मुचुकुन्द का उद्धार

श्लोक 1 (bhagavata.10.51.1)

श्रीशुक उवाच तं विलोक्य विनिष्क्रान्तमुज्जिहानमिवोडुपम् । दर्शनीयतमं श्यामं पीतकौशेयवाससम् ॥ १ ॥

śrī-śuka uvāca taṁ vilokya viniṣkrāntam ujjihānam ivoḍupam darśanīyatamaṁ śyāmaṁ pīta-kauśeya-vāsasam

कालयवन ने देखा कि श्रीकृष्ण उदयमान चन्द्रमा के समान नगर से बाहर निकल रहे हैं—अत्यंत दर्शनीय, श्यामवर्ण तथा पीत रेशमी वस्त्र धारण किए हुए।

श्लोक 2 (bhagavata.10.51.2)

श्रीवत्सवक्षसं भ्राजत्कौस्तुभामुक्तकन्धरम् । पृथुदीर्घचतुर्बाहुं नवकञ्जारुणेक्षणम् ॥ २ ॥

śrīvatsa-vakṣasaṁ bhrājat kaustubhāmukta-kandharam pṛthu-dīrgha-catur-bāhuṁ nava-kañjāruṇekṣaṇam

उनके वक्षस्थल पर श्रीवत्स का चिह्न था और गले में देदीप्यमान कौस्तुभमणि सुशोभित थी; उनकी चार भुजाएँ विशाल और दीर्घ थीं तथा नेत्र नवोदित कमल के समान अरुण थे।

श्लोक 3 (bhagavata.10.51.3)

नित्यप्रमुदितं श्रीमत्सुकपोलं शुचिस्मितम् । मुखारविन्दं बिभ्राणं स्फुरन्मकरकुण्डलम् ॥ ३ ॥

nitya-pramuditaṁ śrīmat su-kapolaṁ śuci-smitam mukhāravindaṁ bibhrāṇaṁ sphuran-makara-kuṇḍalam

सदा प्रसन्न, कान्तिमय एवं सुंदर कपोलों तथा उज्ज्वल मुस्कान से युक्त उनका कमल-सदृश मुख चमकते हुए मकराकार कुण्डलों से सुशोभित था।

श्लोक 4 (bhagavata.10.51.4)

वासुदेवो ह्ययमिति पुमान् श्रीवत्सलाञ्छनः । चतुर्भुजोऽरविन्दाक्षो वनमाल्यतिसुन्दरः ॥ ४ ॥

vāsudevo hy ayam iti pumān śrīvatsa-lāñchanaḥ catur-bhujo ’ravindākṣo vana-māly ati-sundaraḥ

उस म्लेच्छ ने सोचा — 'यह निश्चय ही वासुदेव हैं, क्योंकि इनके पास श्रीवत्स-चिह्न है, चार भुजाएँ हैं, नेत्र कमल के समान हैं और ये वनमाला धारण किए अत्यंत सुंदर हैं।'

श्लोक 5 (bhagavata.10.51.5)

लक्षणैर्नारदप्रोक्तैर्नान्यो भवितुमर्हति । निरायुधश्चलन् पद्भ्यां योत्स्येऽनेन निरायुधः ॥ ५ ॥

lakṣaṇair nārada-proktair nānyo bhavitum arhati nirāyudhaś calan padbhyāṁ yotsye ’nena nirāyudhaḥ

'नारद द्वारा बताए गए लक्षणों के अनुसार ये और कोई नहीं हो सकते। चूँकि ये निरायुध होकर पैदल चल रहे हैं, इसलिए मैं भी निरायुध होकर ही इनसे युद्ध करूँगा।'

श्लोक 6 (bhagavata.10.51.6)

इति निश्चित्य यवनः प्राद्रवद् तं पराङ्मुखम् । अन्वधावज्जिघृक्षुस्तं दुरापमपि योगिनाम् ॥ ६ ॥

iti niścitya yavanaḥ prādravad taṁ parāṅ-mukham anvadhāvaj jighṛkṣus taṁ durāpam api yoginām

ऐसा निश्चय कर वह यवन कृष्ण के पीछे दौड़ा, जो पीठ फेर कर भाग रहे थे; योगियों के लिए भी दुर्लभ उन भगवान का वह पकड़ने की इच्छा से पीछा करता रहा।

श्लोक 7 (bhagavata.10.51.7)

हस्तप्राप्तमिवात्मानं हरीणा स पदे पदे । नीतो दर्शयता दूरं यवनेशोऽद्रिकन्दरम् ॥ ७ ॥

hasta-prāptam ivātmānaṁ harīṇā sa pade pade nīto darśayatā dūraṁ yavaneśo ’dri-kandaram

प्रत्येक पग पर वे यवनराज के हाथों की पहुँच में प्रतीत होते, फिर भी हरि उसे बारंबार अपनी झलक दिखाते हुए दूर एक पर्वत की गुफा में ले गए।

श्लोक 8 (bhagavata.10.51.8)

पलायनं यदुकुले जातस्य तव नोचितम् । इति क्षिपन्ननुगतो नैनं प्रापाहताशुभः ॥ ८ ॥

palāyanaṁ yadu-kule jātasya tava nocitam iti kṣipann anugato nainaṁ prāpāhatāśubhaḥ

पीछा करते हुए वह ताना मारता रहा—'यदुकुल में जन्म लेकर भागना तुम्हें शोभा नहीं देता!'—फिर भी अपने अशुभ कर्मों के कारण वह उन्हें पकड़ न सका।

श्लोक 9 (bhagavata.10.51.9)

एवं क्षिप्तोऽपि भगवान्प्राविशद् गिरिकन्दरम् । सोऽपि प्रविष्टस्तत्रान्यं शयानं ददृशे नरम् ॥ ९ ॥

evaṁ kṣipto ’pi bhagavān prāviśad giri-kandaram so ’pi praviṣṭas tatrānyaṁ śayānaṁ dadṛśe naram

इस प्रकार अपमानित होते हुए भी भगवान उस पर्वत-गुफा में प्रविष्ट हो गए; वह भी वहाँ प्रवेश कर एक अन्य पुरुष को सोया हुआ देखने लगा।

श्लोक 10 (bhagavata.10.51.10)

नन्वसौ दूरमानीय शेते मामिह साधुवत् । इति मत्वाच्युतं मूढस्तं पदा समताडयत् ॥ १० ॥

nanv asau dūram ānīya śete mām iha sādhu-vat iti matvācyutaṁ mūḍhas taṁ padā samatāḍayat

'तो इतनी दूर ले जाकर अब यह साधु के समान चुपचाप लेटा है!' ऐसा सोचकर उस मूर्ख ने सोए हुए पुरुष को अच्युत समझ कर पैर से ठोकर मारी।

श्लोक 11 (bhagavata.10.51.11)

स उत्थाय चिरं सुप्तः शनैरुन्मील्य लोचने । दिशो विलोकयन् पार्श्वे तमद्राक्षीदवस्थितम् ॥ ११ ॥

sa utthāya ciraṁ suptaḥ śanair unmīlya locane diśo vilokayan pārśve tam adrākṣīd avasthitam

बहुत काल से सोया हुआ वह पुरुष धीरे-धीरे अपनी आँखें खोलकर चारों ओर देखने लगा और अपने निकट खड़े उस यवन को देखा।

श्लोक 12 (bhagavata.10.51.12)

स तावत्तस्य रुष्टस्य दृष्टिपातेन भारत । देहजेनाग्निना दग्धो भस्मसादभवत् क्षणात् ॥ १२ ॥

sa tāvat tasya ruṣṭasya dṛṣṭi-pātena bhārata deha-jenāgninā dagdho bhasma-sād abhavat kṣaṇāt

हे भरतवंशी! उस क्रुद्ध पुरुष ने मात्र दृष्टिपात किया और उसके शरीर से उत्पन्न अग्नि से वह यवन क्षणभर में भस्म हो गया।

श्लोक 13 (bhagavata.10.51.13)

श्रीराजोवाच को नाम स पुमान् ब्रह्मन् कस्य किंवीर्य एव च । कस्माद् गुहां गतः शिष्ये किंतेजो यवनार्दनः ॥ १३ ॥

śrī-rājovāca ko nāma sa pumān brahman kasya kiṁ-vīrya eva ca kasmād guhāṁ gataḥ śiṣye kiṁ-tejo yavanārdanaḥ

राजा परीक्षित ने कहा — 'हे ब्राह्मण! वह कौन पुरुष था? वह किस कुल का था और उसमें कैसा पराक्रम था? वह उस गुफा में क्यों सोया था, और किसके तेज से उस यवन का नाश हुआ?'

श्लोक 14 (bhagavata.10.51.14)

श्रीशुक उवाच स इक्ष्वाकुकुले जातो मान्धातृतनयो महान् । मुचुकुन्द इति ख्यातो ब्रह्मण्यः सत्यसङ्गरः ॥ १४ ॥

śrī-śuka uvāca sa ikṣvāku-kule jāto māndhātṛ-tanayo mahān mucukunda iti khyāto brahmaṇyaḥ satya-saṅgaraḥ

शुकदेव जी ने कहा — मुचुकुन्द नामक वह महापुरुष इक्ष्वाकु वंश में मान्धाता के पुत्र रूप में उत्पन्न हुआ था; वह ब्राह्मणभक्त था और युद्ध में सदा सत्यनिष्ठ रहता था।

श्लोक 15 (bhagavata.10.51.15)

स याचितः सुरगणैरिन्द्राद्यैरात्मरक्षणे । असुरेभ्यः परित्रस्तैस्तद्रक्षां सोऽकरोच्चिरम् ॥ १५ ॥

sa yācitaḥ sura-gaṇair indrādyair ātma-rakṣaṇe asurebhyaḥ paritrastais tad-rakṣāṁ so ’karoc ciram

असुरों से भयभीत इन्द्र आदि देवताओं की प्रार्थना पर उसने उनकी रक्षा की और दीर्घकाल तक यह कार्य करता रहा।

श्लोक 16 (bhagavata.10.51.16)

लब्ध्वा गुहं ते स्वःपालं मुचुकुन्दमथाब्रुवन् । राजन् विरमतां कृच्छ्राद् भवान् नः परिपालनात् ॥ १६ ॥

labdhvā guhaṁ te svaḥ-pālaṁ mucukundam athābruvan rājan viramatāṁ kṛcchrād bhavān naḥ paripālanāt

जब उन्हें गुह (कार्तिकेय) रक्षक के रूप में प्राप्त हो गए, तब उन्होंने मुचुकुन्द से कहा—'हे राजन्, अब आप हमारी इस कठिन रक्षा-सेवा से मुक्त हो सकते हैं।'

श्लोक 17 (bhagavata.10.51.17)

नरलोकं परित्यज्य राज्यं निहतकण्टकम् । अस्मान् पालयतो वीर कामास्ते सर्व उज्झिताः ॥ १७ ॥

nara-lokaṁ parityajya rājyaṁ nihata-kaṇṭakam asmān pālayato vīra kāmās te sarva ujjhitāḥ

'हे वीर! मनुष्यलोक के निष्कण्टक राज्य को त्यागकर आपने अपनी सभी कामनाओं को छोड़ते हुए हमारी रक्षा की है।'

श्लोक 18 (bhagavata.10.51.18)

सुता महिष्यो भवतो ज्ञातयोऽमात्यमन्त्रिणः । प्रजाश्च तुल्यकालीना नाधुना सन्ति कालिताः ॥ १८ ॥

sutā mahiṣyo bhavato jñātayo ’mātya-mantrinaḥ prajāś ca tulya-kālīnā nādhunā santi kālitāḥ

'आपके समकालीन पुत्र, रानियाँ, बन्धु-बान्धव, मंत्री, सलाहकार और प्रजा—अब कोई जीवित नहीं है; काल ने सबको अपने साथ ले लिया है।'

श्लोक 19 (bhagavata.10.51.19)

कालो बलीयान् बलिनां भगवानीश्वरोऽव्ययः । प्रजाः कालयते क्रीडन् पशुपालो यथा पशून् ॥ १९ ॥

kālo balīyān balināṁ bhagavān īśvaro ’vyayaḥ prajāḥ kālayate krīḍan paśu-pālo yathā paśūn

'बलवानों में भी बलवान वह काल स्वयं अविनाशी भगवान ही है; जैसे गोपाल क्रीड़ा करते हुए अपने पशुओं को हाँकता है, वैसे ही वह समस्त प्राणियों को गति देता है।'

श्लोक 20 (bhagavata.10.51.20)

वरं वृणीष्व भद्रं ते ऋते कैवल्यमद्य नः । एक एवेश्वरस्तस्य भगवान् विष्णुरव्ययः ॥ २० ॥

varaṁ vṛṇīṣva bhadraṁ te ṛte kaivalyam adya naḥ eka eveśvaras tasya bhagavān viṣṇur avyayaḥ

'आपका कल्याण हो—अब हमसे कोई वरदान माँग लीजिए, मुक्ति को छोड़कर, क्योंकि केवल अविनाशी भगवान विष्णु ही वह प्रदान कर सकते हैं।'

श्लोक 21 (bhagavata.10.51.21)

एवमुक्तः स वै देवानभिवन्द्य महायशाः । अशयिष्ट गुहाविष्टो निद्रया देवदत्तया ॥ २१ ॥

evam uktaḥ sa vai devān abhivandya mahā-yaśāḥ aśayiṣṭa guhā-viṣṭo nidrayā deva-dattayā

इस प्रकार कहे जाने पर वह महायशस्वी पुरुष देवताओं को प्रणाम कर गुफा में प्रविष्ट हुआ और उनके द्वारा दिए गए निद्रा-वरदान का आनंद लेते हुए लेट गया।

श्लोक 22 (bhagavata.10.51.22)

यवने भस्मसान्नीते भगवान् सात्वतर्षभः । आत्मानं दर्शयामास मुचुकुन्दाय धीमते ॥ २२ ॥

yavane bhasma-sān nīte bhagavān sātvatarṣabhaḥ ātmānaṁ darśayām āsa mucukundāya dhīmate

यवन के भस्म हो जाने पर सात्वतकुल के सर्वश्रेष्ठ भगवान ने बुद्धिमान मुचुकुन्द को अपना दर्शन दिया।

श्लोक 23 (bhagavata.10.51.23)

तमालोक्य घनश्यामं पीतकौशेयवाससम् । श्रीवत्सवक्षसं भ्राजत्कौस्तुभेन विराजितम् ॥ २३ ॥

tam ālokya ghana-śyāmaṁ pīta-kauśeya-vāsasam śrīvatsa-vakṣasaṁ bhrājat kaustubhena virājitam

उन्हें देखकर—मेघ के समान श्याम, पीताम्बरधारी, वक्षस्थल पर श्रीवत्स-चिह्न और गले में देदीप्यमान कौस्तुभमणि से सुशोभित—

श्लोक 24 (bhagavata.10.51.24)

चतुर्भुजं रोचमानं वैजयन्त्या च मालया । चारुप्रसन्नवदनं स्फुरन्मकरकुण्डलम् ॥ २४ ॥

catur-bhujaṁ rocamānaṁ vaijayantyā ca mālayā cāru-prasanna-vadanaṁ sphuran-makara-kuṇḍalam

चतुर्भुज, वैजयन्ती माला से देदीप्यमान, मनोहर एवं प्रसन्न मुखमण्डल तथा चमकते मकराकार कुण्डलों से युक्त,

श्लोक 25 (bhagavata.10.51.25)

प्रेक्षणीयं नृलोकस्य सानुरागस्मितेक्षणम् । अपीव्यवयसं मत्तमृगेन्द्रोदारविक्रमम् ॥ २५ ॥

prekṣaṇīyaṁ nṛ-lokasya sānurāga-smitekṣaṇam apīvya-vayasaṁ matta- mṛgendrodāra-vikramam

समस्त लोगों के नेत्रों को आनंद देने वाले, प्रेमपूर्ण मुस्कान से युक्त कोमल दृष्टि वाले, परम सुंदर यौवन से सम्पन्न तथा मत्त सिंह के समान उदार गति वाले—

श्लोक 26 (bhagavata.10.51.26)

पर्यपृच्छन्महाबुद्धिस्तेजसा तस्य धर्षितः । शङ्कितः शनकै राजा दुर्धर्षमिव तेजसा ॥ २६ ॥

paryapṛcchan mahā-buddhis tejasā tasya dharṣitaḥ śaṅkitaḥ śanakai rājā durdharṣam iva tejasā

उनके तेज से अभिभूत होकर, अत्यंत बुद्धिमान होते हुए भी संकोचयुक्त राजा धीरे-धीरे उनसे प्रश्न पूछने लगा, मानो किसी दुर्धर्ष तेजस्वी वस्तु के समक्ष हो।

श्लोक 27 (bhagavata.10.51.27)

श्रीमुचुकुन्द उवाच को भवानिह सम्प्राप्तो विपिने गिरिगह्वरे । पद्भ्यां पद्मपलाशाभ्यां विचरस्युरुकण्टके ॥ २७ ॥

śrī-mucukunda uvāca ko bhavān iha samprāpto vipine giri-gahvare padbhyāṁ padma-palāśābhyāṁ vicarasy uru-kaṇṭake

श्रीमुचुकुन्द ने कहा — 'यहाँ इस कण्टकाकीर्ण पर्वत-वन में कमलदल के समान कोमल चरणों से विचरण करते हुए आप कौन हैं?'

श्लोक 28 (bhagavata.10.51.28)

किंस्वित्तेजस्विनां तेजो भगवान् वा विभावसुः । सूर्यः सोमो महेन्द्रो वा लोकपालोऽपरोऽपि वा ॥ २८ ॥

kiṁ svit tejasvināṁ tejo bhagavān vā vibhāvasuḥ sūryaḥ somo mahendro vā loka-pālo paro ’pi vā

'क्या आप समस्त तेजस्वियों के तेज हैं, अथवा प्रतापी अग्निदेव, सूर्य, चन्द्र, महेन्द्र या किसी अन्य लोक के अधिपति हैं?'

श्लोक 29 (bhagavata.10.51.29)

मन्ये त्वां देवदेवानां त्रयाणां पुरुषर्षभम् । यद् बाधसे गुहाध्वान्तं प्रदीपः प्रभया यथा ॥ २९ ॥

manye tvāṁ deva-devānāṁ trayāṇāṁ puruṣarṣabham yad bādhase guhā-dhvāntaṁ pradīpaḥ prabhayā yathā

'मुझे लगता है कि आप तीनों प्रमुख देवताओं में सर्वश्रेष्ठ हैं, क्योंकि आप इस गुफा के अंधकार को उसी प्रकार दूर कर रहे हैं जैसे दीपक अपने प्रकाश से अंधकार को हटाता है।'

श्लोक 30 (bhagavata.10.51.30)

शुश्रूषतामव्यलीकमस्माकं नरपुङ्गव । स्वजन्म कर्म गोत्रं वा कथ्यतां यदि रोचते ॥ ३० ॥

śuśrūṣatām avyalīkam asmākaṁ nara-puṅgava sva-janma karma gotraṁ vā kathyatāṁ yadi rocate

'हे नरश्रेष्ठ! यदि आपको उचित लगे तो कृपया सत्यपूर्वक अपने जन्म, कर्म तथा वंश के विषय में बताइए, क्योंकि हम सुनने के इच्छुक हैं।'

श्लोक 31 (bhagavata.10.51.31)

वयं तु पुरुषव्याघ्र ऐक्ष्वाकाः क्षत्रबन्धवः । मुचुकुन्द इति प्रोक्तो यौवनाश्वात्मजः प्रभो ॥ ३१ ॥

vayaṁ tu puruṣa-vyāghra aikṣvākāḥ kṣatra-bandhavaḥ mucukunda iti prokto yauvanāśvātmajaḥ prabho

'हे पुरुषश्रेष्ठ! हम इक्ष्वाकु वंश के क्षत्रिय हैं; हे प्रभु, मुझे मुचुकुन्द कहा जाता है और मैं यौवनाश्व का पुत्र हूँ।'

श्लोक 32 (bhagavata.10.51.32)

चिरप्रजागरश्रान्तो निद्रयापहतेन्द्रियः । शयेऽस्मिन् विजने कामं केनाप्युत्थापितोऽधुना ॥ ३२ ॥

cira-prajāgara-śrānto nidrayāpahatendriyaḥ śaye ’smin vijane kāmaṁ kenāpy utthāpito ’dhunā

'दीर्घकाल तक जागते रहने से थककर तथा निद्रा से अभिभूत होकर मैं इस एकांत स्थान में अपनी इच्छा से लेट गया था, जब तक अभी किसी ने मुझे जगाया।'

श्लोक 33 (bhagavata.10.51.33)

सोऽपि भस्मीकृतो नूनमात्मीयेनैव पाप्मना । अनन्तरं भवान् श्रीमाल्ँ लक्षितोऽमित्रशासनः ॥ ३३ ॥

so ’pi bhasmī-kṛto nūnam ātmīyenaiva pāpmanā anantaraṁ bhavān śrīmāḻ lakṣito ’mitra-śāsanaḥ

'वह पुरुष अपने ही पाप से तत्काल भस्म हो गया; और तत्पश्चात् ही मैंने शत्रुओं के दमनकर्ता आपके तेजस्वी रूप को देखा।'

श्लोक 34 (bhagavata.10.51.34)

तेजसा तेऽविषह्येण भूरि द्रष्टुं न शक्नुमः । हतौजसा महाभाग माननीयोऽसि देहिनाम् ॥ ३४ ॥

tejasā te ’viṣahyeṇa bhūri draṣṭuṁ na śaknumaḥ hataujasā mahā-bhāga mānanīyo ’si dehinām

'आपके असह्य तेज से हमारी शक्ति क्षीण हो जाती है और हम आपको भलीभाँति देख नहीं पाते; हे परम भाग्यशाली! आप समस्त देहधारियों द्वारा पूज्य हैं।'

श्लोक 35 (bhagavata.10.51.35)

एवं सम्भाषितो राज्ञा भगवान् भूतभावनः । प्रत्याह प्रहसन् वाण्या मेघनादगभीरया ॥ ३५ ॥

evaṁ sambhāṣito rājñā bhagavān bhūta-bhāvanaḥ pratyāha prahasan vāṇyā megha-nāda-gabhīrayā

राजा द्वारा इस प्रकार सम्बोधित किए जाने पर, समस्त सृष्टि के मूल स्वयं भगवान मुस्कुराए और मेघ-गर्जन के समान गंभीर वाणी में उत्तर दिया।

श्लोक 36 (bhagavata.10.51.36)

श्रीभगवानुवाच जन्मकर्माभिधानानि सन्ति मेऽङ्ग सहस्रशः । न शक्यन्तेऽनुसङ्ख्यातुमनन्तत्वान्मयापि हि ॥ ३६ ॥

śrī-bhagavān uvāca janma-karmābhidhānāni santi me ’ṅga sahasraśaḥ na śakyante ’nusaṅkhyātum anantatvān mayāpi hi

श्रीभगवान ने कहा — 'हे प्रिय! मेरे जन्म, कर्म और नाम सहस्रों में विद्यमान हैं; वे अनंत होने के कारण मैं स्वयं भी उनकी गणना नहीं कर सकता।'

श्लोक 37 (bhagavata.10.51.37)

क्वचिद् रजांसि विममे पार्थिवान्युरुजन्मभिः । गुणकर्माभिधानानि न मे जन्मानि कर्हिचित् ॥ ३७ ॥

kvacid rajāṁsi vimame pārthivāny uru-janmabhiḥ guṇa-karmābhidhānāni na me janmāni karhicit

'कोई अनेक जन्मों में पृथ्वी के धूलिकणों को भी गिन सकता है, किन्तु मेरे गुणों, कर्मों, नामों और जन्मों को कभी नहीं गिन सकता।'

श्लोक 38 (bhagavata.10.51.38)

कालत्रयोपपन्नानि जन्मकर्माणि मे नृप । अनुक्रमन्तो नैवान्तं गच्छन्ति परमर्षयः ॥ ३८ ॥

kāla-trayopapannāni janma-karmāṇi me nṛpa anukramanto naivāntaṁ gacchanti paramarṣayaḥ

'हे राजन्! तीनों कालों में घटित होने वाले मेरे जन्म और कर्म ऐसे हैं कि गिनते-गिनते भी बड़े-बड़े ऋषि कभी उनका अंत नहीं पा सके।'

श्लोक 39 (bhagavata.10.51.39)

तथाप्यद्यतनान्यङ्ग शृणुष्व गदतो मम । विज्ञापितो विरिञ्चेन पुराहं धर्मगुप्तये । भूमेर्भारायमाणानामसुराणां क्षयाय च ॥ ३९ ॥

tathāpy adyatanāny aṅga śṛnuṣva gadato mama vijñāpito viriñcena purāhaṁ dharma-guptaye

'फिर भी, हे मित्र! मुझसे मेरे वर्तमान जन्म के विषय में सुनो। बहुत पहले ब्रह्मा जी ने मुझसे धर्म की रक्षा हेतु प्रार्थना की थी—'

श्लोक 40 (bhagavata.10.51.40)

अवतीर्णो यदुकुले गृह आनकदुन्दुभेः । वदन्ति वासुदेवेति वसुदेवसुतं हि माम् ॥ ४० ॥

bhūmer bhārāyamāṇānām asurāṇāṁ kṣayāya ca avatīrṇo yadu-kule gṛha ānakadundubheḥ vadanti vāsudeveti vasudeva-sutaṁ hi mām

'—तथा पृथ्वी पर भार-स्वरूप असुरों के विनाश हेतु मैं यदुवंश में आनकदुन्दुभि (वसुदेव) के घर अवतीर्ण हुआ; वसुदेव का पुत्र होने के कारण लोग मुझे वासुदेव कहते हैं।'

श्लोक 41 (bhagavata.10.51.41)

कालनेमिर्हतः कंसः प्रलम्बाद्याश्च सद्द्विषः । अयं च यवनो दग्धो राजंस्ते तिग्मचक्षुषा ॥ ४१ ॥

kālanemir hataḥ kaṁsaḥ pralambādyāś ca sad-dviṣaḥ ayaṁ ca yavano dagdho rājaṁs te tigma-cakṣuṣā

'मैंने कालनेमि को, जो कंस के रूप में जन्मा था, प्रलम्ब आदि सज्जनों के अन्य शत्रुओं के साथ मार डाला; और हे राजन्, अब यह यवन भी आपकी तीक्ष्ण दृष्टि से भस्म हो गया।'

श्लोक 42 (bhagavata.10.51.42)

सोऽहं तवानुग्रहार्थं गुहामेतामुपागतः । प्रार्थितः प्रचुरं पूर्वं त्वयाहं भक्तवत्सलः ॥ ४२ ॥

so ’haṁ tavānugrahārthaṁ guhām etām upāgataḥ prārthitaḥ pracuraṁ pūrvaṁ tvayāhaṁ bhakta-vatsalaḥ

'तुम्हारे ऊपर कृपा करने हेतु मैं स्वयं इस गुफा में आया हूँ; क्योंकि पूर्वकाल में तुमने मुझसे बारंबार प्रार्थना की थी, और मैं अपने भक्तों के प्रति सदा स्नेहशील हूँ।'

श्लोक 43 (bhagavata.10.51.43)

वरान्वृणीष्व राजर्षे सर्वान् कामान् ददामि ते । मां प्रसन्नो जनः कश्चिन्न भूयोऽर्हति शोचितुम् ॥ ४३ ॥

varān vṛṇīṣva rājarṣe sarvān kāmān dadāmi te māṁ prasanno janaḥ kaścin na bhūyo ’rhati śocitum

'हे राजर्षे! अब वरदान माँग लो; मैं तुम्हारी सभी इच्छाएँ पूर्ण करूँगा। जिसने मुझे प्रसन्न कर लिया, उसे फिर कभी शोक नहीं करना पड़ता।'

श्लोक 44 (bhagavata.10.51.44)

श्रीशुक उवाच इत्युक्तस्तं प्रणम्याह मुचुकुन्दो मुदान्वितः । ज्ञात्वा नारायणं देवं गर्गवाक्यमनुस्मरन् ॥ ४४ ॥

śrī-śuka uvāca ity uktas taṁ praṇamyāha mucukundo mudānvitaḥ jñātvā nārāyaṇaṁ devaṁ garga-vākyam anusmaran

शुकदेव जी ने कहा — इस प्रकार कहे जाने पर मुचुकुन्द ने हर्षित होकर उन्हें प्रणाम किया और गर्ग मुनि के वचनों का स्मरण करते हुए उन्हें साक्षात् भगवान नारायण जानकर इस प्रकार कहा।

श्लोक 45 (bhagavata.10.51.45)

श्रीमुचुकुन्द उवाच विमोहितोऽयं जन ईश मायया त्वदीयया त्वां न भजत्यनर्थदृक् । सुखाय दुःखप्रभवेषु सज्जते गृहेषु योषित् पुरुषश्च वञ्चितः ॥ ४५ ॥

śrī-mucukunda uvāca vimohito ’yaṁ jana īśa māyayā tvadīyayā tvāṁ na bhajaty anartha-dṛk sukhāya duḥkha-prabhaveṣu sajjate gṛheṣu yoṣit puruṣaś ca vañcitaḥ

श्रीमुचुकुन्द ने कहा — 'हे ईश! यह जगत् आपकी ही माया से मोहित है; अपने वास्तविक कल्याण से अनजान लोग आपकी उपासना नहीं करते, अपितु छले जाकर सुख की खोज में गृहस्थी के दुःखों में ही उलझे रहते हैं।'

श्लोक 46 (bhagavata.10.51.46)

लब्ध्वा जनो दुर्लभमत्र मानुषं कथञ्चिदव्यङ्गमयत्नतोऽनघ । पादारविन्दं न भजत्यसन्मति- र्गृहान्धकूपे पतितो यथा पशुः ॥ ४६ ॥

labdhvā jano durlabham atra mānuṣaṁ kathañcid avyaṅgam ayatnato ’nagha pādāravindaṁ na bhajaty asan-matir gṛhāndha-kūpe patito yathā paśuḥ

'हे निष्पाप! जिसने बिना प्रयास किए इस दुर्लभ तथा अविकृत मनुष्य-देह को किसी प्रकार पा लिया, फिर भी जिसकी बुद्धि मलिन होने से वह आपके चरणकमलों की उपासना नहीं करता, वह पशु के समान गृहस्थी रूपी अंधे कुएँ में गिर जाता है।'

श्लोक 47 (bhagavata.10.51.47)

ममैष कालोऽजित निष्फलो गतो राज्यश्रियोन्नद्धमदस्य भूपतेः । मर्त्यात्मबुद्धेः सुतदारकोशभू- ष्वासज्जमानस्य दुरन्तचिन्तया ॥ ४७ ॥

mamaiṣa kālo ’jita niṣphalo gato rājya-śriyonnaddha-madasya bhū-pateḥ martyātma-buddheḥ suta-dāra-kośa-bhūṣv āsajjamānasya duranta-cintayā

'हे अजित! राज्य और ऐश्वर्य के मद से उन्मत्त पृथ्वीपति के रूप में, इस नश्वर देह को ही आत्मा मानकर, पुत्र, पत्नी, कोष और भूमि में आसक्त रहकर मेरा यह समय व्यर्थ बीत गया, और मैं अंतहीन चिंता से संतप्त होता रहा।'

श्लोक 48 (bhagavata.10.51.48)

कलेवरेऽस्मिन् घटकुड्यसन्निभे निरूढमानो नरदेव इत्यहम् । वृतो रथेभाश्वपदात्यनीकपै- र्गां पर्यटंस्त्वागणयन् सुदुर्मदः ॥ ४८ ॥

kalevare ’smin ghaṭa-kuḍya-sannibhe nirūḍha-māno nara-deva ity aham vṛto rathebhāśva-padāty-anīkapair gāṁ paryaṭaṁs tvāgaṇayan su-durmadaḥ

'इस शरीर को, जो घड़े या दीवार के समान ही जड़ है, अपना स्वरूप मानकर और मिथ्या अभिमान से स्वयं को मनुष्यों में देवता समझकर, मैं रथ, हाथी, घोड़े, पदाति और सेनापतियों से घिरा हुआ पृथ्वी पर विचरण करता रहा, अपने मद में आपको ज़रा भी महत्त्व न देते हुए।'

श्लोक 49 (bhagavata.10.51.49)

प्रमत्तमुच्चैरितिकृत्यचिन्तया प्रवृद्धलोभं विषयेषु लालसम् । त्वमप्रमत्तः सहसाभिपद्यसे क्षुल्लेलिहानोऽहिरिवाखुमन्तकः ॥ ४९ ॥

pramattam uccair itikṛtya-cintayā pravṛddha-lobhaṁ viṣayeṣu lālasam tvam apramattaḥ sahasābhipadyase kṣul-lelihāno ’hir ivākhum antakaḥ

'कर्तव्य के विचारों से पूर्णतः मोहित, विषयों के प्रति प्रबल लोभ रखने वाला तथा भोग की लालसा से युक्त पुरुष को आप, जो सदा सचेत रहते हैं, अचानक आ घेरते हैं—जैसे भूखा सर्प अपने विषदंत चाटते हुए चूहे पर मृत्यु के समान झपटता है।'

श्लोक 50 (bhagavata.10.51.50)

पुरा रथैर्हेमपरिष्कृतैश्चरन् मतंगजैर्वा नरदेवसंज्ञितः । स एव कालेन दुरत्ययेन ते कलेवरो विट्कृमिभस्मसंज्ञितः ॥ ५० ॥

purā rathair hema-pariṣkṛtaiś caran mataṁ-gajair vā nara-deva-saṁjñitaḥ sa eva kālena duratyayena te kalevaro viṭ-kṛmi-bhasma-saṁjñitaḥ

'जो देह पहले स्वर्णजड़ित रथों अथवा मत्त गजों पर आरूढ़ होकर "राजा" कहलाती थी, वही आपके अपरिहार्य कालबल से बाद में विष्ठा, कृमि अथवा भस्म के नाम से पुकारी जाती है।'

श्लोक 51 (bhagavata.10.51.51)

निर्जित्य दिक्चक्रमभूतविग्रहो वरासनस्थः समराजवन्दितः । गृहेषु मैथुन्यसुखेषु योषितां क्रीडामृगः पूरुष ईश नीयते ॥ ५१ ॥

nirjitya dik-cakram abhūta-vigraho varāsana-sthaḥ sama-rāja-vanditaḥ gṛheṣu maithunya-sukheṣu yoṣitāṁ krīḍā-mṛgaḥ pūruṣa īśa nīyate

'सभी दिशाओं को जीतकर, प्रतिद्वंद्विरहित होकर, भव्य सिंहासन पर विराजमान तथा अपने समकक्ष रहे राजाओं से सम्मानित होने वाला पुरुष भी, हे ईश, अंतःपुर में स्त्रियों के सुख-भोग में क्रीड़ा-पशु के समान इधर-उधर घसीटा जाता है।'

श्लोक 52 (bhagavata.10.51.52)

करोति कर्माणि तपःसुनिष्ठितो निवृत्तभोगस्तदपेक्षयाददत् । पुनश्च भूयासमहं स्वराडिति प्रवृद्धतर्षो न सुखाय कल्पते ॥ ५२ ॥

karoti karmāṇi tapaḥ-suniṣṭhito nivṛtta-bhogas tad-apekṣayādadat punaś ca bhūyāsam ahaṁ sva-rāḍ iti pravṛddha-tarṣo na sukhāya kalpate

'तप में सुदृढ़ होकर भोग त्यागकर कर्म करने वाला भी, "मैं और अधिक स्वतंत्र तथा सर्वोपरि बनूँ" ऐसी बढ़ती हुई लालसा रखते हुए, कभी सुख को प्राप्त नहीं कर पाता।'

श्लोक 53 (bhagavata.10.51.53)

भवापवर्गो भ्रमतो यदा भवे- ज्जनस्य तर्ह्यच्युत सत्समागमः । सत्सङ्गमो यर्हि तदैव सद्गतौ परावरेशे त्वयि जायते मतिः ॥ ५३ ॥

bhavāpavargo bhramato yadā bhavej janasya tarhy acyuta sat-samāgamaḥ sat-saṅgamo yarhi tadaiva sad-gatau parāvareśe tvayi jāyate matiḥ

'हे अच्युत! जब भ्रमणशील जीव का भवबंधन समाप्त होता है, तब उसे आपके साधु भक्तों का संग प्राप्त होता है; और उसी सत्संग से ही साधुओं के गन्तव्य तथा कारण-कार्य के स्वामी आपके प्रति भक्ति उत्पन्न होती है।'

श्लोक 54 (bhagavata.10.51.54)

मन्ये ममानुग्रह ईश ते कृतो राज्यानुबन्धापगमो यदृच्छया । यः प्रार्थ्यते साधुभिरेकचर्यया वनं विविक्षद्भिरखण्डभूमिपैः ॥ ५४ ॥

manye mamānugraha īśa te kṛto rājyānubandhāpagamo yadṛcchayā yaḥ prārthyate sādhubhir eka-caryayā vanaṁ vivikṣadbhir akhaṇḍa-bhūmi-paiḥ

'हे ईश! मुझे लगता है कि आपने मुझ पर कृपा की है, क्योंकि राज्य के प्रति मेरी आसक्ति अपने आप समाप्त हो गई है—यह वही मुक्ति है जिसके लिए विशाल अखण्ड राज्य वाले साधु शासक भी वन में एकांतवास हेतु प्रार्थना करते हैं।'

श्लोक 55 (bhagavata.10.51.55)

न कामयेऽन्यं तव पादसेवना- दकिञ्चनप्रार्थ्यतमाद्वरं विभो । आराध्य कस्त्वां ह्यपवर्गदं हरे वृणीत आर्यो वरमात्मबन्धनम् ॥ ५५ ॥

na kāmaye ’nyaṁ tava pāda-sevanād akiñcana-prārthyatamād varaṁ vibho ārādhya kas tvāṁ hy apavarga-daṁ hare vṛṇīta āryo varam ātma-bandhanam

'हे सर्वशक्तिमान! मुझे आपके चरणों की सेवा के अतिरिक्त कोई अन्य वर नहीं चाहिए, जो अकिंचन भक्तों द्वारा सर्वाधिक चाहा जाने वाला वर है। हे हरि! मुक्तिदाता आपकी आराधना करके भला कौन बुद्धिमान अपने ही बंधन का कारण बनने वाला वरदान चुनेगा?'

श्लोक 56 (bhagavata.10.51.56)

तस्माद्विसृज्याशिष ईश सर्वतो रजस्तमःसत्त्वगुणानुबन्धनाः । निरञ्जनं निर्गुणमद्वयं परं त्वां ज्ञाप्तिमात्रं पुरुषं व्रजाम्यहम् ॥ ५६ ॥

tasmād visṛjyāśiṣa īśa sarvato rajas-tamaḥ-sattva-guṇānubandhanāḥ nirañjanaṁ nirguṇam advayaṁ paraṁ tvāṁ jñāpti-mātraṁ puruṣaṁ vrajāmy aham

'अतः हे ईश! रजो, तमो और सत्त्व गुणों से बंधी समस्त कामनाओं को सर्वथा त्यागकर मैं आपकी शरण में आता हूँ—जो सांसारिक उपाधियों से रहित, गुणातीत, अद्वितीय, परम तथा शुद्ध ज्ञानस्वरूप आदिपुरुष हैं।'

श्लोक 57 (bhagavata.10.51.57)

चिरमिह वृजिनार्तस्तप्यमानोऽनुतापै- रवितृषषडमित्रोऽलब्धशान्तिः कथञ्चित् । शरणद समुपेतस्त्वत्पदाब्जं परात्म- नभयमृतमशोकं पाहि मापन्नमीश ॥ ५७ ॥

ciram iha vṛjinārtas tapyamāno ’nutāpair avitṛṣa-ṣaḍ-amitro ’labdha-śāntiḥ kathañcit śaraṇa-da samupetas tvat-padābjaṁ parātman abhayam ṛtam aśokaṁ pāhi māpannam īśa

'इस संसार में चिरकाल से क्लेशों से पीड़ित और पश्चाताप से जलता हुआ, मेरे छह शत्रु कभी तृप्त नहीं होते और मुझे किसी भी उपाय से शांति नहीं मिलती—हे शरणदाता, हे परमात्मन्! मैं किसी प्रकार आपके उन चरणकमलों की शरण में आया हूँ, जो सत्यस्वरूप, निर्भय तथा शोकरहित हैं; हे ईश! संकट में पड़े मेरी रक्षा कीजिए।'

श्लोक 58 (bhagavata.10.51.58)

श्रीभगवानुवाच सार्वभौम महाराज मतिस्ते विमलोर्जिता । वरैः प्रलोभितस्यापि न कामैर्विहता यतः ॥ ५८ ॥

śrī-bhagavān uvāca sārvabhauma mahā-rāja matis te vimalorjitā varaiḥ pralobhitasyāpi na kāmair vihatā yataḥ

श्रीभगवान ने कहा — 'हे सार्वभौम, हे महाराज! तुम्हारी बुद्धि निर्मल और सुदृढ़ है, क्योंकि वरदानों से प्रलोभित होने पर भी वह भौतिक कामनाओं से पराजित नहीं हुई।'

श्लोक 59 (bhagavata.10.51.59)

प्रलोभितो वरैर्यत्त्वमप्रमादाय विद्धि तत् । न धीरेकान्तभक्तानामाशीर्भिर्भिद्यते क्वचित् ॥ ५९ ॥

pralobhito varair yat tvam apramādāya viddhi tat na dhīr ekānta-bhaktānām āśīrbhir bhidyate kvacit

'यह जान लो कि वरदानों से तुम्हें प्रलोभित करना केवल तुम्हारी दृढ़ता को सिद्ध करने के लिए था; क्योंकि अनन्य भक्तों की बुद्धि ऐसे वरदानों से कभी विचलित नहीं होती।'

श्लोक 60 (bhagavata.10.51.60)

युञ्जानानामभक्तानां प्राणायामादिभिर्मनः । अक्षीणवासनं राजन् दृश्यते पुनरुत्थितम् ॥ ६० ॥

yuñjānānām abhaktānāṁ prāṇāyāmādibhir manaḥ akṣīṇa-vāsanaṁ rājan dṛśyate punar utthitam

'हे राजन्! प्राणायाम आदि साधनाओं में लगे अभक्तों के मन, जिनकी वासनाएँ पूर्णतः नष्ट नहीं हुई होतीं, पुनः विषय-भोग की ओर उठते हुए देखे जाते हैं।'

श्लोक 61 (bhagavata.10.51.61)

विचरस्व महीं कामं मय्यावेशितमानसः । अस्त्वेवं नित्यदा तुभ्यं भक्तिर्मय्यनपायिनी ॥ ६१ ॥

vicarasva mahīṁ kāmaṁ mayy āveśita-mānasaḥ astv evaṁ nityadā tubhyaṁ bhaktir mayy anapāyinī

'अब पृथ्वी पर स्वेच्छा से विचरण करो, अपने मन को मुझमें स्थिर रखते हुए; तुम्हें मेरे प्रति ऐसी अटूट भक्ति सदा प्राप्त होती रहे।'

श्लोक 62 (bhagavata.10.51.62)

क्षात्रधर्मस्थितो जन्तून् न्यवधीर्मृगयादिभिः । समाहितस्तत्तपसा जह्यघं मदुपाश्रितः ॥ ६२ ॥

kṣātra-dharma-sthito jantūn nyavadhīr mṛgayādibhiḥ samāhitas tat tapasā jahy aghaṁ mad-upāśritaḥ

'क्षात्रधर्म में स्थित रहते हुए तुमने आखेट आदि में प्राणियों की हत्या की है; अब एकाग्रचित्त होकर मेरी शरण लेते हुए तप से उस पाप का नाश करो।'

श्लोक 63 (bhagavata.10.51.63)

जन्मन्यनन्तरे राजन् सर्वभूतसुहृत्तमः । भूत्वा द्विजवरस्त्वं वै मामुपैष्यसि केवलम् ॥ ६३ ॥

janmany anantare rājan sarva-bhūta-suhṛttamaḥ bhūtvā dvija-varas tvaṁ vai mām upaiṣyasi kevalam

'हे राजन्! अगले ही जन्म में तुम एक श्रेष्ठ ब्राह्मण बनोगे, समस्त प्राणियों के परम हितैषी होगे, और निश्चय ही मेरे पास ही आओगे।'