अर्जुन की ध्वजा और पाण्डवों के अश्व

श्लोक 1 (5.56.1)

अक्षौहिणीः सप्त लब्ध्वा राजभिः सह सञ्जय । किंस्विदिच्छति कौन्तेयो युद्धप्रेप्सुर्युधिष्ठिरः ॥

akṣauhiṇīḥ sapta labdhvā rājabhiḥ saha sañjaya | kiṃsvidicchati kaunteyo yuddhaprepsuryudhiṣṭhiraḥ

हे संजय, राजाओं सहित सात अक्षौहिणी सेना पाकर युद्ध के इच्छुक कुन्तीपुत्र युधिष्ठिर क्या चाहते हैं?

श्लोक 2 (5.56.2)

अतीव मुदितो राजन्युद्धप्रेप्सुर्युधिष्ठिरः । भीमसेनार्जुनौ चोभौ यमावपि न बिभ्यतः ॥

atīva mudito rājanyuddhaprepsuryudhiṣṭhiraḥ | bhīmasenārjunau cobhau yamāvapi na bibhyataḥ

हे राजन्, युद्ध के इच्छुक युधिष्ठिर अत्यन्त प्रसन्न हैं; भीमसेन और अर्जुन दोनों, और नकुल-सहदेव भी, किसी से नहीं डरते।

श्लोक 3 (5.56.3)

रथं तु दिव्यं कौन्तेयः सर्वा विभ्राजयन्दिशः । मन्त्रं जिज्ञासमानः सन्बीभत्सुः समयोजयत् ॥

rathaṃ tu divyaṃ kaunteyaḥ sarvā vibhrājayandiśaḥ | mantraṃ jijñāsamānaḥ sanbībhatsuḥ samayojayat

कुन्तीपुत्र बीभत्सु (अर्जुन) ने एक मन्त्र को परखने की इच्छा से अपना दिव्य रथ जोता, जो सारी दिशाओं को प्रकाशित कर रहा था।

श्लोक 4 (5.56.4)

तमपश्याम सन्नद्धं मेघं विद्युद्युतं यथा । स मन्त्रान्समभिध्याय हृष्यमाणोऽभ्यभाषत । पूर्वरूपमिदं पश्य वयं जेष्याम सञ्जय ॥

tamapaśyāma sannaddhaṃ meghaṃ vidyudyutaṃ yathā | sa mantrānsamabhidhyāya hṛṣyamāṇo'bhyabhāṣata | pūrvarūpamidaṃ paśya vayaṃ jeṣyāma sañjaya

हमने उसे कवच धारण किए, बिजली से युक्त मेघ के समान देखा। मन्त्रों का ध्यान करके उसने हर्षित होकर कहा — 'संजय, यह पूर्व-लक्षण देखो; हम विजयी होंगे।'

श्लोक 5 (5.56.5)

बीभत्सुर्मां यथोवाच तथाऽवैम्यहमप्युत ॥

bībhatsurmāṃ yathovāca tathā'vaimyahamapyuta

बीभत्सु ने मुझसे जैसा कहा, मैं भी वैसा ही मानता हूँ।

श्लोक 6 (5.56.6)

प्रशंसस्यभिनन्दंस्तान्पार्थानक्षपराजितान् । अर्जुनस्य रथे ब्रूहि कथमश्वाः कथं ध्वजाः ॥

praśaṃsasyabhinandaṃstānpārthānakṣaparājitān | arjunasya rathe brūhi kathamaśvāḥ kathaṃ dhvajāḥ

तुम जुए में हारे हुए उन पार्थों की प्रशंसा और अभिनन्दन कर रहे हो! बताओ, अर्जुन के रथ में घोड़े कैसे हैं और ध्वज कैसे हैं?

श्लोक 7 (5.56.7)

भौमनः सह शक्रेण बहुचित्रं विशांपते । रूपाणि कल्पयामास त्वष्टा धाता सदा विभो ॥

bhaumanaḥ saha śakreṇa bahucitraṃ viśāṃpate | rūpāṇi kalpayāmāsa tvaṣṭā dhātā sadā vibho

हे प्रजानाथ, हे प्रभो, भौमन (विश्वकर्मा) ने इन्द्र के साथ, तथा त्वष्टा और धाता ने भी, उस पर अनेक प्रकार के विचित्र रूप रचे हैं।

श्लोक 8 (5.56.8)

ध्वजे हि तस्मिन्रूपाणि चक्रुस्ते देवमायया । महाधनानि दिव्यानि महान्ति च लघूनि च ॥

dhvaje hi tasminrūpāṇi cakruste devamāyayā | mahādhanāni divyāni mahānti ca laghūni ca

उस ध्वज पर उन्होंने दैवी माया से बहुमूल्य, दिव्य, बड़े और छोटे अनेक रूप बनाए हैं।

श्लोक 9 (5.56.9)

भीमसेनानुरोधाय हनूमान्मारुतात्मजः । आत्मप्रतिकृतिं तस्मिन्ध्वज आरोपयिष्यति ॥

bhīmasenānurodhāya hanūmānmārutātmajaḥ | ātmapratikṛtiṃ tasmindhvaja āropayiṣyati

भीमसेन के अनुरोध से वायुपुत्र हनुमान् उस ध्वज पर अपनी प्रतिमूर्ति स्थापित करेंगे।

श्लोक 10 (5.56.10)

सर्वा दिशो योजनमात्रमन्तरं । सतिर्यगूर्ध्वं च रुरोध वै ध्वजः । न संसञ्जेत्तरुभिः संवृतोऽपि । तथा हि माया विहिता भौमनेन ॥

sarvā diśo yojanamātramantaraṃ | satiryagūrdhvaṃ ca rurodha vai dhvajaḥ | na saṃsañjettarubhiḥ saṃvṛto'pi | tathā hi māyā vihitā bhaumanena

वह ध्वज चारों दिशाओं में, तिरछे और ऊपर, एक योजन तक का अन्तराल घेर लेता है; फिर भी वृक्षों से घिरा होने पर भी उनमें उलझता नहीं — भौमन ने ऐसी ही माया रची है।

श्लोक 11 (5.56.11)

यथाऽऽकाशे शक्रधनुः प्रकाशते । न चैकवर्णं न च वेद्मि किं नु तत् । तथा ध्वजो विहितो भौमनेन । बह्वाकारं दृश्यते रूपमस्य ॥

yathā''kāśe śakradhanuḥ prakāśate | na caikavarṇaṃ na ca vedmi kiṃ nu tat | tathā dhvajo vihito bhaumanena | bahvākāraṃ dṛśyate rūpamasya

जैसे आकाश में इन्द्रधनुष चमकता है, जो एक रंग का नहीं होता और जिसके बारे में कहा नहीं जा सकता कि वह क्या है, वैसे ही भौमन ने वह ध्वज बनाया है; उसका रूप अनेक आकारों में दिखाई देता है।

श्लोक 12 (5.56.12)

यथाऽग्निधूमो दिवमेति रुद्ध्वा । वर्णान्बिभ्रत्तैजसांश्चित्ररूपान् । तथा ध्वजो विहितो भौमनेन । न चेद्भारो भविता नोत रोधः ॥

yathā'gnidhūmo divameti ruddhvā | varṇānbibhrattaijasāṃścitrarūpān | tathā dhvajo vihito bhaumanena | na cedbhāro bhavitā nota rodhaḥ

जैसे अग्नि का धुआँ तेजस्वी, विचित्र रंगों को धारण किए आकाश को घेरता हुआ ऊपर उठता है, वैसे ही भौमन ने वह ध्वज बनाया है; उसका न कोई भार होता है, न कोई रोक।

श्लोक 13 (5.56.13)

श्वेतास्तस्मिन्वातवेगाः सदश्वा । दिव्या युक्ताश्चित्ररथेन दत्ताः । भुव्यन्तरिक्षे दिवि वा नरेन्द्र । एषां गतिर्हीयते नात्र सर्वा । शतं यत्तत्पूर्यते नित्यकालं । हतंहतं दत्तवरं पुरस्तात् ॥

śvetāstasminvātavegāḥ sadaśvā | divyā yuktāścitrarathena dattāḥ | bhuvyantarikṣe divi vā narendra | eṣāṃ gatirhīyate nātra sarvā | śataṃ yattatpūryate nityakālaṃ | hataṃhataṃ dattavaraṃ purastāt

उस रथ में वायु के समान वेगवाले, उत्तम जाति के दिव्य श्वेत घोड़े जुते हैं, जो चित्ररथ ने दिए थे। हे नरेन्द्र, पृथ्वी पर, अन्तरिक्ष में या स्वर्ग में — कहीं भी उनकी गति रुकती नहीं। उनकी संख्या सदा पूरे सौ बनी रहती है; वे कितनी ही बार मारे जाएँ, पहले मिले वरदान के कारण वह संख्या फिर पूरी हो जाती है।

श्लोक 14 (5.56.14)

तथा राज्ञो दन्तवर्णा बृहन्तो । रथे युक्ता भान्ति तद्वीर्यतुल्याः । ऋक्षप्रख्या भीमसेनस्य वाहा । रथे वायोस्तुल्यवेगा बभूवुः ॥

tathā rājño dantavarṇā bṛhanto | rathe yuktā bhānti tadvīryatulyāḥ | ṛkṣaprakhyā bhīmasenasya vāhā | rathe vāyostulyavegā babhūvuḥ

इसी प्रकार राजा युधिष्ठिर के रथ में जुते हाथीदाँत के रंग वाले विशाल घोड़े उन्हीं के समान पराक्रमी होकर शोभा पाते हैं; और भीमसेन के रीछ-जैसे रंग वाले वाहन रथ में वायु के समान वेगवान थे।

श्लोक 15 (5.56.15)

कल्माषाङ्गास्तित्तिरिचित्रपृष्ठा । भ्रात्रा दत्ताः प्रीयता फाल्गुनेन । भ्रातुर्वीरस्य स्वैस्तुरङ्गैर्विशिष्टा । मुदा युक्ताः सहदेवं वहन्ति ॥

kalmāṣāṅgāstittiricitrapṛṣṭhā | bhrātrā dattāḥ prīyatā phālgunena | bhrāturvīrasya svaisturaṅgairviśiṣṭā | mudā yuktāḥ sahadevaṃ vahanti

चितकबरे अंगों और तीतर-जैसी धब्बेदार पीठ वाले घोड़े, जिन्हें भाई फाल्गुन ने प्रेम से दिया है और जो उस वीर भाई के अपने घोड़ों से भी बढ़कर हैं, प्रसन्नतापूर्वक सहदेव को वहन करते हैं।

श्लोक 16 (5.56.16)

माद्रीपुत्रं नकुलं त्वाजमीढं । महेन्द्रदत्ता हरयो वाजिमुख्याः । समा वायोर्बलवन्तस्तरस्विनो । वहन्ति वीरं वृत्रशत्रुं यथेन्द्रम् ॥

mādrīputraṃ nakulaṃ tvājamīḍhaṃ | mahendradattā harayo vājimukhyāḥ | samā vāyorbalavantastarasvino | vahanti vīraṃ vṛtraśatruṃ yathendram

माद्रीपुत्र अजमीढवंशी नकुल को महेन्द्र के दिए हुए, वायु के समान बलवान और वेगवान, श्रेष्ठ हरे (पिंगल) घोड़े उसी प्रकार वहन करते हैं जैसे वृत्रशत्रु इन्द्र को उनके घोड़े।

श्लोक 17 (5.56.17)

तुल्याश्चैभिर्वयसा विक्रमेण । महाजवाश्चित्ररूपाः सदश्वाः । सौभद्रादीन्द्रौपदेयान्कुमारान् । वहन्त्यश्वा देवदत्ता बृहन्तः ॥

tulyāścaibhirvayasā vikrameṇa | mahājavāścitrarūpāḥ sadaśvāḥ | saubhadrādīndraupadeyānkumārān | vahantyaśvā devadattā bṛhantaḥ

आयु और पराक्रम में इन्हीं के समान, अत्यन्त वेगवान, विचित्र रंगों वाले, विशाल, देवताओं के दिए हुए उत्तम घोड़े सुभद्रापुत्र और द्रौपदी के पुत्रों — उन राजकुमारों — को वहन करते हैं।