राजा निमि का वंश

श्लोक 1 (bhagavata.9.13.1)

श्रीशुक उवाच निमिरिक्ष्वाकुतनयो वसिष्ठमवृतर्त्विजम् । आरभ्य सत्रं सोऽप्याह शक्रेण प्राग्वृतोऽस्मि भोः ॥ १ ॥

śrī-śuka uvāca nimir ikṣvāku-tanayo vasiṣṭham avṛtartvijam ārabhya satraṁ so ’py āha śakreṇa prāg vṛto ’smi bhoḥ

श्रीशुकदेव जी ने कहा — इक्ष्वाकु-पुत्र निमि ने यज्ञ आरंभ करते समय वसिष्ठ को ऋत्विक् के रूप में आमंत्रित किया, किंतु वसिष्ठ ने कहा, 'मुझे तो पहले ही इंद्र ने अपने यज्ञ के लिए आमंत्रित कर लिया है।'

श्लोक 2 (bhagavata.9.13.2)

तं निर्वर्त्यागमिष्यामि तावन्मां प्रतिपालय । तूष्णीमासीद् गृहपतिः सोऽपीन्द्रस्याकरोन्मखम् ॥ २ ॥

taṁ nirvartyāgamiṣyāmi tāvan māṁ pratipālaya tūṣṇīm āsīd gṛha-patiḥ so ’pīndrasyākaron makham

'उस यज्ञ को पूर्ण कर मैं लौट आऊँगा, तब तक मेरी प्रतीक्षा करो।' गृहस्थ निमि मौन रह गए, और वसिष्ठ इंद्र के यज्ञ में चले गए।

श्लोक 3 (bhagavata.9.13.3)

निमिश्चलमिदं विद्वान् सत्रमारभतात्मवान् । ऋत्विग्भिरपरैस्तावन्नागमद् यावता गुरुः ॥ ३ ॥

nimiś calam idaṁ vidvān satram ārabhatātmavān ṛtvigbhir aparais tāvan nāgamad yāvatā guruḥ

विद्वान और आत्मवान निमि ने इस जीवन को क्षणभंगुर जानकर, गुरु की प्रतीक्षा किए बिना अन्य ऋत्विजों के साथ यज्ञ आरंभ कर दिया।

श्लोक 4 (bhagavata.9.13.4)

शिष्यव्यतिक्रमं वीक्ष्य तं निर्वर्त्यागतो गुरुः । अशपत् पतताद् देहो निमेः पण्डितमानिनः ॥ ४ ॥

śiṣya-vyatikramaṁ vīkṣya taṁ nirvartyāgato guruḥ aśapat patatād deho nimeḥ paṇḍita-māninaḥ

अपना यज्ञ पूर्ण कर लौटे गुरु वसिष्ठ ने जब शिष्य की इस अवज्ञा को देखा, तो शाप दिया — 'अपने आप को पंडित मानने वाले इस निमि का शरीर गिर जाए!'

श्लोक 5 (bhagavata.9.13.5)

निमिः प्रतिददौ शापं गुरवेऽधर्मवर्तिने । तवापि पतताद् देहो लोभाद्धर्ममजानतः ॥ ५ ॥

nimiḥ pratidadau śāpaṁ gurave ’dharma-vartine tavāpi patatād deho lobhād dharmam ajānataḥ

अधर्म में प्रवृत्त हुए गुरु को निमि ने भी प्रतिशाप दिया — 'लोभवश धर्म को न जानने वाले तुम्हारा भी शरीर गिर जाए!'

श्लोक 6 (bhagavata.9.13.6)

इत्युत्ससर्ज स्वं देहं निमिरध्यात्मकोविदः । मित्रावरुणयोर्जज्ञे उर्वश्यां प्रपितामहः ॥ ६ ॥

ity utsasarja svaṁ dehaṁ nimir adhyātma-kovidaḥ mitrā-varuṇayor jajñe urvaśyāṁ prapitāmahaḥ

ऐसा कहकर अध्यात्म-विद्या में निपुण निमि ने अपना शरीर त्याग दिया; और वे प्रपितामह वसिष्ठ भी उर्वशी को देखकर मित्र-वरुण के वीर्य से पुनः जन्मे।

श्लोक 7 (bhagavata.9.13.7)

गन्धवस्तुषु तद् देहं निधाय मुनिसत्तमाः । समाप्ते सत्रयागे च देवानूचुः समागतान् ॥ ७ ॥

gandha-vastuṣu tad-dehaṁ nidhāya muni-sattamāḥ samāpte satra-yāge ca devān ūcuḥ samāgatān

मुनिश्रेष्ठों ने निमि के उस शरीर को सुगंधित द्रव्यों में सुरक्षित रखा, और यज्ञ समाप्त होने पर वहाँ उपस्थित देवताओं से यह निवेदन किया।

श्लोक 8 (bhagavata.9.13.8)

राज्ञो जीवतु देहोऽयं प्रसन्नाः प्रभवो यदि । तथेत्युक्ते निमिः प्राह मा भून्मे देहबन्धनम् ॥ ८ ॥

rājño jīvatu deho ’yaṁ prasannāḥ prabhavo yadi tathety ukte nimiḥ prāha mā bhūn me deha-bandhanam

'यदि आप प्रसन्न हों और समर्थ हों, तो राजा के इस शरीर को पुनः जीवित कर दें।' देवताओं ने 'तथास्तु' कहा, किंतु निमि ने स्वयं कहा — 'मुझे पुनः देह-बंधन में न बाँधें।'

श्लोक 9 (bhagavata.9.13.9)

यस्य योगं न वाञ्छन्ति वियोगभयकातराः । भजन्ति चरणाम्भोजं मुनयो हरिमेधसः ॥ ९ ॥

yasya yogaṁ na vāñchanti viyoga-bhaya-kātarāḥ bhajanti caraṇāmbhojaṁ munayo hari-medhasaḥ

'वियोग के भय से भयभीत लोग ही देह से बचना चाहते हैं; किंतु जिनकी बुद्धि भगवान की सेवा में रमी रहती है, वे मुनि तो निर्भय होकर उनके चरण-कमलों की ही उपासना करते हैं।'

श्लोक 10 (bhagavata.9.13.10)

देहं नावरुरुत्सेऽहं दुःखशोकभयावहम् । सर्वत्रास्य यतो मृत्युर्मत्स्यानामुदके यथा ॥ १० ॥

dehaṁ nāvarurutse ’haṁ duḥkha-śoka-bhayāvaham sarvatrāsya yato mṛtyur matsyānām udake yathā

'मैं देह नहीं चाहता, जो सर्वत्र दुःख, शोक और भय लाने वाली है, जैसे जल में रहते हुए भी मछली को सदा मृत्यु का भय बना रहता है।'

श्लोक 11 (bhagavata.9.13.11)

देवा ऊचुः विदेह उष्यतां कामं लोचनेषु शरीरिणाम् । उन्मेषणनिमेषाभ्यां लक्षितोऽध्यात्मसंस्थितः ॥ ११ ॥

devā ūcuḥ videha uṣyatāṁ kāmaṁ locaneṣu śarīriṇām unmeṣaṇa-nimeṣābhyāṁ lakṣito ’dhyātma-saṁsthitaḥ

देवताओं ने कहा — 'निमि विदेह ही रहें, इच्छानुसार; वे अध्यात्म-स्वरूप में स्थित रहकर देहधारियों के नेत्रों में पलक झपकने के रूप में दर्शित होते रहें।'

श्लोक 12 (bhagavata.9.13.12)

अराजकभयं नृणां मन्यमाना महर्षयः । देहं ममन्थुः स्म निमेः कुमारः समजायत ॥ १२ ॥

arājaka-bhayaṁ nṝṇāṁ manyamānā maharṣayaḥ dehaṁ mamanthuḥ sma nimeḥ kumāraḥ samajāyata

तत्पश्चात प्रजा को अराजकता के भय से बचाने हेतु महर्षियों ने निमि के शरीर का मंथन किया, जिससे एक पुत्र उत्पन्न हुआ।

श्लोक 13 (bhagavata.9.13.13)

जन्मना जनकः सोऽभूद् वैदेहस्तु विदेहजः । मिथिलो मथनाज्जातो मिथिला येन निर्मिता ॥ १३ ॥

janmanā janakaḥ so ’bhūd vaidehas tu videhajaḥ mithilo mathanāj jāto mithilā yena nirmitā

अनोखे ढंग से जन्म लेने के कारण वह जनक कहलाया, विदेह (निमि) से उत्पन्न होने के कारण वैदेह कहलाया, तथा मंथन से उत्पन्न होने के कारण मिथिल कहलाया — और उसी ने मिथिला नगरी बसाई।

श्लोक 14 (bhagavata.9.13.14)

तस्मादुदावसुस्तस्य पुत्रोऽभून्नन्दिवर्धनः । ततः सुकेतुस्तस्यापि देवरातो महीपते ॥ १४ ॥

tasmād udāvasus tasya putro ’bhūn nandivardhanaḥ tataḥ suketus tasyāpi devarāto mahīpate

हे राजन्, उनसे उदावसु, उदावसु से नंदिवर्धन, उनसे सुकेतु तथा उनसे देवरात उत्पन्न हुए।

श्लोक 15 (bhagavata.9.13.15)

तस्माद् बृहद्रथस्तस्य महावीर्यः सुधृत्पिता । सुधृतेर्धृष्टकेतुर्वै हर्यश्वोऽथ मरुस्ततः ॥ १५ ॥

tasmād bṛhadrathas tasya mahāvīryaḥ sudhṛt-pitā sudhṛter dhṛṣṭaketur vai haryaśvo ’tha marus tataḥ

उनसे बृहद्रथ, उनसे महावीर्य (सुधृति के पिता), सुधृति के पुत्र धृष्टकेतु, उनसे हर्यश्व तथा उनसे मरु उत्पन्न हुए।

श्लोक 16 (bhagavata.9.13.16)

मरोः प्रतीपकस्तस्माज्जातः कृतरथो यतः । देवमीढस्तस्य पुत्रो विश्रुतोऽथ महाधृतिः ॥ १६ ॥

maroḥ pratīpakas tasmāj jātaḥ kṛtaratho yataḥ devamīḍhas tasya putro viśruto ’tha mahādhṛtiḥ

मरु से प्रतीपक, उनसे कृतरथ, उनके पुत्र देवमीढ, उनसे विश्रुत तथा उनसे महाधृति उत्पन्न हुए।

श्लोक 17 (bhagavata.9.13.17)

कृतिरातस्ततस्तस्मान्महारोमा च तत्सुतः । स्वर्णरोमा सुतस्तस्य ह्रस्वरोमा व्यजायत ॥ १७ ॥

kṛtirātas tatas tasmān mahāromā ca tat-sutaḥ svarṇaromā sutas tasya hrasvaromā vyajāyata

उनसे कृतिरात, उनके पुत्र महारोमा, उनके पुत्र स्वर्णरोमा तथा उनसे ह्रस्वरोमा उत्पन्न हुए।

श्लोक 18 (bhagavata.9.13.18)

ततः शीरध्वजो जज्ञे यज्ञार्थं कर्षतो महीम् । सीता शीराग्रतो जाता तस्मात् शीरध्वजः स्मृतः ॥ १८ ॥

tataḥ śīradhvajo jajñe yajñārthaṁ karṣato mahīm sītā śīrāgrato jātā tasmāt śīradhvajaḥ smṛtaḥ

उनसे शीरध्वज उत्पन्न हुए; यज्ञ के लिए भूमि जोतते समय उनके हल की नोक से सीता प्रकट हुईं, इसीलिए वे शीरध्वज कहलाए।

श्लोक 19 (bhagavata.9.13.19)

कुशध्वजस्तस्य पुत्रस्ततो धर्मध्वजो नृपः । धर्मध्वजस्य द्वौ पुत्रौ कृतध्वजमितध्वजौ ॥ १९ ॥

kuśadhvajas tasya putras tato dharmadhvajo nṛpaḥ dharmadhvajasya dvau putrau kṛtadhvaja-mitadhvajau

उनके पुत्र कुशध्वज तथा उनसे राजा धर्मध्वज उत्पन्न हुए, जिनके दो पुत्र थे — कृतध्वज और मितध्वज।

श्लोक 20 (bhagavata.9.13.20)

कृतध्वजात् केशिध्वजः खाण्डिक्यस्तु मितध्वजात् । कृतध्वजसुतो राजन्नात्मविद्याविशारदः ॥ २० ॥

kṛtadhvajāt keśidhvajaḥ khāṇḍikyas tu mitadhvajāt kṛtadhvaja-suto rājann ātma-vidyā-viśāradaḥ

कृतध्वज से केशिध्वज तथा मितध्वज से खांडिक्य उत्पन्न हुए। हे राजन्, कृतध्वज के पुत्र आत्मविद्या में निपुण थे।

श्लोक 21 (bhagavata.9.13.21)

खाण्डिक्यः कर्मतत्त्वज्ञो भीतः केशिध्वजाद्द्रुतः । भानुमांस्तस्य पुत्रोऽभूच्छतद्युम्नस्तु तत्सुतः ॥ २१ ॥

khāṇḍikyaḥ karma-tattva-jño bhītaḥ keśidhvajād drutaḥ bhānumāṁs tasya putro ’bhūc chatadyumnas tu tat-sutaḥ

कर्म-तत्त्व के ज्ञाता खांडिक्य केशिध्वज से भयभीत होकर भाग गए। केशिध्वज के पुत्र भानुमान् तथा उनके पुत्र शतद्युम्न हुए।

श्लोक 22 (bhagavata.9.13.22)

शुचिस्तुतनयस्तस्मात् सनद्वाजः सुतोऽभवत् । ऊर्जकेतुः सनद्वाजादजोऽथ पुरुजित्सुतः ॥ २२ ॥

śucis tu tanayas tasmāt sanadvājaḥ suto ’bhavat ūrjaketuḥ sanadvājād ajo ’tha purujit sutaḥ

उनके पुत्र शुचि, उनसे सनद्वाज, उनके पुत्र ऊर्जकेतु, उनके पुत्र अज तथा अज के पुत्र पुरुजित् उत्पन्न हुए।

श्लोक 23 (bhagavata.9.13.23)

अरिष्टनेमिस्तस्यापि श्रुतायुस्तत्सुपार्श्वकः । ततश्चित्ररथो यस्य क्षेमाधिर्मिथिलाधिपः ॥ २३ ॥

ariṣṭanemis tasyāpi śrutāyus tat supārśvakaḥ tataś citraratho yasya kṣemādhir mithilādhipaḥ

उनके पुत्र अरिष्टनेमि, उनके पुत्र श्रुतायु, उनके पुत्र सुपार्श्वक, उनके पुत्र चित्ररथ तथा उनके पुत्र क्षेमाधि हुए, जो मिथिला के अधिपति बने।

श्लोक 24 (bhagavata.9.13.24)

तस्मात् समरथस्तस्य सुतः सत्यरथस्ततः । आसीदुपगुरुस्तस्मादुपगुप्तोऽग्निसम्भवः ॥ २४ ॥

tasmāt samarathas tasya sutaḥ satyarathas tataḥ āsīd upagurus tasmād upagupto ’gni-sambhavaḥ

उनसे समरथ, उनके पुत्र सत्यरथ, उनके पुत्र उपगुरु तथा उनके पुत्र उपगुप्त उत्पन्न हुए, जो अग्निदेव के अंशावतार थे।

श्लोक 25 (bhagavata.9.13.25)

वस्वनन्तोऽथ तत्पुत्रो युयुधो यत् सुभाषणः । श्रुतस्ततो जयस्तस्माद् विजयोऽस्मादृतः सुतः ॥ २५ ॥

vasvananto ’tha tat-putro yuyudho yat subhāṣaṇaḥ śrutas tato jayas tasmād vijayo ’smād ṛtaḥ sutaḥ

उनके पुत्र वस्वनंत, उनसे युयुध, उनसे सुभाषण, उनसे श्रुत, उनसे जय, उनसे विजय तथा उनके पुत्र ऋत उत्पन्न हुए।

श्लोक 26 (bhagavata.9.13.26)

शुनकस्तत्सुतो जज्ञे वीतहव्यो धृतिस्ततः । बहुलाश्वो धृतेस्तस्य कृतिरस्य महावशी ॥ २६ ॥

śunakas tat-suto jajñe vītahavyo dhṛtis tataḥ bahulāśvo dhṛtes tasya kṛtir asya mahāvaśī

उनके पुत्र शुनक, उनसे वीतहव्य, उनसे धृति, उनसे बहुलाश्व, उनके पुत्र कृति तथा उनके पुत्र महावशी उत्पन्न हुए।

श्लोक 27 (bhagavata.9.13.27)

एते वै मैथिला राजन्नात्मविद्याविशारदाः । योगेश्वरप्रसादेन द्वन्द्वैर्मुक्ता गृहेष्वपि ॥ २७ ॥

ete vai maithilā rājann ātma-vidyā-viśāradāḥ yogeśvara-prasādena dvandvair muktā gṛheṣv api

श्रीशुकदेव जी ने कहा — हे राजन्, ये सभी मैथिल राजा आत्मविद्या में परम निपुण थे; योगेश्वर भगवान की कृपा से वे गृहस्थ रहते हुए भी द्वंद्वों से मुक्त रहे।