अक्रूर का वृन्दावन आगमन

श्लोक 1 (bhagavata.10.38.1)

श्रीशुक उवाच अक्रूरोऽपि च तां रात्रिं मधुपुर्यां महामतिः । उषित्वा रथमास्थाय प्रययौ नन्दगोकुलम् ॥ १ ॥

śrī-śuka uvāca akrūro ’pi ca tāṁ rātriṁ madhu-puryāṁ mahā-matiḥ uṣitvā ratham āsthāya prayayau nanda-gokulam

श्री शुकदेव जी ने कहा — महामति अक्रूर जी उस रात्रि मथुरापुरी में रहकर, रथ पर आरूढ़ होकर नन्द के गोकुल की ओर चल पड़े।

श्लोक 2 (bhagavata.10.38.2)

गच्छन्पथि महाभागो भगवत्यम्बुजेक्षणे । भक्तिं परामुपगत एवमेतदचिन्तयत् ॥ २ ॥

gacchan pathi mahā-bhāgo bhagavaty ambujekṣaṇe bhaktiṁ parām upagata evam etad acintayat

मार्ग में जाते हुए वे परम भाग्यशाली अक्रूर उन कमलनयन भगवान के प्रति सर्वोच्च भक्ति से अभिभूत होकर इस प्रकार सोचने लगे।

श्लोक 3 (bhagavata.10.38.3)

किं मयाचरितं भद्रं किं तप्तं परमं तपः । किं वाथाप्यर्हते दत्तं यद्द्रक्ष्याम्यद्य केशवम् ॥ ३ ॥

kiṁ mayācaritaṁ bhadraṁ kiṁ taptaṁ paramaṁ tapaḥ kiṁ vāthāpy arhate dattaṁ yad drakṣyāmy adya keśavam

'मैंने कौन-सा शुभ कर्म किया है, कौन-सी परम तपस्या की है, अथवा किसी योग्यजन को क्या दान दिया है, जिससे आज मुझे केशव के दर्शन होंगे?'

श्लोक 4 (bhagavata.10.38.4)

ममैतद् दुर्लभं मन्य उत्तमःश्लोकदर्शनम् । विषयात्मनो यथा ब्रह्मकीर्तनं शूद्रजन्मनः ॥ ४ ॥

mamaitad durlabhaṁ manya uttamaḥ-śloka-darśanam viṣayātmano yathā brahma- kīrtanaṁ śūdra-janmanaḥ

'उत्तमःश्लोक भगवान का यह दर्शन मेरे लिए वैसे ही दुर्लभ है, जैसे विषयासक्त तथा शूद्र-कुल में जन्मे व्यक्ति के लिए वेद-कीर्तन।'

श्लोक 5 (bhagavata.10.38.5)

मैवं ममाधमस्यापि स्यादेवाच्युतदर्शनम् । ह्रियमाणः कालनद्या क्वचित्तरति कश्चन ॥ ५ ॥

maivaṁ mamādhamasyāpi syād evācyuta-darśanam hriyamāṇaḥ kala-nadyā kvacit tarati kaścana

'नहीं, ऐसा नहीं है — मुझ-जैसे अधम के लिए भी अच्युत का दर्शन सम्भव हो सकता है; काल की नदी में बहता हुआ प्राणी भी कभी-कभी उस पार पहुँच ही जाता है।'

श्लोक 6 (bhagavata.10.38.6)

ममाद्यामङ्गलं नष्टं फलवांश्चैव मे भवः । यन्नमस्ये भगवतो योगिध्येयाङ्घ्रिपङ्कजम् ॥ ६ ॥

mamādyāmaṅgalaṁ naṣṭaṁ phalavāṁś caiva me bhavaḥ yan namasye bhagavato yogi-dhyeyānghri-paṅkajam

'आज मेरा अमंगल नष्ट हो गया और मेरा जन्म सार्थक हो गया, क्योंकि मैं योगियों द्वारा ध्यान किए जाने वाले भगवान के चरणकमलों में प्रणाम करने जा रहा हूँ।'

श्लोक 7 (bhagavata.10.38.7)

कंसो बताद्याकृत मेऽत्यनुग्रहं द्रक्ष्येऽङ्घ्रिपद्मं प्रहितोऽमुना हरेः । कृतावतारस्य दुरत्ययं तमः पूर्वेऽतरन् यन्नखमण्डलत्विषा ॥ ७ ॥

kaṁso batādyākṛta me ’ty-anugrahaṁ drakṣye ’ṅghri-padmaṁ prahito ’munā hareḥ kṛtāvatārasya duratyayaṁ tamaḥ pūrve ’taran yan-nakha-maṇḍala-tviṣā

'सचमुच आज कंस ने मुझ पर बड़ी कृपा की है, जिसके भेजने से मैं अवतरित हुए हरि के चरणकमलों का दर्शन करूँगा — वे चरण, जिनके नखमण्डल की प्रभा से प्राचीन काल में लोगों ने दुस्तर अन्धकार को पार किया था।'

श्लोक 8 (bhagavata.10.38.8)

यदर्चितं ब्रह्मभवादिभिः सुरैः श्रिया च देव्या मुनिभिः ससात्वतैः । गोचारणायानुचरैश्चरद्वने यद् गोपिकानां कुचकुङ्कुमाङ्कितम् ॥ ८ ॥

yad arcitaṁ brahma-bhavādibhiḥ suraiḥ śriyā ca devyā munibhiḥ sa-sātvataiḥ go-cāraṇāyānucaraiś carad vane yad gopikānāṁ kuca-kuṅkumāṅkitam

'वे ही चरण, जिनकी पूजा ब्रह्मा, शिव आदि देवगण, लक्ष्मी देवी, तथा सन्तों सहित मुनिजन करते हैं; जो सखाओं सहित गोचारण करते हुए वन में विचरण करते हैं, और जो गोपियों के वक्षस्थल के कुंकुम से अंकित होते हैं।'

श्लोक 9 (bhagavata.10.38.9)

द्रक्ष्यामि नूनं सुकपोलनासिकं स्मितावलोकारुणकञ्जलोचनम् । मुखं मुकुन्दस्य गुडालकावृतं प्रदक्षिणं मे प्रचरन्ति वै मृगाः ॥ ९ ॥

drakṣyāmi nūnaṁ su-kapola-nāsikaṁ smitāvalokāruṇa-kañja-locanam mukhaṁ mukundasya guḍālakāvṛtaṁ pradakṣiṇaṁ me pracaranti vai mṛgāḥ

'मैं अवश्य ही मुकुन्द के उस मुखमण्डल का दर्शन करूँगा, जो सुन्दर गालों और नासिका वाला, मुस्कुराती दृष्टि तथा अरुण कमल-नेत्रों वाला, घुँघराले बालों से घिरा है — क्योंकि मृग मुझे दाहिनी ओर से पार कर रहे हैं।'

श्लोक 10 (bhagavata.10.38.10)

अप्यद्य विष्णोर्मनुजत्वमीयुषो भारावताराय भुवो निजेच्छया । लावण्यधाम्नो भवितोपलम्भनं मह्यं न न स्यात् फलमञ्जसा दृशः ॥ १० ॥

apy adya viṣṇor manujatvam īyuṣo bhārāvatārāya bhuvo nijecchayā lāvaṇya-dhāmno bhavitopalambhanaṁ mahyaṁ na na syāt phalam añjasā dṛśaḥ

'और आज मेरी दृष्टि का फल क्या सचमुच सिद्ध नहीं होगा — उन विष्णु का प्रत्यक्ष दर्शन, जो सौन्दर्य के धाम हैं और जिन्होंने स्वेच्छा से पृथ्वी का भार उतारने के लिए मनुष्य-रूप धारण किया है?'

श्लोक 11 (bhagavata.10.38.11)

य ईक्षिताहंरहितोऽप्यसत्सतोः स्वतेजसापास्ततमोभिदाभ्रमः । स्वमाययात्मन् रचितैस्तदीक्षया प्राणाक्षधीभिः सदनेष्वभीयते ॥ ११ ॥

ya īkṣitāhaṁ-rahito ’py asat-satoḥ sva-tejasāpāsta-tamo-bhidā-bhramaḥ sva-māyayātman racitais tad-īkṣayā prāṇākṣa-dhībhiḥ sadaneṣv abhīyate

'जो कार्य और कारण दोनों के साक्षी होते हुए भी उनसे अहंकारयुक्त तादात्म्य से रहित हैं; जिन्होंने अपने ही तेज से अज्ञान के अन्धकार और पार्थक्य के भ्रम को दूर कर दिया है; जो अपनी माया से रचे गए प्राणियों पर अपनी दृष्टि डालकर, उनके प्राण, इन्द्रिय और बुद्धि की क्रियाओं के द्वारा उनके शरीरों में अनुमानित होते हैं।'

श्लोक 12 (bhagavata.10.38.12)

यस्याखिलामीवहभिः सुमङ्गलै- र्वाचो विमिश्रा गुणकर्मजन्मभिः । प्राणन्ति शुम्भन्ति पुनन्ति वै जगत् यास्तद्विरक्ताः शवशोभना मताः ॥ १२ ॥

yasyākhilāmīva-habhiḥ su-maṅgalaiḥ vāco vimiśrā guṇa-karma-janmabhiḥ prāṇanti śumbhanti punanti vai jagat yās tad-viraktāḥ śava-śobhanā matāḥ

'जो वाणी उनके गुणों, कर्मों और अवतारों से युक्त होकर, अत्यन्त मंगलमय होकर, सभी पापों को नष्ट करती है, वही संसार को जीवन देती है, शोभित करती है और पवित्र करती है; और उनसे रहित वाणी शव के श्रृंगार के समान मानी जाती है।'

श्लोक 13 (bhagavata.10.38.13)

स चावतीर्णः किल सात्वतान्वये स्वसेतुपालामरवर्यशर्मकृत् । यशो वितन्वन् व्रज आस्त ईश्वरो गायन्ति देवा यदशेषमङ्गलम् ॥ १३ ॥

sa cāvatīrṇaḥ kila satvatānvaye sva-setu-pālāmara-varya-śarma-kṛt yaśo vitanvan vraja āsta īśvaro gāyanti devā yad aśeṣa-maṅgalam

'और वही भगवान सात्वत-वंश में अवतरित होकर, अपने ही स्थापित धर्म-सेतुओं की रक्षा करने वाले श्रेष्ठ देवताओं को आनन्दित करते हुए, अपनी कीर्ति फैलाते हुए व्रज में निवास कर रहे हैं — वह कीर्ति, जिसे देवगण गाते हैं और जो सर्वमंगलकारी है।'

श्लोक 14 (bhagavata.10.38.14)

तं त्वद्य नूनं महतां गतिं गुरुं त्रैलोक्यकान्तं दृशिमन्महोत्सवम् । रूपं दधानं श्रिय ईप्सितास्पदं द्रक्ष्ये ममासन्नुषसः सुदर्शनाः ॥ १४ ॥

taṁ tv adya nūnaṁ mahatāṁ gatiṁ guruṁ trailokya-kāntaṁ dṛśiman-mahotsavam rūpaṁ dadhānaṁ śriya īpsitāspadaṁ drakṣye mamāsann uṣasaḥ su-darśanāḥ

'उन्हीं का आज मैं अवश्य दर्शन करूँगा — जो महात्माओं के परम गति और गुरु हैं, त्रिलोक के परम सुन्दर हैं, नेत्रवानों के लिए महान उत्सवस्वरूप हैं, तथा जो लक्ष्मी के अभीष्ट आश्रय-स्वरूप हैं — अब मेरी उषाएँ भी शुभ दर्शन वाली हो गई हैं।'

श्लोक 15 (bhagavata.10.38.15)

अथावरूढः सपदीशयो रथात् प्रधानपुंसोश्चरणं स्वलब्धये । धिया धृतं योगिभिरप्यहं ध्रुवं नमस्य आभ्यां च सखीन् वनौकसः ॥ १५ ॥

athāvarūḍhaḥ sapadīśayo rathāt pradhāna-puṁsoś caraṇaṁ sva-labdhaye dhiyā dhṛtaṁ yogibhir apy ahaṁ dhruvaṁ namasya ābhyāṁ ca sakhīn vanaukasaḥ

'तब तुरन्त रथ से उतरकर, अपने कल्याण के लिए, मैं उन दोनों परम पुरुषों के चरणों में — जिन्हें योगीजन भी अपनी बुद्धि में धारण करते हैं — अवश्य प्रणाम करूँगा, तथा वनवासी उनके सखाओं को भी नमस्कार करूँगा।'

श्लोक 16 (bhagavata.10.38.16)

अप्यङ्घ्रिमूले पतितस्य मे विभुः शिरस्यधास्यन्निजहस्तपङ्कजम् । दत्ताभयं कालभुजाङ्गरंहसा प्रोद्वेजितानां शरणैषिणां नृणाम् ॥ १६ ॥

apy aṅghri-mūle patitasya me vibhuḥ śirasy adhāsyan nija-hasta-paṅkajam dattābhayaṁ kāla-bhujāṅga-raṁhasā prodvejitānāṁ śaraṇaiṣiṇāṁ ṇṛnām

'और जब मैं उनके चरणों में गिर पड़ूँगा, तो सर्वशक्तिमान भगवान अपना करकमल मेरे सिर पर रखेंगे — वही कर, जो काल-सर्प के वेग से पीड़ित होकर शरण खोजने वालों को अभय प्रदान करता है।'

श्लोक 17 (bhagavata.10.38.17)

समर्हणं यत्र निधाय कौशिक- स्तथा बलिश्चाप जगत्त्रयेन्द्रताम् । यद्वा विहारे व्रजयोषितां श्रमं स्पर्शेन सौगन्धिकगन्ध्यपानुदत् ॥ १७ ॥

samarhaṇaṁ yatra nidhāya kauśikas tathā baliś cāpa jagat-trayendratām yad vā vihāre vraja-yoṣitāṁ śramaṁ sparśena saugandhika-gandhy apānudat

'उसी हाथ में भेंट अर्पित कर कौशिक (इन्द्र) तथा बलि ने त्रिलोक का ऐश्वर्य प्राप्त किया; और उसी हाथ ने रासलीला में व्रज की स्त्रियों की थकान मिटाई, और उनके स्पर्श से वह सौगन्धिक पुष्प के समान सुगन्धित हो गया।'

श्लोक 18 (bhagavata.10.38.18)

न मय्युपैष्यत्यरिबुद्धिमच्युतः कंसस्य दूतः प्रहितोऽपि विश्वदृक् । योऽन्तर्बहिश्चेतस एतदीहितं क्षेत्रज्ञ ईक्षत्यमलेन चक्षुषा ॥ १८ ॥

na mayy upaiṣyaty ari-buddhim acyutaḥ kaṁsasya dūtaḥ prahito ’pi viśva-dṛk yo ’ntar bahiś cetasa etad īhitaṁ kṣetra-jña īkṣaty amalena cakṣuṣā

'भले ही मैं कंस का दूत बनकर भेजा गया हूँ, फिर भी अच्युत मुझे शत्रु-बुद्धि से नहीं देखेंगे — क्योंकि वे सर्वद्रष्टा हैं, क्षेत्रज्ञ हैं, और हृदय के भीतर-बाहर जो भी अभिप्राय है, उसे वे निर्मल दृष्टि से देखते हैं।'

श्लोक 19 (bhagavata.10.38.19)

अप्यङ्घ्रिमूलेऽवहितं कृताञ्जलिं मामीक्षिता सस्मितमार्द्रया दृशा । सपद्यपध्वस्तसमस्तकिल्बिषो वोढा मुदं वीतविशङ्क ऊर्जिताम् ॥ १९ ॥

apy aṅghri-mūle ’vahitaṁ kṛtāñjaliṁ mām īkṣitā sa-smitam ārdrayā dṛśā sapady apadhvasta-samasta-kilbiṣo voḍhā mudaṁ vīta-viśaṅka ūrjitām

'और जब वे मुझे — उनके चरणों के समीप हाथ जोड़े, स्थिर खड़े हुए को — मुस्कुराती हुई स्नेहभरी दृष्टि से देखेंगे, तो मेरे सारे पाप तत्काल नष्ट हो जाएँगे, और मैं निःशंक होकर तीव्र आनन्द का अनुभव करूँगा।'

श्लोक 20 (bhagavata.10.38.20)

सुहृत्तमं ज्ञातिमनन्यदैवतं दोर्भ्यां बृहद्भ्यां परिरप्स्यतेऽथ माम् । आत्मा हि तीर्थीक्रियते तदैव मे बन्धश्च कर्मात्मक उच्छ्वसित्यतः ॥ २० ॥

suhṛttamaṁ jñātim ananya-daivataṁ dorbhyāṁ bṛhadbhyāṁ parirapsyate ’tha mām ātmā hi tīrthī-kriyate tadaiva me bandhaś ca karmātmaka ucchvasity ataḥ

'तब वे अपनी विशाल भुजाओं से मुझे — अपने सर्वोत्तम हितैषी और बन्धु, जिसका कोई अन्य आराध्य नहीं — आलिंगन करेंगे, और उसी क्षण मेरा शरीर पवित्र हो जाएगा तथा कर्मजनित यह बन्धन शिथिल हो जाएगा।'

श्लोक 21 (bhagavata.10.38.21)

लब्ध्वाङ्गसङ्गं प्रणतं कृताञ्जलिं मां वक्ष्यतेऽक्रूर ततेत्युरुश्रवाः । तदा वयं जन्मभृतो महीयसा नैवादृतो यो धिगमुष्य जन्म तत् ॥ २१ ॥

labdhvāṅga-saṅgam praṇatam kṛtāñjaliṁ māṁ vakṣyate ’krūra tatety uruśravāḥ tadā vayaṁ janma-bhṛto mahīyasā naivādṛto yo dhig amuṣya janma tat

'शारीरिक स्पर्श पाकर, प्रणत तथा हाथ जोड़े हुए मुझसे विशालकीर्ति भगवान कहेंगे — 'अक्रूर, हे बन्धु!' — तब निश्चय ही हमारा जन्म सफल हो जाएगा; जिसका इस प्रकार सम्मान नहीं होता, उसका जन्म धिक्कार-योग्य है।'

श्लोक 22 (bhagavata.10.38.22)

न तस्य कश्चिद् दयितः सुहृत्तमो न चाप्रियो द्वेष्य उपेक्ष्य एव वा । तथापि भक्तान् भजते यथा तथा सुरद्रुमो यद्वदुपाश्रितोऽर्थदः ॥ २२ ॥

na tasya kaścid dayitaḥ suhṛttamo na cāpriyo dveṣya upekṣya eva vā tathāpi bhaktān bhajate yathā tathā sura-drumo yadvad upāśrito ’rtha-daḥ

'उनका न कोई विशेष प्रिय है, न कोई परम मित्र; न ही कोई अप्रिय, द्वेष्य अथवा उपेक्षणीय है — फिर भी वे अपने भक्तों के साथ उसी रूप में व्यवहार करते हैं जिस रूप में वे उनका भजन करते हैं, जैसे कल्पवृक्ष उसके पास आने वाले की इच्छा पूर्ण करता है।'

श्लोक 23 (bhagavata.10.38.23)

किं चाग्रजो मावनतं यदूत्तमः स्मयन् परिष्वज्य गृहीतमञ्जलौ । गृहं प्रवेष्याप्तसमस्तसत्कृतं सम्प्रक्ष्यते कंसकृतं स्वबन्धुषु ॥ २३ ॥

kiṁ cāgrajo māvanataṁ yadūttamaḥ smayan pariṣvajya gṛhītam añjalau gṛhaṁ praveṣyāpta-samasta-satkṛtaṁ samprakṣyate kaṁsa-kṛtaṁ sva-bandhuṣu

'और इतना ही नहीं, यदुश्रेष्ठ उनके बड़े भाई मुस्कुराते हुए, प्रणत मेरे जुड़े हुए हाथों को पकड़कर मुझे आलिंगन करेंगे, और अपने घर ले जाकर, वहाँ समस्त सत्कार दिलाकर, कंस ने अपने बन्धु-बान्धवों के साथ क्या किया, यह पूछेंगे।'

श्लोक 24 (bhagavata.10.38.24)

श्रीशुक उवाच इति सञ्चिन्तयन्कृष्णं श्वफल्कतनयोऽध्वनि । रथेन गोकुलं प्राप्तः सूर्यश्चास्तगिरिं नृप ॥ २४ ॥

śrī-śuka uvāca iti sañcintayan kṛṣṇaṁ śvaphalka-tanayo ’dhvani rathena gokulaṁ prāptaḥ sūryaś cāsta-giriṁ nṛpa

श्री शुकदेव जी ने कहा — हे राजन्! इस प्रकार मार्ग में कृष्ण का चिन्तन करते हुए श्वफल्क-पुत्र अक्रूर रथ द्वारा गोकुल पहुँचे, ठीक उसी समय जब सूर्य अस्ताचल की ओर जा रहा था।

श्लोक 25 (bhagavata.10.38.25)

पदानि तस्याखिललोकपाल- किरीटजुष्टामलपादरेणोः । ददर्श गोष्ठे क्षितिकौतुकानि विलक्षितान्यब्जयवाङ्कुशाद्यैः ॥ २५ ॥

padāni tasyākhila-loka-pāla- kirīṭa-juṣṭāmala-pāda-reṇoḥ dadarśa goṣṭhe kṣiti-kautukāni vilakṣitāny abja-yavāṅkuśādyaiḥ

उन्होंने गोचारण-भूमि में उन चरणों के चिह्न देखे, जिनकी पवित्र धूलि को सम्पूर्ण लोकपाल अपने मुकुटों पर धारण करते हैं — कमल, यव, अंकुश आदि चिह्नों से स्पष्ट पहचाने जाने वाले वे चरणचिह्न पृथ्वी को अद्भुत शोभा प्रदान कर रहे थे।

श्लोक 26 (bhagavata.10.38.26)

तद्दर्शनाह्लादविवृद्धसम्भ्रमः प्रेम्णोर्ध्वरोमाश्रुकलाकुलेक्षणः । रथादवस्कन्द्य स तेष्वचेष्टत प्रभोरमून्यङ्घ्रिरजांस्यहो इति ॥ २६ ॥

tad-darśanāhlāda-vivṛddha-sambhramaḥ premṇordhva-romāśru-kalākulekṣaṇaḥ rathād avaskandya sa teṣv aceṣṭata prabhor amūny aṅghri-rajāṁsy aho iti

उन चरणचिह्नों को देखकर उत्पन्न आनन्द से उनका विह्वल भाव और बढ़ गया, प्रेम से उनके रोंगटे खड़े हो गए, आँखों से अश्रुधारा बह चली, और वे रथ से कूदकर उन चिह्नों में लोटने लगे — 'अहो! यह तो मेरे स्वामी के चरणों की धूलि है!' ऐसा कहते हुए।

श्लोक 27 (bhagavata.10.38.27)

देहंभृतामियानर्थो हित्वा दम्भं भियं शुचम् । सन्देशाद् यो हरेर्लिङ्गदर्शनश्रवणादिभिः ॥ २७ ॥

dehaṁ-bhṛtām iyān artho hitvā dambhaṁ bhiyaṁ śucam sandeśād yo harer liṅga- darśana-śravaṇādibhiḥ

देहधारियों का यही परम लक्ष्य है — वह आनन्द, जो कंस की आज्ञा से चलते हुए भी, अभिमान, भय और शोक को त्यागकर, हरि के चिह्नों के दर्शन, श्रवण आदि से उन्हें प्राप्त हुआ।

श्लोक 28 (bhagavata.10.38.28)

ददर्श कृष्णं रामं च व्रजे गोदोहनं गतौ । पीतनीलाम्बरधरौ शरदम्बुरुहेक्षणौ ॥ २८ ॥

dadarśa kṛṣṇaṁ rāmaṁ ca vraje go-dohanaṁ gatau pīta-nīlāmbara-dharau śarad-amburahekṣaṇau

उन्होंने कृष्ण और राम को व्रज में गोदोहन के लिए जाते हुए देखा — पीत और नील वस्त्र धारण किए हुए, शरद्-ऋतु के कमल जैसे नेत्रों वाले।

श्लोक 29 (bhagavata.10.38.29)

किशोरौ श्यामलश्वेतौ श्रीनिकेतौ बृहद्भुजौ । सुमुखौ सुन्दरवरौ बलद्विरदविक्रमौ ॥ २९ ॥

kiśorau śyāmala-śvetau śrī-niketau bṛhad-bhujau su-mukhau sundara-varau bala-dvirada-vikramau

वे दोनों किशोर, एक श्याम और एक श्वेत, श्री के निवासस्थान, विशालबाहु, सुमुख, परम सुन्दर, तथा बलशाली गजशावकों की सी चाल वाले थे।

श्लोक 30 (bhagavata.10.38.30)

ध्वजवज्राङ्कुशाम्भोजैश्चिह्नितैरङ्घ्रिभिर्व्रजम् । शोभयन्तौ महात्मानौ सानुक्रोशस्मितेक्षणौ ॥ ३० ॥

dhvaja-vajrāṅkuśāmbhojaiś cihnitair aṅghribhir vrajam śobhayantau mahātmānau sānukrośa-smitekṣaṇau

ध्वज, वज्र, अंकुश और कमल के चिह्नों से युक्त अपने चरणों से व्रज को सुशोभित करते हुए, वे दोनों महात्मा करुणा और मुस्कान से भरी दृष्टि वाले थे।

श्लोक 31 (bhagavata.10.38.31)

उदाररुचिरक्रीडौ स्रग्विणौ वनमालिनौ । पुण्यगन्धानुलिप्ताङ्गौ स्नातौ विरजवाससौ ॥ ३१ ॥

udāra-rucira-krīḍau sragviṇau vana-mālinau puṇya-gandhānuliptāṅgau snātau viraja-vāsasau

उनकी लीलाएँ उदार और मनोहर थीं; वे मालाओं और वनमालाओं से सुसज्जित, पवित्र सुगन्ध से लिप्त अंगों वाले, अभी स्नान किए हुए, तथा निर्मल वस्त्र धारण किए हुए थे।

श्लोक 32 (bhagavata.10.38.32)

प्रधानपुरुषावाद्यौ जगद्धेतू जगत्पती । अवतीर्णौ जगत्यर्थे स्वांशेन बलकेशवौ ॥ ३२ ॥

pradhāna-puruṣāv ādyau jagad-dhetū jagat-patī avatīrṇau jagaty-arthe svāṁśena bala-keśavau

वे दोनों आदि तथा प्रधान पुरुष, जगत के कारण, जगत के स्वामी — बल और केशव — जगत के कल्याण हेतु अपने-अपने अंश में अवतरित हुए थे।

श्लोक 33 (bhagavata.10.38.33)

दिशो वितिमिरा राजन्कुर्वाणौ प्रभया स्वया । यथा मारकतः शैलो रौप्यश्च कनकाचितौ ॥ ३३ ॥

diśo vitimirā rājan kurvāṇau prabhayā svayā yathā mārakataḥ śailo raupyaś ca kanakācitau

हे राजन्! वे अपने ही तेज से समस्त दिशाओं का अन्धकार दूर करते हुए, स्वर्ण से जड़े मरकत तथा रजत पर्वतों के समान शोभायमान थे।

श्लोक 34 (bhagavata.10.38.34)

रथात्तूर्णमवप्लुत्य सोऽक्रूरः स्नेहविह्वलः । पपात चरणोपान्ते दण्डवद् रामकृष्णयोः ॥ ३४ ॥

rathāt tūrṇam avaplutya so ’krūraḥ sneha-vihvalaḥ papāta caraṇopānte daṇḍa-vad rāma-kṛṣṇayoḥ

अक्रूर जी तुरन्त रथ से कूदकर, स्नेह से विह्वल होकर, राम और कृष्ण के चरणों में दण्डवत गिर पड़े।

श्लोक 35 (bhagavata.10.38.35)

भगवद् दर्शनाह्लादबाष्पपर्याकुलेक्षणः । पुलकाचिताङ्ग औत्कण्ठ्यात्स्वाख्याने नाशकन्नृप ॥ ३५ ॥

bhagavad-darśanāhlāda- bāṣpa-paryākulekṣaṇaḥ pulakacitāṅga autkaṇṭhyāt svākhyāne nāśakan nṛpa

भगवान के दर्शन से उत्पन्न आनन्द से उनके नेत्र आँसुओं से भर गए, शरीर रोमांचित हो उठा, और हे राजन्! उत्कण्ठा के कारण वे अपना परिचय तक न दे सके।

श्लोक 36 (bhagavata.10.38.36)

भगवांस्तमभिप्रेत्य रथाङ्गाङ्कितपाणिना । परिरेभेऽभ्युपाकृष्य प्रीतः प्रणतवत्सलः ॥ ३६ ॥

bhagavāṁs tam abhipretya rathāṅgāṅkita-pāṇinā parirebhe ’bhyupākṛṣya prītaḥ praṇata-vatsalaḥ

भगवान ने उन्हें पहचानकर अपने चक्र-चिह्नित हाथ से समीप खींचा, और प्रसन्न होकर उनका आलिंगन किया — क्योंकि वे शरणागतों के प्रति सदा वत्सल हैं।

श्लोक 37 (bhagavata.10.38.37)

सङ्कर्षणश्च प्रणतमुपगुह्य महामनाः । गृहीत्वा पाणिना पाणी अनत्सानुजो गृहम् ॥ ३७ ॥

saṅkarṣaṇaś ca praṇatam upaguhya mahā-manāḥ gṛhītvā pāṇinā pāṇī anayat sānujo gṛham

और महामना संकर्षण (बलराम) ने प्रणत अक्रूर को आलिंगन करके, अपने हाथों से उनके दोनों हाथ पकड़कर, अपने छोटे भाई सहित उन्हें घर ले गए।

श्लोक 38 (bhagavata.10.38.38)

पृष्ट्वाथ स्वागतं तस्मै निवेद्य च वरासनम् । प्रक्षाल्य विधिवत् पादौ मधुपर्कार्हणमाहरत् ॥ ३८ ॥

pṛṣṭvātha sv-āgataṁ tasmai nivedya ca varāsanam prakṣālya vidhi-vat pādau madhu-parkārhaṇam āharat

फिर उनकी कुशल-यात्रा पूछकर, उन्हें उत्तम आसन देकर, और विधिपूर्वक उनके पैर धोकर, उन्होंने मधुपर्क का अर्घ्य अर्पित किया।

श्लोक 39 (bhagavata.10.38.39)

निवेद्य गां चातिथये संवाह्य श्रान्तमादृतः । अन्नं बहुगुणं मेध्यं श्रद्धयोपाहरद् विभुः ॥ ३९ ॥

nivedya gāṁ cātithaye saṁvāhya śrāntam āḍṛtaḥ annaṁ bahu-guṇaṁ medhyaṁ śraddhayopāharad vibhuḥ

और अतिथि को गाय भेंट करके, थके हुए अक्रूर की सेवा-सुश्रूषा करके, सर्वशक्तिमान भगवान ने श्रद्धापूर्वक अनेक उत्तम गुणों वाला भोजन कराया।

श्लोक 40 (bhagavata.10.38.40)

तस्मै भुक्तवते प्रीत्या रामः परमधर्मवित् । मखवासैर्गन्धमाल्यैः परां प्रीतिं व्यधात्पुनः ॥ ४० ॥

tasmai bhuktavate prītyā rāmaḥ parama-dharma-vit makha-vāsair gandha-mālyaiḥ parāṁ prītiṁ vyadhāt punaḥ

भोजन कर चुकने पर, परम धर्मज्ञ बलराम ने प्रेमपूर्वक मुखवास, सुगन्ध और मालाओं से पुनः उन्हें परम प्रसन्नता प्रदान की।

श्लोक 41 (bhagavata.10.38.41)

पप्रच्छ सत्कृतं नन्दः कथं स्थ निरनुग्रहे । कंसे जीवति दाशार्ह सौनपाला इवावयः ॥ ४१ ॥

papraccha sat-kṛtaṁ nandaḥ kathaṁ stha niranugrahe kaṁse jīvati dāśārha sauna-pālā ivāvayaḥ

नन्द जी ने सम्मानित अतिथि से पूछा — 'हे दाशार्ह! उस निर्दय कंस के जीवित रहते तुम लोग कैसे रहते हो — कसाई के पास पली भेड़ों की भाँति?'

श्लोक 42 (bhagavata.10.38.42)

योऽवधीत्स्वस्वसुस्तोकान्क्रोशन्त्या असुतृप्खलः । किं नु स्वित्तत्प्रजानां वः कुशलं विमृशामहे ॥ ४२ ॥

yo ’vadhīt sva-svasus tokān krośantyā asu-tṛp khalaḥ kiṁ nu svit tat-prajānāṁ vaḥ kuśalaṁ vimṛśāmahe

'जिसने अपनी बहन के रोते-बिलखते हुए भी उसके शिशुओं को मार डाला, वह स्वार्थी और क्रूर व्यक्ति — उसकी प्रजा अर्थात् तुम्हारे कुशल के विषय में हम क्या ही अनुमान करें?'

श्लोक 43 (bhagavata.10.38.43)

इत्थं सूनृतया वाचा नन्देन सुसभाजितः । अक्रूरः परिपृष्टेन जहावध्वपरिश्रमम् ॥ ४३ ॥

itthaṁ sūnṛtayā vācā nandena su-sabhājitaḥ akrūraḥ paripṛṣṭena jahāv adhva-pariśramam

इस प्रकार नन्द जी के सत्य और मधुर वचनों से सम्मानित तथा प्रश्नों से पूछे गए अक्रूर जी ने मार्ग की थकान त्याग दी।