वृत्र-वध और इन्द्र का पतन

श्लोक 1 (5.10.1)

सर्वं व्याप्तमिदं देवा वृत्रेण जगदव्ययम् । न ह्यस्य सदृशं किञ्चित्प्रतिघाताय यद्भवेत् ॥

sarvaṃ vyāptamidaṃ devā vṛtreṇa jagadavyayam | na hyasya sadṛśaṃ kiñcitpratighātāya yadbhavet

हे देवताओ, यह सारा अविनाशी जगत वृत्र से व्याप्त है। उसके समान ऐसा कुछ भी नहीं जो उसका प्रतिकार कर सके।

श्लोक 2 (5.10.2)

समर्थो ह्यभवं पूर्वमसमर्थोऽस्मि सांप्रतम् । कथं नु कार्यं भद्रं वो दुर्धर्षः स हि मे मतः ॥

samartho hyabhavaṃ pūrvamasamartho'smi sāṃpratam | kathaṃ nu kāryaṃ bhadraṃ vo durdharṣaḥ sa hi me mataḥ

पहले मैं समर्थ था, पर अब असमर्थ हूँ। क्या किया जाए? तुम्हारा कल्याण हो; मेरी समझ में वह दुर्जेय है।

श्लोक 3 (5.10.3)

तेजस्वी च महात्मा च युद्धे चामितविक्रमः । ग्रसेत्त्रिभुवनं सर्वं सदेवासुरमानुषम् ॥

tejasvī ca mahātmā ca yuddhe cāmitavikramaḥ | grasettribhuvanaṃ sarvaṃ sadevāsuramānuṣam

वह तेजस्वी है, महान है और युद्ध में अपार पराक्रमी है। वह देवताओं, असुरों और मनुष्यों सहित तीनों लोकों को निगल सकता है।

श्लोक 4 (5.10.4)

तस्माद्विनिश्चयमिमं शृणुध्वं त्रिदिवौकसः । विष्णोः क्षयमुपागम्य समेत्य च महात्मना ॥

tasmādviniścayamimaṃ śṛṇudhvaṃ tridivaukasaḥ | viṣṇoḥ kṣayamupāgamya sametya ca mahātmanā

इसलिए हे स्वर्गवासियो, मेरा यह निश्चय सुनो: हम विष्णु के धाम चलें और उन महात्मा से मिलें।

श्लोक 5 (5.10.5)

तेन संमन्त्र्य वेत्स्यामो वधोपायं दुरात्मनः ॥

tena saṃmantrya vetsyāmo vadhopāyaṃ durātmanaḥ

उनसे मन्त्रणा करके हम उस दुष्ट के वध का उपाय जानेंगे।

श्लोक 6 (5.10.6)

एवमुक्ते मघवता देवाः सर्षिगणास्तदा । शरण्यं शरणं देवं जग्मुर्विष्णुं महाबलम् ॥

evamukte maghavatā devāḥ sarṣigaṇāstadā | śaraṇyaṃ śaraṇaṃ devaṃ jagmurviṣṇuṃ mahābalam

इन्द्र के ऐसा कहने पर देवता ऋषिगणों के साथ सबको शरण देने वाले महाबली भगवान विष्णु की शरण में गए।

श्लोक 7 (5.10.7)

ऊचुश्च सर्वे देवेशं विष्णुं वृत्रभयार्दिताः । त्रयो लोकास्त्वया क्रान्तास्त्रिभिर्विक्रमणैः पुरा ॥

ūcuśca sarve deveśaṃ viṣṇuṃ vṛtrabhayārditāḥ | trayo lokāstvayā krāntāstribhirvikramaṇaiḥ purā

वृत्र के भय से पीड़ित सबने देवेश्वर विष्णु से कहा, "पूर्वकाल में आपने तीन पगों से तीनों लोक नाप लिए थे।"

श्लोक 8 (5.10.8)

अमृतं चाहृतं विष्णो दैत्याश्च निहता रणे । बलिं बद्ध्वा महादैत्यं शक्रो देवाधिपः कृतः ॥

amṛtaṃ cāhṛtaṃ viṣṇo daityāśca nihatā raṇe | baliṃ baddhvā mahādaityaṃ śakro devādhipaḥ kṛtaḥ

हे विष्णु, आपने अमृत प्राप्त किया और रण में दैत्यों का संहार किया। महादैत्य बलि को बाँधकर आपने इन्द्र को देवताओं का अधिपति बनाया।

श्लोक 9 (5.10.9)

त्वं प्रभुः सर्वदेवानां त्वया सर्वमिदं ततम् । त्वं हि देवो महादेव सर्वलोकनमस्कृतः ॥

tvaṃ prabhuḥ sarvadevānāṃ tvayā sarvamidaṃ tatam | tvaṃ hi devo mahādeva sarvalokanamaskṛtaḥ

आप सब देवताओं के स्वामी हैं; यह सब कुछ आपसे व्याप्त है। हे महादेव, आप ही वह देव हैं जिन्हें सारे लोक नमस्कार करते हैं।

श्लोक 10 (5.10.10)

गतिर्भव त्वं देवानां सेन्द्राणाममरोत्तम । जगद्व्याप्तमिदं सर्वं वृत्रेणासुरसूदन ॥

gatirbhava tvaṃ devānāṃ sendrāṇāmamarottama | jagadvyāptamidaṃ sarvaṃ vṛtreṇāsurasūdana

हे अमरश्रेष्ठ, इन्द्र सहित देवताओं के आश्रय बनिए। हे असुरसंहारक, यह सारा जगत वृत्र से व्याप्त हो गया है।

श्लोक 11 (5.10.11)

अवश्यं करणीयं मे भवतां हितमुत्तमम् । तस्मादुपायं वक्ष्यामि यथाऽसौ न भविष्यति ॥

avaśyaṃ karaṇīyaṃ me bhavatāṃ hitamuttamam | tasmādupāyaṃ vakṣyāmi yathā'sau na bhaviṣyati

आपका परम हित करना मेरा अवश्य कर्तव्य है। इसलिए मैं वह उपाय बताता हूँ जिससे वह नहीं रहेगा।

श्लोक 12 (5.10.12)

गच्छध्वं सर्षिगन्धर्वा यत्रासौ विश्वरूपधृक् । साम तस्य प्रयुञ्जध्वं तत एनं विजेष्यथ ॥

gacchadhvaṃ sarṣigandharvā yatrāsau viśvarūpadhṛk | sāma tasya prayuñjadhvaṃ tata enaṃ vijeṣyatha

ऋषियों और गन्धर्वों के साथ वहाँ जाओ जहाँ वह विश्वरूपधारी है, और उसके साथ साम (मेल-मिलाप) का प्रयोग करो; तब तुम उसे जीत लोगे।

श्लोक 13 (5.10.13)

भविष्यति जयो देवाः शक्रस्य मम तेजसा । अदृश्यश्च प्रवेक्ष्यामि वज्रे ह्यस्यायुधोत्तमे ॥

bhaviṣyati jayo devāḥ śakrasya mama tejasā | adṛśyaśca pravekṣyāmi vajre hyasyāyudhottame

हे देवताओ, मेरे तेज से इन्द्र की विजय होगी। मैं अदृश्य होकर उनके श्रेष्ठ आयुध वज्र में प्रवेश करूँगा।

श्लोक 14 (5.10.14)

गच्छध्वमृषिभिः सार्धं गन्धर्वैश्च सुरोत्तमाः । वृत्रस्य सह शक्रेण सन्धिं कुरुत माचिरम् ॥

gacchadhvamṛṣibhiḥ sārdhaṃ gandharvaiśca surottamāḥ | vṛtrasya saha śakreṇa sandhiṃ kuruta māciram

हे श्रेष्ठ देवताओ, ऋषियों और गन्धर्वों के साथ जाओ और बिना देर किए इन्द्र के साथ वृत्र की सन्धि करा दो।

श्लोक 15 (5.10.15)

एवमुक्ते तु देवेन ऋषयस्त्रिदशास्तथा । ययुः समेत्य सहिताः शक्रं कृत्वा पुरःसरम् ॥

evamukte tu devena ṛṣayastridaśāstathā | yayuḥ sametya sahitāḥ śakraṃ kṛtvā puraḥsaram

भगवान के ऐसा कहने पर ऋषि और देवता मिलकर इन्द्र को आगे करके चल पड़े।

श्लोक 16 (5.10.16)

समीपमेत्य च यदा सर्व एव महौजसः । तं तेजसा प्रज्वलितं प्रतपन्तं दिशो दश ॥

samīpametya ca yadā sarva eva mahaujasaḥ | taṃ tejasā prajvalitaṃ pratapantaṃ diśo daśa

जब वे सब महाबली पास पहुँचे, तो उन्होंने उसे तेज से जलता और दसों दिशाओं को तपाता हुआ देखा,

श्लोक 17 (5.10.17)

ग्रसन्तमिव लोकांस्त्रीन्सूर्याचन्द्रमसौ यथा । ददृशुस्ते ततो वृत्रं शक्रेण सह देवताः ॥

grasantamiva lokāṃstrīnsūryācandramasau yathā | dadṛśuste tato vṛtraṃ śakreṇa saha devatāḥ

मानो सूर्य और चन्द्रमा की भाँति तीनों लोकों को निगल रहा हो। वहाँ इन्द्र के साथ देवताओं ने वृत्र को देखा।

श्लोक 18 (5.10.18)

ऋषयोऽथ ततोऽभ्येत्य वृत्रमूचुः प्रियं वचः । व्याप्तं जगदिदं सर्वं तेजसा तव दुर्जय ॥

ṛṣayo'tha tato'bhyetya vṛtramūcuḥ priyaṃ vacaḥ | vyāptaṃ jagadidaṃ sarvaṃ tejasā tava durjaya

तब ऋषियों ने वृत्र के पास जाकर उससे प्रिय वचन कहे, "हे दुर्जय, यह सारा जगत तुम्हारे तेज से व्याप्त है।"

श्लोक 19 (5.10.19)

न च शक्नोषि निर्जेतुं वासवं बलिनां वर । युध्यतोश्चापि वां कालो व्यतीतः सुमहानिह ॥

na ca śaknoṣi nirjetuṃ vāsavaṃ balināṃ vara | yudhyatoścāpi vāṃ kālo vyatītaḥ sumahāniha

फिर भी, हे बलवानों में श्रेष्ठ, तुम इन्द्र को जीत नहीं पा रहे, और तुम दोनों को यहाँ लड़ते हुए बहुत लंबा समय बीत गया है।

श्लोक 20 (5.10.20)

पीड्यन्ते च प्रजाः सर्वाः सदेवासुरमानुषाः । सख्यं भवतु ते वृत्र शक्रेण सह नित्यदा ॥

pīḍyante ca prajāḥ sarvāḥ sadevāsuramānuṣāḥ | sakhyaṃ bhavatu te vṛtra śakreṇa saha nityadā

देवता, असुर और मनुष्य, सारी प्रजा पीड़ित है। हे वृत्र, इन्द्र के साथ तुम्हारी सदा के लिए मित्रता हो जाए।

श्लोक 21 (5.10.21)

अवाप्स्यसि सुखं त्वं च शक्रलोकांश्च शाश्वतान् । ऋषिवाक्यं निशम्याथ वृत्रः स तु महाबलः ॥

avāpsyasi sukhaṃ tvaṃ ca śakralokāṃśca śāśvatān | ṛṣivākyaṃ niśamyātha vṛtraḥ sa tu mahābalaḥ

"तुम सुख पाओगे और इन्द्र के शाश्वत लोक भी।" ऋषियों के वचन सुनकर महाबली वृत्र ने

श्लोक 22 (5.10.22)

उवाच तानृषीन्सर्वान्प्रणम्य शिरसाऽसुरः । सर्वे यूयं महाभागा गन्धर्वाश्चैव सर्वशः ॥

uvāca tānṛṣīnsarvānpraṇamya śirasā'suraḥ | sarve yūyaṃ mahābhāgā gandharvāścaiva sarvaśaḥ

सिर झुकाकर उन सब ऋषियों को प्रणाम किया और वह असुर बोला, "हे महाभागो, आप सब और सभी गन्धर्व भी,"

श्लोक 23 (5.10.23)

यद्ब्रूथ तच्छ्रुतं सर्वं ममापि शृणुतानघाः । सन्धिः कथं वै भविता मम शक्रस्य चोभयोः । तेजसोर्हि द्वयोर्देवाः सख्यं वै भविता कथम् ॥

yadbrūtha tacchrutaṃ sarvaṃ mamāpi śṛṇutānaghāḥ | sandhiḥ kathaṃ vai bhavitā mama śakrasya cobhayoḥ | tejasorhi dvayordevāḥ sakhyaṃ vai bhavitā katham

आप जो कहते हैं, वह सब मैंने सुन लिया; अब हे निष्पाप जनो, मेरी बात भी सुनिए। मेरे और इन्द्र के बीच सन्धि कैसे होगी? हे देवताओ, दो तेजस्वियों में मित्रता कैसे हो सकती है?

श्लोक 24 (5.10.24)

सकृत्सतां सङ्गतमीप्सितव्यं । ततः परं भविता भव्यमेव । नातिक्रामेत्सत्पुरुषेण सङ्गतं । तस्मात्सतां संगतमीप्सितव्यम् ॥

sakṛtsatāṃ saṅgatamīpsitavyaṃ | tataḥ paraṃ bhavitā bhavyameva | nātikrāmetsatpuruṣeṇa saṅgataṃ | tasmātsatāṃ saṃgatamīpsitavyam

सज्जनों की संगति एक बार भी पाने योग्य है; उसके बाद कल्याण ही होता है। सत्पुरुष के साथ की गई मित्रता का उल्लंघन नहीं करना चाहिए; इसलिए सज्जनों की संगति चाहनी चाहिए।

श्लोक 25 (5.10.25)

दृढं सतां सङ्गतं चापि नित्यं । ब्रूयाच्चार्थं ह्यर्थकृच्छ्रेषु धीरः । महार्थवत्सत्पुरुषेण सङ्गतं । तस्मात्सन्तं न जिघांसेत धीरः ॥

dṛḍhaṃ satāṃ saṅgataṃ cāpi nityaṃ | brūyāccārthaṃ hyarthakṛcchreṣu dhīraḥ | mahārthavatsatpuruṣeṇa saṅgataṃ | tasmātsantaṃ na jighāṃseta dhīraḥ

सज्जनों की मित्रता दृढ़ और स्थायी होती है, और संकट के समय धीर पुरुष हित की बात कहता है। सत्पुरुष की मित्रता बहुत मूल्यवान है; इसलिए बुद्धिमान को सज्जन को मारने की इच्छा नहीं करनी चाहिए।

श्लोक 26 (5.10.26)

इन्द्रः सतां संमतश्च निवासश्च महात्मनाम् । सत्यवादी ह्यनिन्द्यश्च धर्मवित्सूक्ष्मनिश्चयः ॥

indraḥ satāṃ saṃmataśca nivāsaśca mahātmanām | satyavādī hyanindyaśca dharmavitsūkṣmaniścayaḥ

इन्द्र सज्जनों द्वारा सम्मानित और महात्माओं के आश्रय हैं। वे सत्यवादी, अनिन्द्य, धर्मज्ञ और सूक्ष्म निर्णय करने वाले हैं।

श्लोक 27 (5.10.27)

तेन ते सह शक्रेण सन्धिर्भवतु नित्यदा । एवं विश्वासमागच्छ मा ते भूद्बुद्धिरन्यथा ॥

tena te saha śakreṇa sandhirbhavatu nityadā | evaṃ viśvāsamāgaccha mā te bhūdbuddhiranyathā

इन्द्र के साथ तुम्हारी सदा के लिए सन्धि हो जाए। इस पर विश्वास करो, और तुम्हारे मन में कोई दूसरा विचार न आए।

श्लोक 28 (5.10.28)

महर्षिवचनं श्रुत्वा तानुवाच महाद्युतिः । अवश्यं भगवन्तो मे माननीयास्तपस्विनः ॥

maharṣivacanaṃ śrutvā tānuvāca mahādyutiḥ | avaśyaṃ bhagavanto me mānanīyāstapasvinaḥ

महर्षियों के वचन सुनकर महातेजस्वी वृत्र ने उनसे कहा, "आप तपस्वी भगवान् मेरे लिए अवश्य ही माननीय हैं।"

श्लोक 29 (5.10.29)

ब्रवीमि यदहं देवास्तत्सर्वं क्रियते यदि । ततः सर्वं करिष्यामि यदूचुर्मां दिवौकसः ॥

bravīmi yadahaṃ devāstatsarvaṃ kriyate yadi | tataḥ sarvaṃ kariṣyāmi yadūcurmāṃ divaukasaḥ

हे देवताओ, यदि मैं जो कहता हूँ वह सब किया जाए, तो स्वर्गवासियों ने मुझसे जो कहा है वह सब मैं करूँगा।

श्लोक 30 (5.10.30)

न शुष्केण न चार्द्रेण नाश्मना न च दारुणा । न शस्त्रेण न चास्त्रेण न दिवा न तथा निशि ॥

na śuṣkeṇa na cārdreṇa nāśmanā na ca dāruṇā | na śastreṇa na cāstreṇa na divā na tathā niśi

न सूखी वस्तु से, न गीली से; न पत्थर से, न लकड़ी से; न शस्त्र से, न अस्त्र से; न दिन में, न रात में,

श्लोक 31 (5.10.31)

वध्यो भवेयं विप्रेन्द्राः शक्रस्य सह दैवतैः । एवं मे रोचते सन्धिः शक्रेण सह नित्यदा ॥

vadhyo bhaveyaṃ viprendrāḥ śakrasya saha daivataiḥ | evaṃ me rocate sandhiḥ śakreṇa saha nityadā

हे विप्रश्रेष्ठो, देवताओं सहित इन्द्र मेरा वध कर पाएँ। इन्हीं शर्तों पर इन्द्र के साथ सदा की सन्धि मुझे स्वीकार है।

श्लोक 32 (5.10.32)

बाढमित्येव ऋषयस्तमूचुर्भरतर्षभ । एवं वृत्ते तु सन्धाने वृत्रः प्रमुदितोऽभवत् ॥

bāḍhamityeva ṛṣayastamūcurbharatarṣabha | evaṃ vṛtte tu sandhāne vṛtraḥ pramudito'bhavat

हे भरतश्रेष्ठ, ऋषियों ने उससे कहा, "ऐसा ही हो।" इस प्रकार सन्धि हो जाने पर वृत्र अत्यन्त प्रसन्न हुआ।

श्लोक 33 (5.10.33)

ततः सन्धिं मिथः कृत्वा ऋषयो दीप्ततेजसः । शक्रस्य सह वृत्रेण पुनर्जग्मुर्यथागतम् ॥

tataḥ sandhiṃ mithaḥ kṛtvā ṛṣayo dīptatejasaḥ | śakrasya saha vṛtreṇa punarjagmuryathāgatam

इन्द्र और वृत्र के बीच परस्पर सन्धि कराकर तेजस्वी ऋषि जैसे आए थे वैसे ही लौट गए।

श्लोक 34 (5.10.34)

युक्तः सदाऽभवच्चापि शक्रो हर्षसमन्वितः । वृत्रस्य वधसंयुक्तानुपायानन्वचिन्तयत् ॥

yuktaḥ sadā'bhavaccāpi śakro harṣasamanvitaḥ | vṛtrasya vadhasaṃyuktānupāyānanvacintayat

इन्द्र प्रसन्न दिखते हुए भी सदा सावधान रहे और वृत्र के वध के उपाय सोचते रहे।

श्लोक 35 (5.10.35)

अभिसन्धिर्महेन्द्रस्य सन्धिकर्मणि यः कृतः । ऋषिभिस्त्वीरितं यच्च महेन्द्रस्तदनुस्मरन् ॥

abhisandhirmahendrasya sandhikarmaṇi yaḥ kṛtaḥ | ṛṣibhistvīritaṃ yacca mahendrastadanusmaran

सन्धि करते समय इन्द्र ने जो गुप्त अभिप्राय रखा था, और ऋषियों ने जो कहा था, उसे वे बराबर याद रखते रहे।

श्लोक 36 (5.10.36)

छिद्रान्वेषी समुद्विग्नः सदा वसति देवराट् । स कदाचित्समुद्रान्ते समपश्यन्महासुरम् ॥

chidrānveṣī samudvignaḥ sadā vasati devarāṭ | sa kadācitsamudrānte samapaśyanmahāsuram

देवराज सदा उद्विग्न रहकर छिद्र खोजते रहते थे। एक बार समुद्र के किनारे उन्होंने उस महान असुर को देखा,

श्लोक 37 (5.10.37)

सन्ध्याकाल उपावृत्ते मुहूर्ते चातिदारुणे । ततः संचिन्त्य भगवान्वरदानं महात्मनः ॥

sandhyākāla upāvṛtte muhūrte cātidāruṇe | tataḥ saṃcintya bhagavānvaradānaṃ mahātmanaḥ

संध्या के समय, एक अत्यन्त भयंकर घड़ी में। तब भगवान इन्द्र ने उस महाबली को मिले वरदान का स्मरण करके सोचा:

श्लोक 38 (5.10.38)

सन्ध्येयं वर्तते रौद्रा न रात्रिर्दिवसं न च । वृत्रश्चावश्यवध्योऽयं मम सर्वहरो रिपुः ॥

sandhyeyaṃ vartate raudrā na rātrirdivasaṃ na ca | vṛtraścāvaśyavadhyo'yaṃ mama sarvaharo ripuḥ

"यह भयंकर संध्या का समय है; न रात है, न दिन। और यह वृत्र, मेरा शत्रु जिसने मेरा सब कुछ छीन लिया है, अवश्य ही मारा जाना चाहिए।

श्लोक 39 (5.10.39)

यदि वृत्रं न हन्म्यद्य वञ्चयित्वा महासुरम् । महाबलं महाकायं न मे श्रेयो भविष्यति ॥

yadi vṛtraṃ na hanmyadya vañcayitvā mahāsuram | mahābalaṃ mahākāyaṃ na me śreyo bhaviṣyati

यदि आज मैं उस महाबली, विशालकाय महासुर को छलकर वृत्र को नहीं मारता, तो मेरा कल्याण नहीं होगा।"

श्लोक 40 (5.10.40)

एवं संचिन्तयन्नेव शक्रो विष्णुमनुस्मरन् । अथ फेनं तदाऽपश्यत् समुद्रे पर्वतोपमम् ॥

evaṃ saṃcintayanneva śakro viṣṇumanusmaran | atha phenaṃ tadā'paśyat samudre parvatopamam

इस प्रकार सोचते हुए और विष्णु का स्मरण करते हुए इन्द्र ने समुद्र में पर्वत जैसा फेन देखा।

श्लोक 41 (5.10.41)

नायं शुष्को न चार्द्रोऽयं न च शस्त्रमिदं तथा । एनं क्षेप्स्यामि वृत्रस्य क्षणादेव नशिष्यति ॥

nāyaṃ śuṣko na cārdro'yaṃ na ca śastramidaṃ tathā | enaṃ kṣepsyāmi vṛtrasya kṣaṇādeva naśiṣyati

"यह न सूखा है, न गीला, और न यह कोई शस्त्र है। इसे मैं वृत्र पर फेंकूँगा; वह क्षण भर में नष्ट हो जाएगा।"

श्लोक 42 (5.10.42)

सवज्रमथ फेनं तं क्षिप्रं वृत्रे निसृष्टवान् । प्रविश्य फेनं तं विष्णुरथ वृत्रं व्यनाशयत् ॥

savajramatha phenaṃ taṃ kṣipraṃ vṛtre nisṛṣṭavān | praviśya phenaṃ taṃ viṣṇuratha vṛtraṃ vyanāśayat

तब उन्होंने वज्र सहित वह फेन तुरन्त वृत्र पर छोड़ा। विष्णु ने उस फेन में प्रवेश करके वृत्र का नाश कर दिया।

श्लोक 43 (5.10.43)

निहते तु ततो वृत्रे दिशो वितिमिराऽभवन् । प्रववौ च शिवो वायुः प्रजाश्च जहृषुस्तथा ॥

nihate tu tato vṛtre diśo vitimirā'bhavan | pravavau ca śivo vāyuḥ prajāśca jahṛṣustathā

वृत्र के मारे जाने पर दिशाएँ अन्धकार से मुक्त हो गईं, मंगलमय वायु बहने लगी और प्रजा हर्षित हो उठी।

श्लोक 44 (5.10.44)

ततो देवाः सगन्धर्वा यक्षरक्षोमहोरगाः । ऋषयश्च महेन्द्रं तमस्तुवन्विविधैः स्तवैः ॥

tato devāḥ sagandharvā yakṣarakṣomahoragāḥ | ṛṣayaśca mahendraṃ tamastuvanvividhaiḥ stavaiḥ

तब गन्धर्वों, यक्षों, राक्षसों और महानागों सहित देवताओं ने तथा ऋषियों ने भी अनेक प्रकार की स्तुतियों से महेन्द्र का स्तवन किया।

श्लोक 45 (5.10.45)

नमस्कृतः सर्वभूतैः सर्वभूतान्यसान्त्वयत् । हत्वा शत्रुं प्रहृष्टात्मा वासवः सह दैवतैः ॥

namaskṛtaḥ sarvabhūtaiḥ sarvabhūtānyasāntvayat | hatvā śatruṃ prahṛṣṭātmā vāsavaḥ saha daivataiḥ

सब प्राणियों से नमस्कृत होकर इन्द्र ने सब प्राणियों को सान्त्वना दी। शत्रु को मारकर प्रसन्नचित्त इन्द्र ने देवताओं के साथ

श्लोक 46 (5.10.46)

विष्णुं त्रिभुवनश्रेष्ठं पूजयामास धर्मवित् । ततो हते महावीर्ये वृत्रे देवभयङ्करे ॥

viṣṇuṃ tribhuvanaśreṣṭhaṃ pūjayāmāsa dharmavit | tato hate mahāvīrye vṛtre devabhayaṅkare

धर्म को जानने वाले होने से तीनों लोकों में श्रेष्ठ विष्णु की पूजा की। परन्तु देवताओं को भय देने वाले महापराक्रमी वृत्र के मारे जाने पर

श्लोक 47 (5.10.47)

अनृतेनाभिभूतोऽभूच्छक्रः परमदुर्मनाः । त्रैशीर्षयाऽभिभूतश्च स पूर्वं ब्रह्महत्यया ॥

anṛtenābhibhūto'bhūcchakraḥ paramadurmanāḥ | traiśīrṣayā'bhibhūtaśca sa pūrvaṃ brahmahatyayā

इन्द्र अपने असत्य से अभिभूत होकर अत्यन्त खिन्न हो गए; और वे पहले से ही त्रिशिरा के वध से लगी ब्रह्महत्या से ग्रस्त थे।

श्लोक 48 (5.10.48)

महादेवस्य भूतैश्च स पुनर्ब्रह्महा इति । आक्रुष्टो निर्भयैर्भूयो व्रीडितो बलवृत्रहा ॥

mahādevasya bhūtaiśca sa punarbrahmahā iti | ākruṣṭo nirbhayairbhūyo vrīḍito balavṛtrahā

और महादेव के भूतगणों ने निर्भय होकर फिर उन्हें "ब्रह्महत्यारा" कहकर पुकारा, जिससे बल और वृत्र का संहारक इन्द्र लज्जित हो गया।

श्लोक 49 (5.10.49)

सोऽन्तमाश्रित्य लोकानां नष्टसंज्ञो विचेतनः । न प्राज्ञायत देवेन्द्रस्त्वभिभूतः स्वकर्मभिः ॥

so'ntamāśritya lokānāṃ naṣṭasaṃjño vicetanaḥ | na prājñāyata devendrastvabhibhūtaḥ svakarmabhiḥ

लोकों के छोर पर जाकर, चेतना खोए और बेसुध, अपने ही कर्मों से अभिभूत देवेन्द्र कहीं दिखाई नहीं देते थे।

श्लोक 50 (5.10.50)

प्रतिच्छन्नोऽवसच्चाप्सु चेष्टमान इवोरगः । ततः प्रनष्टे देवेन्द्रे ब्रह्महत्याभयार्दिते ॥

praticchanno'vasaccāpsu ceṣṭamāna ivoragaḥ | tataḥ pranaṣṭe devendre brahmahatyābhayārdite

वे जल में छिपकर साँप की तरह छटपटाते हुए रहने लगे। ब्रह्महत्या के भय से पीड़ित देवेन्द्र के लुप्त हो जाने पर

श्लोक 51 (5.10.51)

भूमिः प्रध्वस्तसंकाशा निर्वृक्षा शुष्ककानना । विच्छिन्नस्रोतसो नद्यः सरांस्यनुदकानि च ॥

bhūmiḥ pradhvastasaṃkāśā nirvṛkṣā śuṣkakānanā | vicchinnasrotaso nadyaḥ sarāṃsyanudakāni ca

पृथ्वी उजड़ी-सी दिखने लगी, वृक्षहीन हो गई और उसके वन सूख गए; नदियों की धाराएँ टूट गईं और सरोवर जलहीन हो गए।

श्लोक 52 (5.10.52)

संक्षोभश्चापि सत्त्वानामनावृष्टिकृतोऽभवत् । देवाश्चापि भृशं त्रस्तास्तथा सर्वे महर्षयः ॥

saṃkṣobhaścāpi sattvānāmanāvṛṣṭikṛto'bhavat | devāścāpi bhṛśaṃ trastāstathā sarve maharṣayaḥ

वर्षा न होने से प्राणियों में हाहाकार मच गया। देवता भी बहुत भयभीत थे, और सारे महर्षि भी।

श्लोक 53 (5.10.53)

अराजकं जगत्सर्वमभिभूतमुपद्रवैः । ततो भीताऽभवन्देवाः को नो राजा भवेदिति ॥

arājakaṃ jagatsarvamabhibhūtamupadravaiḥ | tato bhītā'bhavandevāḥ ko no rājā bhavediti

राजा के बिना सारा जगत उपद्रवों से घिर गया। तब देवता डर गए और सोचने लगे, "हमारा राजा कौन होगा?"

श्लोक 54 (5.10.54)

दिवि देवर्षयश्चापि देवराजविनाकृताः । न स्म कश्चन देवानां राज्ये वै कुरुते मतिम् ॥

divi devarṣayaścāpi devarājavinākṛtāḥ | na sma kaścana devānāṃ rājye vai kurute matim

स्वर्ग में देवर्षि भी देवराज से वंचित हो गए थे, और देवताओं में से कोई भी राज्य लेने का मन नहीं बनाता था।