मनु के पुत्रों के वंश

श्लोक 1 (bhagavata.9.2.1)

श्रीशुक उवाच एवं गतेऽथ सुद्युम्ने मनुर्वैवस्वतः सुते । पुत्रकामस्तपस्तेपे यमुनायां शतं समाः ॥ 2.1 ॥

śrī-śuka uvāca evaṁ gate ’tha sudyumne manur vaivasvataḥ sute putra-kāmas tapas tepe yamunāyāṁ śataṁ samāḥ

शुकदेव जी ने कहा — इस प्रकार जब सुद्युम्न वन को चला गया, तब वैवस्वत मनु ने और पुत्रों की कामना से यमुना तट पर सौ वर्षों तक तप किया।

श्लोक 2 (bhagavata.9.2.2)

ततोऽयजन्मनुर्देवमपत्यार्थं हरिं प्रभुम् । इक्ष्वाकुपूर्वजान् पुत्रान्लेभे स्वसदृशान् दश ॥ 2.2 ॥

tato ’yajan manur devam apatyārthaṁ hariṁ prabhum ikṣvāku-pūrvajān putrān lebhe sva-sadṛśān daśa

तत्पश्चात् सन्तान-प्राप्ति हेतु मनु ने सर्वेश्वर भगवान हरि की आराधना की और अपने ही समान दस पुत्र प्राप्त किए, जिनमें इक्ष्वाकु सबसे बड़े थे।

श्लोक 3 (bhagavata.9.2.3)

पृषध्रस्तु मनोः पुत्रो गोपालो गुरुणा कृतः । पालयामास गा यत्तो रात्र्यां वीरासनव्रतः ॥ 2.3 ॥

pṛṣadhras tu manoḥ putro go-pālo guruṇā kṛtaḥ pālayām āsa gā yatto rātryāṁ vīrāsana-vrataḥ

मनु के पुत्र पृषध्र को गुरु की आज्ञा से गौओं का रक्षक नियुक्त किया गया। वे वीरासन-व्रत धारण कर रात्रि में सजग होकर गौओं की रखवाली करते थे।

श्लोक 4 (bhagavata.9.2.4)

एकदा प्राविशद् गोष्ठं शार्दूलो निशि वर्षति । शयाना गाव उत्थाय भीतास्ता बभ्रमुर्व्रजे ॥ 2.4 ॥

ekadā prāviśad goṣṭhaṁ śārdūlo niśi varṣati śayānā gāva utthāya bhītās tā babhramur vraje

एक रात्रि, जब वर्षा हो रही थी, एक सिंह गोशाला में घुस आया। सोई हुई गौएँ भयभीत होकर उठ खड़ी हुईं और गोष्ठ में इधर-उधर बिखर गईं।

श्लोक 5 (bhagavata.9.2.5)

एकां जग्राह बलवान् सा चुक्रोश भयातुरा । तस्यास्तु क्रन्दितं श्रुत्वा पृषध्रोऽनुससार ह ॥ 2.5 ॥

ekāṁ jagrāha balavān sā cukrośa bhayāturā tasyāstu kranditaṁ śrutvā pṛṣadhro ’nusasāra ha

बलशाली सिंह ने एक गाय को पकड़ लिया, और वह भय से चीत्कार करने लगी। उसकी चीत्कार सुनकर पृषध्र उस ओर दौड़ पड़े।

श्लोक 6 (bhagavata.9.2.6)

खड्गमादाय तरसा प्रलीनोडुगणे निशि । अजानन्नच्छिनोद् बभ्रोः शिरः शार्दूलशङ्कया ॥ 2.6 ॥

khaḍgamādāya tarasā pralīnoḍugaṇe niśi ajānannacchinod babhroḥ śiraḥ śārdūlaśaṅkayā

अन्धकारमय रात्रि में, जब तारे मेघों से ढके थे, उन्होंने शीघ्रता से खड्ग उठाकर, सिंह समझकर अनजाने में ही उस गाय का सिर काट डाला।

श्लोक 7 (bhagavata.9.2.7)

व्याघ्रोऽपि वृक्णश्रवणो निस्त्रिंशाग्राहतस्ततः । निश्चक्राम भृशं भीतो रक्तं पथि समुत्सृजन् ॥ 2.7 ॥

vyāghro ’pi vṛkṇa-śravaṇo nistriṁśāgrāhatas tataḥ niścakrāma bhṛśaṁ bhīto raktaṁ pathi samutsṛjan

उधर सिंह, जिसका कान तलवार की धार से कट गया था, अत्यन्त भयभीत होकर मार्ग में रक्त बहाते हुए वहाँ से भाग गया।

श्लोक 8 (bhagavata.9.2.8)

मन्यमानो हतं व्याघ्रं पृषध्रः परवीरहा । अद्राक्षीत् स्वहतां बभ्रुं व्युष्टायां निशि दुःखितः ॥ 2.8 ॥

manyamāno hataṁ vyāghraṁ pṛṣadhraḥ para-vīra-hā adrākṣīt sva-hatāṁ babhruṁ vyuṣṭāyāṁ niśi duḥkhitaḥ

शत्रुवीरों के संहारक पृषध्र यह मानकर कि उन्होंने सिंह का वध किया है, प्रातःकाल जब उजाला हुआ तो अपने ही हाथों मारी गई गाय को देखकर अत्यन्त दुःखी हो उठे।

श्लोक 9 (bhagavata.9.2.9)

तं शशाप कुलाचार्यः कृतागसमकामतः । न क्षत्रबन्धुः शूद्रस्त्वं कर्मणा भवितामुना ॥ 2.9 ॥

taṁ śaśāpa kulācāryaḥ kṛtāgasam akāmataḥ na kṣatra-bandhuḥ śūdras tvaṁ karmaṇā bhavitāmunā

यद्यपि पृषध्र ने यह पाप अनजाने में किया था, तथापि उनके कुलगुरु वसिष्ठ ने उन्हें शाप दे दिया — "गौ-हत्या के इस कर्म के फलस्वरूप तुम अगले जन्म में क्षत्रिय नहीं, अपितु शूद्र होगे।"

श्लोक 10 (bhagavata.9.2.10)

एवं शप्तस्तु गुरुणा प्रत्यगृह्णात् कृताञ्जलिः । अधारयद् व्रतं वीर ऊर्ध्वरेता मुनिप्रियम् ॥ 2.10 ॥

evaṁ śaptas tu guruṇā pratyagṛhṇāt kṛtāñjaliḥ adhārayad vrataṁ vīra ūrdhva-retā muni-priyam

गुरु द्वारा इस प्रकार शापित होने पर पृषध्र ने हाथ जोड़कर उस शाप को स्वीकार कर लिया, और मुनियों को प्रिय ऊर्ध्वरेता ब्रह्मचर्य-व्रत का पालन करने लगे।

श्लोक 11 (bhagavata.9.2.11)

वासुदेवे भगवति सर्वात्मनि परेऽमले । एकान्तित्वं गतो भक्त्या सर्वभूतसुहृत् समः ॥ 2.11 ॥

vāsudeve bhagavati sarvātmani pare ’male ekāntitvaṁ gato bhaktyā sarvabhūtasuhṛt samaḥ

वे भगवान वासुदेव में, जो समस्त प्राणियों की आत्मा, परम और निर्मल हैं, भक्तिपूर्वक एकनिष्ठ हो गए, और समस्त प्राणियों के प्रति सम-भाव तथा सुहृद-भाव रखने लगे।

श्लोक 12 (bhagavata.9.2.12)

विमुक्तसङ्गः शान्तात्मा संयताक्षोऽपरिग्रहः । यदृच्छयोपपन्नेन कल्पयन् वृत्तिमात्मनः ॥ 2.12 ॥

vimuktasaṅgaḥ śāntātmā saṁyatākṣo ’parigrahaḥ yadṛcchayopapannena kalpayan vṛttimātmanaḥ

वे समस्त आसक्ति से मुक्त, शान्तचित्त, संयतेन्द्रिय और अपरिग्रही हो गए, और जो कुछ अनायास प्राप्त हो जाए, उसी से अपनी जीविका चलाने लगे।

श्लोक 13 (bhagavata.9.2.13)

आत्मन्यात्मानमाधाय ज्ञानतृप्तः समाहितः । विचचार महीमेतां जडान्धबधिराकृतिः ॥ 2.13 ॥

ātmanyātmānamādhāya jñānatṛptaḥ samāhitaḥ vicacāra mahīmetāṁ jaḍāndhabadhirākṛtiḥ

आत्मा में ही आत्मा को स्थिर कर, ज्ञान से तृप्त और समाहित-चित्त होकर, वे इस पृथ्वी पर जड़, अन्धे और बहरे के समान विचरण करने लगे।

श्लोक 14 (bhagavata.9.2.14)

एवं वृत्तो वनं गत्वा दृष्ट्वा दावाग्निमुत्थितम् । तेनोपयुक्तकरणो ब्रह्म प्राप परं मुनिः ॥ 2.14 ॥

evaṁ vṛtto vanaṁ gatvā dṛṣṭvā dāvāgnim utthitam tenopayukta-karaṇo brahma prāpa paraṁ muniḥ

इस भाव में स्थित हो, वन में जाकर एक प्रज्वलित दावाग्नि देखकर, उस मुनि ने उसी अग्नि में अपने शरीर को त्याग दिया और परब्रह्म को प्राप्त हुए।

श्लोक 15 (bhagavata.9.2.15)

कविः कनीयान् विषयेषु निःस्पृहो विसृज्य राज्यं सह बन्धुभिर्वनम् । निवेश्य चित्ते पुरुषं स्वरोचिषं विवेश कैशोरवयाः परं गतः ॥ 2.15 ॥

kaviḥ kanīyān viṣayeṣu niḥspṛho visṛjya rājyaṁ saha bandhubhir vanam niveśya citte puruṣaṁ sva-rociṣaṁ viveśa kaiśora-vayāḥ paraṁ gataḥ

मनु का सबसे छोटा पुत्र कवि विषयों के प्रति पूर्णतः निःस्पृह था। पूर्ण यौवन से पहले ही उसने राज्य त्याग दिया और बन्धुओं सहित वन को चला गया — अपने अन्तःकरण में स्वयंप्रकाश परम पुरुष को स्थापित कर वह परम गति को प्राप्त हुआ।

श्लोक 16 (bhagavata.9.2.16)

करूषान्मानवादासन् कारूषाः क्षत्रजातयः । उत्तरापथगोप्तारो ब्रह्मण्या धर्मवत्सलाः ॥ 2.16 ॥

karūṣān mānavād āsan kārūṣāḥ kṣatra-jātayaḥ uttarā-patha-goptāro brahmaṇyā dharma-vatsalāḥ

मनु के एक अन्य पुत्र करूष से कारूष नामक क्षत्रिय-वंश उत्पन्न हुआ। वे उत्तरापथ के रक्षक, ब्राह्मणों के हितैषी और धर्मवत्सल थे।

श्लोक 17 (bhagavata.9.2.17)

धृष्टाद् धार्ष्टमभूत् क्षत्रं ब्रह्मभूयं गतं क्षितौ । नृगस्य वंशः सुमतिर्भूतज्योतिस्ततो वसुः ॥ 2.17 ॥

dhṛṣṭād dhārṣṭam abhūt kṣatraṁ brahma-bhūyaṁ gataṁ kṣitau nṛgasya vaṁśaḥ sumatir bhūtajyotis tato vasuḥ

धृष्ट से धार्ष्ट नामक क्षत्रिय-कुल उत्पन्न हुआ, जो पृथ्वी पर ब्राह्मणत्व को प्राप्त हुआ। नृग के वंश में सुमति हुए, सुमति से भूतज्योति, और भूतज्योति से वसु।

श्लोक 18 (bhagavata.9.2.18)

वसोः प्रतीकस्तत्पुत्र ओघवानोघवत्पिता । कन्या चौघवती नाम सुदर्शन उवाह ताम् ॥ 2.18 ॥

vasoḥ pratīkas tat-putra oghavān oghavat-pitā kanyā caughavatī nāma sudarśana uvāha tām

वसु के पुत्र प्रतीक हुए, उनके पुत्र ओघवान, और ओघवान की पुत्री ओघवती नामक कन्या हुई, जिनसे सुदर्शन ने विवाह किया।

श्लोक 19 (bhagavata.9.2.19)

चित्रसेनो नरिष्यन्तादृक्षस्तस्य सुतोऽभवत् । तस्य मीढ्वांस्ततः पूर्ण इन्द्रसेनस्तु तत्सुतः ॥ 2.19 ॥

citraseno nariṣyantād ṛkṣas tasya suto ’bhavat tasya mīḍhvāṁs tataḥ pūrṇa indrasenas tu tat-sutaḥ

नरिष्यन्त से चित्रसेन हुए, उनके पुत्र ऋक्ष हुए, ऋक्ष से मीढ्वान्, मीढ्वान् से पूर्ण, और पूर्ण से इन्द्रसेन उत्पन्न हुए।

श्लोक 20 (bhagavata.9.2.20)

वीतिहोत्रस्त्विन्द्रसेनात् तस्य सत्यश्रवा अभूत् । उरुश्रवाः सुतस्तस्य देवदत्तस्ततोऽभवत् ॥ 2.20 ॥

vītihotras tv indrasenāt tasya satyaśravā abhūt uruśravāḥ sutas tasya devadattas tato ’bhavat

इन्द्रसेन से वीतिहोत्र हुए, उनसे सत्यश्रवा, सत्यश्रवा से पुत्र उरुश्रवा, और उरुश्रवा से देवदत्त उत्पन्न हुए।

श्लोक 21 (bhagavata.9.2.21)

ततोऽग्निवेश्यो भगवानग्निः स्वयमभूत् सुतः । कानीन इति विख्यातो जातूकर्ण्यो महानृषिः ॥ 2.21 ॥

tato ’gniveśyo bhagavān agniḥ svayam abhūt sutaḥ kānīna iti vikhyāto jātūkarṇyo mahān ṛṣiḥ

तत्पश्चात् साक्षात् अग्निदेव भगवान अग्नि ही आग्निवेश्य नामक पुत्र के रूप में प्रकट हुए, जो कानीन और जातूकर्ण्य नाम से विख्यात महर्षि हुए।

श्लोक 22 (bhagavata.9.2.22)

ततो ब्रह्मकुलं जातमाग्निवेश्यायनं नृप । नरिष्यन्तान्वयः प्रोक्तो दिष्टवंशमतः शृणु ॥ 2.22 ॥

tato brahma-kulaṁ jātam āgniveśyāyanaṁ nṛpa nariṣyantānvayaḥ prokto diṣṭa-vaṁśam ataḥ śṛṇu

हे राजन्! आग्निवेश्य से आग्निवेश्यायन नामक ब्राह्मण-कुल उत्पन्न हुआ। इस प्रकार नरिष्यन्त का वंश कहा गया; अब दिष्ट के वंश को सुनिए।

श्लोक 23 (bhagavata.9.2.23)

नाभागो दिष्टपुत्रोऽन्यः कर्मणा वैश्यतां गतः । भलन्दनः सुतस्तस्य वत्सप्रीतिर्भलन्दनात् ॥ 2.23 ॥

nābhāgo diṣṭaputro ’nyaḥ karmaṇā vaiśyatāṁ gataḥ bhalandanaḥ sutastasya vatsaprītirbhalandanāt

दिष्ट के एक अन्य पुत्र नाभाग हुए, जो कर्म से वैश्य बन गए। नाभाग से भलन्दन उत्पन्न हुए, और भलन्दन से वत्सप्रीति।

श्लोक 24 (bhagavata.9.2.24)

वत्सप्रीतेः सुतः प्रांशुस्तत्सुतं प्रमतिं विदुः । खनित्रः प्रमतेस्तस्माच्चाक्षुषोऽथ विविंशतिः ॥ 2.24 ॥

vatsaprīteḥ sutaḥ prāṁśustatsutaṁ pramatiṁ viduḥ khanitraḥ pramatestasmāccākṣuṣo ’tha viviṁśatiḥ

वत्सप्रीति के पुत्र प्रांशु हुए, प्रांशु के पुत्र प्रमति कहलाए, प्रमति से खनित्र, खनित्र से चाक्षुष, और चाक्षुष से विविंशति उत्पन्न हुए।

श्लोक 25 (bhagavata.9.2.25)

विविंशतेः सुतो रम्भः खनीनेत्रोऽस्य धार्मिकः । करन्धमो महाराज तस्यासीदात्मजो नृप ॥ 2.25 ॥

viviṁśateḥ suto rambhaḥ khanīnetro ’sya dhārmikaḥ karandhamo mahārāja tasyāsīd ātmajo nṛpa

विविंशति के पुत्र रम्भ हुए, उनके धर्मात्मा पुत्र खनीनेत्र हुए। हे राजन्! खनीनेत्र के पुत्र महाराज करन्धम हुए।

श्लोक 26 (bhagavata.9.2.26)

तस्यावीक्षित् सुतो यस्य मरुत्तश्चक्रवर्त्यभूत् । संवर्तोऽयाजयद् यं वै महायोग्यङ्गिरःसुतः ॥ 2.26 ॥

tasyāvīkṣit suto yasya maruttaś cakravarty abhūt saṁvarto ’yājayad yaṁ vai mahā-yogy aṅgiraḥ-sutaḥ

करन्धम से अवीक्षित् नामक पुत्र हुए, जिनके पुत्र चक्रवर्ती सम्राट मरुत्त हुए। अंगिरा के महायोगी पुत्र संवर्त ने उनसे यज्ञ करवाया।

श्लोक 27 (bhagavata.9.2.27)

मरुत्तस्य यथा यज्ञो न तथान्योऽस्ति कश्चन । सर्वं हिरण्मयं त्वासीद् यत् किञ्चिच्चास्य शोभनम् ॥ 2.27 ॥

maruttasya yathā yajño na tathānyo ’sti kaścana sarvaṁ hiraṇmayaṁ tv āsīd yat kiñcic cāsya śobhanam

मरुत्त के यज्ञ के समान अन्य कोई यज्ञ कभी नहीं हुआ; उस यज्ञ में जो कुछ भी शोभा की वस्तु थी, वह सब स्वर्णमय थी।

श्लोक 28 (bhagavata.9.2.28)

अमाद्यदिन्द्रः सोमेन दक्षिणाभिर्द्विजातयः । मरुतः परिवेष्टारो विश्वेदेवाः सभासदः ॥ 2.28 ॥

amādyad indraḥ somena dakṣiṇābhir dvijātayaḥ marutaḥ pariveṣṭāro viśvedevāḥ sabhā-sadaḥ

उस यज्ञ में इन्द्र सोमरस पीकर उन्मत्त हो गए, ब्राह्मण दक्षिणाओं से तृप्त हुए, मरुद्गण परिवेषक बने, और विश्वेदेव सभासद हुए।

श्लोक 29 (bhagavata.9.2.29)

मरुत्तस्य दमः पुत्रस्तस्यासीद् राज्यवर्धनः । सुधृतिस्तत्सुतो जज्ञे सौधृतेयो नरः सुतः ॥ 2.29 ॥

maruttasya damaḥ putras tasyāsīd rājyavardhanaḥ sudhṛtis tat-suto jajñe saudhṛteyo naraḥ sutaḥ

मरुत्त के पुत्र दम हुए, दम के पुत्र राज्यवर्धन। राज्यवर्धन से सुधृति उत्पन्न हुए, और सुधृति के पुत्र नर हुए।

श्लोक 30 (bhagavata.9.2.30)

तत्सुतः केवलस्तस्माद् धुन्धुमान्वेगवांस्ततः । बुधस्तस्याभवद् यस्य तृणबिन्दुर्महीपतिः ॥ 2.30 ॥

tat-sutaḥ kevalas tasmād dhundhumān vegavāṁs tataḥ budhas tasyābhavad yasya tṛṇabindur mahīpatiḥ

नर के पुत्र केवल हुए, उनसे धुन्धुमान्, धुन्धुमान् से वेगवान् उत्पन्न हुए। वेगवान् के पुत्र बुध हुए, जिनके पुत्र पृथ्वीपति तृणबिन्दु हुए।

श्लोक 31 (bhagavata.9.2.31)

तं भेजेऽलम्बुषा देवी भजनीयगुणालयम् । वराप्सरा यतः पुत्राः कन्या चेलविलाभवत् ॥ 2.31 ॥

taṁ bheje ’lambuṣā devī bhajanīya-guṇālayam varāpsarā yataḥ putrāḥ kanyā celavilābhavat

गुणवान् तृणबिन्दु को श्रेष्ठ अप्सरा देवी अलम्बुषा ने अपना पति चुना। उनसे कई पुत्र और इलविला नामक एक कन्या उत्पन्न हुई।

श्लोक 32 (bhagavata.9.2.32)

यस्यामुत्पादयामास विश्रवा धनदं सुतम् । प्रादाय विद्यां परमामृषिर्योगेश्वरः पितुः ॥ 2.32 ॥

yasyām utpādayām āsa viśravā dhanadaṁ sutam prādāya vidyāṁ paramām ṛṣir yogeśvaraḥ pituḥ

अपने पिता से परम विद्या प्राप्त कर योगेश्वर महर्षि विश्रवा ने उसी इलविला के गर्भ से धनद (कुबेर) नामक पुत्र को जन्म दिया।

श्लोक 33 (bhagavata.9.2.33)

विशालः शून्यबन्धुश्च धूम्रकेतुश्च तत्सुताः । विशालो वंशकृद् राजा वैशालीं निर्ममे पुरीम् ॥ 2.33 ॥

viśālaḥ śūnyabandhuś ca dhūmraketuś ca tat-sutāḥ viśālo vaṁśa-kṛd rājā vaiśālīṁ nirmame purīm

तृणबिन्दु के तीन पुत्र थे — विशाल, शून्यबन्धु और धूम्रकेतु। इनमें विशाल ने अपना वंश स्थापित कर वैशाली नामक नगरी बसाई।

श्लोक 34 (bhagavata.9.2.34)

हेमचन्द्रः सुतस्तस्य धूम्राक्षस्तस्य चात्मजः । तत्पुत्रात् संयमादासीत् कृशाश्वः सहदेवजः ॥ 2.34 ॥

hemacandraḥ sutas tasya dhūmrākṣas tasya cātmajaḥ tat-putrāt saṁyamād āsīt kṛśāśvaḥ saha-devajaḥ

विशाल के पुत्र हेमचन्द्र हुए, उनके पुत्र धूम्राक्ष, और उनके पुत्र संयम से देवज और कृशाश्व नामक पुत्र उत्पन्न हुए।

श्लोक 35 (bhagavata.9.2.35)

कृशाश्वात् सोमदत्तोऽभूद् योऽश्वमेधैरिडस्पतिम् । इष्ट्वा पुरुषमापाग्र्यां गतिं योगेश्वराश्रिताम् ॥ 2.35 ॥

kṛśāśvāt somadatto ’bhūd yo ’śvamedhairiḍaspatim iṣṭvā puruṣamāpāgryāṁ gatiṁ yogeśvarāśritām

कृशाश्व से सोमदत्त उत्पन्न हुए, जिन्होंने अश्वमेध यज्ञों द्वारा भगवान विष्णु की आराधना करके योगेश्वरों को प्राप्त होने वाली सर्वोत्तम गति प्राप्त की।

श्लोक 36 (bhagavata.9.2.36)

सौमदत्तिस्तु सुमतिस्तत्पुत्रो जनमेजयः । एते वैशालभूपालास्तृणबिन्दोर्यशोधराः ॥ 2.36 ॥

saumadattistu sumatistatputro janamejayaḥ ete vaiśālabhūpālāstṛṇabindoryaśodharāḥ

सोमदत्त के पुत्र सुमति हुए, और उनके पुत्र जनमेजय। ये सभी तृणबिन्दु की कीर्ति को धारण करने वाले वैशाली के भूपाल हुए।