प्रचेताओं के चरित्र

श्लोक 1 (bhagavata.4.30.1)

विदुर उवाच ये त्वयाभिहिता ब्रह्मन् सुताः प्राचीनबर्हिषः । ते रुद्रगीतेन हरिं सिद्धिमापुः प्रतोष्य काम् ॥ 30.1 ॥

vidura uvāca ye tvayābhihitā brahman sutāḥ prācīnabarhiṣaḥ te rudra-gītena hariṁ siddhim āpuḥ pratoṣya kām

विदुर ने कहा — हे ब्रह्मन्! आपने प्राचीनबर्हि के जिन पुत्रों के विषय में बताया, जिन्होंने रुद्रगीत से भगवान हरि को संतुष्ट किया, उन्होंने उन्हें प्रसन्न करके कौन-सी सिद्धि प्राप्त की?

श्लोक 2 (bhagavata.4.30.2)

किं बार्हस्पत्येह परत्र वाथ कैवल्यनाथप्रियपार्श्ववर्तिनः । आसाद्य देवं गिरिशं यदृच्छया प्रापुः परं नूनमथ प्रचेतसः ॥ 30.2 ॥

kiṁ bārhaspatyeha paratra vātha kaivalya-nātha-priya-pārśva-vartinaḥ āsādya devaṁ giriśaṁ yadṛcchayā prāpuḥ paraṁ nūnam atha pracetasaḥ

हे बार्हस्पत्य! मोक्षनाथ के प्रिय सहचर देवगिरीश (शिव) से आकस्मिक भेंट पाकर, उन प्रचेताओं ने इस लोक अथवा परलोक में क्या प्राप्त किया? निश्चय ही उन्होंने परम पद प्राप्त किया होगा।

श्लोक 3 (bhagavata.4.30.3)

मैत्रेय उवाच प्रचेतसोऽन्तरुदधौ पितुरादेशकारिणः । जपयज्ञेन तपसा पुरञ्जनमतोषयन् ॥ 30.3 ॥

maitreya uvāca pracetaso ’ntar udadhau pitur ādeśa-kāriṇaḥ japa-yajñena tapasā purañjanam atoṣayan

मैत्रेय ने कहा — पिता की आज्ञा का पालन करने वाले प्रचेता समुद्र में प्रविष्ट होकर, जप-यज्ञ और तपस्या के द्वारा भगवान पुरंजन (सर्वदेहवासी) को संतुष्ट करने लगे।

श्लोक 4 (bhagavata.4.30.4)

दशवर्षसहस्रान्ते पुरुषस्तु सनातनः । तेषामाविरभूत्कृच्छ्रं शान्तेन शमयन् रुचा ॥ 30.4 ॥

daśa-varṣa-sahasrānte puruṣas tu sanātanaḥ teṣām āvirabhūt kṛcchraṁ śāntena śamayan rucā

दस हज़ार वर्षों के अंत में वे सनातन पुरुष उनके समक्ष प्रकट हुए, अपनी शांत कांति से उनकी तपस्या के समस्त कष्ट को शमन करते हुए।

श्लोक 5 (bhagavata.4.30.5)

सुपर्णस्कन्धमारूढो मेरुशृङ्गमिवाम्बुदः । पीतवासा मणिग्रीवः कुर्वन्वितिमिरा दिशः ॥ 30.5 ॥

suparṇa-skandham ārūḍho meru-śṛṅgam ivāmbudaḥ pīta-vāsā maṇi-grīvaḥ kurvan vitimirā diśaḥ

सुपर्ण (गरुड़) के कंधे पर आरूढ़, मानो मेरु शिखर पर छाया कोई मेघ, पीतांबरधारी और मणिकंठ वे भगवान समस्त दिशाओं को अंधकाररहित करते हुए प्रकट हुए।

श्लोक 6 (bhagavata.4.30.6)

काशिष्णुना कनकवर्णविभूषणेन भ्राजत्कपोलवदनो विलसत्किरीटः । अष्टायुधैरनुचरैर्मुनिभिः सुरेन्द्रै- रासेवितो गरुडकिन्नरगीतकीर्तिः ॥ 30.6 ॥

kāśiṣṇunā kanaka-varṇa-vibhūṣaṇena bhrājat-kapola-vadano vilasat-kirīṭaḥ aṣṭāyudhair anucarair munibhiḥ surendrair āsevito garuḍa-kinnara-gīta-kīrtiḥ

उनके मुख और कपोल स्वर्णिम आभूषणों से देदीप्यमान थे, मुकुट चमक रहा था; वे आठ आयुध धारण किये थे, और अनुचरों, मुनियों तथा देवताओं द्वारा सेवित थे, उनकी कीर्ति गरुड़ और किन्नरों द्वारा गाई जा रही थी।

श्लोक 7 (bhagavata.4.30.7)

पीनायताष्टभुजमण्डलमध्यलक्ष्म्या स्पर्धच्छ्रिया परिवृतो वनमालयाद्यः । बर्हिष्मतः पुरुष आह सुतान् प्रपन्नान् पर्जन्यनादरुतया सघृणावलोकः ॥ 30.7 ॥

pīnāyatāṣṭa-bhuja-maṇḍala-madhya-lakṣmyā spardhac-chriyā parivṛto vana-mālayādyaḥ barhiṣmataḥ puruṣa āha sutān prapannān parjanya-nāda-rutayā saghṛṇāvalokaḥ

अपनी आठ पुष्ट और विस्तृत भुजाओं के मध्य वनमाला से सुशोभित, जिसकी शोभा लक्ष्मी की शोभा से स्पर्धा करती थी, वे आदिपुरुष करुणापूर्ण दृष्टि से और मेघ-गर्जन के समान वाणी से बर्हिष्मत के शरणागत पुत्रों को संबोधित करने लगे।

श्लोक 8 (bhagavata.4.30.8)

श्रीभगवानुवाच वरं वृणीध्वं भद्रं वो यूयं मे नृपनन्दनाः । सौहार्देनापृथग्धर्मास्तुष्टोऽहं सौहृदेन वः ॥ 30.8 ॥

śrī-bhagavān uvāca varaṁ vṛṇīdhvaṁ bhadraṁ vo yūyaṁ me nṛpa-nandanāḥ sauhārdenāpṛthag-dharmās tuṣṭo ’haṁ sauhṛdena vaḥ

श्री भगवान ने कहा — वर माँगो, तुम्हारा कल्याण हो, हे राजपुत्रो! तुम सब परस्पर स्नेह से एक धर्म में संयुक्त हो, अतः तुम्हारे इस सौहार्द से मैं प्रसन्न हूँ।

श्लोक 9 (bhagavata.4.30.9)

योऽनुस्मरति सन्ध्यायां युष्माननुदिनं नरः । तस्य भ्रातृष्वात्मसाम्यं तथा भूतेषु सौहृदम् ॥ 30.9 ॥

yo ’nusmarati sandhyāyāṁ yuṣmān anudinaṁ naraḥ tasya bhrātṛṣv ātma-sāmyaṁ tathā bhūteṣu sauhṛdam

जो मनुष्य प्रतिदिन संध्या के समय तुम्हें स्मरण करेगा, उसे अपने भाइयों के प्रति समभाव और समस्त प्राणियों के प्रति स्नेह प्राप्त होगा।

श्लोक 10 (bhagavata.4.30.10)

ये तु मां रुद्रगीतेन सायं प्रातः समाहिताः । स्तुवन्त्यहं कामवरान्दास्ये प्रज्ञां च शोभनाम् ॥ 30.10 ॥

ye tu māṁ rudra-gītena sāyaṁ prātaḥ samāhitāḥ stuvanty ahaṁ kāma-varān dāsye prajñāṁ ca śobhanām

और जो एकाग्रचित्त होकर संध्या-प्रातः रुद्रगीत से मेरी स्तुति करेंगे, उन्हें मैं मनोवांछित वर तथा सुंदर बुद्धि भी प्रदान करूँगा।

श्लोक 11 (bhagavata.4.30.11)

यद्यूयं पितुरादेशमग्रहीष्ट मुदान्विताः । अथो व उशती कीर्तिर्लोकाननु भविष्यति ॥ 30.11 ॥

yad yūyaṁ pitur ādeśam agrahīṣṭa mudānvitāḥ atho va uśatī kīrtir lokān anu bhaviṣyati

चूँकि तुमने हर्षपूर्वक अपने पिता की आज्ञा को स्वीकार किया है, अतः तुम्हारी सुंदर कीर्ति समस्त लोकों में फैलेगी।

श्लोक 12 (bhagavata.4.30.12)

भविता विश्रुतः पुत्रोऽनवमो ब्रह्मणो गुणैः । य एतामात्मवीर्येण त्रिलोकीं पूरयिष्यति ॥ 30.12 ॥

bhavitā viśrutaḥ putro ’navamo brahmaṇo guṇaiḥ ya etām ātma-vīryeṇa tri-lokīṁ pūrayiṣyati

तुम्हें एक विख्यात पुत्र प्राप्त होगा, जो गुणों में ब्रह्मा से कम नहीं होगा, और जो अपने ही सामर्थ्य से इन तीनों लोकों को संतति से भर देगा।

श्लोक 13 (bhagavata.4.30.13)

कण्डोः प्रम्लोचया लब्धा कन्या कमललोचना । तां चापविद्धां जगृहुर्भूरुहा नृपनन्दनाः ॥ 30.13 ॥

kaṇḍoḥ pramlocayā labdhā kanyā kamala-locanā tāṁ cāpaviddhāṁ jagṛhur bhūruhā nṛpa-nandanāḥ

कण्डु ऋषि से प्रम्लोचा द्वारा एक कमलनयना कन्या उत्पन्न हुई; हे राजपुत्रो! जब वह त्यागी गई, तब वृक्षों ने उसे अपनाया।

श्लोक 14 (bhagavata.4.30.14)

क्षुत्क्षामाया मुखे राजा सोमः पीयूषवर्षिणीम् । देशिनीं रोदमानाया निदधे स दयान्वितः ॥ 30.14 ॥

kṣut-kṣāmāyā mukhe rājā somaḥ pīyūṣa-varṣiṇīm deśinīṁ rodamānāyā nidadhe sa dayānvitaḥ

भूख से क्षीण और रोती हुई उस बालिका के मुख में, दयार्द्र होकर सोमराज ने अपनी अमृतवर्षी अंगुली रख दी।

श्लोक 15 (bhagavata.4.30.15)

प्रजाविसर्ग आदिष्टाः पित्रा मामनुवर्तता । तत्र कन्यां वरारोहां तामुद्वहत मा चिरम् ॥ 30.15 ॥

prajā-visarga ādiṣṭāḥ pitrā mām anuvartatā tatra kanyāṁ varārohāṁ tām udvahata mā ciram

अपने पिता, जो स्वयं मेरा अनुसरण करते हैं, के द्वारा संतानोत्पत्ति का आदेश पाकर तुम विलम्ब किये बिना उस सुंदर कन्या का पाणिग्रहण करो।

श्लोक 16 (bhagavata.4.30.16)

अपृथग्धर्मशीलानां सर्वेषां वः सुमध्यमा । अपृथग्धर्मशीलेयं भूयात्पत्न्यर्पिताशया ॥ 30.16 ॥

apṛthag-dharma-śīlānāṁ sarveṣāṁ vaḥ sumadhyamā apṛthag-dharma-śīleyaṁ bhūyāt patny arpitāśayā

तुम सब एक ही स्वभाव और धर्म के हो, अतः यह सुमध्यमा कन्या भी उसी अभिन्न स्वभाव वाली होकर, अपना हृदय समर्पित करके तुम्हारी पत्नी बने।

श्लोक 17 (bhagavata.4.30.17)

दिव्यवर्षसहस्राणां सहस्रमहतौजसः । भौमान् भोक्ष्यथ भोगान् वै दिव्यांश्चानुग्रहान्मम ॥ 30.17 ॥

divya-varṣa-sahasrāṇāṁ sahasram ahataujasaḥ bhaumān bhokṣyatha bhogān vai divyāṁś cānugrahān mama

सहस्रों-सहस्रों दिव्य वर्षों तक, अक्षीण तेज के साथ, तुम पार्थिव भोगों तथा मेरी कृपा से प्राप्त दिव्य अनुग्रहों का भोग करोगे।

श्लोक 18 (bhagavata.4.30.18)

अथ मय्यनपायिन्या भक्त्या पक्वगुणाशयाः । उपयास्यथ मद्धाम निर्विद्य निरयादतः ॥ 30.18 ॥

atha mayy anapāyinyā bhaktyā pakva-guṇāśayāḥ upayāsyatha mad-dhāma nirvidya nirayād ataḥ

तत्पश्चात्, मेरे प्रति अविचल भक्ति से जिनका हृदय परिपक्व हो चुका होगा, तुम इस नरक-तुल्य संसार से विरक्त होकर मेरे धाम को प्राप्त होगे।

श्लोक 19 (bhagavata.4.30.19)

गृहेष्वाविशतां चापि पुंसां कुशलकर्मणाम् । मद्वार्तायातयामानां न बन्धाय गृहा मताः ॥ 30.19 ॥

gṛheṣv āviśatāṁ cāpi puṁsāṁ kuśala-karmaṇām mad-vārtā-yāta-yāmānāṁ na bandhāya gṛhā matāḥ

गृहस्थ जीवन में प्रवेश करने वाले भी उन पुरुषों के लिये, जिनके कर्म कुशल हों और जिनका समय मेरी कथा में व्यतीत होता हो, वह गृह बंधन का कारण नहीं माना जाता।

श्लोक 20 (bhagavata.4.30.20)

नव्यवद्धृदये यज्ज्ञो ब्रह्मैतद्ब्रह्मवादिभिः । न मुह्यन्ति न शोचन्ति न हृष्यन्ति यतो गताः ॥ 30.20 ॥

navyavad dhṛdaye yaj jño brahmaitad brahma-vādibhiḥ na muhyanti na śocanti na hṛṣyanti yato gatāḥ

हृदय में सदा नवीन ज्ञाता रूप में स्थित तत्व को ब्रह्मज्ञानी 'ब्रह्म' कहते हैं; उस अवस्था को प्राप्त होकर पुरुष न तो मोहित होता है, न शोक करता है और न ही हर्षित होता है।

श्लोक 21 (bhagavata.4.30.21)

मैत्रेय उवाच एवं ब्रुवाणं पुरुषार्थभाजनं जनार्दनं प्राञ्जलयः प्रचेतसः । तद्दर्शनध्वस्ततमोरजोमला गिरागृणन् गद्गदया सुहृत्तमम् ॥ 30.21 ॥

maitreya uvāca evaṁ bruvāṇaṁ puruṣārtha-bhājanaṁ janārdanaṁ prāñjalayaḥ pracetasaḥ tad-darśana-dhvasta-tamo-rajo-malā girāgṛṇan gadgadayā suhṛttamam

मैत्रेय ने कहा — इस प्रकार जीवन के परम पुरुषार्थों के आगार जनार्दन के इस प्रकार कहने पर, हाथ जोड़े हुए प्रचेता, उनके दर्शन मात्र से तमस और रजस के मल से मुक्त होकर, गद्गद वाणी में अपने परम सुहृद की स्तुति करने लगे।

श्लोक 22 (bhagavata.4.30.22)

प्रचेतस ऊचुः नमो नमः क्लेशविनाशनाय निरूपितोदारगुणाह्वयाय । मनोवचोवेगपुरोजवाय सर्वाक्षमार्गैरगताध्वने नमः ॥ 30.22 ॥

pracetasa ūcuḥ namo namaḥ kleśa-vināśanāya nirūpitodāra-guṇāhvayāya mano-vaco-vega-puro-javāya sarvākṣa-mārgair agatādhvane namaḥ

प्रचेताओं ने कहा — क्लेशों का नाश करने वाले आपको बारम्बार नमस्कार, जिनका नाम आपके उदार गुणों का उद्घोष करता है; जो मन और वाणी के वेग से भी तीव्र गति वाले हैं; जिनके मार्ग तक इन्द्रियाँ कभी नहीं पहुँच पातीं, आपको नमस्कार।

श्लोक 23 (bhagavata.4.30.23)

शुद्धाय शान्ताय नमः स्वनिष्ठया मनस्यपार्थं विलसद्द्वयाय । नमो जगत्स्थानलयोदयेषु गृहीतमायागुणविग्रहाय ॥ 30.23 ॥

śuddhāya śāntāya namaḥ sva-niṣṭhayā manasy apārthaṁ vilasad-dvayāya namo jagat-sthāna-layodayeṣu gṛhīta-māyā-guṇa-vigrahāya

शुद्ध और शांत आपको नमस्कार, जिनके अपने स्वरूप में द्वैत, यद्यपि मन में प्रतीत होता है, वास्तव में निरर्थक है; जगत् की उत्पत्ति, स्थिति और लय के लिये मायागुणों से रचित रूप धारण करने वाले आपको नमस्कार।

श्लोक 24 (bhagavata.4.30.24)

नमो विशुद्धसत्त्वाय हरये हरिमेधसे । वासुदेवाय कृष्णाय प्रभवे सर्वसात्वताम् ॥ 30.24 ॥

namo viśuddha-sattvāya haraye hari-medhase vāsudevāya kṛṣṇāya prabhave sarva-sātvatām

विशुद्ध सत्त्व स्वरूप, हरि, संताप हरने वाली बुद्धि से युक्त आपको नमस्कार; वासुदेव और कृष्ण, समस्त भक्तों के उद्गम आपको नमस्कार।

श्लोक 25 (bhagavata.4.30.25)

नमः कमलनाभाय नमः कमलमालिने । नमः कमलपादाय नमस्ते कमलेक्षण ॥ 30.25 ॥

namaḥ kamala-nābhāya namaḥ kamala-māline namaḥ kamala-pādāya namas te kamalekṣaṇa

कमलनाभ को नमस्कार, कमल-माला धारण करने वाले को नमस्कार, कमल-चरण वाले को नमस्कार; हे कमलनयन! आपको नमस्कार।

श्लोक 26 (bhagavata.4.30.26)

नमः कमलकिञ्जल्कपिशङ्गामलवाससे । सर्वभूतनिवासाय नमोऽयुङ्क्ष्महि साक्षिणे ॥ 30.26 ॥

namaḥ kamala-kiñjalka- piśaṅgāmala-vāsase sarva-bhūta-nivāsāya namo ’yuṅkṣmahi sākṣiṇe

कमल-किंजल्क के समान पीत, निर्मल वस्त्र धारण करने वाले, समस्त प्राणियों में निवास करने वाले साक्षी-स्वरूप आपको हम नमस्कार करते हुए स्वयं को समर्पित करते हैं।

श्लोक 27 (bhagavata.4.30.27)

रूपं भगवता त्वेतदशेषक्लेशसङ्क्षयम् । आविष्कृतं नः क्लिष्टानां किमन्यदनुकम्पितम् ॥ 30.27 ॥

rūpaṁ bhagavatā tv etad aśeṣa-kleśa-saṅkṣayam āviṣkṛtaṁ naḥ kliṣṭānāṁ kim anyad anukampitam

हे भगवन्! समस्त क्लेशों का नाश करने वाला यह आपका रूप, आपने दुःखी हम पर प्रकट किया है; इससे बढ़कर करुणा और क्या हो सकती है?

श्लोक 28 (bhagavata.4.30.28)

एतावत्त्वं हि विभुभिर्भाव्यं दीनेषु वत्सलैः । यदनुस्मर्यते काले स्वबुद्ध्याभद्ररन्धन ॥ 30.28 ॥

etāvat tvaṁ hi vibhubhir bhāvyaṁ dīneṣu vatsalaiḥ yad anusmaryate kāle sva-buddhyābhadra-randhana

हे अभद्र-नाशक! जो समर्थ जन दीनों के प्रति वत्सल होते हैं, उनके लिये यही उचित है कि वे अपनी दी हुई बुद्धि के द्वारा उचित समय पर स्मरण किये जाएँ।

श्लोक 29 (bhagavata.4.30.29)

येनोपशान्तिर्भूतानां क्षुल्लकानामपीहताम् । अन्तर्हितोऽन्तर्हृदये कस्मान्नो वेद नाशिषः ॥ 30.29 ॥

yenopaśāntir bhūtānāṁ kṣullakānām apīhatām antarhito ’ntar-hṛdaye kasmān no veda nāśiṣaḥ

जिससे नन्हे-नन्हे प्रयासरत प्राणियों को भी शांति मिलती है — हृदय में गुप्त रहने वाले आप हमारी अभिलाषाओं को क्यों नहीं जानेंगे?

श्लोक 30 (bhagavata.4.30.30)

असावेव वरोऽस्माकमीप्सितो जगतः पते । प्रसन्नो भगवान् येषामपवर्गगुरुर्गतिः ॥ 30.30 ॥

asāv eva varo ’smākam īpsito jagataḥ pate prasanno bhagavān yeṣām apavarga-gurur gatiḥ

हे जगत्पते! यही एक वर हमें अभीष्ट है, कि मोक्ष के गुरु भगवान प्रसन्न होकर हमारी गति बनें।

श्लोक 31 (bhagavata.4.30.31)

वरं वृणीमहेऽथापि नाथ त्वत्परतः परात् । न ह्यन्तस्त्वद्विभूतीनां सोऽनन्त इति गीयसे ॥ 30.31 ॥

varaṁ vṛṇīmahe ’thāpi nātha tvat parataḥ parāt na hy antas tvad-vibhūtīnāṁ so ’nanta iti gīyase

फिर भी, हे नाथ! हम आपसे, जो परम से भी परे हैं, यह वर माँगते हैं; क्योंकि आपकी विभूतियों का कोई अंत नहीं है — इसीलिये आप 'अनंत' कहलाते हैं।

श्लोक 32 (bhagavata.4.30.32)

पारिजातेऽञ्जसा लब्धे सारङ्गोऽन्यन्न सेवते । त्वदङ्घ्रिमूलमासाद्य साक्षात्किं किं वृणीमहि ॥ 30.32 ॥

pārijāte ’ñjasā labdhe sāraṅgo ’nyan na sevate tvad-aṅghri-mūlam āsādya sākṣāt kiṁ kiṁ vṛṇīmahi

पारिजात वृक्ष को सहज ही प्राप्त कर लेने पर भ्रमर अन्य कुछ नहीं चाहता; आपके चरणों के मूल तक पहुँचकर हम और क्या-क्या माँगें?

श्लोक 33 (bhagavata.4.30.33)

यावत्ते मायया स्पृष्टा भ्रमाम इह कर्मभिः । तावद्भवत्प्रसङ्गानां सङ्गः स्यान्नो भवे भवे ॥ 30.33 ॥

yāvat te māyayā spṛṣṭā bhramāma iha karmabhiḥ tāvad bhavat-prasaṅgānāṁ saṅgaḥ syān no bhave bhave

फिर भी जब तक हम आपकी माया से स्पर्शित होकर अपने कर्मों के कारण यहाँ भटकते रहें, तब तक हमें जन्म-जन्मांतर में आपकी कथा करने वालों का संग प्राप्त हो।

श्लोक 34 (bhagavata.4.30.34)

तुलयाम लवेनापि न स्वर्गं नापुनर्भवम् । भगवत्सङ्गिसङ्गस्य मर्त्यानां किमुताशिषः ॥ 30.34 ॥

tulayāma lavenāpi na svargaṁ nāpunar-bhavam bhagavat-saṅgi-saṅgasya martyānāṁ kim utāśiṣaḥ

स्वर्ग को भी और अपुनर्भव को भी, भगवत्संगियों के संग के एक क्षणमात्र की तुलना में नहीं तौला जा सकता — तो फिर मरणधर्मा मनुष्यों के अन्य आशीषों की तो बात ही क्या!

श्लोक 35 (bhagavata.4.30.35)

यत्रेड्यन्ते कथा मृष्टास्तृष्णायाः प्रशमो यतः । निर्वैरं यत्र भूतेषु नोद्वेगो यत्र कश्चन ॥ 30.35 ॥

yatreḍyante kathā mṛṣṭās tṛṣṇāyāḥ praśamo yataḥ nirvairaṁ yatra bhūteṣu nodvego yatra kaścana

जहाँ पवित्र कथाओं का गान होता है, जिससे तृष्णा शांत होती है, जहाँ प्राणियों के प्रति वैर नहीं होता, और जहाँ किंचित् भी उद्वेग नहीं होता —

श्लोक 36 (bhagavata.4.30.36)

यत्र नारायणः साक्षाद्भगवान्न्यासिनां गतिः । संस्तूयते सत्कथासु मुक्तसङ्गैः पुनः पुनः ॥ 30.36 ॥

yatra nārāyaṇaḥ sākṣād bhagavān nyāsināṁ gatiḥ saṁstūyate sat-kathāsu mukta-saṅgaiḥ punaḥ punaḥ

वह स्थान जहाँ स्वयं भगवान नारायण, जो संन्यासियों की गति हैं, आसक्तिरहित मुक्त पुरुषों द्वारा पवित्र कथाओं में बारम्बार स्तुत किये जाते हैं —

श्लोक 37 (bhagavata.4.30.37)

तेषां विचरतां पद्भ्यां तीर्थानां पावनेच्छया । भीतस्य किं न रोचेत तावकानां समागमः ॥ 30.37 ॥

teṣāṁ vicaratāṁ padbhyāṁ tīrthānāṁ pāvanecchayā bhītasya kiṁ na roceta tāvakānāṁ samāgamaḥ

जो अपने चरणों से विचरण करते हुए तीर्थों को भी पवित्र करने की इच्छा रखते हैं, ऐसे आपके भक्तों का संग, संसार से भयभीत पुरुष को क्यों न रुचेगा?

श्लोक 38 (bhagavata.4.30.38)

वयं तु साक्षाद्भगवन् भवस्य प्रियस्य सख्युः क्षणसङ्गमेन । सुदुश्चिकित्स्यस्य भवस्य मृत्यो- र्भिषक्तमं त्वाद्य गतिं गताः स्म ॥ 30.38 ॥

vayaṁ tu sākṣād bhagavan bhavasya priyasya sakhyuḥ kṣaṇa-saṅgamena suduścikitsyasya bhavasya mṛtyor bhiṣaktamaṁ tvādya gatiṁ gatāḥ sma

हे भगवन्! आपके प्रिय सखा भव (शिव) से क्षणभर की भेंट के द्वारा ही आज हम जन्म-मृत्युरूपी उस दुःसाध्य रोग के परम वैद्य आपकी शरण को प्राप्त हुए हैं।

श्लोक 39 (bhagavata.4.30.39)

यन्नः स्वधीतं गुरवः प्रसादिता विप्राश्च वृद्धाश्च सदानुवृत्त्या । आर्या नताः सुहृदो भ्रातरश्च सर्वाणि भूतान्यनसूययैव ॥ 30.39 ॥

yan naḥ svadhītaṁ guravaḥ prasāditā viprāś ca vṛddhāś ca sad-ānuvṛttyā āryā natāḥ suhṛdo bhrātaraś ca sarvāṇi bhūtāny anasūyayaiva

हमने जो कुछ अध्ययन किया, गुरुओं, ब्राह्मणों और वृद्धजनों को निरंतर अनुवृत्ति से जो प्रसन्न किया, आर्यजनों, सुहृदों, भाइयों तथा समस्त प्राणियों को बिना किसी द्वेष के जो नमन किया —

श्लोक 40 (bhagavata.4.30.40)

यन्नः सुतप्तं तप एतदीश निरन्धसां कालमदभ्रमप्सु । सर्वं तदेतत्पुरुषस्य भूम्नो वृणीमहे ते परितोषणाय ॥ 30.40 ॥

yan naḥ sutaptaṁ tapa etad īśa nirandhasāṁ kālam adabhram apsu sarvaṁ tad etat puruṣasya bhūmno vṛṇīmahe te paritoṣaṇāya

और हे ईश! जल में बिना अन्न के इतने दीर्घ काल तक जो तपस्या हमने की — यह सब कुछ हम उस सर्वव्यापी परम पुरुष, आपकी प्रसन्नता के लिये अर्पित करते हैं।

श्लोक 41 (bhagavata.4.30.41)

मनुः स्वयम्भूर्भगवान् भवश्च येऽन्ये तपोज्ञानविशुद्धसत्त्वाः । अदृष्टपारा अपि यन्महिम्नः स्तुवन्त्यथो त्वात्मसमं गृणीमः ॥ 30.41 ॥

manuḥ svayambhūr bhagavān bhavaś ca ye ’nye tapo-jñāna-viśuddha-sattvāḥ adṛṣṭa-pārā api yan-mahimnaḥ stuvanty atho tvātma-samaṁ gṛṇīmaḥ

मनु, स्वयंभू (ब्रह्मा), भगवान भव तथा तप और ज्ञान से विशुद्ध सत्त्व वाले अन्य महापुरुष भी, आपकी महिमा का अंत न पाते हुए भी, आपकी स्तुति करते हैं; उसी प्रकार हम भी अपनी सामर्थ्य के अनुसार आपका गुणगान करते हैं।

श्लोक 42 (bhagavata.4.30.42)

नमः समाय शुद्धाय पुरुषाय पराय च । वासुदेवाय सत्त्वाय तुभ्यं भगवते नमः ॥ 30.42 ॥

namaḥ samāya śuddhāya puruṣāya parāya ca vāsudevāya sattvāya tubhyaṁ bhagavate namaḥ

सबके प्रति समभाव रखने वाले, शुद्ध, परम पुरुष आपको नमस्कार; वासुदेव, सत्त्वस्वरूप आपको, हे भगवन्! नमस्कार है।

श्लोक 43 (bhagavata.4.30.43)

मैत्रेय उवाच इति प्रचेतोभिरभिष्टुतो हरिः प्रीतस्तथेत्याह शरण्यवत्सलः । अनिच्छतां यानमतृप्तचक्षुषां ययौ स्वधामानपवर्गवीर्यः ॥ 30.43 ॥

maitreya uvāca iti pracetobhir abhiṣṭuto hariḥ prītas tathety āha śaraṇya-vatsalaḥ anicchatāṁ yānam atṛpta-cakṣuṣāṁ yayau sva-dhāmānapavarga-vīryaḥ

मैत्रेय ने कहा — इस प्रकार प्रचेताओं द्वारा स्तुत होकर, शरणागतवत्सल हरि प्रसन्न होकर 'तथास्तु' कहते हुए, अतृप्त-नेत्र उन प्रचेताओं की अनिच्छा के बावजूद, अक्षय पराक्रम वाले भगवान अपने धाम को चले गए।

श्लोक 44 (bhagavata.4.30.44)

अथ निर्याय सलिलात्प्रचेतस उदन्वतः । वीक्ष्याकुप्यन्द्रुमैश्छन्नां गां गां रोद्धुमिवोच्छ्रितैः ॥ 30.44 ॥

atha niryāya salilāt pracetasa udanvataḥ vīkṣyākupyan drumaiś channāṁ gāṁ gāṁ roddhum ivocchritaiḥ

तत्पश्चात् प्रचेता समुद्र के जल से बाहर निकले, और पृथ्वी को ऊँचे-ऊँचे वृक्षों से ढँकी हुई देखकर, मानो वे उनका मार्ग रोक रहे हों, क्रुद्ध हो उठे।

श्लोक 45 (bhagavata.4.30.45)

ततोऽग्निमारुतौ राजन्नमुञ्चन्मुखतो रुषा । महीं निर्वीरुधं कर्तुं संवर्तक इवात्यये ॥ 30.45 ॥

tato ’gni-mārutau rājann amuñcan mukhato ruṣā mahīṁ nirvīrudhaṁ kartuṁ saṁvartaka ivātyaye

हे राजन्! तब उन्होंने क्रोध से अपने मुख से अग्नि और वायु छोड़ी, पृथ्वी को वनस्पतिरहित करने के लिये, मानो प्रलयकाल की संवर्तक अग्नि हो।

श्लोक 46 (bhagavata.4.30.46)

भस्मसात्क्रियमाणांस्तान् द्रुमान्वीक्ष्य पितामहः । आगतः शमयामास पुत्रान् बर्हिष्मतो नयैः ॥ 30.46 ॥

bhasmasāt kriyamāṇāṁs tān drumān vīkṣya pitāmahaḥ āgataḥ śamayām āsa putrān barhiṣmato nayaiḥ

उन वृक्षों को भस्म होते देखकर पितामह ब्रह्मा वहाँ आए और अपनी नीति से बर्हिष्मत के पुत्रों को शांत किया।

श्लोक 47 (bhagavata.4.30.47)

तत्रावशिष्टा ये वृक्षा भीता दुहितरं तदा । उज्जह्रुस्ते प्रचेतोभ्य उपदिष्टाः स्वयम्भुवा ॥ 30.47 ॥

tatrāvaśiṣṭā ye vṛkṣā bhītā duhitaraṁ tadā ujjahrus te pracetobhya upadiṣṭāḥ svayambhuvā

वहाँ बचे हुए वृक्ष भयभीत होकर, स्वयंभू ब्रह्मा के उपदेश से, अपनी पुत्री को प्रचेताओं के समक्ष प्रस्तुत करने लगे।

श्लोक 48 (bhagavata.4.30.48)

ते च ब्रह्मण आदेशान्मारिषामुपयेमिरे । यस्यां महदवज्ञानादजन्यजनयोनिजः ॥ 30.48 ॥

te ca brahmaṇa ādeśān māriṣām upayemire yasyāṁ mahad-avajñānād ajany ajana-yonijaḥ

ब्रह्मा की आज्ञा से प्रचेताओं ने उस मारिषा नामक कन्या का पाणिग्रहण किया; उससे, एक महान अवज्ञा के कारण, वह अजन्मा (दक्ष) योनि से जन्मा।

श्लोक 49 (bhagavata.4.30.49)

चाक्षुषे त्वन्तरे प्राप्ते प्राक्सर्गे कालविद्रुते । यः ससर्ज प्रजा इष्टाः स दक्षो दैवचोदितः ॥ 30.49 ॥

cākṣuṣe tv antare prāpte prāk-sarge kāla-vidrute yaḥ sasarja prajā iṣṭāḥ sa dakṣo daiva-coditaḥ

चाक्षुष मन्वंतर के आने पर, काल द्वारा उसकी पूर्व सृष्टि नष्ट हो जाने पर, वही दक्ष, दैव से प्रेरित होकर, अभीष्ट प्रजा की सृष्टि करने लगा।

श्लोक 50 (bhagavata.4.30.50)

यो जायमानः सर्वेषां तेजस्तेजस्विनां रुचा । स्वयोपादत्त दाक्ष्याच्च कर्मणां दक्षमब्रुवन् ॥ 30.50 ॥

yo jāyamānaḥ sarveṣāṁ tejas tejasvināṁ rucā svayopādatta dākṣyāc ca karmaṇāṁ dakṣam abruvan

वह जन्म लेते ही अपनी कांति से समस्त तेजस्वियों के तेज को अपनी ओर खींच लेता है; और कर्मों में दक्षता के कारण उसे 'दक्ष' कहा गया।

श्लोक 51 (bhagavata.4.30.51)

तं प्रजासर्गरक्षायामनादिरभिषिच्य च । युयोज युयुजेऽन्यांश्च स वै सर्वप्रजापतीन् ॥ 30.51 ॥

taṁ prajā-sarga-rakṣāyām anādir abhiṣicya ca yuyoja yuyuje ’nyāṁś ca sa vai sarva-prajāpatīn

अनादि ब्रह्मा ने उसे प्रजा की सृष्टि और रक्षा के कार्य में अभिषिक्त किया, और उसने भी अन्य समस्त प्रजापतियों को उसी कार्य में नियुक्त किया।