राजसूय यज्ञ में शिशुपाल की मुक्ति

श्लोक 1 (bhagavata.10.74.1)

श्रीशुक उवाच एवं युधिष्ठिरो राजा जरासन्धवधं विभोः । कृष्णस्य चानुभावं तं श्रुत्वा प्रीतस्तमब्रवीत् ॥ 74.1 ॥

śrī-śuka uvāca evaṁ yudhiṣṭhiro rājā jarāsandha-vadhaṁ vibhoḥ kṛṣṇasya cānubhāvaṁ taṁ śrutvā prītas tam abravīt

शुकदेव ने कहा — इस प्रकार जरासन्ध के वध तथा भगवान कृष्ण के उस प्रभाव को सुनकर, राजा युधिष्ठिर प्रसन्न होकर उनसे बोले।

श्लोक 2 (bhagavata.10.74.2)

श्रीयुधिष्ठिर उवाच ये स्युस्त्रैलोक्यगुरवः सर्वे लोकामहेश्वराः । वहन्ति दुर्लभं लब्ध्वा शिरसैवानुशासनम् ॥ 74.2 ॥

śrī-yudhiṣṭhira uvāca ye syus trai-lokya-guravaḥ sarve lokā maheśvarāḥ vahanti durlabhaṁ labdvā śirasaivānuśāsanam

श्री युधिष्ठिर ने कहा — तीनों लोकों के जो भी गुरुजन हैं, समस्त लोकों के महेश्वर हैं, वे सब आपकी दुर्लभ आज्ञा को पाकर उसे अपने मस्तक पर धारण करते हैं।

श्लोक 3 (bhagavata.10.74.3)

स भवानरविन्दाक्षो दीनानामीशमानिनाम् । धत्तेऽनुशासनं भूमंस्तदत्यन्तविडम्बनम् ॥ 74.3 ॥

sa bhavān aravindākṣo dīnānām īśa-māninām dhatte ’nuśāsanaṁ bhūmaṁs tad atyanta-viḍambanam

वही आप, कमलनयन, दीन-हीन "ईशमानी" पुरुषों की आज्ञा स्वीकार करते हैं — हे सर्वव्यापी! यह आपकी परम लीला है।

श्लोक 4 (bhagavata.10.74.4)

न ह्येकस्याद्वितीयस्य ब्रह्मणः परमात्मनः । कर्मभिर्वर्धते तेजो ह्रसते च यथा रवेः ॥ 74.4 ॥

na hy ekasyādvitīyasya brahmaṇaḥ paramātmanaḥ karmabhir vardhate tejo hrasate ca yathā raveḥ

क्योंकि उस एक, अद्वितीय ब्रह्म, परमात्मा का तेज कर्मों से न तो बढ़ता है और न घटता है, जैसे सूर्य का तेज उसकी गति से नहीं बढ़ता-घटता।

श्लोक 5 (bhagavata.10.74.5)

न वै तेऽजित भक्तानां ममाहमिति माधव । त्वं तवेति च नानाधीः पशूनामिव वैकृती ॥ 74.5 ॥

na vai te ’jita bhaktānāṁ mamāham iti mādhava tvaṁ taveti ca nānā-dhīḥ paśūnām iva vaikṛtī

हे अजित माधव! आपके भक्तों में "मैं और मेरा", "तू और तेरा" — यह भेदबुद्धि नहीं होती, जैसी विकृत बुद्धि पशुओं में होती है।

श्लोक 6 (bhagavata.10.74.6)

श्रीशुक उवाच इत्युक्त्वा यज्ञिये काले वव्रे युक्तान् स ऋत्विजः । कृष्णानुमोदितः पार्थो ब्राह्मणान् ब्रह्मवादिनः ॥ 74.6 ॥

śrī-śuka uvāca ity uktvā yajñiye kāle vavre yuktān sa ṛtvijaḥ kṛṣṇānumoditaḥ pārtho brāhmaṇān brahma-vādinaḥ

शुकदेव ने कहा — इस प्रकार कहकर, यज्ञ के उचित समय पर पार्थ (युधिष्ठिर) ने कृष्ण की अनुमति से योग्य, वेदज्ञ ब्राह्मण ऋत्विजों को चुना।

श्लोक 7 (bhagavata.10.74.7)

द्वैपायनो भरद्वाजः सुमन्तुर्गोतमोऽसितः । वसिष्ठश्च्यवनः कण्वो मैत्रेयः कवषस्त्रितः ॥ 74.7 ॥

dvaipāyano bharadvājaḥ sumantur gotamo ’sitaḥ vasiṣṭhaś cyavanaḥ kaṇvo maitreyaḥ kavaṣas tritaḥ

द्वैपायन, भरद्वाज, सुमन्तु, गौतम, असित, वसिष्ठ, च्यवन, कण्व, मैत्रेय, कवष, त्रित —

श्लोक 8 (bhagavata.10.74.8)

विश्वामित्रो वामदेवः सुमतिर्जैमिनिः क्रतुः । पैलः पराशरो गर्गो वैशम्पायन एव च ॥ 74.8 ॥

viśvāmitro vāmadevaḥ sumatir jaiminiḥ kratuḥ pailaḥ parāśaro gargo vaiśampāyana eva ca

विश्वामित्र, वामदेव, सुमति, जैमिनि, क्रतु, पैल, पराशर, गर्ग, और वैशम्पायन भी —

श्लोक 9 (bhagavata.10.74.9)

अथर्वा कश्यपो धौम्यो रामो भार्गव आसुरिः । वीतिहोत्रो मधुच्छन्दा वीरसेनोऽकृतव्रणः ॥ 74.9 ॥

atharvā kaśyapo dhaumyo rāmo bhārgava āsuriḥ vītihotro madhucchandā vīraseno ’kṛtavraṇaḥ

अथर्वा, कश्यप, धौम्य, भार्गव राम, आसुरि, वीतिहोत्र, मधुच्छन्दा, वीरसेन, अकृतव्रण — इन सबको उन्होंने ऋत्विक के रूप में चुना।

श्लोक 10 (bhagavata.10.74.10)

उपहूतास्तथा चान्ये द्रोणभीष्मकृपादयः । धृतराष्ट्रः सहसुतो विदुरश्च महामतिः ॥ 74.10 ॥

upahūtās tathā cānye droṇa-bhīṣma-kṛpādayaḥ dhṛtarāṣṭraḥ saha-suto viduraś ca mahā-matiḥ

द्रोण, भीष्म, कृप आदि तथा पुत्रों सहित धृतराष्ट्र और महामति विदुर भी आमंत्रित किए गए।

श्लोक 11 (bhagavata.10.74.11)

ब्राह्मणाः क्षत्रिया वैश्याः शूद्रा यज्ञदिदृक्षवः । तत्रेयुः सर्वराजानो राज्ञां प्रकृतयो नृप ॥ 74.11 ॥

brāhmaṇāḥ kṣatriyā vaiśyāḥ śūdrā yajña-didṛkṣavaḥ tatreyuḥ sarva-rājāno rājñāṁ prakṛtayo nṛpa

हे राजन्! ब्राह्मण, क्षत्रिय, वैश्य तथा यज्ञ देखने के इच्छुक शूद्र, समस्त राजा तथा राजाओं की प्रजाएँ — सभी वहाँ एकत्र हुए।

श्लोक 12 (bhagavata.10.74.12)

ततस्ते देवयजनं ब्राह्मणाः स्वर्णलाङ्गलैः । कृष्ट्वा तत्र यथाम्नायं दीक्षयां चक्रिरे नृपम् ॥ 74.12 ॥

tatas te deva-yajanaṁ brāhmaṇāḥ svarṇa-lāṅgalaiḥ kṛṣṭvā tatra yathāmnāyaṁ dīkṣayāṁ cakrire nṛpam

तब उन ब्राह्मणों ने वहाँ स्वर्ण के हलों से यज्ञभूमि को यथाविधि जोतकर राजा को दीक्षित किया।

श्लोक 13 (bhagavata.10.74.13)

हैमाः किलोपकरणा वरुणस्य यथा पुरा । इन्द्रादयो लोकपाला विरिञ्चिभवसंयुताः ॥ 74.13 ॥

haimāḥ kilopakaraṇā varuṇasya yathā purā indrādayo loka-pālā viriñci-bhava-saṁyutāḥ

यज्ञ-सामग्री स्वर्णमयी थी, जैसे प्राचीन काल में वरुण के यज्ञ में थी; इन्द्र आदि लोकपाल, ब्रह्मा और शिव सहित,

श्लोक 14 (bhagavata.10.74.14)

सगणाः सिद्धगन्धर्वा विद्याधरमहोरगाः । मुनयो यक्षरक्षांसि खगकिन्नरचारणाः ॥ 74.14 ॥

sa-gaṇāḥ siddha-gandharvā vidyādhara-mahoragāḥ munayo yakṣa-rakṣāṁsi khaga-kinnara-cāraṇāḥ

अपने-अपने गणों सहित, तथा सिद्ध, गंधर्व, विद्याधर, महानाग, मुनि, यक्ष, राक्षस, खग, किन्नर और चारण —

श्लोक 15 (bhagavata.10.74.15)

राजानश्च समाहूता राजपत्न्यश्च सर्वशः । राजसूयं समीयुः स्म राज्ञः पाण्डुसुतस्य वै । मेनिरे कृष्णभक्तस्य सूपपन्नमविस्मिताः ॥ 74.15 ॥

rājānaś ca samāhūtā rāja-patnyaś ca sarvaśaḥ rājasūyaṁ samīyuḥ sma rājñaḥ pāṇḍu-sutasya vai menire kṛṣṇa-bhaktasya sūpapannam avismitāḥ

तथा आमंत्रित राजा और उनकी रानियाँ भी — सब पाण्डुपुत्र राजा के राजसूय यज्ञ में एकत्र हुए, और विस्मित हुए बिना ही उन्होंने इसे कृष्णभक्त के लिए सर्वथा उपयुक्त माना।

श्लोक 16 (bhagavata.10.74.16)

अयाजयन् महाराजं याजका देववर्चसः । राजसूयेन विधिवत् प्रचेतसमिवामराः ॥ 74.16 ॥

ayājayan mahā-rājaṁ yājakā deva-varcasaḥ rājasūyena vidhi-vat pracetasam ivāmarāḥ

देवतुल्य तेजस्वी उन याजकों ने महाराज के लिए विधिपूर्वक राजसूय यज्ञ सम्पन्न कराया, जैसे पहले अमरगण वरुण के लिए करते थे।

श्लोक 17 (bhagavata.10.74.17)

सूत्येऽहन्यवनीपालो याजकान् सदसस्पतीन् । अपूजयन् महाभागान् यथावत् सुसमाहितः ॥ 74.17 ॥

sūtye ’hany avanī-pālo yājakān sadasas-patīn apūjayan mahā-bhāgān yathā-vat su-samāhitaḥ

सोमरस निकालने के दिन राजा ने अत्यंत सावधानीपूर्वक याजकों तथा सभा के महाभाग्यशाली सदस्यों का यथोचित सम्मान किया।

श्लोक 18 (bhagavata.10.74.18)

सदस्याग्र्यार्हणार्हं वै विमृशन्तः सभासदः । नाध्यगच्छन्ननैकान्त्यात् सहदेवस्तदाब्रवीत् ॥ 74.18 ॥

sadasyāgryārhaṇārhaṁ vai vimṛśantaḥ sabhā-sadaḥ nādhyagacchann anaikāntyāt sahadevas tadābravīt

सभा में सर्वप्रथम पूजा के योग्य कौन है, इस पर विचार करते हुए सभासद् अनेक मतों के कारण निर्णय नहीं कर सके; तब सहदेव ने कहा।

श्लोक 19 (bhagavata.10.74.19)

अर्हति ह्यच्युतः श्रैष्ठ्यं भगवान् सात्वतां पतिः । एष वै देवताः सर्वा देशकालधनादयः ॥ 74.19 ॥

arhati hy acyutaḥ śraiṣṭhyaṁ bhagavān sātvatāṁ patiḥ eṣa vai devatāḥ sarvā deśa-kāla-dhanādayaḥ

[सहदेव ने कहा:] अच्युत भगवान, सात्वतों के स्वामी, ही सर्वोच्च सम्मान के योग्य हैं; वे ही वास्तव में समस्त देवता हैं, तथा स्थान, काल, धन आदि भी वे ही हैं।

श्लोक 20 (bhagavata.10.74.20)

यदात्मकमिदं विश्वं क्रतवश्च यदात्मकाः । अग्निराहुतयो मन्त्रा साङ्ख्यं योगश्च यत्परः ॥ 74.20 ॥

yad-ātmakam idaṁ viśvaṁ kratavaś ca yad-ātmakāḥ agnir āhutayo mantrā sāṅkhyaṁ yogaś ca yat-paraḥ

यह विश्व उन्हीं की आत्मा से बना है, यज्ञ भी उन्हीं के स्वरूप हैं; अग्नि, आहुतियाँ, मंत्र, तथा सांख्य और योग जिसकी ओर उन्मुख हैं — वे भी वे ही हैं।

श्लोक 21 (bhagavata.10.74.21)

एक एवाद्वितीयोऽसावैतदात्म्यमिदं जगत् । आत्मनात्माश्रयः सभ्याः सृजत्यवति हन्त्यजः ॥ 74.21 ॥

eka evādvitīyo ’sāv aitad-ātmyam idaṁ jagat ātmanātmāśrayaḥ sabhyāḥ sṛjaty avati hanty ajaḥ

वे ही एक अद्वितीय, इस जगत के आत्मस्वरूप हैं; हे सभासदो! वह अजन्मा प्रभु स्वयं ही अपने आश्रय से, अपनी शक्तियों द्वारा सृष्टि, पालन और संहार करता है।

श्लोक 22 (bhagavata.10.74.22)

विविधानीह कर्माणि जनयन् यदवेक्षया । ईहते यदयं सर्वः श्रेयो धर्मादिलक्षणम् ॥ 74.22 ॥

vividhānīha karmāṇi janayan yad-avekṣayā īhate yad ayaṁ sarvaḥ śreyo dharmādi-lakṣaṇam

अपनी दृष्टिमात्र से इस लोक के विविध कर्मों को उत्पन्न करते हुए, उन्हीं के कारण यह सम्पूर्ण जगत धर्म आदि लक्षणों वाले श्रेय के लिए प्रयत्नशील है।

श्लोक 23 (bhagavata.10.74.23)

तस्मात् कृष्णाय महते दीयतां परमार्हणम् । एवं चेत् सर्वभूतानामात्मनश्चार्हणं भवेत् ॥ 74.23 ॥

tasmāt kṛṣṇāya mahate dīyatāṁ paramārhaṇam evaṁ cet sarva-bhūtānām ātmanaś cārhaṇaṁ bhavet

अतः महान कृष्ण को ही सर्वोच्च सम्मान दिया जाए; ऐसा करने से समस्त प्राणियों का तथा स्वयं का भी सम्मान हो जाएगा।

श्लोक 24 (bhagavata.10.74.24)

सर्वभूतात्मभूताय कृष्णायानन्यदर्शिने । देयं शान्ताय पूर्णाय दत्तस्यानन्त्यमिच्छता ॥ 74.24 ॥

sarva-bhūtātma-bhūtāya kṛṣṇāyānanya-darśine deyaṁ śāntāya pūrṇāya dattasyānantyam icchatā

जो समस्त प्राणियों के आत्मस्वरूप हैं, जो किसी को अपने से भिन्न नहीं देखते, शांत और पूर्ण कृष्ण को ही सम्मान देना चाहिए — उस व्यक्ति के द्वारा, जो अपने दिए हुए सम्मान का अनंत प्रतिफल चाहता है।

श्लोक 25 (bhagavata.10.74.25)

इत्युक्त्वा सहदेवोऽभूत् तूष्णीं कृष्णानुभाववित् । तच्छ्रुत्वा तुष्टुवुः सर्वे साधु साध्विति सत्तमाः ॥ 74.25 ॥

ity uktvā sahadevo ’bhūt tūṣṇīṁ kṛṣṇānubhāva-vit tac chrutvā tuṣṭuvuḥ sarve sādhu sādhv iti sattamāḥ

यह कहकर, कृष्ण के प्रभाव को जानने वाले सहदेव मौन हो गए; यह सुनकर वहाँ के समस्त सज्जनों ने कहा — "साधु! साधु!"

श्लोक 26 (bhagavata.10.74.26)

श्रुत्वा द्विजेरितं राजा ज्ञात्वा हार्दं सभासदाम् । समर्हयद्धृषीकेशं प्रीतः प्रणयविह्वलः ॥ 74.26 ॥

śrutvā dvijeritaṁ rājā jñātvā hārdaṁ sabhā-sadām samarhayad dhṛṣīkeśaṁ prītaḥ praṇaya-vihvalaḥ

ब्राह्मण द्वारा कहे गए इस वचन को सुनकर तथा सभासदों के हार्दिक भाव को समझकर, राजा प्रसन्न और स्नेह से विह्वल होकर हृषीकेश की यथाविधि पूजा करने लगे।

श्लोक 27 (bhagavata.10.74.27)

तत्पादाववनिज्यापः शिरसा लोकपावनीः । सभार्यः सानुजामात्यः सकुटुम्बो वहन्मुदा ॥ 74.27 ॥

tat-pādāv avanijyāpaḥ śirasā loka-pāvanīḥ sa-bhāryaḥ sānujāmātyaḥ sa-kuṭumbo vahan mudā

उनके चरणों को जल से धोकर, उस लोक-पावन जल को अपने सिर पर, तथा पत्नी, अनुजों, मंत्रियों और परिजनों सहित हर्षपूर्वक धारण करते हुए —

श्लोक 28 (bhagavata.10.74.28)

वासोभिः पीतकौषेयैर्भूषणैश्च महाधनैः । अर्हयित्वाश्रुपूर्णाक्षो नाशकत् समवेक्षितुम् ॥ 74.28 ॥

vāsobhiḥ pīta-kauṣeyair bhūṣaṇaiś ca mahā-dhanaiḥ arhayitvāśru-pūrṇākṣo nāśakat samavekṣitum

— पीत रेशमी वस्त्रों तथा बहुमूल्य आभूषणों से उन्हें सम्मानित करते हुए, अश्रुपूर्ण नेत्रों वाले राजा उन्हें ठीक से देख भी नहीं पाए।

श्लोक 29 (bhagavata.10.74.29)

इत्थं सभाजितं वीक्ष्य सर्वे प्राञ्जलयो जनाः । नमो जयेति नेमुस्तं निपेतुः पुष्पवृष्टयः ॥ 74.29 ॥

itthaṁ sabhājitaṁ vīkṣya sarve prāñjalayo janāḥ namo jayeti nemus taṁ nipetuḥ puṣpa-vṛṣṭayaḥ

उन्हें इस प्रकार सम्मानित होते देखकर वहाँ के समस्त जन हाथ जोड़कर "नमो जय" कहते हुए उन्हें प्रणाम करने लगे, और पुष्पों की वर्षा होने लगी।

श्लोक 30 (bhagavata.10.74.30)

इत्थं निशम्य दमघोषसुतः स्वपीठा- दुत्थाय कृष्णगुणवर्णनजातमन्युः । उत्क्षिप्य बाहुमिदमाह सदस्यमर्षी संश्रावयन् भगवते परुषाण्यभीतः ॥ 74.30 ॥

itthaṁ niśamya damaghoṣa-sutaḥ sva-pīṭhād utthāya kṛṣṇa-guṇa-varṇana-jāta-manyuḥ utkṣipya bāhum idam āha sadasy amarṣī saṁśrāvayan bhagavate paruṣāṇy abhītaḥ

यह सुनकर दमघोष-पुत्र (शिशुपाल) कृष्ण के गुणों की प्रशंसा से उत्पन्न क्रोध में अपने आसन से उठ खड़ा हुआ; बाँह उठाकर, वह असहिष्णु व्यक्ति निर्भय होकर सभा में सबको सुनाते हुए भगवान के प्रति ये कठोर वचन बोलने लगा।

श्लोक 31 (bhagavata.10.74.31)

ईशो दुरत्ययः काल इति सत्यवती श्रुतिः । वृद्धानामपि यद् बुद्धिर्बालवाक्यैर्विभिद्यते ॥ 74.31 ॥

īśo duratyayaḥ kāla iti satyavatī srutiḥ vṛddhānām api yad buddhir bāla-vākyair vibhidyate

[शिशुपाल ने कहा:] "यह श्रुति-वचन कि नियंता काल अनतिक्रमणीय है, सत्य ही सिद्ध हुआ — क्योंकि वृद्धों की बुद्धि भी अब एक बालक के वचनों से भ्रमित हो गई है।

श्लोक 32 (bhagavata.10.74.32)

यूयं पात्रविदां श्रेष्ठा मा मन्ध्वं बालभाषितम् । सदसस्पतयः सर्वे कृष्णो यत् सम्मतोऽर्हणे ॥ 74.32 ॥

yūyaṁ pātra-vidāṁ śreṣṭhā mā mandhvaṁ bāla-bhāṣītam sadasas-patayaḥ sarve kṛṣṇo yat sammato ’rhaṇe

"तुम पात्रों के ज्ञाता श्रेष्ठजन हो; इस बालोचित वचन पर ध्यान मत दो — हे सभा के सभी अध्यक्षो! कि कृष्ण पूजा के योग्य माना जाए।

श्लोक 33 (bhagavata.10.74.33)

तपोविद्याव्रतधरान् ज्ञानविध्वस्तकल्मषान् । परमऋषीन्ब्रह्मनिष्ठाल्ँ लोकपालैश्च पूजितान् ॥ 74.33 ॥

tapo-vidyā-vrata-dharān jñāna-vidhvasta-kalmaṣān paramaṛṣīn brahma-niṣṭhāḻ loka-pālaiś ca pūjitān

"तप, विद्या और व्रत के धारक, ज्ञान से पाप-रहित, ब्रह्मनिष्ठ तथा लोकपालों द्वारा भी पूजित उन परम ऋषियों की उपेक्षा करके —

श्लोक 34 (bhagavata.10.74.34)

सदस्पतीनतिक्रम्य गोपालः कुलपांसनः । यथा काकः पुरोडाशं सपर्यां कथमर्हति ॥ 74.34 ॥

sadas-patīn atikramya gopālaḥ kula-pāṁsanaḥ yathā kākaḥ puroḍāśaṁ saparyāṁ katham arhati

"— सभा के अध्यक्षों की उपेक्षा करके, कुल के कलंक इस गोपाल को पूजा किस प्रकार योग्य हो सकती है, जैसे कौआ पुरोडाश के योग्य नहीं होता?

श्लोक 35 (bhagavata.10.74.35)

वर्णाश्रमकुलापेतः सर्वधर्मबहिष्कृतः । स्वैरवर्ती गुणैर्हीनः सपर्यां कथमर्हति ॥ 74.35 ॥

varṇāśrama-kulāpetaḥ sarva-dharma-bahiṣ-kṛtaḥ svaira-vartī guṇair hīnaḥ saparyāṁ katham arhati

"वर्ण, आश्रम और कुल से रहित, समस्त धर्मों से बहिष्कृत, स्वेच्छाचारी और गुणहीन — यह पूजा के योग्य कैसे हो सकता है?

श्लोक 36 (bhagavata.10.74.36)

ययातिनैषां हि कुलं शप्तं सद्भिर्बहिष्कृतम् । वृथापानरतं शश्वत् सपर्यां कथमर्हति ॥ 74.36 ॥

yayātinaiṣāṁ hi kulaṁ śaptaṁ sadbhir bahiṣ-kṛtam vṛthā-pāna-rataṁ śaśvat saparyāṁ katham arhati

"इनके कुल को ययाति ने शाप दिया था, सज्जनों ने इन्हें बहिष्कृत कर दिया था, और ये सदा व्यर्थ के मद्यपान में रत रहते हैं — यह पूजा के योग्य कैसे हो सकता है?

श्लोक 37 (bhagavata.10.74.37)

ब्रह्मर्षिसेवितान् देशान् हित्वैतेऽब्रह्मवर्चसम् । समुद्रं दुर्गमाश्रित्य बाधन्ते दस्यवः प्रजाः ॥ 74.37 ॥

brahmarṣi-sevitān deśān hitvaite ’brahma-varcasam samudraṁ durgam āśritya bādhante dasyavaḥ prajāḥ

"ब्रह्मर्षियों द्वारा सेवित देशों को त्यागकर, ब्रह्मतेज से रहित ये लोग, समुद्र में दुर्गम स्थान का आश्रय लेकर, चोरों की भाँति प्रजा को सताते हैं।

श्लोक 38 (bhagavata.10.74.38)

एवमादीन्यभद्राणि बभाषे नष्टमङ्गलः । नोवाच किञ्चिद्भगवान्यथा सिंहः शिवारुतम् ॥ 74.38 ॥

evam-ādīny abhadrāṇi babhāṣe naṣṭa-maṅgalaḥ novāca kiñcid bhagavān yathā siṁhaḥ śivā-rutam

[शुकदेव ने आगे कहा:] इस प्रकार सौभाग्यहीन शिशुपाल ने ये तथा अन्य अशुभ वचन कहे; परन्तु भगवान कुछ भी नहीं बोले, जैसे सिंह गीदड़ की चीत्कार पर ध्यान नहीं देता।

श्लोक 39 (bhagavata.10.74.39)

भगवन्निन्दनं श्रुत्वा दुःसहं तत् सभासदः । कर्णौ पिधाय निर्जग्मुः शपन्तश्चेदिपं रुषा ॥ 74.39 ॥

bhagavan-nindanaṁ śrutvā duḥsahaṁ tat sabhā-sadaḥ karṇau pidhāya nirjagmuḥ śapantaś cedi-paṁ ruṣā

भगवान की उस असह्य निंदा को सुनकर सभासद् अपने कान बंद करके बाहर निकल गए, क्रोध में चेदिराज को कोसते हुए।

श्लोक 40 (bhagavata.10.74.40)

निन्दां भगवतः शृण्वंस्तत्परस्य जनस्य वा । ततो नापैति यः सोऽपि यात्यधः सुकृताच्च्युतः ॥ 74.40 ॥

nindāṁ bhagavataḥ śṛṇvaṁs tat-parasya janasya vā tato nāpaiti yaḥ so ’pi yāty adhaḥ sukṛtāc cyutaḥ

भगवान की या उनके भक्त जन की निंदा सुनकर जो उस स्थान से नहीं हटता, वह भी अपने पुण्य से च्युत होकर अधोगति को प्राप्त होता है।

श्लोक 41 (bhagavata.10.74.41)

ततः पाण्डुसुताः क्रुद्धा मत्स्यकैकयसृञ्जयाः । उदायुधाः समुत्तस्थुः शिशुपालजिघांसवः ॥ 74.41 ॥

tataḥ pāṇḍu-sutāḥ kruddhā matsya-kaikaya-sṛñjayāḥ udāyudhāḥ samuttasthuḥ śiśupāla-jighāṁsavaḥ

तब पाण्डुपुत्र क्रोधित होकर, मत्स्य, केकय और सृंजयों सहित, शस्त्र उठाकर शिशुपाल को मारने के लिए खड़े हो गए।

श्लोक 42 (bhagavata.10.74.42)

ततश्चैद्यस्त्वसम्भ्रान्तो जगृहे खड्गचर्मणी । भर्त्सयन् कृष्णपक्षीयान् राज्ञः सदसि भारत ॥ 74.42 ॥

tataś caidyas tv asambhrānto jagṛhe khaḍga-carmaṇī bhartsayan kṛṣṇa-pakṣīyān rājñaḥ sadasi bhārata

तब चेदिराज निर्भय होकर तलवार और ढाल उठाकर, हे भारत! राजाओं की उस सभा में कृष्णपक्षीय लोगों को धिक्कारने लगा।

श्लोक 43 (bhagavata.10.74.43)

तावदुत्थाय भगवान् स्वान् निवार्य स्वयं रुषा । शिरः क्षुरान्तचक्रेण जहारपततो रिपोः ॥ 74.43 ॥

tāvad utthāya bhagavān svān nivārya svayaṁ ruṣā śiraḥ kṣurānta-cakreṇa jahāra patato ripoḥ

उसी क्षण भगवान उठ खड़े हुए, स्वयं अपने पक्षवालों को रोककर, क्रोधवश आक्रमण करते हुए शत्रु का सिर उस तीक्ष्णधार चक्र से काट दिया।

श्लोक 44 (bhagavata.10.74.44)

शब्दः कोलाहलोऽथासीच्छिशुपाले हते महान् । तस्यानुयायिनो भूपा दुद्रुवुर्जीवितैषिणः ॥ 74.44 ॥

śabdaḥ kolāhalo ’thāsīc chiśupāle hate mahān tasyānuyāyino bhūpā dudruvur jīvitaiṣiṇaḥ

शिशुपाल के मारे जाने पर एक महान कोलाहल उठा; प्राणों की रक्षा चाहने वाले उसके अनुयायी राजा भाग खड़े हुए।

श्लोक 45 (bhagavata.10.74.45)

चैद्यदेहोत्थितं ज्योतिर्वासुदेवमुपाविशत् । पश्यतां सर्वभूतानामुल्केव भुवि खाच्च्युता ॥ 74.45 ॥

caidya-dehotthitaṁ jyotir vāsudevam upāviśat paśyatāṁ sarva-bhūtānām ulkeva bhuvi khāc cyutā

शिशुपाल के शरीर से उठा हुआ वह तेज, समस्त प्राणियों के देखते-देखते वासुदेव में विलीन हो गया, मानो आकाश से गिरता हुआ उल्का पृथ्वी पर आ मिले।

श्लोक 46 (bhagavata.10.74.46)

जन्मत्रयानुगुणितवैरसंरब्धया धिया । ध्यायंस्तन्मयतां यातो भावो हि भवकारणम् ॥ 74.46 ॥

janma-trayānuguṇita- vaira-saṁrabdhayā dhiyā dhyāyaṁs tan-mayatāṁ yāto bhāvo hi bhava-kāraṇam

तीन जन्मों तक निरंतर बढ़ते हुए वैर से उद्विग्न बुद्धि द्वारा ध्यान करते-करते वह उन्हीं में तन्मय हो गया — क्योंकि भाव ही भव (जन्म) का कारण होता है।

श्लोक 47 (bhagavata.10.74.47)

ऋत्विग्भ्यः ससदस्येभ्यो दक्षिणां विपुलामदात् । सर्वान् सम्पूज्य विधिवच्चक्रेऽवभृथमेकराट् ॥ 74.47 ॥

ṛtvigbhyaḥ sa-sadasyebhyo dakṣināṁ vipulām adāt sarvān sampūjya vidhi-vac cakre ’vabhṛtham eka-rāṭ

उस एकच्छत्र सम्राट (युधिष्ठिर) ने ऋत्विजों और सभासदों को विपुल दक्षिणा दी, तथा सबका यथाविधि सम्मान करके अवभृथ स्नान किया।

श्लोक 48 (bhagavata.10.74.48)

साधयित्वा क्रतुः राज्ञः कृष्णो योगेश्वरेश्वरः । उवास कतिचिन्मासान् सुहृद्भिरभियाचितः ॥ 74.48 ॥

sādhayitvā kratuḥ rājñaḥ kṛṣṇo yogeśvareśvaraḥ uvāsa katicin māsān suhṛdbhir abhiyācitaḥ

योगेश्वरों के भी ईश्वर कृष्ण ने राजा के यज्ञ को सम्पन्न कराकर, सुहृदों के आग्रह पर वहाँ कुछ महीनों तक निवास किया।

श्लोक 49 (bhagavata.10.74.49)

ततोऽनुज्ञाप्य राजानमनिच्छन्तमपीश्वरः । ययौ सभार्यः सामात्यः स्वपुरं देवकीसुतः ॥ 74.49 ॥

tato ’nujñāpya rājānam anicchantam apīśvaraḥ yayau sa-bhāryaḥ sāmātyaḥ sva-puraṁ devakī-sutaḥ

तत्पश्चात् राजा की अनिच्छा के बावजूद उनसे अनुमति लेकर, सर्वेश्वर देवकीनन्दन अपनी पत्नियों और मंत्रियों सहित अपनी नगरी को चले गए।

श्लोक 50 (bhagavata.10.74.50)

वर्णितं तदुपाख्यानं मया ते बहुविस्तरम् । वैकुण्ठवासिनोर्जन्म विप्रशापात् पुनः पुनः ॥ 74.50 ॥

varṇitaṁ tad upākhyānaṁ mayā te bahu-vistaram vaikuṇṭha-vāsinor janma vipra-śāpāt punaḥ punaḥ

वैकुण्ठवासी उन दोनों (जय-विजय) का, जो ब्राह्मण के शाप से बार-बार जन्म लेते रहे, वह वृत्तांत मैं तुम्हें पहले ही विस्तार से सुना चुका हूँ।

श्लोक 51 (bhagavata.10.74.51)

राजसूयावभृथ्येन स्नातो राजा युधिष्ठिरः । ब्रह्मक्षत्रसभामध्ये शुशुभे सुरराडिव ॥ 74.51 ॥

rājasūyāvabhṛthyena snāto rājā yudhiṣṭhiraḥ brahma-kṣatra-sabhā-madhye śuśubhe sura-rāḍ iva

राजसूय यज्ञ के अवभृथ स्नान से पवित्र हुए राजा युधिष्ठिर ब्राह्मणों और क्षत्रियों की उस सभा के मध्य देवराज के समान शोभायमान हुए।

श्लोक 52 (bhagavata.10.74.52)

राज्ञा सभाजिताः सर्वे सुरमानवखेचराः । कृष्णं क्रतुं च शंसन्तः स्वधामानि ययुर्मुदा ॥ 74.52 ॥

rājñā sabhājitāḥ sarve sura-mānava-khecarāḥ kṛṣṇaṁ kratuṁ ca śaṁsantaḥ sva-dhāmāni yayur mudā

राजा द्वारा यथोचित सम्मानित समस्त देवता, मनुष्य और खेचरगण, कृष्ण तथा उस यज्ञ की प्रशंसा करते हुए हर्षपूर्वक अपने-अपने धाम को चले गए।

श्लोक 53 (bhagavata.10.74.53)

दुर्योधनमृते पापं कलिं कुरुकुलामयम् । यो न सेहे श्रियं स्फीतां दृष्ट्वा पाण्डुसुतस्य ताम् ॥ 74.53 ॥

duryodhanam ṛte pāpaṁ kaliṁ kuru-kulāmayam yo na sehe śrīyaṁ sphītāṁ dṛṣṭvā pāṇḍu-sutasya tām

केवल पापी दुर्योधन को छोड़कर — जो कुरुवंश का रोग तथा कलियुग का साक्षात् स्वरूप था — जिसने पाण्डुपुत्र की उस समृद्ध सम्पत्ति को देखकर सहन नहीं किया।

श्लोक 54 (bhagavata.10.74.54)

य इदं कीर्तयेद् विष्णोः कर्म चैद्यवधादिकम् । राजमोक्षं वितानं च सर्वपापैः प्रमुच्यते ॥ 74.54 ॥

ya idaṁ kīrtayed viṣṇoḥ karma caidya-vadhādikam rāja-mokṣaṁ vitānaṁ ca sarva-pāpaiḥ pramucyate

जो भी विष्णु के इस कर्म का — चेदिराज-वध आदि का, राजाओं की मुक्ति का, तथा उस विशाल यज्ञ का — कीर्तन करता है, वह समस्त पापों से मुक्त हो जाता है।