श्रीकृष्ण का भीमसेन को उलाहना

श्लोक 1 (5.74.1)

एतच्छ्रुत्वा महाबाहुः केशवः प्रहसन्निव । अभूतपूर्वं भीमस्य मार्दवोपहितं वचः ॥

etacchrutvā mahābāhuḥ keśavaḥ prahasanniva | abhūtapūrvaṃ bhīmasya mārdavopahitaṃ vacaḥ

भीमसेन के ये अभूतपूर्व, कोमलता से भरे वचन सुनकर महाबाहु केशव मानो हँस पड़े।

श्लोक 2 (5.74.2)

गिरेरिव लघुत्वं तच्छीतत्वमिव पावके । मत्वा रामानुजः शौरिः शार्ङ्गधन्वा वृकोदरम् ॥

gireriva laghutvaṃ tacchītatvamiva pāvake | matvā rāmānujaḥ śauriḥ śārṅgadhanvā vṛkodaram

इसे पर्वत में हल्केपन या अग्नि में शीतलता के समान मानकर बलराम के छोटे भाई, शार्ङ्ग धनुषधारी शौरि ने वृकोदर की ओर देखा;

श्लोक 3 (5.74.3)

सन्तेजयंस्तदा वाग्भिर्मातरिश्वेव पावकम् । उवाच भीममासीनं कृपयाऽभिपरिप्लुतम् ॥

santejayaṃstadā vāgbhirmātariśveva pāvakam | uvāca bhīmamāsīnaṃ kṛpayā'bhipariplutam

और जैसे वायु अग्नि को प्रज्वलित करती है, वैसे ही वचनों से उन्हें उत्तेजित करते हुए उन्होंने करुणा से भरे बैठे भीमसेन से कहा।

श्लोक 4 (5.74.4)

त्वमन्यदा भीमसेन युद्धमेव प्रशंससि । वधाभिनन्दिनः क्रूरान्धार्तराष्ट्रान्मिमर्दिषुः ॥

tvamanyadā bhīmasena yuddhameva praśaṃsasi | vadhābhinandinaḥ krūrāndhārtarāṣṭrānmimardiṣuḥ

हे भीमसेन, अन्य समय तो आप केवल युद्ध की ही प्रशंसा करते हैं और वध में आनन्द लेने वाले क्रूर धृतराष्ट्र-पुत्रों को कुचल डालना चाहते हैं।

श्लोक 5 (5.74.5)

न च स्वपिषि जागर्षि न्युब्जः शेषे परन्तप । घोरामशान्तां रुशतीं सदा वाचं प्रभाषसे ॥

na ca svapiṣi jāgarṣi nyubjaḥ śeṣe parantapa | ghorāmaśāntāṃ ruśatīṃ sadā vācaṃ prabhāṣase

हे परन्तप, आप सोते नहीं, जागते रहते हैं, औंधे मुँह पड़े रहते हैं, और सदा भयंकर, अशान्त और चुभने वाली बातें कहते हैं।

श्लोक 6 (5.74.6)

निःश्वसन्नग्निवत्तेन सन्तप्तः स्वेन मन्युना । अप्रशान्तमना भीम सधूम इव पावकः ॥

niḥśvasannagnivattena santaptaḥ svena manyunā | apraśāntamanā bhīma sadhūma iva pāvakaḥ

हे भीम, आप लम्बी साँसें लेते हुए, अपने ही क्रोध से मानो आग से जलते हुए, अशान्त मन से धुएँ वाली आग के समान रहते हैं।

श्लोक 7 (5.74.7)

एकान्ते निःश्वसञ्शेषे भारार्त इव दुर्बलः । अपि त्वां केचिदुन्मत्तं मन्यन्तेऽतद्विदो जनाः ॥

ekānte niḥśvasañśeṣe bhārārta iva durbalaḥ | api tvāṃ kecidunmattaṃ manyante'tadvido janāḥ

आप एकान्त में बोझ से थके दुर्बल मनुष्य की तरह लम्बी साँसें लेते पड़े रहते हैं; कुछ लोग जो कारण नहीं जानते, आपको पागल तक समझते हैं।

श्लोक 8 (5.74.8)

आरुज्य वृक्षान्निर्मूलान्गजः परिरुजन्निव । निघ्नन्पद्भिः क्षितिं भीम निष्टनन्परिधावसि ॥

ārujya vṛkṣānnirmūlāngajaḥ parirujanniva | nighnanpadbhiḥ kṣitiṃ bhīma niṣṭananparidhāvasi

हे भीम, हाथी की तरह वृक्षों को जड़ से उखाड़ते और तोड़ते हुए, पैरों से धरती को रौंदते हुए आप गर्जते हुए इधर-उधर दौड़ते हैं।

श्लोक 9 (5.74.9)

नास्मिञ्जने न रमसे रहः क्षिपसि पाण्डव । नान्यं निशि दिवा चापि कदाचिदभिनन्दसि ॥

nāsmiñjane na ramase rahaḥ kṣipasi pāṇḍava | nānyaṃ niśi divā cāpi kadācidabhinandasi

हे पाण्डव, आपको इन लोगों के बीच आनन्द नहीं आता, आप एकान्त में समय बिताते हैं; रात हो या दिन, आप कभी किसी का स्वागत नहीं करते।

श्लोक 10 (5.74.10)

अकस्मात्स्मयमानश्च रहस्यास्से रुदन्निव । जान्वोर्मूर्धानमाधाय चिरमास्से प्रमीलितः ॥

akasmātsmayamānaśca rahasyāsse rudanniva | jānvormūrdhānamādhāya ciramāsse pramīlitaḥ

आप अचानक मुस्कुराते हैं, फिर एकान्त में मानो रोते हुए बैठ जाते हैं, और घुटनों पर सिर रखे, आँखें मूँदे देर तक बैठे रहते हैं।

श्लोक 11 (5.74.11)

भ्रुकुटिं च पुनः कुर्वन्नोष्ठौ च विदशन्निव । अभीक्ष्णं दृश्यसे भीम सर्वं तन्मन्युकारितम् ॥

bhrukuṭiṃ ca punaḥ kurvannoṣṭhau ca vidaśanniva | abhīkṣṇaṃ dṛśyase bhīma sarvaṃ tanmanyukāritam

हे भीम, आप बार-बार भौंहें चढ़ाते और मानो होंठ चबाते हुए दिखाई देते हैं; यह सब क्रोध का ही परिणाम है।

श्लोक 12 (5.74.12)

यथा पुरस्तात्सविता दृश्यते शुक्रमुच्चरन् । यथा च पश्चान्निर्मुक्तो ध्रुवं पर्येति रश्मिवान् ॥

yathā purastātsavitā dṛśyate śukramuccaran | yathā ca paścānnirmukto dhruvaṃ paryeti raśmivān

"जैसे सूर्य निश्चय ही पूर्व में तेज बिखेरता हुआ उदित दिखाई देता है, और जैसे पश्चिम में अस्त होकर वह किरणों वाला फिर निश्चय ही परिक्रमा करता है,

श्लोक 13 (5.74.13)

तथा सत्यं ब्रवीम्येतन्नास्ति तस्य व्यतिक्रमः । हन्ताहं गदयाभ्येत्य दुर्योधनममर्षणम् ॥

tathā satyaṃ bravīmyetannāsti tasya vyatikramaḥ | hantāhaṃ gadayābhyetya duryodhanamamarṣaṇam

उसी प्रकार मैं यह सत्य कहता हूँ, और यह कभी नहीं टलेगा: मैं गदा लेकर उस असहिष्णु दुर्योधन पर टूट पड़ूँगा और उसे मार डालूँगा।"

श्लोक 14 (5.74.14)

इति स्म मध्ये भ्रातृणां सत्येनालभसे गदाम् । तस्य ते प्रशमे बुद्धिर्ध्रियतेऽद्य परन्तप ॥

iti sma madhye bhrātṛṇāṃ satyenālabhase gadām | tasya te praśame buddhirdhriyate'dya parantapa

इस प्रकार आप भाइयों के बीच सत्य की शपथ लेकर गदा का स्पर्श करते थे; और हे परन्तप, आज आपकी बुद्धि शान्ति की ओर लगी है।

श्लोक 15 (5.74.15)

अहो युद्धाभिकाङ्क्षाणां युद्धकाल उपस्थिते । चेतांसि विप्रतीपानि यत्त्वां भीर्भीम विन्दति ॥

aho yuddhābhikāṅkṣāṇāṃ yuddhakāla upasthite | cetāṃsi vipratīpāni yattvāṃ bhīrbhīma vindati

अहो! युद्ध का समय आने पर युद्ध चाहने वालों का मन उलटा हो जाता है; हे भीम, आप पर भी भय छा गया है!

श्लोक 16 (5.74.16)

अहो पार्थ निमित्तानि विपरीतानि पश्यसि । स्वप्नान्ते जागरान्ते च तस्मात्प्रशममिच्छसि ॥

aho pārtha nimittāni viparītāni paśyasi | svapnānte jāgarānte ca tasmātpraśamamicchasi

अहो, हे पार्थ, आप स्वप्न में और जागने पर अशुभ लक्षण देखते हैं, इसीलिए शान्ति चाहते हैं।

श्लोक 17 (5.74.17)

अहो नाशंससे किंचित्पुंस्त्वं क्लीब इवात्मनि । कश्मलेनाभिपन्नोऽसि तेन ते विकृतं मनः ॥

aho nāśaṃsase kiṃcitpuṃstvaṃ klība ivātmani | kaśmalenābhipanno'si tena te vikṛtaṃ manaḥ

अहो, आप नपुंसक की तरह अपने में कोई पौरुष नहीं पाते; आप पर मोह छा गया है, इसीलिए आपका मन बदल गया है।

श्लोक 18 (5.74.18)

उद्वेपते ते हृदयं मनस्ते प्रतिसीदति । ऊरुस्तम्भगृहीतोऽसि तस्मात्प्रशममिच्छसि ॥

udvepate te hṛdayaṃ manaste pratisīdati | ūrustambhagṛhīto'si tasmātpraśamamicchasi

आपका हृदय काँपता है, मन बैठा जाता है, जाँघें जकड़ गई हैं; इसीलिए आप शान्ति चाहते हैं।

श्लोक 19 (5.74.19)

अनित्यं किल मर्त्यस्य पार्थ चित्तं चलाचलम् । वातवेगप्रचलिता अष्ठीला शाल्मलेरिव ॥

anityaṃ kila martyasya pārtha cittaṃ calācalam | vātavegapracalitā aṣṭhīlā śālmaleriva

हे पार्थ, मनुष्य का चित्त सचमुच अस्थिर और चंचल होता है, जैसे वायु के वेग से डोलता सेमल का फल।

श्लोक 20 (5.74.20)

तवैषा विकृता बुद्धिर्गवां वागिव मानुषी । मनांसि पाण्डुपुत्राणां मज्जयत्यप्लवानिव ॥

tavaiṣā vikṛtā buddhirgavāṃ vāgiva mānuṣī | manāṃsi pāṇḍuputrāṇāṃ majjayatyaplavāniva

आपकी बुद्धि का यह परिवर्तन गायों के मनुष्य की बोली बोलने के समान विचित्र है। यह पाण्डु-पुत्रों के मन को ऐसे डुबो रहा है जैसे बिना नाव के लोग डूबते हैं।

श्लोक 21 (5.74.21)

इदं मे महदाश्चर्यं पर्वतस्येव सर्पणम् । यदीदृशं प्रभाषेथा भीमसेनासमं वचः ॥

idaṃ me mahadāścaryaṃ parvatasyeva sarpaṇam | yadīdṛśaṃ prabhāṣethā bhīmasenāsamaṃ vacaḥ

हे भीमसेन, मेरे लिए यह पर्वत के चलने जैसा बड़ा आश्चर्य है कि आप ऐसे वचन बोलें जो आपके योग्य नहीं।

श्लोक 22 (5.74.22)

स दृष्ट्वा स्वानि कर्माणि कुले जन्म च भारत । उत्तिष्ठस्व विषादं मा कृथा वीर स्थिरो भव ॥

sa dṛṣṭvā svāni karmāṇi kule janma ca bhārata | uttiṣṭhasva viṣādaṃ mā kṛthā vīra sthiro bhava

हे भारत, अपने कर्मों और जिस कुल में आपका जन्म हुआ है, उसे देखिए। उठिए, हे वीर, विषाद मत कीजिए, स्थिर हो जाइए।

श्लोक 23 (5.74.23)

न चैतदनुरूपं ते यत्ते ग्लानिररिन्दम । यदोजसा न लभते क्षत्रियो न तदश्नुते ॥

na caitadanurūpaṃ te yatte glānirarindama | yadojasā na labhate kṣatriyo na tadaśnute

हे अरिन्दम, यह ग्लानि आपके योग्य नहीं है। जो क्षत्रिय अपने पराक्रम से प्राप्त नहीं करता, उसका वह भोग नहीं करता।