गरुड़ द्वारा पूर्व दिशा का वर्णन

श्लोक 1 (5.108.1)

अनुशिष्टोऽस्मि देवेन गालव ज्ञानयोनिना । ब्रूहि कामं तु कां यामि द्रष्टुं प्रथमतो दिशम् ॥

anuśiṣṭo'smi devena gālava jñānayoninā | brūhi kāmaṃ tu kāṃ yāmi draṣṭuṃ prathamato diśam

हे गालव, ज्ञान के उद्गम उन भगवान् ने मुझे आदेश दिया है। अपनी इच्छा बताओ — मैं पहले कौन-सी दिशा देखने चलूँ?

श्लोक 2 (5.108.2)

पूर्वां वा दक्षिणां वाहमथवा पश्चिमां दिशम् । उत्तरां वा द्विजश्रेष्ठ कुतो गच्छामि गालव ॥

pūrvāṃ vā dakṣiṇāṃ vāhamathavā paścimāṃ diśam | uttarāṃ vā dvijaśreṣṭha kuto gacchāmi gālava

हे द्विजश्रेष्ठ गालव, पूर्व, दक्षिण, पश्चिम या उत्तर — मैं किस ओर चलूँ?

श्लोक 3 (5.108.3)

यस्यामुदयते पूर्वं सर्वलोकप्रभावनः । सविता यत्र सन्ध्यायां साध्यानां वर्तते तपः ॥

yasyāmudayate pūrvaṃ sarvalokaprabhāvanaḥ | savitā yatra sandhyāyāṃ sādhyānāṃ vartate tapaḥ

एक वह दिशा है जिसमें समस्त लोकों को उत्पन्न करने वाले सूर्य सबसे पहले उदित होते हैं; जहाँ संध्या के समय साध्य देवताओं का तप होता है;

श्लोक 4 (5.108.4)

यस्यां पूर्वं मतिर्जाता यया व्याप्तमिदं जगत् । चक्षुषी यत्र धर्मस्य यत्र चैष प्रतिष्ठितः ॥

yasyāṃ pūrvaṃ matirjātā yayā vyāptamidaṃ jagat | cakṣuṣī yatra dharmasya yatra caiṣa pratiṣṭhitaḥ

जिसमें सबसे पहले वह बुद्धि उत्पन्न हुई जिससे यह जगत् व्याप्त है; जहाँ धर्म के दोनों नेत्र हैं और जहाँ वह प्रतिष्ठित है;

श्लोक 5 (5.108.5)

कृतं यतो हुतं हव्यं सर्पते सर्वतोदिशम् । एतद्द्वारं द्विजश्रेष्ठ दिवसस्य तथाऽध्वनः ॥

kṛtaṃ yato hutaṃ havyaṃ sarpate sarvatodiśam | etaddvāraṃ dvijaśreṣṭha divasasya tathā'dhvanaḥ

जहाँ से हवन किया हुआ हव्य सब दिशाओं में फैल जाता है। हे द्विजश्रेष्ठ, यह दिन का और मार्ग का द्वार है।

श्लोक 6 (5.108.6)

अत्र पूर्वं प्रसूता वै दाक्षायण्यः प्रजाः स्त्रियः । यस्यां दिशि प्रवृद्धाश्च कश्यपस्यात्मसंभवाः ॥

atra pūrvaṃ prasūtā vai dākṣāyaṇyaḥ prajāḥ striyaḥ | yasyāṃ diśi pravṛddhāśca kaśyapasyātmasaṃbhavāḥ

यहीं दक्ष की कन्याओं ने सबसे पहले सन्तान उत्पन्न की; इसी दिशा में कश्यप से उत्पन्न प्रजाएँ फलीं-फूलीं।

श्लोक 7 (5.108.7)

अदोमूला सुराणां श्रीर्यत्र शक्रोऽभ्यषिच्यत । सुरराज्येन विप्रर्षे देवैश्चात्र तपश्चितम् ॥

adomūlā surāṇāṃ śrīryatra śakro'bhyaṣicyata | surarājyena viprarṣe devaiścātra tapaścitam

यही देवताओं की श्री का मूल है; हे विप्रर्षि, यहीं इन्द्र का देवराज के पद पर अभिषेक हुआ और यहीं देवताओं ने तप का संचय किया।

श्लोक 8 (5.108.8)

एतस्मात्कारणाद्ब्रह्मन्पूर्वेत्येषा दिगुच्यते । यस्मात्पूर्वतरे काले पूर्वमेवावृतासुरैः ॥

etasmātkāraṇādbrahmanpūrvetyeṣā digucyate | yasmātpūrvatare kāle pūrvamevāvṛtāsuraiḥ

हे ब्रह्मन्, इसी कारण यह दिशा 'पूर्वा' कहलाती है, क्योंकि पहले के समय में सबसे पहले देवताओं ने इसी को घेरा था।

श्लोक 9 (5.108.9)

अत एव च सर्वेषां पूर्वामाशां प्रचक्षते । पूर्वं सर्वाणि कार्याणि दैवानि सुखमीप्सता ॥

ata eva ca sarveṣāṃ pūrvāmāśāṃ pracakṣate | pūrvaṃ sarvāṇi kāryāṇi daivāni sukhamīpsatā

इसी कारण पूर्व दिशा को सबसे पहली कहा जाता है; सुख चाहने वाले को देवताओं के सभी कार्य पहले इसी ओर मुख करके करने चाहिए।

श्लोक 10 (5.108.10)

अत्र वेदाञ्जगौ पूर्वं भगवाँल्लोकभावनः । अत्रैवोक्ता सवित्रासीत्सावित्री ब्रह्मवादिषु ॥

atra vedāñjagau pūrvaṃ bhagavām̐llokabhāvanaḥ | atraivoktā savitrāsītsāvitrī brahmavādiṣu

यहीं लोकों के रचयिता भगवान् ने सबसे पहले वेदों का गान किया; यहीं सविता ने ब्रह्मवादियों को सावित्री (गायत्री) का उपदेश दिया।

श्लोक 11 (5.108.11)

अत्र दत्तानि सूर्येण यजूंषि द्विजसत्तम । अत्र लब्धवरः सोमः सुरैः क्रतुषु पीयते ॥

atra dattāni sūryeṇa yajūṃṣi dvijasattama | atra labdhavaraḥ somaḥ suraiḥ kratuṣu pīyate

हे द्विजश्रेष्ठ, यहीं सूर्य ने यजुर्मन्त्र प्रदान किए; यहीं वर पाए हुए सोम का देवता यज्ञों में पान करते हैं।

श्लोक 12 (5.108.12)

अत्र तृप्ता हुतवहाः स्वां योनिमुपभुञ्जते । अत्र पातालमाश्रित्य वरुणः श्रियमाप च ॥

atra tṛptā hutavahāḥ svāṃ yonimupabhuñjate | atra pātālamāśritya varuṇaḥ śriyamāpa ca

यहीं तृप्त हुई अग्नियाँ अपने ही उद्गम का उपभोग करती हैं; यहीं पाताल का आश्रय लेकर वरुण ने श्री प्राप्त की।

श्लोक 13 (5.108.13)

अत्र पूर्वं वसिष्ठस्य पौराणस्य द्विजर्षभ । सूतिश्चैव प्रतिष्ठा च निधनं च प्रकाशते ॥

atra pūrvaṃ vasiṣṭhasya paurāṇasya dvijarṣabha | sūtiścaiva pratiṣṭhā ca nidhanaṃ ca prakāśate

हे द्विजश्रेष्ठ, प्राचीन वसिष्ठ का जन्म, उनकी प्रतिष्ठा और उनका देहान्त — ये सब यहीं प्रकट हुए।

श्लोक 14 (5.108.14)

ओङ्कारस्यात्र जायन्ते सृतयो दशतीर्दश । पिबन्ति मुनयो यत्र हविर्धूमं स्म धूमपाः ॥

oṅkārasyātra jāyante sṛtayo daśatīrdaśa | pibanti munayo yatra havirdhūmaṃ sma dhūmapāḥ

यहीं ओंकार के दस सहस्र मार्ग उत्पन्न होते हैं; यहीं धूम पीकर रहने वाले मुनि हवि का धुआँ पीते हैं।

श्लोक 15 (5.108.15)

प्रोक्षिता यत्र बहवो वराहाद्या मृगा वने । शक्रेण यज्ञभागार्थे दैवतेषु प्रकल्पिताः ॥

prokṣitā yatra bahavo varāhādyā mṛgā vane | śakreṇa yajñabhāgārthe daivateṣu prakalpitāḥ

यहीं इन्द्र ने वन के सूअर आदि अनेक पशुओं का प्रोक्षण करके उन्हें यज्ञ-भाग के रूप में देवताओं के लिए नियत किया।

श्लोक 16 (5.108.16)

अत्राहिताः कृतघ्नाश्च मानुषाश्चासुराश्च ये । उदयंस्तान्हि सर्वान्वै क्रोधाद्धन्ति विभावसुः ॥

atrāhitāḥ kṛtaghnāśca mānuṣāścāsurāśca ye | udayaṃstānhi sarvānvai krodhāddhanti vibhāvasuḥ

यहीं उदय होते सूर्य उन सब मनुष्यों और असुरों को क्रोधपूर्वक नष्ट करते हैं जो अहितकारी और कृतघ्न हैं।

श्लोक 17 (5.108.17)

एतद्द्वारं त्रिलोकस्य स्वर्गस्य च सुखस्य च । एष पूर्वो दिशां भागो विशावोऽत्र यदीच्छसि ॥

etaddvāraṃ trilokasya svargasya ca sukhasya ca | eṣa pūrvo diśāṃ bhāgo viśāvo'tra yadīcchasi

यह तीनों लोकों का, स्वर्ग का और सुख का द्वार है। यह पूर्व दिशा का भाग है; यदि तुम चाहो तो हम इसमें प्रवेश करें।

श्लोक 18 (5.108.18)

प्रियं कार्यं हि मे तस्य यस्यास्मि वचने स्थितः । ब्रूहि गालव यास्यामि शृणु चाप्यपरां दिशम् ॥

priyaṃ kāryaṃ hi me tasya yasyāsmi vacane sthitaḥ | brūhi gālava yāsyāmi śṛṇu cāpyaparāṃ diśam

जिनकी आज्ञा में मैं हूँ, उनका प्रिय करना मेरा कर्तव्य है। गालव, बताओ, मैं चलूँ; और दूसरी दिशा के विषय में भी सुनो।