भागवत सभी प्रश्नों का उत्तर है

श्लोक 1 (bhagavata.2.10.1)

श्रीशुक उवाच अत्र सर्गो विसर्गश्च स्थानं पोषणमूतयः । मन्वन्तरेशानुकथा निरोधो मुक्तिराश्रयः ॥ 10.1 ॥

śrī-śuka uvāca atra sargo visargaś ca sthānaṁ poṣaṇam ūtayaḥ manvantareśānukathā nirodho muktir āśrayaḥ

श्री शुकदेव जी ने कहा — इस भागवत में दस विषय हैं: सर्ग (प्राथमिक सृष्टि), विसर्ग (गौण सृष्टि), लोकों की स्थिति, पोषण, कर्म-प्रवृत्तियाँ, मन्वन्तरों तथा उनके स्वामियों की कथा, प्रलय, मुक्ति, तथा सबका परम आश्रय।

श्लोक 2 (bhagavata.2.10.2)

दशमस्य विशुद्ध्यर्थं नवानामिह लक्षणम् । वर्णयन्ति महात्मानः श्रुतेनार्थेन चाञ्जसा ॥ 10.2 ॥

daśamasya viśuddhy-arthaṁ navānām iha lakṣaṇam varṇayanti mahātmānaḥ śrutenārthena cāñjasā

दसवें (परम आश्रय) की भलीभाँति व्याख्या के लिए, महापुरुष अन्य नौ विषयों का वर्णन करते हैं — कभी श्रुति-प्रमाण से, कभी अर्थ-व्याख्या से, तो कभी सीधे-सरल ढंग से।

श्लोक 3 (bhagavata.2.10.3)

भूतमात्रेन्द्रियधियां जन्म सर्ग उदाहृतः । ब्रह्मणो गुणवैषम्याद्विसर्गः पौरुषः स्मृतः ॥ 10.3 ॥

bhūta-mātrendriya-dhiyāṁ janma sarga udāhṛtaḥ brahmaṇo guṇa-vaiṣamyād visargaḥ pauruṣaḥ smṛtaḥ

भूत-मात्राओं, इन्द्रियों तथा बुद्धि की उत्पत्ति को 'सर्ग' कहा गया है; और पुरुष के प्रभाव से प्रकृति में गुणों की विषमता से उत्पन्न सृष्टि को 'विसर्ग' कहा गया है।

श्लोक 4 (bhagavata.2.10.4)

स्थितिर्वैकुण्ठविजयः पोषणं तदनुग्रहः । मन्वन्तराणि सद्धर्म ऊतयः कर्मवासनाः ॥ 10.4 ॥

sthitir vaikuṇṭha-vijayaḥ poṣaṇaṁ tad-anugrahaḥ manvantarāṇi sad-dharma ūtayaḥ karma-vāsanāḥ

'स्थिति' भगवान की स्वयं की विजय है, जो सृष्टि का पालन करती है; 'पोषण' उनकी कृपा है; 'मन्वन्तर' प्रत्येक में स्थापित सद्धर्म से चिह्नित होते हैं; और 'ऊतयः' (प्रवृत्तियाँ) संचित कर्मों से उत्पन्न वासनाएँ हैं।

श्लोक 5 (bhagavata.2.10.5)

अवतारानुचरितं हरेश्चास्यानुवर्तिनाम् । पुंसामीशकथाः प्रोक्ता नानाख्यानोपबृंहिताः ॥ 10.5 ॥

avatārānucaritaṁ hareś cāsyānuvartinām puṁsām īśa-kathāḥ proktā nānākhyānopabṛṁhitāḥ

'ईश-कथा' कही जाती है — हरि के अवतारों की तथा उनका अनुसरण करने वाले भक्तजनों की लीलाएँ, जो नाना उपाख्यानों से समृद्ध हैं।

श्लोक 6 (bhagavata.2.10.6)

निरोधोऽस्यानुशयनमात्मनः सह शक्तिभिः । मुक्तिर्हित्वान्यथारूपं स्वरूपेण व्यवस्थितिः ॥ 10.6 ॥

nirodho ’syānuśayanam ātmanaḥ saha śaktibhiḥ muktir hitvānyathā rūpaṁ sva-rūpeṇa vyavasthitiḥ

'निरोध' उनका शयन है, जिसमें वे अपनी शक्तियों सहित सृष्टि को अपने में समेट लेते हैं; 'मुक्ति' अन्य मिथ्या रूपों का त्याग तथा अपने स्वरूप में स्थिति है।

श्लोक 7 (bhagavata.2.10.7)

आभासश्च निरोधश्च यतोऽस्त्यध्यवसीयते । स आश्रयः परं ब्रह्म परमात्मेति शब्द्यते ॥ 10.7 ॥

ābhāsaś ca nirodhaś ca yato ’sty adhyavasīyate sa āśrayaḥ paraṁ brahma paramātmeti śabdyate

जिससे संसार की उत्पत्ति (आभास) तथा प्रलय, दोनों का बोध होता है — वही 'आश्रय' है, जिसे परब्रह्म तथा परमात्मा कहा जाता है।

श्लोक 8 (bhagavata.2.10.8)

योऽध्यात्मिकोऽयं पुरुषः सोऽसावेवाधिदैविकः । यस्तत्रोभयविच्छेदः पुरुषो ह्याधिभौतिकः ॥ 10.8 ॥

yo ’dhyātmiko ’yaṁ puruṣaḥ so ’sāv evādhidaivikaḥ yas tatrobhaya-vicchedaḥ puruṣo hy ādhibhautikaḥ

जो पुरुष अध्यात्मिक (इन्द्रिय-रूप) है, वही अधिदैविक (अधिष्ठातृ-देवता-रूप) भी है; और जो इन दोनों के बीच भेद-कारक तत्त्व है, वही अधिभौतिक पुरुष है।

श्लोक 9 (bhagavata.2.10.9)

एकमेकतराभावे यदा नोपलभामहे । त्रितयं तत्र यो वेद स आत्मा स्वाश्रयाश्रयः ॥ 10.9 ॥

ekam ekatarābhāve yadā nopalabhāmahe tritayaṁ tatra yo veda sa ātmā svāśrayāśrayaḥ

जब दोनों में से किसी एक के अभाव में दूसरे का बोध नहीं होता, तब जो इन तीनों को एक साथ जानता है, वही आत्मा है — अपने ही आश्रय का आश्रय।

श्लोक 10 (bhagavata.2.10.10)

पुरुषोऽण्डं विनिर्भिद्य यदासौ स विनिर्गतः । आत्मनोऽयनमन्विच्छन्नपोऽस्राक्षीच्छुचिः शुचीः ॥ 10.10 ॥

puruṣo ’ṇḍaṁ vinirbhidya yadāsau sa vinirgataḥ ātmano ’yanam anvicchann apo ’srākṣīc chuciḥ śucīḥ

जब वह पुरुष ब्रह्माण्ड को भेदकर उससे बाहर निकला, तब पवित्र वह, अपने लिए विश्राम-स्थान की इच्छा से, पवित्र जल की सृष्टि की।

श्लोक 11 (bhagavata.2.10.11)

तास्ववात्सीत् स्वसृष्टासु सहस्रंपरिवत्सरान् । तेन नारायणो नाम यदापः पुरुषोद्भवाः ॥ 10.11 ॥

tāsv avātsīt sva-sṛṣṭāsu sahasraṁ parivatsarān tena nārāyaṇo nāma yad āpaḥ puruṣodbhavāḥ

अपनी ही रची हुई उन जलराशियों में वे एक सहस्र वर्ष तक निवास करते रहे; और चूँकि वह जल (नार) पुरुष से ही उत्पन्न हुआ, इसी कारण वे 'नारायण' कहलाए।

श्लोक 12 (bhagavata.2.10.12)

द्रव्यं कर्म च कालश्च स्वभावो जीव एव च । यदनुग्रहतः सन्ति न सन्ति यदुपेक्षया ॥ 10.12 ॥

dravyaṁ karma ca kālaś ca svabhāvo jīva eva ca yad-anugrahataḥ santi na santi yad-upekṣayā

द्रव्य, कर्म, काल, स्वभाव (प्रकृति) तथा जीव — इन सबका अस्तित्व उनकी कृपा से है, और उनकी उपेक्षा मात्र से इनका अभाव हो जाता है।

श्लोक 13 (bhagavata.2.10.13)

एको नानात्वमन्विच्छन् योगतल्पात् समुत्थितः । वीर्यं हिरण्मयं देवो मायया व्यसृजत् त्रिधा ॥ 10.13 ॥

eko nānātvam anvicchan yoga-talpāt samutthitaḥ vīryaṁ hiraṇmayaṁ devo māyayā vyasṛjat tridhā

एक होते हुए भी अनेकता की इच्छा से, अपनी योग-निद्रा से उठकर, भगवान ने अपनी माया द्वारा एक स्वर्णिम वीर्य (बीज) उत्पन्न किया, जो त्रिविध रूप में प्रकट हुआ।

श्लोक 14 (bhagavata.2.10.14)

अधिदैवमथाध्यात्ममधिभूतमिति प्रभुः । अथैकं पौरुषं वीर्यं त्रिधाभिद्यत तच्छृणु ॥ 10.14 ॥

adhidaivam athādhyātmam adhibhūtam iti prabhuḥ athaikaṁ pauruṣaṁ vīryaṁ tridhābhidyata tac chṛṇu

अधिदैव, अध्यात्म तथा अधिभूत — इस प्रकार प्रभु की वह एक पुरुष-शक्ति किस प्रकार तीन रूपों में विभक्त हुई, वह सुनो।

श्लोक 15 (bhagavata.2.10.15)

अन्तःशरीर आकाशात् पुरुषस्य विचेष्टतः । ओजः सहो बलं जज्ञे ततः प्राणो महानसुः ॥ 10.15 ॥

antaḥ śarīra ākāśāt puruṣasya viceṣṭataḥ ojaḥ saho balaṁ jajñe tataḥ prāṇo mahān asuḥ

अपने शरीर के भीतर सक्रिय हुए उस पुरुष से, उनके भीतर स्थित आकाश से ओज, सहनशक्ति तथा बल उत्पन्न हुए; और उनसे महान प्राण-शक्ति उत्पन्न हुई।

श्लोक 16 (bhagavata.2.10.16)

अनुप्राणन्ति यं प्राणाः प्राणन्तं सर्वजन्तुषु । अपानन्तमपानन्ति नरदेवमिवानुगाः ॥ 10.16 ॥

anuprāṇanti yaṁ prāṇāḥ prāṇantaṁ sarva-jantuṣu apānantam apānanti nara-devam ivānugāḥ

जब वे श्वास लेते हैं, तब सभी प्राणियों के प्राण भी उनका अनुसरण करते हुए श्वास लेते हैं; और जब वे अपान-गति करते हैं, तब वे भी वैसा ही करते हैं — जैसे अनुचर राजा का अनुसरण करते हैं।

श्लोक 17 (bhagavata.2.10.17)

प्राणेनाक्षिपता क्षुत् तृडन्तरा जायते विभोः । पिपासतो जक्षतश्च प्राङ्मुखं निरभिद्यत ॥ 10.17 ॥

prāṇenākṣipatā kṣut tṛḍ antarā jāyate vibhoḥ pipāsato jakṣataś ca prāṅ mukhaṁ nirabhidyata

उस प्राण से उद्वेलित होकर सर्वव्यापी प्रभु में भूख तथा प्यास उत्पन्न हुई; और पीने-खाने की इच्छा होने पर सबसे पहले मुख प्रकट हुआ।

श्लोक 18 (bhagavata.2.10.18)

मुखतस्तालु निर्भिन्नं जिह्वा तत्रोपजायते । ततो नानारसो जज्ञे जिह्वया योऽधिगम्यते ॥ 10.18 ॥

mukhatas tālu nirbhinnaṁ jihvā tatropajāyate tato nānā-raso jajñe jihvayā yo ’dhigamyate

मुख से तालु प्रकट हुआ, और वहाँ जिह्वा उत्पन्न हुई; उससे नाना प्रकार के रस उत्पन्न हुए, जिन्हें जिह्वा द्वारा अनुभव किया जाता है।

श्लोक 19 (bhagavata.2.10.19)

विवक्षोर्मुखतो भूम्नो वह्निर्वाग् व्याहृतं तयोः । जले चैतस्य सुचिरं निरोधः समजायत ॥ 10.19 ॥

vivakṣor mukhato bhūmno vahnir vāg vyāhṛtaṁ tayoḥ jale caitasya suciraṁ nirodhaḥ samajāyata

बोलने की इच्छा से सर्वव्यापी प्रभु के मुख से अग्नि तथा वाणी दोनों प्रकट हुए; किन्तु जल में शयन करते हुए दीर्घ काल तक यह कार्य निरुद्ध रहा।

श्लोक 20 (bhagavata.2.10.20)

नासिके निरभिद्येतां दोधूयति नभस्वति । तत्र वायुर्गन्धवहो घ्राणो नसि जिघृक्षतः ॥ 10.20 ॥

nāsike nirabhidyetāṁ dodhūyati nabhasvati tatra vāyur gandha-vaho ghrāṇo nasi jighṛkṣataḥ

वायु के प्रवाहित होने से नासिका के दोनों छिद्र प्रकट हुए; गन्ध-ग्रहण की इच्छा रखने वाले उन प्रभु की नासिका में सुगन्ध-वाहक वायु तथा घ्राण-शक्ति उत्पन्न हुई।

श्लोक 21 (bhagavata.2.10.21)

यदात्मनि निरालोकमात्मानं च दिदृक्षतः । निर्भिन्ने ह्यक्षिणी तस्य ज्योतिश्चक्षुर्गुणग्रहः ॥ 10.21 ॥

yadātmani nirālokam ātmānaṁ ca didṛkṣataḥ nirbhinne hy akṣiṇī tasya jyotiś cakṣur guṇa-grahaḥ

जब उन्होंने स्वयं को प्रकाशरहित पाकर स्वयं को देखने की इच्छा की, तब उनके दोनों नेत्र प्रकट हुए; और प्रकाश, दृष्टि-शक्ति तथा उसका विषय (रूप) उत्पन्न हुए।

श्लोक 22 (bhagavata.2.10.22)

बोध्यमानस्य ऋषिभिरात्मनस्तज्जिघृक्षतः । कर्णौ च निरभिद्येतां दिशः श्रोत्रं गुणग्रहः ॥ 10.22 ॥

bodhyamānasya ṛṣibhir ātmanas taj jighṛkṣataḥ karṇau ca nirabhidyetāṁ diśaḥ śrotraṁ guṇa-grahaḥ

जब ऋषिगण उन्हें जानने का प्रयत्न कर रहे थे, और वे उसे ग्रहण करने की इच्छा रखते थे, तब उनके दोनों कान प्रकट हुए; और दिशाएँ, श्रवण-शक्ति तथा शब्द उत्पन्न हुए।

श्लोक 23 (bhagavata.2.10.23)

वस्तुनो मृदुकाठिन्यलघुगुर्वोष्णशीतताम् । जिघृक्षतस्त्वङ् निर्भिन्ना तस्यां रोममहीरुहाः । तत्र चान्तर्बहिर्वातस्त्वचा लब्धगुणो वृतः ॥ 10.23 ॥

vastuno mṛdu-kāṭhinya- laghu-gurv-oṣṇa-śītatām jighṛkṣatas tvaṅ nirbhinnā tasyāṁ roma-mahī-ruhāḥ tatra cāntar bahir vātas tvacā labdha-guṇo vṛtaḥ

वस्तुओं की कोमलता-कठोरता, हल्कापन-भारीपन, उष्णता-शीतलता का बोध पाने की इच्छा से त्वचा प्रकट हुई; उस पर रोम तथा उनके अधिष्ठातृ वृक्ष प्रकट हुए; और वहाँ भीतर-बाहर, त्वचा से स्पर्श-गुण प्राप्त कर वायु व्याप्त हो गई।

श्लोक 24 (bhagavata.2.10.24)

हस्तौ रुरुहतुस्तस्य नानाकर्मचिकीर्षया । तयोस्तु बलवानिन्द्र आदानमुभयाश्रयम् ॥ 10.24 ॥

hastau ruruhatus tasya nānā-karma-cikīrṣayā tayos tu balavān indra ādānam ubhayāśrayam

अनेक कर्म करने की इच्छा से उनके दोनों हाथ प्रकट हुए; और उन दोनों के आश्रय से बलवान इन्द्र तथा ग्रहण-क्रिया उत्पन्न हुई।

श्लोक 25 (bhagavata.2.10.25)

गतिं जिगीषतः पादौ रुरुहातेऽभिकामिकाम् । पद्भ्यां यज्ञः स्वयं हव्यं कर्मभिः क्रियते नृभिः ॥ 10.25 ॥

gatiṁ jigīṣataḥ pādau ruruhāte ’bhikāmikām padbhyāṁ yajñaḥ svayaṁ havyaṁ karmabhiḥ kriyate nṛbhiḥ

अपनी अभीष्ट गति की इच्छा से उनके दोनों पैर प्रकट हुए; उन पैरों से विष्णु प्रकट हुए, जिनसे मनुष्य अपने कर्मों द्वारा यज्ञ-हव्य सम्पन्न करते हैं।

श्लोक 26 (bhagavata.2.10.26)

निरभिद्यत शिश्नो वै प्रजानन्दामृतार्थिनः । उपस्थ आसीत् कामानां प्रियं तदुभयाश्रयम् ॥ 10.26 ॥

nirabhidyata śiśno vai prajānandāmṛtārthinaḥ upastha āsīt kāmānāṁ priyaṁ tad-ubhayāśrayam

संतान-सुख तथा काम-सुख रूपी अमृत की इच्छा से उनकी जननेन्द्रिय प्रकट हुई; वह इन्द्रिय काम तथा उसके अधिष्ठातृ देव प्रजापति, दोनों का प्रिय आश्रय बनी।

श्लोक 27 (bhagavata.2.10.27)

उत्सिसृक्षोर्धातुमलं निरभिद्यत वै गुदम् । ततः पायुस्ततो मित्र उत्सर्ग उभयाश्रयः ॥ 10.27 ॥

utsisṛkṣor dhātu-malaṁ nirabhidyata vai gudam tataḥ pāyus tato mitra utsarga ubhayāśrayaḥ

शरीर के मल को त्यागने की इच्छा से गुदा प्रकट हुई; उससे मलोत्सर्ग-इन्द्रिय, फिर मित्र देवता प्रकट हुए; उत्सर्ग-क्रिया दोनों के आश्रय पर टिकी है।

श्लोक 28 (bhagavata.2.10.28)

आसिसृप्सोः पुरः पुर्या नाभिद्वारमपानतः । तत्रापानस्ततो मृत्युः पृथक्त्वमुभयाश्रयम् ॥ 10.28 ॥

āsisṛpsoḥ puraḥ puryā nābhi-dvāram apānataḥ tatrāpānas tato mṛtyuḥ pṛthaktvam ubhayāśrayam

एक शरीर से दूसरे शरीर में संचरण की इच्छा से अपान-द्वार, नाभि प्रकट हुई; उससे अपान-वायु, फिर मृत्यु उत्पन्न हुई; शरीर से पृथक्त्व दोनों के आश्रय पर टिका है।

श्लोक 29 (bhagavata.2.10.29)

आदित्सोरन्नपानानामासन् कुक्ष्यन्त्रनाडयः । नद्यः समुद्राश्च तयोस्तुष्टिः पुष्टिस्तदाश्रये ॥ 10.29 ॥

āditsor anna-pānānām āsan kukṣy-antra-nāḍayaḥ nadyaḥ samudrāś ca tayos tuṣṭiḥ puṣṭis tad-āśraye

अन्न-पान ग्रहण करने की इच्छा से उदर, आँतें तथा नाड़ियाँ प्रकट हुईं; इन दोनों का आश्रय नदियाँ तथा समुद्र बने; तृप्ति तथा पुष्टि उसी आश्रय पर टिकी हैं।

श्लोक 30 (bhagavata.2.10.30)

निदिध्यासोरात्ममायां हृदयं निरभिद्यत । ततो मनश्चन्द्र इति सङ्कल्पः काम एव च ॥ 10.30 ॥

nididhyāsor ātma-māyāṁ hṛdayaṁ nirabhidyata tato manaś candra iti saṅkalpaḥ kāma eva ca

अपनी माया का चिन्तन करने की इच्छा से हृदय प्रकट हुआ; उससे मन तथा चन्द्रमा उत्पन्न हुए; और उनसे संकल्प तथा काम (इच्छा) भी।

श्लोक 31 (bhagavata.2.10.31)

त्वक्चर्ममांसरुधिरमेदोमज्जास्थिधातवः । भूम्यप्तेजोमयाः सप्त प्राणो व्योमाम्बुवायुभिः ॥ 10.31 ॥

tvak-carma-māṁsa-rudhira- medo-majjāsthi-dhātavaḥ bhūmy-ap-tejomayāḥ sapta prāṇo vyomāmbu-vāyubhiḥ

शरीर की सात धातुएँ — त्वचा, चर्म, मांस, रक्त, मेद, मज्जा तथा अस्थि — पृथ्वी, जल तथा अग्नि से बनी हैं; और प्राण आकाश, जल तथा वायु से बना है।

श्लोक 32 (bhagavata.2.10.32)

गुणात्मकानीन्द्रियाणि भूतादिप्रभवा गुणाः । मनः सर्वविकारात्मा बुद्धिर्विज्ञानरूपिणी ॥ 10.32 ॥

guṇātmakānīndriyāṇi bhūtādi-prabhavā guṇāḥ manaḥ sarva-vikārātmā buddhir vijñāna-rūpiṇī

इन्द्रियाँ गुणों से बनी हैं; गुण स्वयं अहंकार (भूतादि) से उत्पन्न होते हैं; मन समस्त विकारों की प्रकृति वाला है; और बुद्धि विवेक (विज्ञान) के स्वरूप वाली है।

श्लोक 33 (bhagavata.2.10.33)

एतद्भगवतो रूपं स्थूलं ते व्याहृतं मया । मह्यादिभिश्चावरणैरष्टभिर्बहिरावृतम् ॥ 10.33 ॥

etad bhagavato rūpaṁ sthūlaṁ te vyāhṛtaṁ mayā mahy-ādibhiś cāvaraṇair aṣṭabhir bahir āvṛtam

यह भगवान का स्थूल रूप है, जो मैंने तुम्हें बता दिया; यह महत्तत्त्व आदि से आरम्भ होने वाले आठ आवरणों से बाहर से आवृत है।

श्लोक 34 (bhagavata.2.10.34)

अतः परं सूक्ष्मतममव्यक्तं निर्विशेषणम् । अनादिमध्यनिधनं नित्यं वाङ्मनसः परम् ॥ 10.34 ॥

ataḥ paraṁ sūkṣmatamam avyaktaṁ nirviśeṣaṇam anādi-madhya-nidhanaṁ nityaṁ vāṅ-manasaḥ param

इससे परे वह है जो सूक्ष्मतम, अव्यक्त, निर्विशेष है; जिसका न आदि है, न मध्य, न अन्त; जो नित्य है तथा वाणी और मन से भी परे है।

श्लोक 35 (bhagavata.2.10.35)

अमुनी भगवद्रूपे मया ते ह्यनुवर्णिते । उभे अपि न गृह्णन्ति मायासृष्टे विपश्चितः ॥ 10.35 ॥

amunī bhagavad-rūpe mayā te hy anuvarṇite ubhe api na gṛhṇanti māyā-sṛṣṭe vipaścitaḥ

भगवान के ये दोनों रूप, जो मैंने तुम्हें बताए — विद्वज्जन इन दोनों को ही, माया द्वारा रचित जानकर, अन्तिम सत्य नहीं मानते।

श्लोक 36 (bhagavata.2.10.36)

स वाच्यवाचकतया भगवान् ब्रह्मरूपधृक् । नामरूपक्रिया धत्ते सकर्माकर्मकः परः ॥ 10.36 ॥

sa vācya-vācakatayā bhagavān brahma-rūpa-dhṛk nāma-rūpa-kriyā dhatte sakarmākarmakaḥ paraḥ

वे भगवान, वाच्य-वाचक (शब्द तथा उसके अर्थ) के सम्बन्ध से, शब्द-ब्रह्म (वेद) का रूप धारण कर नाम, रूप तथा क्रिया को धारण करते हैं — यद्यपि वे परम, कर्मरहित होते हुए भी सकर्म-से प्रतीत होते हैं।

श्लोक 37 (bhagavata.2.10.37)

प्रजापतीन्मनून् देवानृषीन् पितृगणान् पृथक् । सिद्धचारणगन्धर्वान् विद्याध्रासुरगुह्यकान् ॥ 10.37 ॥

prajā-patīn manūn devān ṛṣīn pitṛ-gaṇān pṛthak siddha-cāraṇa-gandharvān vidyādhrāsura-guhyakān

उन्होंने पृथक्-पृथक् प्रजापतियों, मनुओं, देवताओं, ऋषियों, विविध पितृगणों, सिद्धों, चारणों, गन्धर्वों, विद्याधरों, असुरों तथा गुह्यकों की सृष्टि की —

श्लोक 38 (bhagavata.2.10.38)

किन्नराप्सरसो नागान् सर्पान् किम्पुरुषान्नरान् । मातृ रक्षःपिशाचांश्च प्रेतभूतविनायकान् ॥ 10.38 ॥

kinnarāpsaraso nāgān sarpān kimpuruṣān narān mātṝ rakṣaḥ-piśācāṁś ca preta-bhūta-vināyakān

किन्नरों, अप्सराओं, नागों, सर्पों, किम्पुरुषों, मनुष्यों, मातृकाओं, राक्षसों, पिशाचों, प्रेतों, भूतों तथा विनायकों की —

श्लोक 39 (bhagavata.2.10.39)

कूष्माण्डोन्मादवेतालान् यातुधानान् ग्रहानपि । खगान्मृगान् पशून् वृक्षान् गिरीन्नृप सरीसृपान् ॥ 10.39 ॥

kūṣmāṇḍonmāda-vetālān yātudhānān grahān api khagān mṛgān paśūn vṛkṣān girīn nṛpa sarīsṛpān

कूष्माण्डों, उन्मादों, वेतालों, यातुधानों, अनिष्टकारी ग्रहों, हे राजन्, पक्षियों, वन्य पशुओं, पालतू पशुओं, वृक्षों, पर्वतों तथा सरीसृपों की —

श्लोक 40 (bhagavata.2.10.40)

द्विविधाश्चतुर्विधा येऽन्ये जलस्थलनभौकसः । कुशलाकुशला मिश्राः कर्मणां गतयस्त्विमाः ॥ 10.40 ॥

dvi-vidhāś catur-vidhā ye ’nye jala-sthala-nabhaukasaḥ kuśalākuśalā miśrāḥ karmaṇāṁ gatayas tv imāḥ

तथा जल, थल एवं आकाश में रहने वाले अन्य द्विपाद तथा चतुष्पाद प्राणियों की — यह सभी विविधता शुभ, अशुभ तथा मिश्रित कर्मों की ही गतियाँ हैं।

श्लोक 41 (bhagavata.2.10.41)

सत्त्वं रजस्तम इति तिस्रः सुरनृनारकाः । तत्राप्येकैकशो राजन् भिद्यन्ते गतयस्त्रिधा । यदैकैकतरोऽन्याभ्यां स्वभाव उपहन्यते ॥ 10.41 ॥

sattvaṁ rajas tama iti tisraḥ sura-nṛ-nārakāḥ tatrāpy ekaikaśo rājan bhidyante gatayas tridhā yadaikaikataro ’nyābhyāṁ sva-bhāva upahanyate

सत्त्व, रज तथा तम — इन तीनों से देव, मनुष्य तथा नारकीय, तीन गतियाँ बनती हैं; और हे राजन्, इनमें से प्रत्येक भी पुनः तीन-तीन भागों में विभक्त हो जाती है, क्योंकि प्रत्येक का स्वभाव अन्य दोनों गुणों से प्रभावित होता रहता है।

श्लोक 42 (bhagavata.2.10.42)

स एवेदं जगद्धाता भगवान् धर्मरूपधृक् । पुष्णाति स्थापयन् विश्वं तिर्यङ्नरसुरादिभिः ॥ 10.42 ॥

sa evedaṁ jagad-dhātā bhagavān dharma-rūpa-dhṛk puṣṇāti sthāpayan viśvaṁ tiryaṅ-nara-surādibhiḥ

वे ही भगवान, इस जगत के धारक, धर्म-रूप धारण कर, पशु-पक्षियों, मनुष्यों, देवताओं आदि के माध्यम से इस विश्व का पोषण तथा पालन करते हैं।

श्लोक 43 (bhagavata.2.10.43)

ततः कालाग्निरुद्रात्मा यत्सृष्टमिदमात्मनः । संनियच्छति तत् काले घनानीकमिवानिलः ॥ 10.43 ॥

tataḥ kālāgni-rudrātmā yat sṛṣṭam idam ātmanaḥ sanniyacchati tat kāle ghanānīkam ivānilaḥ

तत्पश्चात् कालाग्नि-रुद्र के रूप में, समय आने पर, वे अपने ही द्वारा रची गई इस सृष्टि को इस प्रकार समेट लेते हैं जैसे वायु मेघों के समूह को छिन्न-भिन्न कर देती है।

श्लोक 44 (bhagavata.2.10.44)

इत्थंभावेन कथितो भगवान् भगवत्तमः । नेत्थंभावेन हि परं द्रष्टुमर्हन्ति सूरयः ॥ 10.44 ॥

ittham-bhāvena kathito bhagavān bhagavattamaḥ nettham-bhāvena hi paraṁ draṣṭum arhanti sūrayaḥ

इस प्रकार भगवत्ताओं में श्रेष्ठ उन भगवान का वर्णन किया गया; किन्तु विद्वज्जन परम तत्त्व को केवल इसी वर्णन-योग्य रूप में देखना पर्याप्त नहीं मानते।

श्लोक 45 (bhagavata.2.10.45)

नास्य कर्मणि जन्मादौ परस्यानुविधीयते । कर्तृत्वप्रतिषेधार्थं माययारोपितं हि तत् ॥ 10.45 ॥

nāsya karmaṇi janmādau parasyānuvidhīyate kartṛtva-pratiṣedhārthaṁ māyayāropitaṁ hi tat

उस परम तत्त्व की सृष्टि आदि कर्मों में वास्तविक संलिप्तता नहीं होती; वह कर्तृत्व तो केवल अन्य किसी को कर्ता मानने की भ्रान्ति का निषेध करने हेतु माया द्वारा आरोपित किया गया है।

श्लोक 46 (bhagavata.2.10.46)

अयं तु ब्रह्मणः कल्पः सविकल्प उदाहृतः । विधिः साधारणो यत्र सर्गाः प्राकृतवैकृताः ॥ 10.46 ॥

ayaṁ tu brahmaṇaḥ kalpaḥ savikalpa udāhṛtaḥ vidhiḥ sādhāraṇo yatra sargāḥ prākṛta-vaikṛtāḥ

यह ब्रह्मा का एक कल्प, अपने उपविभागों सहित, इस प्रकार वर्णित किया गया — जिसमें सामान्य नियम यह है कि इसमें प्राकृत तथा वैकृत दोनों प्रकार की सृष्टियाँ होती हैं।

श्लोक 47 (bhagavata.2.10.47)

परिमाणं च कालस्य कल्पलक्षणविग्रहम् । यथा पुरस्ताद्व्याख्यास्ये पाद्मं कल्पमथो शृणु ॥ 10.47 ॥

parimāṇaṁ ca kālasya kalpa-lakṣaṇa-vigraham yathā purastād vyākhyāsye pādmaṁ kalpam atho śṛṇu

समय का परिमाण तथा कल्प के लक्षणों को मैं आगे विस्तार से बताऊँगा; अभी तुम पाद्म-कल्प (वर्तमान कल्प) के विषय में सुनो।

श्लोक 48 (bhagavata.2.10.48)

शौनक उवाच यदाह नो भवान् सूत क्षत्ता भागवतोत्तमः । चचार तीर्थानि भुवस्त्यक्त्वा बन्धून् सुदुस्त्यजान् ॥ 10.48 ॥

śaunaka uvāca yad āha no bhavān sūta kṣattā bhāgavatottamaḥ cacāra tīrthāni bhuvas tyaktvā bandhūn sudustyajān

शौनक जी ने कहा — हे सूत! आपने हमें बताया था कि भागवतोत्तम क्षत्ता (विदुर जी) ने, त्यागने में अत्यन्त कठिन अपने बन्धु-बान्धवों को त्यागकर, पृथ्वी के तीर्थों में भ्रमण किया।

श्लोक 49 (bhagavata.2.10.49)

क्षत्तुः कौशारवेस्तस्य संवादोऽध्यात्मसंश्रितः । यद्वा स भगवांस्तस्मै पृष्टस्तत्त्वमुवाच ह ॥ 10.49 ॥

kṣattuḥ kauśāraves tasya saṁvādo ’dhyātma-saṁśritaḥ yad vā sa bhagavāṁs tasmai pṛṣṭas tattvam uvāca ha

क्षत्ता तथा कुषारु-पुत्र मैत्रेय के बीच जो आध्यात्मिक विषयों से युक्त संवाद हुआ — तथा प्रश्न किए जाने पर उन भगवत्स्वरूप मुनि ने उन्हें जो तत्त्व बताया —

श्लोक 50 (bhagavata.2.10.50)

ब्रूहि नस्तदिदं सौम्य विदुरस्य विचेष्टितम् । बन्धुत्यागनिमित्तं च यथैवागतवान् पुनः ॥ 10.50 ॥

brūhi nas tad idaṁ saumya vidurasya viceṣṭitam bandhu-tyāga-nimittaṁ ca yathaivāgatavān punaḥ

हे सौम्य! यह सब हमें बताइए — विदुर जी का समस्त आचरण, उनके बन्धु-त्याग का कारण, तथा वे किस प्रकार पुनः घर लौटे।

श्लोक 51 (bhagavata.2.10.51)

सूत उवाच राज्ञा परीक्षिता पृष्टो यदवोचन्महामुनिः । तद्वोऽभिधास्ये शृणुत राज्ञः प्रश्नानुसारतः ॥ 10.51 ॥

sūta uvāca rājñā parīkṣitā pṛṣṭo yad avocan mahā-muniḥ tad vo ’bhidhāsye śṛṇuta rājñaḥ praśnānusārataḥ

सूत जी ने कहा — राजा परीक्षित द्वारा पूछे जाने पर महामुनि (शुकदेव) ने जो कुछ कहा, वह मैं अब तुम्हें राजा के प्रश्नों के क्रमानुसार सुनाता हूँ — सुनो।