श्री विष्णु द्वारा देवताओं को वरदान

श्लोक 1 (devibhagavatam.10.5.1)

सूत उवाच । ते गत्वा देवदेवेशं रमानाथं जगद्गुरुम् । विष्णुं कमलपत्राक्षं ददृशुः प्रभयान्वितम् ॥

sūta uvāca te gatvā devadeveśaṁ ramānāthaṁ jagadgurum viṣṇuṁ kamalapatrākṣaṁ dadṛśuḥ prabhayānvitam

सूत ने कहा — वे जाकर देवाधिदेव, रमानाथ, जगद्गुरु, कमल-दल के समान नेत्रों वाले विष्णु को तेज से युक्त देखने लगे।

श्लोक 2 (devibhagavatam.10.5.2)

स्तोत्रेण तुष्टुवुर्भक्त्या गद्गदस्वरसत्कृताः । देवा ऊचुः । जय विष्णो रमेशाद्य महापुरुष पूर्वज ॥

stotreṇa tuṣṭuvurbhaktyā gadgadasvarasatkṛtāḥ devā ūcuḥ jaya viṣṇo rameśādya mahāpuruṣa pūrvaja

गद्गद स्वर से युक्त होकर उन्होंने भक्तिपूर्वक स्तोत्र से उनकी स्तुति की। देवों ने कहा — हे विष्णु, रमेश, महापुरुष, आदिपुरुष! आपकी जय हो!

श्लोक 3 (devibhagavatam.10.5.3)

दैत्यारे कामजनक सर्वकामफलप्रद । महावराह गोविन्द महायज्ञस्वरूपक ॥

daityāre kāmajanaka sarvakāmaphalaprada mahāvarāha govinda mahāyajñasvarūpaka

हे दैत्यारे, कामजनक, समस्त कामनाओं के फल देने वाले! हे महावराह, गोविंद, महायज्ञस्वरूप!

श्लोक 4 (devibhagavatam.10.5.4)

महाविष्णो ध्रुवेशाद्य जगदुत्पत्तिकारण । मत्स्यावतारे वेदानामुद्धाराधाररूपक ॥

mahāviṣṇo dhruveśādya jagadutpattikāraṇa matsyāvatāre vedānāmuddhārādhārarūpaka

हे महाविष्णु, ध्रुव के स्वामी, जगत् की उत्पत्ति के कारण! मत्स्यावतार में वेदों के उद्धार और आधार-स्वरूप —

श्लोक 5 (devibhagavatam.10.5.5)

सत्यव्रत धराधीश मत्स्यरूपाय ते नमः । जयाकूपार दैत्यारे सुरकार्यसमर्पक ॥

satyavrata dharādhīśa matsyarūpāya te namaḥ jayākūpāra daityāre surakāryasamarpaka

हे सत्यव्रत, पृथ्वी के स्वामी, मत्स्यरूप को नमस्कार! हे दैत्यारे, देवकार्य के संपादक, समुद्र-रूप विजयी —

श्लोक 6 (devibhagavatam.10.5.6)

अमृताप्तिकरेशान कूर्मरूपाय ते नमः । जयादिदैत्यनाशार्थमादिसूकररूपधृक् ॥

amṛtāptikareśāna kūrmarūpāya te namaḥ jayādidaityanāśārthamādisūkararūpadhṛk

हे अमृत-प्राप्ति कराने वाले ईशान, कूर्मरूप को नमस्कार! आदि दैत्य के नाश के लिए आदि सूकर-रूप धारण करने वाले की जय हो —

श्लोक 7 (devibhagavatam.10.5.7)

मह्युद्धारकृतोद्योगकोलरूपाय ते नमः । नारसिंहं वपुः कृत्वा महादैत्यं ददार यः ॥

mahyuddhārakṛtodyogakolarūpāya te namaḥ nārasiṁhaṁ vapuḥ kṛtvā mahādaityaṁ dadāra yaḥ

पृथ्वी के उद्धार में प्रयत्नशील शूकर-रूप को नमस्कार! जिन्होंने नृसिंह रूप धारण कर महान दैत्य को विदीर्ण किया —

श्लोक 8 (devibhagavatam.10.5.8)

करजैर्वरदृप्ताङ्गं तस्मै नृहरये नमः । वामनं रूपमास्थाय त्रैलोक्यैश्वर्यमोहितम् ॥

karajairvaradṛptāṅgaṁ tasmai nṛharaye namaḥ vāmanaṁ rūpamāsthāya trailokyaiśvaryamohitam

— अपने नखों से वरदान से गर्वित उसके शरीर को — उस नृसिंह को नमस्कार! वामन रूप धारण कर त्रिलोक के ऐश्वर्य से मोहित —

श्लोक 9 (devibhagavatam.10.5.9)

बलिं सञ्छलयामास तस्मै वामनरूपिणे । दुष्टक्षत्रविनाशाय सहस्रकरशत्रवे ॥

baliṁ sañchalayāmāsa tasmai vāmanarūpiṇe duṣṭakṣatravināśāya sahasrakaraśatrave

— बलि को छला, उस वामनरूप को नमस्कार! दुष्ट क्षत्रियों के नाश के लिए, सहस्रबाहु के शत्रु —

श्लोक 10 (devibhagavatam.10.5.10)

रेणुकागर्भजाताय जामदग्न्याय ते नमः । दुष्टराक्षसपौलस्त्यशिरश्छेदपटीयसे ॥

reṇukāgarbhajātāya jāmadagnyāya te namaḥ duṣṭarākṣasapaulastyaśiraśchedapaṭīyase

रेणुका के गर्भ से उत्पन्न, जमदग्नि-पुत्र परशुराम को नमस्कार! दुष्ट राक्षस पौलस्त्य (रावण) का सिर काटने में कुशल —

श्लोक 11 (devibhagavatam.10.5.11)

श्रीमद्दाशरथे तुभ्यं नमोऽनन्तक्रमाय च । कंसदुर्योधनाद्यैश्च दैत्यैः पृथ्वीशलाञ्छनैः ॥

śrīmaddāśarathe tubhyaṁ namo'nantakramāya ca kaṁsaduryodhanādyaiśca daityaiḥ pṛthvīśalāñchanaiḥ

हे दशरथ-नन्दन! आपको नमस्कार, हे अनंत पराक्रमी! कंस, दुर्योधन आदि पृथ्वी के लिए भार-स्वरूप दैत्यों से —

श्लोक 12 (devibhagavatam.10.5.12)

भाराक्रान्तां महीं योऽसावुज्जहार महाविभुः । धर्मं संस्थापयामास पापं कृत्वा सुदूरतः ॥

bhārākrāntāṁ mahīṁ yo'sāvujjahāra mahāvibhuḥ dharmaṁ saṁsthāpayāmāsa pāpaṁ kṛtvā sudūrataḥ

— दबी हुई पृथ्वी का, जिसे आप महाप्रभु ने उद्धार किया; और पाप को सुदूर कर धर्म की स्थापना की —

श्लोक 13 (devibhagavatam.10.5.13)

तस्मै कृष्णाय देवाय नमोऽस्तु बहुधा विभो । दुष्टयज्ञविघाताय पशुहिंसानिवृत्तये ॥

tasmai kṛṣṇāya devāya namo'stu bahudhā vibho duṣṭayajñavighātāya paśuhiṁsānivṛttaye

उन कृष्ण देव को अनेक प्रकार से नमस्कार हो, हे विभो! दुष्ट यज्ञों के विनाश और पशु-हिंसा को रोकने के लिए —

श्लोक 14 (devibhagavatam.10.5.14)

बौद्धरूपं दधौ योऽसौ तस्मै देवाय ते नमः । म्लेच्छप्रायेऽखिले लोके दुष्टराजन्यपीडिते ॥

bauddharūpaṁ dadhau yo'sau tasmai devāya te namaḥ mlecchaprāye'khile loke duṣṭarājanyapīḍite

जिन्होंने बुद्ध रूप धारण किया, उन देव को नमस्कार! जब सारा संसार प्रायः म्लेच्छ-सदृश और दुष्ट राजाओं से पीड़ित हो जाएगा —

श्लोक 15 (devibhagavatam.10.5.15)

कल्किरूपं समादध्यौ देवदेवाय ते नमः । दशावतारास्ते देव भक्तानां रक्षणाय वै ॥

kalkirūpaṁ samādadhyau devadevāya te namaḥ daśāvatārāste deva bhaktānāṁ rakṣaṇāya vai

— तब आप कल्कि रूप धारण करेंगे, हे देवाधिदेव! आपको नमस्कार। हे देव! ये दस अवतार भक्तों की रक्षा के लिए ही हैं —

श्लोक 16 (devibhagavatam.10.5.16)

दुष्टदैत्यविघाताय तस्मात्त्वं सर्वदुःखहृत् । जय भक्तार्तिनाशाय धृतं नारीजलात्मसु ॥

duṣṭadaityavighātāya tasmāttvaṁ sarvaduḥkhahṛt jaya bhaktārtināśāya dhṛtaṁ nārījalātmasu

— दुष्ट दैत्यों के विनाश के लिए, इसीलिए आप ही समस्त दुःखों को हरने वाले हैं। भक्तों की पीड़ा नष्ट करने वाले, नारी और जल दोनों में धारण किए गए रूपों वाले आपकी जय हो —

श्लोक 17 (devibhagavatam.10.5.17)

रूपं येन त्वया देव कोऽन्यस्त्वत्तो दयानिधिः । इत्येवं देवदेवेशं स्तुत्वा श्रीपीतवाससम् ॥

rūpaṁ yena tvayā deva ko'nyastvatto dayānidhiḥ ityevaṁ devadeveśaṁ stutvā śrīpītavāsasam

हे देव! उस रूप से आपसे बढ़कर दयासागर और कौन है? इस प्रकार पीतवस्त्रधारी देवाधिदेव की स्तुति कर —

श्लोक 18 (devibhagavatam.10.5.18)

प्रणेमुर्भक्तिसहिताः साष्टाङ्गं विबुधर्षभाः । तेषां स्तवं समाकर्ण्य देवः श्रीपुरुषोत्तमः ॥

praṇemurbhaktisahitāḥ sāṣṭāṅgaṁ vibudharṣabhāḥ teṣāṁ stavaṁ samākarṇya devaḥ śrīpuruṣottamaḥ

— उन श्रेष्ठ देवताओं ने भक्तिपूर्वक साष्टांग प्रणाम किया। उनकी स्तुति सुनकर श्री पुरुषोत्तम देव —

श्लोक 19 (devibhagavatam.10.5.19)

उवाच विबुधान्सर्वान् हर्षयच्छ्रीगदाधरः । श्रीभगवानुवाच । प्रसन्नोऽस्मि स्तवेनाहं देवास्तापं विमुञ्चथ ॥

uvāca vibudhānsarvān harṣayacchrīgadādharaḥ śrībhagavānuvāca prasanno'smi stavenāhaṁ devāstāpaṁ vimuñcatha

— सब देवताओं को प्रसन्न करते हुए बोले, श्री गदाधर। श्री भगवान ने कहा — हे देवो! मैं इस स्तोत्र से प्रसन्न हूँ, अपना संताप त्याग दो।

श्लोक 20 (devibhagavatam.10.5.20)

भवतां नाशयिष्यामि दुःखं परमदुःसहम् । वृणुध्वं च वरं मत्तो देवाः परमदुर्लभम् ॥

bhavatāṁ nāśayiṣyāmi duḥkhaṁ paramaduḥsaham vṛṇudhvaṁ ca varaṁ matto devāḥ paramadurlabham

मैं तुम्हारे उस अत्यंत असह्य दुःख का नाश करूँगा। हे देवो! मुझसे कोई परम दुर्लभ वर माँगो —

श्लोक 21 (devibhagavatam.10.5.21)

ददामि परमप्रीतः स्तवस्यास्य प्रसादतः । य एतत्पठते स्तोत्रं कल्य उत्थाय मानवः ॥

dadāmi paramaprītaḥ stavasyāsya prasādataḥ ya etatpaṭhate stotraṁ kalya utthāya mānavaḥ

— इस स्तोत्र के प्रसाद से अत्यंत प्रसन्न होकर मैं वह देता हूँ। जो मनुष्य प्रातःकाल उठकर इस स्तोत्र को पढ़ता है —

श्लोक 22 (devibhagavatam.10.5.22)

मयि भक्तिं परां कृत्वा न तं शोकः स्पृशेत्कदा । अलक्ष्मीः कालकर्णी च नाक्रामेत्तद्गृहं सुराः ॥

mayi bhaktiṁ parāṁ kṛtvā na taṁ śokaḥ spṛśetkadā alakṣmīḥ kālakarṇī ca nākrāmettadgṛhaṁ surāḥ

— मुझमें परम भक्ति रखकर, उसे शोक कभी स्पर्श नहीं करेगा। अलक्ष्मी और अशुभ कालकर्णी, हे देवो! उसके घर में प्रवेश नहीं करेंगी।

श्लोक 23 (devibhagavatam.10.5.23)

नोपसर्गा न वेताला न ग्रहा ब्रह्मराक्षसाः । न रोगा वातिकाः पैत्ताः श्लेष्मसम्भविनस्तथा ॥

nopasargā na vetālā na grahā brahmarākṣasāḥ na rogā vātikāḥ paittāḥ śleṣmasambhavinastathā

न उपसर्ग, न वेताल, न ग्रह, न ब्रह्मराक्षस; न वात, पित्त अथवा कफ से उत्पन्न रोग ही उसे स्पर्श करेंगे —

श्लोक 24 (devibhagavatam.10.5.24)

नाकालमरणं तस्य कदापि च भविष्यति । सन्ततिश्चिरकालस्था भोगाः सर्वे सुखादयः ॥

nākālamaraṇaṁ tasya kadāpi ca bhaviṣyati santatiścirakālasthā bhogāḥ sarve sukhādayaḥ

— उसकी अकाल मृत्यु कभी नहीं होगी। उसकी संतान चिरकाल तक स्थिर रहेगी, और समस्त भोग तथा सुख आदि —

श्लोक 25 (devibhagavatam.10.5.25)

सम्भविष्यन्ति तन्मर्त्यगृहे यः स्तोत्रपाठकः । किं पुनर्बहुनोक्तेन स्तोत्रं सर्वार्थसाधकम् ॥

sambhaviṣyanti tanmartyagṛhe yaḥ stotrapāṭhakaḥ kiṁ punarbahunoktena stotraṁ sarvārthasādhakam

— उस स्तोत्रपाठक मनुष्य के घर में प्राप्त होंगे। अधिक कहने से क्या लाभ? यह स्तोत्र समस्त कार्यों को सिद्ध करने वाला है।

श्लोक 26 (devibhagavatam.10.5.26)

एतस्य पठनानॄणां भुक्तिमुक्ती न दूरतः । देवा भवत्सु यद्दुःखं कथ्यतां तदसंशयम् ॥

etasya paṭhanānṝṇāṁ bhuktimuktī na dūrataḥ devā bhavatsu yadduḥkhaṁ kathyatāṁ tadasaṁśayam

इसे पढ़ने वाले मनुष्यों के लिए भोग और मोक्ष दूर नहीं हैं। हे देवो! तुम पर जो भी दुःख है, वह निःसंदेह मुझसे कहो —

श्लोक 27 (devibhagavatam.10.5.27)

नाशयामि न सन्देहश्चात्र कार्योऽणुरेव च । एवं श्रीभगवद्वाक्यं श्रुत्वा सर्वे दिवौकसः । प्रसन्नमनसः सर्वे पुनरूचुर्वृषाकपिम् ॥

nāśayāmi na sandehaścātra kāryo'ṇureva ca evaṁ śrībhagavadvākyaṁ śrutvā sarve divaukasaḥ prasannamanasaḥ sarve punarūcurvṛṣākapim

— मैं उसे नष्ट करूँगा, इसमें तनिक भी संदेह न किया जाए।' इस प्रकार श्री भगवान के वचन सुनकर सब देवगण प्रसन्न मन से पुनः उस वृषाकपि (विष्णु) से बोले।