भरत का वंश

श्लोक 1 (bhagavata.9.21.1)

श्रीशुक उवाच वितथस्य सुतान् मन्योर्बृहत्क्षत्रो जयस्ततः । महावीर्यो नरो गर्गः सङ्कृतिस्तु नरात्मजः ॥ १ ॥

śrī-śuka uvāca vitathasya sutān manyor bṛhatkṣatro jayas tataḥ mahāvīryo naro gargaḥ saṅkṛtis tu narātmajaḥ

श्री शुकदेव ने कहा — वितथ के पुत्र मन्यु से बृहत्क्षत्र, जय, महावीर्य, नर तथा गर्ग उत्पन्न हुए; नर के पुत्र संकृति हुए।

श्लोक 2 (bhagavata.9.21.2)

गुरुश्च रन्तिदेवश्च सङ्कृतेः पाण्डुनन्दन । रन्तिदेवस्य महिमा इहामुत्र च गीयते ॥ २ ॥

guruś ca rantidevaś ca saṅkṛteḥ pāṇḍu-nandana rantidevasya mahimā ihāmutra ca gīyate

हे पाण्डु-नन्दन! संकृति के पुत्र गुरु और रन्तिदेव हुए; रन्तिदेव की महिमा इस लोक और परलोक, दोनों में गाई जाती है।

श्लोक 3 (bhagavata.9.21.3)

वियद्वित्तस्य ददतो लब्धं लब्धं बुभुक्षतः । निष्किञ्चनस्य धीरस्य सकुटुम्बस्य सीदतः ॥ ३ ॥

viyad-vittasya dadato labdhaṁ labdhaṁ bubhukṣataḥ niṣkiñcanasya dhīrasya sakuṭumbasya sīdataḥ

उन्हें जो कुछ भाग्यवश प्राप्त होता, वे उसी में जो भी भोजन मिलता उसे ग्रहण करते और उसी को फिर दान भी कर देते; वे सर्वथा अकिंचन, धीर, तथा अपने परिवार सहित अभावग्रस्त होते हुए भी सदा उदार बने रहे।

श्लोक 4 (bhagavata.9.21.4)

व्यतीयुरष्टचत्वारिंशदहान्यपिबतः किल । घृतपायससंयावं तोयं प्रातरुपस्थितम् ॥ ४ ॥

vyatīyur aṣṭa-catvāriṁśad ahāny apibataḥ kila ghṛta-pāyasa-saṁyāvaṁ toyaṁ prātar upasthitam

अड़तालीस दिन बीत चुके थे, जिनमें उन्होंने जल तक ग्रहण नहीं किया था; तभी एक प्रातःकाल घी, खीर, संयाव (मीठा व्यंजन) तथा जल उनके समक्ष उपस्थित हुआ।

श्लोक 5 (bhagavata.9.21.5)

कृच्छ्रप्राप्तकुटुम्बस्य क्षुत्तृड्भ्यां जातवेपथोः । अतिथिर्ब्राह्मणः काले भोक्तुकामस्य चागमत् ॥ ५ ॥

kṛcchra-prāpta-kuṭumbasya kṣut-tṛḍbhyāṁ jāta-vepathoḥ atithir brāhmaṇaḥ kāle bhoktu-kāmasya cāgamat

भूख-प्यास से काँपते हुए, अत्यन्त कष्ट में पड़े उनके परिवार के भोजन करने को उद्यत होते ही, उसी समय एक ब्राह्मण अतिथि वहाँ आ पहुँचे।

श्लोक 6 (bhagavata.9.21.6)

तस्मै संव्यभजत् सोऽन्नमादृत्य श्रद्धयान्वितः । हरिं सर्वत्र संपश्यन् स भुक्त्वा प्रययौ द्विजः ॥ ६ ॥

tasmai saṁvyabhajat so ’nnam ādṛtya śraddhayānvitaḥ hariṁ sarvatra saṁpaśyan sa bhuktvā prayayau dvijaḥ

सर्वत्र भगवान हरि का दर्शन करते हुए रन्तिदेव ने श्रद्धापूर्वक उस अन्न में से उन्हें भाग देकर उनका आदर किया; वह ब्राह्मण भोजन कर आगे चला गया।

श्लोक 7 (bhagavata.9.21.7)

अथान्यो भोक्ष्यमाणस्य विभक्तस्य महीपतेः । विभक्तं व्यभजत् तस्मै वृषलाय हरिं स्मरन् ॥ ७ ॥

athānyo bhokṣyamāṇasya vibhaktasya mahīpateḥ vibhaktaṁ vyabhajat tasmai vṛṣalāya hariṁ smaran

तत्पश्चात् जब राजा अपने विभाजित अंश को खाने को ही थे, तभी एक अन्य अतिथि, एक शूद्र, आ पहुँचा; हरि का स्मरण करते हुए उन्होंने अपने उसी बचे हुए अंश में से उसे भी भाग दिया।

श्लोक 8 (bhagavata.9.21.8)

याते शूद्रे तमन्योऽगादतिथिः श्वभिरावृतः । राजन् मे दीयतामन्नं सगणाय बुभुक्षते ॥ ८ ॥

yāte śūdre tam anyo ’gād atithiḥ śvabhir āvṛtaḥ rājan me dīyatām annaṁ sagaṇāya bubhukṣate

शूद्र के चले जाने पर, कुत्तों से घिरा हुआ एक अन्य अतिथि वहाँ आया और बोला — हे राजन्, मैं अपने साथियों सहित भूखा हूँ, मुझे भोजन दीजिए।

श्लोक 9 (bhagavata.9.21.9)

स आदृत्यावशिष्टं यद्म बहुमानपुरस्कृतम् । तच्च दत्त्वा नमश्चक्रे श्वभ्यः श्वपतये विभुः ॥ ९ ॥

sa ādṛtyāvaśiṣṭaṁ yad bahu-māna-puraskṛtam tac ca dattvā namaścakre śvabhyaḥ śva-pataye vibhuḥ

उस समर्थ राजा ने जो कुछ भी शेष बचा था, उसे अत्यन्त सम्मानपूर्वक उन कुत्तों तथा उनके स्वामी को अर्पित कर दिया, और उन्हें प्रणाम किया।

श्लोक 10 (bhagavata.9.21.10)

पानीयमात्रमुच्छेषं तच्चैकपरितर्पणम् । पास्यतः पुल्कसोऽभ्यागादपो देह्यशुभाय मे ॥ १० ॥

pānīya-mātram uccheṣaṁ tac caika-paritarpaṇam pāsyataḥ pulkaso ’bhyāgād apo dehy aśubhāya me

अब केवल जल ही शेष रह गया था, जो एक ही व्यक्ति की तृप्ति के लिए पर्याप्त था — जैसे ही वे उसे पीने को हुए, एक चाण्डाल वहाँ आ पहुँचा और बोला — हे राजन्, मुझ अभागे को भी जल दीजिए।

श्लोक 11 (bhagavata.9.21.11)

तस्य तां करुणां वाचं निशम्य विपुलश्रमाम् । कृपया भृशसन्तप्त इदमाहामृतं वचः ॥ ११ ॥

tasya tāṁ karuṇāṁ vācaṁ niśamya vipula-śramām kṛpayā bhṛśa-santapta idam āhāmṛtaṁ vacaḥ

उस अत्यन्त थके हुए चाण्डाल की करुण पुकार सुनकर, दया से अत्यन्त द्रवित होकर रन्तिदेव ने ये अमृततुल्य वचन कहे —

श्लोक 12 (bhagavata.9.21.12)

न कामयेऽहं गतिमीश्वरात् परा- मष्टर्द्धियुक्तामपुनर्भवं वा । आर्तिं प्रपद्येऽखिलदेहभाजा- मन्तःस्थितो येन भवन्त्यदुःखाः ॥ १२ ॥

na kāmaye ’haṁ gatim īśvarāt parām aṣṭarddhi-yuktām apunar-bhavaṁ vā ārtiṁ prapadye ’khila-deha-bhājām antaḥ-sthito yena bhavanty aduḥkhāḥ

मैं ईश्वर से न तो अष्टसिद्धियों से युक्त वह परम गति चाहता हूँ, न ही पुनर्जन्म से मुक्ति — मैं तो केवल यही चाहता हूँ कि समस्त प्राणियों की पीड़ा को स्वयं ग्रहण कर लूँ, और उन सबके भीतर रहकर उन्हें दुःखरहित कर सकूँ।

श्लोक 13 (bhagavata.9.21.13)

क्षुत्तृट्श्रमो गात्रपरिभ्रमश्च दैन्यं क्लमः शोकविषादमोहाः । सर्वे निवृत्ताः कृपणस्य जन्तो- र्जिजीविषोर्जीवजलार्पणान्मे ॥ १३ ॥

kṣut-tṛṭ-śramo gātra-paribhramaś ca dainyaṁ klamaḥ śoka-viṣāda-mohāḥ sarve nivṛttāḥ kṛpaṇasya jantor jijīviṣor jīva-jalārpaṇān me

मेरी भूख, प्यास, थकान, अंगों का कम्पन, दीनता, क्लम, शोक, विषाद तथा मोह — ये सभी इस जीवन-रक्षक जल को, जीने के लिए संघर्षरत इस बेचारे प्राणी को अर्पित करते ही, निवृत्त हो गए हैं।

श्लोक 14 (bhagavata.9.21.14)

इति प्रभाष्य पानीयं म्रियमाणः पिपासया । पुल्कसायाददाद्धीरो निसर्गकरुणो नृपः ॥ १४ ॥

iti prabhāṣya pānīyaṁ mriyamāṇaḥ pipāsayā pulkasāyādadād dhīro nisarga-karuṇo nṛpaḥ

यह कहकर, स्वयं प्यास से मरणासन्न होते हुए भी, स्वभाव से ही करुणामय उस धीर राजा ने वह जल उस चाण्डाल को दे दिया।

श्लोक 15 (bhagavata.9.21.15)

तस्य त्रिभुवनाधीशाः फलदाः फलमिच्छताम् । आत्मानं दर्शयां चक्रुर्माया विष्णुविनिर्मिताः ॥ १५ ॥

tasya tribhuvanādhīśāḥ phaladāḥ phalam icchatām ātmānaṁ darśayāṁ cakrur māyā viṣṇu-vinirmitāḥ

तब त्रिभुवन के स्वामी वे देवगण, जो फल चाहने वालों को फल प्रदान करने वाले हैं, तथा जो स्वयं भगवान विष्णु की माया के रूप में उन अतिथियों का वेश धारण किए हुए थे, उनके समक्ष अपने वास्तविक स्वरूप में प्रकट हुए।

श्लोक 16 (bhagavata.9.21.16)

स वै तेभ्यो नमस्कृत्य निःसङ्गो विगतस्पृहः । वासुदेवे भगवति भक्त्या चक्रे मनः परम् ॥ १६ ॥

sa vai tebhyo namaskṛtya niḥsaṅgo vigata-spṛhaḥ vāsudeve bhagavati bhaktyā cakre manaḥ param

उन्हें नमस्कार करते हुए भी, आसक्ति तथा कामना से रहित होकर, रन्तिदेव ने अपने मन को भक्तिपूर्वक केवल भगवान वासुदेव में ही स्थिर कर दिया।

श्लोक 17 (bhagavata.9.21.17)

ईश्वरालम्बनं चित्तं कुर्वतोऽनन्यराधसः । माया गुणमयी राजन्स्वप्नवत् प्रत्यलीयत ॥ १७ ॥

īśvarālambanaṁ cittaṁ kurvato ’nanya-rādhasaḥ māyā guṇamayī rājan svapnavat pratyalīyata

हे राजन्! जब उन्होंने अपने चित्त को अनन्य भाव से ईश्वर पर ही टिका दिया, तब त्रिगुणमयी माया उनके समक्ष स्वप्न के समान विलीन हो गई।

श्लोक 18 (bhagavata.9.21.18)

तत्प्रसङ्गानुभावेन रन्तिदेवानुवर्तिनः । अभवन् योगिनः सर्वे नारायणपरायणाः ॥ १८ ॥

tat-prasaṅgānubhāvena rantidevānuvartinaḥ abhavan yoginaḥ sarve nārāyaṇa-parāyaṇāḥ

उनके संग के प्रभाव से रन्तिदेव का अनुसरण करने वाले सभी लोग योगी बन गए, जो पूर्णतः भगवान नारायण के प्रति समर्पित थे।

श्लोक 19 (bhagavata.9.21.19)

गर्गाच्छिनिस्ततो गार्ग्यः क्षत्राद् ब्रह्म ह्यवर्तत । दुरितक्षयो महावीर्यात् तस्य त्रय्यारुणिः कविः ॥ १९ ॥

gargāc chinis tato gārgyaḥ kṣatrād brahma hy avartata duritakṣayo mahāvīryāt tasya trayyāruṇiḥ kaviḥ

गर्ग से शिनि उत्पन्न हुए; उनके पुत्र गार्ग्य, क्षत्रिय होते हुए भी, ब्राह्मण-वंश के प्रवर्तक बने। महावीर्य से दुरितक्षय उत्पन्न हुए, जिनके पुत्र त्रय्यारुणि कवि थे —

श्लोक 20 (bhagavata.9.21.20)

पुष्करारुणिरित्यत्र ये ब्राह्मणगतिं गताः । बृहत्क्षत्रस्य पुत्रोऽभूद्धस्ती यद्धस्तिनापुरम् ॥ २० ॥

puṣkarāruṇir ity atra ye brāhmaṇa-gatiṁ gatāḥ bṛhatkṣatrasya putro ’bhūd dhastī yad-dhastināpuram

— और पुष्करारुणि भी; ये सब ब्राह्मण-पद को प्राप्त हुए। बृहत्क्षत्र के पुत्र हस्ती हुए, जिनके नाम पर हस्तिनापुर नगर बसाया गया।

श्लोक 21 (bhagavata.9.21.21)

अजमीढो द्विमीढश्च पुरुमीढश्च हस्तिनः । अजमीढस्य वंश्याः स्युः प्रियमेधादयो द्विजाः ॥ २१ ॥

ajamīḍho dvimīḍhaś ca purumīḍhaś ca hastinaḥ ajamīḍhasya vaṁśyāḥ syuḥ priyamedhādayo dvijāḥ

हस्ती के पुत्र अजमीढ, द्विमीढ तथा पुरुमीढ हुए; अजमीढ के वंशज, प्रियमेध आदि, सभी ब्राह्मण बने।

श्लोक 22 (bhagavata.9.21.22)

अजमीढाद् बृहदिषुस्तस्य पुत्रो बृहद्धनुः । बृहत्कायस्ततस्तस्य पुत्र आसीज्जयद्रथः ॥ २२ ॥

ajamīḍhād bṛhadiṣus tasya putro bṛhaddhanuḥ bṛhatkāyas tatas tasya putra āsīj jayadrathaḥ

अजमीढ से बृहदिषु उत्पन्न हुए; उनके पुत्र बृहद्धनु; उनसे बृहत्काय, और उनके पुत्र जयद्रथ हुए।

श्लोक 23 (bhagavata.9.21.23)

तत्सुतो विशदस्तस्य स्येनजित् समजायत । रुचिराश्वो दृढहनुः काश्यो वत्सश्च तत्सुताः ॥ २३ ॥

tat-suto viśadas tasya syenajit samajāyata rucirāśvo dṛḍhahanuḥ kāśyo vatsaś ca tat-sutāḥ

उनके पुत्र विशद हुए; विशद के पुत्र श्येनजित्। श्येनजित् के पुत्र रुचिराश्व, दृढहनु, काश्य तथा वत्स थे।

श्लोक 24 (bhagavata.9.21.24)

रुचिराश्वसुतः पारः पृथुसेनस्तदात्मजः । पारस्य तनयो नीपस्तस्य पुत्रशतं त्वभूत् ॥ २४ ॥

rucirāśva-sutaḥ pāraḥ pṛthusenas tad-ātmajaḥ pārasya tanayo nīpas tasya putra-śataṁ tv abhūt

रुचिराश्व के पुत्र पार हुए; उनके पुत्र पृथुसेन। पार के पुत्र नीप हुए, जिनके सौ पुत्र थे।

श्लोक 25 (bhagavata.9.21.25)

स कृत्व्यां शुककन्यायां ब्रह्मदत्तमजीजनत् । योगी स गवि भार्यायां विष्वक्सेनमधात् सुतम् ॥ २५ ॥

sa kṛtvyāṁ śuka-kanyāyāṁ brahmadattam ajījanat yogī sa gavi bhāryāyāṁ viṣvaksenam adhāt sutam

उन्होंने शुक-कन्या कृत्वी नामक पत्नी से ब्रह्मदत्त को जन्म दिया; और वे योगी ब्रह्मदत्त, अपनी पत्नी गौ से विष्वक्सेन नामक पुत्र को प्राप्त हुए।

श्लोक 26 (bhagavata.9.21.26)

जैगीषव्योपदेशेन योगतन्त्रं चकार ह । उदक्सेनस्ततस्तस्माद् भल्लाटो बार्हदीषवाः ॥ २६ ॥

jaigīṣavyopadeśena yoga-tantraṁ cakāra ha udaksenas tatas tasmād bhallāṭo bārhadīṣavāḥ

जैगीषव्य के उपदेश से विष्वक्सेन ने योग-शास्त्र की रचना की। उनसे उदक्सेन उत्पन्न हुए; उदक्सेन से भल्लाट — ये सभी बृहदिषु के वंशज कहलाए।

श्लोक 27 (bhagavata.9.21.27)

यवीनरो द्विमीढस्य कृतिमांस्तत्सुतः स्मृतः । नाम्ना सत्यधृतिस्तस्य दृढनेमिः सुपार्श्वकृत् ॥ २७ ॥

yavīnaro dvimīḍhasya kṛtimāṁs tat-sutaḥ smṛtaḥ nāmnā satyadhṛtis tasya dṛḍhanemiḥ supārśvakṛt

द्विमीढ के पुत्र यवीनर हुए; उनके पुत्र कृतिमान् कहलाए; उनसे सत्यधृति नामक पुत्र हुआ; और उनके पुत्र दृढनेमि, जो सुपार्श्व के पिता बने।

श्लोक 28 (bhagavata.9.21.28)

सुपार्श्वात् सुमतिस्तस्य पुत्रः सन्नतिमांस्ततः । कृती हिरण्यनाभाद् यो योगं प्राप्य जगौ स्म षट् ॥ २८ ॥

supārśvāt sumatis tasya putraḥ sannatimāṁs tataḥ kṛtī hiraṇyanābhād yo yogaṁ prāpya jagau sma ṣaṭ

सुपार्श्व से सुमति उत्पन्न हुए; उनके पुत्र सन्नतिमान् हुए; और उनके पुत्र कृती हुए, जिन्होंने हिरण्यनाभ से योग-विद्या प्राप्त कर छह संहिताओं की रचना की और उनका गायन किया —

श्लोक 29 (bhagavata.9.21.29)

संहिताः प्राच्यसाम्नां वै नीपो ह्युद्ग्रायुधस्ततः । तस्य क्षेम्यः सुवीरोऽथ सुवीरस्य रिपुञ्जयः ॥ २९ ॥

saṁhitāḥ prācyasāmnāṁ vai nīpo hy udgrāyudhas tataḥ tasya kṣemyaḥ suvīro ’tha suvīrasya ripuñjayaḥ

— ये प्राच्यसाम की संहिताएँ थीं। कृती के पुत्र नीप हुए; उनसे उद्ग्रायुध; उनके पुत्र क्षेम्य; फिर सुवीर; और सुवीर के पुत्र रिपुंजय हुए।

श्लोक 30 (bhagavata.9.21.30)

ततो बहुरथो नाम पुरुमीढोऽप्रजोऽभवत् । नलिन्यामजमीढस्य नीलः शान्तिस्तु तत्सुतः ॥ ३० ॥

tato bahuratho nāma purumīḍho ’prajo ’bhavat nalinyām ajamīḍhasya nīlaḥ śāntis tu tat-sutaḥ

उनसे बहुरथ नामक पुत्र उत्पन्न हुए। पुरुमीढ सन्तानहीन रहे। अजमीढ को अपनी पत्नी नलिनी से नील नामक पुत्र प्राप्त हुआ; उनके पुत्र शान्ति हुए।

श्लोक 31 (bhagavata.9.21.31)

शान्तेः सुशान्तिस्तत्पुत्रः पुरुजोऽर्कस्ततोऽभवत् । भर्म्याश्वस्तनयस्तस्य पञ्चासन्मुद्गलादयः ॥ ३१ ॥

śānteḥ suśāntis tat-putraḥ purujo ’rkas tato ’bhavat bharmyāśvas tanayas tasya pañcāsan mudgalādayaḥ

शान्ति के पुत्र सुशान्ति हुए; उनके पुत्र पुरुज; उनसे अर्क उत्पन्न हुए। अर्क के पुत्र भर्म्याश्व हुए, जिनके पाँच पुत्र थे, जिनमें मुद्गल प्रमुख थे।

श्लोक 32 (bhagavata.9.21.32)

यवीनरो बृहद्विश्वः काम्पिल्लः सञ्जयः सुताः । भर्म्याश्वः प्राह पुत्रा मे पञ्चानां रक्षणाय हि ॥ ३२ ॥

yavīnaro bṛhadviśvaḥ kāmpillaḥ sañjayaḥ sutāḥ bharmyāśvaḥ prāha putrā me pañcānāṁ rakṣaṇāya hi

— यवीनर, बृहद्विश्व, काम्पिल्ल तथा सञ्जय उनके अन्य पुत्र थे। भर्म्याश्व ने उनसे कहा — हे पुत्रो, तुम मेरे इन पाँचों प्रदेशों की रक्षा करो, क्योंकि तुम इसमें पूर्ण समर्थ हो।

श्लोक 33 (bhagavata.9.21.33)

विषयाणामलमिमे इति पञ्चालसंज्ञिताः । मुद्गलाद् ब्रह्मनिर्वृत्तं गोत्रं मौद्गल्यसंज्ञितम् ॥ ३३ ॥

viṣayāṇām alam ime iti pañcāla-saṁjñitāḥ mudgalād brahma-nirvṛttaṁ gotraṁ maudgalya-saṁjñitam

"इन प्रदेशों की रक्षा में समर्थ" होने के कारण वे 'पाञ्चाल' कहलाए। मुद्गल से ब्राह्मण-वंश प्रवर्तित हुआ, जो मौद्गल्य नाम से जाना गया।

श्लोक 34 (bhagavata.9.21.34)

मिथुनं मुद्गलाद् भार्म्याद् दिवोदासः पुमानभूत् । अहल्या कन्यका यस्यां शतानन्दस्तु गौतमात् ॥ ३४ ॥

mithunaṁ mudgalād bhārmyād divodāsaḥ pumān abhūt ahalyā kanyakā yasyāṁ śatānandas tu gautamāt

भर्म्याश्व-पुत्र मुद्गल से एक युगल सन्तान उत्पन्न हुई — पुत्र दिवोदास तथा पुत्री अहल्या; अहल्या से, उनके पति गौतम द्वारा, शतानन्द उत्पन्न हुए।

श्लोक 35 (bhagavata.9.21.35)

तस्य सत्यधृतिः पुत्रो धनुर्वेदविशारदः । शरद्वांस्तत्सुतो यस्मादुर्वशीदर्शनात् किल । शरस्तम्बेऽपतद् रेतो मिथुनं तदभूच्छुभम् ॥ ३५ ॥

tasya satyadhṛtiḥ putro dhanur-veda-viśāradaḥ śaradvāṁs tat-suto yasmād urvaśī-darśanāt kila śara-stambe ’patad reto mithunaṁ tad abhūc chubham

उनके पुत्र सत्यधृति हुए, जो धनुर्विद्या में निपुण थे; उनके पुत्र शरद्वान् हुए, जिनका वीर्य केवल उर्वशी के दर्शन मात्र से एक सरकंडे के झुरमुट पर गिर पड़ा — और उससे एक अत्यन्त मंगलमय युगल-सन्तान उत्पन्न हुई।

श्लोक 36 (bhagavata.9.21.36)

तद् दृष्ट्वा कृपयागृह्णाच्छान्तनुर्मृगयां चरन् । कृपः कुमारः कन्या च द्रोणपत्न्यभवत्कृपी ॥ ३६ ॥

tad dṛṣṭvā kṛpayāgṛhṇāc chāntanur mṛgayāṁ caran kṛpaḥ kumāraḥ kanyā ca droṇa-patny abhavat kṛpī

आखेट पर निकले राजा शान्तनु ने उन्हें देखकर करुणावश उठा लिया; पुत्र का नाम कृप रखा गया, और पुत्री का नाम कृपी, जो आगे चलकर द्रोणाचार्य की पत्नी बनीं।