कर्ण द्वारा कौरवों के विनाश के अपशकुनों का वर्णन

श्लोक 1 (5.143.1)

केशवस्य तु तद्वाक्यं कर्णः श्रुत्वा हितं शुभम् । अब्रवीदभिसंपूज्य कृष्णं तं मधुसूदनम् ॥

keśavasya tu tadvākyaṃ karṇaḥ śrutvā hitaṃ śubham | abravīdabhisaṃpūjya kṛṣṇaṃ taṃ madhusūdanam

केशव के वे हितकर और शुभ वचन सुनकर कर्ण ने मधुसूदन श्रीकृष्ण का सम्मान करते हुए कहा—

श्लोक 2 (5.143.2)

जानन्मां किं महाबाहो संमोहयितुमिच्छसि । योऽयं पृथिव्याः कार्त्स्न्येन विनाशः समुपस्थितः ॥

jānanmāṃ kiṃ mahābāho saṃmohayitumicchasi | yo'yaṃ pṛthivyāḥ kārtsnyena vināśaḥ samupasthitaḥ

"हे महाबाहु, सब कुछ जानते हुए भी तुम मुझे मोह में क्यों डालना चाहते हो? पृथ्वी का यह जो सम्पूर्ण विनाश आ खड़ा हुआ है—

श्लोक 3 (5.143.3)

निमित्तं तत्र शकुनिरहं दुःशासनस्तथा । दुर्योधनश्च नृपतिर्धृतराष्ट्रसुतोऽभवत् ॥

nimittaṃ tatra śakunirahaṃ duḥśāsanastathā | duryodhanaśca nṛpatirdhṛtarāṣṭrasuto'bhavat

—उसके कारण शकुनि, मैं, दुःशासन और धृतराष्ट्र के पुत्र राजा दुर्योधन ही हुए हैं।

श्लोक 4 (5.143.4)

असंशयमिदं कृष्ण महद्युद्धमुपस्थितम् । पाण्डवानां कुरूणां च घोरं रुधिरकर्दमम् ॥

asaṃśayamidaṃ kṛṣṇa mahadyuddhamupasthitam | pāṇḍavānāṃ kurūṇāṃ ca ghoraṃ rudhirakardamam

हे कृष्ण, निःसन्देह पाण्डवों और कौरवों के बीच यह महान युद्ध आ पहुँचा है—भयंकर, जिसमें रक्त का कीचड़ मचेगा।

श्लोक 5 (5.143.5)

राजानो राजपुत्राश्च दुर्योधनवशानुगाः । रणे शस्त्राग्निना दग्धाः प्राप्स्यन्ति यमसादनम् ॥

rājāno rājaputrāśca duryodhanavaśānugāḥ | raṇe śastrāgninā dagdhāḥ prāpsyanti yamasādanam

दुर्योधन के अधीन चलने वाले राजा और राजकुमार रणभूमि में शस्त्रों की अग्नि से जलकर यमलोक को जाएँगे।

श्लोक 6 (5.143.6)

स्वप्ना हि बहवो घोरा दृश्यन्ते मधुसूदन । निमित्तानि च घोराणि तथोत्पाताः सुदारुणाः ॥

svapnā hi bahavo ghorā dṛśyante madhusūdana | nimittāni ca ghorāṇi tathotpātāḥ sudāruṇāḥ

हे मधुसूदन, अनेक भयानक स्वप्न दिखाई दे रहे हैं, और भयानक अपशकुन तथा अत्यन्त दारुण उत्पात भी,

श्लोक 7 (5.143.7)

पराजयं धार्तराष्ट्रे विजयं च युधिष्ठिरे । शंसन्त इव वार्ष्णेय विविधा रोमहर्षणाः ॥

parājayaṃ dhārtarāṣṭre vijayaṃ ca yudhiṣṭhire | śaṃsanta iva vārṣṇeya vividhā romaharṣaṇāḥ

हे वार्ष्णेय, रोंगटे खड़े कर देने वाले ये नाना प्रकार के लक्षण मानो धृतराष्ट्र-पुत्र की पराजय और युधिष्ठिर की विजय की घोषणा कर रहे हैं।

श्लोक 8 (5.143.8)

प्राजापत्यं हि नक्षत्रं ग्रहस्तीक्ष्णो महाद्युतिः । शनैश्चरः पीडयति पीडयन्प्राणिनोऽधिकम् ॥

prājāpatyaṃ hi nakṣatraṃ grahastīkṣṇo mahādyutiḥ | śanaiścaraḥ pīḍayati pīḍayanprāṇino'dhikam

तीक्ष्ण और महातेजस्वी ग्रह शनैश्चर प्रजापति के नक्षत्र (रोहिणी) को पीड़ित कर रहा है और प्राणियों को और भी अधिक पीड़ा दे रहा है।

श्लोक 9 (5.143.9)

कृत्वा चाङ्गारको वक्रं ज्येष्ठायां मधुसूदन । अनुराधां प्रार्थयते मैत्रं संगमयन्निव ॥

kṛtvā cāṅgārako vakraṃ jyeṣṭhāyāṃ madhusūdana | anurādhāṃ prārthayate maitraṃ saṃgamayanniva

हे मधुसूदन, मंगल ज्येष्ठा नक्षत्र में वक्री होकर अनुराधा की ओर बढ़ रहा है, मानो मित्र देवता के उस नक्षत्र से जा मिलना चाहता हो।

श्लोक 10 (5.143.10)

नूनं महद्भयं कृष्ण कुरूणां समुपस्थितम् । विशेषेण हि वार्ष्णेय चित्रां पीडयते ग्रहः ॥

nūnaṃ mahadbhayaṃ kṛṣṇa kurūṇāṃ samupasthitam | viśeṣeṇa hi vārṣṇeya citrāṃ pīḍayate grahaḥ

हे कृष्ण, निश्चय ही कौरवों पर महान भय आ पड़ा है; क्योंकि हे वार्ष्णेय, विशेष रूप से एक ग्रह चित्रा नक्षत्र को पीड़ित कर रहा है।

श्लोक 11 (5.143.11)

सोमस्य लक्ष्म व्यावृत्तं राहुरर्कमुपैति च । दिवश्चोल्काः पतन्त्येताः सनिर्घाताः सकंपनाः ॥

somasya lakṣma vyāvṛttaṃ rāhurarkamupaiti ca | divaścolkāḥ patantyetāḥ sanirghātāḥ sakaṃpanāḥ

चन्द्रमा का कलंक-चिह्न उलट गया है और राहु सूर्य की ओर बढ़ रहा है; आकाश से वज्रपात और कम्पन के साथ उल्काएँ गिर रही हैं।

श्लोक 12 (5.143.12)

निष्टनन्ति च मातङ्गा मुञ्चन्त्यश्रूणि वाजिनः । पानीयं यवसं चापि नाभिनन्दन्ति माधव ॥

niṣṭananti ca mātaṅgā muñcantyaśrūṇi vājinaḥ | pānīyaṃ yavasaṃ cāpi nābhinandanti mādhava

हे माधव, हाथी आर्तनाद कर रहे हैं, घोड़े आँसू बहा रहे हैं, और वे जल तथा घास को भी पसन्द नहीं कर रहे।

श्लोक 13 (5.143.13)

प्रादुर्भूतेषु चैतेषु भयमाहुरुपस्थितम् । निमित्तेषु महाबाहो दारुणं प्राणिनाशनम् ॥

prādurbhūteṣu caiteṣu bhayamāhurupasthitam | nimitteṣu mahābāho dāruṇaṃ prāṇināśanam

हे महाबाहु, जब ऐसे अपशकुन प्रकट होते हैं, तब कहते हैं कि प्राणियों का नाश करने वाला दारुण भय आ पहुँचा है।

श्लोक 14 (5.143.14)

अल्पे भुक्ते पुरीषं च प्रभूतमिह दृश्यते । वाजिनां वारणानां च मनुष्याणां च केशव ॥

alpe bhukte purīṣaṃ ca prabhūtamiha dṛśyate | vājināṃ vāraṇānāṃ ca manuṣyāṇāṃ ca keśava

हे केशव, थोड़ा खाने पर भी यहाँ घोड़ों, हाथियों और मनुष्यों का बहुत अधिक मल दिखाई देता है—

श्लोक 15 (5.143.15)

धार्तराष्ट्रस्य सैन्येषु सर्वेषु मधुसूदन । पराभवस्य तल्लिङ्गमिति प्राहुर्मनीषिणः ॥

dhārtarāṣṭrasya sainyeṣu sarveṣu madhusūdana | parābhavasya talliṅgamiti prāhurmanīṣiṇaḥ

हे मधुसूदन, दुर्योधन की सभी सेनाओं में; मनीषी कहते हैं कि यह पराजय का लक्षण है।

श्लोक 16 (5.143.16)

प्रहृष्टं वाहनं कृष्ण पाण्डवानां प्रचक्षते । प्रदक्षिणा मृगाश्चैव तत्तेषां जयलक्षणम् ॥

prahṛṣṭaṃ vāhanaṃ kṛṣṇa pāṇḍavānāṃ pracakṣate | pradakṣiṇā mṛgāścaiva tatteṣāṃ jayalakṣaṇam

हे कृष्ण, कहते हैं कि पाण्डवों के वाहन प्रसन्न हैं और मृग उनकी दाहिनी ओर से निकलते हैं; यह उनकी विजय का लक्षण है।

श्लोक 17 (5.143.17)

अपसव्या मृगाः सर्वे धार्तराष्ट्रस्य केशव । वाचश्चाप्यशरीरिण्यस्तत्पराभवलक्षणम् ॥

apasavyā mṛgāḥ sarve dhārtarāṣṭrasya keśava | vācaścāpyaśarīriṇyastatparābhavalakṣaṇam

हे केशव, सब मृग दुर्योधन की बाईं ओर से निकलते हैं और अशरीरी वाणियाँ सुनाई देती हैं; यह उसकी पराजय का लक्षण है।

श्लोक 18 (5.143.18)

मयूराः पुण्यशकुना हंससारसचातकाः । जीवञ्जीवकसङ्घाश्चाप्यनुगच्छन्ति पाण्डवान् ॥

mayūrāḥ puṇyaśakunā haṃsasārasacātakāḥ | jīvañjīvakasaṅghāścāpyanugacchanti pāṇḍavān

मोर और अन्य शुभ पक्षी — हंस, सारस और चातक — तथा जीवंजीवक पक्षियों के झुंड पाण्डवों के पीछे-पीछे चलते हैं।

श्लोक 19 (5.143.19)

गृध्राः कङ्का बकाः श्येना यातुधानास्तथा वृकाः । मक्षिकाणां च सङ्घाता अनुधावन्ति कौरवान् ॥

gṛdhrāḥ kaṅkā bakāḥ śyenā yātudhānāstathā vṛkāḥ | makṣikāṇāṃ ca saṅghātā anudhāvanti kauravān

गिद्ध, कंक, बगुले, बाज़, राक्षस और भेड़िये तथा मक्खियों के झुंड कौरवों के पीछे दौड़ते हैं।

श्लोक 20 (5.143.20)

धार्तराष्ट्रस्य सैन्येषु भेरीणां नास्ति निःस्वनः । अनाहताः पाण्डवानां नदन्ति पटहाः किल ॥

dhārtarāṣṭrasya sainyeṣu bherīṇāṃ nāsti niḥsvanaḥ | anāhatāḥ pāṇḍavānāṃ nadanti paṭahāḥ kila

दुर्योधन की सेनाओं में नगाड़ों की ध्वनि नहीं होती, जबकि कहते हैं कि पाण्डवों के ढोल बिना बजाए ही बज उठते हैं।

श्लोक 21 (5.143.21)

उदपानाश्च नर्दन्ति यथा गोवृषभास्तथा । धार्तराष्ट्रस्य सैन्येषु तत्पराभवलक्षणम् ॥

udapānāśca nardanti yathā govṛṣabhāstathā | dhārtarāṣṭrasya sainyeṣu tatparābhavalakṣaṇam

दुर्योधन की सेनाओं में कुएँ आदि जलाशय साँड़ों की भाँति गरजते हैं; यह उसकी पराजय का लक्षण है।

श्लोक 22 (5.143.22)

मांसशोणितवर्षं च वृष्टं देवेन माधव । तथा गन्धर्वनगरं भानुमत्समुपस्थितम् ॥

māṃsaśoṇitavarṣaṃ ca vṛṣṭaṃ devena mādhava | tathā gandharvanagaraṃ bhānumatsamupasthitam

हे माधव, देवता ने मांस और रक्त की वर्षा की है, और सूर्य के साथ ही आकाश में गन्धर्वनगर प्रकट हुआ है,

श्लोक 23 (5.143.23)

सप्राकारं सपरिखं सवप्रं चारुतोरणम् । कृष्णश्च परिघस्तत्र भानुमावृत्य तिष्ठति ॥

saprākāraṃ saparikhaṃ savapraṃ cārutoraṇam | kṛṣṇaśca parighastatra bhānumāvṛtya tiṣṭhati

जिसमें परकोटे, खाइयाँ, प्राचीर और सुन्दर तोरण हैं; और वहाँ एक काला घेरा सूर्य को घेरे खड़ा है।

श्लोक 24 (5.143.24)

उदयास्तमने संध्ये वेदयन्ती महद्भयम् । शिवा च वाशते घोरं तत्पराभवलक्षणम् ॥

udayāstamane saṃdhye vedayantī mahadbhayam | śivā ca vāśate ghoraṃ tatparābhavalakṣaṇam

सूर्योदय और सूर्यास्त की दोनों सन्ध्याओं में एक सियारिन महान भय की सूचना देती हुई भयंकर रूप से चिल्लाती है; यह पराजय का लक्षण है।

श्लोक 25 (5.143.25)

एकपक्षाक्षिचरणाः पक्षिणो मधुसूदन । उत्सृजन्ति महद्घोरं तत्पराभवलक्षणम् ॥

ekapakṣākṣicaraṇāḥ pakṣiṇo madhusūdana | utsṛjanti mahadghoraṃ tatparābhavalakṣaṇam

हे मधुसूदन, एक पंख, एक आँख और एक पैर वाले पक्षी अत्यन्त भयानक शब्द करते हैं; यह पराजय का लक्षण है।

श्लोक 26 (5.143.26)

कृष्णग्रीवाश्च शकुना रक्तपादा भयानकाः । सन्ध्यामभिमुखा यान्ति तत्पराभवलक्षणम् ॥

kṛṣṇagrīvāśca śakunā raktapādā bhayānakāḥ | sandhyāmabhimukhā yānti tatparābhavalakṣaṇam

काली गर्दन और लाल पैरों वाले भयानक पक्षी सन्ध्या की ओर उड़ते जाते हैं; यह पराजय का लक्षण है।

श्लोक 27 (5.143.27)

ब्राह्मणान्प्रथमं द्वेष्टि गुरूंश्च मधुसूदन । भृत्यान्भक्तिमतश्चापि तत्पराभवलक्षणम् ॥

brāhmaṇānprathamaṃ dveṣṭi gurūṃśca madhusūdana | bhṛtyānbhaktimataścāpi tatparābhavalakṣaṇam

हे मधुसूदन, (दुर्योधन) पहले ब्राह्मणों से द्वेष करता है, फिर गुरुजनों से और अपने भक्त सेवकों से भी; यह पराजय का लक्षण है।

श्लोक 28 (5.143.28)

पूर्वा दिग्लोहिताकारा शस्त्रवर्णा च दक्षिणा । आमपात्रप्रतीकाशा पश्चिमा मधुसूदन । उत्तरा शङ्खवर्णाभा दिशां वर्णा उदाहृताः ॥

pūrvā diglohitākārā śastravarṇā ca dakṣiṇā | āmapātrapratīkāśā paścimā madhusūdana | uttarā śaṅkhavarṇābhā diśāṃ varṇā udāhṛtāḥ

पूर्व दिशा रक्त जैसी लाल दिखती है, दक्षिण दिशा शस्त्रों के रंग की; हे मधुसूदन, पश्चिम दिशा कच्चे मिट्टी के पात्र जैसी है और उत्तर दिशा शंख के समान श्वेत। दिशाओं के ये रंग बताए गए हैं।

श्लोक 29 (5.143.29)

प्रदीप्ताश्च दिशः सर्वा धार्तराष्ट्रस्य माधव । महद्भयं वेदयन्ति तस्मिन्नुत्पातदर्शने ॥

pradīptāśca diśaḥ sarvā dhārtarāṣṭrasya mādhava | mahadbhayaṃ vedayanti tasminnutpātadarśane

हे माधव, दुर्योधन के चारों ओर सभी दिशाएँ जलती हुई-सी दिखती हैं; उत्पातों के इस दृश्य में वे महान भय की सूचना देती हैं।

श्लोक 30 (5.143.30)

सहस्रपादं प्रासादं स्वप्नान्ते स्म युधिष्ठिरः । अधिरोहन्मया दृष्टः सह भ्रातृभिरच्युत ॥

sahasrapādaṃ prāsādaṃ svapnānte sma yudhiṣṭhiraḥ | adhirohanmayā dṛṣṭaḥ saha bhrātṛbhiracyuta

हे अच्युत, स्वप्न के अन्त में मैंने युधिष्ठिर को अपने भाइयों सहित हज़ार खम्भों वाले एक महल पर चढ़ते देखा।

श्लोक 31 (5.143.31)

श्वेतोष्णीषाश्च दृश्यन्ते सर्वे वै शुक्लवाससः । आसनानि च शुभ्राणि सर्वेषामुपलक्षये ॥

śvetoṣṇīṣāśca dṛśyante sarve vai śuklavāsasaḥ | āsanāni ca śubhrāṇi sarveṣāmupalakṣaye

वे सभी श्वेत पगड़ियाँ और श्वेत वस्त्र पहने दिखाई दिए, और मैंने देखा कि उन सबके आसन भी उज्ज्वल श्वेत थे।

श्लोक 32 (5.143.32)

तव चापि मया कृष्ण स्वप्नान्ते रुधिराविला । आन्त्रेण पृथिवी दृष्टा परिक्षिप्ता जनार्दन ॥

tava cāpi mayā kṛṣṇa svapnānte rudhirāvilā | āntreṇa pṛthivī dṛṣṭā parikṣiptā janārdana

हे कृष्ण, स्वप्न के अन्त में मैंने तुम्हारी इस पृथ्वी को भी रक्त से सनी और आँतों से लिपटी हुई देखा, हे जनार्दन।

श्लोक 33 (5.143.33)

अस्थिसञ्चयमारूढश्चामितौजा युधिष्ठिरः । सुवर्णपात्र्यां संहृष्टो भुक्तवान्घृतपायसम् ॥

asthisañcayamārūḍhaścāmitaujā yudhiṣṭhiraḥ | suvarṇapātryāṃ saṃhṛṣṭo bhuktavānghṛtapāyasam

अमित तेजस्वी युधिष्ठिर हड्डियों के ढेर पर चढ़कर प्रसन्नतापूर्वक सोने के पात्र में घी मिली खीर खा रहे थे।

श्लोक 34 (5.143.34)

युधिष्ठिरो मया दृष्टो ग्रसमानो वसुन्धराम् । त्वया दत्तामिमां व्यक्तं भोक्ष्यते स वसुंधराम् ॥

yudhiṣṭhiro mayā dṛṣṭo grasamāno vasundharām | tvayā dattāmimāṃ vyaktaṃ bhokṣyate sa vasuṃdharām

मैंने युधिष्ठिर को पृथ्वी को निगलते हुए देखा; स्पष्ट है कि तुम्हारी दी हुई इस पृथ्वी का वे उपभोग करेंगे।

श्लोक 35 (5.143.35)

उच्चं पर्वतमारूढो भीमकर्मा वृकोदरः । गदापाणिर्नरव्याघ्रो ग्रसन्निव महीमिमाम् ॥

uccaṃ parvatamārūḍho bhīmakarmā vṛkodaraḥ | gadāpāṇirnaravyāghro grasanniva mahīmimām

भयंकर कर्म करने वाले, पुरुषसिंह वृकोदर हाथ में गदा लिए एक ऊँचे पर्वत पर चढ़े थे, मानो इस पृथ्वी को निगल रहे हों।

श्लोक 36 (5.143.36)

क्षपयिष्यति नः सर्वान्स सुव्यक्तं महारणे । विदितं मे हृषीकेश यतो धर्मस्ततो जयः ॥

kṣapayiṣyati naḥ sarvānsa suvyaktaṃ mahāraṇe | viditaṃ me hṛṣīkeśa yato dharmastato jayaḥ

स्पष्ट है कि वे महायुद्ध में हम सबका संहार कर देंगे। हे हृषीकेश, मैं जानता हूँ कि जहाँ धर्म है, वहीं विजय है।

श्लोक 37 (5.143.37)

पाण्डुरं गजमारूढो गाण्डीवी स धनञ्जयः । त्वया सार्धं हृषीकेश श्रिया परमया ज्वलन् ॥

pāṇḍuraṃ gajamārūḍho gāṇḍīvī sa dhanañjayaḥ | tvayā sārdhaṃ hṛṣīkeśa śriyā paramayā jvalan

हे हृषीकेश, गाण्डीवधारी धनंजय तुम्हारे साथ एक श्वेत हाथी पर आरूढ़ थे और परम शोभा से दीप्त हो रहे थे।

श्लोक 38 (5.143.38)

यूयं सर्वे वधिष्यध्वं तत्र मे नास्ति संशयः । पार्थिवान्समरे कृष्ण दुर्योधनपुरोगमान् ॥

yūyaṃ sarve vadhiṣyadhvaṃ tatra me nāsti saṃśayaḥ | pārthivānsamare kṛṣṇa duryodhanapurogamān

हे कृष्ण, तुम सब युद्ध में दुर्योधन आदि राजाओं का वध करोगे; इसमें मुझे कोई संशय नहीं।

श्लोक 39 (5.143.39)

नकुलः सहदेवश्च सात्यकिश्च महारथः । शुक्लकेयूरकण्ठत्राः शुक्लमाल्याम्बरावृताः ॥

nakulaḥ sahadevaśca sātyakiśca mahārathaḥ | śuklakeyūrakaṇṭhatrāḥ śuklamālyāmbarāvṛtāḥ

नकुल, सहदेव और महारथी सात्यकि — श्वेत बाजूबन्द और कण्ठत्राण धारण किए, श्वेत मालाओं और वस्त्रों से सुसज्जित —

श्लोक 40 (5.143.40)

अधिरूढा नरव्याघ्रा नरवाहनमुत्तमम् । त्रय एते मया दृष्टाः पाण्डुरच्छत्रवाससः ॥

adhirūḍhā naravyāghrā naravāhanamuttamam | traya ete mayā dṛṣṭāḥ pāṇḍuracchatravāsasaḥ

ये पुरुषसिंह मनुष्यों द्वारा ढोए जाने वाले उत्तम वाहन (पालकी) पर आरूढ़ थे; इन तीनों को मैंने श्वेत छत्र और वस्त्रों के साथ देखा।

श्लोक 41 (5.143.41)

श्वेतोष्णीषाश्च दृश्यन्ते त्रय एते जनार्दन । धार्तराष्ट्रेषु सैन्येषु तान्विजानीहि केशव ॥

śvetoṣṇīṣāśca dṛśyante traya ete janārdana | dhārtarāṣṭreṣu sainyeṣu tānvijānīhi keśava

हे जनार्दन, धृतराष्ट्र-पुत्रों की सेनाओं में भी तीन लोग श्वेत पगड़ी पहने दिखाई देते हैं; हे केशव, उन्हें पहचानो —

श्लोक 42 (5.143.42)

अश्वत्थामा कृपश्चैव कृतवर्मा च सात्वतः । रक्तोष्णीषाश्च दृश्यन्ते सर्वे माधव पार्थिवाः ॥

aśvatthāmā kṛpaścaiva kṛtavarmā ca sātvataḥ | raktoṣṇīṣāśca dṛśyante sarve mādhava pārthivāḥ

अश्वत्थामा, कृप और सात्वतवंशी कृतवर्मा। हे माधव, शेष सभी राजा लाल पगड़ियाँ पहने दिखाई देते हैं।

श्लोक 43 (5.143.43)

उष्ट्रप्रयुक्तमारूढौ भीष्मद्रोणौ महारथौ । मया सार्धं महाबाहो धार्तराष्ट्रेण वा विभो ॥

uṣṭraprayuktamārūḍhau bhīṣmadroṇau mahārathau | mayā sārdhaṃ mahābāho dhārtarāṣṭreṇa vā vibho

हे महाबाहु प्रभु, महारथी भीष्म और द्रोण ऊँटों से जुते वाहन पर बैठकर, मेरे और दुर्योधन के साथ,

श्लोक 44 (5.143.44)

अगस्त्यशास्तां च दिशं प्रयाताः स्म जनार्दन । अचिरेणैव कालेन प्राप्स्यामो यमसादनम् ॥

agastyaśāstāṃ ca diśaṃ prayātāḥ sma janārdana | acireṇaiva kālena prāpsyāmo yamasādanam

हे जनार्दन, अगस्त्य द्वारा शासित (दक्षिण) दिशा की ओर जा रहे थे। थोड़े ही समय में हम यमलोक पहुँच जाएँगे।

श्लोक 45 (5.143.45)

अहं चान्ये च राजानो यच्च तत्क्षत्रमण्डलम् । गाण्डिवाग्निं प्रवेक्ष्याम इति मे नास्ति संशयः ॥

ahaṃ cānye ca rājāno yacca tatkṣatramaṇḍalam | gāṇḍivāgniṃ pravekṣyāma iti me nāsti saṃśayaḥ

मैं, अन्य राजा और वह समस्त क्षत्रिय-मण्डल गाण्डीव की अग्नि में प्रवेश करेंगे; इसमें मुझे कोई संशय नहीं।"

श्लोक 46 (5.143.46)

उपस्थितविनाशेयं नूनमद्य वसुंधरा । यथा हि मे वचः कर्ण नोपैति हृदयं तव ॥

upasthitavināśeyaṃ nūnamadya vasuṃdharā | yathā hi me vacaḥ karṇa nopaiti hṛdayaṃ tava

"निश्चय ही अब इस पृथ्वी का विनाश निकट आ गया है, क्योंकि हे कर्ण, मेरी बात तुम्हारे हृदय तक नहीं पहुँचती।

श्लोक 47 (5.143.47)

सर्वेषां तात भूतानां विनाशे प्रत्युपस्थिते । अनयो नयसङ्काशो हृदयान्नापसर्पति ॥

sarveṣāṃ tāta bhūtānāṃ vināśe pratyupasthite | anayo nayasaṅkāśo hṛdayānnāpasarpati

तात, जब सब प्राणियों का विनाश समीप आ जाता है, तब नीति के समान दिखने वाली अनीति हृदय से हटती नहीं।"

श्लोक 48 (5.143.48)

अपि त्वां कृष्ण पश्यामो जीवन्तोऽस्मान्महारणात् । समुत्तीर्णा महाबाहो वीरक्षत्रविनाशनात् ॥

api tvāṃ kṛṣṇa paśyāmo jīvanto'smānmahāraṇāt | samuttīrṇā mahābāho vīrakṣatravināśanāt

"हे महाबाहु कृष्ण, यदि हम वीर क्षत्रियों का विनाश करने वाले इस महायुद्ध से जीवित पार हो गए, तो कदाचित् तुम्हें फिर देखेंगे।

श्लोक 49 (5.143.49)

अथवा सङ्गमः कृष्ण स्वर्गे नो भविता ध्रुवम् । तत्रेदानीं समेष्यामः पुनः सार्धं त्वयानघ ॥

athavā saṅgamaḥ kṛṣṇa svarge no bhavitā dhruvam | tatredānīṃ sameṣyāmaḥ punaḥ sārdhaṃ tvayānagha

अथवा हे कृष्ण, निश्चय ही स्वर्ग में हमारा मिलन होगा; हे निष्पाप, वहीं हम फिर तुमसे मिलेंगे।"

श्लोक 50 (5.143.50)

इत्युक्त्वा माधवं कर्णः परिष्वज्य च पीडितम् । विसर्जितः केशवेन रथोपस्थादवातरत् ॥

ityuktvā mādhavaṃ karṇaḥ pariṣvajya ca pīḍitam | visarjitaḥ keśavena rathopasthādavātarat

माधव से यह कहकर कर्ण ने उन्हें कसकर गले लगाया और केशव से विदा पाकर रथ से उतर गया।

श्लोक 51 (5.143.51)

ततः स्वरथमास्थाय जाम्बूनदविभूषितम् । महात्मा वै निववृते राधेयो दीनमानसः ॥

tataḥ svarathamāsthāya jāmbūnadavibhūṣitam | mahātmā vai nivavṛte rādheyo dīnamānasaḥ

फिर सुवर्ण से विभूषित अपने रथ पर सवार होकर महात्मा राधापुत्र उदास मन से लौट गया।

श्लोक 52 (5.143.52)

ततः शीघ्रतरं प्रायात्केशवः सहसात्यकिः । पुनरुच्चारयन्वाणीं याहि याहीति सारथिम् ॥

tataḥ śīghrataraṃ prāyātkeśavaḥ sahasātyakiḥ | punaruccārayanvāṇīṃ yāhi yāhīti sārathim

तब सात्यकि सहित केशव और भी तेज़ी से चल पड़े और बार-बार सारथि से कहते रहे — "चलो, चलो!"