सत्रह मूर्ख और वन के बाघ

श्लोक 1 (5.37.1)

सप्तदशेमान्राजेन्द्र मनुः स्वायंभुवोऽब्रवीत् । वैचित्रवीर्य पुरुषानाकाशं मुष्टिभिर्घ्नतः ॥

saptadaśemānrājendra manuḥ svāyaṃbhuvo'bravīt | vaicitravīrya puruṣānākāśaṃ muṣṭibhirghnataḥ

हे राजेन्द्र, विचित्रवीर्य के पुत्र! स्वायम्भुव मनु ने कहा है कि आगे बताए जाने वाले सत्रह प्रकार के मनुष्य मानो आकाश पर मुक्के मारते हैं।

श्लोक 2 (5.37.2)

तानेवेन्द्रस्य च धनुरनाम्यं नमतोऽब्रवीत् । अथो मरीचिनः पादानग्राह्यान्गृह्णतस्तथा ॥

tānevendrasya ca dhanuranāmyaṃ namato'bravīt | atho marīcinaḥ pādānagrāhyāngṛhṇatastathā

उन्होंने इन्हें ऐसे लोग बताया जो इन्द्र के उस धनुष को झुकाना चाहते हैं जो झुकाया नहीं जा सकता, और इसी प्रकार सूर्य की उन किरणों को पकड़ना चाहते हैं जो पकड़ी नहीं जा सकतीं।

श्लोक 3 (5.37.3)

यश्चाशिष्यं शास्ति वै यश्च तुष्ये- । द्यश्चातिवेलं भजते द्विषन्तम् । स्त्रियश्च योऽरक्षति भद्रमस्तु ते । यश्चायाच्यं याचते कत्थते वा ॥

yaścāśiṣyaṃ śāsti vai yaśca tuṣye- | dyaścātivelaṃ bhajate dviṣantam | striyaśca yo'rakṣati bhadramastu te | yaścāyācyaṃ yācate katthate vā

वे हैं — जो अयोग्य व्यक्ति को उपदेश देता है, जो थोड़े में ही संतुष्ट हो जाता है, जो शत्रु की सीमा से अधिक सेवा करता है, जो अपने घर की स्त्रियों की रक्षा नहीं करता (आपका कल्याण हो), जो न माँगने योग्य व्यक्ति से माँगता है, और जो डींग हाँकता है;

श्लोक 4 (5.37.4)

यश्चाभिजातः प्रकरोत्यकार्यं । यश्चाबलो बलिना नित्यवैरी । अश्रद्दधानाय च यो ब्रवीति । यश्चाकाम्यं कामयते नरेन्द्र ॥

yaścābhijātaḥ prakarotyakāryaṃ | yaścābalo balinā nityavairī | aśraddadhānāya ca yo bravīti | yaścākāmyaṃ kāmayate narendra

जो कुलीन होकर भी अनुचित कर्म करता है, जो निर्बल होकर भी बलवान से सदा वैर रखता है, जो श्रद्धाहीन व्यक्ति को उपदेश देता है, और हे नरेन्द्र, जो न चाहने योग्य वस्तु की कामना करता है;

श्लोक 5 (5.37.5)

वध्वाऽवहासं श्वशुरो मन्यते यो । वध्वाऽवसन्नभयो मानकामः । परक्षेत्रे निर्वपति यश्च बीजं । स्त्रियं च यः परिवदतेऽतिवेलम् ॥

vadhvā'vahāsaṃ śvaśuro manyate yo | vadhvā'vasannabhayo mānakāmaḥ | parakṣetre nirvapati yaśca bījaṃ | striyaṃ ca yaḥ parivadate'tivelam

जो ससुर पुत्रवधू के साथ हँसी-ठिठोली को उचित समझता है, जो पुत्रवधू के सहारे निःसंकोच रहकर भी सम्मान चाहता है, जो पराए खेत में बीज बोता है, और जो स्त्रियों की अत्यधिक निन्दा करता है;

श्लोक 6 (5.37.6)

यश्चापि लब्ध्वा न स्मरामीति वादी । दत्त्वा च यः कत्थति याच्यमानः । यश्चासतः सान्त्वमुपानयीत । एतान्नयन्ति निरयं पाशहस्ताः ॥

yaścāpi labdhvā na smarāmīti vādī | dattvā ca yaḥ katthati yācyamānaḥ | yaścāsataḥ sāntvamupānayīta | etānnayanti nirayaṃ pāśahastāḥ

जो कुछ पाकर कहता है कि 'मुझे याद नहीं', जो देकर माँगे जाने पर उसकी डींग मारता है, और जो दुष्ट को मीठे वचनों से मनाना चाहता है। ऐसे लोगों को हाथ में पाश लिए यमदूत नरक में ले जाते हैं।

श्लोक 7 (5.37.7)

यस्मिन्यथा वर्तते यो मनुष्य- । स्तस्मिंस्तथा वर्तितव्यं स धर्मः । मायाचारो मायया वर्तितव्यः । साध्वाचारः साधुना प्रत्युपेयः ॥

yasminyathā vartate yo manuṣya- | stasmiṃstathā vartitavyaṃ sa dharmaḥ | māyācāro māyayā vartitavyaḥ | sādhvācāraḥ sādhunā pratyupeyaḥ

जो मनुष्य जिसके साथ जैसा व्यवहार करता है, उसके साथ वैसा ही व्यवहार करना चाहिए — यही धर्म है। कपट से चलने वाले के साथ कपट से और सदाचारी के साथ सद्व्यवहार से पेश आना चाहिए।

श्लोक 8 (5.37.8)

जरा रूपं हरति हि धैर्यमाशा । मृत्युः प्राणान्धर्मचर्यामसूया । कामो ह्रियं वृत्तमनार्यसेवा । क्रोधः श्रियं सर्वमेवाभिमानः ॥

jarā rūpaṃ harati hi dhairyamāśā | mṛtyuḥ prāṇāndharmacaryāmasūyā | kāmo hriyaṃ vṛttamanāryasevā | krodhaḥ śriyaṃ sarvamevābhimānaḥ

बुढ़ापा रूप को हर लेता है, आशा धैर्य को, मृत्यु प्राणों को, ईर्ष्या धर्माचरण को, काम लज्जा को, नीचों की सेवा सदाचार को, क्रोध लक्ष्मी को और अभिमान सब कुछ हर लेता है।

श्लोक 9 (5.37.9)

शतायुरुक्तः पुरुषः सर्ववेदेषु वै यदा । नाप्नोत्यथ च तत्सर्वमायुः केनेह हेतुना ॥

śatāyuruktaḥ puruṣaḥ sarvavedeṣu vai yadā | nāpnotyatha ca tatsarvamāyuḥ keneha hetunā

जब सभी वेदों में मनुष्य की आयु सौ वर्ष कही गई है, तो किस कारण वह इस पूरी आयु को प्राप्त नहीं करता?

श्लोक 10 (5.37.10)

अतिमानोऽतिवादश्च तथाऽत्यागो नराधिप । क्रोधश्चात्मविधित्सा च मित्रद्रोहश्च तानि षट् ॥

atimāno'tivādaśca tathā'tyāgo narādhipa | krodhaścātmavidhitsā ca mitradrohaśca tāni ṣaṭ

हे नराधिप! अत्यधिक अभिमान, अत्यधिक बोलना, त्याग का अभाव, क्रोध, केवल अपना ही हित साधने की लालसा और मित्रों से द्रोह — ये छह हैं।

श्लोक 11 (5.37.11)

एत एवासयस्तीक्ष्णाः कृन्तन्त्यायूंषि देहिनाम् । एतानि मानवान्घ्नन्ति न मृत्युर्भद्रमस्तु ते ॥

eta evāsayastīkṣṇāḥ kṛntantyāyūṃṣi dehinām | etāni mānavānghnanti na mṛtyurbhadramastu te

यही छह तीखी तलवारें देहधारियों की आयु को काटती हैं। मनुष्यों को ये ही मारती हैं, मृत्यु नहीं। आपका कल्याण हो।

श्लोक 12 (5.37.12)

विश्वस्तस्यैति यो दारान्यश्चापि गुरुतल्पगः । वृषलीपतिर्द्विजो यश्च पानपश्चैव भारत ॥

viśvastasyaiti yo dārānyaścāpi gurutalpagaḥ | vṛṣalīpatirdvijo yaśca pānapaścaiva bhārata

हे भारत! जो विश्वास करने वाले की पत्नी के पास जाता है, जो गुरु-शय्या को दूषित करता है, जो द्विज होकर शूद्र स्त्री का पति बनता है, और जो मदिरा पीता है;

श्लोक 13 (5.37.13)

आदेशकृद्वृत्तिहन्ता द्विजानां प्रेषकश्च यः । शरणागतहा चैव सर्वे ब्रह्महणः समाः । एतैः समेत्य कर्तव्यं प्रायश्चित्तमिति श्रुतिः ॥

ādeśakṛdvṛttihantā dvijānāṃ preṣakaśca yaḥ | śaraṇāgatahā caiva sarve brahmahaṇaḥ samāḥ | etaiḥ sametya kartavyaṃ prāyaścittamiti śrutiḥ

जो ब्राह्मणों पर हुक्म चलाता है, उनकी आजीविका नष्ट करता है, उन्हें दूत बनाकर इधर-उधर भेजता है, और जो शरणागत की हत्या करता है — ये सब ब्रह्महत्यारे के समान हैं। श्रुति कहती है कि इनकी संगति करने वाले को प्रायश्चित करना चाहिए।

श्लोक 14 (5.37.14)

गृहीतवाक्यो नयविद्वदान्यः । शेषान्नभोक्ता ह्यविहिंसकश्च । नानर्थकृत्याकुलितः कृतज्ञः । सत्यो मृदुः स्वर्गमुपैति विद्वान् ॥

gṛhītavākyo nayavidvadānyaḥ | śeṣānnabhoktā hyavihiṃsakaśca | nānarthakṛtyākulitaḥ kṛtajñaḥ | satyo mṛduḥ svargamupaiti vidvān

जो हितकर वचन मानता है, नीति जानता है और उदार है, जो दूसरों को खिलाकर बचा हुआ अन्न खाता है, किसी की हिंसा नहीं करता, अनर्थकारी काम नहीं करता और व्याकुल नहीं होता, जो कृतज्ञ, सत्यवादी और कोमल है — ऐसा ज्ञानी स्वर्ग प्राप्त करता है।

श्लोक 15 (5.37.15)

सुलभाः पुरुषा राजन्सततं प्रियवादिनः । अप्रियस्य तु पथ्यस्य वक्ता श्रोता च दुर्लभः ॥

sulabhāḥ puruṣā rājansatataṃ priyavādinaḥ | apriyasya tu pathyasya vaktā śrotā ca durlabhaḥ

हे राजन्! सदा प्रिय बोलने वाले लोग सहज ही मिल जाते हैं, परन्तु अप्रिय किन्तु हितकर बात कहने वाला और उसे सुनने वाला — दोनों दुर्लभ हैं।

श्लोक 16 (5.37.16)

यो हि धर्मं समाश्रित्य हित्वा भर्तुः प्रियाप्रिये । अप्रियाण्याह पथ्यानि तेन राजा सहायवान् ॥

yo hi dharmaṃ samāśritya hitvā bhartuḥ priyāpriye | apriyāṇyāha pathyāni tena rājā sahāyavān

जो धर्म का आश्रय लेकर, स्वामी की पसंद-नापसंद की परवाह छोड़कर, अप्रिय किन्तु हितकर बातें कहता है, उसी से राजा सचमुच सहायक वाला होता है।

श्लोक 17 (5.37.17)

त्यजेत्कुलार्थे पुरुषं ग्रामस्यार्थे कुलं त्यजेत् । ग्रामं जनपदस्यार्थे आत्मार्थे पृथिवीं त्यजेत् ॥

tyajetkulārthe puruṣaṃ grāmasyārthe kulaṃ tyajet | grāmaṃ janapadasyārthe ātmārthe pṛthivīṃ tyajet

कुल के हित के लिए एक व्यक्ति को, गाँव के हित के लिए कुल को, देश के हित के लिए गाँव को और अपनी आत्मा के लिए सारी पृथ्वी को त्याग देना चाहिए।

श्लोक 18 (5.37.18)

आपदर्थे धनं रक्षेद्दारान्रक्षेद्धनैरपि । आत्मानं सततं रक्षेद्दारैरपि धनैरपि ॥

āpadarthe dhanaṃ rakṣeddārānrakṣeddhanairapi | ātmānaṃ satataṃ rakṣeddārairapi dhanairapi

आपत्ति के समय के लिए धन की रक्षा करे, धन देकर भी पत्नी की रक्षा करे, और पत्नी तथा धन दोनों देकर भी सदा अपनी रक्षा करे।

श्लोक 19 (5.37.19)

द्यूतमेतत्पुरा कल्पे दृष्टं वैरकरं नृणाम् । तस्माद्द्यूतं न सेवेत हास्यार्थमपि बुद्धिमान् ॥

dyūtametatpurā kalpe dṛṣṭaṃ vairakaraṃ nṛṇām | tasmāddyūtaṃ na seveta hāsyārthamapi buddhimān

प्राचीन काल में ही देखा गया था कि जुआ मनुष्यों में वैर उत्पन्न करता है। इसलिए बुद्धिमान व्यक्ति हँसी-मज़ाक में भी जुआ न खेले।

श्लोक 20 (5.37.20)

उक्तं मया द्यूतकालेऽपि राज- । न्नेदं युक्तं वचनं प्रातिपेय । तदौषधं पथ्यमिवातुरस्य । न रोचते तव वैचित्रवीर्य ॥

uktaṃ mayā dyūtakāle'pi rāja- | nnedaṃ yuktaṃ vacanaṃ prātipeya | tadauṣadhaṃ pathyamivāturasya | na rocate tava vaicitravīrya

हे राजन्, प्रतीप के वंशज! जुए के समय भी मैंने आपसे कहा था कि यह उचित नहीं है। परन्तु हे विचित्रवीर्य-नन्दन, जैसे रोगी को हितकर औषधि अच्छी नहीं लगती, वैसे ही मेरी बात आपको अच्छी नहीं लगी।

श्लोक 21 (5.37.21)

काकैरिमांश्चित्रबर्हान्मयूरान् । पराजयेथाः पाण्डवान्धार्तराष्ट्रैः । हित्वा सिंहान्क्रोष्टुकान्गूहमानः । प्राप्ते काले शोचिता त्वं नरेन्द्रः ॥

kākairimāṃścitrabarhānmayūrān | parājayethāḥ pāṇḍavāndhārtarāṣṭraiḥ | hitvā siṃhānkroṣṭukāngūhamānaḥ | prāpte kāle śocitā tvaṃ narendraḥ

आप कौओं जैसे धृतराष्ट्र-पुत्रों से इन रंग-बिरंगे पंखों वाले मोरों, पाण्डवों, को हराना चाहते हैं। सिंहों को त्यागकर सियारों को आश्रय देने वाले आप, हे नरेन्द्र, समय आने पर शोक करेंगे।

श्लोक 22 (5.37.22)

यस्तात न क्रुध्यति सर्वकालं । भृत्यस्य भक्तस्य हिते रतस्य । तस्मिन्भृत्या भर्तरि विश्वसन्ति । न चैनमापत्सु परित्यजन्ति ॥

yastāta na krudhyati sarvakālaṃ | bhṛtyasya bhaktasya hite ratasya | tasminbhṛtyā bhartari viśvasanti | na cainamāpatsu parityajanti

तात! जो स्वामी अपने हित में लगे भक्त सेवक पर कभी क्रोध नहीं करता, उस पर सेवक विश्वास करते हैं और विपत्ति में उसका साथ नहीं छोड़ते।

श्लोक 23 (5.37.23)

न भृत्यानां वृत्तिसंरोधनेन । राज्यं धनं सञ्जिघृक्षेदपूर्वम् । त्यजन्ति ह्येनं वञ्चिता वै विरुद्धाः । स्निग्धा ह्यमात्याः परिहीनभोगाः ॥

na bhṛtyānāṃ vṛttisaṃrodhanena | rājyaṃ dhanaṃ sañjighṛkṣedapūrvam | tyajanti hyenaṃ vañcitā vai viruddhāḥ | snigdhā hyamātyāḥ parihīnabhogāḥ

सेवकों की जीविका रोककर नया राज्य या धन हथियाने की इच्छा नहीं करनी चाहिए। ठगे जाने और अपने भोग से वंचित होने पर स्नेही मंत्री भी विरोधी बनकर ऐसे स्वामी को छोड़ देते हैं।

श्लोक 24 (5.37.24)

कृत्यानि पूर्वं परिसङ्ख्याय सर्वा- । ण्यायव्यये चानुरूपां च वृत्तिम् । सङ्गृह्णीयादनुरूपान्सहायान् । सहायसाध्यानि हि दुष्कराणि ॥

kṛtyāni pūrvaṃ parisaṅkhyāya sarvā- | ṇyāyavyaye cānurūpāṃ ca vṛttim | saṅgṛhṇīyādanurūpānsahāyān | sahāyasādhyāni hi duṣkarāṇi

पहले सभी कार्यों का आकलन करे और आय-व्यय के अनुरूप जीविका निश्चित करे; फिर योग्य सहायकों का संग्रह करे, क्योंकि कठिन कार्य सहायकों से ही सिद्ध होते हैं।

श्लोक 25 (5.37.25)

अभिप्रायं यो विदित्वा तु भर्तुः । सर्वाणि कार्याणि करोत्यतन्द्री । वक्ता हितानामनुरक्त आर्यः । शक्तिज्ञ आत्मेव हि सोऽनुकम्प्यः ॥

abhiprāyaṃ yo viditvā tu bhartuḥ | sarvāṇi kāryāṇi karotyatandrī | vaktā hitānāmanurakta āryaḥ | śaktijña ātmeva hi so'nukampyaḥ

जो सेवक स्वामी का अभिप्राय समझकर बिना आलस्य सब काम करता है, हितकर बात कहता है, अनुरक्त और श्रेष्ठ है, तथा स्वामी की शक्ति को जानता है, उस पर अपने ही समान स्नेह रखना चाहिए।

श्लोक 26 (5.37.26)

वाक्यं तु यो नाद्रियतेऽनुशिष्टः । प्रत्याह यश्चापि नियुज्यमानः । प्रज्ञाभिमानी प्रतिकूलवादी । त्याज्यः स तादृक् त्वरयैव भृत्यः ॥

vākyaṃ tu yo nādriyate'nuśiṣṭaḥ | pratyāha yaścāpi niyujyamānaḥ | prajñābhimānī pratikūlavādī | tyājyaḥ sa tādṛk tvarayaiva bhṛtyaḥ

परन्तु जो सेवक समझाने पर बात नहीं मानता, काम सौंपने पर उल्टा जवाब देता है, अपनी बुद्धि का अभिमान रखता है और प्रतिकूल बोलता है — ऐसे सेवक को शीघ्र ही त्याग देना चाहिए।

श्लोक 27 (5.37.27)

अस्तब्धमक्लीबमदीर्घसूत्रं । सानुक्रोशं श्लक्ष्णमहार्यमन्यैः । अरोगजातीयमुदारवाक्यं । दूतं वदन्त्यष्टगुणोपपन्नम् ॥

astabdhamaklībamadīrghasūtraṃ | sānukrośaṃ ślakṣṇamahāryamanyaiḥ | arogajātīyamudāravākyaṃ | dūtaṃ vadantyaṣṭaguṇopapannam

कहते हैं कि दूत में आठ गुण होने चाहिए — वह अहंकारी न हो, कायर न हो, काम में ढील न करे, दयालु हो, शिष्ट हो, दूसरों के बहकावे में न आए, निरोगी हो और प्रभावशाली वाणी वाला हो।

श्लोक 28 (5.37.28)

न विश्वासाज्जातु परस्य गेहे । गच्छेन्नरश्चेतयानो विकाले । न चत्वरे निशि तिष्ठेन्निगूढो । न राजकाम्यां योषितं प्रार्थयीत ॥

na viśvāsājjātu parasya gehe | gacchennaraścetayāno vikāle | na catvare niśi tiṣṭhennigūḍho | na rājakāmyāṃ yoṣitaṃ prārthayīta

सावधान मनुष्य अधिक विश्वास करके असमय दूसरे के घर न जाए, रात में चौराहे पर छिपकर न खड़ा हो, और उस स्त्री की कामना न करे जिसे राजा चाहता हो।

श्लोक 29 (5.37.29)

न निह्नवं मन्त्रगतस्य गच्छे- । त्संसृष्टमन्त्रस्य कुसङ्गतस्य । न च ब्रूयान्नाश्वसिमि त्वयीति । सकारणं व्यपदेशं तु कुर्यात् ॥

na nihnavaṃ mantragatasya gacche- | tsaṃsṛṣṭamantrasya kusaṅgatasya | na ca brūyānnāśvasimi tvayīti | sakāraṇaṃ vyapadeśaṃ tu kuryāt

मंत्रणा में बैठे उस व्यक्ति का खंडन न करे जिसकी मंत्रणा बहुतों में फैली हो और जो बुरी संगति में रहता हो; और न ही उससे कहे कि 'मुझे तुम पर विश्वास नहीं', बल्कि कोई उचित कारण बता दे।

श्लोक 30 (5.37.30)

घृणी राजा पुंश्चली राजभृत्यः । पुत्रो भ्राता विधवा बालपुत्रा । सेनाजीवी चोद्धृतभूरिरेव । व्यवहारेषु वर्जनीयाः स्युरेते ॥

ghṛṇī rājā puṃścalī rājabhṛtyaḥ | putro bhrātā vidhavā bālaputrā | senājīvī coddhṛtabhūrireva | vyavahāreṣu varjanīyāḥ syurete

दयालु राजा, कुलटा स्त्री, राजसेवक, पुत्र, भाई, छोटे बच्चे वाली विधवा, सेना से जीविका चलाने वाला, और जिसका बहुत-सा धन छिन चुका हो — इनसे लेन-देन का व्यवहार नहीं करना चाहिए।

श्लोक 31 (5.37.31)

अष्टौ गुणाः पुरुषं दीपयन्ति । प्रज्ञा च कौल्यं च श्रुतं दमश्च । पराक्रमश्चाबहुभाषिता च । दानं यथाशक्ति कृतज्ञता च ॥

aṣṭau guṇāḥ puruṣaṃ dīpayanti | prajñā ca kaulyaṃ ca śrutaṃ damaśca | parākramaścābahubhāṣitā ca | dānaṃ yathāśakti kṛtajñatā ca

आठ गुण मनुष्य को प्रकाशित करते हैं — बुद्धि, कुलीनता, शास्त्रज्ञान, इन्द्रिय-संयम, पराक्रम, कम बोलना, सामर्थ्य के अनुसार दान, और कृतज्ञता।

श्लोक 32 (5.37.32)

एतान्गुणांस्तात महानुभावा- । नेको गुणः संश्रयते प्रसह्य । राजा यदा सत्कुरुते मनुष्यं । सर्वान्गुणानेष गुणो बिभर्ति ॥

etānguṇāṃstāta mahānubhāvā- | neko guṇaḥ saṃśrayate prasahya | rājā yadā satkurute manuṣyaṃ | sarvānguṇāneṣa guṇo bibharti

तात! एक ही गुण इन सब महान गुणों को बलपूर्वक अपने अधीन कर लेता है — जब राजा किसी मनुष्य का सत्कार करता है, तो यह एक गुण सभी गुणों को धारण कर लेता है।

श्लोक 33 (5.37.33)

गुणा दश स्नानशीलं भजन्ते । बलं रूपं स्वरवर्णप्रशुद्धिः । स्पर्शश्च गन्धश्च विशुद्धता च । श्रीः सौकुमार्यं प्रवराश्च नार्यः ॥

guṇā daśa snānaśīlaṃ bhajante | balaṃ rūpaṃ svaravarṇapraśuddhiḥ | sparśaśca gandhaśca viśuddhatā ca | śrīḥ saukumāryaṃ pravarāśca nāryaḥ

नियम से स्नान करने वाले को दस लाभ मिलते हैं — बल, रूप, स्वर की शुद्धता, वर्ण की निर्मलता, कोमल स्पर्श, सुगन्ध, पवित्रता, कान्ति, सुकुमारता और श्रेष्ठ स्त्रियाँ।

श्लोक 34 (5.37.34)

गुणाश्च षण्मितभुक्तं भजन्ते । आरोग्यमायुश्च बलं सुखं च । अनाविलं चास्य भवत्यपत्यं । न चैनमाद्यून इति क्षिपन्ति ॥

guṇāśca ṣaṇmitabhuktaṃ bhajante | ārogyamāyuśca balaṃ sukhaṃ ca | anāvilaṃ cāsya bhavatyapatyaṃ | na cainamādyūna iti kṣipanti

और मिताहारी को छह लाभ मिलते हैं — आरोग्य, दीर्घायु, बल और सुख; उसकी संतान निर्दोष होती है; और कोई उसे 'पेटू' कहकर ताना नहीं मारता।

श्लोक 35 (5.37.35)

अकर्मशीलं च महाशनं च । लोकद्विष्टं बहुमायं नृशंसम् । अदेशकालज्ञमनिष्टवेष- । मेतान्गृहे न प्रतिवासयेत ॥

akarmaśīlaṃ ca mahāśanaṃ ca | lokadviṣṭaṃ bahumāyaṃ nṛśaṃsam | adeśakālajñamaniṣṭaveṣa- | metāngṛhe na prativāsayeta

इन्हें अपने घर में नहीं ठहराना चाहिए — कर्महीन, बहुत खाने वाला, लोगों का द्वेषपात्र, बहुत कपटी, क्रूर, देश-काल को न जानने वाला और अनुचित वेश धारण करने वाला।

श्लोक 36 (5.37.36)

कदर्यमाक्रोशकमश्रुतं च । वनौकसं धूर्तममान्यमानिनम् । निष्ठूरिणं कृतवैरं कृतघ्न- । मेतान्भृशार्तोऽपि न जातु याचेत् ॥

kadaryamākrośakamaśrutaṃ ca | vanaukasaṃ dhūrtamamānyamāninam | niṣṭhūriṇaṃ kṛtavairaṃ kṛtaghna- | metānbhṛśārto'pi na jātu yācet

बहुत संकट में होने पर भी इनसे कभी याचना न करे — कंजूस, गाली देने वाला, अज्ञानी, वनवासी, धूर्त, अयोग्य का सम्मान करने वाला, निष्ठुर, वैर रखने वाला और कृतघ्न।

श्लोक 37 (5.37.37)

संक्लिष्टकर्माणमतिप्रमादं । नित्यानृतं चादृढभक्तिकं च । विसृष्टरागं पटुमानिनं चा- । प्येतान्न सेवेत नराधमान्षट् ॥

saṃkliṣṭakarmāṇamatipramādaṃ | nityānṛtaṃ cādṛḍhabhaktikaṃ ca | visṛṣṭarāgaṃ paṭumāninaṃ cā- | pyetānna seveta narādhamānṣaṭ

इन छह अधम मनुष्यों की सेवा न करे — क्लेशकारी कर्म करने वाला, अत्यन्त प्रमादी, सदा झूठ बोलने वाला, अस्थिर निष्ठा वाला, स्नेह-रहित, और स्वयं को चतुर मानने वाला।

श्लोक 38 (5.37.38)

सहायबन्धना ह्यर्थाः सहायाश्चार्थबन्धनाः । अन्योन्यबन्धनावेतौ विनान्योन्यं न सिध्यतः ॥

sahāyabandhanā hyarthāḥ sahāyāścārthabandhanāḥ | anyonyabandhanāvetau vinānyonyaṃ na sidhyataḥ

धन सहायकों पर निर्भर है और सहायक धन पर। ये दोनों परस्पर बँधे हैं; एक के बिना दूसरा सिद्ध नहीं होता।

श्लोक 39 (5.37.39)

उत्पाद्य पुत्राननृणांश्च कृत्वा । वृत्तिं च तेभ्योऽनुविधाय कांचित् । स्थाने कुमारीः प्रतिपाद्य सर्वा । अरण्यसंस्थोऽथ मुनिर्बुभूषेत् ॥

utpādya putrānanṛṇāṃśca kṛtvā | vṛttiṃ ca tebhyo'nuvidhāya kāṃcit | sthāne kumārīḥ pratipādya sarvā | araṇyasaṃstho'tha munirbubhūṣet

पुत्रों को जन्म देकर, उन्हें ऋणमुक्त करके, उनके लिए किसी जीविका की व्यवस्था करके, और सभी कन्याओं का योग्य वर से विवाह करके, फिर वन में रहकर मुनि बनने की इच्छा करे।

श्लोक 40 (5.37.40)

हितं यत्सर्वभूतानामात्मनश्च सुखावहम् । तत्कुर्यादीश्वरो ह्येतन्मूलं सर्वार्थसिद्धये ॥

hitaṃ yatsarvabhūtānāmātmanaśca sukhāvaham | tatkuryādīśvaro hyetanmūlaṃ sarvārthasiddhaye

जो सभी प्राणियों के लिए हितकर हो और अपने लिए सुखदायक हो, राजा वही करे, क्योंकि यही सब प्रयोजनों की सिद्धि का मूल है।

श्लोक 41 (5.37.41)

वृद्धिः प्रभावस्तेजश्च सत्त्वमुत्थानमेव च । व्यवसायश्च यस्य स्यात्तस्यावृत्तिभयं कुतः ॥

vṛddhiḥ prabhāvastejaśca sattvamutthānameva ca | vyavasāyaśca yasya syāttasyāvṛttibhayaṃ kutaḥ

जिसमें उन्नति, प्रभाव, तेज, सत्त्व, उद्यम और दृढ़ निश्चय है, उसे जीविका छिनने का भय कहाँ?

श्लोक 42 (5.37.42)

पश्य दोषान्पाण्डवैर्विग्रहे त्वं । यत्र व्यथेयुरपि देवाः सशक्राः । पुत्रैर्वैरं नित्यमुद्विग्नवासो । यशःप्रणाशो द्विषतश्च हर्षः ॥

paśya doṣānpāṇḍavairvigrahe tvaṃ | yatra vyatheyurapi devāḥ saśakrāḥ | putrairvairaṃ nityamudvignavāso | yaśaḥpraṇāśo dviṣataśca harṣaḥ

पाण्डवों से युद्ध के दोषों को देखिए, जिसमें इन्द्र सहित देवता भी पीड़ित हो जाएँ — अपने ही पुत्रों से वैर, सदा उद्विग्न जीवन, यश का नाश और शत्रुओं का हर्ष।

श्लोक 43 (5.37.43)

भीष्मस्य कोपस्तव चैवेन्द्रकल्प । द्रोणस्य राज्ञश्च युधिष्ठिरस्य । उत्सादयेल्लोकमिमं प्रवृद्धः । श्वेतो ग्रहस्तिर्यगिवापतन्खे ॥

bhīṣmasya kopastava caivendrakalpa | droṇasya rājñaśca yudhiṣṭhirasya | utsādayellokamimaṃ pravṛddhaḥ | śveto grahastiryagivāpatankhe

हे इन्द्र-तुल्य राजन्! भीष्म, आपका, द्रोण का और राजा युधिष्ठिर का क्रोध भड़क उठे तो वह इस लोक को नष्ट कर सकता है, जैसे आकाश में तिरछा गिरता श्वेत धूमकेतु।

श्लोक 44 (5.37.44)

तव पुत्रशतं चैव कर्णः पञ्च च पाण्डवाः । पृथिवीमनुशासेयुरखिलां सागराम्बराम् ॥

tava putraśataṃ caiva karṇaḥ pañca ca pāṇḍavāḥ | pṛthivīmanuśāseyurakhilāṃ sāgarāmbarām

आपके सौ पुत्र, कर्ण और पाँचों पाण्डव मिलकर समुद्र से घिरी सम्पूर्ण पृथ्वी पर शासन कर सकते हैं।

श्लोक 45 (5.37.45)

धार्तराष्ट्रा वनं राजन्व्याघ्राः पाण्डुसुता मताः । मा वनं छिन्धि सव्याघ्रं मा व्याघ्रा नीनशन्वनात् ॥

dhārtarāṣṭrā vanaṃ rājanvyāghrāḥ pāṇḍusutā matāḥ | mā vanaṃ chindhi savyāghraṃ mā vyāghrā nīnaśanvanāt

हे राजन्! धृतराष्ट्र के पुत्र वन और पाण्डु के पुत्र उसके बाघ माने गए हैं। बाघों सहित वन को मत काटिए, और वन से बिछुड़कर बाघ नष्ट न हों।

श्लोक 46 (5.37.46)

न स्याद्वनमृते व्याघ्रान्व्याघ्रा न स्युर्ऋते वनम् । वनं हि रक्ष्यते व्याघ्रैर्व्याघ्रान्रक्षति काननम् ॥

na syādvanamṛte vyāghrānvyāghrā na syurṛte vanam | vanaṃ hi rakṣyate vyāghrairvyāghrānrakṣati kānanam

बाघों के बिना वन नहीं रहता और वन के बिना बाघ नहीं रहते। वन की रक्षा बाघ करते हैं और बाघों की रक्षा वन करता है।

श्लोक 47 (5.37.47)

न तथेच्छन्ति कल्याणान्परेषां वेदितुं गुणान् । यथैषां ज्ञातुमिच्छन्ति नैर्गुण्यं पापचेतसः ॥

na tathecchanti kalyāṇānpareṣāṃ vedituṃ guṇān | yathaiṣāṃ jñātumicchanti nairguṇyaṃ pāpacetasaḥ

पापी मन वाले लोग दूसरों के अच्छे गुण जानने के लिए उतने उत्सुक नहीं होते, जितने उनके दोष जानने के लिए।

श्लोक 48 (5.37.48)

अर्थसिद्धिं परामिच्छन्धर्ममेवादितश्चरेत् । नहि धर्मादपैत्यर्थः स्वर्गलोकादिवामृतम् ॥

arthasiddhiṃ parāmicchandharmamevāditaścaret | nahi dharmādapaityarthaḥ svargalokādivāmṛtam

जो अर्थ की परम सिद्धि चाहता है, उसे आरम्भ से ही धर्म का आचरण करना चाहिए, क्योंकि जैसे स्वर्गलोक से अमृत अलग नहीं होता, वैसे ही धर्म से अर्थ अलग नहीं होता।

श्लोक 49 (5.37.49)

यस्यात्मा विरतः पापात्कल्याणे च निवेशितः । तेन सर्वमिदं बुद्धं प्रकृतिर्विकृतिश्च या ॥

yasyātmā virataḥ pāpātkalyāṇe ca niveśitaḥ | tena sarvamidaṃ buddhaṃ prakṛtirvikṛtiśca yā

जिसका मन पाप से हटकर कल्याण में स्थिर हो गया है, उसने इस सबको — प्रकृति और उसके विकार दोनों को — जान लिया है।

श्लोक 50 (5.37.50)

यो धर्ममर्थं कामं च यथाकालं निषेवते । धर्मार्थकामसंयोगं सोऽमुत्रेह च विन्दति ॥

yo dharmamarthaṃ kāmaṃ ca yathākālaṃ niṣevate | dharmārthakāmasaṃyogaṃ so'mutreha ca vindati

जो धर्म, अर्थ और काम का उचित समय पर सेवन करता है, वह इस लोक और परलोक दोनों में धर्म, अर्थ और काम का संयोग प्राप्त करता है।

श्लोक 51 (5.37.51)

सन्नियच्छति यो वेगमुत्थितं क्रोधहर्षयोः । स श्रियो भाजनं राजन्यश्चापत्सु न मुह्यति ॥

sanniyacchati yo vegamutthitaṃ krodhaharṣayoḥ | sa śriyo bhājanaṃ rājanyaścāpatsu na muhyati

हे राजन्! जो क्रोध और हर्ष के उठते वेग को रोक लेता है और विपत्ति में मोहित नहीं होता, वही लक्ष्मी का पात्र है।

श्लोक 52 (5.37.52)

बलं पञ्चविधं नित्यं पुरुषाणां निबोध मे । यत्तु बाहुबलं नाम प्रथमं बलमुच्यते ॥

balaṃ pañcavidhaṃ nityaṃ puruṣāṇāṃ nibodha me | yattu bāhubalaṃ nāma prathamaṃ balamucyate

मुझसे जानिए कि मनुष्यों के पास सदा पाँच प्रकार का बल होता है। जो बाहुबल है, उसे पहला बल कहा जाता है।

श्लोक 53 (5.37.53)

अमात्यलाभो भद्रं ते द्वितीयं बलमुच्यते । तृतीयं धनलाभं तु बलमाहुर्मनीषिणः ॥

amātyalābho bhadraṃ te dvitīyaṃ balamucyate | tṛtīyaṃ dhanalābhaṃ tu balamāhurmanīṣiṇaḥ

आपका कल्याण हो! मंत्रियों की प्राप्ति दूसरा बल कहा जाता है, और धन की प्राप्ति को मनीषी तीसरा बल कहते हैं।

श्लोक 54 (5.37.54)

यत्त्वस्य सहजं राजन्पितृपैतामहं बलम् । अभिजातबलं नाम तच्चतुर्थं बलं स्मृतम् ॥

yattvasya sahajaṃ rājanpitṛpaitāmahaṃ balam | abhijātabalaṃ nāma taccaturthaṃ balaṃ smṛtam

हे राजन्! जो बल मनुष्य को जन्म से, पिता-पितामह से प्राप्त होता है, उसे अभिजात-बल (कुल का बल) कहते हैं; वह चौथा बल माना गया है।

श्लोक 55 (5.37.55)

येन त्वेतानि सर्वाणि सङ्गृहीतानि भारत । यद्बलानां बलं श्रेष्ठं तत्प्रज्ञाबलमुच्यते ॥

yena tvetāni sarvāṇi saṅgṛhītāni bhārata | yadbalānāṃ balaṃ śreṣṭhaṃ tatprajñābalamucyate

हे भारत! जिससे ये सब बल सँभाले जाते हैं और जो सब बलों में श्रेष्ठ है, उसे प्रज्ञा-बल (बुद्धि का बल) कहते हैं।

श्लोक 56 (5.37.56)

महते योऽपकाराय नरस्य प्रभवेन्नरः । तेन वैरं समासज्य दूरस्थोऽस्मीति नाश्वसेत् ॥

mahate yo'pakārāya narasya prabhavennaraḥ | tena vairaṃ samāsajya dūrastho'smīti nāśvaset

जो मनुष्य बड़ी हानि पहुँचाने में समर्थ है, उससे वैर बाँधकर यह सोचकर निश्चिन्त न हो कि 'मैं तो दूर हूँ'।

श्लोक 57 (5.37.57)

स्त्रीषु राजसु सर्पेषु स्वाध्यायप्रभुशत्रुषु । भोगेष्वायुषि विश्वासं कः प्राज्ञः कर्तुमर्हति ॥

strīṣu rājasu sarpeṣu svādhyāyaprabhuśatruṣu | bhogeṣvāyuṣi viśvāsaṃ kaḥ prājñaḥ kartumarhati

स्त्रियों, राजाओं, सर्पों, अपने अध्ययन, स्वामियों, शत्रुओं, भोगों और आयु पर — कौन बुद्धिमान भरोसा कर सकता है?

श्लोक 58 (5.37.58)

प्रज्ञाशरेणाभिहतस्य जन्तो- । श्चिकित्सकाः सन्ति न चौषधानि । न होममन्त्रा न च मङ्गलानि । नाथर्वणा नाप्यगदाः सुसिद्धाः ॥

prajñāśareṇābhihatasya janto- | ścikitsakāḥ santi na cauṣadhāni | na homamantrā na ca maṅgalāni | nātharvaṇā nāpyagadāḥ susiddhāḥ

बुद्धि के बाण से घायल प्राणी के लिए न कोई वैद्य है, न औषधियाँ, न होम के मन्त्र, न मंगल-कर्म, न अथर्ववेद के प्रयोग और न ही सिद्ध विषनाशक औषधियाँ।

श्लोक 59 (5.37.59)

सर्पश्चाग्निश्च सिंहश्च कुलपुत्रश्च भारत । नावज्ञेया मनुष्येण सर्वे ह्येतेऽतितेजसः ॥

sarpaścāgniśca siṃhaśca kulaputraśca bhārata | nāvajñeyā manuṣyeṇa sarve hyete'titejasaḥ

हे भारत! सर्प, अग्नि, सिंह और कुलीन पुत्र — मनुष्य को इनकी कभी अवहेलना नहीं करनी चाहिए, क्योंकि ये सभी अत्यन्त तेजस्वी होते हैं।

श्लोक 60 (5.37.60)

अग्निस्तेजो महल्लोके गूढस्तिष्ठति दारुषु । न चोपयुङ्क्ते तद्दारु यावन्नोद्दीप्यते परैः ॥

agnistejo mahalloke gūḍhastiṣṭhati dāruṣu | na copayuṅkte taddāru yāvannoddīpyate paraiḥ

अग्नि संसार का महान तेज है, जो लकड़ी में छिपा रहता है; जब तक दूसरे उसे प्रज्वलित न करें, वह उस लकड़ी को नहीं जलाती।

श्लोक 61 (5.37.61)

स एव खलु दारुभ्यो यदा निर्मथ्य दीप्यते । तद्दारु च वनं चान्यन्निर्दहत्याशु तेजसा ॥

sa eva khalu dārubhyo yadā nirmathya dīpyate | taddāru ca vanaṃ cānyannirdahatyāśu tejasā

किन्तु वही अग्नि जब मंथन द्वारा लकड़ी से निकलकर प्रज्वलित होती है, तो अपने तेज से उस लकड़ी को, वन को और अन्य सब कुछ को शीघ्र जला डालती है।

श्लोक 62 (5.37.62)

एवमेव कुले जाताः पावकोपमतेजसः । क्षमावन्तो निराकाराः काष्ठेऽग्निरिव शेरते ॥

evameva kule jātāḥ pāvakopamatejasaḥ | kṣamāvanto nirākārāḥ kāṣṭhe'gniriva śerate

इसी प्रकार उत्तम कुल में जन्मे, अग्नि के समान तेजस्वी पुरुष क्षमाशील रहते हैं और कोई विकार प्रकट नहीं करते; वे लकड़ी में अग्नि की भाँति शान्त पड़े रहते हैं।

श्लोक 63 (5.37.63)

लताधर्मा त्वं सपुत्रः सालः पाण्डुसुता मताः । न लता वर्धते जातु महाद्रुममनाश्रिता ॥

latādharmā tvaṃ saputraḥ sālaḥ pāṇḍusutā matāḥ | na latā vardhate jātu mahādrumamanāśritā

आप अपने पुत्रों सहित लता के समान हैं और पाण्डु के पुत्र शाल वृक्ष माने गए हैं। लता किसी विशाल वृक्ष का सहारा लिए बिना कभी नहीं बढ़ती।

श्लोक 64 (5.37.64)

वनं राजंस्तव पुत्रोऽम्बिकेय । सिंहान्वने पाण्डवांस्तात विद्धि । सिंहैर्विहीनं हि वनं विनश्येत् । सिंहा विनश्येयुर्ऋते वनेन ॥

vanaṃ rājaṃstava putro'mbikeya | siṃhānvane pāṇḍavāṃstāta viddhi | siṃhairvihīnaṃ hi vanaṃ vinaśyet | siṃhā vinaśyeyurṛte vanena

हे राजन्, अम्बिका-नन्दन! आपका पुत्र वन है, और तात, पाण्डवों को उस वन के सिंह जानिए। सिंहों से रहित वन नष्ट हो जाता है और वन के बिना सिंह भी नष्ट हो जाते हैं।