विंध्य की वृद्धि का अवरोध

श्लोक 1 (devibhagavatam.10.7.1)

सूत उवाच । इति वाक्यं समाकर्ण्य विबुधानां द्विजोत्तमः । करिष्ये कार्यमेतद्वः प्रत्युवाच ततो मुनिः ॥

sūta uvāca iti vākyaṁ samākarṇya vibudhānāṁ dvijottamaḥ kariṣye kāryametadvaḥ pratyuvāca tato muniḥ

सूत ने कहा — देवताओं के इन वचनों को सुनकर, वह श्रेष्ठ द्विज मुनि बोले — 'मैं तुम्हारा यह कार्य अवश्य करूँगा।'

श्लोक 2 (devibhagavatam.10.7.2)

अङ्गीकृते तदा कार्ये मुनिना कुम्भजन्मना । देवाः प्रमुदिताः सर्वे बभूबुर्द्विजसत्तमाः ॥

aṅgīkṛte tadā kārye muninā kumbhajanmanā devāḥ pramuditāḥ sarve babhūburdvijasattamāḥ

जब कुम्भजन्मा मुनि द्वारा कार्य स्वीकार कर लिया गया, तब वे सभी श्रेष्ठ द्विज देवगण अत्यंत हर्षित हुए।

श्लोक 3 (devibhagavatam.10.7.3)

ते देवाः स्वानि धिष्ण्यानि भेजिरे मुनिवाक्यतः । पत्नीं मुनिवरः श्रीमानुवाच नृपकन्यकाम् ॥

te devāḥ svāni dhiṣṇyāni bhejire munivākyataḥ patnīṁ munivaraḥ śrīmānuvāca nṛpakanyakām

वे देवगण मुनि के वचन से अपने-अपने स्थानों को लौट गए। तब श्रीमान श्रेष्ठ मुनि ने राजकन्या अपनी पत्नी से कहा।

श्लोक 4 (devibhagavatam.10.7.4)

अये नृपसुते प्राप्तो विघ्नोऽनर्थस्य कारकः । भानुमार्गनिरोधेन कृतो विन्ध्यमहीभृता ॥

aye nṛpasute prāpto vighno'narthasya kārakaḥ bhānumārganirodhena kṛto vindhyamahībhṛtā

'हे राजकन्या! अनर्थ करने वाला एक विघ्न आ पड़ा है। विंध्य पर्वत ने सूर्य के मार्ग को रोक दिया है।

श्लोक 5 (devibhagavatam.10.7.5)

आज्ञातं कारणं तच्च स्मृतं वाक्यं पुरातनम् । काशीमुद्दिश्य यद्गीतं मुनिभिस्तत्त्वदर्शिभिः ॥

ājñātaṁ kāraṇaṁ tacca smṛtaṁ vākyaṁ purātanam kāśīmuddiśya yadgītaṁ munibhistattvadarśibhiḥ

इसका कारण अब मुझे ज्ञात हो गया, और मुझे तत्त्वदर्शी मुनियों का काशी के विषय में कहा गया वह पुरातन वचन स्मरण हो आया —

श्लोक 6 (devibhagavatam.10.7.6)

अविमुक्तं न मोक्तव्यं सर्वथैव मुमुक्षुभिः । किन्तु विघ्ना भविष्यन्ति काश्यां निवसतां सताम् ॥

avimuktaṁ na moktavyaṁ sarvathaiva mumukṣubhiḥ kintu vighnā bhaviṣyanti kāśyāṁ nivasatāṁ satām

— कि मोक्षार्थियों को किसी भी दशा में अविमुक्त क्षेत्र (काशी) को नहीं छोड़ना चाहिए। किंतु काशी में निवास करने वाले सज्जनों पर विघ्न अवश्य आएँगे —

श्लोक 7 (devibhagavatam.10.7.7)

सोऽन्तरायो मया प्राप्तः काश्यां निवसता प्रिये । इत्येवमुक्त्वा भार्यां तां मुनिः परमतापनः ॥

so'ntarāyo mayā prāptaḥ kāśyāṁ nivasatā priye ityevamuktvā bhāryāṁ tāṁ muniḥ paramatāpanaḥ

— हे प्रिये! काशी में निवास करते हुए मुझ पर वही विघ्न आ पड़ा है।' अपनी पत्नी से यह कहकर वह परम तपस्वी मुनि —

श्लोक 8 (devibhagavatam.10.7.8)

मणिकर्ण्यां समाप्लुत्य दृष्ट्वा विश्वेश्वरं विभुम् । दण्डपाणिं समभ्यर्च्य कालराजं समागतः ॥

maṇikarṇyāṁ samāplutya dṛṣṭvā viśveśvaraṁ vibhum daṇḍapāṇiṁ samabhyarcya kālarājaṁ samāgataḥ

— मणिकर्णिका में स्नान कर, विभु विश्वेश्वर के दर्शन कर, दण्डपाणि काल-राज की पूजा कर, उनके समीप आया।

श्लोक 9 (devibhagavatam.10.7.9)

कालराज महाबाहो भक्तानां भयहारक । कथं दूरयसे पुर्याः काशीपुर्यास्त्वमीश्वरः ॥

kālarāja mahābāho bhaktānāṁ bhayahāraka kathaṁ dūrayase puryāḥ kāśīpuryāstvamīśvaraḥ

'हे कालराज, महाबाहो, भक्तों के भय को हरने वाले! आप काशीपुरी के स्वामी होकर मुझे नगरी से दूर क्यों करते हैं?

श्लोक 10 (devibhagavatam.10.7.10)

त्वं काशीवासविघ्नानां नाशको भक्तरक्षकः । मां किं दूरयसे स्वामिन् भक्तार्तिविनिवारक ॥

tvaṁ kāśīvāsavighnānāṁ nāśako bhaktarakṣakaḥ māṁ kiṁ dūrayase svāmin bhaktārtivinivāraka

आप काशी-वास के विघ्नों के नाशक और भक्तों के रक्षक हैं। हे स्वामी, भक्तों की पीड़ा हरने वाले! मुझे क्यों दूर करते हैं?

श्लोक 11 (devibhagavatam.10.7.11)

परापवादो नोक्तो मे न पैशुन्यं न चानृतम् । केन कर्मविपाकेन काश्या दूरं करोषि माम् ॥

parāpavādo nokto me na paiśunyaṁ na cānṛtam kena karmavipākena kāśyā dūraṁ karoṣi mām

मैंने न किसी की निंदा की, न चुगली की, न असत्य बोला। किस कर्म के फल से आप मुझे काशी से दूर कर रहे हैं?

श्लोक 12 (devibhagavatam.10.7.12)

एवं प्रार्थ्य च तं कालनाथं कुम्भोद्भवो मुनिः । जगाम साक्षिविघ्नेशं सर्वविघ्ननिवारणम् ॥

evaṁ prārthya ca taṁ kālanāthaṁ kumbhodbhavo muniḥ jagāma sākṣivighneśaṁ sarvavighnanivāraṇam

इस प्रकार उस कालनाथ से प्रार्थना कर, कुम्भोद्भव मुनि सभी विघ्नों को दूर करने वाले साक्षी-विघ्नेश के पास गए।

श्लोक 13 (devibhagavatam.10.7.13)

तं दृष्ट्वाभ्यर्च्य सम्प्रार्थ्य ततः पुर्या विनिर्गतः । लोपामुद्रापतिः श्रीमानगस्त्यो दक्षिणां दिशम् ॥

taṁ dṛṣṭvābhyarcya samprārthya tataḥ puryā vinirgataḥ lopāmudrāpatiḥ śrīmānagastyo dakṣiṇāṁ diśam

उनका दर्शन कर, पूजन कर, प्रार्थना कर, वे नगरी से बाहर निकल पड़े — श्रीमान लोपामुद्रा-पति अगस्त्य, दक्षिण दिशा की ओर।

श्लोक 14 (devibhagavatam.10.7.14)

काशीविरहसन्तप्तो महाभाग्यनिधिर्मुनिः । संस्मृत्यानुक्षणं काशीं जगाम सह भार्यया ॥

kāśīvirahasantapto mahābhāgyanidhirmuniḥ saṁsmṛtyānukṣaṇaṁ kāśīṁ jagāma saha bhāryayā

काशी के वियोग से संतप्त, महाभाग्य के निधि वे मुनि, प्रतिक्षण काशी का स्मरण करते हुए, अपनी पत्नी सहित चल पड़े।

श्लोक 15 (devibhagavatam.10.7.15)

तपोयानमिवारुह्य निमिषार्धेन वै मुनिः । अग्रे ददर्श तं विन्ध्यं रुद्धाम्बरमथोन्नतम् ॥

tapoyānamivāruhya nimiṣārdhena vai muniḥ agre dadarśa taṁ vindhyaṁ ruddhāmbaramathonnatam

मानो अपनी तपस्या के रथ पर आरूढ़ होकर, आधे पल में ही मुनि ने आगे उस विंध्य को देखा, जिसने आकाश को ऊँचा उठकर रोक रखा था।

श्लोक 16 (devibhagavatam.10.7.16)

चकम्पे चाचलस्तूर्णं दृष्ट्वैवाग्रे स्थितं मुनिम् । गिरिः खर्वतरो भूत्वा विवक्षुरवनीमिव ॥

cakampe cācalastūrṇaṁ dṛṣṭvaivāgre sthitaṁ munim giriḥ kharvataro bhūtvā vivakṣuravanīmiva

मुनि को सामने खड़ा देखते ही वह पर्वत तुरंत काँप उठा, और मानो पृथ्वी में समा जाना चाहता हुआ, नीचा हो गया।

श्लोक 17 (devibhagavatam.10.7.17)

दण्डवत्पतितो भूमौ साष्टाङ्गं भक्तिभावितः । तं दृष्ट्वा नम्रशिखरं विन्ध्यं नाम महागिरिम् ॥

daṇḍavatpatito bhūmau sāṣṭāṅgaṁ bhaktibhāvitaḥ taṁ dṛṣṭvā namraśikharaṁ vindhyaṁ nāma mahāgirim

भक्ति से भावित होकर वह साष्टांग दण्डवत भूमि पर गिर पड़ा। उस नमित शिखर वाले विंध्य नामक महापर्वत को देखकर —

श्लोक 18 (devibhagavatam.10.7.18)

प्रसन्नवदनोऽगस्त्यो मुनिर्विन्ध्यमथाब्रवीत् । वत्सैवं तिष्ठ तावत्त्वं यावदागम्यते मया ॥

prasannavadano'gastyo munirvindhyamathābravīt vatsaivaṁ tiṣṭha tāvattvaṁ yāvadāgamyate mayā

— प्रसन्न मुखमुद्रा वाले अगस्त्य मुनि ने विंध्य से कहा — 'हे वत्स! तुम तब तक ऐसे ही स्थिर रहो, जब तक मैं लौटकर न आऊँ।

श्लोक 19 (devibhagavatam.10.7.19)

अशक्तोऽहं गण्डशैलारोहणे तव पुत्रक । एवमुक्त्वा मुनिर्याम्यदिशं प्रति गमोत्सुकः ॥

aśakto'haṁ gaṇḍaśailārohaṇe tava putraka evamuktvā muniryāmyadiśaṁ prati gamotsukaḥ

हे पुत्रक! मैं इस विशाल शैल को फिर से पार करने में असमर्थ हूँ।' यह कहकर मुनि दक्षिण दिशा की ओर जाने के लिए उत्सुक होकर —

श्लोक 20 (devibhagavatam.10.7.20)

आरुह्य तस्य शिखराण्यवारुहदनुक्रमात् । गतो याम्यदिशं चापि श्रीशैलं प्रेक्ष्य वर्त्मनि ॥

āruhya tasya śikharāṇyavāruhadanukramāt gato yāmyadiśaṁ cāpi śrīśailaṁ prekṣya vartmani

— उसके शिखरों पर चढ़कर क्रमशः उतरते हुए, दक्षिण दिशा की ओर चले गए, और मार्ग में श्रीशैल को देखते हुए —

श्लोक 21 (devibhagavatam.10.7.21)

मलयाचलमासाद्य तत्राश्रमपरोऽभवत् । सापि देवी तत्र विन्ध्यमागता मनुपूजिता ॥

malayācalamāsādya tatrāśramaparo'bhavat sāpi devī tatra vindhyamāgatā manupūjitā

— मलय पर्वत पर पहुँचकर वहीं वे आश्रम में रत हो गए। और मनु द्वारा पूजित वह देवी भी वहाँ विंध्य पर आ गईं।

श्लोक 22 (devibhagavatam.10.7.22)

लोकेषु प्रथिता विन्ध्यवासिनीति च शौनक । सूत उवाच । एतच्चरित्रं परमं शत्रुनाशनमुत्तमम् ॥

lokeṣu prathitā vindhyavāsinīti ca śaunaka sūta uvāca etaccaritraṁ paramaṁ śatrunāśanamuttamam

— और हे शौनक! वे लोकों में विंध्यवासिनी के नाम से प्रसिद्ध हुईं। सूत ने कहा — यह परम, शत्रुनाशक, उत्तम चरित्र —

श्लोक 23 (devibhagavatam.10.7.23)

अगस्त्यविन्ध्यनगयोराख्यानं पापनाशनम् । राज्ञां विजयदं तच्च द्विजानां ज्ञानवर्धनम् ॥

agastyavindhyanagayorākhyānaṁ pāpanāśanam rājñāṁ vijayadaṁ tacca dvijānāṁ jñānavardhanam

— अगस्त्य और विंध्य पर्वत का यह आख्यान पाप का नाश करने वाला है, राजाओं को विजय देने वाला और द्विजों के ज्ञान को बढ़ाने वाला है —

श्लोक 24 (devibhagavatam.10.7.24)

वैश्यानां धान्यधनदं शूद्राणां सुखदं तथा । धर्मार्थी धर्ममाप्नोति धनार्थी धनमाप्नुयात् ॥

vaiśyānāṁ dhānyadhanadaṁ śūdrāṇāṁ sukhadaṁ tathā dharmārthī dharmamāpnoti dhanārthī dhanamāpnuyāt

— वैश्यों को धन-धान्य और शूद्रों को सुख देने वाला है। धर्मार्थी धर्म को, धनार्थी धन को प्राप्त करता है —

श्लोक 25 (devibhagavatam.10.7.25)

कामानवाप्नुयात्कामी भक्त्या चास्य सकृच्छ्रवात् । एवं स्वायम्भुवमनुर्देवीमाराध्य भक्तितः ॥

kāmānavāpnuyātkāmī bhaktyā cāsya sakṛcchravāt evaṁ svāyambhuvamanurdevīmārādhya bhaktitaḥ

— कामनाशील भक्तिपूर्वक इसे एक बार सुनकर भी अपनी कामनाओं को प्राप्त करता है। इस प्रकार स्वायम्भुव मनु ने भक्तिपूर्वक देवी की आराधना करके —

श्लोक 26 (devibhagavatam.10.7.26)

लेभे राज्यं धरायाश्च निजमन्वन्तराश्रयम् । इत्येतद्वर्णितं सौम्य मया मन्वन्तराश्रितम् । आद्यं चरित्रं श्रीदेव्याः किं पुनः कथयामि ते ॥

lebhe rājyaṁ dharāyāśca nijamanvantarāśrayam ityetadvarṇitaṁ saumya mayā manvantarāśritam ādyaṁ caritraṁ śrīdevyāḥ kiṁ punaḥ kathayāmi te

— पृथ्वी का राज्य प्राप्त किया, जो उसके अपने मन्वंतर का आश्रय था। हे सौम्य! इस प्रकार मैंने तुम्हें मन्वंतराश्रित श्री देवी का यह आदि चरित्र सुनाया — अब और क्या कहूँ?