दोष, व्रत और मौन का मार्ग

श्लोक 1 (5.45.1)

शोकः क्रोधश्च लोभश्च कामो मानः परासुता । ईर्ष्या मोहो विवित्सा च कृपाऽसूया जुगुप्सुता ॥

śokaḥ krodhaśca lobhaśca kāmo mānaḥ parāsutā | īrṣyā moho vivitsā ca kṛpā'sūyā jugupsutā

शोक, क्रोध, लोभ, काम, मान, जड़ता, ईर्ष्या, मोह, तृष्णा, दीनता, असूया और घृणा —

श्लोक 2 (5.45.2)

द्वादशैते महादोषा मनुष्यप्राणनाशनाः । एकैकमेते राजेन्द्र मनुष्यान्पर्युपासते । यैराविष्टो नरः पापं मूढसंज्ञो व्यवस्यति ॥

dvādaśaite mahādoṣā manuṣyaprāṇanāśanāḥ | ekaikamete rājendra manuṣyānparyupāsate | yairāviṣṭo naraḥ pāpaṃ mūḍhasaṃjño vyavasyati

ये बारह महादोष मनुष्यों के प्राणों का नाश करने वाले हैं। हे राजेन्द्र, इनमें से प्रत्येक मनुष्यों की घात में रहता है; और इनसे ग्रस्त होकर, मूढ़ बुद्धि वाला मनुष्य पाप करने का निश्चय कर लेता है।

श्लोक 3 (5.45.3)

स्पृहयालुरुग्रः परुषो वा वदान्यः । क्रोधं बिभ्रन्मनसा वै विकत्थी । नृशंसधर्माः षडिमे जना वै । प्राप्याप्यर्थं नोत सभाजयन्ते ॥

spṛhayālurugraḥ paruṣo vā vadānyaḥ | krodhaṃ bibhranmanasā vai vikatthī | nṛśaṃsadharmāḥ ṣaḍime janā vai | prāpyāpyarthaṃ nota sabhājayante

लालची, उग्र, कठोर, वाचाल, मन में क्रोध पालने वाला और डींग मारने वाला — ये छह लोग क्रूर स्वभाव के हैं; धन पाकर भी ये दूसरों का आदर नहीं करते।

श्लोक 4 (5.45.4)

संभोगसंविद्विषमोऽतिमानी । दत्त्वा विकत्थी कृपणो दुर्बलश्च । बहुप्रशंसी वनिताद्विट् सदैव । सप्तैवोक्ताः पापशीला नृशंसाः ॥

saṃbhogasaṃvidviṣamo'timānī | dattvā vikatthī kṛpaṇo durbalaśca | bahupraśaṃsī vanitādviṭ sadaiva | saptaivoktāḥ pāpaśīlā nṛśaṃsāḥ

भोग और संगति में पक्षपात करने वाला, अत्यन्त अभिमानी, देकर डींग मारने वाला, कृपण, दुर्बल, बहुत आत्म-प्रशंसा करने वाला और सदा स्त्रियों से द्वेष करने वाला — ये सात पापी स्वभाव के क्रूर कहे गए हैं।

श्लोक 5 (5.45.5)

धर्मश्च सत्यं च तपो दमश्च । अमात्सर्यं ह्रीस्तितिक्षानसूया । दानं श्रुतं चैव धृतिः क्षमा च । महाव्रता द्वादश ब्राह्मणस्य ॥

dharmaśca satyaṃ ca tapo damaśca | amātsaryaṃ hrīstitikṣānasūyā | dānaṃ śrutaṃ caiva dhṛtiḥ kṣamā ca | mahāvratā dvādaśa brāhmaṇasya

धर्म, सत्य, तप, दम, मत्सर का अभाव, लज्जा, सहनशीलता, असूया का अभाव, दान, शास्त्र-ज्ञान, धैर्य और क्षमा — ये ब्राह्मण के बारह महाव्रत हैं।

श्लोक 6 (5.45.6)

यो नैतेभ्यः प्रच्यवेद्द्वादशभ्यः । सर्वामपीमां पृथिवीं स शिष्यात् । त्रिभिर्द्वाभ्यामेकतो वार्थितो यो । नास्य स्वमस्तीति च वेदितव्यम् ॥

yo naitebhyaḥ pracyaveddvādaśabhyaḥ | sarvāmapīmāṃ pṛthivīṃ sa śiṣyāt | tribhirdvābhyāmekato vārthito yo | nāsya svamastīti ca veditavyam

जो इन बारहों से कभी विचलित नहीं होता, वह इस सम्पूर्ण पृथ्वी पर शासन कर सकता है। और जो इनमें से तीन, दो या एक से भी युक्त हो, उसके विषय में जानना चाहिए कि वह किसी वस्तु को अपनी नहीं मानता।

श्लोक 7 (5.45.7)

दमस्त्यागोऽथाप्रमाद इत्येतेष्वमृतं स्थितम् । एतानि ब्रह्ममुख्यानां ब्राह्मणानां मनीषिणाम् ॥

damastyāgo'thāpramāda ityeteṣvamṛtaṃ sthitam | etāni brahmamukhyānāṃ brāhmaṇānāṃ manīṣiṇām

दम, त्याग और अप्रमाद — इन्हीं में अमृत स्थित है। ये उन मनीषी ब्राह्मणों के गुण हैं जिनके लिए ब्रह्म ही प्रधान है।

श्लोक 8 (5.45.8)

सद्वाऽसद्वा परीवादे ब्राह्मणस्य न शस्यते । नरकप्रतिष्ठास्ते स्युर्य एवं कुरुते जनाः ॥

sadvā'sadvā parīvāde brāhmaṇasya na śasyate | narakapratiṣṭhāste syurya evaṃ kurute janāḥ

चाहे बात सच हो या झूठ, ब्राह्मण के लिए परनिन्दा प्रशंसनीय नहीं है। जो लोग ऐसा करते हैं, उनका निवास नरक में होता है।

श्लोक 9 (5.45.9)

मदोऽष्टादशदोषः स स्यात्पुरा योऽप्रकीर्तितः । लोकद्वेष्यं प्रतिकूल्यमभ्यसूया मृषावचः ॥

mado'ṣṭādaśadoṣaḥ sa syātpurā yo'prakīrtitaḥ | lokadveṣyaṃ pratikūlyamabhyasūyā mṛṣāvacaḥ

मद के अठारह दोष हैं, जो पहले नहीं बताए गए थे — लोगों का द्वेष-पात्र होना, प्रतिकूलता, दोष-दृष्टि, असत्य वचन,

श्लोक 10 (5.45.10)

कामक्रोधौ पारतन्त्र्यं परिवादोऽथ पैशुनम् । अर्थहानिर्विवादश्च मात्सर्यं प्राणिपीडनम् ॥

kāmakrodhau pāratantryaṃ parivādo'tha paiśunam | arthahānirvivādaśca mātsaryaṃ prāṇipīḍanam

काम और क्रोध, पराधीनता, परनिन्दा, चुगली, धन की हानि, विवाद, मत्सर, प्राणियों को पीड़ा देना,

श्लोक 11 (5.45.11)

ईर्ष्या मोदोऽतिवादश्च संज्ञानाशोऽभ्यसूयिता । तस्मात्प्राज्ञो न माद्येत सदा ह्येतद्विगर्हितम् ॥

īrṣyā modo'tivādaśca saṃjñānāśo'bhyasūyitā | tasmātprājño na mādyeta sadā hyetadvigarhitam

ईर्ष्या, उन्मत्त हर्ष, बढ़-चढ़कर बोलना, विवेक का नाश और दोष ढूँढने का स्वभाव। इसलिए बुद्धिमान् को मद में नहीं आना चाहिए, क्योंकि यह सदा निन्दित है।

श्लोक 12 (5.45.12)

सौहृदे वै षङ्गुणा वेदितव्यः । प्रिये हृष्यन्त्यप्रिये च व्यथन्ते । स्यादात्मनः सुचिरं याचते यो । ददात्ययाच्यमपि देयं खलु स्यात् । इष्टान्पुत्रान्विभवान्स्वांश्च दारा- । नभ्यर्थितश्चार्हति शुद्धभावः ॥

sauhṛde vai ṣaṅguṇā veditavyaḥ | priye hṛṣyantyapriye ca vyathante | syādātmanaḥ suciraṃ yācate yo | dadātyayācyamapi deyaṃ khalu syāt | iṣṭānputrānvibhavānsvāṃśca dārā- | nabhyarthitaścārhati śuddhabhāvaḥ

मित्रता के छह लक्षण जानने चाहिए: मित्र एक-दूसरे के प्रिय से प्रसन्न और अप्रिय से दुःखी होते हैं; जो वस्तु बहुत समय से अपनी रही हो, उसके माँगे जाने पर वह उसे दे देता है — जो माँगने योग्य नहीं, वह भी दे देता है, क्योंकि उसे देना ही चाहिए; और माँगे जाने पर वह शुद्ध-हृदय मित्र अपने प्रिय पुत्र, धन और पत्नी तक को उसके लिए समर्पित कर देता है।

श्लोक 13 (5.45.13)

त्यक्तद्रव्यः संवसेन्नेह कामा- । द्भुङ्क्ते कर्मस्वाशिषं बाधते च ॥

tyaktadravyaḥ saṃvasenneha kāmā- | dbhuṅkte karmasvāśiṣaṃ bādhate ca

धन का त्याग करने वाला सबके बीच रहे, पर यहाँ कामना से कुछ न भोगे, और अपने कर्मों में फल की इच्छा को रोके।

श्लोक 14 (5.45.14)

द्रव्यवान्गुणवानेवं त्यागी भवति सात्त्विकः । पञ्चभूतानि पञ्चभ्यो निवर्तयति तादृशः ॥

dravyavānguṇavānevaṃ tyāgī bhavati sāttvikaḥ | pañcabhūtāni pañcabhyo nivartayati tādṛśaḥ

इस प्रकार धनवान् और गुणवान् मनुष्य सात्त्विक त्यागी बन जाता है। ऐसा मनुष्य पाँच भूतों को पाँच इन्द्रियों से लौटा लेता है।

श्लोक 15 (5.45.15)

एतत्समृद्धमप्यृद्धं तपो भवति केवलम् । सत्त्वात्प्रच्यवमानानां सङ्कल्पेन समाहितम् ॥

etatsamṛddhamapyṛddhaṃ tapo bhavati kevalam | sattvātpracyavamānānāṃ saṅkalpena samāhitam

ऐसा तप समृद्ध, ऋद्ध और केवल (शुद्ध) होता है। जो सत्त्व से च्युत हो जाते हैं, उनका तप केवल संकल्प पर टिका रहता है।

श्लोक 16 (5.45.16)

यतो यज्ञः प्रवर्धन्ते सत्यस्यैवावरोधनात् । मनसान्यस्य भवति वाच्यन्यस्याथ कर्मणा ॥

yato yajñaḥ pravardhante satyasyaivāvarodhanāt | manasānyasya bhavati vācyanyasyātha karmaṇā

इसी कारण यज्ञ बढ़ते जाते हैं, क्योंकि सत्य रुका रहता है। किसी का यज्ञ मन में होता है, किसी का वाणी में और किसी का कर्म में।

श्लोक 17 (5.45.17)

सङ्कल्पसिद्धं पुरुषमसङ्कल्पोऽधितिष्ठति । ब्राह्मणस्य विशेषेण किञ्चान्यदपि मे शृणु ॥

saṅkalpasiddhaṃ puruṣamasaṅkalpo'dhitiṣṭhati | brāhmaṇasya viśeṣeṇa kiñcānyadapi me śṛṇu

संकल्प-रहितता उस पुरुष पर शासन करती है जो संकल्प में सिद्ध है। अब ब्राह्मण के विषय में विशेष रूप से कुछ और भी मुझसे सुनो।

श्लोक 18 (5.45.18)

अध्यापयेन्महदेतद्यशस्यं । वाचो विकाराः कवयो वदन्ति । अस्मिन्योगे सर्वमिदं प्रतिष्ठितं । ये तद्विदुरमृतास्ते भवन्ति ॥

adhyāpayenmahadetadyaśasyaṃ | vāco vikārāḥ kavayo vadanti | asminyoge sarvamidaṃ pratiṣṭhitaṃ | ye tadviduramṛtāste bhavanti

इस महान् और यशस्वी ज्ञान का अध्यापन करना चाहिए; ज्ञानी बाकी सबको वाणी के विकार कहते हैं। इसी योग में यह सब प्रतिष्ठित है; जो इसे जानते हैं, वे अमर हो जाते हैं।

श्लोक 19 (5.45.19)

न कर्मणा सुकृतेनैव राजन् । सत्यं जयेज्जुहुयाद्वा यजेद्वा । नैतेन बालोऽमृत्युमभ्येति राजन् । रतिं चासौ न लभत्यन्तकाले ॥

na karmaṇā sukṛtenaiva rājan | satyaṃ jayejjuhuyādvā yajedvā | naitena bālo'mṛtyumabhyeti rājan | ratiṃ cāsau na labhatyantakāle

हे राजन्, केवल पुण्य कर्मों से, या होम और यज्ञ करने से, सत्य को नहीं जीता जा सकता। हे राजन्, इनसे मूढ़ मनुष्य अमरत्व को प्राप्त नहीं होता, और न अन्तकाल में उसे शान्ति मिलती है।

श्लोक 20 (5.45.20)

तूष्णीमेक उपासीत चेष्टेत मनसापि न । तथा संस्तुतिनिन्दाभ्यां प्रीतिरोषौ विवर्जयेत् ॥

tūṣṇīmeka upāsīta ceṣṭeta manasāpi na | tathā saṃstutinindābhyāṃ prītiroṣau vivarjayet

वह एकान्त में मौन होकर उपासना करे, मन से भी चंचल न हो; और इसी प्रकार प्रशंसा पर प्रसन्नता और निन्दा पर क्रोध — दोनों का त्याग करे।

श्लोक 21 (5.45.21)

अत्रैव तिष्ठन्क्षत्रिय ब्रह्माविशति पश्यति । वेदेषु चानुपूर्व्येण एतद्विद्वन्ब्रवीमि ते ॥

atraiva tiṣṭhankṣatriya brahmāviśati paśyati | vedeṣu cānupūrvyeṇa etadvidvanbravīmi te

हे क्षत्रिय, इसी अवस्था में स्थित रहकर मनुष्य ब्रह्म में प्रवेश करता है और उसका दर्शन करता है, जैसा वेदों में क्रम से बताया गया है। हे विद्वन्, यह मैं तुमसे कहता हूँ।