रुद्र की प्रार्थना

श्लोक 1 (devibhagavatam.10.4.1)

सूत उवाच । ततः सर्वे सुरगणा महेन्द्रप्रमुखास्तदा । पद्मयोनिं पुरस्कृत्य रुद्रं शरणमन्वयुः ॥

sūta uvāca tataḥ sarve suragaṇā mahendrapramukhāstadā padmayoniṁ puraskṛtya rudraṁ śaraṇamanvayuḥ

सूत ने कहा — तब महेन्द्र आदि समस्त देवगण, कमलयोनि ब्रह्मा को आगे कर रुद्र की शरण में गए।

श्लोक 2 (devibhagavatam.10.4.2)

उपतस्थुः प्रणतिभिः स्तोत्रैश्चारुविभूतिभिः । देवदेवं गिरिशयं शशिलोलितशेखरम् ॥

upatasthuḥ praṇatibhiḥ stotraiścāruvibhūtibhiḥ devadevaṁ giriśayaṁ śaśilolitaśekharam

उन्होंने प्रणाम और सुंदर वैभव से युक्त स्तोत्रों द्वारा उन देवाधिदेव गिरिशायी की उपासना की, जिनके शिखर पर कंपित चंद्रमा सुशोभित है।

श्लोक 3 (devibhagavatam.10.4.3)

देववा ऊचुः । जय देव गणाध्यक्ष उमालालितपङ्कज । अष्टसिद्धिविभूतीनां दात्रे भक्तजनाय ते ॥

devavā ūcuḥ jaya deva gaṇādhyakṣa umālālitapaṅkaja aṣṭasiddhivibhūtīnāṁ dātre bhaktajanāya te

देवों ने कहा — हे देव, गणाध्यक्ष! जिनका चरण-कमल उमा द्वारा दुलारा जाता है, आपकी जय हो! भक्तजनों को अष्ट सिद्धियों की विभूति देने वाले आपको —

श्लोक 4 (devibhagavatam.10.4.4)

महामायाविलसितस्थानाय परमात्मने । वृषाङ्कायामरेशाय कैलासस्थितिशालिने ॥

mahāmāyāvilasitasthānāya paramātmane vṛṣāṅkāyāmareśāya kailāsasthitiśāline

— महामाया के विलास-स्थान, परमात्मा, वृषभ-चिह्नधारी, देवताओं के स्वामी, कैलास पर स्थित —

श्लोक 5 (devibhagavatam.10.4.5)

अहिर्बुध्न्याय मान्याय मनवे मानदायिने । अजाय बहुरूपाय स्वात्मारामाय शम्भवे ॥

ahirbudhnyāya mānyāya manave mānadāyine ajāya bahurūpāya svātmārāmāya śambhave

— अहिर्बुध्न्य, मान्य, मनु के मानदाता, अजन्मा, बहुरूप, अपने ही आत्मा में रमण करने वाले शंभु को —

श्लोक 6 (devibhagavatam.10.4.6)

गणनाथाय देवाय गिरिशाय नमोऽस्तु ते । महाविभूतिदात्रे ते महाविष्णुस्तुताय च ॥

gaṇanāthāya devāya giriśāya namo'stu te mahāvibhūtidātre te mahāviṣṇustutāya ca

— गणनाथ, देव, गिरिश को नमस्कार हो! महाविष्णु द्वारा स्तुत, महाविभूति के दाता आपको —

श्लोक 7 (devibhagavatam.10.4.7)

विष्णुहृत्कञ्जवासाय महायोगरताय च । योगगम्याय योगाय योगिनां पतये नमः ॥

viṣṇuhṛtkañjavāsāya mahāyogaratāya ca yogagamyāya yogāya yogināṁ pataye namaḥ

— विष्णु के हृदय-कमल में निवास करने वाले, महायोग में रत, योग से गम्य, स्वयं योगस्वरूप, योगियों के स्वामी को नमस्कार —

श्लोक 8 (devibhagavatam.10.4.8)

योगीशाय नमस्तुभ्यं योगानां फलदायिने । दीनदानपरायापि दयासागरमूर्तये ॥

yogīśāya namastubhyaṁ yogānāṁ phaladāyine dīnadānaparāyāpi dayāsāgaramūrtaye

योगियों के स्वामी, आपको नमस्कार! योगों के फल देने वाले, दीनों को दान देने में तत्पर, दयासागर-स्वरूप —

श्लोक 9 (devibhagavatam.10.4.9)

आर्तिप्रशमनायोग्रवीर्याय गुणमूर्तये । वृषध्वजाय कालाय कालकालाय ते नमः ॥

ārtipraśamanāyogravīryāya guṇamūrtaye vṛṣadhvajāya kālāya kālakālāya te namaḥ

— पीड़ा को शांत करने वाले, उग्र पराक्रम वाले, गुणस्वरूप, वृषभध्वज, काल, काल के भी काल — आपको नमस्कार।

श्लोक 10 (devibhagavatam.10.4.10)

सूत उवाच । एवं स्तुतः स देवेशो यज्ञभुग्भिर्वृषध्वजः । प्राह गम्भीरया वाचा प्रहसन्विबुधर्षभान् ॥

sūta uvāca evaṁ stutaḥ sa deveśo yajñabhugbhirvṛṣadhvajaḥ prāha gambhīrayā vācā prahasanvibudharṣabhān

सूत ने कहा — इस प्रकार यज्ञभोक्ता वृषभध्वज देवेश की स्तुति होने पर, वे श्रेष्ठ देवताओं की ओर मुस्कुराते हुए गंभीर वाणी में बोले।

श्लोक 11 (devibhagavatam.10.4.11)

श्रीभगवानुवाच । प्रसन्नोऽहं दिविषदः स्तोत्रेणोत्तमपूरुषाः । मनोरथं पूरयामि सर्वेषां देवतर्षभाः ॥

śrībhagavānuvāca prasanno'haṁ diviṣadaḥ stotreṇottamapūruṣāḥ manorathaṁ pūrayāmi sarveṣāṁ devatarṣabhāḥ

श्री भगवान ने कहा — हे उत्तम पुरुषो! हे स्वर्गवासियो! मैं इस स्तोत्र से प्रसन्न हूँ। हे देवश्रेष्ठो! मैं तुम सबका मनोरथ पूर्ण करता हूँ।

श्लोक 12 (devibhagavatam.10.4.12)

देवा ऊचुः । सर्वदेवेश गिरिश शशिमौलिविराजित । आर्तानां शङ्करस्त्वं च शं विधेहि महाबल ॥

devā ūcuḥ sarvadeveśa giriśa śaśimaulivirājita ārtānāṁ śaṅkarastvaṁ ca śaṁ vidhehi mahābala

देवों ने कहा — हे सर्वदेवेश, गिरिश, चंद्रमौलि से सुशोभित! आप ही पीड़ितों के लिए शंकर (कल्याणकारी) हैं; हे महाबल! हमारा कल्याण कीजिए।

श्लोक 13 (devibhagavatam.10.4.13)

पर्वतो विन्ध्यनामास्ति मेरुद्वेष्टा महोन्नतः । भानुमार्गनिरोद्धा हि सर्वेषां दुःखदोऽनघ ॥

parvato vindhyanāmāsti merudveṣṭā mahonnataḥ bhānumārganiroddhā hi sarveṣāṁ duḥkhado'nagha

विंध्य नामक एक अत्यंत ऊँचा पर्वत है, जो मेरु का प्रतिद्वंद्वी है, सूर्य के मार्ग को रोकने वाला है, हे निष्पाप! और सबको दुःख देने वाला है।

श्लोक 14 (devibhagavatam.10.4.14)

तदवृद्धिं स्तम्भयेशान सर्वकल्याणकृद्भव । भानुसञ्चाररोधेन कालज्ञानं कथं भवेत् ॥

tadavṛddhiṁ stambhayeśāna sarvakalyāṇakṛdbhava bhānusañcārarodhena kālajñānaṁ kathaṁ bhavet

हे ईशान! उसकी वृद्धि को रोकिए, सबका कल्याण करने वाले बनिए! सूर्य की गति रुक जाने से समय का ज्ञान कैसे हो सकेगा?

श्लोक 15 (devibhagavatam.10.4.15)

नष्टे स्वाहास्वधाकारे लोके कः शरणं भवेत् । अस्माकं च भयार्तानां भवानेव हि दृश्यते ॥

naṣṭe svāhāsvadhākāre loke kaḥ śaraṇaṁ bhavet asmākaṁ ca bhayārtānāṁ bhavāneva hi dṛśyate

स्वाहा और स्वधा के उच्चारण के नष्ट हो जाने पर संसार में किसकी शरण ली जाए? भय से पीड़ित हम सबको तो आप ही एकमात्र शरण दिखाई देते हैं।

श्लोक 16 (devibhagavatam.10.4.16)

दुःखनाशकरो देव प्रसीद गिरिजापते । श्रीशिव उवाच । नास्माकं शक्तिरस्तीह तद्वृद्धिस्तम्भने सुराः ॥

duḥkhanāśakaro deva prasīda girijāpate śrīśiva uvāca nāsmākaṁ śaktirastīha tadvṛddhistambhane surāḥ

हे देव! दुःख को नष्ट करने वाले, हे गिरिजापते! प्रसन्न होइए। श्री शिव ने कहा — हे देवो! उसकी वृद्धि को रोकने की शक्ति यहाँ हमारे पास नहीं है।

श्लोक 17 (devibhagavatam.10.4.17)

इममेवं वदिष्यामो भगवन्तं रमाधवम् । सोऽस्माकं प्रभुरात्मा च पूज्यः कारणरूपधृक् ॥

imamevaṁ vadiṣyāmo bhagavantaṁ ramādhavam so'smākaṁ prabhurātmā ca pūjyaḥ kāraṇarūpadhṛk

हम इस बात को रमापति भगवान से ही कहेंगे। वे ही हमारे स्वामी और आत्मा हैं, पूज्य हैं, कारणस्वरूप हैं।

श्लोक 18 (devibhagavatam.10.4.18)

गोविन्दो भगवान्विष्णुः सर्वकारणकारणः । तं गत्वा कथयिष्यामः स दुःखान्तो भविष्यति ॥

govindo bhagavānviṣṇuḥ sarvakāraṇakāraṇaḥ taṁ gatvā kathayiṣyāmaḥ sa duḥkhānto bhaviṣyati

गोविंद भगवान विष्णु ही समस्त कारणों के कारण हैं। उनके पास जाकर हम यह बात कहेंगे — तब यह दुःख अवश्य समाप्त हो जाएगा।

श्लोक 19 (devibhagavatam.10.4.19)

इत्येवमाकर्ण्य गिरीशभाषितं देवाश्च सेन्द्राः सपयोजसम्भवाः । रुद्रं पुरस्कृत्य च वेपमाना वैकुण्ठलोकं प्रतिजग्मुरञ्जसा ॥

ityevamākarṇya girīśabhāṣitaṁ devāśca sendrāḥ sapayojasambhavāḥ rudraṁ puraskṛtya ca vepamānā vaikuṇṭhalokaṁ pratijagmurañjasā

गिरीश के इन वचनों को सुनकर, इन्द्र सहित देवगण तथा जल से उत्पन्न अन्य देवता भी रुद्र को आगे कर, काँपते हुए वैकुण्ठलोक की ओर तुरंत चल दिए।