतानि सर्वाणि विविधान्युत । न कालस्य प्रियः कश्चिन्न द्वेष्यः कुरुसत्तम ॥

kālaḥ karṣati bhūtāni sarvāṇi vividhānyuta | na kālasya priyaḥ kaścinna dveṣyaḥ kurusattama

हे कुरुश्रेष्ठ, काल अनेक प्रकार के सब प्राणियों को खींचता है; काल को न कोई प्रिय है, न कोई द्वेष्य।

श्लोक 9 (11.2.9)

यथा वायुस्तृणाग्राणि संवर्तयति सर्वशः । तथा कालवशं यान्ति भूतानि भरतर्षभ ॥

yathā vāyustṛṇāgrāṇi saṃvartayati sarvaśaḥ | tathā kālavaśaṃ yānti bhūtāni bharatarṣabha

हे भरतश्रेष्ठ, जैसे वायु तिनकों के अग्र भागों को चारों ओर उड़ाती है, वैसे ही प्राणी काल के वश में चले जाते हैं।

श्लोक 10 (11.2.10)

एकसार्थप्रयातानां सर्वेषां तत्र गामिनाम् । यस्य कालः स यात्यग्रे तत्र का परिदेवना ॥

ekasārthaprayātānāṃ sarveṣāṃ tatra gāminām | yasya kālaḥ sa yātyagre tatra kā paridevanā

एक ही काफ़िले में साथ चलने वाले, एक ही ओर जाने वालों में जिसका समय आ जाता है वह आगे निकल जाता है; इसमें शोक कैसा?

श्लोक 11 (11.2.11)

न चाप्येतान्हतान्युद्धे राजञ्शोचितुमर्हसि । प्रमाणं यदि शास्त्राणि गतास्ते परमां गतिम् ॥

na cāpyetānhatānyuddhe rājañśocitumarhasi | pramāṇaṃ yadi śāstrāṇi gatāste paramāṃ gatim

हे राजन्, युद्ध में मारे गए इन लोगों के लिए भी आपको शोक नहीं करना चाहिए; यदि शास्त्र प्रमाण हैं तो वे परम गति को गए हैं।

श्लोक 12 (11.2.12)

सर्वे स्वाध्यायवन्तो हि सर्वे च चरितव्रताः । सर्वे चाभिमुखाः क्षीणास्तत्र का परिदेवना ॥

sarve svādhyāyavanto hi sarve ca caritavratāḥ | sarve cābhimukhāḥ kṣīṇāstatra kā paridevanā

सभी स्वाध्याय करने वाले थे, सभी ने व्रतों का आचरण किया था, और सभी सामने से लड़ते हुए मारे गए; इसमें शोक कैसा?

श्लोक 13 (11.2.13)

अदर्शनादापतिताः पुनश्चादर्शनं गताः । नैते तव न तेषां त्वं तत्र का परिदेवना ॥

adarśanādāpatitāḥ punaścādarśanaṃ gatāḥ | naite tava na teṣāṃ tvaṃ tatra kā paridevanā

वे अदृश्य से आए थे और फिर अदृश्य में चले गए। वे न आपके हैं, न आप उनके; इसमें शोक कैसा?

श्लोक 14 (11.2.14)

हतो हि लभते स्वर्गं जित्वा च लभते यशः । उभयं नो बहुगुणं नास्ति निष्फलता रणे ॥

hato hi labhate svargaṃ jitvā ca labhate yaśaḥ | ubhayaṃ no bahuguṇaṃ nāsti niṣphalatā raṇe

मारा जाने वाला स्वर्ग पाता है और जीतने वाला यश पाता है; हमारे लिए दोनों ही बहुत गुणकारी हैं, युद्ध निष्फल नहीं होता।

श्लोक 15 (11.2.15)

तेषां कामदुघाँल्लोकानिन्द्रः सङ्कल्पयिष्यति । इन्द्रस्यातिथयो ह्येते भवन्ति भरतर्षभ ॥

teṣāṃ kāmadughām̐llokānindraḥ saṅkalpayiṣyati | indrasyātithayo hyete bhavanti bharatarṣabha

इन्द्र उनके लिए सब कामनाएँ पूर्ण करने वाले लोकों की व्यवस्था करेंगे। हे भरतश्रेष्ठ, ये तो इन्द्र के अतिथि हो गए हैं।

श्लोक 16 (11.2.16)

न यज्ञैर्दक्षिणावद्भिर्न तपोभिर्न विद्यया । स्वर्गं यान्ति तथा मर्त्या यथा शूरा रणे हताः ॥

na yajñairdakṣiṇāvadbhirna tapobhirna vidyayā | svargaṃ yānti tathā martyā yathā śūrā raṇe hatāḥ

दक्षिणा वाले यज्ञों से, तपों से या विद्या से मनुष्य उस प्रकार स्वर्ग नहीं जाते, जैसे रण में मारे गए शूर जाते हैं।

श्लोक 17 (11.2.17)

शरीराग्निषु शूराणां जुहुवुस्ते शराहुतीः । हूयमानाञ्शरांश्चैव सेहुस्तेजस्विनो मिथः ॥

śarīrāgniṣu śūrāṇāṃ juhuvuste śarāhutīḥ | hūyamānāñśarāṃścaiva sehustejasvino mithaḥ

उन तेजस्वी वीरों ने अपने शरीररूपी अग्नियों में बाणों की आहुतियाँ दीं, और परस्पर होमे जाते हुए बाणों को सहा।

श्लोक 18 (11.2.18)

एवं राजंस्तवाचक्षे स्वर्ग्यं पन्थानमुत्तमम् । न युद्धादधिकं किञ्चित्क्षत्रियस्येह विद्यते ॥

evaṃ rājaṃstavācakṣe svargyaṃ panthānamuttamam | na yuddhādadhikaṃ kiñcitkṣatriyasyeha vidyate

हे राजन्, मैं आपको इस प्रकार स्वर्ग का सर्वोत्तम मार्ग बताता हूँ; क्षत्रिय के लिए यहाँ युद्ध से बढ़कर कुछ नहीं है।

श्लोक 19 (11.2.19)

क्षत्रियास्ते महात्मानः शूराः समितिशोभनाः । आशिषः परमाः प्राप्ता न शोच्याः सर्व एव हि ॥

kṣatriyāste mahātmānaḥ śūrāḥ samitiśobhanāḥ | āśiṣaḥ paramāḥ prāptā na śocyāḥ sarva eva hi

वे महात्मा क्षत्रिय, शूर और सभाओं की शोभा, परम अभीष्ट फल पा चुके हैं; उनमें से कोई भी शोक के योग्य नहीं है।

श्लोक 20 (11.2.20)

आत्मानमात्मनाऽऽश्वास्य मा शुचः पुरुषर्षभ । नाद्य शोकाभिभूतस्त्वं कायमुत्स्रष्टुमर्हसि ॥

ātmānamātmanā''śvāsya mā śucaḥ puruṣarṣabha | nādya śokābhibhūtastvaṃ kāyamutsraṣṭumarhasi

हे पुरुषश्रेष्ठ, अपने आपको अपने ही द्वारा समझाइए और शोक न कीजिए। शोक से अभिभूत होकर आपको आज शरीर नहीं छोड़ना चाहिए।

श्लोक 21 (11.2.21)

मातापितृसहस्राणि पुत्रदारशतानि च । संसारेष्वनुभूतानि कस्य ते कस्य वा वयम् ॥

mātāpitṛsahasrāṇi putradāraśatāni ca | saṃsāreṣvanubhūtāni kasya te kasya vā vayam

इस संसार-चक्र में हज़ारों माता-पिता और सैकड़ों पुत्र-पत्नियाँ हम अनुभव कर चुके हैं; वे किसके हैं, और हम किसके?

श्लोक 22 (11.2.22)

शोकस्थानसहस्राणि भयस्थानशतानि च । दिवसेदिवसे मूढमाविशन्ति न पण्डितम् ॥

śokasthānasahasrāṇi bhayasthānaśatāni ca | divasedivase mūḍhamāviśanti na paṇḍitam

शोक के हज़ारों और भय के सैकड़ों कारण दिन-प्रतिदिन मूढ़ मनुष्य में घुसते हैं, पण्डित में नहीं।

श्लोक 23 (11.2.23)

न कालस्य प्रियः कश्चिन्न द्वेष्यः कुरुसत्तम । न मध्यस्थः क्वचित्कालः सर्वं कालः प्रकर्षति ॥

na kālasya priyaḥ kaścinna dveṣyaḥ kurusattama | na madhyasthaḥ kvacitkālaḥ sarvaṃ kālaḥ prakarṣati

हे कुरुश्रेष्ठ, काल को न कोई प्रिय है, न द्वेष्य; काल कहीं तटस्थ भी नहीं है — वह सबको खींचता चलता है।

श्लोक 24 (11.2.24)

कालः पचति भूतानि कालः संहरते प्रजाः । कालः सुप्तेषु जागर्ति कालो हि दुरतिक्रमः ॥

kālaḥ pacati bhūtāni kālaḥ saṃharate prajāḥ | kālaḥ supteṣu jāgarti kālo hi duratikramaḥ

काल प्राणियों को पकाता है, काल प्रजाओं को समेट लेता है, सबके सो जाने पर भी काल जागता है; काल को लाँघना कठिन है।

श्लोक 25 (11.2.25)

अनित्यं यौवनं रूपं जीवितं द्रव्यसञ्चयः । आरोग्यं प्रियसंवासो गृद्ध्येदेषु न पण्डितः ॥

anityaṃ yauvanaṃ rūpaṃ jīvitaṃ dravyasañcayaḥ | ārogyaṃ priyasaṃvāso gṛddhyedeṣu na paṇḍitaḥ

यौवन, रूप, जीवन, धन का संचय, आरोग्य और प्रियजनों का साथ — ये सब अनित्य हैं; पण्डित इनमें आसक्त नहीं होता।

श्लोक 26 (11.2.26)

न जानपदिकं दुःखमेकः शोचितुमर्हसि । अप्यभावेन युज्येत तच्चास्य न निवर्तते ॥

na jānapadikaṃ duḥkhamekaḥ śocitumarhasi | apyabhāvena yujyeta taccāsya na nivartate

जो दुःख सारे जनपद का साझा है, उसके लिए आपको अकेले शोक नहीं करना चाहिए। शोक करने वाला भी नाश को प्राप्त हो सकता है, और वह दुःख फिर भी उसका पीछा नहीं छोड़ता।

श्लोक 27 (11.2.27)

अशोचन्प्रतिकुर्वीत यदि पश्येत्पराक्रमम् । भैषज्यमेतद्दुःखस्य यदेतन्नानुचिन्तयेत् । चिन्त्यमानं हि न व्येति भूयश्चापि प्रवर्धते ॥

aśocanpratikurvīta yadi paśyetparākramam | bhaiṣajyametadduḥkhasya yadetannānucintayet | cintyamānaṃ hi na vyeti bhūyaścāpi pravardhate

यदि कोई उपाय दिखे तो बिना शोक किए उसका प्रतिकार करना चाहिए। दुःख की यही दवा है कि उसका चिन्तन न किया जाए; चिन्तन करने से वह मिटता नहीं, उलटे और बढ़ता है।

श्लोक 28 (11.2.28)

अनिष्टसम्प्रयोगाच्च विप्रयोगात्प्रियस्य च । मानुषा मानसैर्दुःखैर्युज्यन्ते येऽल्पबुद्धयः ॥

aniṣṭasamprayogācca viprayogātpriyasya ca | mānuṣā mānasairduḥkhairyujyante ye'lpabuddhayaḥ

अप्रिय के संयोग और प्रिय के वियोग से अल्पबुद्धि मनुष्य मानसिक दुःखों से ग्रस्त होते हैं।

श्लोक 29 (11.2.29)

नार्थो न धर्मो न सुखं यदेतदनुशोचति । तच्च नाप्नोति कार्यार्थं त्रिवर्गाच्चैव भ्रश्यते ॥

nārtho na dharmo na sukhaṃ yadetadanuśocati | tacca nāpnoti kāryārthaṃ trivargāccaiva bhraśyate

जो इस प्रकार शोक करता है, उसे न अर्थ मिलता है, न धर्म, न सुख; वह अपना कार्य-प्रयोजन भी नहीं साध पाता और त्रिवर्ग से गिर जाता है।

श्लोक 30 (11.2.30)

अन्योन्यबाधनावस्थां प्राप्य वैषयिकीं नराः । असन्तुष्टाः प्रमुह्यन्ति सन्तोषं यान्ति पण्डिताः ॥

anyonyabādhanāvasthāṃ prāpya vaiṣayikīṃ narāḥ | asantuṣṭāḥ pramuhyanti santoṣaṃ yānti paṇḍitāḥ

विषयों की परस्पर बाधा वाली अवस्था को पाकर असन्तुष्ट लोग मोह में पड़ते हैं, जबकि पण्डित सन्तोष को प्राप्त होते हैं।

श्लोक 31 (11.2.31)

प्रज्ञया मानसं दुःखं हन्याच्छारीरमौषधैः । एतद्विज्ञानसामर्थ्यं न बालैः समतामियात् ॥

prajñayā mānasaṃ duḥkhaṃ hanyācchārīramauṣadhaiḥ | etadvijñānasāmarthyaṃ na bālaiḥ samatāmiyāt

मानसिक दुःख को बुद्धि से और शारीरिक दुःख को औषधियों से दूर करना चाहिए; ज्ञान का यही सामर्थ्य है — मनुष्य बालकों के समान न हो।

श्लोक 32 (11.2.32)

शयानं चानुशेते हि तिष्ठन्तं चानुतिष्ठति । अनुधावति धावन्तं कर्म पूर्वकृतं नरम् ॥

śayānaṃ cānuśete hi tiṣṭhantaṃ cānutiṣṭhati | anudhāvati dhāvantaṃ karma pūrvakṛtaṃ naram

पहले किया हुआ कर्म सोते हुए मनुष्य के साथ सोता है, खड़े होने पर खड़ा होता है और दौड़ने पर उसके पीछे दौड़ता है।

श्लोक 33 (11.2.33)

यस्यांयस्यामवस्थायां यत्करोति शुभाशुभम् । तस्यांतस्यामवस्थायां तत्तत्फलमवाप्नुते ॥

yasyāṃyasyāmavasthāyāṃ yatkaroti śubhāśubham | tasyāṃtasyāmavasthāyāṃ tattatphalamavāpnute

मनुष्य जिस-जिस अवस्था में जो शुभ या अशुभ कर्म करता है, उसी-उसी अवस्था में उसका फल पाता है।

श्लोक 34 (11.2.34)

येनयेन शरीरेण यद्यत्कर्म करोति यः । तेनतेन शरीरेण तत्फलं समुपाश्नुते ॥

yenayena śarīreṇa yadyatkarma karoti yaḥ | tenatena śarīreṇa tatphalaṃ samupāśnute

जो जिस-जिस शरीर से जो-जो कर्म करता है, उसी-उसी शरीर से उसका फल भोगता है।

श्लोक 35 (11.2.35)

आत्मैव ह्यात्मनो मित्रमात्मैव रिपुरात्मनः । आत्मैव ह्यात्मनः साक्षी कृतस्यापकृतस्य च ॥

ātmaiva hyātmano mitramātmaiva ripurātmanaḥ | ātmaiva hyātmanaḥ sākṣī kṛtasyāpakṛtasya ca

आत्मा ही आत्मा का मित्र है और आत्मा ही आत्मा का शत्रु; आत्मा ही किए और न किए कर्मों का साक्षी है।

श्लोक 36 (11.2.36)

शुभेन कर्मणा सौख्यं दुःखं पापेन कर्मणा । कृतं भवति सर्वत्र नाकृतं विद्यते क्वचित् ॥

śubhena karmaṇā saukhyaṃ duḥkhaṃ pāpena karmaṇā | kṛtaṃ bhavati sarvatra nākṛtaṃ vidyate kvacit

शुभ कर्म से सुख और पाप कर्म से दुःख मिलता है; किया हुआ कर्म सर्वत्र फल देता है, न किया हुआ कहीं नहीं।

श्लोक 37 (11.2.37)

न हि ज्ञानविरुद्धेषु बह्वपायेषु कर्मसु । मूलघातिषु सज्जन्ते बुद्धिमन्तो भवद्विधाः ॥

na hi jñānaviruddheṣu bahvapāyeṣu karmasu | mūlaghātiṣu sajjante buddhimanto bhavadvidhāḥ

ज्ञान के विरुद्ध, बहुत हानि वाले और जड़ काट देने वाले कर्मों में आप जैसे बुद्धिमान् लोग आसक्त नहीं होते।