द्रोण द्वारा अपशकुनों का वर्णन

श्लोक 1 (4.46.1)

भारद्वाजस्ततो द्रोणः सर्वशस्त्रभृतांवरः । राजानं चाह संप्रेक्ष्य दुर्योधनमरिंदमः ॥

bhāradvājastato droṇaḥ sarvaśastrabhṛtāṃvaraḥ | rājānaṃ cāha saṃprekṣya duryodhanamariṃdamaḥ

तब समस्त शस्त्रधारियों में श्रेष्ठ, शत्रुओं का दमन करनेवाले भरद्वाजपुत्र द्रोण ने राजा दुर्योधन की ओर देखकर कहा:

श्लोक 2 (4.46.2)

यथा रथस्य निर्घोषो यथा शङ्ख उदीर्यते । कम्पते च यथा भूमिर्नैषोऽन्यः सव्यसाचिनः ॥

yathā rathasya nirghoṣo yathā śaṅkha udīryate | kampate ca yathā bhūmirnaiṣo'nyaḥ savyasācinaḥ

जिस प्रकार रथ घरघरा रहा है, जिस प्रकार शंख बज रहा है और जिस प्रकार धरती काँप रही है, उससे स्पष्ट है कि यह सव्यसाची (अर्जुन) के सिवा कोई और नहीं।

श्लोक 3 (4.46.3)

औत्पातिकमिदं राजन्निमित्तं भवतीह नः । न हि पश्यामि विजयं सैन्येऽस्माकं परन्तप ॥

autpātikamidaṃ rājannimittaṃ bhavatīha naḥ | na hi paśyāmi vijayaṃ sainye'smākaṃ parantapa

हे राजन्, यहाँ हमारे लिए उत्पात के लक्षण प्रकट हो रहे हैं। हे परन्तप, मुझे अपनी सेना की विजय दिखाई नहीं देती।

श्लोक 4 (4.46.4)

शस्त्राणि न प्रकाशन्ते न प्रहृष्यन्ति वाहनाः । अग्नयश्च न भासन्ते सुसमिद्धा न शोभनाः ॥

śastrāṇi na prakāśante na prahṛṣyanti vāhanāḥ | agnayaśca na bhāsante susamiddhā na śobhanāḥ

शस्त्र चमक नहीं रहे, वाहन प्रसन्न नहीं हैं, और भली-भाँति प्रज्वलित होने पर भी अग्नियाँ दीप्त नहीं हो रहीं; ये शुभ लक्षण नहीं हैं।

श्लोक 5 (4.46.5)

प्रत्यादित्यं च नः सर्वे मृगा घोरा नदन्ति च । शकुनाश्चापसव्याश्च वेदयन्ति महाभयम् ॥

pratyādityaṃ ca naḥ sarve mṛgā ghorā nadanti ca | śakunāścāpasavyāśca vedayanti mahābhayam

सब पशु सूर्य की ओर मुख करके हमारी ओर भयानक स्वर में चिल्ला रहे हैं, और पक्षी अशुभ दिशा से निकलकर महान् भय की सूचना दे रहे हैं।

श्लोक 6 (4.46.6)

गोमायुरेष सैन्यानां रुदन्मध्येन धावति । चाषा नदन्ति चाकाशे वेदयन्तो महद्भयम् ॥

gomāyureṣa sainyānāṃ rudanmadhyena dhāvati | cāṣā nadanti cākāśe vedayanto mahadbhayam

यह सियार रोता हुआ सेनाओं के बीच से दौड़ रहा है, और आकाश में नीलकण्ठ पक्षी चीख़ रहे हैं, जो बड़े भय की सूचना देते हैं।

श्लोक 7 (4.46.7)

भवतां चैव रोमाणि प्रहृष्टानीव लक्षये ॥

bhavatāṃ caiva romāṇi prahṛṣṭānīva lakṣaye

और मैं देख रहा हूँ कि आप लोगों के रोंगटे भी खड़े हो गए हैं।

श्लोक 8 (4.46.8)

अनुष्णाङ्गाश्च संस्विन्ना जृम्भन्ते चाप्यभीक्ष्णशः । विष्कम्भन्ति च मातङ्गा मुञ्चन्त्यश्रूणि वाजिनः । सदा मूत्रं पुरीषं च उत्सृजन्ति पुनः पुनः ॥

anuṣṇāṅgāśca saṃsvinnā jṛmbhante cāpyabhīkṣṇaśaḥ | viṣkambhanti ca mātaṅgā muñcantyaśrūṇi vājinaḥ | sadā mūtraṃ purīṣaṃ ca utsṛjanti punaḥ punaḥ

उनके अंग ठंडे पड़ गए हैं, वे पसीने से भीगे हैं और बार-बार जम्हाई ले रहे हैं; हाथी स्तब्ध खड़े हैं, घोड़े आँसू बहा रहे हैं, और वे बार-बार मल-मूत्र त्याग रहे हैं।

श्लोक 9 (4.46.9)

लोहितार्द्रा च पृथिवी दिशः सर्वाः प्रधूमिताः । न च सूर्यः प्रतपति महद्वेदयते भयम् ॥

lohitārdrā ca pṛthivī diśaḥ sarvāḥ pradhūmitāḥ | na ca sūryaḥ pratapati mahadvedayate bhayam

धरती रक्त से भीगी है, सारी दिशाएँ धुएँ से भरी हैं, और सूर्य तप नहीं रहा: यह महान् भय की सूचना है।

श्लोक 10 (4.46.10)

हस्तिनश्चापि वित्रस्ता योधाश्चापि वितत्रसुः । पराभूता च वः सेना न कश्चिद्योद्धुमिच्छति ॥

hastinaścāpi vitrastā yodhāścāpi vitatrasuḥ | parābhūtā ca vaḥ senā na kaścidyoddhumicchati

हाथी भयभीत हैं और योद्धा भी काँप रहे हैं; तुम्हारी सेना मानो पराजित हो चुकी है, कोई भी लड़ना नहीं चाहता।

श्लोक 11 (4.46.11)

विषण्णमुखभूयिष्ठाः सर्वे योधा विचेतसः । दिशं ते दक्षिणां सर्वे विप्रेक्षन्ते पुनः पुनः ॥

viṣaṇṇamukhabhūyiṣṭhāḥ sarve yodhā vicetasaḥ | diśaṃ te dakṣiṇāṃ sarve viprekṣante punaḥ punaḥ

अधिकांश योद्धाओं के मुख उदास हैं, सब बेसुध-से हैं, और सब बार-बार दक्षिण दिशा की ओर ताक रहे हैं।

श्लोक 12 (4.46.12)

मृगाश्च पक्षिणश्चैव सव्यमेव पतन्ति नः । वादित्रोद्धृष्टघोषाश्च न च गाढं स्वनन्ति च । ध्वजाग्रेषु निलीयन्ते वायसास्तन्न शोभनम् ॥

mṛgāśca pakṣiṇaścaiva savyameva patanti naḥ | vāditroddhṛṣṭaghoṣāśca na ca gāḍhaṃ svananti ca | dhvajāgreṣu nilīyante vāyasāstanna śobhanam

पशु और पक्षी हमारी बाईं ओर से ही निकल रहे हैं; ज़ोर से बजाए गए बाजे भी भरपूर स्वर नहीं दे रहे; और ध्वजाओं के सिरों पर कौए बैठ रहे हैं। यह शुभ नहीं है।

श्लोक 13 (4.46.13)

यथा मेघस्य निनदो गम्भीरस्तूर्णमायतः । श्रूयते रथनिर्घोषो नायमन्यो धनञ्जयात् ॥

yathā meghasya ninado gambhīrastūrṇamāyataḥ | śrūyate rathanirghoṣo nāyamanyo dhanañjayāt

मेघ की गम्भीर और फैलती गर्जना के समान रथ की घरघराहट सुनाई दे रही है: यह धनञ्जय के सिवा और कोई नहीं।

श्लोक 14 (4.46.14)

अश्वानां स्वनतां शब्दो वहतां पाकशासनिम् । वानरस्य रथे दिव्यो निस्वनः श्रूयते महान् ॥

aśvānāṃ svanatāṃ śabdo vahatāṃ pākaśāsanim | vānarasya rathe divyo nisvanaḥ śrūyate mahān

इन्द्रपुत्र (अर्जुन) को वहन करनेवाले हिनहिनाते घोड़ों का शब्द और उसके रथ पर बैठे वानर का महान् दिव्य नाद सुनाई दे रहा है।

श्लोक 15 (4.46.15)

शङ्खशब्देन पार्थस्य कर्णौ मे बधिरीकृतौ । सर्वसैन्यं च वित्रस्तं नायमन्यो धनञ्जयात् ॥

śaṅkhaśabdena pārthasya karṇau me badhirīkṛtau | sarvasainyaṃ ca vitrastaṃ nāyamanyo dhanañjayāt

पार्थ के शंख की ध्वनि से मेरे कान बहरे हो गए हैं और सारी सेना भयभीत है: यह धनञ्जय के सिवा और कोई नहीं।

श्लोक 16 (4.46.16)

राजानमग्रतः कृत्वा दुर्योधनमरिन्दमम् । गाः प्रस्थाप्य च तिष्ठामो व्यूढानीकाः प्रहारिणः । प्रविभज्य त्रिधा सेनां समुच्छ्रित्य ध्वजानपि ॥

rājānamagrataḥ kṛtvā duryodhanamarindamam | gāḥ prasthāpya ca tiṣṭhāmo vyūḍhānīkāḥ prahāriṇaḥ | pravibhajya tridhā senāṃ samucchritya dhvajānapi

शत्रुदमन राजा दुर्योधन को आगे रखकर, गायों को आगे रवाना करके, सेना को तीन भागों में बाँटकर और ध्वजाएँ ऊँची करके हम व्यूह बनाकर प्रहार के लिए तैयार खड़े हों।

श्लोक 17 (4.46.17)

शितैर्बाणैः प्रताप्येमां चमूमेष धनञ्जयः । मूर्ध्नि सर्वनरेन्द्राणां वामपादं करिष्यति ॥

śitairbāṇaiḥ pratāpyemāṃ camūmeṣa dhanañjayaḥ | mūrdhni sarvanarendrāṇāṃ vāmapādaṃ kariṣyati

यह धनञ्जय अपने तीखे बाणों से इस सेना को संतप्त करके सब राजाओं के सिर पर अपना बायाँ पैर रखेगा।

श्लोक 18 (4.46.18)

न ह्येष शक्यो बीभत्सुर्जेतुं देवासुरैरपि । दिक्षु गुल्मा निवेश्यन्तां यत्ता योत्स्यामहेऽर्जुनम् ॥

na hyeṣa śakyo bībhatsurjetuṃ devāsurairapi | dikṣu gulmā niveśyantāṃ yattā yotsyāmahe'rjunam

इस बीभत्सु को देवता और असुर भी नहीं जीत सकते। सब दिशाओं में सैन्य-टुकड़ियाँ तैनात की जाएँ; हम सावधान रहकर अर्जुन से युद्ध करेंगे।