सृष्टि की प्रक्रिया

श्लोक 1 (bhagavata.2.4.1)

सूत उवाच वैयासकेरिति वचस्तत्त्वनिश्चयमात्मनः । उपधार्य मतिं कृष्णे औत्तरेयः सतीं व्यधात् ॥ १ ॥

sūta uvāca vaiyāsaker iti vacas tattva-niścayam ātmanaḥ upadhārya matiṁ kṛṣṇe auttareyaḥ satīṁ vyadhāt

सूत जी ने कहा — व्यास-पुत्र के इन वचनों को, जो आत्मा के तत्त्व का निश्चय कराने वाले थे, भलीभाँति ग्रहण करके उत्तरा-पुत्र (परीक्षित) ने अपने मन को दृढ़तापूर्वक कृष्ण में स्थिर कर दिया।

श्लोक 2 (bhagavata.2.4.2)

आत्मजायासुतागारपशुद्रविणबन्धुषु । राज्ये चाविकले नित्यं विरूढां ममतां जहौ ॥ २ ॥

ātma-jāyā-sutāgāra- paśu-draviṇa-bandhuṣu rājye cāvikale nityaṁ virūḍhāṁ mamatāṁ jahau

उन्होंने अपने शरीर, पत्नी, पुत्रों, घर, पशुओं, धन, बंधुजनों, तथा अखंड राज्य में सदा से जड़ जमाए हुए ममत्व को त्याग दिया।

श्लोक 3 (bhagavata.2.4.3)

पप्रच्छ चेममेवार्थं यन्मां पृच्छथ सत्तमाः । कृष्णानुभावश्रवणे श्रद्दधानो महामनाः ॥ ३ ॥

papraccha cemam evārthaṁ yan māṁ pṛcchatha sattamāḥ kṛṣṇānubhāva-śravaṇe śraddadhāno mahā-manāḥ

कृष्ण-महिमा के श्रवण में श्रद्धावान वह महामना राजा, वही प्रश्न पूछ बैठा, जो हे श्रेष्ठ मुनियो, आप मुझसे पूछ रहे हैं।

श्लोक 4 (bhagavata.2.4.4)

संस्थां विज्ञाय संन्यस्य कर्म त्रैवर्गिकं च यत् । वासुदेवे भगवति आत्मभावं दृढं गतः ॥ ४ ॥

saṁsthāṁ vijñāya sannyasya karma trai-vargikaṁ ca yat vāsudeve bhagavati ātma-bhāvaṁ dṛḍhaṁ gataḥ

अपनी मृत्यु को निकट जानकर उन्होंने धर्म, अर्थ और काम — इन तीनों वर्गों से संबंधित समस्त कर्मों का त्याग कर दिया, और भगवान वासुदेव के प्रति दृढ़ आत्मभाव को प्राप्त हो गए।

श्लोक 5 (bhagavata.2.4.5)

राजोवाच समीचीनं वचो ब्रह्मन् सर्वज्ञस्य तवानघ । तमो विशीर्यते मह्यं हरेः कथयतः कथाम् ॥ ५ ॥

rājovāca samīcīnaṁ vaco brahman sarva-jñasya tavānagha tamo viśīryate mahyaṁ hareḥ kathayataḥ kathām

राजा ने कहा — हे निष्पाप ब्राह्मण, आप सर्वज्ञ हैं, अतः आपके वचन सर्वथा उचित हैं; जैसे-जैसे आप हरि की कथा सुनाते हैं, मेरे भीतर का अंधकार दूर होता जा रहा है।

श्लोक 6 (bhagavata.2.4.6)

भूय एव विवित्सामि भगवानात्ममायया । यथेदं सृजते विश्वं दुर्विभाव्यमधीश्वरैः ॥ ६ ॥

bhūya eva vivitsāmi bhagavān ātma-māyayā yathedaṁ sṛjate viśvaṁ durvibhāvyam adhīśvaraiḥ

अब मैं यह और जानना चाहता हूँ कि भगवान अपनी आत्ममाया से इस विश्व की रचना किस प्रकार करते हैं — जिसे बड़े-बड़े अधीश्वर देवता भी नहीं समझ पाते।

श्लोक 7 (bhagavata.2.4.7)

यथा गोपायति विभुर्यथा संयच्छते पुनः । यां यां शक्तिमुपाश्रित्य पुरुशक्तिः परः पुमान् । आत्मानं क्रीडयन् क्रीडन् करोति विकरोति च ॥ ७ ॥

yathā gopāyati vibhur yathā saṁyacchate punaḥ yāṁ yāṁ śaktim upāśritya puru-śaktiḥ paraḥ pumān ātmānaṁ krīḍayan krīḍan karoti vikaroti ca

वह सर्वव्यापी प्रभु इस सृष्टि का पालन किस प्रकार करते हैं, और पुनः उसका संहार किस प्रकार करते हैं? एक-एक शक्ति का आश्रय लेते हुए, वह बहुशक्तिशाली परमपुरुष, मानो क्रीड़ा करते हुए, अपने ही अंशों को खिलाते हुए रचना और संहार दोनों करते हैं।

श्लोक 8 (bhagavata.2.4.8)

नूनं भगवतो ब्रह्मन् हरेरद्भुतकर्मणः । दुर्विभाव्यमिवाभाति कविभिश्चापि चेष्टितम् ॥ ८ ॥

nūnaṁ bhagavato brahman harer adbhuta-karmaṇaḥ durvibhāvyam ivābhāti kavibhiś cāpi ceṣṭitam

हे ब्राह्मण, अद्भुत कर्म करने वाले भगवान हरि की लीलाएँ निश्चय ही अत्यंत दुर्विज्ञेय प्रतीत होती हैं, इतनी कि बड़े-बड़े कवि-मुनि भी उन्हें समझने में असमर्थ हो जाते हैं।

श्लोक 9 (bhagavata.2.4.9)

यथा गुणांस्तु प्रकृतेर्युगपत् क्रमशोऽपि वा । बिभर्ति भूरिशस्त्वेकः कुर्वन् कर्माणि जन्मभिः ॥ ९ ॥

yathā guṇāṁs tu prakṛter yugapat kramaśo ’pi vā bibharti bhūriśas tv ekaḥ kurvan karmāṇi janmabhiḥ

वह एकमात्र भगवान ही प्रकृति के गुणों को, चाहे एक साथ या क्रमशः, धारण करते हैं, तथा अनेक जन्मों (अवतारों) के द्वारा अपने कार्यों को सम्पन्न करते हुए बहुरूप धारण करते हैं।

श्लोक 10 (bhagavata.2.4.10)

विचिकित्सितमेतन्मे ब्रवीतु भगवान् यथा । शाब्दे ब्रह्मणि निष्णातः परस्मिंश्च भवान्खलु ॥ १० ॥

vicikitsitam etan me bravītu bhagavān yathā śābde brahmaṇi niṣṇātaḥ parasmiṁś ca bhavān khalu

कृपया मेरे इस संशय का निवारण कीजिए, क्योंकि आप शब्दब्रह्म (वेद) में और परब्रह्म दोनों में ही निपुण हैं।

श्लोक 11 (bhagavata.2.4.11)

सूत उवाच इत्युपामन्त्रितो राज्ञा गुणानुकथने हरेः । हृषीकेशमनुस्मृत्य प्रतिवक्तुं प्रचक्रमे ॥ ११ ॥

sūta uvāca ity upāmantrito rājñā guṇānukathane hareḥ hṛṣīkeśam anusmṛtya prativaktuṁ pracakrame

सूत जी ने कहा — इस प्रकार राजा द्वारा हरि के गुणों का वर्णन करने के लिए आमंत्रित किए जाने पर, शुकदेव जी ने हृषीकेश का स्मरण करके उत्तर देना आरंभ किया।

श्लोक 12 (bhagavata.2.4.12)

श्री शुक उवाच नमः परस्मै पुरुषाय भूयसे सदुद्भवस्थाननिरोधलीलया । गृहीतशक्तित्रितयाय देहिना- मन्तर्भवायानुपलक्ष्यवर्त्मने ॥ १२ ॥

śrī-śuka uvāca namaḥ parasmai puruṣāya bhūyase sad-udbhava-sthāna-nirodha-līlayā gṛhīta-śakti-tritayāya dehinām antarbhavāyānupalakṣya-vartmane

श्री शुकदेव जी ने कहा — उस परमपुरुष को नमस्कार, जो विश्व की उत्पत्ति, स्थिति और संहार की लीला द्वारा त्रिविध शक्तियों को धारण करते हैं; जो समस्त देहधारियों के भीतर विद्यमान हैं, और जिनकी गति अज्ञेय है।

श्लोक 13 (bhagavata.2.4.13)

भूयो नमः सद्वृजिनच्छिदेऽसता- मसम्भवायाखिलसत्त्वमूर्तये । पुंसां पुनः पारमहंस्य आश्रमे व्यवस्थितानामनुमृग्यदाशुषे ॥ १३ ॥

bhūyo namaḥ sad-vṛjina-cchide ’satām asambhavāyākhila-sattva-mūrtaye puṁsāṁ punaḥ pāramahaṁsya āśrame vyavasthitānām anumṛgya-dāśuṣe

पुनः नमस्कार उस भगवान को, जो सज्जनों के कष्टों को काटने वाले और असज्जनों की आगे की उत्पत्ति को रोकने वाले हैं, जो सम्पूर्ण सत्ता के मूर्तिमान रूप हैं, तथा जो परमहंस आश्रम में स्थित पुरुषों को उनका अभीष्ट लक्ष्य प्रदान करते हैं।

श्लोक 14 (bhagavata.2.4.14)

नमो नमस्तेऽस्त्वृषभाय सात्वतां विदूरकाष्ठाय मुहुः कुयोगिनाम् । निरस्तसाम्यातिशयेन राधसा स्वधामनि ब्रह्मणि रंस्यते नमः ॥ १४ ॥

namo namas te ’stv ṛṣabhāya sātvatāṁ vidūra-kāṣṭhāya muhuḥ kuyoginām nirasta-sāmyātiśayena rādhasā sva-dhāmani brahmaṇi raṁsyate namaḥ

आपको बारंबार नमस्कार, हे सात्वतों में श्रेष्ठ, जो कुयोगियों की पहुँच से सदा दूर रहते हैं; जिनकी महिमा का कोई समान या अधिक नहीं, तथा जो अपने ही धाम — ब्रह्म में — रमण करते हैं, आपको नमस्कार।

श्लोक 15 (bhagavata.2.4.15)

यत्कीर्तनं यत्स्मरणं यदीक्षणं यद्वन्दनं यच्छ्रवणं यदर्हणम् । लोकस्य सद्यो विधुनोति कल्मषं तस्मै सुभद्रश्रवसे नमो नमः ॥ १५ ॥

yat-kīrtanaṁ yat-smaraṇaṁ yad-īkṣaṇaṁ yad-vandanaṁ yac-chravaṇaṁ yad-arhaṇam lokasya sadyo vidhunoti kalmaṣaṁ tasmai subhadra-śravase namo namaḥ

जिनका कीर्तन, स्मरण, दर्शन, वंदन, श्रवण और अर्चन — यह सब लोक के पापों को तत्क्षण धो देता है — उन कल्याणकारी कीर्तिवाले भगवान को बारंबार नमस्कार।

श्लोक 16 (bhagavata.2.4.16)

विचक्षणा यच्चरणोपसादनात् सङ्गं व्युदस्योभयतोऽन्तरात्मनः । विन्दन्ति हि ब्रह्मगतिं गतक्लमा- स्तस्मै सुभद्रश्रवसे नमो नमः ॥ १६ ॥

vicakṣaṇā yac-caraṇopasādanāt saṅgaṁ vyudasyobhayato ’ntar-ātmanaḥ vindanti hi brahma-gatiṁ gata-klamās tasmai subhadra-śravase namo namaḥ

जिनके चरणों की शरण मात्र से विवेकी पुरुष अपने अंतरात्मा के दोनों प्रकार (इस लोक और परलोक) के आसक्ति-बंधन को त्यागकर, बिना किसी श्रम के ब्रह्मगति को प्राप्त होते हैं — उन कल्याणकारी कीर्तिवाले भगवान को बारंबार नमस्कार।

श्लोक 17 (bhagavata.2.4.17)

तपस्विनो दानपरा यशस्विनो मनस्विनो मन्त्रविदः सुमङ्गलाः । क्षेमं न विन्दन्ति विना यदर्पणं तस्मै सुभद्रश्रवसे नमो नमः ॥ १७ ॥

tapasvino dāna-parā yaśasvino manasvino mantra-vidaḥ sumaṅgalāḥ kṣemaṁ na vindanti vinā yad-arpaṇaṁ tasmai subhadra-śravase namo namaḥ

तपस्वी, दानशील, यशस्वी, मनस्वी, मंत्रवेत्ता तथा शुभ कर्मों वाले जन भी, जिन्हें समर्पित हुए बिना कल्याण को प्राप्त नहीं करते — उन कल्याणकारी कीर्तिवाले भगवान को बारंबार नमस्कार।

श्लोक 18 (bhagavata.2.4.18)

किरातहूणान्ध्रपुलिन्दपुल्कशा आभीरशुम्भा यवनाः खसादयः । येऽन्ये च पापा यदपाश्रयाश्रयाः शुध्यन्ति तस्मै प्रभविष्णवे नमः ॥ १८ ॥

kirāta-hūṇāndhra-pulinda-pulkaśā ābhīra-śumbhā yavanāḥ khasādayaḥ ye ’nye ca pāpā yad-apāśrayāśrayāḥ śudhyanti tasmai prabhaviṣṇave namaḥ

किरात, हूण, आंध्र, पुलिंद, पुल्कश, आभीर, शुम्भ, यवन, खस आदि जातियाँ, तथा अन्य पापी जन भी, जो उनके आश्रितों की शरण लेते हैं, शुद्ध हो जाते हैं — उस सर्वशक्तिमान भगवान को नमस्कार।

श्लोक 19 (bhagavata.2.4.19)

स एष आत्मात्मवतामधीश्वर- स्त्रयीमयो धर्ममयस्तपोमयः । गतव्यलीकैरजशङ्करादिभि- र्वितर्क्यलिङ्गो भगवान् प्रसीदताम् ॥ १९ ॥

sa eṣa ātmātmavatām adhīśvaras trayīmayo dharmamayas tapomayaḥ gata-vyalīkair aja-śaṅkarādibhir vitarkya-liṅgo bhagavān prasīdatām

वे ही समस्त आत्मज्ञानी पुरुषों के अधीश्वर, त्रयीमय, धर्ममय और तपोमय हैं; जिन्हें ब्रह्मा, शंकर आदि निष्कपट जन भी अनुमान से ही जान पाते हैं — वे भगवान मुझ पर प्रसन्न हों।

श्लोक 20 (bhagavata.2.4.20)

श्रियः पतिर्यज्ञपतिः प्रजापति- र्धियां पतिर्लोकपतिर्धरापतिः । पतिर्गतिश्चान्धकवृष्णिसात्वतां प्रसीदतां मे भगवान् सतां पतिः ॥ २० ॥

śriyaḥ patir yajña-patiḥ prajā-patir dhiyāṁ patir loka-patir dharā-patiḥ patir gatiś cāndhaka-vṛṣṇi-sātvatāṁ prasīdatāṁ me bhagavān satāṁ patiḥ

श्री के पति, यज्ञ के पति, प्रजा के पति, बुद्धि के पति, लोकों के पति, पृथ्वी के पति, तथा अंधक-वृष्णि-सात्वतों के स्वामी और गति — वे सज्जनों के स्वामी भगवान मुझ पर प्रसन्न हों।

श्लोक 21 (bhagavata.2.4.21)

यदङ्घ्र्यध्यानसमाधिधौतया धियानुपश्यन्ति हि तत्त्वमात्मनः । वदन्ति चैतत् कवयो यथारुचं स मे मुकुन्दो भगवान् प्रसीदताम् ॥ २१ ॥

yad-aṅghry-abhidhyāna-samādhi-dhautayā dhiyānupaśyanti hi tattvam ātmanaḥ vadanti caitat kavayo yathā-rucaṁ sa me mukundo bhagavān prasīdatām

जिनके चरणों के ध्यान में समाधि द्वारा शुद्ध हुई बुद्धि से मनुष्य आत्मा के तत्त्व का साक्षात्कार करता है — यद्यपि विद्वान इसे अपनी-अपनी रुचि के अनुसार वर्णित करते हैं — वे मुकुंद भगवान मुझ पर प्रसन्न हों।

श्लोक 22 (bhagavata.2.4.22)

प्रचोदिता येन पुरा सरस्वती वितन्वताजस्य सतीं स्मृतिं हृदि । स्वलक्षणा प्रादुरभूत् किलास्यतः स मे ऋषीणामृषभः प्रसीदताम् ॥ २२ ॥

pracoditā yena purā sarasvatī vitanvatājasya satīṁ smṛtiṁ hṛdi sva-lakṣaṇā prādurabhūt kilāsyataḥ sa me ṛṣīṇām ṛṣabhaḥ prasīdatām

जिन्होंने पूर्वकाल में अजन्मा ब्रह्मा के हृदय में सच्ची स्मृति का विस्तार करने के लिए सरस्वती को प्रेरित किया, तथा जो स्वयं अपने ही स्वरूप में ब्रह्मा के मुख से प्रकट हुए कहे जाते हैं — वे ऋषियों में श्रेष्ठ भगवान मुझ पर प्रसन्न हों।

श्लोक 23 (bhagavata.2.4.23)

भूतैर्महद्भिर्य इमाः पुरो विभु- र्निर्माय शेते यदमूषु पूरुषः । भुङ्क्ते गुणान् षोडश षोडशात्मकः सोऽलङ्कृषीष्ट भगवान् वचांसि मे ॥ २३ ॥

bhūtair mahadbhir ya imāḥ puro vibhur nirmāya śete yad amūṣu pūruṣaḥ bhuṅkte guṇān ṣoḍaśa ṣoḍaśātmakaḥ so ’laṅkṛṣīṣṭa bhagavān vacāṁsi me

जो सर्वव्यापी प्रभु महाभूतों से इन शरीरों की रचना करके उनके भीतर पुरुष रूप में शयन करते हैं, तथा स्वयं षोडशात्मक होकर उन षोडश गुणों का भोग करते हैं — वे भगवान मेरे वचनों को अलंकृत करें।

श्लोक 24 (bhagavata.2.4.24)

नमस्तस्मै भगवते वासुदेवाय वेधसे । पपुर्ज्ञानमयं सौम्या यन्मुखाम्बुरुहासवम् ॥ २४ ॥

namas tasmai bhagavate vāsudevāya vedhase papur jñānam ayaṁ saumyā yan-mukhāmburuhāsavam

उन भगवान वासुदेव विधाता को नमस्कार, जिनके कमल-सदृश मुख से बहे इस ज्ञान-सुधा का पान सौम्य जनों ने किया है।

श्लोक 25 (bhagavata.2.4.25)

एतदेवात्मभू राजन् नारदाय विपृच्छते । वेदगर्भोऽभ्यधात् साक्षाद् यदाह हरिरात्मनः ॥ २५ ॥

etad evātma-bhū rājan nāradāya vipṛcchate veda-garbho ’bhyadhāt sākṣād yad āha harir ātmanaḥ

हे राजन्, यही उपदेश स्वयंभू ब्रह्मा ने, जो जन्म से ही वेद-गर्भ हैं, नारद के पूछने पर उन्हें साक्षात् वैसे ही बताया, जैसा हरि ने स्वयं अपने पुत्र (ब्रह्मा) से कहा था।