भगवद्धाम का वर्णन

श्लोक 1 (bhagavata.3.15.1)

मैत्रेय उवाच प्रजापत्यं तु तत्तेजः परतेजोहनं दितिः । दधार वर्षाणि शतं शङ्कमाना सुरार्दनात् ॥ १ ॥

maitreya uvāca prājāpatyaṁ tu tat tejaḥ para-tejo-hanaṁ ditiḥ dadhāra varṣāṇi śataṁ śaṅkamānā surārdanāt

मैत्रेय ने कहा — दिति ने प्रजापति कश्यप के उस तेज को, जो अन्य किसी के भी बल का नाश करने में समर्थ था, सौ वर्षों तक धारण किया, इस भय से कि वह देवताओं को कष्ट पहुँचाएगा।

श्लोक 2 (bhagavata.3.15.2)

लोके तेनाहतालोके लोकपाला हतौजसः । न्यवेदयन् विश्वसृजे ध्वान्तव्यतिकरं दिशाम् ॥ २ ॥

loke tenāhatāloke loka-pālā hataujasaḥ nyavedayan viśva-sṛje dhvānta-vyatikaraṁ diśām

उस गर्भ के प्रभाव से इस लोक में प्रकाश-रहित होकर तथा अपना प्रभाव क्षीण पाकर, विभिन्न लोकों के रक्षक देवताओं ने विश्व-स्रष्टा ब्रह्मा से समस्त दिशाओं में फैलते इस अंधकार की सूचना दी।

श्लोक 3 (bhagavata.3.15.3)

देवा ऊचुः तम एतद्विभो वेत्थ संविग्ना यद्वयं भृशम् । न ह्यव्यक्तं भगवतः कालेनास्पृष्टवर्त्मनः ॥ ३ ॥

devā ūcuḥ tama etad vibho vettha saṁvignā yad vayaṁ bhṛśam na hy avyaktaṁ bhagavataḥ kālenāspṛṣṭa-vartmanaḥ

देवताओं ने कहा — हे प्रभो! आप इस अंधकार को निश्चय ही जानते हैं, क्योंकि हम इससे अत्यंत व्याकुल हैं; वास्तव में आपसे कुछ भी अव्यक्त नहीं है, जिनका मार्ग काल द्वारा भी अस्पृष्ट है।

श्लोक 4 (bhagavata.3.15.4)

देवदेव जगद्धातर्लोकनाथशिखामणे । परेषामपरेषां त्वं भूतानामसि भाववित् ॥ ४ ॥

deva-deva jagad-dhātar lokanātha-śikhāmaṇe pareṣām apareṣāṁ tvaṁ bhūtānām asi bhāva-vit

हे देवाधिदेव! हे जगद्धाता! हे लोकनाथ-शिखामणि! आप ही अपर तथा पर — दोनों जगतों के समस्त प्राणियों के अंतर्भाव को जानने वाले हैं।

श्लोक 5 (bhagavata.3.15.5)

नमो विज्ञानवीर्याय माययेदमुपेयुषे । गृहीतगुणभेदाय नमस्तेऽव्यक्तयोनये ॥ ५ ॥

namo vijñāna-vīryāya māyayedam upeyuṣe gṛhīta-guṇa-bhedāya namas te ’vyakta-yonaye

हे विज्ञान-वीर्य! अपनी ही माया-शक्ति से आपने इस रजोगुण-भेदयुक्त देह को प्राप्त किया है, आपको नमस्कार है; हे अव्यक्त-योनि! आपको नमस्कार है।

श्लोक 6 (bhagavata.3.15.6)

ये त्वानन्येन भावेन भावयन्त्यात्मभावनम् । आत्मनि प्रोतभुवनं परं सदसदात्मकम् ॥ ६ ॥

ye tvānanyena bhāvena bhāvayanty ātma-bhāvanam ātmani prota-bhuvanaṁ paraṁ sad-asad-ātmakam

जो अनन्य भाव से आपका, समस्त प्राणियों के उत्पत्तिकर्ता का, ध्यान करते हैं — जिनके अपने ही स्वरूप में समस्त लोक गुंथे हुए हैं, जो कार्य और कारण दोनों के परम कारण हैं —

श्लोक 7 (bhagavata.3.15.7)

तेषां सुपक्वयोगानां जितश्वासेन्द्रियात्मनाम् । लब्धयुष्मत्प्रसादानां न कुतश्चित्पराभवः ॥ ७ ॥

teṣāṁ supakva-yogānāṁ jita-śvāsendriyātmanām labdha-yuṣmat-prasādānāṁ na kutaścit parābhavaḥ

उन परिपक्व योगियों के लिए, जिन्होंने अपने श्वास, इंद्रियों तथा मन पर विजय प्राप्त कर ली है और जिन्हें आपकी कृपा मिल चुकी है, कहीं भी कभी पराजय नहीं होती।

श्लोक 8 (bhagavata.3.15.8)

यस्य वाचा प्रजाः सर्वा गावस्तन्त्येव यन्त्रिताः । हरन्ति बलिमायत्तास्तस्मै मुख्याय ते नमः ॥ ८ ॥

yasya vācā prajāḥ sarvā gāvas tantyeva yantritāḥ haranti balim āyattās tasmai mukhyāya te namaḥ

जिनकी वाणी से समस्त प्राणी, रस्सी से बंधे बैलों की भाँति निर्देशित होकर, उसी वश में रहकर बलि अर्पित करते हैं — उन सर्वप्रमुख आपको नमस्कार है।

श्लोक 9 (bhagavata.3.15.9)

स त्वं विधत्स्व शं भूमंस्तमसा लुप्तकर्मणाम् । अदभ्रदयया दृष्टया आपन्नानर्हसीक्षितुम् ॥ ९ ॥

sa tvaṁ vidhatsva śaṁ bhūmaṁs tamasā lupta-karmaṇām adabhra-dayayā dṛṣṭyā āpannān arhasīkṣitum

हे भूमन्! इस अंधकार से जिनके नित्यकर्म रुक गए हैं, हम पर कल्याण कीजिए; अपनी अपार कृपादृष्टि से शरणागत हम पर दृष्टिपात कीजिए।

श्लोक 10 (bhagavata.3.15.10)

एष देव दितेर्गर्भ ओजः काश्यपमर्पितम् । दिशस्तिमिरयन् सर्वा वर्धतेऽग्निरिवैधसि ॥ १० ॥

eṣa deva diter garbha ojaḥ kāśyapam arpitam diśas timirayan sarvā vardhate ’gnir ivaidhasi

हे देव! यह दिति का गर्भ है, कश्यप द्वारा उसमें स्थापित तेज, जो समस्त दिशाओं को अंधकारमय करता हुआ, ईंधन से बढ़ती अग्नि के समान निरंतर बढ़ रहा है।

श्लोक 11 (bhagavata.3.15.11)

मैत्रेय उवाच स प्रहस्य महाबाहो भगवान् शब्दगोचरः । प्रत्याचष्टात्मभूर्देवान् प्रीणन् रुचिरया गिरा ॥ ११ ॥

maitreya uvāca sa prahasya mahā-bāho bhagavān śabda-gocaraḥ pratyācaṣṭātma-bhūr devān prīṇan rucirayā girā

मैत्रेय ने कहा — हे महाबाहो! मुस्कुराते हुए, शब्द-गोचर स्वयंभू भगवान ब्रह्मा ने अपनी मधुर वाणी से देवताओं को प्रसन्न करते हुए उन्हें उत्तर दिया।

श्लोक 12 (bhagavata.3.15.12)

ब्रह्मोवाच मानसा मे सुता युष्मत्पूर्वजाः सनकादयः । चेरुर्विहायसा लोकाल्लोकेषु विगतस्पृहाः ॥ १२ ॥

brahmovāca mānasā me sutā yuṣmat- pūrvajāḥ sanakādayaḥ cerur vihāyasā lokāl lokeṣu vigata-spṛhāḥ

ब्रह्मा ने कहा — तुमसे पूर्व जन्मे मेरे मानस-पुत्र, सनक आदि, आकाश-मार्ग से लोकों में विचरण करते थे, किसी भी लोक के प्राणियों के प्रति निःस्पृह रहते हुए।

श्लोक 13 (bhagavata.3.15.13)

त एकदा भगवतो वैकुण्ठस्यामलात्मनः । ययुर्वैकुण्ठनिलयं सर्वलोकनमस्कृतम् ॥ १३ ॥

ta ekadā bhagavato vaikuṇṭhasyāmalātmanaḥ yayur vaikuṇṭha-nilayaṁ sarva-loka-namaskṛtam

एक बार वे भगवान विष्णु के, उस निर्मल वैकुंठ-स्वरूप के, धाम को गए — उस वैकुंठ-नामक धाम को, जो समस्त लोकों के निवासियों द्वारा पूजित है।

श्लोक 14 (bhagavata.3.15.14)

वसन्ति यत्र पुरुषाः सर्वे वैकुण्ठमूर्तयः । येऽनिमित्तनिमित्तेन धर्मेणाराधयन् हरिम् ॥ १४ ॥

vasanti yatra puruṣāḥ sarve vaikuṇṭha-mūrtayaḥ ye ’nimitta-nimittena dharmeṇārādhayan harim

वहाँ ऐसे पुरुष निवास करते हैं, जो सभी वैकुंठ-स्वरूप वाले हैं, और जो केवल निष्काम भक्ति द्वारा ही, भक्ति के अतिरिक्त किसी अन्य प्रयोजन से रहित, हरि की आराधना करते हैं।

श्लोक 15 (bhagavata.3.15.15)

यत्र चाद्यः पुमानास्ते भगवान् शब्दगोचरः । सत्त्वं विष्टभ्य विरजं स्वानां नो मृडयन् वृषः ॥ १५ ॥

yatra cādyaḥ pumān āste bhagavān śabda-gocaraḥ sattvaṁ viṣṭabhya virajaṁ svānāṁ no mṛḍayan vṛṣaḥ

वहाँ वह आदि पुरुष भी विराजमान हैं, शब्द-गोचर भगवान, जो निर्मल सत्त्वगुण को धारण किए हुए, धर्म के साक्षात् स्वरूप, अपने संगियों तथा हमें सदा आनंदित करते रहते हैं।

श्लोक 16 (bhagavata.3.15.16)

यत्र नैःश्रेयसं नाम वनं कामदुघैर्द्रुमैः । सर्वर्तुश्रीभिर्विभ्राजत्कैवल्यमिव मूर्तिमत् ॥ १६ ॥

yatra naiḥśreyasaṁ nāma vanaṁ kāma-dughair drumaiḥ sarvartu-śrībhir vibhrājat kaivalyam iva mūrtimat

वहाँ नैःश्रेयस नामक एक वन है, जो समस्त इच्छाओं को देने वाले वृक्षों से सुशोभित है, समस्त ऋतुओं की शोभा से मंडित, स्वयं मानो साक्षात् कैवल्य के मूर्तिमान रूप के समान प्रतीत होता है।

श्लोक 17 (bhagavata.3.15.17)

वैमानिकाः सललनाश्चरितानि शश्वद् गायन्ति यत्र शमलक्षपणानि भर्तुः । अन्तर्जलेऽनुविकसन्मधुमाधवीनां गन्धेन खण्डितधियोऽप्यनिलं क्षिपन्तः ॥ १७ ॥

vaimānikāḥ sa-lalanāś caritāni śaśvad gāyanti yatra śamala-kṣapaṇāni bhartuḥ antar-jale ’nuvikasan-madhu-mādhavīnāṁ gandhena khaṇḍita-dhiyo ’py anilaṁ kṣipantaḥ

वहाँ अपने विमानों में पत्नियों सहित उड़ते हुए निवासी नित्य ही उन प्रभु के चरित्रों को गाते हैं जो समस्त पापों का नाश करते हैं, यद्यपि जल के भीतर खिलती मधुमय माधवी-पुष्पों की सुगंध से विचलित होकर वे उस पवन का भी तिरस्कार करते हैं।

श्लोक 18 (bhagavata.3.15.18)

पारावतान्यभृतसारसचक्रवाक- दात्यूहहंसशुकतित्तिरिबर्हिणां यः । कोलाहलो विरमतेऽचिरमात्रमुच्चै र्भृङ्गाधिपे हरिकथामिव गायमाने ॥ १८ ॥

pārāvatānyabhṛta-sārasa-cakravāka- dātyūha-haṁsa-śuka-tittiri-barhiṇāṁ yaḥ kolāhalo viramate ’cira-mātram uccair bhṛṅgādhipe hari-kathām iva gāyamāne

वहाँ कबूतर, कोयल, सारस, चक्रवाक, दात्यूह, हंस, तोता, तीतर तथा मोर का कलरव कुछ क्षण के लिए थम जाता है, जब भ्रमरराज उच्च स्वर में हरि-कथा गाने लगते हैं।

श्लोक 19 (bhagavata.3.15.19)

मन्दारकुन्दकुरबोत्पलचम्पकार्ण- पुन्नागनागबकुलाम्बुजपारिजाताः । गन्धेऽर्चिते तुलसिकाभरणेन तस्या यस्मिंस्तपः सुमनसो बहु मानयन्ति ॥ १९ ॥

mandāra-kunda-kurabotpala-campakārṇa- punnāga-nāga-bakulāmbuja-pārijātāḥ gandhe ’rcite tulasikābharaṇena tasyā yasmiṁs tapaḥ sumanaso bahu mānayanti

वहाँ मंदार, कुंद, कुरब, उत्पल, चंपक, अर्ण, पुन्नाग, नागकेसर, बकुल, कमल तथा पारिजात पुष्प, उस देवी को अर्पित तुलसी-माला की सुगंध का अत्यंत आदर करते हैं, जहाँ सुमना तपस्वीजन निवास करते हैं।

श्लोक 20 (bhagavata.3.15.20)

यत्संकुलं हरिपदानतिमात्रदृष्टै- र्वैदूर्यमारकतहेममयैर्विमानैः । येषां बृहत्कटितटाः स्मितशोभिमुख्यः कृष्णात्मनां न रज आदधुरुत्स्मयाद्यैः ॥ २० ॥

yat saṅkulaṁ hari-padānati-mātra-dṛṣṭair vaidūrya-mārakata-hema-mayair vimānaiḥ yeṣāṁ bṛhat-kaṭi-taṭāḥ smita-śobhi-mukhyaḥ kṛṣṇātmanāṁ na raja ādadhur utsmayādyaiḥ

वह धाम वैदूर्य, मरकत तथा स्वर्ण-निर्मित विमानों से परिपूर्ण है, जो केवल हरि के चरणों में नमन मात्र से प्राप्त होते हैं; और वहाँ की सुंदरियों की विशाल कटि तथा मुस्कुराते तेजस्वी मुख, कृष्णचित्त होने के कारण, अपने हास-परिहास से भी काम-वासना नहीं जगाते।

श्लोक 21 (bhagavata.3.15.21)

श्री रूपिणी क्वणयती चरणारविन्दं लीलाम्बुजेन हरिसद्मनि मुक्तदोषा । संलक्ष्यते स्फटिककुड्य उपेतहेम्नि सम्मार्जतीव यदनुग्रहणेऽन्ययत्नः ॥ २१ ॥

śrī rūpiṇī kvaṇayatī caraṇāravindaṁ līlāmbujena hari-sadmani mukta-doṣā saṁlakṣyate sphaṭika-kuḍya upeta-hemni sammārjatīva yad-anugrahaṇe ’nya-yatnaḥ

वहाँ भगवान हरि के भवन में साक्षात् श्री-रूपिणी लक्ष्मी, समस्त दोषों से मुक्त, कमल से क्रीड़ा करती हुई, अपने चरण-कमलों की रुनझुन के साथ प्रकट होती हैं — मानो स्वर्ण-जड़ित स्फटिक-भित्तियों को झाड़ रही हों, उनकी कृपा पाने हेतु दूसरे भी उतना ही प्रयत्न करते हैं।

श्लोक 22 (bhagavata.3.15.22)

वापीषु विद्रुमतटास्वमलामृताप्सु प्रेष्यान्विता निजवने तुलसीभिरीशम् । अभ्यर्चती स्वलकमुन्नसमीक्ष्य वक्त्र- मुच्छेषितं भगवतेत्यमताङ्ग यच्छ्रीः ॥ २२ ॥

vāpīṣu vidruma-taṭāsv amalāmṛtāpsu preṣyānvitā nija-vane tulasībhir īśam abhyarcatī svalakam unnasam īkṣya vaktram uccheṣitaṁ bhagavatety amatāṅga yac-chrīḥ

प्रवाल-तटों वाले, निर्मल अमृत-जल से भरे सरोवरों में, अपनी सखियों से घिरी हुई, वे अपने ही उपवन में तुलसी से भगवान की पूजा करती हैं, और उनके सुसज्जित, उन्नत नासिका वाले मुख को देखकर सोचती हैं — हे देवगण! यह मेरी शोभा है, जिसे भगवान ने अभी-अभी चूमा है।

श्लोक 23 (bhagavata.3.15.23)

यन्न व्रजन्त्यघभिदो रचनानुवादा- च्छृण्वन्ति येऽन्यविषयाः कुकथा मतिघ्नीः । यास्तु श्रुता हतभगैर्नृभिरात्तसारा- स्तांस्तान् क्षिपन्त्यशरणेषु तमःसु हन्त ॥ २३ ॥

yan na vrajanty agha-bhido racanānuvādāc chṛṇvanti ye ’nya-viṣayāḥ kukathā mati-ghnīḥ yās tu śrutā hata-bhagair nṛbhir ātta-sārās tāṁs tān kṣipanty aśaraṇeṣu tamaḥsu hanta

जो उस पापनाशक भगवान के धाम की बात नहीं सुनते, अपितु अन्य विषयों की बुद्धिनाशक कुकथाओं को सुनते हैं — ऐसे अभागे मनुष्यों का जीवन-सार सुनते ही हर लिया जाता है, और अहो! वे उस निराश्रय अंधकार में डाल दिए जाते हैं।

श्लोक 24 (bhagavata.3.15.24)

येऽभ्यर्थितामपि च तो नृगतिं प्रपन्ना ज्ञानं च तत्त्वविषयं सहधर्मं यत्र । नाराधनं भगवतो वितरन्त्यमुष्य सम्मोहिता विततया बत मायया ते ॥ २४ ॥

ye ’bhyarthitām api ca no nṛ-gatiṁ prapannā jñānaṁ ca tattva-viṣayaṁ saha-dharmaṁ yatra nārādhanaṁ bhagavato vitaranty amuṣya sammohitā vitatayā bata māyayā te

जो मनुष्य-योनि को, जो हम देवताओं द्वारा भी वांछित है, तथा तत्त्व-ज्ञान और उसके साथ के धर्म को प्राप्त करके भी भगवान की आराधना नहीं करते — अहो! वे उनकी सर्वव्यापी माया से मोहित हो जाते हैं।

श्लोक 25 (bhagavata.3.15.25)

यच्च व्रजन्त्यनिमिषामृषभानुवृत्त्या दूरेयमा ह्युपरि नः स्पृहणीयशीलाः । भर्तुर्मिथः सुयशसः कथनानुराग- वैक्लव्यबाष्पकलया पुलकीकृताङ्गाः ॥ २५ ॥

yac ca vrajanty animiṣām ṛṣabhānuvṛttyā dūre yamā hy upari naḥ spṛhaṇīya-śīlāḥ bhartur mithaḥ suyaśasaḥ kathanānurāga- vaiklavya-bāṣpa-kalayā pulakī-kṛtāṅgāḥ

किंतु उस धाम में वे जाते हैं, जिनका सद्आचरण हम देवताओं द्वारा भी वांछित है, जो अनिमेष देवताओं के अग्रणी के अनुगामी हैं, नियमों को अपने से भी ऊपर रखते हुए, तथा भगवान की महिमा की परस्पर चर्चा करते हुए प्रेमाश्रुओं से पुलकित शरीर वाले हैं।

श्लोक 26 (bhagavata.3.15.26)

तद्विश्वगुर्वधिकृतं भुवनैकवन्द्यं दिव्यं विचित्रविबुधाग्र्यविमानशोचिः । आपुः परां मुदमपूर्वमुपेत्य योग- मायाबलेन मुनयस्तदथो विकुण्ठम् ॥ २६ ॥

tad viśva-gurv-adhikṛtaṁ bhuvanaika-vandyaṁ divyaṁ vicitra-vibudhāgrya-vimāna-śociḥ āpuḥ parāṁ mudam apūrvam upetya yoga- māyā-balena munayas tad atho vikuṇṭham

तत्पश्चात्, योग-माया की शक्ति से उस दिव्य, समस्त लोकों में एकमात्र पूज्य, विश्वगुरु-अधिष्ठित वैकुंठ को, जो श्रेष्ठ भक्तों के विचित्र विमानों की आभा से प्रकाशित है, प्राप्त कर, वे मुनि परम, अपूर्व आनंद को प्राप्त हुए।

श्लोक 27 (bhagavata.3.15.27)

तस्मिन्नतीत्य मुनयः षडसज्जमानाः कक्षाः समानवयसावथ सप्तमायाम् । देवावचक्षत गृहीतगदौ परार्ध्य- केयूरकुण्डलकिरीटविटङ्कवेषौ ॥ २७ ॥

tasminn atītya munayaḥ ṣaḍ asajjamānāḥ kakṣāḥ samāna-vayasāv atha saptamāyām devāv acakṣata gṛhīta-gadau parārdhya- keyūra-kuṇḍala-kirīṭa-viṭaṅka-veṣau

वहाँ वे मुनि अनासक्त होकर छह प्राकारों को पार करते हुए, सातवें द्वार पर समान आयु वाले दो द्वारपालों को देखा, जो गदा हाथ में लिए, अनमोल केयूर, कुंडल, किरीट तथा सुंदर वेश से सुसज्जित थे।

श्लोक 28 (bhagavata.3.15.28)

मत्तद्विरेफवनमालिकया निवीतौ विन्यस्तयासितचतुष्टयबाहुमध्ये । वक्त्रं भ्रुवा कुटिलया स्फुटनिर्गमाभ्यां रक्तेक्षणेन च मनाग्रभसं दधानौ ॥ २८ ॥

matta-dvirepha-vanamālikayā nivītau vinyastayāsita-catuṣṭaya-bāhu-madhye vaktraṁ bhruvā kuṭilayā sphuṭa-nirgamābhyāṁ raktekṣaṇena ca manāg rabhasaṁ dadhānau

मतवाले भ्रमरों से गुंजित वनमाला अपने चार श्याम भुजाओं के मध्य धारण किए, कुछ तनी हुई भौंहों वाले, नथुनों से स्पष्ट श्वास लेते हुए, कुछ-कुछ रक्ताभ और उद्विग्न नेत्रों से युक्त —

श्लोक 29 (bhagavata.3.15.29)

द्वार्येतयोर्निविविशुर्मिषतोरपृष्ट्वा पूर्वा यथा पुरटवज्रकपाटिका याः । सर्वत्र तेऽविषमया मुनयः स्वदृष्टया ये सञ्चरन्त्यविहता विगताभिशङ्काः ॥ २९ ॥

dvāry etayor niviviśur miṣator apṛṣṭvā pūrvā yathā puraṭa-vajra-kapāṭikā yāḥ sarvatra te ’viṣamayā munayaḥ sva-dṛṣṭyā ye sañcaranty avihatā vigatābhiśaṅkāḥ

बिना अनुमति माँगे, वे दोनों द्वारपालों के देखते-देखते ही, स्वर्ण तथा हीरों से जड़े उन पूर्ववत् द्वारों में प्रविष्ट हो गए; क्योंकि मुनिजन, सर्वत्र अपनी निष्पक्ष दृष्टि से, बिना किसी बाधा के, संदेहरहित होकर विचरण करते हैं।

श्लोक 30 (bhagavata.3.15.30)

तान् वीक्ष्य वातारशनांश्चतुरः कुमारान् वृद्धान्दशार्धवयसो विदितात्मतत्त्वान् । वेत्रेण चास्खलयतामतदर्हणांस्तौ तेजो विहस्य भगवत्प्रतिकूलशीलौ ॥ ३० ॥

tān vīkṣya vāta-raśanāṁś caturaḥ kumārān vṛddhān daśārdha-vayaso viditātma-tattvān vetreṇa cāskhalayatām atad-arhaṇāṁs tau tejo vihasya bhagavat-pratikūla-śīlau

किंतु उन चार बालकों को, दिगंबर, वृद्ध होते हुए भी पाँच वर्ष के प्रतीत होने वाले, आत्मतत्त्व के ज्ञाता, इस प्रकार देखकर, भगवान के प्रतिकूल स्वभाव वाले उन दोनों द्वारपालों ने उनके तेज की अवहेलना करते हुए, अनुचित रूप से अपने दंडों से उन्हें रोक दिया।

श्लोक 31 (bhagavata.3.15.31)

ताभ्यां मिषत्स्वनिमिषेषु निषिध्यमानाः स्वर्हत्तमा ह्यपि हरेः प्रतिहारपाभ्याम् । ऊचुः सुहृत्तमदिदृक्षितभङ्ग ईष- त्कामानुजेन सहसा त उपप्लुताक्षाः ॥ ३१ ॥

tābhyāṁ miṣatsv animiṣeṣu niṣidhyamānāḥ svarhattamā hy api hareḥ pratihāra-pābhyām ūcuḥ suhṛttama-didṛkṣita-bhaṅga īṣat kāmānujena sahasā ta upaplutākṣāḥ

समस्त प्राणियों में सर्वाधिक योग्य होते हुए भी, हरि के उन दोनों द्वारपालों द्वारा इस प्रकार रोके जाने पर, सतर्क वैकुंठवासियों के देखते ही देखते, अपने अत्यंत प्रिय के दर्शन में इस अल्प बाधा से क्रोध-आवेशित नेत्रों सहित वे बोले।

श्लोक 32 (bhagavata.3.15.32)

मुनय ऊचुः को वामिहैत्य भगवत्परिचर्ययोच्चै- स्तद्धर्मिणां निवसतां विषमः स्वभावः । तस्मिन् प्रशान्तपुरुषे गतविग्रहे वां को वात्मवत्कुहकयोः परिशङ्कनीयः ॥ ३२ ॥

munaya ūcuḥ ko vām ihaitya bhagavat-paricaryayoccais tad-dharmiṇāṁ nivasatāṁ viṣamaḥ svabhāvaḥ tasmin praśānta-puruṣe gata-vigrahe vāṁ ko vātmavat kuhakayoḥ pariśaṅkanīyaḥ

मुनियों ने कहा — तुम दोनों कौन हो, जो भगवान की महान सेवा से यहाँ स्थान पाकर, यहाँ निवास करने वाले उन धार्मिक जनों के साथ रहते हुए भी, ऐसा विषम आचरण दिखा रहे हो? उन सदा शांत, शत्रुरहित प्रभु में, तुम्हारे समान कपट पर विश्वास कौन-सा भरोसेमंद जन कर सकता है?

श्लोक 33 (bhagavata.3.15.33)

न ह्यन्तरं भगवतीह समस्तकुक्षा- वात्मानमात्मनि नभो नभसीव धीराः । पश्यन्ति यत्र युवयोः सुरलिङ्गिनोः किं व्युत्पादितं ह्युदरभेदि भयं यतोऽस्य ॥ ३३ ॥

na hy antaraṁ bhagavatīha samasta-kukṣāv ātmānam ātmani nabho nabhasīva dhīrāḥ paśyanti yatra yuvayoḥ sura-liṅginoḥ kiṁ vyutpāditaṁ hy udara-bhedi bhayaṁ yato ’sya

क्योंकि उन भगवान में, जिनके सर्वव्यापी स्वरूप में सब कुछ समाहित है, ज्ञानीजन आत्मा और परमात्मा में कोई भेद नहीं देखते — जैसे आकाश के एक अंश और संपूर्ण आकाश में; तो फिर देवताओं के समान वेश धारण किए हुए तुम दोनों में यह देहभाव, यह भय का कारण, कैसे उत्पन्न हो गया?

श्लोक 34 (bhagavata.3.15.34)

तद्वाममुष्य परमस्य विकुण्ठभर्तुः कर्तुं प्रकृष्टमिह धीमहि मन्दधीभ्याम् । लोकानितो व्रजतमन्तरभावदृष्टया पापीयसस्त्रय इमे रिपवोऽस्य यत्र ॥ ३४ ॥

tad vām amuṣya paramasya vikuṇṭha-bhartuḥ kartuṁ prakṛṣṭam iha dhīmahi manda-dhībhyām lokān ito vrajatam antara-bhāva-dṛṣṭyā pāpīyasas traya ime ripavo ’sya yatra

अतः चूँकि तुम दोनों, मंदबुद्धि होकर, स्वयं वैकुंठ के परम स्वामी के प्रति अपराध कर चुके हो, अतः हम विचार करते हैं कि तुम्हारे लिए वास्तव में क्या श्रेयस्कर है — यहाँ से उन भौतिक लोकों में जाओ, जहाँ इस द्वैत-दृष्टि के कारण, प्रत्येक जीव के वे तीन महापापी शत्रु निवास करते हैं।

श्लोक 35 (bhagavata.3.15.35)

तेषामितीरितमुभाववधार्य घोरं तं ब्रह्मदण्डमनिवारणमस्त्रपूगैः । सद्यो हरेरनुचरावुरु बिभ्यतस्तत्- पादग्रहावपततामतिकातरेण ॥ ३५ ॥

teṣām itīritam ubhāv avadhārya ghoraṁ taṁ brahma-daṇḍam anivāraṇam astra-pūgaiḥ sadyo harer anucarāv uru bibhyatas tat- pāda-grahāv apatatām atikātareṇa

उन ऋषियों द्वारा इस प्रकार उच्चारित उस भयंकर ब्राह्मण-शाप को, जो किसी भी अस्त्र से निवारित नहीं हो सकता, समझकर, हरि के वे दोनों भक्त द्वारपाल अत्यंत भयभीत हो उठे और तत्काल, अत्यंत व्याकुल होकर, उनके चरण पकड़कर गिर पड़े।

श्लोक 36 (bhagavata.3.15.36)

भूयादघोनि भगवद्भिरकारि दण्डो यो नौ हरेत सुरहेलनमप्यशेषम् । मा वोऽनुतापकलया भगवत्स्मृतिघ्नो मोहो भवेदिह तु नौ व्रजतोरधोऽधः ॥ ३६ ॥

bhūyād aghoni bhagavadbhir akāri daṇḍo yo nau hareta sura-helanam apy aśeṣam mā vo ’nutāpa-kalayā bhagavat-smṛti-ghno moho bhaved iha tu nau vrajator adho ’dhaḥ

हे भगवद्भक्तो! तुमने इस पाप के लिए, देवताओं के अनादर के इस असीम अपराध के लिए, जो दंड हमें दिया है, वह हम पर रहे; परंतु हे मुनियो! इस पतन में, नीचे से नीचे जाते हुए, हमारी थोड़ी सी पश्चाताप-जनित मोह हमारी भगवत्-स्मृति का नाश न करे।

श्लोक 37 (bhagavata.3.15.37)

एवं तदैव भगवानरविन्दनाभः स्वानां विबुध्य सदतिक्रममार्यहृद्यः । तस्मिन् ययौ परमहंसमहामुनीना- मन्वेषणीयचरणौ चलयन् सहश्रीः ॥ ३७ ॥

evaṁ tadaiva bhagavān aravinda-nābhaḥ svānāṁ vibudhya sad-atikramam ārya-hṛdyaḥ tasmin yayau paramahaṁsa-mahā-munīnām anveṣaṇīya-caraṇau calayan saha-śrīḥ

उसी क्षण, कमलनाभ भगवान, सज्जनों के हृदय के आनंद, अपने ही सेवकों द्वारा उन महर्षियों के प्रति किए गए इस अपराध को जानकर, लक्ष्मी सहित, अपने उन चरणों को उठाते हुए वहाँ पधारे, जिनकी खोज परमहंस महामुनि भी करते हैं।

श्लोक 38 (bhagavata.3.15.38)

तं त्वागतं प्रतिहृतौपयिकं स्वपुम्भि- स्तेऽचक्षताक्षविषयं स्वसमाधिभाग्यम् । हंसश्रियोर्व्यजनयोः शिववायुलोल- च्छुभ्रातपत्रशशिकेसरशीकराम्बुम् ॥ ३८ ॥

taṁ tv āgataṁ pratihṛtaupayikaṁ sva-pumbhis te ’cakṣatākṣa-viṣayaṁ sva-samādhi-bhāgyam haṁsa-śriyor vyajanayoḥ śiva-vāyu-lolac- chubhrātapatra-śaśi-kesara-śīkarāmbum

उन ऋषियों ने तब उन्हें आते हुए देखा, जिनके साथी उनकी सेवा-सामग्री लिए हुए थे, अब वही स्वरूप, जो कभी उनके ध्यान का ही सौभाग्य था, प्रत्यक्ष दृश्य बन गया — हंस-श्वेत दो चामरों के साथ, अनुकूल वायु में झूलती श्वेत छत्र, तथा चंद्र-सम धवल किनारी से मोतियों की भाँति टपकते जल-कणों सहित।

श्लोक 39 (bhagavata.3.15.39)

कृत्स्नप्रसादसुमुखं स्पृहणीयधाम स्नेहावलोककलया हृदि संस्पृशन्तम् । श्यामे पृथावुरसि शोभितया श्रिया स्व- श्चूडामणिं सुभगयन्तमिवात्मधिष्ण्यम् ॥ ३९ ॥

kṛtsna-prasāda-sumukhaṁ spṛhaṇīya-dhāma snehāvaloka-kalayā hṛdi saṁspṛśantam śyāme pṛthāv urasi śobhitayā śriyā svaś- cūḍāmaṇiṁ subhagayantam ivātma-dhiṣṇyam

समस्त प्राणियों के प्रति कृपायुक्त उनका मुखमंडल, वह वांछित आश्रय, अपनी स्नेहिल दृष्टि की वर्षा से उनके हृदय का स्पर्श कर रहा था; उनके श्याम, विशाल वक्षस्थल पर, लक्ष्मी की शोभा से अलंकृत, वे स्वर्ग के चूड़ामणि के समान, अपने ही धाम को सौभाग्य प्रदान करते हुए सुशोभित थे।

श्लोक 40 (bhagavata.3.15.40)

पीतांशुके पृथुनितम्बिनि विस्फुरन्त्या काञ्च्यालिभिर्विरुतया वनमालया च । वल्गुप्रकोष्ठवलयं विनतासुतांसे विन्यस्तहस्तमितरेण धुनानमब्जम् ॥ ४० ॥

pītāṁśuke pṛthu-nitambini visphurantyā kāñcyālibhir virutayā vana-mālayā ca valgu-prakoṣṭha-valayaṁ vinatā-sutāṁse vinyasta-hastam itareṇa dhunānam abjam

अपनी विशाल कटि पर पीत वस्त्र धारण किए, चमकती करधनी से युक्त, भ्रमर-गुंजित ताजे पुष्पों की माला से अलंकृत, सुंदर कंगन-युक्त कलाइयों वाले, एक हाथ विनता-पुत्र गरुड़ के कंधे पर टिकाए तथा दूसरे हाथ में कमल घुमाते हुए।

श्लोक 41 (bhagavata.3.15.41)

विद्युत्क्षिपन्मकरकुण्डलमण्डनार्ह- गण्डस्थलोन्नसमुखं मणिमत्किरीटम् । दोर्दण्डषण्डविवरे हरता परार्ध्य- हारेण कन्धरगतेन च कौस्तुभेन ॥ ४१ ॥

vidyut-kṣipan-makara-kuṇḍala-maṇḍanārha- gaṇḍa-sthalonnasa-mukhaṁ maṇimat-kirīṭam dor-daṇḍa-ṣaṇḍa-vivare haratā parārdhya- hāreṇa kandhara-gatena ca kaustubhena

बिजली को भी मात देने वाले मकराकार कुंडलों से सुसज्जित कपोल और उन्नत नासिका वाला मुखमंडल, रत्नजड़ित मुकुट, तथा उनकी चार विशाल भुजाओं के मध्य को सुशोभित करता अमूल्य हार, और कंठ में विराजमान कौस्तुभ मणि।

श्लोक 42 (bhagavata.3.15.42)

अत्रोपसृष्टमिति चोत्स्मितमिन्दिरायाः स्वानां धिया विरचितं बहुसौष्ठवाढ्यम् । मह्यं भवस्य भवतां च भजन्तमङ्गं नेमुर्निरीक्ष्य नवितृप्तदृशो मुदा कैः ॥ ४२ ॥

atropasṛṣṭam iti cotsmitam indirāyāḥ svānāṁ dhiyā viracitaṁ bahu-sauṣṭhavāḍhyam mahyaṁ bhavasya bhavatāṁ ca bhajantam aṅgaṁ nemur nirīkṣya na vitṛpta-dṛśo mudā kaiḥ

यह रूप, जो अपने भक्तों द्वारा ही चिंतित है, नाना सौंदर्य-सौष्ठव से समृद्ध, जिसके विषय में कहा जाता है कि उसने स्वयं इंदिरा की मुस्कान के गर्व को भी दबा दिया है — मेरे द्वारा, शिव द्वारा तथा तुम सबके द्वारा पूजित — इसे देखकर, तृप्त न होती हुई दृष्टि से, वे आनंद से अभिभूत होकर सिर झुकाकर नमन करने लगे।

श्लोक 43 (bhagavata.3.15.43)

तस्यारविन्दनयनस्य पदारविन्द- किञ्जल्कमिश्रतुलसीमकरन्दवायुः । अन्तर्गतः स्वविवरेण चकार तेषां सङ्क्षोभमक्षरजुषामपि चित्ततन्वोः ॥ ४३ ॥

tasyāravinda-nayanasya padāravinda- kiñjalka-miśra-tulasī-makaranda-vāyuḥ antar-gataḥ sva-vivareṇa cakāra teṣāṁ saṅkṣobham akṣara-juṣām api citta-tanvoḥ

उस कमल-नेत्र भगवान के चरण-कमलों के पराग-मिश्रित तुलसी-मकरंद की सुगंध से युक्त वह वायु, उनके नथुनों से भीतर प्रविष्ट होकर, अक्षर-ब्रह्म में लीन उन मुनियों के भी मन और शरीर में एक विक्षोभ उत्पन्न कर गई।

श्लोक 44 (bhagavata.3.15.44)

ते वा अमुष्य वदनासितपद्मकोश- मुद्वीक्ष्य सुन्दरतराधरकुन्दहासम् । लब्धाशिषः पुनरवेक्ष्य तदीयमङ्घ्रि- द्वन्द्वं नखारुणमणिश्रयणं निदध्युः ॥ ४४ ॥

te vā amuṣya vadanāsita-padma-kośam udvīkṣya sundaratarādhara-kunda-hāsam labdhāśiṣaḥ punar avekṣya tadīyam aṅghri- dvandvaṁ nakhāruṇa-maṇi-śrayaṇaṁ nidadhyuḥ

उनके श्याम कमल-सदृश मुख के भीतरी कोश को, तथा अधरों पर खिलती कुंद-पुष्प से भी सुंदर मुस्कान को निहारकर, अपनी अभिलषित कामना पाकर, उन्होंने पुनः नीचे दृष्टि करते हुए उनके उन चरण-युगल का ध्यान किया, जिनके नख माणिक्य के समान लाल आभा से आश्रयदायक थे।

श्लोक 45 (bhagavata.3.15.45)

पुंसां गतिं मृगयतामिह योगमार्गै- र्ध्यानास्पदं बहु मतं नयनाभिरामम् । पौंस्नं वपुर्दर्शयानमनन्यसिद्धै- रौत्पत्तिकैः समगृणन् युतमष्टभोगैः ॥ ४५ ॥

puṁsāṁ gatiṁ mṛgayatām iha yoga-mārgair dhyānāspadaṁ bahu-mataṁ nayanābhirāmam pauṁsnaṁ vapur darśayānam ananya-siddhair autpattikaiḥ samagṛṇan yutam aṣṭa-bhogaiḥ

योग-मार्गों के द्वारा यहाँ मुक्ति की खोज करने वालों की वह गति, महात्माओं द्वारा अनुमोदित ध्यान का विषय, नेत्रों को सुखद, मानवाकार रूप को दर्शाते हुए, अन्यों द्वारा असिद्ध, नित्य-सिद्ध आठ ऐश्वर्यों से युक्त उन भगवान की, उन्होंने मिलकर स्तुति की।

श्लोक 46 (bhagavata.3.15.46)

कुमारा ऊचुः योऽन्तर्हितो हृदि गतोऽपि दुरात्मनां त्वं सोऽद्यैव नो नयनमूलमनन्त राद्धः । यर्ह्येव कर्णविवरेण गुहां गतो नः पित्रानुवर्णितरहा भवदुद्भवेन ॥ ४६ ॥

kumārā ūcuḥ yo ’ntarhito hṛdi gato ’pi durātmanāṁ tvaṁ so ’dyaiva no nayana-mūlam ananta rāddhaḥ yarhy eva karṇa-vivareṇa guhāṁ gato naḥ pitrānuvarṇita-rahā bhavad-udbhavena

कुमारों ने कहा — हे अनंत! जो अप्रकट रहकर दुरात्माओं के भी हृदय में विराजमान हैं, आप आज सचमुच हमारे नेत्रों के समक्ष प्रकट हुए हैं, क्योंकि हमारे कानों के मार्ग से होकर, हमारे पिता द्वारा वर्णित उस रहस्य को, आपने अपने प्राकट्य से हमारी बुद्धि की गुहा में प्रविष्ट कर दिया है।

श्लोक 47 (bhagavata.3.15.47)

तं त्वां विदाम भगवन् परमात्मतत्त्वं सत्त्वेन सम्प्रति रतिं रचयन्तमेषाम् । यत्तेऽनुतापविदितैर्दृढभक्तियोगै- रुद्ग्रन्थयो हृदि विदुर्मुनयो विरागाः ॥ ४७ ॥

taṁ tvāṁ vidāma bhagavan param ātma-tattvaṁ sattvena samprati ratiṁ racayantam eṣām yat te ’nutāpa-viditair dṛḍha-bhakti-yogair udgranthayo hṛdi vidur munayo virāgāḥ

हे भगवन्! हम अब आपको जानते हैं, उस परम आत्मतत्त्व को, जो इन भक्तों में, अपने सत्त्वमय स्वरूप द्वारा, अपने प्रति प्रेम उत्पन्न कर रहे हैं — जिसे विरक्त मुनिजन, ग्रंथिरहित होकर, आपकी कृपा से प्राप्त दृढ़ भक्तियोग द्वारा, हृदय में जान लेते हैं।

श्लोक 48 (bhagavata.3.15.48)

नात्यन्तिकं विगणयन्त्यपि ते प्रसादं किम्वन्यदर्पितभयं भ्रुव उन्नयैस्ते । येऽङ्ग त्वदङ्घ्रि शरणा भवतः कथायाः कीर्तन्यतीर्थयशसः कुशला रसज्ञाः ॥ ४८ ॥

nātyantikaṁ vigaṇayanty api te prasādaṁ kimv anyad arpita-bhayaṁ bhruva unnayais te ye ’ṅga tvad-aṅghri-śaraṇā bhavataḥ kathāyāḥ kīrtanya-tīrtha-yaśasaḥ kuśalā rasa-jñāḥ

हे प्रभो! जिन भक्तों ने आपके चरण-कमलों की शरण ली है, आपकी पवित्र, कीर्तनीय महिमा के रस के निपुण ज्ञाता, वे मुक्ति की भी परवाह नहीं करते, फिर आपकी भौंह के उठने मात्र से मिलने वाली अभय-दृष्टि की तो बात ही क्या, अन्य भौतिक सुखों की तो बात ही क्या!

श्लोक 49 (bhagavata.3.15.49)

कामं भवः स्ववृजिनैर्निरयेषु नः स्ता- च्चेतोऽलिवद्यदि नु ते पदयो रमेत । वाचश्च नस्तुलसिवद्यदि तेऽङ्घ्रि शोभाः पूर्येत ते गुणगणैर्यदि कर्णरन्ध्रः ॥ ४९ ॥

kāmaṁ bhavaḥ sva-vṛjinair nirayeṣu naḥ stāc ceto ’livad yadi nu te padayo rameta vācaś ca nas tulasivad yadi te ’ṅghri-śobhāḥ pūryeta te guṇa-gaṇair yadi karṇa-randhraḥ

हमारे अपने पापकर्मों के अनुरूप, चाहे हमें निम्नतम नरकों में जन्म प्राप्त हो, बस इतना हो कि हमारा मन भ्रमर के समान आपके चरणों में रमण करे; हमारी वाणी तुलसी के समान आपके चरणों की शोभा बढ़ाए; और हमारे कानों के छिद्र सदा आपके दिव्य गुणों से परिपूर्ण रहें।

श्लोक 50 (bhagavata.3.15.50)

प्रादुश्चकर्थ यदिदं पुरुहूत रूपं तेनेश निर्वृतिमवापुरलं दृशो नः । तस्मा इदं भगवते नम इद्विधेम योऽनात्मनां दुरुदयो भगवान् प्रतीतः ॥ ५० ॥

prāduścakartha yad idaṁ puruhūta rūpaṁ teneśa nirvṛtim avāpur alaṁ dṛśo naḥ tasmā idaṁ bhagavate nama id vidhema yo ’nātmanāṁ durudayo bhagavān pratītaḥ

हे पुरुहूत! आपने अपना यह जो रूप प्रकट किया है, उसी से हमारी दृष्टि को हे ईश! पूर्ण संतोष प्राप्त हुआ है; उन्हीं भगवान को हम यह नमस्कार अर्पित करते हैं, जो अल्पबुद्धियों के लिए दुर्लभ हैं और जिन्हें हमने अब साक्षात् देख लिया है।