नारद द्वारा मातलि को वरुणलोक का दर्शन

श्लोक 1 (5.98.1)

मातलिस्तु व्रजन्मार्गे नारदेन महर्षिणा । वरुणं गच्छता द्रष्टुं समागच्छद्यदृच्छया ॥

mātalistu vrajanmārge nāradena maharṣiṇā | varuṇaṃ gacchatā draṣṭuṃ samāgacchadyadṛcchayā

मार्ग में जाते हुए संयोग से मातलि की भेंट महर्षि नारद से हुई, जो वरुण से मिलने जा रहे थे।

श्लोक 2 (5.98.2)

नारदोऽथाब्रवीदेनं क्व भवान्गन्तुमुद्यतः । स्वेन वा सूत कार्येण शासनाद्वा शतक्रतोः ॥

nārado'thābravīdenaṃ kva bhavāngantumudyataḥ | svena vā sūta kāryeṇa śāsanādvā śatakratoḥ

नारद ने उससे कहा — 'हे सूत, आप कहाँ जाने को निकले हैं? अपने किसी काम से, या शतक्रतु इन्द्र की आज्ञा से?'

श्लोक 3 (5.98.3)

मातलिर्नारदेनैवं संपृष्टः पथि गच्छता । यथावत्सर्वमाचष्ट स्वकार्यं नारदं प्रति ॥

mātalirnāradenaivaṃ saṃpṛṣṭaḥ pathi gacchatā | yathāvatsarvamācaṣṭa svakāryaṃ nāradaṃ prati

मार्ग में चलते हुए नारद के इस प्रकार पूछने पर मातलि ने अपना सारा प्रयोजन ज्यों-का-त्यों नारद को बता दिया।

श्लोक 4 (5.98.4)

तमुवाचाथ स मुनिर्गच्छावः सहिताविति । सलिलेशदिदृक्षार्थमहमप्युद्यतो दिवः ॥

tamuvācātha sa munirgacchāvaḥ sahitāviti | salileśadidṛkṣārthamahamapyudyato divaḥ

तब मुनि ने उससे कहा — 'हम दोनों साथ चलें। मैं भी जल के स्वामी के दर्शन के लिए स्वर्ग से निकला हूँ।'

श्लोक 5 (5.98.5)

अहं ते सर्वमाख्यास्ये दर्शयन्वसुधातलम् । दृष्ट्वा तत्र वरं कंचिद्रोचयिष्याव मातले ॥

ahaṃ te sarvamākhyāsye darśayanvasudhātalam | dṛṣṭvā tatra varaṃ kaṃcidrocayiṣyāva mātale

पृथ्वी के भीतर के प्रदेश दिखाते हुए मैं तुम्हें सब कुछ बताऊँगा। वहाँ कोई वर देखकर, हे मातलि, हम दोनों उसे पसन्द कर लेंगे।

श्लोक 6 (5.98.6)

अवगाह्य तु तौ भूमिमुभौ मातलिनारदौ । ददृशाते महात्मानौ लोकपालमपां पतिम् ॥

avagāhya tu tau bhūmimubhau mātalināradau | dadṛśāte mahātmānau lokapālamapāṃ patim

तब वे दोनों महात्मा मातलि और नारद पृथ्वी में प्रवेश करके जल के स्वामी लोकपाल वरुण से मिले।

श्लोक 7 (5.98.7)

तत्र देवर्षिसदृशीं पूजां स प्राप नारदः । महेन्द्रसदृशीं चैव मातलिः प्रत्यपद्यत ॥

tatra devarṣisadṛśīṃ pūjāṃ sa prāpa nāradaḥ | mahendrasadṛśīṃ caiva mātaliḥ pratyapadyata

वहाँ नारद को देवर्षि के योग्य पूजा मिली, और मातलि का सत्कार महेन्द्र के समान हुआ।

श्लोक 8 (5.98.8)

तावुभौ प्रीतमनसौ कार्यवन्तौ निवेद्य ह । वरुणेनाभ्यनुज्ञातौ नागलोकं विचेरतुः ॥

tāvubhau prītamanasau kāryavantau nivedya ha | varuṇenābhyanujñātau nāgalokaṃ viceratuḥ

प्रसन्न मन से दोनों ने अपना प्रयोजन बताया और वरुण की अनुमति लेकर नागलोक में विचरने लगे।

श्लोक 9 (5.98.9)

नारदः सर्वभूतानामन्तर्भूमिनिवासिनाम् । जानंश्चकार व्याख्यानं यन्तुः सर्वमशेषतः ॥

nāradaḥ sarvabhūtānāmantarbhūminivāsinām | jānaṃścakāra vyākhyānaṃ yantuḥ sarvamaśeṣataḥ

पृथ्वी के भीतर रहने वाले सब प्राणियों को जानने वाले नारद ने सारथि को सब कुछ पूरी तरह समझाया।

श्लोक 10 (5.98.10)

दृष्टस्ते वरुणः सूत पुत्रपौत्रसमावृतः । पश्योदकपतेः स्थानं सर्वतोभद्रमृद्धिमत् ॥

dṛṣṭaste varuṇaḥ sūta putrapautrasamāvṛtaḥ | paśyodakapateḥ sthānaṃ sarvatobhadramṛddhimat

हे सूत, तुमने पुत्रों और पौत्रों से घिरे वरुण को देख लिया। अब जल के स्वामी का यह निवास देखो, जो सब ओर से मंगलमय और समृद्ध है।

श्लोक 11 (5.98.11)

एष पुत्रो महाप्रज्ञो वरुणस्येह गोपतेः । एष वै शीलवृत्तेन शौचेन च विशिष्यते ॥

eṣa putro mahāprajño varuṇasyeha gopateḥ | eṣa vai śīlavṛttena śaucena ca viśiṣyate

यह यहाँ जल के स्वामी वरुण का महाबुद्धिमान पुत्र है; यह शील, आचरण और पवित्रता में सबसे बढ़कर है।

श्लोक 12 (5.98.12)

एषोऽस्य पुत्रोऽभिमतः पुष्करः पुष्करेक्षणः । रूपवान्दर्शनीयश्च सोमपुत्र्या वृतः पतिः ॥

eṣo'sya putro'bhimataḥ puṣkaraḥ puṣkarekṣaṇaḥ | rūpavāndarśanīyaśca somaputryā vṛtaḥ patiḥ

यह उसका प्रिय पुत्र पुष्कर है, कमल-से नेत्रों वाला, रूपवान और दर्शनीय, जिसे सोम की पुत्री ने पति के रूप में वरा है —

श्लोक 13 (5.98.13)

ज्योत्स्नाकालीति यामाहुर्द्वितीयां रूपतः श्रियम् । अदित्याश्चैव यः पुत्रो ज्येष्ठः श्रेष्ठः कृतः स्मृतः ॥

jyotsnākālīti yāmāhurdvitīyāṃ rūpataḥ śriyam | adityāścaiva yaḥ putro jyeṣṭhaḥ śreṣṭhaḥ kṛtaḥ smṛtaḥ

वही, जिसे ज्योत्स्नाकाली कहते हैं और जो रूप में दूसरी लक्ष्मी है। और अदिति का जो ज्येष्ठ और श्रेष्ठ पुत्र है, वह 'कृत' नाम से जाना जाता है।

श्लोक 14 (5.98.14)

भवनं पश्य वारुण्यं यदेतत्सर्वकाञ्चनम् । यत्प्राप्य सुरतां प्राप्ताः सुराः सुरपतेः सखे ॥

bhavanaṃ paśya vāruṇyaṃ yadetatsarvakāñcanam | yatprāpya suratāṃ prāptāḥ surāḥ surapateḥ sakhe

हे देवराज के सखा, वारुणी का यह भवन देखो, जो पूरा सोने का है; उसे पाकर ही देवता 'सुर' कहलाए।

श्लोक 15 (5.98.15)

एतानि हृतराज्यानां दैतेयानां स्म मातले । दीप्यमानानि दृश्यन्ते सर्वप्रहरणान्युत ॥

etāni hṛtarājyānāṃ daiteyānāṃ sma mātale | dīpyamānāni dṛśyante sarvapraharaṇānyuta

हे मातलि, ये उन दैत्यों के सब प्रकार के अस्त्र-शस्त्र हैं जिनके राज्य छिन गए थे; ये यहाँ चमकते हुए दिखाई देते हैं।

श्लोक 16 (5.98.16)

अक्षयाणि किलैतानि विवर्तन्ते स्म मातले । अनुभावप्रयुक्तानि सुरैरवजितानि ह ॥

akṣayāṇi kilaitāni vivartante sma mātale | anubhāvaprayuktāni surairavajitāni ha

हे मातलि, कहते हैं ये अक्षय हैं और (चलाए जाने पर) बार-बार लौट आते हैं; ये महान शक्ति से चलते हैं, और देवताओं ने इन्हें जीता था।

श्लोक 17 (5.98.17)

अत्र राक्षसजात्यश्च दैत्यजात्यश्च मातले । दिव्यप्रहरणाश्चासन्पूर्वदैवतनिर्मिताः ॥

atra rākṣasajātyaśca daityajātyaśca mātale | divyapraharaṇāścāsanpūrvadaivatanirmitāḥ

हे मातलि, यहाँ राक्षस और दैत्य जाति के प्राणी रहते थे, जिनके पास प्राचीन देवताओं के बनाए दिव्य अस्त्र थे।

श्लोक 18 (5.98.18)

अग्निरेष महार्चिष्माञ्जागर्ति वारुणे ह्रदे । वैष्णवं चक्रमाविद्धं विधूमेन हविष्मता ॥

agnireṣa mahārciṣmāñjāgarti vāruṇe hrade | vaiṣṇavaṃ cakramāviddhaṃ vidhūmena haviṣmatā

यह महान ज्वालाओं वाली अग्नि वरुण के सरोवर में जागती रहती है; धूमरहित और हवि से पोषित इस अग्नि ने विष्णु के चक्र को भी रोक रखा है।

श्लोक 19 (5.98.19)

एष गाण्डीमयश्चापो लोकसंहारसंभृतः । रक्ष्यते दैवतैर्नित्यं यतस्तद्गाण्डिवं धनुः ॥

eṣa gāṇḍīmayaścāpo lokasaṃhārasaṃbhṛtaḥ | rakṣyate daivatairnityaṃ yatastadgāṇḍivaṃ dhanuḥ

यह गाण्डी से बना धनुष है, जिसे लोकों के संहार के लिए तैयार किया गया है; देवता सदा इसकी रक्षा करते हैं, और इसी से वह गाण्डीव धनुष बना।

श्लोक 20 (5.98.20)

एष कृत्ये समुत्पन्ने तत्तद्धारयते बलम् । सहस्रशतसङ्ख्येन प्राणेन सततं ध्रुवः ॥

eṣa kṛtye samutpanne tattaddhārayate balam | sahasraśatasaṅkhyena prāṇena satataṃ dhruvaḥ

कार्य उपस्थित होने पर यह लाखों प्राणों के बल से, सदा अटल रहकर, जितना आवश्यक हो उतना बल धारण करता है।

श्लोक 21 (5.98.21)

अशास्यानपि शास्त्येष रक्षोबन्धुषु राजसु । सृष्टः प्रथमतश्चण्डो ब्रह्मणा ब्रह्मवादिना ॥

aśāsyānapi śāstyeṣa rakṣobandhuṣu rājasu | sṛṣṭaḥ prathamataścaṇḍo brahmaṇā brahmavādinā

राक्षसों जैसे राजाओं में जिन्हें कोई दण्ड नहीं दे सकता, उन्हें भी यह दण्ड देता है। वेदवक्ता ब्रह्मा ने सबसे पहले इसे प्रचण्ड रूप में रचा था।

श्लोक 22 (5.98.22)

एतच्छस्त्रं नरेन्द्राणां महच्चक्रेण भासितम् । पुत्राः सलिलराजस्य धारयन्ति महोदयम् ॥

etacchastraṃ narendrāṇāṃ mahaccakreṇa bhāsitam | putrāḥ salilarājasya dhārayanti mahodayam

राजाओं का यह महान अस्त्र चक्र से भी अधिक दीप्त है। जल के स्वामी के पुत्र इसे धारण करते हैं; यह महान अभ्युदय देने वाला है।

श्लोक 23 (5.98.23)

एतत्सलिलराजस्य छत्रं छत्रगृहे स्थितम् । सर्वतः सलिलं शीतं जीमूत इव वर्षति ॥

etatsalilarājasya chatraṃ chatragṛhe sthitam | sarvataḥ salilaṃ śītaṃ jīmūta iva varṣati

यह जल के स्वामी का छत्र है, जो छत्र-गृह में रखा है; यह मेघ के समान चारों ओर शीतल जल बरसाता है।

श्लोक 24 (5.98.24)

एतच्छत्रात्परिभ्रष्टं सलिलं सोमनिर्मलम् । तमसा मूर्छितं भाति येन नार्छति दर्शनम् ॥

etacchatrātparibhraṣṭaṃ salilaṃ somanirmalam | tamasā mūrchitaṃ bhāti yena nārchati darśanam

इस छत्र से गिरा जल चन्द्रमा जैसा निर्मल होते हुए भी अंधकार से ढका रहता है, इसलिए वह किसी को दिखाई नहीं देता।

श्लोक 25 (5.98.25)

बहून्यद्भुतरूपाणि द्रष्टव्यानीह मातले । तव कार्योपरोधस्तु तस्माद्गच्छाव मा चिरम् ॥

bahūnyadbhutarūpāṇi draṣṭavyānīha mātale | tava kāryoparodhastu tasmādgacchāva mā ciram

हे मातलि, यहाँ देखने योग्य बहुत-सी अद्भुत वस्तुएँ हैं, पर इससे तुम्हारे कार्य में बाधा पड़ेगी; इसलिए हम शीघ्र आगे चलें।