भगवान का इन्द्रप्रस्थ-गमन

श्लोक 1 (bhagavata.10.71.1)

श्रीशुक उवाच इत्युदीरितमाकर्ण्य देवर्षेरुद्धवोऽब्रवीत् । सभ्यानां मतमाज्ञाय कृष्णस्य च महामतिः ॥ 71.1 ॥

śrī-śuka uvāca ity udīritam ākarṇya devaṛṣer uddhavo ’bravīt sabhyānāṁ matam ājñāya kṛṣṇasya ca mahā-matiḥ

शुकदेव ने कहा — देवर्षि नारद द्वारा कहे गए इन वचनों को सुनकर तथा सभा और कृष्ण दोनों का अभिप्राय समझकर, महामति उद्धव बोलने लगे।

श्लोक 2 (bhagavata.10.71.2)

श्रीउद्धव उवाच यदुक्तमृषिना देव साचिव्यं यक्ष्यतस्त्वया । कार्यं पैतृष्वस्रेयस्य रक्षा च शरणैषिणाम् ॥ 71.2 ॥

śrī-uddhava uvāca yad uktam ṛṣinā deva sācivyaṁ yakṣyatas tvayā kāryaṁ paitṛ-ṣvasreyasya rakṣā ca śaraṇaiṣiṇām

श्री उद्धव ने कहा — हे देव! जैसा ऋषि ने कहा है, आपको यज्ञ करने जा रहे अपने बुआ-पुत्र (युधिष्ठिर) की सहायता करनी चाहिए तथा शरणागत राजाओं की भी रक्षा करनी चाहिए।

श्लोक 3 (bhagavata.10.71.3)

यष्टव्यं राजसूयेन दिक्चक्रजयिना विभो । अतो जरासुतजय उभयार्थो मतो मम ॥ 71.3 ॥

yaṣṭavyam rājasūyena dik-cakra-jayinā vibho ato jarā-suta-jaya ubhayārtho mato mama

हे प्रभो! राजसूय यज्ञ वही कर सकता है जिसने दिशाओं के समस्त मण्डल को जीत लिया हो। अतः मेरी सम्मति में जरासन्ध पर विजय दोनों प्रयोजनों को सिद्ध करने वाली होगी।

श्लोक 4 (bhagavata.10.71.4)

अस्माकं च महानर्थो ह्येतेनैव भविष्यति । यशश्च तव गोविन्द राज्ञो बद्धान् विमुञ्चतः ॥ 71.4 ॥

asmākaṁ ca mahān artho hy etenaiva bhaviṣyati yaśaś ca tava govinda rājño baddhān vimuñcataḥ

हे गोविन्द! इसी एक कार्य से हमारा भी महान् प्रयोजन सिद्ध होगा, और बन्दी राजाओं को मुक्त करने से आपकी कीर्ति भी फैलेगी।

श्लोक 5 (bhagavata.10.71.5)

स वै दुर्विषहो राजा नागायुतसमो बले । बलिनामपि चान्येषां भीमं समबलं विना ॥ 71.5 ॥

sa vai durviṣaho rājā nāgāyuta-samo bale balinām api cānyeṣāṁ bhīmaṁ sama-balaṁ vinā

वह राजा जरासन्ध वस्तुतः दुर्जय है, बल में दस सहस्र हाथियों के समान है; भीम को छोड़कर अन्य कोई भी बलवान उसके समान बल वाला नहीं है।

श्लोक 6 (bhagavata.10.71.6)

द्वैरथे स तु जेतव्यो मा शताक्षौहिणीयुतः । ब्राह्मण्योऽभ्यर्थितो विप्रैर्न प्रत्याख्याति कर्हिचित् ॥ 71.6 ॥

dvai-rathe sa tu jetavyo mā śatākṣauhiṇī-yutaḥ brāhmaṇyo ’bhyarthito viprair na pratyākhyāti karhicit

द्वंद्वयुद्ध में ही वह जीता जा सकता है, सौ अक्षौहिणी सेना से घिरे रहने पर नहीं। वह ब्राह्मणभक्त है और ब्राह्मणों की याचना को कभी अस्वीकार नहीं करता।

श्लोक 7 (bhagavata.10.71.7)

ब्रह्मवेषधरो गत्वा तं भिक्षेत वृकोदरः । हनिष्यति न सन्देहो द्वैरथे तव सन्निधौ ॥ 71.7 ॥

brahma-veṣa-dharo gatvā taṁ bhikṣeta vṛkodaraḥ haniṣyati na sandeho dvai-rathe tava sannidhau

वृकोदर (भीम) ब्राह्मण का वेश धारण कर वहाँ जाकर उससे भिक्षा के रूप में द्वंद्वयुद्ध माँगे; आपकी उपस्थिति में द्वंद्वयुद्ध में वह निश्चय ही उसका वध कर देगा, इसमें संदेह नहीं।

श्लोक 8 (bhagavata.10.71.8)

निमित्तं परमीशस्य विश्वसर्गनिरोधयोः । हिरण्यगर्भः शर्वश्च कालस्यारूपिणस्तव ॥ 71.8 ॥

nimittaṁ param īśasya viśva-sarga-nirodhayoḥ hiraṇyagarbhaḥ śarvaś ca kālasyārūpiṇas tava

हिरण्यगर्भ (ब्रह्मा) और शर्व (शिव) भी विश्व की सृष्टि और संहार में केवल आपके, अरूप काल-स्वरूप परमेश्वर के, निमित्त-कारण मात्र हैं।

श्लोक 9 (bhagavata.10.71.9)

गायन्ति ते विशदकर्म गृहेषु देव्यो राज्ञां स्वशत्रुवधमात्मविमोक्षणं च । गोप्यश्च कुञ्जरपतेर्जनकात्मजायाः पित्रोश्च लब्धशरणा मुनयो वयं च ॥ 71.9 ॥

gāyanti te viśada-karma gṛheṣu devyo rājñāṁ sva-śatru-vadham ātma-vimokṣaṇaṁ ca gopyaś ca kuñjara-pater janakātmajāyāḥ pitroś ca labdha-śaraṇā munayo vayaṁ ca

राजाओं की उन दिव्य पत्नियाँ अपने-अपने घरों में आपके उन उज्ज्वल कर्मों का गान करती हैं — अपने शत्रु के वध और अपनी मुक्ति का। गोपियाँ गजराज के तथा जनकनन्दिनी (सीता) के, तथा माता-पिता के उद्धार का गान करती हैं; और हम मुनिजन भी, जिन्हें आपकी शरण प्राप्त हुई है, आपका ही गुणगान करते हैं।

श्लोक 10 (bhagavata.10.71.10)

जरासन्धवधः कृष्ण भूर्यर्थायोपकल्पते । प्रायः पाकविपाकेन तव चाभिमतः क्रतुः ॥ 71.10 ॥

jarāsandha-vadhaḥ kṛṣṇa bhūry-arthāyopakalpate prāyaḥ pāka-vipākena tava cābhimataḥ kratuḥ

हे कृष्ण! जरासन्ध का वध बहुविध महान् प्रयोजन सिद्ध करने वाला होगा; और प्रायः उसके अपने कर्मों के फलस्वरूप ही वह यज्ञ भी सम्पन्न होगा, जो आपको अभीष्ट है।

श्लोक 11 (bhagavata.10.71.11)

श्रीशुक उवाच इत्युद्धववचो राजन् सर्वतोभद्रमच्युतम् । देवर्षिर्यदुवृद्धाश्च कृष्णश्च प्रत्यपूजयन् ॥ 71.11 ॥

śrī-śuka uvāca ity uddhava-vaco rājan sarvato-bhadram acyutam devarṣir yadu-vṛddhāś ca kṛṣṇaś ca pratyapūjayan

शुकदेव ने कहा — हे राजन्! उद्धव के इस सर्वथा मंगलमय और अमोघ वचन को सुनकर देवर्षि नारद, यदुवंश के वृद्धजन तथा स्वयं कृष्ण — सभी ने उसका सम्मान किया।

श्लोक 12 (bhagavata.10.71.12)

अथादिशत् प्रयाणाय भगवान् देवकीसुतः । भृत्यान् दारुकजैत्रादीननुज्ञाप्य गुरून् विभुः ॥ 71.12 ॥

athādiśat prayāṇāya bhagavān devakī-sutaḥ bhṛtyān dāruka-jaitrādīn anujñāpya gurūn vibhuḥ

तत्पश्चात् भगवान देवकीनन्दन, अपने गुरुजनों की अनुमति लेकर, दारुक और जैत्र आदि सेवकों को प्रस्थान की आज्ञा देने लगे।

श्लोक 13 (bhagavata.10.71.13)

निर्गमय्यावरोधान्स्वान् ससुतान्सपरिच्छदान् । सङ्कर्षणमनुज्ञाप्य यदुराजं च शत्रुहन् । सूतोपनीतं स्वरथमारुहद् गरुडध्वजम् ॥ 71.13 ॥

nirgamayyāvarodhān svān sa-sutān sa-paricchadān saṅkarṣaṇam anujñāpya yadu-rājaṁ ca śatru-han sūtopanītaṁ sva-ratham āruhad garuḍa-dhvajam

हे शत्रुहन्! अपनी रानियों को उनके पुत्रों तथा सामग्री सहित पहले भेजकर, संकर्षण (बलराम) तथा यदुराज (उग्रसेन) से आज्ञा लेकर, वे अपने सारथि द्वारा लाए गए गरुड़ध्वज रथ पर आरूढ़ हुए।

श्लोक 14 (bhagavata.10.71.14)

ततो रथद्विपभटसादिनायकैः करालया परिवृत आत्मसेनया । मृदङ्गभेर्यानकशङ्खगोमुखैः प्रघोषघोषितककुभो निरक्रमत् ॥ 71.14 ॥

tato ratha-dvipa-bhaṭa-sādi-nāyakaiḥ karālayā parivṛta ātma-senayā mṛdaṅga-bhery-ānaka-śaṅkha-gomukhaiḥ praghoṣa-ghoṣita-kakubho nirakramat

तब रथ, गज, पैदल तथा अश्वारोही सेनाओं के नायकों सहित अपनी भयंकर सेना से घिरे हुए, मृदंग, भेरी, आनक, शंख और गोमुख वाद्यों की प्रचंड ध्वनि से दिशाओं को गुँजाते हुए वे प्रस्थान करने लगे।

श्लोक 15 (bhagavata.10.71.15)

नृवाजिकाञ्चनशिबिकाभिरच्युतं सहात्मजाः पतिमनु सुव्रता ययुः । वराम्बराभरणविलेपनस्रजः सुसंवृता नृभिरसिचर्मपाणिभिः ॥ 71.15 ॥

nṛ-vāji-kāñcana-śibikābhir acyutaṁ sahātmajāḥ patim anu su-vratā yayuḥ varāmbarābharaṇa-vilepana-srajaḥ su-saṁvṛtā nṛbhir asi-carma-pāṇibhiḥ

सुव्रता रानियाँ अपने पुत्रों सहित, स्वर्णजड़ित पालकियों पर, अपने पति अच्युत के पीछे-पीछे चलीं; उत्तम वस्त्र, आभूषण, अंगराग और मालाओं से सुसज्जित, तलवार और ढाल लिए पुरुषों से घिरी हुईं।

श्लोक 16 (bhagavata.10.71.16)

नरोष्ट्रगोमहिषखराश्वतर्यनः- करेणुभिः परिजनवारयोषितः । स्वलङ्कृताः कटकुटिकम्बलाम्बरा- द्युपस्करा ययुरधियुज्य सर्वतः ॥ 71.16 ॥

naroṣṭra-go-mahiṣa-kharāśvatary-anaḥ kareṇubhiḥ parijana-vāra-yoṣitaḥ sv-alaṅkṛtāḥ kaṭa-kuṭi-kambalāmbarādy- upaskarā yayur adhiyujya sarvataḥ

पुरुषों, ऊँटों, गौओं, भैंसों, गधों, खच्चरों, बैलगाड़ियों तथा हथिनियों पर सवार, सुसज्जित परिचारिकाएँ तथा वारांगनाएँ चटाई, तम्बू, कम्बल, वस्त्र आदि सामग्री लादे हुए सब ओर से चलीं।

श्लोक 17 (bhagavata.10.71.17)

बलं बृहद्ध्वजपटछत्रचामरै- र्वरायुधाभरणकिरीटवर्मभिः । दिवांशुभिस्तुमुलरवं बभौ रवे- र्यथार्णवः क्षुभिततिमिङ्गिलोर्मिभिः ॥ 71.17 ॥

balaṁ bṛhad-dhvaja-paṭa-chatra-cāmarair varāyudhābharaṇa-kirīṭa-varmabhiḥ divāṁśubhis tumula-ravaṁ babhau raver yathārṇavaḥ kṣubhita-timiṅgilormibhiḥ

विशाल ध्वजाओं, वस्त्रों, छत्रों और चँवरों से युक्त, उत्तम अस्त्र-शस्त्र, आभूषण, मुकुट और कवचों से सुशोभित वह सेना सूर्य की किरणों में कोलाहलपूर्ण ध्वनि के साथ ऐसी शोभित हुई मानो क्षुब्ध तिमिंगिल मछलियों और लहरों वाला समुद्र हो।

श्लोक 18 (bhagavata.10.71.18)

अथो मुनिर्यदुपतिना सभाजितः प्रणम्य तं हृदि विदधद् विहायसा । निशम्य तद्व्यवसितमाहृतार्हणो मुकुन्दसन्दरशननिर्वृतेन्द्रियः ॥ 71.18 ॥

atho munir yadu-patinā sabhājitaḥ praṇamya taṁ hṛdi vidadhad vihāyasā niśamya tad-vyavasitam āhṛtārhaṇo mukunda-sandaraśana-nirvṛtendriyaḥ

तत्पश्चात् यदुपति द्वारा सम्मानित मुनि (नारद) ने उन्हें प्रणाम किया और आकाश-मार्ग से जाते हुए उन्हें हृदय में धारण किया। मुकुन्द के दर्शन से उनकी इन्द्रियाँ तृप्त हो गईं, उनका निश्चय सुनकर तथा पूजा प्राप्त कर।

श्लोक 19 (bhagavata.10.71.19)

राजदूतमुवाचेदं भगवान् प्रीणयन् गिरा । मा भैष्ट दूत भद्रं वो घातयिष्यामि मागधम् ॥ 71.19 ॥

rāja-dūtam uvācedaṁ bhagavān prīṇayan girā mā bhaiṣṭa dūta bhadraṁ vo ghātayiṣyāmi māgadham

भगवान ने मधुर वचनों से प्रसन्न करते हुए राजाओं के दूत से यह कहा — "हे दूत! भयभीत मत हो, तुम्हारा कल्याण हो। मैं मागधराज का वध करवाऊँगा।"

श्लोक 20 (bhagavata.10.71.20)

इत्युक्तः प्रस्थितो दूतो यथावदवदन्नृपान् । तेऽपि सन्दर्शनं शौरेः प्रत्यैक्षन् यन्मुमुक्षवः ॥ 71.20 ॥

ity uktaḥ prasthito dūto yathā-vad avadan nṛpān te ’pi sandarśanaṁ śaureḥ pratyaikṣan yan mumukṣavaḥ

इस प्रकार कहे जाने पर दूत वहाँ से चला गया और उसने यथावत् राजाओं को यह समाचार सुनाया। मुक्ति की कामना करने वाले वे राजा भी शौरि (कृष्ण) के दर्शन की प्रतीक्षा करने लगे।

श्लोक 21 (bhagavata.10.71.21)

आनर्तसौवीरमरूंस्तीर्त्वा विनशनं हरिः । गिरीन् नदीरतीयाय पुरग्रामव्रजाकरान् ॥ 71.21 ॥

ānarta-sauvīra-marūṁs tīrtvā vinaśanaṁ hariḥ girīn nadīr atīyāya pura-grāma-vrajākarān

हरि आनर्त, सौवीर, मरुभूमि तथा विनशन को पार करते हुए पर्वतों और नदियों को, तथा नगरों, ग्रामों, गोशालाओं और खानों को लांघते गए।

श्लोक 22 (bhagavata.10.71.22)

ततो दृषद्वतीं तीर्त्वा मुकुन्दोऽथ सरस्वतीम् । पञ्चालानथ मत्स्यांश्च शक्रप्रस्थमथागमत् ॥ 71.22 ॥

tato dṛṣadvatīṁ tīrtvā mukundo ’tha sarasvatīm pañcālān atha matsyāṁś ca śakra-prastham athāgamat

तत्पश्चात् दृषद्वती और सरस्वती नदियों को पार कर मुकुन्द पांचाल और मत्स्य देशों से होते हुए शक्रप्रस्थ (इन्द्रप्रस्थ) पहुँचे।

श्लोक 23 (bhagavata.10.71.23)

तमुपागतमाकर्ण्य प्रीतो दुर्दर्शनं नृणाम् । अजातशत्रुर्निरगात् सोपध्यायः सुहृद्वृतः ॥ 71.23 ॥

tam upāgatam ākarṇya prīto durdarśanaṁ nṛnām ajāta-śatrur niragāt sopadhyāyaḥ suhṛd-vṛtaḥ

मनुष्यों के लिए दुर्लभ दर्शन वाले उनके आगमन का समाचार सुनकर प्रसन्न अजातशत्रु (युधिष्ठिर) पुरोहितों सहित तथा सुहृदों से घिरे हुए बाहर निकले।

श्लोक 24 (bhagavata.10.71.24)

गीतवादित्रघोषेण ब्रह्मघोषेण भूयसा । अभ्ययात्स हृषीकेशं प्राणाः प्राणमिवादृतः ॥ 71.24 ॥

gīta-vāditra-ghoṣeṇa brahma-ghoṣeṇa bhūyasā abhyayāt sa hṛṣīkeśaṁ prāṇāḥ prāṇam ivādṛtaḥ

गीत-वाद्य की ध्वनि तथा प्रचुर ब्रह्मघोष के साथ वे अत्यंत आदरपूर्वक हृषीकेश की ओर ऐसे बढ़े मानो प्राण ही प्राण की ओर बढ़ रहे हों।

श्लोक 25 (bhagavata.10.71.25)

दृष्ट्वा विक्लिन्नहृदयः कृष्णं स्नेहेन पाण्डवः । चिराद् दृष्टं प्रियतमं सस्वजेऽथ पुनः पुनः ॥ 71.25 ॥

dṛṣṭvā viklinna-hṛdayaḥ kṛṣṇaṁ snehena pāṇḍavaḥ cirād dṛṣṭaṁ priyatamaṁ sasvaje ’tha punaḥ punaḥ

कृष्ण को देखकर पाण्डव (युधिष्ठिर) का हृदय स्नेह से पिघल गया; चिरकाल के बाद अपने अत्यंत प्रिय को देखकर उन्होंने बारम्बार उनका आलिंगन किया।

श्लोक 26 (bhagavata.10.71.26)

दोर्भ्यां परिष्वज्य रमामलालयं मुकुन्दगात्रं नृपतिर्हताशुभः । लेभे परां निर्वृतिमश्रुलोचनो हृष्यत्तनुर्विस्मृतलोकविभ्रमः ॥ 71.26 ॥

dorbhyāṁ pariṣvajya ramāmalālayaṁ mukunda-gātraṁ nṛ-patir hatāśubhaḥ lebhe parāṁ nirvṛtim aśru-locano hṛṣyat-tanur vismṛta-loka-vibhramaḥ

रमा (लक्ष्मी) के निर्मल निवासस्थान मुकुन्द के शरीर को दोनों भुजाओं से आलिंगन करते हुए वह राजा, समस्त अशुभ से मुक्त होकर, परम आनन्द को प्राप्त हुआ; उसके नेत्रों में अश्रु भर आए, शरीर रोमांचित हो उठा, और वह संसार के मोह को भूल गया।

श्लोक 27 (bhagavata.10.71.27)

तं मातुलेयं परिरभ्य निर्वृतो भीमः स्मयन् प्रेमजलाकुलेन्द्रियः । यमौ किरीटी च सुहृत्तमं मुदा प्रवृद्धबाष्पाः परिरेभिरेऽच्युतम् ॥ 71.27 ॥

taṁ mātuleyaṁ parirabhya nirvṛto bhīmaḥ smayan prema-jalākulendriyaḥ yamau kirīṭī ca suhṛttamaṁ mudā pravṛddha-bāṣpāḥ parirebhire ’cyutam

प्रसन्न भीम ने मुस्कुराते हुए, प्रेमाश्रुओं से व्याकुल इन्द्रियों सहित अपने मामा के पुत्र (कृष्ण) का आलिंगन किया; यमल (नकुल-सहदेव) तथा किरीटी (अर्जुन) ने भी हर्षपूर्वक अपने परम मित्र अच्युत का आलिंगन किया, उनके अश्रु बहते रहे।

श्लोक 28 (bhagavata.10.71.28)

अर्जुनेन परिष्वक्तो यमाभ्यामभिवादितः । ब्राह्मणेभ्यो नमस्कृत्य वृद्धेभ्यश्च यथार्हतः । मानिनो मानयामास कुरुसृञ्जयकैकयान् ॥ 71.28 ॥

arjunena pariṣvakto yamābhyām abhivāditaḥ brāhmaṇebhyo namaskṛtya vṛddhebhyaś ca yathārhataḥ mānino mānayām āsa kuru-sṛñjaya-kaikayān

अर्जुन द्वारा आलिंगित, यमलों द्वारा अभिवादित, तथा ब्राह्मणों एवं वृद्धजनों को यथायोग्य प्रणाम करके, स्वयं सम्माननीय कृष्ण ने कुरु, सृंजय और कैकय वंश के अभिमानी जनों का भी सम्मान किया।

श्लोक 29 (bhagavata.10.71.29)

सूतमागधगन्धर्वा वन्दिनश्चोपमन्त्रिणः । मृदङ्गशङ्खपटहवीणापणवगोमुखैः । ब्राह्मणाश्चारविन्दाक्षं तुष्टुवुर्ननृतुर्जगुः ॥ 71.29 ॥

sūta-māgadha-gandharvā vandinaś copamantriṇaḥ mṛdaṅga-śaṅkha-paṭaha vīṇā-paṇava-gomukhaiḥ brāhmaṇāś cāravindākṣaṁ tuṣṭuvur nanṛtur jaguḥ

सूत, मागध, गंधर्व, वंदीजन और सभासद्, मृदंग, शंख, पटह, वीणा, पणव और गोमुख वाद्यों के साथ, तथा ब्राह्मणों ने कमलनयन भगवान की स्तुति की — कोई नाचा, कोई गाया।

श्लोक 30 (bhagavata.10.71.30)

एवं सुहृद्भिः पर्यस्तः पुण्यश्लोकशिखामणिः । संस्तूयमानो भगवान् विवेशालङ्कृतं पुरम् ॥ 71.30 ॥

evaṁ suhṛdbhiḥ paryastaḥ puṇya-śloka-śikhāmaṇiḥ saṁstūyamāno bhagavān viveśālaṅkṛtaṁ puram

इस प्रकार सुहृदों से घिरे, चारों ओर से स्तुति किए जाते हुए, पुण्यश्लोकों के शिरोमणि भगवान ने सुसज्जित नगर में प्रवेश किया।

श्लोक 31 (bhagavata.10.71.31)

संसिक्तवर्त्म करिणां मदगन्धतोयै- श्चित्रध्वजैः कनकतोरणपूर्णकुम्भैः । मृष्टात्मभिर्नवदुकूलविभूषणस्रग्- गन्धैर्नृभिर्युवतिभिश्च विराजमानम् ॥ 71.31 ॥

saṁsikta-vartma kariṇāṁ mada-gandha-toyaiś citra-dhvajaiḥ kanaka-toraṇa-pūrṇa-kumbhaiḥ mṛṣṭātmabhir nava-dukūla-vibhūṣaṇa-srag- gandhair nṛbhir yuvatibhiś ca virājamānam

हाथियों के मदजल की सुगंध से सिंचे मार्गों वाला, विचित्र ध्वजाओं, स्वर्णिम तोरणों और परिपूर्ण कलशों से सुशोभित; नवीन वस्त्रों, आभूषणों, मालाओं तथा सुगंध से अलंकृत पुरुषों और युवतियों से देदीप्यमान वह नगर था।

श्लोक 32 (bhagavata.10.71.32)

उद्दीप्तदीपबलिभिः प्रतिसद्मजाल- निर्यातधूपरुचिरं विलसत्पताकम् । मूर्धन्यहेमकलशै रजतोरुशृङ्गै- र्जुष्टं ददर्श भवनैः कुरुराजधाम ॥ 71.32 ॥

uddīpta-dīpa-balibhiḥ prati-sadma jāla niryāta-dhūpa-ruciraṁ vilasat-patākam mūrdhanya-hema-kalaśai rajatoru-śṛṅgair juṣṭaṁ dadarśa bhavanaiḥ kuru-rāja-dhāma

प्रत्येक घर के द्वार पर जलते दीपकों और अर्घ्यों से देदीप्यमान, झरोखों से निकलते धूप की सुगंध से मनोहर, तथा चांदी के विशाल आधारों पर सुवर्ण कलशों से सुशोभित भवनों वाले उस कुरुराज-धाम को उन्होंने देखा।

श्लोक 33 (bhagavata.10.71.33)

प्राप्तं निशम्य नरलोचनपानपात्र- मौत्सुक्यविश्लथितकेशदुकूलबन्धाः । सद्यो विसृज्य गृहकर्म पतींश्च तल्पे द्रष्टुं ययुर्युवतयः स्म नरेन्द्रमार्गे ॥ 71.33 ॥

prāptaṁ niśamya nara-locana-pāna-pātram autsukya-viślathita-keśa-dukūla-bandhāḥ sadyo visṛjya gṛha-karma patīṁś ca talpe draṣṭuṁ yayur yuvatayaḥ sma narendra-mārge

मानव-नेत्रों के लिए आनंद का पात्र वे आ पहुँचे हैं, यह सुनकर उत्सुकता के कारण जिनके केश और वस्त्र के बंधन शिथिल हो गए थे, वे युवतियाँ तुरंत घर का काम छोड़कर, अपने पतियों को शय्या पर ही छोड़कर, उन्हें देखने के लिए राजमार्ग पर निकल पड़ीं।

श्लोक 34 (bhagavata.10.71.34)

तस्मिन् सुसङ्कुल इभाश्वरथद्विपद्भिः कृष्णं सभार्यमुपलभ्य गृहाधिरूढाः । नार्यो विकीर्य कुसुमैर्मनसोपगुह्य सुस्वागतं विदधुरुत्स्मयवीक्षितेन ॥ 71.34 ॥

tasmin su-saṅkula ibhāśva-ratha-dvipadbhiḥ kṛṣṇam sa-bhāryam upalabhya gṛhādhirūḍhāḥ nāryo vikīrya kusumair manasopaguhya su-svāgataṁ vidadhur utsmaya-vīkṣitena

राजमार्ग हाथियों, घोड़ों, रथों और पैदल सैनिकों से बहुत भीड़भरा होने के कारण, स्त्रियाँ अपने घरों की छतों पर चढ़ गईं; अपनी पत्नी सहित कृष्ण को देखकर उन्होंने पुष्प बरसाए, मन ही मन उनका आलिंगन किया, और विस्मयपूर्ण मुस्कुराती दृष्टि से उनका भावभीना स्वागत किया।

श्लोक 35 (bhagavata.10.71.35)

ऊचुः स्त्रियः पथि निरीक्ष्य मुकुन्दपत्नी- स्तारा यथोडुपसहाः किमकार्यमूभिः । यच्चक्षुषां पुरुषमौलिरुदारहास- लीलावलोककलयोत्सवमातनोति ॥ 71.35 ॥

ūcuḥ striyaḥ pathi nirīkṣya mukunda-patnīs tārā yathoḍupa-sahāḥ kim akāry amūbhiḥ yac cakṣuṣāṁ puruṣa-maulir udāra-hāsa līlāvaloka-kalayotsavam ātanoti

मार्ग में मुकुन्द की पत्नियों को, तारों से घिरे चंद्रमा के समान, देखकर स्त्रियों ने कहा — "इन्होंने ऐसा क्या किया है कि पुरुषशिरोमणि इनकी आँखों को अपनी उदार हास्ययुक्त क्रीड़ा-दृष्टि का उत्सव प्रदान करते हैं?"

श्लोक 36 (bhagavata.10.71.36)

तत्र तत्रोपसङ्गम्य पौरा मङ्गलपाणयः । चक्रुः सपर्यां कृष्णाय श्रेणीमुख्या हतैनसः ॥ 71.36 ॥

tatra tatropasaṅgamya paurā maṅgala-pāṇayaḥ cakruḥ saparyāṁ kṛṣṇāya śreṇī-mukhyā hatainasaḥ

यहाँ-वहाँ नगरवासी मंगल-द्रव्य हाथों में लिए आगे आए; निष्पाप श्रेणी-प्रमुखों ने कृष्ण की पूजा की।

श्लोक 37 (bhagavata.10.71.37)

अन्तःपुरजनैः प्रीत्या मुकुन्दः फुल्ललोचनैः । ससम्भ्रमैरभ्युपेतः प्राविशद् राजमन्दिरम् ॥ 71.37 ॥

antaḥ-pura-janaiḥ prītyā mukundaḥ phulla-locanaiḥ sa-sambhramair abhyupetaḥ prāviśad rāja-mandiram

अंतःपुरवासियों द्वारा प्रेमपूर्वक, हर्षातिरेक से खिले नेत्रों सहित स्वागत किए जाने पर, मुकुन्द ने राजभवन में प्रवेश किया।

श्लोक 38 (bhagavata.10.71.38)

पृथा विलोक्य भ्रात्रेयं कृष्णं त्रिभुवनेश्वरम् । प्रीतात्मोत्थाय पर्यङ्कात् सस्नुषा परिषस्वजे ॥ 71.38 ॥

pṛthā vilokya bhrātreyaṁ kṛṣṇaṁ tri-bhuvaneśvaram prītātmotthāya paryaṅkāt sa-snuṣā pariṣasvaje

अपने भतीजे कृष्ण को, जो तीनों लोकों के स्वामी हैं, देखकर पृथा (कुंती) का हृदय प्रेम से भर गया; वह अपनी पुत्रवधू सहित शय्या से उठकर उनके गले लग गईं।

श्लोक 39 (bhagavata.10.71.39)

गोविन्दं गृहमानीय देवदेवेशमादृतः । पूजायां नाविदत्कृत्यं प्रमोदोपहतो नृपः ॥ 71.39 ॥

govindaṁ gṛham ānīya deva-deveśam ādṛtaḥ pūjāyāṁ nāvidat kṛtyaṁ pramodopahato nṛpaḥ

देवाधिदेव गोविन्द को अत्यंत आदरपूर्वक अपने घर लाकर, हर्ष से अभिभूत राजा को पूजा-विधि का कुछ भी स्मरण न रहा।

श्लोक 40 (bhagavata.10.71.40)

पितृष्वसुर्गुरुस्त्रीणां कृष्णश्चक्रेऽभिवादनम् । स्वयं च कृष्णया राजन्भगिन्या चाभिवन्दितः ॥ 71.40 ॥

pitṛ-svasur guru-strīṇāṁ kṛṣṇaś cakre ’bhivādanam svayaṁ ca kṛṣṇayā rājan bhaginyā cābhivanditaḥ

कृष्ण ने अपनी बुआ तथा वृद्धजनों की पत्नियों को प्रणाम किया; और हे राजन्! स्वयं वे कृष्णा (द्रौपदी) तथा अपनी बहन द्वारा भी अभिवादित हुए।

श्लोक 41 (bhagavata.10.71.41)

श्वश्र्वा सञ्चोदिता कृष्णा कृष्णपत्नीश्च सर्वशः । आनर्च रुक्मिणीं सत्यां भद्रां जाम्बवतीं तथा ॥ 71.41 ॥

śvaśṛvā sañcoditā kṛṣṇā kṛṣṇa-patnīś ca sarvaśaḥ ānarca rukmiṇīṁ satyāṁ bhadrāṁ jāmbavatīṁ tathā

सास (कुंती) द्वारा प्रेरित होकर कृष्णा (द्रौपदी) ने कृष्ण की सभी पत्नियों का, एक-एक करके, पूजन किया — रुक्मिणी, सत्या, भद्रा तथा जाम्बवती का भी।

श्लोक 42 (bhagavata.10.71.42)

कालिन्दीं मित्रविन्दां च शैब्यां नाग्नजितीं सतीम् । अन्याश्चाभ्यागता यास्तु वासःस्रङ्मण्डनादिभिः ॥ 71.42 ॥

kālindīṁ mitravindāṁ ca śaibyāṁ nāgnajitīṁ satīm anyāś cābhyāgatā yās tu vāsaḥ-sraṅ-maṇḍanādibhiḥ

तथा कालिन्दी, मित्रविन्दा, शैब्या और सती नाग्नजिती को; और वहाँ आई अन्य पत्नियों को भी वस्त्र, माला, आभूषण आदि भेंट कर सम्मानित किया।

श्लोक 43 (bhagavata.10.71.43)

सुखं निवासयामास धर्मराजो जनार्दनम् । ससैन्यं सानुगामत्यं सभार्यं च नवं नवम् ॥ 71.43 ॥

sukhaṁ nivāsayām āsa dharma-rājo janārdanam sa-sainyaṁ sānugāmatyaṁ sa-bhāryaṁ ca navaṁ navam

धर्मराज (युधिष्ठिर) ने अपनी सेना, अनुचरों, मंत्रियों तथा पत्नी सहित जनार्दन को सुखपूर्वक ठहराया, प्रतिदिन नित नए आतिथ्य के साथ।

श्लोक 44 (bhagavata.10.71.44)

तर्पयित्वा खाण्डवेन वह्निं फाल्गुनसंयुतः । मोचयित्वा मयं येन राज्ञे दिव्या सभा कृता ॥ 71.44 ॥

tarpayitvā khāṇḍavena vahniṁ phālguna-saṁyutaḥ mocayitvā mayaṁ yena rājñe divyā sabhā kṛtā

फाल्गुन (अर्जुन) सहित उन्होंने खाण्डव वन से अग्नि को तृप्त किया, तथा मय दानव को उस अग्नि से मुक्त कराया, जिसने राजा के लिए एक दिव्य सभा-भवन का निर्माण किया।

श्लोक 45 (bhagavata.10.71.45)

उवास कतिचिन्मासान् राज्ञः प्रियचिकीर्षया । विहरन् रथमारुह्य फाल्गुनेन भटैर्वृतः ॥ 71.45 ॥

uvāsa katicin māsān rājñaḥ priya-cikīrṣayā viharan ratham āruhya phālgunena bhaṭair vṛtaḥ

राजा को प्रसन्न करने की इच्छा से वे वहाँ कुछ महीनों तक रहे, फाल्गुन के साथ रथ पर सवार होकर सैनिकों से घिरे हुए विहार करते रहे।