गर्भस्थ भगवान् की देवताओं द्वारा स्तुति

श्लोक 1 (bhagavata.10.2.1)

श्रीशुक उवाच प्रलम्बबकचाणूरतृणावर्तमहाशनैः । मुष्टिकारिष्टद्विविदपूतनाकेशीधेनुकैः ॥ १ ॥

śrī-śuka uvāca pralamba-baka-cāṇūra- tṛṇāvarta-mahāśanaiḥ muṣṭikāriṣṭa-dvivida- pūtanā-keśī-dhenukaiḥ

श्रीशुकदेव ने कहा — प्रलम्ब, बक, चाणूर, तृणावर्त, महाशन (अघासुर), मुष्टिक, अरिष्ट, द्विविद, पूतना, केशी और धेनुक जैसे असुरों की सहायता से,

श्लोक 2 (bhagavata.10.2.2)

अन्यैश्चासुरभूपालैर्बाणभौमादिभिर्युतः । यदूनां कदनं चक्रे बली मागधसंश्रयः ॥ २ ॥

anyaiś cāsura-bhūpālair bāṇa-bhaumādibhir yutaḥ yadūnāṁ kadanaṁ cakre balī māgadha-saṁśrayaḥ

तथा बाण, भौम आदि अन्य असुर राजाओं के साथ मिलकर, मगध के राजा जरासंध का आश्रय लेने वाले बलशाली कंस ने यादवों को पीड़ित किया।

श्लोक 3 (bhagavata.10.2.3)

ते पीडिता निविविशुः कुरुपञ्चालकेकयान् । शाल्वान् विदर्भान् निषधान् विदेहान् कोशलानपि ॥ ३ ॥

te pīḍitā niviviśuḥ kuru-pañcāla-kekayān śālvān vidarbhān niṣadhān videhān kośalān api

उनसे पीड़ित होकर यादव कुरु, पंचाल, केकय, शाल्व, विदर्भ, निषध, विदेह और कोशल देशों में जाकर बस गए।

श्लोक 4 (bhagavata.10.2.4)

एके तमनुरुन्धाना ज्ञातयः पर्युपासते । हतेषु षट्सु बालेषु देवक्या औग्रसेनिना ॥ ४ ॥

eke tam anurundhānā jñātayaḥ paryupāsate hateṣu ṣaṭsu bāleṣu devakyā augraseninā

कुछ ज्ञातिजन उसी का समर्थन करते हुए उसकी सेवा में रहे। उग्रसेन-पुत्र कंस द्वारा देवकी के छह पुत्रों के मारे जाने पर,

श्लोक 5 (bhagavata.10.2.5)

सप्तमो वैष्णवं धाम यमनन्तं प्रचक्षते । गर्भो बभूव देवक्या हर्षशोकविवर्धनः ॥ ५ ॥

saptamo vaiṣṇavaṁ dhāma yam anantaṁ pracakṣate garbho babhūva devakyā harṣa-śoka-vivardhanaḥ

देवकी को सातवाँ गर्भ हुआ, जिसे विद्वान अनन्त नामक वैष्णव धाम कहते हैं — वह गर्भ उसके हर्ष और शोक दोनों को बढ़ाने वाला था।

श्लोक 6 (bhagavata.10.2.6)

भगवानपि विश्वात्मा विदित्वा कंसजं भयम् । यदूनां निजनाथानां योगमायां समादिशत् ॥ ६ ॥

bhagavān api viśvātmā viditvā kaṁsajaṁ bhayam yadūnāṁ nija-nāthānāṁ yoga-māyāṁ samādiśat

विश्वात्मा भगवान् ने कंस से उत्पन्न भय जानकर, अपने स्वामिभक्त यादवों की रक्षा के लिए योगमाया को यह आदेश दिया।

श्लोक 7 (bhagavata.10.2.7)

गच्छ देवि व्रजं भद्रे गोपगोभिरलङ्कृतम् । रोहिणी वसुदेवस्य भार्यास्ते नन्दगोकुले । अन्याश्च कंससंविग्ना विवरेषु वसन्ति हि ॥ ७ ॥

gaccha devi vrajaṁ bhadre gopa-gobhir alaṅkṛtam rohiṇī vasudevasya bhāryāste nanda-gokule anyāś ca kaṁsa-saṁvignā vivareṣu vasanti hi

हे देवि, हे भद्रे, गोपों और गायों से सुशोभित व्रज को जाओ। वहाँ नन्द के गोकुल में वसुदेव की पत्नी रोहिणी और कंस से भयभीत उनकी अन्य पत्नियाँ छिपकर रहती हैं।

श्लोक 8 (bhagavata.10.2.8)

देवक्या जठरे गर्भं शेषाख्यं धाम मामकम् । तत् सन्निकृष्य रोहिण्या उदरे सन्निवेशय ॥ ८ ॥

devakyā jaṭhare garbhaṁ śeṣākhyaṁ dhāma māmakam tat sannikṛṣya rohiṇyā udare sanniveśaya

देवकी के गर्भ में स्थित शेष नामक मेरा अंश उठाकर उसे रोहिणी के गर्भ में स्थापित कर देना।

श्लोक 9 (bhagavata.10.2.9)

अथाहमंशभागेन देवक्याः पुत्रतां शुभे । प्राप्स्यामि त्वं यशोदायां नन्दपत्न्यां भविष्यसि ॥ ९ ॥

athāham aṁśa-bhāgena devakyāḥ putratāṁ śubhe prāpsyāmi tvaṁ yaśodāyāṁ nanda-patnyāṁ bhaviṣyasi

हे शुभे, तब मैं अंश भाग से देवकी का पुत्र बनूँगा, और तुम नन्द की पत्नी यशोदा से उत्पन्न होगी।

श्लोक 10 (bhagavata.10.2.10)

अर्चिष्यन्ति मनुष्यास्त्वां सर्वकामवरेश्वरीम् । धूपोपहारबलिभिः सर्वकामवरप्रदाम् ॥ १० ॥

arciṣyanti manuṣyās tvāṁ sarva-kāma-vareśvarīm dhūpopahāra-balibhiḥ sarva-kāma-vara-pradām

मनुष्य धूप, उपहार और बलि से समस्त कामनाओं की वरदायिनी और स्वामिनी तुम्हारी पूजा करेंगे।

श्लोक 11 (bhagavata.10.2.11)

नामधेयानि कुर्वन्ति स्थानानि च नरा भुवि । दुर्गेति भद्रकालीति विजया वैष्णवीति च ॥ ११ ॥

nāmadheyāni kurvanti sthānāni ca narā bhuvi durgeti bhadrakālīti vijayā vaiṣṇavīti ca

पृथ्वी पर मनुष्य तुम्हारे और तुम्हारे स्थानों के नाम रखेंगे — दुर्गा, भद्रकाली, विजया, वैष्णवी,

श्लोक 12 (bhagavata.10.2.12)

कुमुदा चण्डिका कृष्णा माधवी कन्यकेति च । माया नारायणीशानी शारदेत्यम्बिकेति च ॥ १२ ॥

kumudā caṇḍikā kṛṣṇā mādhavī kanyaketi ca māyā nārāyaṇīśānī śāradety ambiketi ca

कुमुदा, चण्डिका, कृष्णा, माधवी, कन्यका, माया, नारायणी, ईशानी, शारदा और अम्बिका।

श्लोक 13 (bhagavata.10.2.13)

गर्भसङ्कर्षणात् तं वै प्राहुः सङ्कर्षणं भुवि । रामेति लोकरमणाद् बलभद्रं बलोच्छ्रयात् ॥ १३ ॥

garbha-saṅkarṣaṇāt taṁ vai prāhuḥ saṅkarṣaṇaṁ bhuvi rāmeti loka-ramaṇād balabhadraṁ balocchrayāt

गर्भ से आकर्षित होकर स्थानांतरित होने के कारण उसे पृथ्वी पर संकर्षण कहेंगे। लोगों को आनन्दित करने के कारण राम, और बल की अधिकता के कारण बलभद्र कहा जाएगा।

श्लोक 14 (bhagavata.10.2.14)

सन्दिष्टैवं भगवता तथेत्योमिति तद्वचः । प्रतिगृह्य परिक्रम्य गां गता तत् तथाकरोत् ॥ १४ ॥

sandiṣṭaivaṁ bhagavatā tathety om iti tad-vacaḥ pratigṛhya parikramya gāṁ gatā tat tathākarot

भगवान् द्वारा इस प्रकार आदेश दिए जाने पर योगमाया ने 'तथा ॐ' कहकर उस वचन को स्वीकार किया और उन्हें प्रदक्षिणा कर पृथ्वी पर जाकर वैसा ही किया।

श्लोक 15 (bhagavata.10.2.15)

गर्भे प्रणीते देवक्या रोहिणीं योगनिद्रया । अहो विस्रंसितो गर्भ इति पौरा विचुक्रुशुः ॥ १५ ॥

garbhe praṇīte devakyā rohiṇīṁ yoga-nidrayā aho visraṁsito garbha iti paurā vicukruśuḥ

योगनिद्रा द्वारा देवकी का गर्भ रोहिणी में स्थानांतरित किए जाने पर, नगरवासी 'हाय, गर्भ गिर गया' कहकर विलाप करने लगे।

श्लोक 16 (bhagavata.10.2.16)

भगवानपि विश्वात्मा भक्तानामभयङ्करः । आविवेशांशभागेन मन आनकदुन्दुभेः ॥ १६ ॥

bhagavān api viśvātmā bhaktānām abhayaṅkaraḥ āviveśāṁśa-bhāgena mana ānakadundubheḥ

भक्तों को अभय देने वाले विश्वात्मा भगवान् ने अपने अंश-भाग से आनकदुन्दुभि वसुदेव के मन में प्रवेश किया।

श्लोक 17 (bhagavata.10.2.17)

स बिभ्रत् पौरुषं धाम भ्राजमानो यथा रविः । दुरासदोऽतिदुर्धर्षो भूतानां सम्बभूव ह ॥ १७ ॥

sa bibhrat pauruṣaṁ dhāma bhrājamāno yathā raviḥ durāsado ’tidurdharṣo bhūtānāṁ sambabhūva ha

उस पौरुष तेज को धारण करते हुए वसुदेव सूर्य के समान चमकने लगे, और समस्त प्राणियों के लिए दुर्दर्श तथा दुर्धर्ष हो गए।

श्लोक 18 (bhagavata.10.2.18)

ततो जगन्मङ्गलमच्युतांशंसमाहितं शूरसुतेन देवी । दधार सर्वात्मकमात्मभूतंकाष्ठा यथानन्दकरं मनस्तः ॥ १८ ॥

tato jagan-maṅgalam acyutāṁśaṁ samāhitaṁ śūra-sutena devī dadhāra sarvātmakam ātma-bhūtaṁ kāṣṭhā yathānanda-karaṁ manastaḥ

तत्पश्चात् जगत् के लिए मंगलकारी, अच्युत के उस समाहित अंश को शूरपुत्र वसुदेव से देवी देवकी ने धारण किया, जैसे दिशा उदित होते चन्द्रमा को धारण करके आनन्दित होती है।

श्लोक 19 (bhagavata.10.2.19)

सा देवकी सर्वजगन्निवास-निवासभूता नितरां न रेजे । भोजेन्द्रगेहेऽग्निशिखेव रुद्धासरस्वती ज्ञानखले यथा सती ॥ १९ ॥

sā devakī sarva-jagan-nivāsa- nivāsa-bhūtā nitarāṁ na reje bhojendra-gehe ’gni-śikheva ruddhā sarasvatī jñāna-khale yathā satī

सम्पूर्ण जगत् के आश्रय को अपने भीतर धारण करते हुए भी देवकी उस प्रकार प्रकाशित न हो सकीं, जैसे भोजराज के घर में अग्नि की लपट ढकी रहती है, अथवा ज्ञानी की सरस्वती दुष्ट के पास रुद्ध रहती है।

श्लोक 20 (bhagavata.10.2.20)

तां वीक्ष्य कंसः प्रभयाजितान्तरांविरोचयन्तीं भवनं शुचिस्मिताम् । आहैष मे प्राणहरो हरिर्गुहांध्रुवं श्रितो यन्न पुरेयमीदृशी ॥ २० ॥

tāṁ vīkṣya kaṁsaḥ prabhayājitāntarāṁ virocayantīṁ bhavanaṁ śuci-smitām āhaiṣa me prāṇa-haro harir guhāṁ dhruvaṁ śrito yan na pureyam īdṛśī

अपने अंतर को विजित करने वाली प्रभा से भवन को आलोकित करती हुई तथा पवित्र मुस्कान वाली उस देवकी को देखकर कंस ने कहा — यह हरि निश्चय ही मेरे प्राण हरने के लिए इस गुहा में छिपा है, क्योंकि यह पहले कभी ऐसी नहीं थी।

श्लोक 21 (bhagavata.10.2.21)

किमद्य तस्मिन् करणीयमाशु मेयदर्थतन्त्रो न विहन्ति विक्रमम् । स्त्रियाः स्वसुर्गुरुमत्या वधोऽयंयशः श्रियं हन्त्यनुकालमायुः ॥ २१ ॥

kim adya tasmin karaṇīyam āśu me yad artha-tantro na vihanti vikramam striyāḥ svasur gurumatyā vadho ’yaṁ yaśaḥ śriyaṁ hanty anukālam āyuḥ

अब मुझे तुरन्त क्या करना चाहिए? वह अपने प्रयोजन में स्वतंत्र है, वह अपना पराक्रम नहीं छोड़ेगा। परन्तु यह स्त्री मेरी बहन है और गर्भवती भी है — इसका वध यश, श्री और आयु सभी को नष्ट कर देगा।

श्लोक 22 (bhagavata.10.2.22)

स एष जीवन् खलु सम्परेतोवर्तेत योऽत्यन्तनृशंसितेन । देहे मृते तं मनुजाः शपन्तिगन्ता तमोऽन्धं तनुमानिनो ध्रुवम् ॥ २२ ॥

sa eṣa jīvan khalu sampareto varteta yo ’tyanta-nṛśaṁsitena dehe mṛte taṁ manujāḥ śapanti gantā tamo ’ndhaṁ tanu-mānino dhruvam

जो अत्यंत क्रूरता करता है, वह जीवित रहते हुए भी मृतक के समान है, क्योंकि लोग उसकी सर्वत्र निन्दा करते हैं। देहान्त के पश्चात् देहाभिमानी ऐसे व्यक्ति को लोग शाप देते हैं, और वह निश्चय ही अंधतम नरक में जाता है।

श्लोक 23 (bhagavata.10.2.23)

इति घोरतमाद् भावात् सन्निवृत्तः स्वयं प्रभुः । आस्ते प्रतीक्षंस्तज्जन्म हरेर्वैरानुबन्धकृत् ॥ २३ ॥

iti ghoratamād bhāvāt sannivṛttaḥ svayaṁ prabhuḥ āste pratīkṣaṁs taj-janma harer vairānubandha-kṛt

इस प्रकार अत्यंत घोर भाव से स्वयं निवृत्त होकर, हरि के प्रति वैर बनाए रखने वाला कंस उसके जन्म की प्रतीक्षा करता रह गया।

श्लोक 24 (bhagavata.10.2.24)

आसीनः संविशंस्तिष्ठन् भुञ्जानः पर्यटन् महीम् । चिन्तयानो हृषीकेशमपश्यत् तन्मयं जगत् ॥ २४ ॥

āsīnaḥ saṁviśaṁs tiṣṭhan bhuñjānaḥ paryaṭan mahīm cintayāno hṛṣīkeśam apaśyat tanmayaṁ jagat

बैठते, लेटते, खड़े होते, भोजन करते, पृथ्वी पर विचरण करते हुए, हृषीकेश का चिंतन करते हुए वह सारे जगत् को उसी से तन्मय देखने लगा।

श्लोक 25 (bhagavata.10.2.25)

ब्रह्मा भवश्च तत्रैत्य मुनिभिर्नारदादिभिः । देवैः सानुचरैः साकं गीर्भिर्वृषणमैडयन् ॥ २५ ॥

brahmā bhavaś ca tatraitya munibhir nāradādibhiḥ devaiḥ sānucaraiḥ sākaṁ gīrbhir vṛṣaṇam aiḍayan

ब्रह्मा और शिव, नारद आदि मुनियों के साथ तथा अनुचरों सहित देवताओं के साथ वहाँ आकर वाणी से उस वृषभ स्वरूप भगवान् की स्तुति करने लगे।

श्लोक 26 (bhagavata.10.2.26)

सत्यव्रतं सत्यपरं त्रिसत्यंसत्यस्य योनिं निहितं च सत्ये । सत्यस्य सत्यमृतसत्यनेत्रंसत्यात्मकं त्वां शरणं प्रपन्नाः ॥ २६ ॥

satya-vrataṁ satya-paraṁ tri-satyaṁ satyasya yoniṁ nihitaṁ ca satye satyasya satyam ṛta-satya-netraṁ satyātmakaṁ tvāṁ śaraṇaṁ prapannāḥ

हे सत्यव्रत, सत्यपरायण, त्रिकाल में सत्य, सत्य के मूल कारण और सत्य में ही स्थित, सत्य के भी सत्य, ऋत और सत्य को नेत्र रूप में धारण करने वाले, सत्यस्वरूप — हम आपकी शरण में हैं।

श्लोक 27 (bhagavata.10.2.27)

एकायनोऽसौ द्विफलस्त्रिमूल-श्चतूरसः पञ्चविधः षडात्मा । सप्तत्वगष्टविटपो नवाक्षोदशच्छदी द्विखगो ह्यादिवृक्षः ॥ २७ ॥

ekāyano ’sau dvi-phalas tri-mūlaś catū-rasaḥ pañca-vidhaḥ ṣaḍ-ātmā sapta-tvag aṣṭa-viṭapo navākṣo daśa-cchadī dvi-khago hy ādi-vṛkṣaḥ

यह देह मानो आदि-वृक्ष है — जिसका एक आश्रय है, दो फल (सुख-दुःख), तीन मूल (त्रिगुण), चार रस, पाँच प्रकार की इन्द्रियाँ, छह विकार, सात परतें, आठ शाखाएँ, नौ छिद्र, दस पत्ते, और दो पक्षी (जीव और परमात्मा) रहते हैं।

श्लोक 28 (bhagavata.10.2.28)

त्वमेक एवास्य सतः प्रसूति-स्त्वं सन्निधानं त्वमनुग्रहश्च । त्वन्मायया संवृतचेतसस्त्वांपश्यन्ति नाना न विपश्चितो ये ॥ २८ ॥

tvam eka evāsya sataḥ prasūtis tvaṁ sannidhānaṁ tvam anugrahaś ca tvan-māyayā saṁvṛta-cetasas tvāṁ paśyanti nānā na vipaścito ye

इस सत् वस्तु के आप ही एक अद्वितीय जनक हैं, आप ही इसके अधिष्ठान हैं, और आप ही इसकी अनुकम्पा हैं। जिनका चित्त आपकी माया से आवृत है, वे अनेकत्व देखते हैं — विद्वान ऐसा नहीं देखते।

श्लोक 29 (bhagavata.10.2.29)

बिभर्षि रूपाण्यवबोध आत्माक्षेमाय लोकस्य चराचरस्य । सत्त्वोपपन्नानि सुखावहानिसतामभद्राणि मुहुः खलानाम् ॥ २९ ॥

bibharṣi rūpāṇy avabodha ātmā kṣemāya lokasya carācarasya sattvopapannāni sukhāvahāni satām abhadrāṇi muhuḥ khalānām

हे आत्मन्, हे सर्वज्ञ, चराचर जगत् के कल्याण के लिए आप विविध रूप धारण करते हैं — वे रूप सत्त्वगुण-संपन्न होकर सज्जनों को सुख देने वाले, किन्तु दुष्टों के लिए बारम्बार अमंगलकारी होते हैं।

श्लोक 30 (bhagavata.10.2.30)

त्वय्यम्बुजाक्षाखिलसत्त्वधाम्निसमाधिनावेशितचेतसैके । त्वत्पादपोतेन महत्कृतेनकुर्वन्ति गोवत्सपदं भवाब्धिम् ॥ ३० ॥

tvayy ambujākṣākhila-sattva-dhāmni samādhināveśita-cetasaike tvat-pāda-potena mahat-kṛtena kurvanti govatsa-padaṁ bhavābdhim

हे कमलनयन, कुछ लोग समाधि में आपके, सम्पूर्ण अस्तित्व के आश्रयस्वरूप, चरणों में चित्त लगाकर, आपके चरण-नौका के सहारे, महात्माओं के द्वारा रचे गए मार्ग पर, संसार-सागर को बछड़े के खुर के गड्ढे के समान पार कर लेते हैं।

श्लोक 31 (bhagavata.10.2.31)

स्वयं समुत्तीर्य सुदुस्तरं द्युमन् भवार्णवं भीममदभ्रसौहृदाः । भवत्पदाम्भोरुहनावमत्र ते निधाय याताः सदनुग्रहो भवान् ॥ ३१ ॥

svayaṁ samuttīrya sudustaraṁ dyuman bhavārṇavaṁ bhīmam adabhra-sauhṛdāḥ bhavat-padāmbhoruha-nāvam atra te nidhāya yātāḥ sad-anugraho bhavān

हे तेजस्वी, अत्यंत भयावह और दुस्तर भवसागर को स्वयं तैरकर, अपार करुणा से आप उसे पार करने की अपनी ही चरण-नौका इस लोक में छोड़ जाते हैं — यह आपकी सज्जनों पर सतत कृपा है।

श्लोक 32 (bhagavata.10.2.32)

येऽन्येऽरविन्दाक्ष विमुक्तमानिन- स्त्वय्यस्तभावादविशुद्धबुद्धयः । आरुह्य कृच्छ्रेण परं पदं ततः पतन्त्यधोऽनादृतयुष्मदङ्घ्रयः ॥ ३२ ॥

ye ’nye ’ravindākṣa vimukta-māninas tvayy asta-bhāvād aviśuddha-buddhayaḥ āruhya kṛcchreṇa paraṁ padaṁ tataḥ patanty adho ’nādṛta-yuṣmad-aṅghrayaḥ

हे कमलनयन, जो अन्य लोग स्वयं को मुक्त मानते हैं परन्तु आपमें भाव न रखने के कारण जिनकी बुद्धि अशुद्ध रहती है, वे कठिनता से परम पद पर चढ़कर भी, आपके चरणों का अनादर करने के कारण फिर नीचे गिर जाते हैं।

श्लोक 33 (bhagavata.10.2.33)

तथा न ते माधव तावकाः क्वचिद् भ्रश्यन्ति मार्गात्त्वयि बद्धसौहृदाः । त्वयाभिगुप्ता विचरन्ति निर्भया विनायकानीकपमूर्धसु प्रभो ॥ ३३ ॥

tathā na te mādhava tāvakāḥ kvacid bhraśyanti mārgāt tvayi baddha-sauhṛdāḥ tvayābhiguptā vicaranti nirbhayā vināyakānīkapa-mūrdhasu prabho

हे माधव, इसीलिए आपके भक्त, जो आपमें दृढ़ स्नेह से बँधे हैं, कभी उस मार्ग से भ्रष्ट नहीं होते। हे प्रभो, आपके द्वारा रक्षित होकर वे विघ्नकारी शत्रुओं के मस्तकों पर निर्भय होकर विचरण करते हैं।

श्लोक 34 (bhagavata.10.2.34)

सत्त्वं विशुद्धं श्रयते भवान् स्थितौ शरीरिणां श्रेयउपायनं वपुः । वेदक्रियायोगतपःसमाधिभि- स्तवार्हणं येन जनः समीहते ॥ ३४ ॥

sattvaṁ viśuddhaṁ śrayate bhavān sthitau śarīriṇāṁ śreya-upāyanaṁ vapuḥ veda-kriyā-yoga-tapaḥ-samādhibhis tavārhaṇaṁ yena janaḥ samīhate

आप स्थिति के समय शुद्ध सत्त्वगुण का आश्रय लेकर देहधारियों के कल्याण के लिए शरीर धारण करते हैं, जिससे प्रेरित होकर लोग वेद-विहित कर्म, योग, तप और समाधि द्वारा आपकी आराधना करते हैं।

श्लोक 35 (bhagavata.10.2.35)

सत्त्वं न चेद्धातरिदं निजं भवेद् विज्ञानमज्ञानभिदापमार्जनम् । गुणप्रकाशैरनुमीयते भवान् प्रकाशते यस्य च येन वा गुणः ॥ ३५ ॥

sattvaṁ na ced dhātar idaṁ nijaṁ bhaved vijñānam ajñāna-bhidāpamārjanam guṇa-prakāśair anumīyate bhavān prakāśate yasya ca yena vā guṇaḥ

हे धाता, यदि यह सत्त्वगुण आपका अपना स्वरूप न होता, तो अज्ञान से विज्ञान का भेद कोई न जान पाता। आप गुणों के प्रकाश से ही अनुमित होते हैं, क्योंकि जिसका गुण जिससे प्रकाशित होता है, उसी से वह जाना जाता है।

श्लोक 36 (bhagavata.10.2.36)

न नामरूपे गुणजन्मकर्मभि- र्निरूपितव्ये तव तस्य साक्षिणः । मनोवचोभ्यामनुमेयवर्त्मनो देव क्रियायां प्रतियन्त्यथापि हि ॥ ३६ ॥

na nāma-rūpe guṇa-janma-karmabhir nirūpitavye tava tasya sākṣiṇaḥ mano-vacobhyām anumeya-vartmano deva kriyāyāṁ pratiyanty athāpi hi

हे देव, आपके नाम और रूप गुण, जन्म या कर्म से निर्धारित नहीं किए जा सकते, क्योंकि आप उन सबके साक्षी हैं। मन और वाणी से केवल अनुमान से ही जाना जा सकने वाले आपके मार्ग को लोग फिर भी अपनी क्रियाओं में जान ही लेते हैं।

श्लोक 37 (bhagavata.10.2.37)

शृण्वन् गृणन् संस्मरयंश्च चिन्तयन् नामानि रूपाणि च मङ्गलानि ते । क्रियासु यस्त्वच्चरणारविन्दयो- राविष्टचेता न भवाय कल्पते ॥ ३७ ॥

śṛṇvan gṛṇan saṁsmarayaṁś ca cintayan nāmāni rūpāṇi ca maṅgalāni te kriyāsu yas tvac-caraṇāravindayor āviṣṭa-cetā na bhavāya kalpate

जो आपके मंगलमय नामों और रूपों को सुनता, गाता, स्मरण कराता और चिंतन करता है, और जिसका चित्त कर्म करते हुए भी आपके चरणकमलों में लीन रहता है, वह पुनः इस संसार में नहीं आता।

श्लोक 38 (bhagavata.10.2.38)

दिष्ट्या हरेऽस्या भवतः पदो भुवो भारोऽपनीतस्तव जन्मनेशितुः । दिष्ट्याङ्कितां त्वत्पदकैः सुशोभनै- र्द्रक्ष्याम गां द्यां च तवानुकम्पिताम् ॥ ३८ ॥

diṣṭyā hare ’syā bhavataḥ pado bhuvo bhāro ’panītas tava janmaneśituḥ diṣṭyāṅkitāṁ tvat-padakaiḥ suśobhanair drakṣyāma gāṁ dyāṁ ca tavānukampitām

हे हरि, यह हमारा सौभाग्य है कि आपके जन्म से पृथ्वी का भार दूर हो गया, हे स्वामिन्। और यह भी हमारा सौभाग्य है कि हम पृथ्वी और स्वर्ग को आपके सुन्दर चरण-चिह्नों से अंकित तथा आपकी करुणा से युक्त देख सकेंगे।

श्लोक 39 (bhagavata.10.2.39)

न तेऽभवस्येश भवस्य कारणं विना विनोदं बत तर्कयामहे । भवो निरोधः स्थितिरप्यविद्यया कृता यतस्त्वय्यभयाश्रयात्मनि ॥ ३९ ॥

na te ’bhavasyeśa bhavasya kāraṇaṁ vinā vinodaṁ bata tarkayāmahe bhavo nirodhaḥ sthitir apy avidyayā kṛtā yatas tvayy abhayāśrayātmani

हे ईश, आपके, जो जन्मरहित हैं, इस जन्म का कोई कारण हम आपकी लीला के अतिरिक्त नहीं सोच सकते। सृष्टि, संहार और स्थिति भी अविद्या द्वारा ही की गई प्रतीत होती है, क्योंकि आप तो अभय-आश्रय स्वरूप ही हैं।

श्लोक 40 (bhagavata.10.2.40)

मत्स्याश्वकच्छपनृसिंहवराहहंस- राजन्यविप्रविबुधेषु कृतावतारः । त्वं पासि नस्त्रिभुवनं च यथाधुनेश भारं भुवो हर यदूत्तम वन्दनं ते ॥ ४० ॥

matsyāśva-kacchapa-nṛsiṁha-varāha-haṁsa- rājanya-vipra-vibudheṣu kṛtāvatāraḥ tvaṁ pāsi nas tri-bhuvanaṁ ca yathādhuneśa bhāraṁ bhuvo hara yadūttama vandanaṁ te

मत्स्य, अश्व (हयग्रीव), कच्छप, नृसिंह, वराह, हंस, तथा राजाओं (राम), ब्राह्मणों (परशुराम) और देवताओं (वामन) में अवतार लेकर आप हम तीनों लोकों की रक्षा करते रहे हैं। हे यदुश्रेष्ठ, अब भी पृथ्वी का भार हरिए — यह हमारा वन्दन है।

श्लोक 41 (bhagavata.10.2.41)

दिष्ट्याम्ब ते कुक्षिगतः परः पुमा- नंशेन साक्षाद् भगवान् भवाय नः । माभूद् भयं भोजपतेर्मुमूर्षो- र्गोप्ता यदूनां भविता तवात्मजः ॥ ४१ ॥

diṣṭyāmba te kukṣi-gataḥ paraḥ pumān aṁśena sākṣād bhagavān bhavāya naḥ mābhūd bhayaṁ bhoja-pater mumūrṣor goptā yadūnāṁ bhavitā tavātmajaḥ

हे माता, यह हमारा और तुम्हारा सौभाग्य है कि साक्षात् परम पुरुष भगवान् अपने अंश सहित तुम्हारे गर्भ में हमारे कल्याण के लिए विद्यमान हैं। मरणासन्न भोजराज कंस से अब भय मत करो — तुम्हारा यह पुत्र यदुवंश का रक्षक होगा।

श्लोक 42 (bhagavata.10.2.42)

श्रीशुक उवाच इत्यभिष्टूय पुरुषं यद्रूपमनिदं यथा । ब्रह्मेशानौ पुरोधाय देवाः प्रतिययुर्दिवम् ॥ ४२ ॥

śrī-śuka uvāca ity abhiṣṭūya puruṣaṁ yad-rūpam anidaṁ yathā brahmeśānau purodhāya devāḥ pratiyayur divam

श्रीशुकदेव ने कहा — इस प्रकार उस अप्रकट रूप धारण करने वाले परम पुरुष की स्तुति करके, ब्रह्मा और शिव को आगे रखकर, देवगण स्वर्गलोक को लौट गए।