भगवान कृष्ण द्वारा मुक्त राजाओं का अनुग्रह

श्लोक 1 (bhagavata.10.73.1)

श्रीशुक उवाच अयुते द्वे शतान्यष्टौ निरुद्धा युधि निर्जिताः । ते निर्गता गिरिद्रोण्यां मलिना मलवाससः ॥ 73.1 ॥

śrī-śuka uvāca ayute dve śatāny aṣṭau niruddhā yudhi nirjitāḥ te nirgatā giridroṇyāṁ malinā mala-vāsasaḥ

शुकदेव ने कहा — बीस हजार आठ सौ राजा युद्ध में पराजित होकर बंदी बनाए गए थे; वे उस पर्वत-दुर्ग की घाटी से मलिन शरीर और मैले वस्त्रों में बाहर निकले।

श्लोक 2 (bhagavata.10.73.2)

क्षुत्क्षामाः शुष्कवदनाः संरोधपरिकर्शिताः । ददृशुस्ते घनश्यामं पीतकौशेयवाससम् ॥ 73.2 ॥

kṣut-kṣāmāḥ śuṣka-vadanāḥ saṁrodha-parikarśitāḥ dadṛśus te ghana-śyāmaṁ pīta-kauśeya-vāsasam

भूख से क्षीण, मुरझाए मुख वाले, बंधन से जर्जर हुए उन्होंने मेघ के समान श्याम वर्ण वाले तथा पीत रेशमी वस्त्र पहने हुए भगवान को देखा।

श्लोक 3 (bhagavata.10.73.3)

श्रीवत्साङ्कं चतुर्बाहुं पद्मगर्भारुणेक्षणम् । चारुप्रसन्नवदनं स्फुरन्मकरकुण्डलम् ॥ 73.3 ॥

śrīvatsāṅkaṁ catur-bāhuṁ padma-garbhāruṇekṣaṇam cāru-prasanna-vadanaṁ sphuran-makara-kuṇḍalam

श्रीवत्स चिह्न से युक्त, चतुर्भुज, कमल के मध्य भाग के समान अरुण नेत्रों वाले, मनोहर प्रसन्न मुख वाले, तथा चमकते हुए मकराकृति कुंडलों वाले उस भगवान को उन्होंने देखा।

श्लोक 4 (bhagavata.10.73.4)

पद्महस्तं गदाशङ्ख रथाङ्गैरुपलक्षितम् । किरीटहारकटककटिसूत्राङ्गदाञ्चितम् ॥ 73.4 ॥

padma-hastaṁ gadā-śaṅkha rathāṅgair upalakṣitam kirīṭa-hāra-kaṭaka- kaṭi-sūtrāṅgadāñcitam

हाथ में कमल, गदा, शंख और चक्र के चिह्नों से युक्त, मुकुट, हार, कंकण, करधनी तथा बाजूबंद से सुसज्जित।

श्लोक 5 (bhagavata.10.73.5)

भ्राजद्वरमणिग्रीवं निवीतं वनमालया । पिबन्त इव चक्षुर्भ्यां लिहन्त इव जिह्वया ॥ 73.5 ॥

bhrājad-vara-maṇi-grīvaṁ nivītaṁ vana-mālayā pibanta iva cakṣurbhyāṁ lihanta iva jihvayā

उत्तम मणि से देदीप्यमान ग्रीवा वाले, वनमाला से सुशोभित उस भगवान को वे मानो नेत्रों से पी रहे हों, मानो जिह्वा से चाट रहे हों,

श्लोक 6 (bhagavata.10.73.6)

जिघ्रन्त इव नासाभ्यां रम्भन्त इव बाहुभिः । प्रणेमुर्हतपाप्मानो मूर्धभिः पादयोर्हरेः ॥ 73.6 ॥

jighranta iva nāsābhyāṁ rambhanta iva bāhubhiḥ praṇemur hata-pāpmāno mūrdhabhiḥ pādayor hareḥ

मानो नासिका से सूँघ रहे हों, मानो भुजाओं से आलिंगन कर रहे हों — इस प्रकार उनके पाप नष्ट हो गए और उन्होंने अपने मस्तक हरि के चरणों में झुका दिए।

श्लोक 7 (bhagavata.10.73.7)

कृष्णसन्दर्शनाह्लादध्वस्तसंरोधनक्लमाः । प्रशशंसुर्हृषीकेशं गीर्भिः प्राञ्जलयो नृपाः ॥ 73.7 ॥

kṛṣṇa-sandarśanāhlāda dhvasta-saṁrodhana-klamāḥ praśaśaṁsur hṛṣīkeśaṁ gīrbhiḥ prāñjalayo nṛpāḥ

कृष्ण के दर्शन के आनंद से बंधन की थकान दूर हो जाने पर, राजाओं ने हाथ जोड़कर हृषीकेश की स्तुति की।

श्लोक 8 (bhagavata.10.73.8)

राजान ऊचुः नमस्ते देवदेवेश प्रपन्नार्तिहराव्यय । प्रपन्नान् पाहि नः कृष्ण निर्विण्णान्घोरसंसृतेः ॥ 73.8 ॥

rājāna ūcuḥ namas te deva-deveśa prapannārti-harāvyaya prapannān pāhi naḥ kṛṣṇa nirviṇṇān ghora-saṁsṛteḥ

राजाओं ने कहा — हे देवाधिदेव! हे अविनाशी! शरणागतों की पीड़ा को हरने वाले आपको नमस्कार है। हे कृष्ण! इस घोर संसार-चक्र से उद्विग्न हुए हम शरणागतों की रक्षा कीजिए।

श्लोक 9 (bhagavata.10.73.9)

नैनं नाथानुसूयामो मागधं मधुसूदन । अनुग्रहो यद् भवतो राज्ञां राज्यच्युतिर्विभो ॥ 73.9 ॥

nainaṁ nāthānusūyāmo māgadhaṁ madhusūdana anugraho yad bhavato rājñāṁ rājya-cyutir vibho

हे मधुसूदन! हम इस मागधराज को दोष नहीं देते, हे स्वामी! क्योंकि हे प्रभो! राजाओं का राज्यभ्रष्ट होना भी आपकी ही कृपा है।

श्लोक 10 (bhagavata.10.73.10)

राज्यैश्वर्यमदोन्नद्धो न श्रेयो विन्दते नृपः । त्वन्मायामोहितोऽनित्या मन्यते सम्पदोऽचलाः ॥ 73.10 ॥

rājyaiśvarya-madonnaddho na śreyo vindate nṛpaḥ tvan-māyā-mohito ’nityā manyate sampado ’calāḥ

राज्य के ऐश्वर्य के मद से उन्मत्त राजा कल्याण को प्राप्त नहीं करता; आपकी माया से मोहित होकर वह अपनी नश्वर सम्पदाओं को अचल मानता है।

श्लोक 11 (bhagavata.10.73.11)

मृगतृष्णां यथा बाला मन्यन्त उदकाशयम् । एवं वैकारिकीं मायामयुक्ता वस्तु चक्षते ॥ 73.11 ॥

mṛga-tṛṣṇāṁ yathā bālā manyanta udakāśayam evaṁ vaikārikīṁ māyām ayuktā vastu cakṣate

जैसे बालक मृगतृष्णा को जलाशय समझ लेते हैं, वैसे ही अविवेकी पुरुष विकाररूपी माया को वास्तविक वस्तु समझ बैठते हैं।

श्लोक 12 (bhagavata.10.73.12)

वयं पुरा श्रीमदनष्टदृष्टयो जिगीषयास्या इतरेतरस्पृधः । घ्नन्तः प्रजाः स्वा अतिनिर्घृणाः प्रभो मृत्युं पुरस्त्वाविगणय्य दुर्मदाः ॥ 73.12 ॥

vayaṁ purā śrī-mada-naṣṭa-dṛṣṭayo jigīṣayāsyā itaretara-spṛdhaḥ ghnantaḥ prajāḥ svā ati-nirghṛṇāḥ prabho mṛtyuṁ puras tvāvigaṇayya durmadāḥ

पहले हम श्री के मद से नष्ट-दृष्टि होकर, विजय की इच्छा से एक-दूसरे से स्पर्धा करते हुए, हे प्रभो! अत्यंत निर्दय होकर अपनी ही प्रजा का संहार करते हुए, मृत्यु-स्वरूप आपको भी अनदेखा करते हुए, दुर्मद बने रहे।

श्लोक 13 (bhagavata.10.73.13)

त एव कृष्णाद्य गभीररंहसा दुरन्तेवीर्येण विचालिताः श्रियः । कालेन तन्वा भवतोऽनुकम्पया विनष्टदर्पाश्चरणौ स्मराम ते ॥ 73.13 ॥

ta eva kṛṣṇādya gabhīra-raṁhasā durante-vīryeṇa vicālitāḥ śriyaḥ kālena tanvā bhavato ’nukampayā vinaṣṭa-darpāś caraṇau smarāma te

हे कृष्ण! आज हम उसी गंभीर वेग वाले, दुर्निवार पराक्रम वाले, सूक्ष्म रूप में गतिशील काल द्वारा अपनी सम्पदाओं से विचलित कर दिए गए हैं; आपकी कृपा से हमारा अभिमान नष्ट हो गया है, और अब हम आपके चरणों का ही स्मरण करते हैं।

श्लोक 14 (bhagavata.10.73.14)

अथो न राज्यं मृगतृष्णिरूपितं देहेन शश्वत् पतता रुजां भुवा । उपासितव्यं स्पृहयामहे विभो क्रियाफलं प्रेत्य च कर्णरोचनम् ॥ 73.14 ॥

atho na rājyam mṛga-tṛṣṇi-rūpitaṁ dehena śaśvat patatā rujāṁ bhuvā upāsitavyaṁ spṛhayāmahe vibho kriyā-phalaṁ pretya ca karṇa-rocanam

अब हम उस मृगतृष्णा-सदृश राज्य की इच्छा नहीं करते, जिसकी सेवा इस निरंतर पतनशील, रोगों की भूमि इस शरीर से करनी पड़ती है; और न ही, हे प्रभो! हम मृत्यु के पश्चात् प्राप्त होने वाले कर्मफल की इच्छा करते हैं, जो केवल कानों को भाने वाली बात मात्र है।

श्लोक 15 (bhagavata.10.73.15)

तं नः समादिशोपायं येन ते चरणाब्जयोः । स्मृतिर्यथा न विरमेदपि संसरतामिह ॥ 73.15 ॥

taṁ naḥ samādiśopāyaṁ yena te caraṇābjayoḥ smṛtir yathā na viramed api saṁsaratām iha

हमें वह उपाय बताइए, जिससे संसार-चक्र में भटकते रहने पर भी आपके चरणकमलों का स्मरण कभी न छूटे।

श्लोक 16 (bhagavata.10.73.16)

कृष्णाय वासुदेवाय हरये परमात्मने । प्रणतक्लेशनाशाय गोविन्दाय नमो नमः ॥ 73.16 ॥

kṛṣṇāya vāsudevāya haraye paramātmane praṇata-kleśa-nāśāya govindāya namo namaḥ

कृष्ण, वासुदेव, हरि, परमात्मा, प्रणत जनों के क्लेश का नाश करने वाले गोविन्द को बारंबार नमस्कार है।

श्लोक 17 (bhagavata.10.73.17)

श्रीशुक उवाच संस्तूयमानो भगवान् राजभिर्मुक्तबन्धनैः । तानाह करुणस्तात शरण्यः श्लक्ष्णया गिरा ॥ 73.17 ॥

śrī-śuka uvāca saṁstūyamāno bhagavān rājabhir mukta-bandhanaiḥ tān āha karuṇas tāta śaraṇyaḥ ślakṣṇayā girā

शुकदेव ने कहा — बंधनमुक्त राजाओं द्वारा इस प्रकार स्तुति किए जाने पर, हे तात! करुणामय और शरणदाता भगवान ने उनसे कोमल वाणी में कहा।

श्लोक 18 (bhagavata.10.73.18)

श्रीभगवानुवाच अद्यप्रभृति वो भूपा मय्यात्मन्यखिलेश्वरे । सुदृढा जायते भक्तिर्बाढमाशंसितं तथा ॥ 73.18 ॥

śrī-bhagavān uvāca adya prabhṛti vo bhūpā mayy ātmany akhileśvare su-dṛḍhā jāyate bhaktir bāḍham āśaṁsitaṁ tathā

भगवान ने कहा — हे राजाओ! आज से समस्त जगत के ईश्वर, आत्मस्वरूप मुझमें तुम्हारी दृढ़ भक्ति उत्पन्न होगी — निश्चय ही वैसा ही होगा, जैसा तुमने चाहा है।

श्लोक 19 (bhagavata.10.73.19)

दिष्ट्या व्यवसितं भूपा भवन्त ऋतभाषिणः । श्रीयैश्वर्यमदोन्नाहं पश्य उन्मादकं नृणाम् ॥ 73.19 ॥

diṣṭyā vyavasitaṁ bhūpā bhavanta ṛta-bhāṣiṇaḥ śrīy-aiśvarya-madonnāhaṁ paśya unmādakaṁ nṛṇām

सौभाग्य से, हे राजाओ! तुम्हारा यह निश्चय उचित है, और तुम्हारे वचन सत्य हैं; मैं देखता हूँ कि ऐश्वर्य और सत्ता के मद से उत्पन्न अहंकार मनुष्यों को उन्मत्त बना देता है।

श्लोक 20 (bhagavata.10.73.20)

हैहयो नहुषो वेणो रावणो नरकोऽपरे । श्रीमदाद् भ्रंशिताः स्थानाद् देवदैत्यनरेश्वराः ॥ 73.20 ॥

haihayo nahuṣo veṇo rāvaṇo narako ’pare śrī-madād bhraṁśitāḥ sthānād deva-daitya-nareśvarāḥ

हैहय, नहुष, वेण, रावण, नरक तथा अन्य देव, दैत्य और मनुष्यों के अधिपति — ये सब ऐश्वर्य के मद से अपने पद से च्युत हो गए।

श्लोक 21 (bhagavata.10.73.21)

भवन्त एतद् विज्ञाय देहाद्युत्पाद्यमन्तवत् । मां यजन्तोऽध्वरैर्युक्ताः प्रजा धर्मेण रक्ष्यथ ॥ 73.21 ॥

bhavanta etad vijñāya dehādy utpādyam anta-vat māṁ yajanto ’dhvarair yuktāḥ prajā dharmeṇa rakṣyatha

यह जानकर कि यह देह आदि उत्पन्न होने वाली और नाशवान है, यज्ञों द्वारा मेरी उपासना करते हुए, संगठित होकर धर्मपूर्वक अपनी प्रजा की रक्षा करो।

श्लोक 22 (bhagavata.10.73.22)

सन्तन्वन्तः प्रजातन्तून् सुखं दुःखं भवाभवौ । प्राप्तं प्राप्तं च सेवन्तो मच्चित्ता विचरिष्यथ ॥ 73.22 ॥

santanvantaḥ prajā-tantūn sukhaṁ duḥkhaṁ bhavābhavau prāptaṁ prāptaṁ ca sevanto mac-cittā vicariṣyatha

प्रजा-परंपरा को बढ़ाते हुए, सुख-दुःख तथा जन्म-मृत्यु को सहते हुए, जो कुछ प्राप्त हो उसका सेवन करते हुए, तुम मुझमें ही चित्त लगाकर विचरण करो।

श्लोक 23 (bhagavata.10.73.23)

उदासीनाश्च देहादावात्मारामा धृतव्रताः । मय्यावेश्य मनः सम्यङ्मामन्ते ब्रह्म यास्यथ ॥ 73.23 ॥

udāsīnāś ca dehādāv ātmārāmā dhṛta-vratāḥ mayy āveśya manaḥ samyaṅ mām ante brahma yāsyatha

देह आदि से उदासीन रहते हुए, आत्मा में ही रमण करते हुए, व्रतों में दृढ़ रहकर, मन को पूर्णतः मुझमें लगाकर, अंत में तुम मुझ ब्रह्म को प्राप्त होगे।

श्लोक 24 (bhagavata.10.73.24)

श्रीशुक उवाच इत्यादिश्य नृपान् कृष्णो भगवान् भुवनेश्वरः । तेषां न्ययुङ्क्त पुरुषान् स्त्रियो मज्जनकर्मणि ॥ 73.24 ॥

śrī-śuka uvāca ity ādiśya nṛpān kṛṣṇo bhagavān bhuvaneśvaraḥ teṣāṁ nyayuṅkta puruṣān striyo majjana-karmaṇi

शुकदेव ने कहा — राजाओं को इस प्रकार उपदेश देकर, भुवनेश्वर भगवान कृष्ण ने उनके स्नान आदि कार्य के लिए पुरुषों और स्त्रियों को नियुक्त किया।

श्लोक 25 (bhagavata.10.73.25)

सपर्यां कारयामास सहदेवेन भारत । नरदेवोचितैर्वस्त्रैर्भूषणैः स्रग्विलेपनैः ॥ 73.25 ॥

saparyāṁ kārayām āsa sahadevena bhārata naradevocitair vastrair bhūṣaṇaiḥ srag-vilepanaiḥ

हे भारत! उन्होंने सहदेव के द्वारा उनका सत्कार करवाया — राजाओं के योग्य वस्त्रों, आभूषणों, मालाओं तथा अंगराग से।

श्लोक 26 (bhagavata.10.73.26)

भोजयित्वा वरान्नेन सुस्नातान्समलङ्कृतान् । भोगैश्च विविधैर्युक्तांस्ताम्बूलाद्यैर्नृपोचितैः ॥ 73.26 ॥

bhojayitvā varānnena su-snātān samalaṅkṛtān bhogaiś ca vividhair yuktāṁs tāmbūlādyair nṛpocitaiḥ

उन्हें भलीभाँति स्नान कराकर और अलंकृत करके, उत्तम अन्न से भोजन कराया, तथा राजाओं के योग्य विविध भोगों और ताम्बूल आदि से सुसज्जित किया।

श्लोक 27 (bhagavata.10.73.27)

ते पूजिता मुकुन्देन राजानो मृष्टकुण्डलाः । विरेजुर्मोचिताः क्लेशात् प्रावृडन्ते यथा ग्रहाः ॥ 73.27 ॥

te pūjitā mukundena rājāno mṛṣṭa-kuṇḍalāḥ virejur mocitāḥ kleśāt prāvṛḍ-ante yathā grahāḥ

मुकुन्द द्वारा सम्मानित, चमकते कुंडलों वाले वे राजा, दुःख से मुक्त होकर वर्षा ऋतु के अंत में ग्रहों के समान शोभित हो उठे।

श्लोक 28 (bhagavata.10.73.28)

रथान्सदश्वानारोप्य मणिकाञ्चनभूषितान् । प्रीणय्य सुनृतैर्वाक्यैः स्वदेशान् प्रत्ययापयत् ॥ 73.28 ॥

rathān sad-aśvān āropya maṇi-kāñcana-bhūṣitān prīṇayya sunṛtair vākyaiḥ sva-deśān pratyayāpayat

उन्हें मणि और स्वर्ण से सुसज्जित तथा उत्तम अश्वों से युक्त रथों पर बिठाकर, मधुर वचनों से प्रसन्न करते हुए, उन्होंने उन्हें अपने-अपने देश भेज दिया।

श्लोक 29 (bhagavata.10.73.29)

त एवं मोचिताः कृच्छ्रात् कृष्णेन सुमहात्मना । ययुस्तमेव ध्यायन्तः कृतानि च जगत्पतेः ॥ 73.29 ॥

ta evaṁ mocitāḥ kṛcchrāt kṛṣṇena su-mahātmanā yayus tam eva dhyāyantaḥ kṛtāni ca jagat-pateḥ

इस प्रकार महात्मा कृष्ण द्वारा संकट से मुक्त कराए गए वे राजा, उन जगत्पति का तथा उनके कर्मों का ही ध्यान करते हुए प्रस्थान कर गए।

श्लोक 30 (bhagavata.10.73.30)

जगदुः प्रकृतिभ्यस्ते महापुरुषचेष्टितम् । यथान्वशासद् भगवांस्तथा चक्रुरतन्द्रिताः ॥ 73.30 ॥

jagaduḥ prakṛtibhyas te mahā-puruṣa-ceṣṭitam yathānvaśāsad bhagavāṁs tathā cakrur atandritāḥ

उन्होंने अपने मंत्रियों को उस महापुरुष के आचरण के विषय में बताया, और भगवान ने जैसा आदेश दिया था, वैसा ही अथक होकर पालन किया।

श्लोक 31 (bhagavata.10.73.31)

जरासन्धं घातयित्वा भीमसेनेन केशवः । पार्थाभ्यां संयुतः प्रायात् सहदेवेन पूजितः ॥ 73.31 ॥

jarāsandhaṁ ghātayitvā bhīmasenena keśavaḥ pārthābhyāṁ saṁyutaḥ prāyāt sahadevena pūjitaḥ

भीमसेन के द्वारा जरासन्ध का वध करवाकर, केशव पृथा के दोनों पुत्रों सहित, सहदेव द्वारा सम्मानित होकर, प्रस्थान कर गए।

श्लोक 32 (bhagavata.10.73.32)

गत्वा ते खाण्डवप्रस्थं शङ्खान् दध्मुर्जितारयः । हर्षयन्तः स्वसुहृदो दुर्हृदां चासुखावहाः ॥ 73.32 ॥

gatvā te khāṇḍava-prasthaṁ śaṅkhān dadhmur jitārayaḥ harṣayantaḥ sva-suhṛdo durhṛdāṁ cāsukhāvahāḥ

खाण्डवप्रस्थ पहुँचकर, विजयी उन वीरों ने शंख बजाए, जिससे उनके सुहृदों को हर्ष तथा शत्रुओं को दुःख हुआ।

श्लोक 33 (bhagavata.10.73.33)

तच्छ्रुत्वा प्रीतमनस इन्द्रप्रस्थनिवासिनः । मेनिरे मागधं शान्तं राजा चाप्तमनोरथः ॥ 73.33 ॥

tac chrutvā prīta-manasa indraprastha-nivāsinaḥ menire māgadhaṁ śāntaṁ rājā cāpta-manorathaḥ

उस ध्वनि को सुनकर इन्द्रप्रस्थ के हर्षित निवासियों ने समझ लिया कि मागधराज शांत कर दिया गया है; और राजा की मनोकामना पूर्ण हो गई।

श्लोक 34 (bhagavata.10.73.34)

अभिवन्द्याथ राजानं भीमार्जुनजनार्दनाः । सर्वमाश्रावयां चक्रुरात्मना यदनुष्ठितम् ॥ 73.34 ॥

abhivandyātha rājānaṁ bhīmārjuna-janārdanāḥ sarvam āśrāvayāṁ cakrur ātmanā yad anuṣṭhitam

तब भीम, अर्जुन और जनार्दन ने राजा को प्रणाम कर उन्हें अपने द्वारा किए गए समस्त कार्य का पूर्ण विवरण सुनाया।

श्लोक 35 (bhagavata.10.73.35)

निशम्य धर्मराजस्तत् केशवेनानुकम्पितम् । आनन्दाश्रुकलां मुञ्चन् प्रेम्णा नोवाच किञ्चन ॥ 73.35 ॥

niśamya dharma-rājas tat keśavenānukampitam ānandāśru-kalāṁ muñcan premṇā novāca kiñcana

केशव द्वारा दिखाई गई उस कृपा को सुनकर धर्मराज आनंदाश्रु बहाते हुए, प्रेमवश कुछ भी कह न सके।