सकाम कर्मों में उलझाव

श्लोक 1 (bhagavata.3.32.1)

कपिल उवाच अथ यो गृहमेधीयान्धर्मानेवावसन्गृहे । काममर्थं च धर्मान्स्वान्दोग्धि भूयः पिपर्ति तान् ॥ 32.1 ॥

kapila uvāca atha yo gṛha-medhīyān dharmān evāvasan gṛhe kāmam arthaṁ ca dharmān svān dogdhi bhūyaḥ piparti tān

कपिल ने कहा — जो पुरुष घर में रहते हुए गृहस्थ-धर्म का ही पालन करता है, वह अपनी काम, अर्थ और धर्म-सम्बन्धी वृत्तियों का ही बार-बार दोहन और पोषण करता रहता है।

श्लोक 2 (bhagavata.3.32.2)

स चापि भगवद्धर्मात्काममूढः पराङ्मुखः । यजते क्रतुभिर्देवान्पितृंश्च श्रद्धयान्वितः ॥ 32.2 ॥

sa cāpi bhagavad-dharmāt kāma-mūḍhaḥ parāṅ-mukhaḥ yajate kratubhir devān pitṝṁś ca śraddhayānvitaḥ

भगवद्धर्म से विमुख वह काम में मोहित पुरुष, फिर भी श्रद्धापूर्वक यज्ञों के द्वारा देवताओं और पितरों की पूजा करता रहता है।

श्लोक 3 (bhagavata.3.32.3)

तच्छ्रद्धयाक्रान्तमतिः पितृदेवव्रतः पुमान् । गत्वा चान्द्रमसं लोकं सोमपाः पुनरेष्यति ॥ 32.3 ॥

tac-chraddhayākrānta-matiḥ pitṛ-deva-vrataḥ pumān gatvā cāndramasaṁ lokaṁ soma-pāḥ punar eṣyati

उसी श्रद्धा से आक्रान्त बुद्धि वाला, पितरों और देवताओं के व्रत का पालन करने वाला वह पुरुष चन्द्रलोक को जाकर सोमरस पीता है, और फिर वहाँ से लौट आता है।

श्लोक 4 (bhagavata.3.32.4)

यदा चाहीन्द्रशय्यायां शेतेऽनन्तासनो हरिः । तदा लोका लयं यान्ति त एते गृहमेधिनाम् ॥ 32.4 ॥

yadā cāhīndra-śayyāyāṁ śete ’nantāsano hariḥ tadā lokā layaṁ yānti ta ete gṛha-medhinām

जब अनन्त शेष के आसन पर विराजमान हरि उस सर्पराज की शय्या पर शयन करते हैं, तब इन गृहस्थों के वे सभी लोक प्रलय को प्राप्त हो जाते हैं।

श्लोक 5 (bhagavata.3.32.5)

ये स्वधर्मान्न दुह्यन्ति धीराः कामार्थहेतवे । निःसङ्गा न्यस्तकर्माणः प्रशान्ताः शुद्धचेतसः ॥ 32.5 ॥

ye sva-dharmān na duhyanti dhīrāḥ kāmārtha-hetave niḥsaṅgā nyasta-karmāṇaḥ praśāntāḥ śuddha-cetasaḥ

किन्तु जो धीर पुरुष अपने स्वधर्म का दोहन काम और अर्थ के लिए नहीं करते, वे असंग, कर्मरहित, शान्त और शुद्ध चित्त वाले होते हैं।

श्लोक 6 (bhagavata.3.32.6)

निवृत्तिधर्मनिरता निर्ममा निरहङ्कृताः । स्वधर्माप्तेन सत्त्वेन परिशुद्धेन चेतसा ॥ 32.6 ॥

nivṛtti-dharma-niratā nirmamā nirahaṅkṛtāḥ sva-dharmāptena sattvena pariśuddhena cetasā

निवृत्ति-धर्म में रत, ममतारहित, अहंकाररहित, अपने ही स्वधर्म द्वारा प्राप्त सत्त्वगुण से और परिशुद्ध चित्त से युक्त होते हैं।

श्लोक 7 (bhagavata.3.32.7)

सूर्यद्वारेण ते यान्ति पुरुषं विश्वतोमुखम् । परावरेशं प्रकृतिमस्योत्पत्त्यन्तभावनम् ॥ 32.7 ॥

sūrya-dvāreṇa te yānti puruṣaṁ viśvato-mukham parāvareśaṁ prakṛtim asyotpatty-anta-bhāvanam

वे सूर्य के द्वार से होकर सर्वत्र मुख वाले उस पुरुष के पास जाते हैं, जो पर और अपर दोनों के स्वामी हैं, और जो इस जगत के उत्पत्ति और लय दोनों के कारणभूत प्रकृति हैं।

श्लोक 8 (bhagavata.3.32.8)

द्विपरार्धावसाने यः प्रलयो ब्रह्मणस्तु ते । तावदध्यासते लोकं परस्य परचिन्तकाः ॥ 32.8 ॥

dvi-parārdhāvasāne yaḥ pralayo brahmaṇas tu te tāvad adhyāsate lokaṁ parasya para-cintakāḥ

जब तक ब्रह्मा के दो परार्ध पूर्ण होकर उनकी मृत्यु नहीं होती, तब तक वे परमेश्वर का ही चिन्तन करने वाले भक्त उसी लोक में निवास करते रहते हैं।

श्लोक 9 (bhagavata.3.32.9)

क्ष्माम्भोऽनलानिलवियन्मनइन्द्रियार्थ- भूतादिभिः परिवृतं प्रतिसञ्जिहीर्षुः । अव्याकृतं विशति यर्हि गुणत्रयात्मा कालं पराख्यमनुभूय परः स्वयम्भूः ॥ 32.9 ॥

kṣmāmbho-’nalānila-viyan-mana-indriyārtha- bhūtādibhiḥ parivṛtaṁ pratisañjihīrṣuḥ avyākṛtaṁ viśati yarhi guṇa-trayātmā kālaṁ parākhyam anubhūya paraḥ svayambhūḥ

पृथ्वी, जल, अग्नि, वायु, आकाश, मन, इन्द्रिय, विषय और अहंकार आदि से घिरे हुए इस जगत को समेटने की इच्छा से, तीनों गुणों से युक्त स्वयंभू ब्रह्मा उस परार्ध-संज्ञक काल को भोगकर, स्वयं भी परम अव्याकृत पद में प्रवेश करते हैं।

श्लोक 10 (bhagavata.3.32.10)

एवं परेत्य भगवन्तमनुप्रविष्टा ये योगिनो जितमरुन्मनसो विरागाः । तेनैव साकममृतं पुरुषं पुराणं ब्रह्म प्रधानमुपयान्त्यगताभिमानाः ॥ 32.10 ॥

evaṁ paretya bhagavantam anupraviṣṭā ye yogino jita-marun-manaso virāgāḥ tenaiva sākam amṛtaṁ puruṣaṁ purāṇaṁ brahma pradhānam upayānty agatābhimānāḥ

इस प्रकार, प्राण और मन को जीतकर विरक्त हो चुके जो योगीजन ब्रह्मा में प्रविष्ट हो गए हैं, वे उन्हीं के साथ, अपने अहंकार को त्यागकर, उस अमृतमय, पुरातन पुरुष, प्रधान ब्रह्म को प्राप्त हो जाते हैं।

श्लोक 11 (bhagavata.3.32.11)

अथ तं सर्वभूतानां हृत्पद्मेषु कृतालयम् । श्रुतानुभावं शरणं व्रज भावेन भामिनि ॥ 32.11 ॥

atha taṁ sarva-bhūtānāṁ hṛt-padmeṣu kṛtālayam śrutānubhāvaṁ śaraṇaṁ vraja bhāvena bhāmini

इसलिए, हे भामिनि, सब प्राणियों के हृदय-कमल में निवास करने वाले, जिनकी महिमा तुमने सुनी है, उन्हीं भगवान की शरण में भाव-भक्ति के साथ जाओ।

श्लोक 12 (bhagavata.3.32.12)

आद्यः स्थिरचराणां यो वेदगर्भः सहर्षिभिः । योगेश्वरैः कुमाराद्यैः सिद्धैर्योगप्रवर्तकैः ॥ 32.12 ॥

ādyaḥ sthira-carāṇāṁ yo veda-garbhaḥ saharṣibhiḥ yogeśvaraiḥ kumārādyaiḥ siddhair yoga-pravartakaiḥ

स्थावर-जंगम सृष्टि के प्रथम, वेदों के आगार ब्रह्मा भी, ऋषियों, योगेश्वरों, कुमार आदि सिद्धों तथा योगमार्ग के प्रवर्तकों के साथ —

श्लोक 13 (bhagavata.3.32.13)

भेददृष्टयाभिमानेन निःसङ्गेनापि कर्मणा । कर्तृत्वात्सगुणं ब्रह्म पुरुषं पुरुषर्षभम् ॥ 32.13 ॥

bheda-dṛṣṭyābhimānena niḥsaṅgenāpi karmaṇā kartṛtvāt saguṇaṁ brahma puruṣaṁ puruṣarṣabham

— भेद-दृष्टि के अभिमान से, अनासक्त कर्म करते हुए भी, कर्तापन के भाव से ही सगुण ब्रह्म, पुरुषों में श्रेष्ठ उस पुरुष को प्राप्त होकर —

श्लोक 14 (bhagavata.3.32.14)

स संसृत्य पुनः काले कालेनेश्वरमूर्तिना । जाते गुणव्यतिकरे यथापूर्वं प्रजायते ॥ 32.14 ॥

sa saṁsṛtya punaḥ kāle kāleneśvara-mūrtinā jāte guṇa-vyatikare yathā-pūrvaṁ prajāyate

— वहाँ पहुँचकर भी, समय आने पर, ईश्वर-स्वरूप उस काल के द्वारा, गुणों का विक्षोभ उत्पन्न होने पर, पूर्व की भाँति पुनः जन्म ले लेते हैं।

श्लोक 15 (bhagavata.3.32.15)

ऐश्वर्यं पारमेष्ठ्यं च तेऽपि धर्मविनिर्मितम् । निषेव्य पुनरायान्ति गुणव्यतिकरे सति ॥ 32.15 ॥

aiśvaryaṁ pārameṣṭhyaṁ ca te ’pi dharma-vinirmitam niṣevya punar āyānti guṇa-vyatikare sati

वे भी अपने पुण्य-कर्मों से अर्जित उस परमेष्ठि-पद के ऐश्वर्य को भोगकर, गुणों का विक्षोभ होने पर पुनः लौट आते हैं।

श्लोक 16 (bhagavata.3.32.16)

ये त्विहासक्तमनसः कर्मसु श्रद्धयान्विताः । कुर्वन्त्यप्रतिषिद्धानि नित्यान्यपि च कृत्स्नशः ॥ 32.16 ॥

ye tv ihāsakta-manasaḥ karmasu śraddhayānvitāḥ kurvanty apratiṣiddhāni nityāny api ca kṛtsnaśaḥ

किन्तु जिनका मन इसी लोक में कर्मों में आसक्त है, वे श्रद्धापूर्वक निषिद्ध न किए गए नित्य कर्मों को भी पूर्ण रूप से करते रहते हैं।

श्लोक 17 (bhagavata.3.32.17)

रजसा कुण्ठमनसः कामात्मानोऽजितेन्द्रियाः । पितृन् यजन्त्यनुदिनं गृहेष्वभिरताशयाः ॥ 32.17 ॥

rajasā kuṇṭha-manasaḥ kāmātmāno ’jitendriyāḥ pitṝn yajanty anudinaṁ gṛheṣv abhiratāśayāḥ

रजोगुण से आच्छन्न मन वाले, कामनापरायण, इन्द्रियों को न जीत सके वे लोग प्रतिदिन घर में ही रमे हुए मन से पितरों की पूजा करते रहते हैं।

श्लोक 18 (bhagavata.3.32.18)

त्रैवर्गिकास्ते पुरुषा विमुखा हरिमेधसः । कथायां कथनीयोरुविक्रमस्य मधुद्विषः ॥ 32.18 ॥

trai-vargikās te puruṣā vimukhā hari-medhasaḥ kathāyāṁ kathanīyoru- vikramasya madhudviṣaḥ

धर्म, अर्थ और काम — इन तीनों वर्गों में रत वे लोग, मधु-असुर के संहारक भगवान हरि की उस कथा से विमुख रहते हैं, जो उनके महान पराक्रम के कारण सुनाई जाने योग्य है।

श्लोक 19 (bhagavata.3.32.19)

नूनं दैवेन विहता ये चाच्युतकथासुधाम् । हित्वा शृण्वन्त्यसद्गाथाः पुरीषमिव विड्भुजः ॥ 32.19 ॥

nūnaṁ daivena vihatā ye cācyuta-kathā-sudhām hitvā śṛṇvanty asad-gāthāḥ purīṣam iva viḍ-bhujaḥ

निश्चय ही दैव द्वारा वंचित वे लोग अच्युत की कथा-रूपी अमृत को त्यागकर, विष्ठा-भक्षी सूअरों के समान असत् कथाओं को ही सुनते रहते हैं।

श्लोक 20 (bhagavata.3.32.20)

दक्षिणेन पथार्यम्णः पितृलोकं व्रजन्ति ते । प्रजामनु प्रजायन्ते श्मशानान्तक्रियाकृतः ॥ 32.20 ॥

dakṣiṇena pathāryamṇaḥ pitṛ-lokaṁ vrajanti te prajām anu prajāyante śmaśānānta-kriyā-kṛtaḥ

वे सूर्य के दक्षिण मार्ग से पितृलोक को जाते हैं, और अपनी संतान के पीछे-पीछे पुनः जन्म ले लेते हैं, यहाँ तक कि श्मशान की अन्त्येष्टि क्रिया तक ही उनका कर्म-चक्र सीमित रहता है।

श्लोक 21 (bhagavata.3.32.21)

ततस्ते क्षीणसुकृताः पुनर्लोकमिमं सति । पतन्ति विवशा देवैः सद्यो विभ्रंशितोदयाः ॥ 32.21 ॥

tatas te kṣīṇa-sukṛtāḥ punar lokam imaṁ sati patanti vivaśā devaiḥ sadyo vibhraṁśitodayāḥ

हे सती, फिर जब उनके पुण्य कर्म क्षीण हो जाते हैं, तब वे देवताओं की व्यवस्था से विवश होकर, अपनी समृद्धि से सहसा गिराए जाकर, पुनः इसी लोक में आ पड़ते हैं।

श्लोक 22 (bhagavata.3.32.22)

तस्मात्त्वं सर्वभावेन भजस्व परमेष्ठिनम् । तद्गुणाश्रयया भक्त्या भजनीयपदाम्बुजम् ॥ 32.22 ॥

tasmāt tvaṁ sarva-bhāvena bhajasva parameṣṭhinam tad-guṇāśrayayā bhaktyā bhajanīya-padāmbujam

इसलिए तुम सम्पूर्ण भाव से उन परमेष्ठि भगवान की उपासना करो, जिनके गुणों से युक्त भक्ति के द्वारा वे चरणकमल पूजनीय हैं, जिनकी उपासना ही करने योग्य है।

श्लोक 23 (bhagavata.3.32.23)

वासुदेवे भगवति भक्तियोगः प्रयोजितः । जनयत्याशु वैराग्यं ज्ञानं यद्ब्रह्मदर्शनम् ॥ 32.23 ॥

vāsudeve bhagavati bhakti-yogaḥ prayojitaḥ janayaty āśu vairāgyaṁ jñānaṁ yad brahma-darśanam

भगवान वासुदेव में लगाया गया भक्तियोग शीघ्र ही वैराग्य और ज्ञान उत्पन्न कर देता है, जो ब्रह्म-साक्षात्कार ही है।

श्लोक 24 (bhagavata.3.32.24)

यदास्य चित्तमर्थेषु समेष्विन्द्रियवृत्तिभिः । न विगृह्णाति वैषम्यं प्रियमप्रियमित्युत ॥ 32.24 ॥

yadāsya cittam artheṣu sameṣv indriya-vṛttibhiḥ na vigṛhṇāti vaiṣamyaṁ priyam apriyam ity uta

जब इस साधक का चित्त सम विषयों में इन्द्रियों की वृत्तियों के द्वारा प्रिय और अप्रिय का भेद ग्रहण नहीं करता।

श्लोक 25 (bhagavata.3.32.25)

स तदैवात्मनात्मानं निःसङ्गं समदर्शनम् । हेयोपादेयरहितमारूढं पदमीक्षते ॥ 32.25 ॥

sa tadaivātmanātmānaṁ niḥsaṅgaṁ sama-darśanam heyopādeya-rahitam ārūḍhaṁ padam īkṣate

तभी वह अपनी ही आत्मा से आत्मा को असंग, समदर्शी, त्याज्य-ग्राह्य के भेद से रहित तथा उच्च पद पर आरूढ़ देखता है।

श्लोक 26 (bhagavata.3.32.26)

ज्ञानमात्रं परं ब्रह्म परमात्मेश्वरः पुमान् । दृश्यादिभिः पृथग्भावैर्भगवानेक ईयते ॥ 32.26 ॥

jñāna-mātraṁ paraṁ brahma paramātmeśvaraḥ pumān dṛśy-ādibhiḥ pṛthag bhāvair bhagavān eka īyate

केवल ज्ञानस्वरूप वह परब्रह्म ही परमात्मा, ईश्वर और पुरुष कहा जाता है; दर्शन आदि विभिन्न भावों के भेद से वही एक भगवान अनेक रूप में जाना जाता है।

श्लोक 27 (bhagavata.3.32.27)

एतावानेव योगेन समग्रेणेह योगिनः । युज्यतेऽभिमतो ह्यर्थो यदसङ्गस्तु कृत्स्नशः ॥ 32.27 ॥

etāvān eva yogena samagreṇeha yoginaḥ yujyate ’bhimato hy artho yad asaṅgas tu kṛtsnaśaḥ

इस लोक में योगी के लिए सम्पूर्ण योग-साधना का इतना ही अभीष्ट प्रयोजन सिद्ध होता है — कि उसे प्रकृति से पूर्ण रूप से असंगता प्राप्त हो जाए।

श्लोक 28 (bhagavata.3.32.28)

ज्ञानमेकं पराचीनैरिन्द्रियैर्ब्रह्म निर्गुणम् । अवभात्यर्थरूपेण भ्रान्त्या शब्दादिधर्मिणा ॥ 32.28 ॥

jñānam ekaṁ parācīnair indriyair brahma nirguṇam avabhāty artha-rūpeṇa bhrāntyā śabdādi-dharmiṇā

बाह्यमुखी इन्द्रियों के द्वारा वही एक निर्गुण ज्ञान-ब्रह्म, शब्द आदि गुणों से युक्त वस्तुओं के रूप में, भ्रमवश अनेक प्रकार से प्रतीत होने लगता है।

श्लोक 29 (bhagavata.3.32.29)

यथा महानहंरूपस्त्रिवृत्पञ्चविधः स्वराट् । एकादशविधस्तस्य वपुरण्डं जगद्यतः ॥ 32.29 ॥

yathā mahān ahaṁ-rūpas tri-vṛt pañca-vidhaḥ svarāṭ ekādaśa-vidhas tasya vapur aṇḍaṁ jagad yataḥ

जिस प्रकार मुझसे महत्तत्त्व, त्रिविध अहंकार, पाँच भूत, स्वराट् (व्यष्टि जीव) और ग्यारह इन्द्रियाँ प्रकट हुईं, उन्हीं से यह अण्ड-रूप जगत बना है।

श्लोक 30 (bhagavata.3.32.30)

एतद्वै श्रद्धया भक्त्या योगाभ्यासेन नित्यशः । समाहितात्मा निःसङ्गो विरक्त्या परिपश्यति ॥ 32.30 ॥

etad vai śraddhayā bhaktyā yogābhyāsena nityaśaḥ samāhitātmā niḥsaṅgo viraktyā paripaśyati

श्रद्धा, भक्ति और नित्य योगाभ्यास के द्वारा समाहित चित्त वाला, असंग और विरक्त साधक ही इस सत्य को भलीभाँति देख पाता है।

श्लोक 31 (bhagavata.3.32.31)

इत्येतत्कथितं गुर्वि ज्ञानं तद्ब्रह्म-दर्शनम् । येनानुबुद्ध्यते तत्त्वं प्रकृतेः पुरुषस्य च ॥ 32.31 ॥

ity etat kathitaṁ gurvi jñānaṁ tad brahma-darśanam yenānubuddhyate tattvaṁ prakṛteḥ puruṣasya ca

हे पूज्य माता, इस प्रकार मैंने वह ज्ञान बताया, जो ब्रह्म का साक्षात्कार कराने वाला है, और जिसके द्वारा प्रकृति और पुरुष दोनों के तत्त्व को भलीभाँति समझा जाता है।

श्लोक 32 (bhagavata.3.32.32)

ज्ञानयोगश्च मन्निष्ठो नैर्गुण्यो भक्तिलक्षणः । द्वयोरप्येक एवार्थो भगवच्छब्दलक्षणः ॥ 32.32 ॥

jñāna-yogaś ca man-niṣṭho nairguṇyo bhakti-lakṣaṇaḥ dvayor apy eka evārtho bhagavac-chabda-lakṣaṇaḥ

मुझमें स्थित ज्ञानयोग और गुणरहित भक्ति के लक्षण — इन दोनों का भी एक ही अन्तिम प्रयोजन है, जिसे 'भगवान' शब्द से जाना जाता है।

श्लोक 33 (bhagavata.3.32.33)

यथेन्द्रियैः पृथग्द्वारैरर्थो बहुगुणाश्रयः । एको नानेयते तद्वद्भगवान्शास्त्रवर्त्मभिः ॥ 32.33 ॥

yathendriyaiḥ pṛthag-dvārair artho bahu-guṇāśrayaḥ eko nāneyate tadvad bhagavān śāstra-vartmabhiḥ

जैसे अनेक गुणों से युक्त एक ही वस्तु भिन्न-भिन्न इन्द्रियों के द्वारा भिन्न-भिन्न रूप में जानी जाती है, वैसे ही एक ही भगवान शास्त्रों के भिन्न-भिन्न मार्गों से भिन्न-भिन्न रूप में जाने जाते हैं।

श्लोक 34 (bhagavata.3.32.34)

क्रियया क्रतुभिर्दानैस्तपःस्वाध्यायमर्शनैः । आत्मेन्द्रियजयेनापि संन्यासेन च कर्मणाम् ॥ 32.34 ॥

kriyayā kratubhir dānais tapaḥ-svādhyāya-marśanaiḥ ātmendriya-jayenāpi sannyāsena ca karmaṇām

सकाम कर्म, यज्ञ, दान, तप, स्वाध्याय और मनन के द्वारा, मन-इन्द्रियों को जीतने के द्वारा, तथा कर्मों के संन्यास के द्वारा —

श्लोक 35 (bhagavata.3.32.35)

योगेन विविधाङ्गेन भक्तियोगेन चैव हि । धर्मेणोभयचिह्नेन यः प्रवृत्तिनिवृत्तिमान् ॥ 32.35 ॥

yogena vividhāṅgena bhakti-yogena caiva hi dharmeṇobhaya-cihnena yaḥ pravṛtti-nivṛttimān

— नाना अंगों वाले योग के द्वारा, तथा भक्तियोग के द्वारा भी, प्रवृत्ति और निवृत्ति दोनों चिह्नों से युक्त उस धर्म के द्वारा —

श्लोक 36 (bhagavata.3.32.36)

आत्मतत्त्वावबोधेन वैराग्येण दृढेन च । ईयते भगवानेभिः सगुणो निर्गुणः स्वदृक् ॥ 32.36 ॥

ātma-tattvāvabodhena vairāgyeṇa dṛḍhena ca īyate bhagavān ebhiḥ saguṇo nirguṇaḥ sva-dṛk

— आत्म-तत्त्व के बोध और दृढ़ वैराग्य के द्वारा भी — इन्हीं सब साधनों से भगवान को सगुण, निर्गुण तथा आत्मद्रष्टा रूप में प्राप्त किया जाता है।

श्लोक 37 (bhagavata.3.32.37)

प्रावोचं भक्तियोगस्य स्वरूपं ते चतुर्विधम् । कालस्य चाव्यक्तगतेर्योऽन्तर्धावति जन्तुषु ॥ 32.37 ॥

prāvocaṁ bhakti-yogasya svarūpaṁ te catur-vidham kālasya cāvyakta-gater yo ’ntardhāvati jantuṣu

हे माता, मैंने तुम्हें भक्तियोग के चार प्रकार के स्वरूप का वर्णन किया, तथा उस अव्यक्त-गति वाले काल का भी, जो प्राणियों के भीतर अदृश्य होकर सदा दौड़ता रहता है।

श्लोक 38 (bhagavata.3.32.38)

जीवस्य संसृतीर्बह्वीरविद्याकर्मनिर्मिताः । यास्वङ्ग प्रविशन्नात्मा न वेद गतिमात्मनः ॥ 32.38 ॥

jīvasya saṁsṛtīr bahvīr avidyā-karma-nirmitāḥ yāsv aṅga praviśann ātmā na veda gatim ātmanaḥ

हे प्रिये, जीव की अविद्या और कर्म से रची गई ये अनेक संसार-गतियाँ हैं, जिनमें प्रवेश करने पर आत्मा अपनी ही सच्ची गति को नहीं जान पाता।

श्लोक 39 (bhagavata.3.32.39)

नैतत्खलायोपदिशेन्नाविनीताय कर्हिचित् । न स्तब्धाय न भिन्नाय नैव धर्मध्वजाय च ॥ 32.39 ॥

naitat khalāyopadiśen nāvinītāya karhicit na stabdhāya na bhinnāya naiva dharma-dhvajāya ca

यह उपदेश न तो दुष्ट को देना चाहिए, न कभी अविनीत को, न अहंकारी को, न दुराचारी को, न ही धर्म का केवल ढोंग करने वाले को।

श्लोक 40 (bhagavata.3.32.40)

न लोलुपायोपदिशेन्न गृहारूढचेतसे । नाभक्ताय च मे जातु न मद्भक्तद्विषामपि ॥ 32.40 ॥

na lolupāyopadiśen na gṛhārūḍha-cetase nābhaktāya ca me jātu na mad-bhakta-dviṣām api

न लोभी को यह उपदेश देना चाहिए, न गृहासक्त चित्त वाले को, न मेरे प्रति अभक्त को, और न कभी मेरे भक्तों से द्वेष रखने वालों को।

श्लोक 41 (bhagavata.3.32.41)

श्रद्दधानाय भक्ताय विनीतायानसूयवे । भूतेषु कृतमैत्राय शुश्रूषाभिरताय च ॥ 32.41 ॥

śraddadhānāya bhaktāya vinītāyānasūyave bhūteṣu kṛta-maitrāya śuśrūṣābhiratāya ca

श्रद्धावान, भक्तिपरायण, विनम्र, निर्दोष-दृष्टि रखने वाले, सब प्राणियों से मैत्री रखने वाले तथा सेवा में सदा रत रहने वाले को ही यह देना चाहिए।

श्लोक 42 (bhagavata.3.32.42)

बहिर्जातविरागाय शान्तचित्ताय दीयताम् । निर्मत्सराय शुचये यस्याहं प्रेयसां प्रियः ॥ 32.42 ॥

bahir-jāta-virāgāya śānta-cittāya dīyatām nirmatsarāya śucaye yasyāhaṁ preyasāṁ priyaḥ

बाहरी विषयों से वैराग्य प्राप्त कर चुके, शान्तचित्त, ईर्ष्यारहित और पवित्र उस पुरुष को ही यह दिया जाए, जिसके लिए मैं ही अपने सभी प्रियजनों में सबसे प्रिय हूँ।

श्लोक 43 (bhagavata.3.32.43)

य इदं शृणुयादम्ब श्रद्धया पुरुषः सकृत् । यो वाभिधत्ते मच्चित्तः स ह्येति पदवीं च मे ॥ 32.43 ॥

ya idaṁ śṛṇuyād amba śraddhayā puruṣaḥ sakṛt yo vābhidhatte mac-cittaḥ sa hy eti padavīṁ ca me

हे माता, जो पुरुष एक बार भी श्रद्धापूर्वक इसे सुनता है, अथवा मुझमें चित्त लगाकर इसे कहता है, वह निश्चय ही मेरे परम धाम को प्राप्त कर लेता है।