द्रुपद का मित्र राजाओं को बुलाने का परामर्श

श्लोक 1 (5.4.1)

एवमेतन्महाबाहो भविष्यति न संशयः । न हि दुर्योधनो राज्यं मधुरेण प्रदास्यति ॥

evametanmahābāho bhaviṣyati na saṃśayaḥ | na hi duryodhano rājyaṃ madhureṇa pradāsyati

"हे महाबाहु, निःसन्देह ऐसा ही होगा। दुर्योधन मीठी बातों से राज्य नहीं देगा।

श्लोक 2 (5.4.2)

अनुवर्त्स्यति तं चापि धृतराष्ट्रः सुतप्रियः । भीष्मद्रोणौ च कार्पण्यान्मौर्ख्याद्राधेयसौबलौ ॥

anuvartsyati taṃ cāpi dhṛtarāṣṭraḥ sutapriyaḥ | bhīṣmadroṇau ca kārpaṇyānmaurkhyādrādheyasaubalau

पुत्र-प्रेमी धृतराष्ट्र भी उसी का साथ देंगे; भीष्म और द्रोण विवशता के कारण, और राधापुत्र कर्ण तथा शकुनि मूर्खता के कारण उसका अनुसरण करेंगे।

श्लोक 3 (5.4.3)

बलदेवस्य वाक्यं तु मम ज्ञाने न युज्यते । एतद्धि पुरुषेणाग्रे कार्यं सुनयमिच्छता ॥

baladevasya vākyaṃ tu mama jñāne na yujyate | etaddhi puruṣeṇāgre kāryaṃ sunayamicchatā

मेरी समझ में बलदेव की बात उचित नहीं है; अच्छी नीति चाहने वाले पुरुष को पहले वही करना चाहिए जो मैं कह रहा हूँ।

श्लोक 4 (5.4.4)

न तु वाच्यो मृदुवचो धार्तराष्ट्रः कथंचन । नहि मार्दवसाध्योऽसौ पापबुद्धिर्मतो मम ॥

na tu vācyo mṛduvaco dhārtarāṣṭraḥ kathaṃcana | nahi mārdavasādhyo'sau pāpabuddhirmato mama

धृतराष्ट्र के पुत्र से किसी भी प्रकार कोमल वचन नहीं कहने चाहिए। मेरे मत में वह पापबुद्धि नम्रता से वश में आने वाला नहीं है।

श्लोक 5 (5.4.5)

गर्दभे मार्दवं कुर्याद्गोषु तीक्ष्णं समाचरेत् । मृदु दुर्योधने वाक्यं यो ब्रूयात्पापचेतसि ॥

gardabhe mārdavaṃ kuryādgoṣu tīkṣṇaṃ samācaret | mṛdu duryodhane vākyaṃ yo brūyātpāpacetasi

जो पापी दुर्योधन से कोमल वाणी बोलता है, वह मानो गधे के साथ नरमी और गायों के साथ कठोरता का व्यवहार करता है।

श्लोक 6 (5.4.6)

मृदुं वै मन्यते पापो भाषमाणमशक्तिकम् । हितमर्थं न जानीयादबुद्धिर्मार्दवे सति ॥

mṛduṃ vai manyate pāpo bhāṣamāṇamaśaktikam | hitamarthaṃ na jānīyādabuddhirmārdave sati

दुष्ट व्यक्ति नम्रता से बोलने वाले को दुर्बल और शक्तिहीन समझता है; नरमी देखकर वह मूर्ख अपना हित भी नहीं पहचानता।

श्लोक 7 (5.4.7)

एतच्चैव करिष्यामो यत्नश्च क्रियतामिह । प्रस्थापयाम मित्रेभ्यो बलान्युद्योजयन्तु नः ॥

etaccaiva kariṣyāmo yatnaśca kriyatāmiha | prasthāpayāma mitrebhyo balānyudyojayantu naḥ

हम यही करेंगे, और इसका प्रयत्न यहीं से आरम्भ हो; हम अपने मित्रों के पास सन्देश भेजें कि वे हमारे लिए सेनाएँ तैयार करें।

श्लोक 8 (5.4.8)

शल्यस्य धृष्टकेतोश्च जयत्सेनस्य वा विभो । केकयानां च सर्वेषां दूता गच्छन्तु शीघ्रगाः ॥

śalyasya dhṛṣṭaketośca jayatsenasya vā vibho | kekayānāṃ ca sarveṣāṃ dūtā gacchantu śīghragāḥ

हे विभो, शल्य, धृष्टकेतु, जयत्सेन और सभी केकयों के पास शीघ्रगामी दूत जाएँ।

श्लोक 9 (5.4.9)

स च दुर्योधनो नूनं प्रेषयिष्यति सर्वशः । पूर्वाभिपन्नाः सन्तश्च भजन्ते पूर्वचोदनम् ॥

sa ca duryodhano nūnaṃ preṣayiṣyati sarvaśaḥ | pūrvābhipannāḥ santaśca bhajante pūrvacodanam

दुर्योधन भी निश्चय ही सब ओर सन्देश भेजेगा; और सज्जन जिसके द्वारा पहले आमन्त्रित किए जाते हैं, उसी का साथ देते हैं।

श्लोक 10 (5.4.10)

तत्त्वरध्वं नरेन्द्राणां पूर्वमेव प्रचोदने । महद्धि कार्यं वोढव्यमिति मे वर्तते मतिः ॥

tattvaradhvaṃ narendrāṇāṃ pūrvameva pracodane | mahaddhi kāryaṃ voḍhavyamiti me vartate matiḥ

इसलिए राजाओं को सबसे पहले आमन्त्रित करने में शीघ्रता करो; मेरा विचार है कि हमें एक बहुत बड़ा कार्य निभाना है।

श्लोक 11 (5.4.11)

शल्यस्य प्रेष्यतां शीघ्रं ये च तस्यानुगा नृपाः । भगदत्ताय राज्ञे च पूर्वसागरवासिने ॥

śalyasya preṣyatāṃ śīghraṃ ye ca tasyānugā nṛpāḥ | bhagadattāya rājñe ca pūrvasāgaravāsine

शल्य और उनके अनुयायी राजाओं के पास शीघ्र सन्देश भेजा जाए, और पूर्वी सागर के तट पर रहने वाले राजा भगदत्त के पास भी;

श्लोक 12 (5.4.12)

अमितौजसे तथोग्राय हार्दिक्यायान्धकाय च । दीर्घप्रज्ञाय शूराय रोचमानाय वा विभो ॥

amitaujase tathogrāya hārdikyāyāndhakāya ca | dīrghaprajñāya śūrāya rocamānāya vā vibho

अमितौजा, उग्र, हार्दिक्य और अन्धक के पास; हे विभो, दीर्घप्रज्ञ, शूर और रोचमान के पास भी।

श्लोक 13 (5.4.13)

आनीयतां बृहन्तश्च सेनाबिन्दुश्च पार्थिवः । सेनजित्प्रतिबिन्ध्यश्च चित्रवर्मा सुवास्तुकः ॥

ānīyatāṃ bṛhantaśca senābinduśca pārthivaḥ | senajitpratibindhyaśca citravarmā suvāstukaḥ

बृहन्त और राजा सेनाबिन्दु को बुलाया जाए; सेनजित्, प्रतिविन्ध्य, चित्रवर्मा और सुवास्तुक को भी;

श्लोक 14 (5.4.14)

बाह्लीको मुञ्जकेशश्च चैद्याधिपतिरेव च । सुपार्श्वश्च सुबाहुश्च पौरवश्च महारथः ॥

bāhlīko muñjakeśaśca caidyādhipatireva ca | supārśvaśca subāhuśca pauravaśca mahārathaḥ

बाह्लीक, मुञ्जकेश और चेदिराज को; सुपार्श्व, सुबाहु और महारथी पौरव को;

श्लोक 15 (5.4.15)

शकानां पह्लवानां च दरदानां च ये नृपाः । सुरारिश्च नदीजश्च कर्णवेष्टश्च पार्थिवः ॥

śakānāṃ pahlavānāṃ ca daradānāṃ ca ye nṛpāḥ | surāriśca nadījaśca karṇaveṣṭaśca pārthivaḥ

शकों, पह्लवों और दरदों के राजाओं को; सुरारि, नदीज और राजा कर्णवेष्ट को;

श्लोक 16 (5.4.16)

नीलश्च वीरधर्मा च भूमिपालश्च वीर्यवान् । दुर्जयो दन्तवक्रश्च रुक्मी च जनमेजयः ॥

nīlaśca vīradharmā ca bhūmipālaśca vīryavān | durjayo dantavakraśca rukmī ca janamejayaḥ

नील, वीरधर्मा और पराक्रमी भूमिपाल को; दुर्जय, दन्तवक्र, रुक्मी और जनमेजय को;

श्लोक 17 (5.4.17)

आषाढो वायुवेगश्च पूर्वपाली च पार्थिवः । भूरितेजा देवकश्च एकलव्यः सहात्मजैः ॥

āṣāḍho vāyuvegaśca pūrvapālī ca pārthivaḥ | bhūritejā devakaśca ekalavyaḥ sahātmajaiḥ

आषाढ, वायुवेग और राजा पूर्वपाली को; भूरितेजा, देवक और पुत्रों सहित एकलव्य को;

श्लोक 18 (5.4.18)

कारूषकाश्च राजानः क्षेमधूर्तिश्च वीर्यवान् । काम्भोजा ऋषिका ये च पश्चिमानूपकाश्च ये ॥

kārūṣakāśca rājānaḥ kṣemadhūrtiśca vīryavān | kāmbhojā ṛṣikā ye ca paścimānūpakāśca ye

करूष देश के राजाओं और पराक्रमी क्षेमधूर्ति को; काम्बोजों, ऋषिकों और पश्चिमी अनूपकों को;

श्लोक 19 (5.4.19)

जयत्सेनश्च काश्यश्च तथा पञ्चनदा नृपाः । क्राथपुत्रश्च दुर्धर्षः पार्वतीयाश्च ये नृपाः ॥

jayatsenaśca kāśyaśca tathā pañcanadā nṛpāḥ | krāthaputraśca durdharṣaḥ pārvatīyāśca ye nṛpāḥ

जयत्सेन, काशिराज और पञ्चनद के राजाओं को; दुर्धर्ष क्राथपुत्र को और पर्वतीय राजाओं को;

श्लोक 20 (5.4.20)

जानकिश्च सुशर्मा च मणिमान्पौतिमत्स्यकः । पांशुराष्ट्राधिपश्चैव धृष्टकेतुश्च वीर्यवान् ॥

jānakiśca suśarmā ca maṇimānpautimatsyakaḥ | pāṃśurāṣṭrādhipaścaiva dhṛṣṭaketuśca vīryavān

जानकि, सुशर्मा, मणिमान् और पौतिमत्स्यक को; पांशुराष्ट्र के अधिपति और पराक्रमी धृष्टकेतु को;

श्लोक 21 (5.4.21)

तुण्डश्च दण्डधारश्च बृहत्सेनश्च वीर्यवान् । अपराजितो निषादश्च श्रेणिमान्वसुमानपि ॥

tuṇḍaśca daṇḍadhāraśca bṛhatsenaśca vīryavān | aparājito niṣādaśca śreṇimānvasumānapi

तुण्ड, दण्डधार और पराक्रमी बृहत्सेन को; अपराजित, निषाद, श्रेणिमान् और वसुमान् को भी;

श्लोक 22 (5.4.22)

बृहद्बलो महौजाश्च बाहुः परपुरंजयः । समुद्रसेनो राजा च सह पुत्रेण वीर्यवान् ॥

bṛhadbalo mahaujāśca bāhuḥ parapuraṃjayaḥ | samudraseno rājā ca saha putreṇa vīryavān

बृहद्बल, महौजा और शत्रुओं के नगर जीतने वाले बाहु को; अपने पराक्रमी पुत्र सहित राजा समुद्रसेन को;

श्लोक 23 (5.4.23)

उद्भवः क्षेमकश्चैव वाटधानश्च पार्थिवः । श्रुतायुश्च दृढायुश्च साल्वपुत्रश्च वीर्यवान् ॥

udbhavaḥ kṣemakaścaiva vāṭadhānaśca pārthivaḥ | śrutāyuśca dṛḍhāyuśca sālvaputraśca vīryavān

उद्भव, क्षेमक और राजा वाटधान को; श्रुतायु, दृढायु और शाल्व के पराक्रमी पुत्र को;

श्लोक 24 (5.4.24)

कुमारश्च कलिङ्गानामीश्वरो युद्धदुर्मदः । एतेषां प्रेष्यतां शीघ्रमेतद्धि मम रोचते ॥

kumāraśca kaliṅgānāmīśvaro yuddhadurmadaḥ | eteṣāṃ preṣyatāṃ śīghrametaddhi mama rocate

और युद्ध में उन्मत्त कलिंगराज कुमार को। इन सबके पास शीघ्र सन्देश भेजा जाए — मुझे यही उचित लगता है।

श्लोक 25 (5.4.25)

अयं च ब्राह्मणो विद्वान्मम राजन्पुरोहितः । प्रेष्यतां धृतराष्ट्राय वाक्यमस्मै प्रदीयताम् ॥

ayaṃ ca brāhmaṇo vidvānmama rājanpurohitaḥ | preṣyatāṃ dhṛtarāṣṭrāya vākyamasmai pradīyatām

हे राजन्, मेरे ये विद्वान ब्राह्मण पुरोहित धृतराष्ट्र के पास भेजे जाएँ, और इन्हें वह सन्देश दिया जाए जो वहाँ कहना है —

श्लोक 26 (5.4.26)

यथा दुर्योधनो वाच्यो यथा शान्तनवो नृपः । धृतराष्ट्रो यथा वाच्यो द्रोणश्च रथिनां वरः ॥

yathā duryodhano vācyo yathā śāntanavo nṛpaḥ | dhṛtarāṣṭro yathā vācyo droṇaśca rathināṃ varaḥ

कि दुर्योधन से क्या कहना है, शान्तनुपुत्र राजा भीष्म से क्या, धृतराष्ट्र से क्या और रथियों में श्रेष्ठ द्रोण से क्या।"