उत्तर का अर्जुन का सारथि बनना

श्लोक 1 (4.44.1)

ततः पार्थं स वैराटिः प्राञ्जलिस्त्वभ्यवादयत् । अहं भूमिंजयो नाम प्रणतोस्मि धनंजय ॥

tataḥ pārthaṃ sa vairāṭiḥ prāñjalistvabhyavādayat | ahaṃ bhūmiṃjayo nāma praṇatosmi dhanaṃjaya

तब विराटपुत्र ने हाथ जोड़कर पार्थ को प्रणाम किया और कहा — "मेरा नाम भूमिंजय है; धनञ्जय, मैं आपको प्रणाम करता हूँ।"

श्लोक 2 (4.44.2)

दिष्ट्या त्वां पार्थ पश्यामि स्वागतं ते धनंजय । लोहिताक्ष महाबाहो नागराजवरोपम ॥

diṣṭyā tvāṃ pārtha paśyāmi svāgataṃ te dhanaṃjaya | lohitākṣa mahābāho nāgarājavaropama

सौभाग्य से मैं आपको देख रहा हूँ, पार्थ; धनञ्जय, आपका स्वागत है — हे लाल नेत्रों वाले महाबाहु, श्रेष्ठ गजराज के समान वीर!

श्लोक 3 (4.44.3)

यदज्ञानादवोचं त्वां प्रमादेन नरोत्तम । अकृत्वा हृदये सर्वं क्षन्तुमर्हसि तन्मम ॥

yadajñānādavocaṃ tvāṃ pramādena narottama | akṛtvā hṛdaye sarvaṃ kṣantumarhasi tanmama

हे नरश्रेष्ठ, अज्ञान और असावधानी से मैंने आपसे जो कुछ कहा, उसे मन में न रखकर आप मुझे क्षमा करें।

श्लोक 4 (4.44.4)

यतस्त्वया कृतं पूर्वं चित्रं कर्म सुदुष्करम् । अतो भयं व्यपेतं मे प्रीतिश्च परमा त्वयि ॥

yatastvayā kṛtaṃ pūrvaṃ citraṃ karma suduṣkaram | ato bhayaṃ vyapetaṃ me prītiśca paramā tvayi

आपने पहले जो अद्भुत और अत्यन्त कठिन कर्म किए हैं, उनके कारण मेरा भय दूर हो गया है और आपके प्रति मेरा प्रेम अपार है।

श्लोक 5 (4.44.5)

दासोऽहं ते भविष्यामि पश्य मामनुकम्पया ॥

dāso'haṃ te bhaviṣyāmi paśya māmanukampayā

मैं आपका दास बनूँगा; मुझ पर कृपा-दृष्टि रखिए।

श्लोक 6 (4.44.6)

या प्रतिज्ञा कृता पूर्वं तव सारथ्यकारणात् । सेयं प्रतिज्ञा पूर्णा मे हर्षश्चार्जुन जायते ॥

yā pratijñā kṛtā pūrvaṃ tava sārathyakāraṇāt | seyaṃ pratijñā pūrṇā me harṣaścārjuna jāyate

आपका सारथि बनने के विषय में जो प्रतिज्ञा मैंने पहले की थी, मेरी वह प्रतिज्ञा पूरी हो गई है, और अर्जुन, मेरे मन में हर्ष उमड़ रहा है।

श्लोक 7 (4.44.7)

देवेन्द्रतनयस्येह सारथिः स्यां महामृधे । इति पूर्वं कृताऽस्माभिः प्रतिज्ञा युद्धदुर्मद ॥

devendratanayasyeha sārathiḥ syāṃ mahāmṛdhe | iti pūrvaṃ kṛtā'smābhiḥ pratijñā yuddhadurmada

"मैं यहाँ किसी महायुद्ध में देवराज के पुत्र का सारथि बनूँ" — हे रणोन्मत्त वीर, यही प्रतिज्ञा मैंने पहले की थी।

श्लोक 8 (4.44.8)

प्रतिज्ञा मम संपूर्णा तव सारथ्यकारणात् । मनस्स्वास्थ्यं च मे जातं जातं भाग्यं च मे महत् ॥

pratijñā mama saṃpūrṇā tava sārathyakāraṇāt | manassvāsthyaṃ ca me jātaṃ jātaṃ bhāgyaṃ ca me mahat

आपका सारथि बनने से मेरी प्रतिज्ञा पूरी हो गई है; मेरे मन को शान्ति मिली है और मुझे बड़ा सौभाग्य प्राप्त हुआ है।

श्लोक 9 (4.44.9)

आस्थाय विपुलं वीर रथं सारथिना मया । दुर्योधनं च जित्वाऽऽजौ निवर्तय पशून्मम ॥

āsthāya vipulaṃ vīra rathaṃ sārathinā mayā | duryodhanaṃ ca jitvā''jau nivartaya paśūnmama

हे वीर, मुझे सारथि बनाकर इस विशाल रथ पर चढ़िए, और युद्ध में दुर्योधन को जीतकर मेरे पशु लौटा लाइए।

श्लोक 10 (4.44.10)

प्रीतोस्मि राजपुत्राद्य न भयं विद्यते तव । सर्वान्नुदामि ते शत्रून्रणे रणविशारद ॥

prītosmi rājaputrādya na bhayaṃ vidyate tava | sarvānnudāmi te śatrūnraṇe raṇaviśārada

राजकुमार, आज मैं तुमसे प्रसन्न हूँ; तुम्हें कोई भय नहीं है। हे युद्धकुशल, मैं रण में तुम्हारे सब शत्रुओं को खदेड़ दूँगा।

श्लोक 11 (4.44.11)

स्वस्थो भव महान्युद्धे पश्य मां शत्रुभिः सह । युध्यमानं विमर्देऽस्मिन्कुर्वाणं भैरवं रवम् ॥

svastho bhava mahānyuddhe paśya māṃ śatrubhiḥ saha | yudhyamānaṃ vimarde'sminkurvāṇaṃ bhairavaṃ ravam

हे महान् वीर, इस युद्ध में निश्चिन्त रहो; इस संग्राम में मुझे शत्रुओं से लड़ते और भयानक गर्जना करते देखो।

श्लोक 12 (4.44.12)

गाण्डीवं देवदत्तं च शरान्कनकभूषणान् । एतान्सर्वानुपासङ्गान्क्षिप्रं बध्नीहि मे रथे । एकं चाहर निस्त्रिंशं जातरूपपरिष्कृतम् ॥

gāṇḍīvaṃ devadattaṃ ca śarānkanakabhūṣaṇān | etānsarvānupāsaṅgānkṣipraṃ badhnīhi me rathe | ekaṃ cāhara nistriṃśaṃ jātarūpapariṣkṛtam

देवताओं का दिया गाण्डीव, सोने से सजे बाण और ये सब तूणीर शीघ्र मेरे रथ पर बाँध दो; और सोने से अलंकृत एक तलवार ले आओ।

श्लोक 13 (4.44.13)

अहं वै कुरुभिर्योत्स्ये मोक्षयिष्यामि ते पशून् । तोषयिष्यामि राजानं प्रवेक्ष्यामि पुरं पुनः ॥

ahaṃ vai kurubhiryotsye mokṣayiṣyāmi te paśūn | toṣayiṣyāmi rājānaṃ pravekṣyāmi puraṃ punaḥ

मैं कौरवों से युद्ध करूँगा और तुम्हारे पशु छुड़ा लूँगा; राजा को प्रसन्न करूँगा और फिर नगर में प्रवेश करूँगा।

श्लोक 14 (4.44.14)

संकल्पागाधपरिधं बाहुप्राकारतोरणम् । त्रिदण्डतूणसंबाधं नैकध्वजसमाकुलम् ॥

saṃkalpāgādhaparidhaṃ bāhuprākāratoraṇam | tridaṇḍatūṇasaṃbādhaṃ naikadhvajasamākulam

संकल्प जिसका अथाह परकोटा है, मेरी भुजाएँ जिसकी प्राचीर और तोरण हैं, जो त्रिदण्ड और तूणीरों से भरा और अनेक ध्वजाओं से व्याप्त है;

श्लोक 15 (4.44.15)

ज्याक्षेपनिनदारावं नेमीनिनददुन्दुभिः । शरजालवितानाढ्यमाक्ष्वेडितमहास्वनम् । नगरं ते मया गुप्तं रथोपस्थं भविष्यति ॥

jyākṣepaninadārāvaṃ nemīninadadundubhiḥ | śarajālavitānāḍhyamākṣveḍitamahāsvanam | nagaraṃ te mayā guptaṃ rathopasthaṃ bhaviṣyati

प्रत्यंचा की टंकार जिसका कोलाहल है, पहियों की नेमियों की घरघराहट जिसके नगाड़े हैं, जो बाणों के जाल रूपी वितानों से सम्पन्न और सिंहनाद के महाघोष से युक्त है — ऐसा, मेरे द्वारा रक्षित नगर तुम्हारा यह रथ बन जाएगा।

श्लोक 16 (4.44.16)

अधिष्ठितो मया सङ्ख्ये रथो गाण्डीवधन्विना । अजय्यः शत्रुसैन्यानां वैराटे व्येतु ते भयम् ॥

adhiṣṭhito mayā saṅkhye ratho gāṇḍīvadhanvinā | ajayyaḥ śatrusainyānāṃ vairāṭe vyetu te bhayam

युद्ध में गाण्डीवधारी मेरे द्वारा अधिष्ठित यह रथ शत्रुसेनाओं के लिए अजेय होगा। हे विराटपुत्र, तुम्हारा भय दूर हो जाए।

श्लोक 17 (4.44.17)

बहुना किं प्रलापेन शृणु मे परमं वचः । नाहं बिभेमि कौन्तेय साक्षादपि शतक्रतोः ॥

bahunā kiṃ pralāpena śṛṇu me paramaṃ vacaḥ | nāhaṃ bibhemi kaunteya sākṣādapi śatakratoḥ

बहुत कहने से क्या लाभ? मेरी पक्की बात सुनिए — कौन्तेय, मैं साक्षात् इन्द्र से भी नहीं डरता,

श्लोक 18 (4.44.18)

यमवायुकुबेरेभ्यो द्रोणभीष्मशतादपि । बिभेमि नाहमेतेभ्यो जानामि त्वां स्थिरं युधि । केशवेनापि संग्रामे साक्षादिन्द्रेण वा समम् ॥

yamavāyukuberebhyo droṇabhīṣmaśatādapi | bibhemi nāhametebhyo jānāmi tvāṃ sthiraṃ yudhi | keśavenāpi saṃgrāme sākṣādindreṇa vā samam

न यम, वायु और कुबेर से, न सौ द्रोणों और भीष्मों से ही; मैं इनसे नहीं डरता, क्योंकि मैं जानता हूँ कि आप युद्ध में अडिग हैं और संग्राम में केशव या साक्षात् इन्द्र के समान हैं।

श्लोक 19 (4.44.19)

इदं तु चिन्तयन्नेव परिमुह्यामि केवलम् । निश्चयं नाधिगच्छामि नावगच्छामि किंचन ॥

idaṃ tu cintayanneva parimuhyāmi kevalam | niścayaṃ nādhigacchāmi nāvagacchāmi kiṃcana

किन्तु केवल इसी बात को सोचकर मैं मोह में पड़ जाता हूँ — न कोई निश्चय कर पाता हूँ, न कुछ समझ पाता हूँ।

श्लोक 20 (4.44.20)

एवं वराङ्गरूपस्य लक्षणैः सूचितस्य च । केन कर्मविपाकेन क्लीबत्वं त्वामुपागतम् ॥

evaṃ varāṅgarūpasya lakṣaṇaiḥ sūcitasya ca | kena karmavipākena klībatvaṃ tvāmupāgatam

उत्तम अंगों और रूप वाले, ऐसे लक्षणों से सूचित आप पर किस कर्मफल के कारण यह नपुंसकता आ पड़ी?

श्लोक 21 (4.44.21)

मन्ये त्वां क्लीबरूपेण चरन्तं शूलपाणिनम् । गन्धर्वराजप्रतिमं देवं वाऽपि शतक्रतुम् ॥

manye tvāṃ klībarūpeṇa carantaṃ śūlapāṇinam | gandharvarājapratimaṃ devaṃ vā'pi śatakratum

मुझे लगता है कि आप नपुंसक रूप में विचरते त्रिशूलधारी शिव हैं, या गन्धर्वराज के समान कोई, अथवा स्वयं देव इन्द्र।

श्लोक 22 (4.44.22)

भ्रातुर्नियोगाञ्ज्येष्ठस्य संवत्सरमिदं व्रतम् । चरामि ब्रह्मचर्यं वै सत्यमेतद्ब्रवीमि ते ॥

bhrāturniyogāñjyeṣṭhasya saṃvatsaramidaṃ vratam | carāmi brahmacaryaṃ vai satyametadbravīmi te

बड़े भाई की आज्ञा से मैं एक वर्ष के लिए यह व्रत निभा रहा हूँ — ब्रह्मचर्य का पालन कर रहा हूँ। यह मैं तुमसे सच कहता हूँ।

श्लोक 23 (4.44.23)

नास्मि क्लीबो महाबाहो परवान्धर्मसंयुतः । उर्वशीशापसंभूतं क्लैब्यं समुपसंस्थितम् ॥

nāsmi klībo mahābāho paravāndharmasaṃyutaḥ | urvaśīśāpasaṃbhūtaṃ klaibyaṃ samupasaṃsthitam

हे महाबाहु, मैं नपुंसक नहीं हूँ; मैं दूसरे की आज्ञा के अधीन और धर्म से बँधा हूँ। यह नपुंसकता मुझे उर्वशी के शाप से प्राप्त हुई है।

श्लोक 24 (4.44.24)

पुराऽहमाज्ञया भ्रातुर्ज्येष्ठस्यास्मि सुरालयम् । प्राप्तवानुर्वशी दृष्टा सुधर्मायां मया तदा ॥

purā'hamājñayā bhrāturjyeṣṭhasyāsmi surālayam | prāptavānurvaśī dṛṣṭā sudharmāyāṃ mayā tadā

बहुत पहले बड़े भाई की आज्ञा से मैं देवलोक गया था; वहाँ सुधर्मा सभा में मैंने उर्वशी को देखा,

श्लोक 25 (4.44.25)

नृत्यन्तीं परमं रूपं बिभ्रतीं वज्रिसन्निधौ । अपश्यं तामनिमिषं कूटस्थामन्वयस्य मे ॥

nṛtyantīṃ paramaṃ rūpaṃ bibhratīṃ vajrisannidhau | apaśyaṃ tāmanimiṣaṃ kūṭasthāmanvayasya me

जो वज्रधारी इन्द्र के सामने परम सुन्दर रूप धारण किए नृत्य कर रही थी। मैंने उसे एकटक देखा, क्योंकि वह मेरे वंश की मूल माता थी।

श्लोक 26 (4.44.26)

रात्रौ समागता मह्यं शयनं रन्तुमिच्छया । अहं तामभिवाद्यैव मातृसत्कारमाचरम् ॥

rātrau samāgatā mahyaṃ śayanaṃ rantumicchayā | ahaṃ tāmabhivādyaiva mātṛsatkāramācaram

रात में वह रमण की इच्छा से मेरे शयनस्थान पर आई; पर मैंने उसे प्रणाम करके माता के समान उसका सत्कार किया।

श्लोक 27 (4.44.27)

सा च मामशपत्क्रुद्धा शिखण्डी त्वं भवेति वै । श्रुत्वा तमिन्द्रो मामाह मा भैस्त्वं पार्थ षण्डता ॥

sā ca māmaśapatkruddhā śikhaṇḍī tvaṃ bhaveti vai | śrutvā tamindro māmāha mā bhaistvaṃ pārtha ṣaṇḍatā

तब उसने क्रोध में मुझे शाप दिया — "तुम नपुंसक हो जाओ।" यह सुनकर इन्द्र ने मुझसे कहा — "पार्थ, डरो मत; यह नपुंसकता

श्लोक 28 (4.44.28)

उपकारो भवेत्तुभ्यमज्ञातवसतौ पुरा । इतीन्द्रो मामनुग्राह्य ततः प्रेषितवान्वृषा ॥

upakāro bhavettubhyamajñātavasatau purā | itīndro māmanugrāhya tataḥ preṣitavānvṛṣā

आगे अज्ञातवास के समय तुम्हारे लिए उपकारी होगी।" इस प्रकार मुझ पर अनुग्रह करके पराक्रमी इन्द्र ने मुझे विदा किया।

श्लोक 29 (4.44.29)

तदिदं समनुप्राप्तं व्रतं चीर्णं मयाऽनघ । समाप्तव्रतमुत्तीर्णं विद्धि मां त्वं नृपात्मज ॥

tadidaṃ samanuprāptaṃ vrataṃ cīrṇaṃ mayā'nagha | samāptavratamuttīrṇaṃ viddhi māṃ tvaṃ nṛpātmaja

वही अब घटित हुआ है; हे निष्पाप, मैंने यह व्रत पूरा कर लिया है। राजकुमार, जानो कि मेरा व्रत समाप्त हो गया है और मैं उससे पार हो चुका हूँ।

श्लोक 30 (4.44.30)

परमोऽनुग्रहो मेऽद्य यत्प्रतर्को न मे वृथा । न हीदृशाः क्लीबरूपा भवन्ति तु नरोत्तमाः ॥

paramo'nugraho me'dya yatpratarko na me vṛthā | na hīdṛśāḥ klībarūpā bhavanti tu narottamāḥ

आज मुझ पर यह बड़ा अनुग्रह है कि मेरा अनुमान व्यर्थ नहीं गया; क्योंकि ऐसे नरश्रेष्ठ नपुंसक नहीं होते।

श्लोक 31 (4.44.31)

सहायवानस्मि रणे युद्ध्येयममरैरपि । साध्वसं तत्प्रनष्टं मे किं करोमि ब्रवीहि मे ॥

sahāyavānasmi raṇe yuddhyeyamamarairapi | sādhvasaṃ tatpranaṣṭaṃ me kiṃ karomi bravīhi me

अब युद्ध में मेरा सहायक है; मैं देवताओं से भी लड़ सकता हूँ। मेरा वह भय नष्ट हो गया है। बताइए, मैं क्या करूँ?

श्लोक 32 (4.44.32)

अहं ते संग्रहीष्यामि हयाञ्शत्रुनिर्बहण । शिक्षितो ह्यस्मि सारथ्ये निष्ठितः पुरुषर्षभ ॥

ahaṃ te saṃgrahīṣyāmi hayāñśatrunirbahaṇa | śikṣito hyasmi sārathye niṣṭhitaḥ puruṣarṣabha

हे शत्रुसंहारक, मैं आपके घोड़ों को सँभालूँगा; हे पुरुषश्रेष्ठ, मैं सारथि-कर्म में प्रशिक्षित और निपुण हूँ।

श्लोक 33 (4.44.33)

दारुको वासुदेवस्य यथा शक्रस्य मातलिः । तथा मां विद्धि सारथ्ये शिक्षितं नरपुङ्गव ॥

dāruko vāsudevasya yathā śakrasya mātaliḥ | tathā māṃ viddhi sārathye śikṣitaṃ narapuṅgava

हे नरश्रेष्ठ, जैसे वासुदेव के सारथि दारुक और इन्द्र के मातलि हैं, वैसे ही मुझे भी सारथि-कर्म में शिक्षित जानिए।

श्लोक 34 (4.44.34)

अश्वा ह्येते महाबाहो तवैवाहवदुर्जयाः । योग्या रथवरे युक्ताः प्राणवन्तो जितश्रमाः ॥

aśvā hyete mahābāho tavaivāhavadurjayāḥ | yogyā rathavare yuktāḥ prāṇavanto jitaśramāḥ

हे महाबाहु, युद्ध में दुर्जेय ये घोड़े आपके ही योग्य हैं; ये सधे हुए हैं, इस श्रेष्ठ रथ में जुते हैं, बलवान् हैं और थकते नहीं।

श्लोक 35 (4.44.35)

यस्य याते न पश्यन्ति भूमौ क्षिप्तं पदंपदम् । दक्षिणां यो धुरं वोढा सुग्रीवेण समो हयः ॥

yasya yāte na paśyanti bhūmau kṣiptaṃ padaṃpadam | dakṣiṇāṃ yo dhuraṃ voḍhā sugrīveṇa samo hayaḥ

दाहिने जुए को खींचने वाला यह घोड़ा सुग्रीव के समान है; दौड़ते समय भूमि पर पड़ते इसके पग-पग के चिह्न लोग देख नहीं पाते;

श्लोक 36 (4.44.36)

योऽयं हयो धुर्यवरो वामां वहति शोभनः । तं मन्ये मेघपुष्पस्य जवेन सदृशं हयम् ॥

yo'yaṃ hayo dhuryavaro vāmāṃ vahati śobhanaḥ | taṃ manye meghapuṣpasya javena sadṛśaṃ hayam

बाएँ जुए को खींचने वाले इस सुन्दर, श्रेष्ठ घोड़े को मैं वेग में मेघपुष्प के समान मानता हूँ;

श्लोक 37 (4.44.37)

योऽयं वहति वै पार्ष्णिं दक्षिणामञ्चितोद्यतः । वलाहकादभिमतस्तेजसा वीर्यवत्तरः ॥

yo'yaṃ vahati vai pārṣṇiṃ dakṣiṇāmañcitodyataḥ | valāhakādabhimatastejasā vīryavattaraḥ

जो यह दाहिनी ओर पीछे से खींचता है, उछलता हुआ और उत्साही, वह तेज और पराक्रम में बलाहक से भी बढ़कर माना गया है;

श्लोक 38 (4.44.38)

योऽयं काञ्चनसन्नाहो वामं वहति शोभनः । धुर्यं शैब्यस्य तं मन्ये जवेन बलवत्तरम् ॥

yo'yaṃ kāñcanasannāho vāmaṃ vahati śobhanaḥ | dhuryaṃ śaibyasya taṃ manye javena balavattaram

और सोने के साज वाला यह सुन्दर घोड़ा, जो बाईं ओर खींचता है, उसे मैं वेग में शैब्य से भी अधिक बलवान् मानता हूँ।

श्लोक 39 (4.44.39)

त्वामेवायं रथो वोढुं संग्रामेऽर्हति धन्विनम् । त्वं चेमं रथमास्थाय योद्धुमर्हो मतो मम । सर्वशत्रुभिरायातो देवराज इवासुरैः ॥

tvāmevāyaṃ ratho voḍhuṃ saṃgrāme'rhati dhanvinam | tvaṃ cemaṃ rathamāsthāya yoddhumarho mato mama | sarvaśatrubhirāyāto devarāja ivāsuraiḥ

यह रथ युद्ध में आप जैसे धनुर्धर को वहन करने योग्य है, और मेरी समझ में आप इस रथ पर चढ़कर युद्ध करने के योग्य हैं — सब शत्रुओं पर वैसे ही चढ़ाई करते हुए जैसे देवराज असुरों पर।

श्लोक 40 (4.44.40)

ततो रथादवस्कन्द्य वीर्यवानरिमर्दनः । प्रणम्य देवान्गाण्डीवमादाय रुरुचे श्रिया ॥

tato rathādavaskandya vīryavānarimardanaḥ | praṇamya devāngāṇḍīvamādāya ruruce śriyā

तब शत्रुओं का मर्दन करने वाले पराक्रमी अर्जुन रथ से कूदकर उतरे, देवताओं को प्रणाम किया, गाण्डीव उठाया और शोभा से दमक उठे।

श्लोक 41 (4.44.41)

ततो विमुच्य बाहुभ्यां शङ्खचूडानि पाण्डवः । तौ च दुन्दुभिसन्नादौ प्रतिबध्य तलावुभौ ॥

tato vimucya bāhubhyāṃ śaṅkhacūḍāni pāṇḍavaḥ | tau ca dundubhisannādau pratibadhya talāvubhau

फिर पाण्डव ने भुजाओं से शंख की चूड़ियाँ उतार दीं और दोनों हाथों पर नगाड़े जैसी ध्वनि करने वाले दोनों तलत्राण बाँध लिए;

श्लोक 42 (4.44.42)

इन्द्रदत्ते च ते दिव्ये उद्धृत्यामुच्य कुण्डले । श्लक्ष्णान्केशान्मृदून्स्निग्धाञ्श्वेतेनोद्ग्रथ्य वाससा ॥

indradatte ca te divye uddhṛtyāmucya kuṇḍale | ślakṣṇānkeśānmṛdūnsnigdhāñśvetenodgrathya vāsasā

इन्द्र के दिए हुए वे दोनों दिव्य कुण्डल निकालकर पहन लिए, और अपने चिकने, कोमल, स्निग्ध केशों को श्वेत वस्त्र से बाँध लिया।

श्लोक 43 (4.44.43)

अथासौ प्राङ्मुखो भूत्वा शुचिः प्रयतमानसः । अभिदध्यौ महाबाहुः सर्वास्त्राणि रथोत्तमे ॥

athāsau prāṅmukho bhūtvā śuciḥ prayatamānasaḥ | abhidadhyau mahābāhuḥ sarvāstrāṇi rathottame

फिर पूर्व की ओर मुख करके, पवित्र और एकाग्रचित्त होकर, उन महाबाहु ने उस उत्तम रथ पर सब अस्त्रों का ध्यान किया।

श्लोक 44 (4.44.44)

ऊचुश्च पार्थं सर्वाणि प्राञ्जलीनि नृपात्मजम् । इमानि स्मो महोदार किङ्कराणीन्द्रनन्दन ॥

ūcuśca pārthaṃ sarvāṇi prāñjalīni nṛpātmajam | imāni smo mahodāra kiṅkarāṇīndranandana

और उन सबने हाथ जोड़कर राजपुत्र पार्थ से कहा — "हे परम उदार इन्द्रनन्दन, हम आपके सेवक यहाँ उपस्थित हैं।"

श्लोक 45 (4.44.45)

प्रणिपत्य ततः पार्थः समालभ्य च पाणिना । सर्वाणि मानसानीह भवतेत्यभ्यभाषत ॥

praṇipatya tataḥ pārthaḥ samālabhya ca pāṇinā | sarvāṇi mānasānīha bhavatetyabhyabhāṣata

तब पार्थ ने उन्हें प्रणाम किया, हाथ से उनका स्पर्श किया और कहा — "तुम सब यहाँ मेरे मन में निवास करो।"

श्लोक 46 (4.44.46)

प्रतिगृह्य ततोऽस्त्राणि प्रहृष्टवदनोऽभवत् । अधिज्यं तरसा कृत्वा गाण्डीवं व्याक्षिपद्धनुः ॥

pratigṛhya tato'strāṇi prahṛṣṭavadano'bhavat | adhijyaṃ tarasā kṛtvā gāṇḍīvaṃ vyākṣipaddhanuḥ

अस्त्रों को ग्रहण करके उनका मुख हर्ष से खिल उठा; उन्होंने वेग से गाण्डीव पर प्रत्यंचा चढ़ाकर धनुष को खींचा।

श्लोक 47 (4.44.47)

तस्य विक्षिप्यमाणस्य धनुषोऽभून्महास्वनः । यथा शैलस्य महतः शैलानाक्षिप्य जघ्नुषः ॥

tasya vikṣipyamāṇasya dhanuṣo'bhūnmahāsvanaḥ | yathā śailasya mahataḥ śailānākṣipya jaghnuṣaḥ

खींचे जाते उस धनुष से ऐसा महानाद हुआ, मानो कोई विशाल पर्वत चट्टानें फेंककर उन्हें चूर कर रहा हो।

श्लोक 48 (4.44.48)

सनिर्घाताऽभवद्भूमिर्दिक्षु वायुर्ववौ भृशम् । भ्रान्तद्विजं खमभवत्प्राकम्पन्त महाद्रुमाः ॥

sanirghātā'bhavadbhūmirdikṣu vāyurvavau bhṛśam | bhrāntadvijaṃ khamabhavatprākampanta mahādrumāḥ

धरती गड़गड़ाहट के साथ काँप उठी, सब दिशाओं में प्रचण्ड वायु बहने लगी, आकाश में पक्षी चक्कर काटने लगे और बड़े-बड़े वृक्ष काँप उठे।

श्लोक 49 (4.44.49)

तं शब्दं कुरवो राजन्विस्फोटमशनेरिव । तार्क्ष्यं शब्दमिव श्रुत्वा वित्रेसुर्दीनमानसाः ॥

taṃ śabdaṃ kuravo rājanvisphoṭamaśaneriva | tārkṣyaṃ śabdamiva śrutvā vitresurdīnamānasāḥ

हे राजन्, वज्र के कड़कने के समान, गरुड़ के नाद के समान उस शब्द को सुनकर कौरव दीनचित्त होकर काँप उठे।

श्लोक 50 (4.44.50)

यथेन्द्रो व्याक्षिपद्भीमं विस्फोटमशनेर्भुवि । तथाऽर्जुनो धनुःश्रेष्ठं बाहुभ्यामाक्षिपद्बली ॥

yathendro vyākṣipadbhīmaṃ visphoṭamaśanerbhuvi | tathā'rjuno dhanuḥśreṣṭhaṃ bāhubhyāmākṣipadbalī

जैसे इन्द्र पृथ्वी पर वज्र का भयंकर विस्फोट छोड़ते हैं, वैसे ही बलवान् अर्जुन ने अपनी भुजाओं से उस श्रेष्ठ धनुष को खींचा।

श्लोक 51 (4.44.51)

महाशनिमहाशब्दसदृशो ज्यास्वनो महान् । शत्रून्वीरांश्च संतर्ज्य निग्रहस्थो रथे स्थितः ॥

mahāśanimahāśabdasadṛśo jyāsvano mahān | śatrūnvīrāṃśca saṃtarjya nigrahastho rathe sthitaḥ

प्रत्यंचा का वह महानाद महावज्र के गर्जन के समान था; वे वीर शत्रुओं को ललकारते हुए, उन्हें रोकने को तत्पर, रथ पर खड़े थे।

श्लोक 52 (4.44.52)

एकस्त्वं पाण्डवश्रेष्ठ बहूनेतान्महारथान् । कथं जेष्यसि संग्रामे सर्वशस्त्रास्त्रपारगान् ॥

ekastvaṃ pāṇḍavaśreṣṭha bahūnetānmahārathān | kathaṃ jeṣyasi saṃgrāme sarvaśastrāstrapāragān

हे पाण्डवश्रेष्ठ, आप अकेले हैं; सब शस्त्रास्त्रों में पारंगत इन बहुत-से महारथियों को आप युद्ध में कैसे जीतेंगे?

श्लोक 53 (4.44.53)

असहायोऽसि कौन्तेय ससहायाश्च कौरवाः । अत एव महाबाहो भीतस्तिष्ठामि तेऽग्रतः ॥

asahāyo'si kaunteya sasahāyāśca kauravāḥ | ata eva mahābāho bhītastiṣṭhāmi te'grataḥ

कौन्तेय, आप असहाय हैं और कौरवों के साथ सहायक हैं; इसी कारण, हे महाबाहु, मैं आपके आगे डरा हुआ खड़ा हूँ।

श्लोक 54 (4.44.54)

उवाच पार्थो मा भैषीः प्रहस्य स्वनवत्तदा ॥

uvāca pārtho mā bhaiṣīḥ prahasya svanavattadā

पार्थ ने हँसकर ऊँचे स्वर में कहा — "डरो मत।"

श्लोक 55 (4.44.55)

युध्यमानस्य मे वीर गन्धर्वैः सुमहाबलैः । सहायो घोषयात्रायां कस्तदासीत्सखा मम ॥

yudhyamānasya me vīra gandharvaiḥ sumahābalaiḥ | sahāyo ghoṣayātrāyāṃ kastadāsītsakhā mama

हे वीर, घोषयात्रा के समय जब मैं महाबली गन्धर्वों से लड़ रहा था, तब मेरा कौन सहायक, कौन मित्र था?

श्लोक 56 (4.44.56)

तथा प्रतिभये तस्मिन्देवदानवसंकुले । खाण्डवे युध्यमानस्य कस्तदासीत्सखा मम ॥

tathā pratibhaye tasmindevadānavasaṃkule | khāṇḍave yudhyamānasya kastadāsītsakhā mama

इसी प्रकार देवताओं और दानवों से भरे उस भयंकर खाण्डव-युद्ध में जब मैं लड़ रहा था, तब मेरा कौन मित्र था?

श्लोक 57 (4.44.57)

निवातकवचैः सार्धं पौलोमैश्च महाबलैः । युध्यतो देवराजार्थे कः सहायस्तदाऽभवत् ॥

nivātakavacaiḥ sārdhaṃ paulomaiśca mahābalaiḥ | yudhyato devarājārthe kaḥ sahāyastadā'bhavat

जब मैं देवराज के लिए निवातकवचों और महाबली पौलोमों से लड़ा, तब मेरा कौन सहायक था?

श्लोक 58 (4.44.58)

स्वयंवरे तु पाञ्चाल्या राजभिः सह संयुगे । युध्यतो बहुभिस्तात कः सहायस्तदाऽभवत् ॥

svayaṃvare tu pāñcālyā rājabhiḥ saha saṃyuge | yudhyato bahubhistāta kaḥ sahāyastadā'bhavat

वत्स, पांचाली के स्वयंवर में जब मैं बहुत-से राजाओं से युद्ध में लड़ा, तब मेरा कौन सहायक था?

श्लोक 59 (4.44.59)

उपजीव्य गुरुं द्रोणं शक्रं वैश्रवणं यमम् । वरुणं पावकं चैव कृपं कृष्णं च माधवम् । पिनाकपाणिनं चैव कथमेतान्न योधये ॥

upajīvya guruṃ droṇaṃ śakraṃ vaiśravaṇaṃ yamam | varuṇaṃ pāvakaṃ caiva kṛpaṃ kṛṣṇaṃ ca mādhavam | pinākapāṇinaṃ caiva kathametānna yodhaye

मैंने गुरु द्रोण, इन्द्र, कुबेर, यम, वरुण, अग्नि, कृप, माधव श्रीकृष्ण और पिनाकधारी शिव का आश्रय पाया है; फिर मैं इनसे कैसे न लड़ूँ?

श्लोक 60 (4.44.60)

रथं वाहय मे शीघ्रं व्येतु ते मानसो ज्वरः ॥

rathaṃ vāhaya me śīghraṃ vyetu te mānaso jvaraḥ

शीघ्र मेरा रथ हाँको; तुम्हारे मन का ज्वर दूर हो जाए।