राजा भरत का शासन और वैराग्य

श्लोक 1 (bhagavata.5.7.1)

श्रीशुक उवाच भरतस्तु महाभागवतो यदा भगवतावनितलपरिपालनाय सञ्चिन्तितस्तदनुशासनपरः पञ्चजनीं विश्वरूपदुहितरमुपयेमे ॥ १ ॥

śrī-śuka uvāca bharatas tu mahā-bhāgavato yadā bhagavatāvani-tala-paripālanāya sañcintitas tad-anuśāsana-paraḥ pañcajanīṁ viśvarūpa-duhitaram upayeme.

श्रीशुकदेव ने कहा — जब भगवान (ऋषभदेव) ने महाभागवत भरत को पृथ्वी के पालन हेतु मनोनीत किया, तो उनकी आज्ञा का पालन करते हुए भरत ने विश्वरूप की पुत्री पञ्चजनी से विवाह किया।

श्लोक 2 (bhagavata.5.7.2)

तस्यामु ह वा आत्मजान् कार्त्स्न्येनानुरूपानात्मनः पञ्च जनयामास भूतादिरिव भूतसूक्ष्माणि सुमतिं राष्ट्रभृतं सुदर्शनमावरणं धूम्रकेतुमिति ॥ २ ॥

tasyām u ha vā ātmajān kārtsnyenānurūpān ātmanaḥ pañca janayām āsa bhūtādir iva bhūta-sūkṣmāṇi sumatiṁ rāṣṭrabhṛtaṁ sudarśanam āvaraṇaṁ dhūmraketum iti.

उससे उन्होंने अपने ही समान गुणों वाले पाँच पुत्र उत्पन्न किए — सुमति, राष्ट्रभृत्, सुदर्शन, आवरण और धूम्रकेतु — ठीक वैसे ही जैसे अहंकार से सूक्ष्म भूत उत्पन्न होते हैं।

श्लोक 3 (bhagavata.5.7.3)

अजनाभं नामैतद्वर्षं भारतमिति यत आरभ्य व्यपदिशन्ति ॥ ३ ॥

ajanābhaṁ nāmaitad varṣaṁ bhāratam iti yata ārabhya vyapadiśanti.

यह भूमि, जो पहले अजनाभ नाम से जानी जाती थी, इसी भरत के नाम पर तभी से "भारतवर्ष" कहलाने लगी।

श्लोक 4 (bhagavata.5.7.4)

स बहुविन्महीपतिः पितृपितामहवदुरुवत्सलतया स्वे स्वे कर्मणि वर्तमानाः प्रजाः स्वधर्ममनुवर्तमानः पर्यपालयत् ॥ ४ ॥

sa bahuvin mahī-patiḥ pitṛ-pitāmahavad uru-vatsalatayā sve sve karmaṇi vartamānāḥ prajāḥ sva-dharmam anuvartamānaḥ paryapālayat.

वे विद्वान राजा, अपने पिता और पितामह के समान महान वात्सल्य से युक्त होकर, अपने-अपने कर्मों में स्थित प्रजा का, स्वयं भी अपने धर्म का पालन करते हुए, पालन करते रहे।

श्लोक 5 (bhagavata.5.7.5)

ईजे च भगवन्तं यज्ञक्रतुरूपं क्रतुभिरुच्चावचैः श्रद्धयाऽऽहृताग्निहोत्रदर्शपूर्णमासचातुर्मास्यपशुसोमानां प्रकृतिविकृतिभिरनुसवनं चातुर्होत्रविधिना ॥ ५ ॥

īje ca bhagavantaṁ yajña-kratu-rūpaṁ kratubhir uccāvacaiḥ śraddhayāhṛtāgnihotra-darśa-pūrṇamāsa-cāturmāsya-paśu-somānāṁ prakṛti-vikṛtibhir anusavanaṁ cāturhotra-vidhinā.

उन्होंने यज्ञ-स्वरूप भगवान की, श्रद्धापूर्वक सम्पन्न किए गए अग्निहोत्र, दर्श, पूर्णमास, चातुर्मास्य, पशुयाग और सोमयाग जैसे छोटे-बड़े यज्ञों से, उनके मूल तथा विकृत रूपों में, चातुर्होत्र विधि के अनुसार बार-बार आराधना की।

श्लोक 6 (bhagavata.5.7.6)

सम्प्रचरत्सु नानायागेषु विरचिताङ्गक्रियेष्वपूर्वं यत्तत्क्रियाफलं धर्माख्यं परे ब्रह्मणि यज्ञपुरुषे सर्वदेवतालिङ्गानां मन्त्राणामर्थनियामकतया साक्षात्कर्तरि परदेवतायां भगवति वासुदेव एव भावयमान आत्मनैपुण्यमृदितकषायो हविःष्वध्वर्युभिर्गृह्यमाणेषु स यजमानो यज्ञभाजो देवांस्तान् पुरुषावयवेष्वभ्यध्यायत् ॥ ६ ॥

sampracaratsu nānā-yāgeṣu viracitāṅga-kriyeṣv apūrvaṁ yat tat kriyā-phalaṁ dharmākhyaṁ pare brahmaṇi yajña-puruṣe sarva-devatā-liṅgānāṁ mantrāṇām artha-niyāma-katayā sākṣāt-kartari para-devatāyāṁ bhagavati vāsudeva eva bhāvayamāna ātma-naipuṇya-mṛdita-kaṣāyo haviḥṣv adhvaryubhir gṛhyamāṇeṣu sa yajamāno yajña-bhājo devāṁs tān puruṣāvayaveṣv abhyadhyāyat.

विविध यज्ञों के अंग-कर्म सम्पन्न होते समय, जो अपूर्व क्रिया-फल है, उसे "धर्म" कहा जाता है — और उसे उन्होंने साक्षात् परब्रह्म, यज्ञपुरुष, समस्त देवताओं के प्रतीक मन्त्रों के अर्थ-नियामक, परम देवता भगवान वासुदेव में ही अर्पित समझा। इस प्रकार आत्म-कुशलता से समस्त दोषों को मर्दित करते हुए, जब अध्वर्युगण हवि ग्रहण करते थे, तब वे यजमान उन देवताओं को उस परम पुरुष (वासुदेव) के ही अंगों के रूप में ध्यान करते थे।

श्लोक 7 (bhagavata.5.7.7)

एवं कर्मविशुद्ध्या विशुद्धसत्त्वस्यान्तर्हृदयाकाशशरीरे ब्रह्मणि भगवति वासुदेवे महापुरुषरूपोपलक्षणे श्रीवत्सकौस्तुभवनमालारिदरगदादिभिरुपलक्षिते निजपुरुषहृल्लिखितेनात्मनि पुरुषरूपेण विरोचमान उच्चैस्तरां भक्तिरनुदिनमेधमानरयाजायत ॥ ७ ॥

evaṁ karma-viśuddhyā viśuddha-sattvasyāntar-hṛdayākāśa-śarīre brahmaṇi bhagavati vāsudeve mahā-puruṣa-rūpopalakṣaṇe śrīvatsa-kaustubha-vana-mālāri-dara-gadādibhir upalakṣite nija-puruṣa-hṛl-likhitenātmani puruṣa-rūpeṇa virocamāna uccaistarāṁ bhaktir anudinam edhamāna-rayājāyata.

इस प्रकार कर्म की शुद्धि से उनका अन्तःकरण विशुद्ध सत्त्व को प्राप्त हो गया, और अपने हृदयाकाश में निवास करने वाले, महापुरुष-रूप, श्रीवत्स, कौस्तुभ, वनमाला, चक्र, शंख, गदा आदि चिह्नों से युक्त परब्रह्म भगवान वासुदेव के प्रति, अपने ही अन्तःकरण में अंकित उस दिव्य पुरुष-रूप से प्रकाशित होते हुए, उनकी भक्ति दिन-प्रतिदिन अत्यन्त प्रबल वेग से बढ़ती गई।

श्लोक 8 (bhagavata.5.7.8)

एवं वर्षायुतसहस्रपर्यन्तावसितकर्मनिर्वाणावसरोऽधिभुज्यमानं स्वतनयेभ्यो रिक्थं पितृपैतामहं यथादायं विभज्य स्वयं सकलसम्पन्निकेतात्स्वनिकेतात् पुलहाश्रमं प्रवव्राज ॥ ८ ॥

evaṁ varṣāyuta-sahasra-paryantāvasita-karma-nirvāṇāvasaro ’dhibhujyamānaṁ sva-tanayebhyo rikthaṁ pitṛ-paitāmahaṁ yathā-dāyaṁ vibhajya svayaṁ sakala-sampan-niketāt sva-niketāt pulahāśramaṁ pravavrāja.

इस प्रकार, जब उनके कर्मों के भोग की अवधि, जो दस सहस्र वर्षों तक चली, समाप्त हो गई, तब उन्होंने अपने पिता और पितामह से प्राप्त सम्पूर्ण सम्पत्ति को अपने पुत्रों में यथोचित बाँट दिया, और स्वयं समस्त ऐश्वर्य से युक्त अपने घर को छोड़कर पुलहाश्रम की ओर प्रस्थान कर गए।

श्लोक 9 (bhagavata.5.7.9)

यत्र ह वाव भगवान् हरिरद्यापि तत्रत्यानां निजजनानां वात्सल्येन सन्निधाप्यत इच्छारूपेण ॥ ९ ॥

yatra ha vāva bhagavān harir adyāpi tatratyānāṁ nija-janānāṁ vātsalyena sannidhāpyata icchā-rūpeṇa.

वहाँ भगवान हरि आज भी अपने भक्तों के प्रति वात्सल्यवश, उनकी इच्छानुसार अपने स्वरूप में साक्षात् उपस्थित हो जाते हैं।

श्लोक 10 (bhagavata.5.7.10)

यत्राश्रमपदान्युभयतोनाभिभिर्दृषच्चक्रैश्चक्रनदी नाम सरित्प्रवरा सर्वतः पवित्रीकरोति ॥ १० ॥

yatrāśrama-padāny ubhayato nābhibhir dṛṣac-cakraiś cakra-nadī nāma sarit-pravarā sarvataḥ pavitrī-karoti.

वहाँ चक्रनदी नाम की श्रेष्ठ नदी, जिसके पत्थरों में दोनों ओर नाभि-सदृश चक्र अंकित रहते हैं, उस आश्रम-भूमि को सर्वत्र पवित्र करती रहती है।

श्लोक 11 (bhagavata.5.7.11)

तस्मिन् वाव किल स एकलः पुलहाश्रमोपवने विविधकुसुमकिसलयतुलसिकाम्बुभिः कन्दमूलफलोपहारैश्च समीहमानो भगवत आराधनं विविक्त उपरतविषयाभिलाष उपभृतोपशमः परां निर्वृतिमवाप ॥ ११ ॥

tasmin vāva kila sa ekalaḥ pulahāśramopavane vividha-kusuma-kisalaya-tulasikāmbubhiḥ kanda-mūla-phalopahāraiś ca samīhamāno bhagavata ārādhanaṁ vivikta uparata-viṣayābhilāṣa upabhṛtopaśamaḥ parāṁ nirvṛtim avāpa.

वहाँ पुलहाश्रम के उस उपवन में अकेले रहते हुए, विविध पुष्पों, कोंपलों, तुलसी-दल तथा जल से, और कन्द-मूल-फलों के उपहार से भगवान की आराधना करते हुए, एकान्तवासी, विषय-कामनाओं से पूर्णतः निवृत्त तथा प्रगाढ़ शान्ति को प्राप्त वे परम आनन्द को प्राप्त हुए।

श्लोक 12 (bhagavata.5.7.12)

तयेत्थमविरतपुरुषपरिचर्यया भगवति प्रवर्धमानानुरागभरद्रुतहृदयशैथिल्यः प्रहर्षवेगेनात्मन्युद्भिद्यमानरोमपुलककुलक औत्कण्ठ्यप्रवृत्तप्रणयबाष्पनिरुद्धावलोकनयन एवं निजरमणारुणचरणारविन्दानुध्यानपरिचितभक्तियोगेन परिप्लुतपरमाह्लादगम्भीरहृदयह्रदावगाढधिषणस्तामपि क्रियमाणां भगवत्सपर्यां न सस्मार ॥ १२ ॥

tayettham avirata-puruṣa-paricaryayā bhagavati pravardhamānā-nurāga-bhara-druta-hṛdaya-śaithilyaḥ praharṣa-vegenātmany udbhidyamāna-roma-pulaka-kulaka autkaṇṭhya-pravṛtta-praṇaya-bāṣpa-niruddhāvaloka-nayana evaṁ nija-ramaṇāruṇa-caraṇāravindānudhyāna-paricita-bhakti-yogena paripluta-paramāhlāda-gambhīra-hṛdaya-hradāvagāḍha-dhiṣaṇas tām api kriyamāṇāṁ bhagavat-saparyāṁ na sasmāra.

इस प्रकार भगवान की निरन्तर व्यक्तिगत सेवा से उनका हृदय भगवान के प्रति बढ़ते हुए प्रेम के भार से पिघल उठा, हर्षातिरेक से उनके शरीर के रोम-रोम खड़े हो गए, उत्कण्ठावश उनकी आँखों से प्रेमाश्रु बहने लगे, जिनसे उनकी दृष्टि ही अवरुद्ध हो गई। इस प्रकार अपने आराध्य भगवान के अरुण चरण-कमलों के निरन्तर ध्यान से परिपक्व हुए भक्तियोग द्वारा, परम आनन्द से आप्लावित, गम्भीर हृदय-सरोवर में डूबी हुई बुद्धि वाले वे, अपनी की जा रही भगवत्-पूजा को भी भूल गए।

श्लोक 13 (bhagavata.5.7.13)

इत्थं धृतभगवद्व्रत ऐणेयाजिनवाससानुसवनाभिषेकार्द्रकपिशकुटिलजटाकलापेन च विरोचमानः सूर्यर्चा भगवन्तं हिरण्मयं पुरुषमुज्जिहाने सूर्यमण्डलेऽभ्युपतिष्ठन्नेतदु होवाच ॥ १३ ॥

itthaṁ dhṛta-bhagavad-vrata aiṇeyājina-vāsasānusavanābhiṣekārdra-kapiśa-kuṭila-jaṭā-kalāpena ca virocamānaḥ sūryarcā bhagavantaṁ hiraṇmayaṁ puruṣam ujjihāne sūrya-maṇḍale ’bhyupatiṣṭhann etad u hovāca.

इस प्रकार भगवद्-व्रत धारण किए हुए, मृगचर्म पहने, नित्य त्रिकाल स्नान से भीगे हुए घुँघराले-भूरे जटा-समूह से सुशोभित वे, उदय होते हुए सूर्यमण्डल में स्थित स्वर्णिम पुरुष भगवान की सूर्य-सूक्त द्वारा उपासना करते हुए इस प्रकार कहने लगे।

श्लोक 14 (bhagavata.5.7.14)

परोरजः सवितुर्जातवेदो देवस्य भर्गो मनसेदं जजान । सुरेतसादः पुनराविश्य चष्टे हंसं गृध्राणं नृषद्रिङ्गिरामिमः ॥ १४ ॥

paro-rajaḥ savitur jāta-vedo devasya bhargo manasedaṁ jajāna suretasādaḥ punar āviśya caṣṭe haṁsaṁ gṛdhrāṇaṁ nṛṣad-riṅgirām imaḥ

"सूर्यदेव, जो रजोगुण से परे, समस्त उत्पत्ति के ज्ञाता, तेजोमय देव हैं, जिन्होंने अपने संकल्प-मात्र से इस सृष्टि को जन्म दिया — वे ही अपने दिव्य वीर्य से पुनः इसमें प्रवेश कर, इसका अवलोकन करते हैं। हे बुद्धि प्रदान करने वाले हंस-स्वरूप प्रभु, मैं आपको नमस्कार करता हूँ।"