त्रिपुण्ड्र-ऊर्ध्वपुण्ड्र-धारणविधि

श्लोक 1 (devibhagavatam.11.15.1)

श्रीनारायण उवाच । अग्निरित्यादिभिर्मन्त्रैर्भस्म संशोध्य सादरम् । धारणीयं ललाटादौ त्रिपुण्ड्रं केवलं द्विजैः ॥

śrīnārāyaṇa uvāca agnirityādibhirmantrairbhasma saṁśodhya sādaram dhāraṇīyaṁ lalāṭādau tripuṇḍraṁ kevalaṁ dvijaiḥ

श्री नारायण ने कहा — "अग्नि" इत्यादि मंत्रों से भस्म को श्रद्धापूर्वक शुद्ध करके, केवल द्विजों द्वारा ही ललाट आदि पर त्रिपुण्ड्र धारण करना चाहिए।

श्लोक 2 (devibhagavatam.11.15.2)

ब्रह्मक्षत्रियवैश्याश्च एते सर्वे द्विजाः स्मृताः । तस्माद्द्विजैः प्रयत्नेन त्रिपुण्ड्रं धार्यमन्वहम् ॥

brahmakṣatriyavaiśyāśca ete sarve dvijāḥ smṛtāḥ tasmāddvijaiḥ prayatnena tripuṇḍraṁ dhāryamanvaham

ब्राह्मण, क्षत्रिय और वैश्य — ये सभी द्विज कहलाते हैं; अतः द्विजों को प्रतिदिन यत्नपूर्वक त्रिपुण्ड्र धारण करना चाहिए।

श्लोक 3 (devibhagavatam.11.15.3)

यस्योपनयनं ब्रह्मन् स एव द्विज उच्यते । तस्माच्छ्रौतं द्विजैः कार्यं त्रिपुण्ड्रस्य च धारणम् ॥

yasyopanayanaṁ brahman sa eva dvija ucyate tasmācchrautaṁ dvijaiḥ kāryaṁ tripuṇḍrasya ca dhāraṇam

हे ब्रह्मन्! जिसका उपनयन हुआ है, वही द्विज कहलाता है; अतः द्विजों को श्रुति-सम्मत त्रिपुण्ड्र-धारण करना चाहिए।

श्लोक 4 (devibhagavatam.11.15.4)

विभूतिधारणं त्यक्त्वा यः सत्कर्म समाचरेत् । तत्कृतं चाकृतप्रायं भवत्येव न संशयः ॥

vibhūtidhāraṇaṁ tyaktvā yaḥ satkarma samācaret tatkṛtaṁ cākṛtaprāyaṁ bhavatyeva na saṁśayaḥ

जो व्यक्ति विभूति-धारण त्यागकर सत्कर्म करता है, वह किया हुआ कर्म भी लगभग अकिया हुआ ही हो जाता है, इसमें संशय नहीं।

श्लोक 5 (devibhagavatam.11.15.5)

न गायत्र्युपदेशोऽपि भस्मनो धारणं विना । ततो धृत्वैव भस्माङ्गे गायत्रीजपमाचरेत् ॥

na gāyatryupadeśo'pi bhasmano dhāraṇaṁ vinā tato dhṛtvaiva bhasmāṅge gāyatrījapamācaret

भस्म धारण किए बिना गायत्री का उपदेश भी नहीं होता; अतः शरीर पर भस्म धारण करके ही गायत्री-जप करना चाहिए।

श्लोक 6 (devibhagavatam.11.15.6)

गायत्रीं मूलमेवाहुर्ब्राह्मण्ये मुनिपुङ्गव । सा भस्मधारणाभावे न केनाप्युपदिश्यते ॥

gāyatrīṁ mūlamevāhurbrāhmaṇye munipuṅgava sā bhasmadhāraṇābhāve na kenāpyupadiśyate

हे मुनिश्रेष्ठ! गायत्री को ही ब्राह्मणत्व का मूल कहा गया है; भस्म-धारण के अभाव में वह किसी को भी नहीं दी जाती।

श्लोक 7 (devibhagavatam.11.15.7)

न तावदधिकारोऽस्ति गायत्रीग्रहणे मुने । यावन्न भस्म भालादौ धृतमग्निसमुद्भवम् ॥

na tāvadadhikāro'sti gāyatrīgrahaṇe mune yāvanna bhasma bhālādau dhṛtamagnisamudbhavam

हे मुने! जब तक अग्नि से उत्पन्न भस्म ललाट आदि पर धारण न की जाए, तब तक गायत्री ग्रहण का अधिकार ही नहीं होता।

श्लोक 8 (devibhagavatam.11.15.8)

भस्महीनललाटत्वं न ब्रह्मण्यानुमापकम् । एवमेव मया ब्रह्मन् हेतुरुक्तः सुपुण्यदः ॥

bhasmahīnalalāṭatvaṁ na brahmaṇyānumāpakam evameva mayā brahman heturuktaḥ supuṇyadaḥ

भस्म-रहित ललाट ब्राह्मणत्व का प्रमाण नहीं है। हे ब्रह्मन्! इस प्रकार मैंने अत्यंत पुण्यदायी कारण बताया है।

श्लोक 9 (devibhagavatam.11.15.9)

मन्त्रपूतं सितं भस्म ललाटे परिवर्तते । स एव ब्राह्मणो विद्वान्सत्यं सत्यं मयोच्यते ॥

mantrapūtaṁ sitaṁ bhasma lalāṭe parivartate sa eva brāhmaṇo vidvānsatyaṁ satyaṁ mayocyate

ललाट पर मंत्र से पवित्र किया गया श्वेत भस्म शोभा पाता है — वही विद्वान ब्राह्मण है, यह मैं सत्य, अत्यंत सत्य कहता हूँ।

श्लोक 10 (devibhagavatam.11.15.10)

यस्यास्ति सहजा प्रीतिर्मणिवद्भस्मसङ्ग्रहे । स एव ब्राह्मणो ब्रह्मन् सत्यं सत्यं मयोच्यते ॥

yasyāsti sahajā prītirmaṇivadbhasmasaṅgrahe sa eva brāhmaṇo brahman satyaṁ satyaṁ mayocyate

हे ब्रह्मन्! जिसे भस्म एकत्र करने में मणि के समान सहज प्रेम है, वही ब्राह्मण है — यह मैं सत्य, अत्यंत सत्य कहता हूँ।

श्लोक 11 (devibhagavatam.11.15.11)

न यस्य सहजा प्रीतिर्मणिवद्भस्मसङ्ग्रहे । स चाण्डाल इति ज्ञेयो जन्मजन्मान्तरे ध्रुवम् ॥

na yasya sahajā prītirmaṇivadbhasmasaṅgrahe sa cāṇḍāla iti jñeyo janmajanmāntare dhruvam

जिसे भस्म एकत्र करने में मणि के समान सहज प्रेम नहीं है, वह जन्म-जन्मान्तर में निश्चय ही चाण्डाल जानना चाहिए।

श्लोक 12 (devibhagavatam.11.15.12)

न यस्य सहजा प्रीतिस्त्रिपुण्ड्रोद्धूलनादिषु । स चाण्डाल इति ज्ञेयः सत्यं सत्यं मयोच्यते ॥

na yasya sahajā prītistripuṇḍroddhūlanādiṣu sa cāṇḍāla iti jñeyaḥ satyaṁ satyaṁ mayocyate

जिसे त्रिपुण्ड्र-उद्धूलन आदि में सहज प्रेम नहीं है, वह चाण्डाल जानना चाहिए — यह मैं सत्य, अत्यंत सत्य कहता हूँ।

श्लोक 13 (devibhagavatam.11.15.13)

ये भस्मधारणं त्यक्त्वा भुञ्जन्ते च फलादिकम् । ते सर्वे नरकं घोरं प्राप्नुवन्ति न संशयः ॥

ye bhasmadhāraṇaṁ tyaktvā bhuñjante ca phalādikam te sarve narakaṁ ghoraṁ prāpnuvanti na saṁśayaḥ

जो भस्म-धारण त्यागकर फल आदि का भोग करते हैं, वे सभी घोर नरक को प्राप्त होते हैं, इसमें संशय नहीं।

श्लोक 14 (devibhagavatam.11.15.14)

(विभूतिधारणं त्यक्त्वा यः शिवं पूजयिष्यति । स दुर्भगः शिवद्वेष्टा स द्वेषो नरकप्रदः । सर्वकर्मबहिर्भूतो भस्मधारणवर्जितः ॥) विभूतिधारणं त्यक्त्वा कुर्वन् हेमतुलामपि । न तत्फलमवाप्नोति पतितो हि भवेद्धि सः ॥

(vibhūtidhāraṇaṁ tyaktvā yaḥ śivaṁ pūjayiṣyati sa durbhagaḥ śivadveṣṭā sa dveṣo narakapradaḥ sarvakarmabahirbhūto bhasmadhāraṇavarjitaḥ ) vibhūtidhāraṇaṁ tyaktvā kurvan hematulāmapi na tatphalamavāpnoti patito hi bhaveddhi saḥ

(जो विभूति-धारण त्यागकर शिव की पूजा करेगा, वह अभागा और शिव-द्वेषी है; वह द्वेष ही नरक देने वाला है। भस्म-धारण से रहित व्यक्ति समस्त कर्मों से बहिष्कृत है।) विभूति-धारण त्यागकर स्वर्ण के तुल्य दान करने पर भी उसका फल प्राप्त नहीं होता — वह निश्चय ही पतित हो जाता है।

श्लोक 15 (devibhagavatam.11.15.15)

यथोपवीतरहितैः सन्ध्या न क्रियते द्विजैः । तथा सन्ध्या न कर्तव्या विभूतिरहितैरपि ॥

yathopavītarahitaiḥ sandhyā na kriyate dvijaiḥ tathā sandhyā na kartavyā vibhūtirahitairapi

जैसे यज्ञोपवीत-रहित द्विज संध्या नहीं करते, वैसे ही विभूति-रहित लोगों को भी संध्या नहीं करनी चाहिए।

श्लोक 16 (devibhagavatam.11.15.16)

गतोपवीतैः सन्ध्यायां कार्यः प्रतिनिधिः क्वचित् । जपादिकं तु सावित्र्यास्तथैवोपोषणादिकम् ॥

gatopavītaiḥ sandhyāyāṁ kāryaḥ pratinidhiḥ kvacit japādikaṁ tu sāvitryāstathaivopoṣaṇādikam

यज्ञोपवीत खो जाने पर संध्या में कभी-कभी प्रतिनिधि रखा जा सकता है, तथा सावित्री-जप और उपवास आदि में भी।

श्लोक 17 (devibhagavatam.11.15.17)

विभूतिधारणे त्वन्यो नास्ति प्रतिनिधिः क्वचित् । विभूतिधारणं त्यक्त्वा यदि सन्ध्यां करोति यः ॥

vibhūtidhāraṇe tvanyo nāsti pratinidhiḥ kvacit vibhūtidhāraṇaṁ tyaktvā yadi sandhyāṁ karoti yaḥ

किन्तु विभूति-धारण में कोई प्रतिनिधि कभी नहीं होता। यदि कोई विभूति-धारण त्यागकर संध्या करता है,

श्लोक 18 (devibhagavatam.11.15.18)

प्रत्यवैत्येव येनासौ नाधिकारी तदा द्विजः । यथा श्रुत्वान्त्यजो वेदान्प्रत्यवैति तथा द्विजः ॥

pratyavaityeva yenāsau nādhikārī tadā dvijaḥ yathā śrutvāntyajo vedānpratyavaiti tathā dvijaḥ

तो वह प्रत्यवाय (दोष) का भागी होता है, क्योंकि तब वह द्विज अधिकारी नहीं रहता — जैसे वेद सुनकर अन्त्यज दोष का भागी होता है, वैसे ही वह द्विज भी।

श्लोक 19 (devibhagavatam.11.15.19)

प्रत्यवैति न सन्देहः सन्ध्याकृद्भस्मवर्जितः । सम्पादनीय यत्नेन श्रौतं भस्म सदा द्विजैः ॥

pratyavaiti na sandehaḥ sandhyākṛdbhasmavarjitaḥ sampādanīya yatnena śrautaṁ bhasma sadā dvijaiḥ

भस्म-रहित संध्या करने वाला निश्चय ही प्रत्यवाय का भागी होता है। द्विजों को सदा श्रुति-सम्मत भस्म यत्नपूर्वक प्राप्त करना चाहिए,

श्लोक 20 (devibhagavatam.11.15.20)

स्मार्तं वा तदभावे तु लौकिकं वा समाहितैः । यादृशं तादृशं वास्तु पवित्रं भस्म सन्ततम् ॥

smārtaṁ vā tadabhāve tu laukikaṁ vā samāhitaiḥ yādṛśaṁ tādṛśaṁ vāstu pavitraṁ bhasma santatam

अथवा उसके अभाव में स्मृति-सम्मत, अथवा सावधानी से साधारण भस्म ही — जैसा भी उपलब्ध हो, वैसा पवित्र भस्म निरन्तर,

श्लोक 21 (devibhagavatam.11.15.21)

धारणीयं प्रयत्नेन द्विजैः सन्ध्यादिकर्मसु । न संविशन्ति पापानि भस्मनिष्ठे ततः सदा ॥

dhāraṇīyaṁ prayatnena dvijaiḥ sandhyādikarmasu na saṁviśanti pāpāni bhasmaniṣṭhe tataḥ sadā

द्विजों को संध्या आदि कर्मों में यत्नपूर्वक धारण करना चाहिए; इससे भस्मनिष्ठ व्यक्ति में पाप कभी प्रवेश नहीं करते।

श्लोक 22 (devibhagavatam.11.15.22)

कर्तव्यमपि यत्नेन ब्राह्मणैर्भस्मधारणम् । मध्याङ्गुलित्रयेणैव स्वदक्षिणकरस्य तु ॥

kartavyamapi yatnena brāhmaṇairbhasmadhāraṇam madhyāṅgulitrayeṇaiva svadakṣiṇakarasya tu

ब्राह्मणों को यत्नपूर्वक अपने दाहिने हाथ की केवल तीन मध्य अंगुलियों से ही भस्म-धारण करना चाहिए।

श्लोक 23 (devibhagavatam.11.15.23)

षडङ्गुलायतं मानमपि चाधिकमानकम् । नेत्रयुग्मप्रमाणेन भाले दीप्तं त्रिपुण्ड्रकम् ॥

ṣaḍaṅgulāyataṁ mānamapi cādhikamānakam netrayugmapramāṇena bhāle dīptaṁ tripuṇḍrakam

इसका मान छह अंगुल लम्बा अथवा उससे अधिक होना चाहिए; ललाट पर दीप्तिमान त्रिपुण्ड्र दोनों नेत्रों की चौड़ाई के बराबर होना चाहिए।

श्लोक 24 (devibhagavatam.11.15.24)

कदाचिद्भस्मना कुर्यात्स रुद्रो नात्र संशयः । अकारोऽनामिका प्रोक्त उकारो मध्यमाङ्गुलिः ॥

kadācidbhasmanā kuryātsa rudro nātra saṁśayaḥ akāro'nāmikā prokta ukāro madhyamāṅguliḥ

जो कभी-कभी भी भस्म से यह करता है, वह निश्चय ही रुद्र हो जाता है। अकार को अनामिका कहा गया है, उकार को मध्यमा अंगुली,

श्लोक 25 (devibhagavatam.11.15.25)

मकारस्तर्जनी तस्मात् त्रिपुण्ड्रं त्रिगुणात्मकम् । त्रिपुण्ड्रं मध्यमातर्जन्यनामाभिरनुलोमतः ॥

makārastarjanī tasmāt tripuṇḍraṁ triguṇātmakam tripuṇḍraṁ madhyamātarjanyanāmābhiranulomataḥ

और मकार को तर्जनी — इसलिए त्रिपुण्ड्र तीनों गुणों का स्वरूप है। त्रिपुण्ड्र मध्यमा, तर्जनी और अनामिका अंगुलियों से क्रमशः लगाया जाता है।

श्लोक 26 (devibhagavatam.11.15.26)

अत्र ते कथयाम्येनमितिहासं पुरातनम् । कदाचिदथ दुर्वासाः पितृलोकं गतोऽभवत् ॥

atra te kathayāmyenamitihāsaṁ purātanam kadācidatha durvāsāḥ pitṛlokaṁ gato'bhavat

यहाँ मैं तुम्हें इस विषय में एक प्राचीन इतिहास सुनाता हूँ — एक बार दुर्वासा मुनि पितृलोक गए थे।

श्लोक 27 (devibhagavatam.11.15.27)

भस्मसन्दिग्धसर्वाङ्गो रुद्राक्षाभरणान्वितः । शिव शङ्कर सर्वात्मञ्छ्रीमातर्जगदम्बिके ॥

bhasmasandigdhasarvāṅgo rudrākṣābharaṇānvitaḥ śiva śaṅkara sarvātmañchrīmātarjagadambike

सम्पूर्ण शरीर पर भस्म लगाए हुए, रुद्राक्ष के आभूषणों से सज्जित, "शिव! शंकर! सर्वात्मन्! श्रीमातः जगदम्बिके!" —

श्लोक 28 (devibhagavatam.11.15.28)

नामानीति गृणन्नुच्चैस्तापसानां शिखामणिः । कव्यवाडादयस्ते तु प्रत्युत्थानाभिवादनैः ॥

nāmānīti gṛṇannuccaistāpasānāṁ śikhāmaṇiḥ kavyavāḍādayaste tu pratyutthānābhivādanaiḥ

इस प्रकार ऊँचे स्वर से नाम पुकारते हुए तपस्वियों के शिरोमणि (दुर्वासा) पहुँचे। कव्यवाट् आदि पितृ-देवताओं ने खड़े होकर अभिवादन करते हुए,

श्लोक 29 (devibhagavatam.11.15.29)

आसनाद्युपचारैश्च सम्मानं बहु चक्रिरे । नानाकथाभिरन्योन्यं सम्भाषाञ्चक्रिरे तदा ॥

āsanādyupacāraiśca sammānaṁ bahu cakrire nānākathābhiranyonyaṁ sambhāṣāñcakrire tadā

आसन आदि उपचारों से उनका बहुत सम्मान किया। तब उन्होंने आपस में विविध कथाओं से वार्तालाप किया।

श्लोक 30 (devibhagavatam.11.15.30)

तस्मिंस्तु समये कुम्भीपाकस्थानां तु पापिनाम् । घोरः समभवच्छब्दो हा हताः स्मेतिवादिनाम् ॥

tasmiṁstu samaye kumbhīpākasthānāṁ tu pāpinām ghoraḥ samabhavacchabdo hā hatāḥ smetivādinām

उसी समय कुम्भीपाक-स्थित पापियों की ओर से एक भयानक ध्वनि उठी, जिसमें कोई "हाय! हम मारे गए!" कह रहे थे।

श्लोक 31 (devibhagavatam.11.15.31)

मृताः स्मेति वदन्त्येके दग्धाः स्मेति परे जगुः । छिन्नाः स्मेति विभिन्नाः स्मेत्येवं रोदनकारिणः ॥

mṛtāḥ smeti vadantyeke dagdhāḥ smeti pare jaguḥ chinnāḥ smeti vibhinnāḥ smetyevaṁ rodanakāriṇaḥ

कोई "हम मृत हैं" कहते थे, कोई "हम जल गए" कहते थे, कोई "हम कट गए" कहते थे, कोई "हम टुकड़े-टुकड़े हो गए" कहकर विलाप कर रहे थे।

श्लोक 32 (devibhagavatam.11.15.32)

श्रुत्वा तं करुण शब्दं दुःखितो मुनिराड् हृदि । पप्रच्छ पितृनाथांस्तान्केषां शब्दोऽयमित्यपि ॥

śrutvā taṁ karuṇa śabdaṁ duḥkhito munirāḍ hṛdi papraccha pitṛnāthāṁstānkeṣāṁ śabdo'yamityapi

वह करुण ध्वनि सुनकर मुनिराज हृदय में दुःखी हो उठे और पितृदेवताओं से पूछा — "यह ध्वनि किसकी है?"

श्लोक 33 (devibhagavatam.11.15.33)

ते समूचुर्मुनेऽत्रैव पुरी संयमनी परा । वर्तते यमराडत्र पापिनां भोगदायकः ॥

te samūcurmune'traiva purī saṁyamanī parā vartate yamarāḍatra pāpināṁ bhogadāyakaḥ

उन्होंने कहा — "हे मुने! यहीं परम संयमनी पुरी है, जहाँ पापियों को दण्ड देने वाले यमराज विराजमान हैं,

श्लोक 34 (devibhagavatam.11.15.34)

नानादूतैः कालरूपैः कृष्णवर्णेर्भयङ्करैः । सहितोऽत्रैव तत्पुर्यां नायको विद्यतेऽनघ ॥

nānādūtaiḥ kālarūpaiḥ kṛṣṇavarṇerbhayaṅkaraiḥ sahito'traiva tatpuryāṁ nāyako vidyate'nagha

काल के समान रूप वाले, कृष्णवर्ण और भयंकर अनेक दूतों सहित — हे निष्पाप! वे ही इस नगरी के अधिनायक हैं।

श्लोक 35 (devibhagavatam.11.15.35)

तत्र कुण्डान्यनेकानि पापिनां भोगदानि च । षडशीतिर्घोररूपैर्दूतैः परिवृतानि च ॥

tatra kuṇḍānyanekāni pāpināṁ bhogadāni ca ṣaḍaśītirghorarūpairdūtaiḥ parivṛtāni ca

वहाँ पापियों को दण्ड देने वाले अनेक कुण्ड हैं, छियासी की संख्या में, भयानक रूप वाले दूतों से घिरे हुए।

श्लोक 36 (devibhagavatam.11.15.36)

तत्र मुख्यतमं कुण्डं कुम्भीपाकाभिधं महत् । वर्तते तद्गतानां च यातनानां तु वर्णनम् ॥

tatra mukhyatamaṁ kuṇḍaṁ kumbhīpākābhidhaṁ mahat vartate tadgatānāṁ ca yātanānāṁ tu varṇanam

उनमें कुम्भीपाक नामक कुण्ड सबसे प्रमुख और विशाल है; उसमें पड़े हुए लोगों की यातनाओं का वर्णन —

श्लोक 37 (devibhagavatam.11.15.37)

कर्तुं न शक्यते कैश्चिदपि वर्षशतैरपि । ये शिवद्रोहिणः सन्ति तथा देवीविनिन्दकाः ॥

kartuṁ na śakyate kaiścidapi varṣaśatairapi ye śivadrohiṇaḥ santi tathā devīvinindakāḥ

सैकड़ों वर्षों में भी कोई नहीं कर सकता। जो शिव-द्रोही हैं और देवी की निन्दा करने वाले हैं,

श्लोक 38 (devibhagavatam.11.15.38)

ये विष्णुद्रोहिणः सन्ति पतन्त्यत्रैव ते मुने । ये वेदनिन्दकाः सन्ति सूर्यस्य च गणेशितुः ॥

ye viṣṇudrohiṇaḥ santi patantyatraiva te mune ye vedanindakāḥ santi sūryasya ca gaṇeśituḥ

जो विष्णु-द्रोही हैं, हे मुने! वे यहीं गिरते हैं। जो वेद, सूर्य और गणेश की निन्दा करने वाले हैं,

श्लोक 39 (devibhagavatam.11.15.39)

ब्राह्मणानां द्रोहिणो ये पतन्त्यत्रैव ते मुने । कामाचाराश्च ये सन्ति तप्तमुद्राङ्किताश्च ये ॥

brāhmaṇānāṁ drohiṇo ye patantyatraiva te mune kāmācārāśca ye santi taptamudrāṅkitāśca ye

जो ब्राह्मणों के द्रोही हैं, हे मुने! वे यहीं गिरते हैं — तथा जो काम-आचार वाले हैं और अनुचित रूप से तप्त-मुद्रा धारण करते हैं,

श्लोक 40 (devibhagavatam.11.15.40)

त्रिशूलधारिणो ये च पतन्त्यत्रैव ते मुने । मातृपितृगुरुज्येष्ठपुराणस्मृतिनिन्दकाः ॥

triśūladhāriṇo ye ca patantyatraiva te mune mātṛpitṛgurujyeṣṭhapurāṇasmṛtinindakāḥ

जो अनुचित रूप से त्रिशूल धारण करते हैं, हे मुने! वे भी यहीं गिरते हैं — जो माता, पिता, गुरु, ज्येष्ठजन, पुराण और स्मृतियों की निन्दा करते हैं,

श्लोक 41 (devibhagavatam.11.15.41)

ये धर्मदूषकाः सन्ति पतन्त्यत्रैव ते मुने । तेषामयं महाघोरः शब्दः श्रवणदारुणः ॥

ye dharmadūṣakāḥ santi patantyatraiva te mune teṣāmayaṁ mahāghoraḥ śabdaḥ śravaṇadāruṇaḥ

जो धर्म को दूषित करते हैं, हे मुने! वे भी यहीं गिरते हैं। उन सबका यह अत्यंत भयानक शब्द, सुनने में भयावह,

श्लोक 42 (devibhagavatam.11.15.42)

श्रूयतेऽस्माभिरनिशं वैराग्यं यच्छ्रुतेर्भवेत् । इति तेषां वचः श्रुत्वा मुनिराट् तद्दिदृक्षया ॥

śrūyate'smābhiraniśaṁ vairāgyaṁ yacchruterbhavet iti teṣāṁ vacaḥ śrutvā munirāṭ taddidṛkṣayā

हम निरन्तर सुनते रहते हैं — जिसे सुनकर वैराग्य उत्पन्न हो जाता है।" उनके ये वचन सुनकर मुनिराज उसे देखने की इच्छा से,

श्लोक 43 (devibhagavatam.11.15.43)

उत्थाय चलितस्तूर्णं ययौ कुण्डसमीपतः । अवाङ्मुखो ददर्शाधस्तस्मिन्नेव क्षणे मुने ॥

utthāya calitastūrṇaṁ yayau kuṇḍasamīpataḥ avāṅmukho dadarśādhastasminneva kṣaṇe mune

उठकर तुरन्त उस कुण्ड के निकट गए। हे मुने! नीचे मुँह करके देखते ही, उसी क्षण उन्होंने देखा कि —

श्लोक 44 (devibhagavatam.11.15.44)

तत्रत्यानां पापिनां तु स्वर्गाधिकमभूत्सुखम् । हसन्ति केचिद्गायन्ति नृत्यन्ति च तथापरे ॥

tatratyānāṁ pāpināṁ tu svargādhikamabhūtsukham hasanti kecidgāyanti nṛtyanti ca tathāpare

वहाँ के पापियों को स्वर्ग से भी अधिक सुख प्राप्त हो रहा था — कोई हँस रहे थे, कोई गा रहे थे, कोई नृत्य कर रहे थे।

श्लोक 45 (devibhagavatam.11.15.45)

परस्परं रमन्ते तेऽत्युन्मत्ताः सुखवर्धनात् । मृदङ्गमुरजावीणाढक्कादुन्दुभिनिस्वनाः ॥

parasparaṁ ramante te'tyunmattāḥ sukhavardhanāt mṛdaṅgamurajāvīṇāḍhakkādundubhinisvanāḥ

वे सुख की वृद्धि से अत्यंत उन्मत्त होकर परस्पर रमण कर रहे थे। मृदंग, मुरज, वीणा, ढक्का और दुन्दुभि की ध्वनियाँ —

श्लोक 46 (devibhagavatam.11.15.46)

समुद्भूतास्तु मधुराः पञ्चमस्वरभूषिताः । वसन्तवल्लीपुष्पाणां सुगन्धमरुतो ववुः ॥

samudbhūtāstu madhurāḥ pañcamasvarabhūṣitāḥ vasantavallīpuṣpāṇāṁ sugandhamaruto vavuḥ

पंचम स्वर से सुसज्जित मधुर ध्वनियाँ वहाँ उत्पन्न हो रही थीं, और वसंत की लताओं के फूलों की सुगंधित वायु बह रही थी।

श्लोक 47 (devibhagavatam.11.15.47)

मुनिस्तु चकितो दृष्ट्वा यमदूताश्च विस्मिताः । शीघ्रं ते कथयामासुर्धर्मराजाय वेदिने ॥

munistu cakito dṛṣṭvā yamadūtāśca vismitāḥ śīghraṁ te kathayāmāsurdharmarājāya vedine

मुनि यह देखकर चकित हो गए, और यमदूत भी आश्चर्यचकित हुए। उन्होंने शीघ्र ही यह बात ज्ञानी धर्मराज को बताई —

श्लोक 48 (devibhagavatam.11.15.48)

महाराज महाश्चर्यमधुनैवाभवद्विभो । स्वर्गादप्यधिकं सौख्यं कुम्भीपाकस्थपापिनाम् ॥

mahārāja mahāścaryamadhunaivābhavadvibho svargādapyadhikaṁ saukhyaṁ kumbhīpākasthapāpinām

"हे महाराज! अभी-अभी एक महान आश्चर्य हुआ है, हे प्रभु! कुम्भीपाक-स्थित पापियों को स्वर्ग से भी अधिक सुख प्राप्त हो रहा है।

श्लोक 49 (devibhagavatam.11.15.49)

निमित्तं नैव जानीमः कस्मादिदमभूद्विभो । चकिताः स्म वयं सर्वे प्राप्ता देव त्वदन्तिकम् ॥

nimittaṁ naiva jānīmaḥ kasmādidamabhūdvibho cakitāḥ sma vayaṁ sarve prāptā deva tvadantikam

हे प्रभु! हम इसका कारण नहीं जानते कि यह किस कारण हुआ। हम सब चकित होकर, हे देव! आपके समीप आए हैं।"

श्लोक 50 (devibhagavatam.11.15.50)

निशम्य दूतवाणीं तां धर्मराट् शीघ्रमुत्थितः । महामहिषमारूढो ययौ ते यत्र पापिनः ॥

niśamya dūtavāṇīṁ tāṁ dharmarāṭ śīghramutthitaḥ mahāmahiṣamārūḍho yayau te yatra pāpinaḥ

दूतों का यह वचन सुनकर धर्मराज तुरन्त उठे और महामहिष पर सवार होकर वहाँ गए, जहाँ वे पापी थे।

श्लोक 51 (devibhagavatam.11.15.51)

तां वार्तां प्रेषयामास दूतद्वारामरावतीम् । श्रुत्वा तां देवराजोऽपि प्राप्तो देवगणैः सह ॥

tāṁ vārtāṁ preṣayāmāsa dūtadvārāmarāvatīm śrutvā tāṁ devarājo'pi prāpto devagaṇaiḥ saha

उन्होंने अमरावती को भी दूत द्वारा यह समाचार भेजा। यह सुनकर देवराज इन्द्र भी देवगणों सहित वहाँ पहुँचे।

श्लोक 52 (devibhagavatam.11.15.52)

ब्रह्मलोकात्पद्मजोऽपि वैकुण्ठाद्विष्टरश्रवाः । तत्तल्लोकाच्च दिक्पालाः समाजग्मुर्गणैः सह ॥

brahmalokātpadmajo'pi vaikuṇṭhādviṣṭaraśravāḥ tattallokācca dikpālāḥ samājagmurgaṇaiḥ saha

ब्रह्मलोक से ब्रह्मा भी और वैकुण्ठ से विष्णु भी, तथा उन-उन लोकों से दिक्पाल भी अपने गणों सहित वहाँ आ गए।

श्लोक 53 (devibhagavatam.11.15.53)

परिवार्य स्थिताः सर्वे कुम्भीपाकमितस्ततः । अपश्यंस्तद्गताञ्जीवान्स्वर्गाधिकसुखान्त्वितान् ॥

parivārya sthitāḥ sarve kumbhīpākamitastataḥ apaśyaṁstadgatāñjīvānsvargādhikasukhāntvitān

सभी ने कुम्भीपाक को चारों ओर से घेर लिया, और उन्होंने वहाँ स्थित जीवों को स्वर्ग से भी अधिक सुख से युक्त देखा।

श्लोक 54 (devibhagavatam.11.15.54)

चकिता एव ते सर्वे न विदुस्तस्य कारणम् । अहो पापस्य भोगार्थं कुण्डमेतद्विनिर्मितम् ॥

cakitā eva te sarve na vidustasya kāraṇam aho pāpasya bhogārthaṁ kuṇḍametadvinirmitam

वे सभी चकित थे, उन्हें उसका कारण ज्ञात नहीं था — "अहो! यह कुण्ड तो पाप के भोग के लिए बनाया गया था।

श्लोक 55 (devibhagavatam.11.15.55)

तत्र सौख्यं यदा जातं तदा पापात्तु किं भयम् । उच्छिन्ना वेदमर्यादा परमेशकृता कथम् ॥

tatra saukhyaṁ yadā jātaṁ tadā pāpāttu kiṁ bhayam ucchinnā vedamaryādā parameśakṛtā katham

वहाँ यदि सुख उत्पन्न हुआ, तो पाप से भय ही क्या रहा? परमेश द्वारा बनाई गई वेद-मर्यादा कैसे टूट गई?

श्लोक 56 (devibhagavatam.11.15.56)

भगवान् स्वस्य सङ्कल्पं वितथं कृतवान्कथम् । आश्चर्यमेतदाश्चर्यमेतदित्येव भाषिणः ॥

bhagavān svasya saṅkalpaṁ vitathaṁ kṛtavānkatham āścaryametadāścaryametadityeva bhāṣiṇaḥ

भगवान ने अपने संकल्प को कैसे मिथ्या कर दिया?" — इस प्रकार सब "यह आश्चर्य है, यह आश्चर्य है" कहते रहे।

श्लोक 57 (devibhagavatam.11.15.57)

तटस्था अभवन्सर्वे न विदुस्तत्र कारणम् । एतस्मिन्नन्तरे शौरिः सम्मन्त्र्य विबुधादिभिः ॥

taṭasthā abhavansarve na vidustatra kāraṇam etasminnantare śauriḥ sammantrya vibudhādibhiḥ

सब तटस्थ खड़े रहे, किन्तु किसी को उसका कारण ज्ञात नहीं हुआ। इसी बीच विष्णु ने देवताओं आदि से परामर्श करके,

श्लोक 58 (devibhagavatam.11.15.58)

ययौ कैश्चित्सुरगणैः सहितः शङ्करालयम् । पार्वत्या सहितं देवं कोटिकन्दर्पसुन्दरम् ॥

yayau kaiścitsuragaṇaiḥ sahitaḥ śaṅkarālayam pārvatyā sahitaṁ devaṁ koṭikandarpasundaram

कुछ देवगणों सहित शंकर के धाम की ओर प्रस्थान किया — पार्वती सहित उस देव के पास, जो करोड़ों कामदेवों के समान सुन्दर,

श्लोक 59 (devibhagavatam.11.15.59)

रमणीयतमाङ्गं तं लावण्यखनिमद्भुतम् । सदा षोडशवर्षीयं नानालङ्कारभूषितम् ॥

ramaṇīyatamāṅgaṁ taṁ lāvaṇyakhanimadbhutam sadā ṣoḍaśavarṣīyaṁ nānālaṅkārabhūṣitam

अत्यंत रमणीय अंगों वाले, अद्भुत सौन्दर्य की खान, सदा सोलह वर्ष की आयु के समान तथा नाना आभूषणों से भूषित थे,

श्लोक 60 (devibhagavatam.11.15.60)

नानागणैः परिवृतं लालयन्तं परां शिवाम् । ददर्श चन्द्रमौलिं स चतुर्वेदं ननाम ह ॥

nānāgaṇaiḥ parivṛtaṁ lālayantaṁ parāṁ śivām dadarśa candramauliṁ sa caturvedaṁ nanāma ha

और अनेक गणों से घिरे हुए, परम शिवा (पार्वती) को दुलार रहे थे। उन चन्द्रमौलि को देखकर विष्णु ने चारों वेदों सहित प्रणाम किया।

श्लोक 61 (devibhagavatam.11.15.61)

वृत्तान्तं कथयामास चमत्कृतमतिस्फुटम् । एतस्य कारणं देव न जानीमः कथञ्चन ॥

vṛttāntaṁ kathayāmāsa camatkṛtamatisphuṭam etasya kāraṇaṁ deva na jānīmaḥ kathañcana

उन्होंने अत्यंत स्पष्ट रूप से यह आश्चर्यजनक वृत्तान्त कह सुनाया — "हे देव! हम इसका कारण किसी प्रकार नहीं जानते।

श्लोक 62 (devibhagavatam.11.15.62)

वद तत्कारणं देव सर्वज्ञोऽसि यतः प्रभो । विष्णुवाक्यं तदा श्रुत्वा प्रसन्नमुखपङ्कजः ॥

vada tatkāraṇaṁ deva sarvajño'si yataḥ prabho viṣṇuvākyaṁ tadā śrutvā prasannamukhapaṅkajaḥ

हे देव! उसका कारण कहिए, क्योंकि हे प्रभु! आप सर्वज्ञ हैं।" तब विष्णु के वचन सुनकर, प्रसन्न मुखकमल वाले शिव ने,

श्लोक 63 (devibhagavatam.11.15.63)

उवाच मधुरं वाक्यं मेघगम्भीरया गिरा । शृणु विष्णो तन्निमित्तं नाश्चर्यं त्वत्र विद्यते ॥

uvāca madhuraṁ vākyaṁ meghagambhīrayā girā śṛṇu viṣṇo tannimittaṁ nāścaryaṁ tvatra vidyate

मेघ के समान गम्भीर वाणी में मधुर वचन कहे — "हे विष्णु! उसका कारण सुनो, इसमें कोई आश्चर्य नहीं है।

श्लोक 64 (devibhagavatam.11.15.64)

भस्मनो महिमैवायं भस्मना किं भवेन्न हि । कुम्भीपाकं गतो द्रष्टुं दुर्वासाः शैवसम्मतः ॥

bhasmano mahimaivāyaṁ bhasmanā kiṁ bhavenna hi kumbhīpākaṁ gato draṣṭuṁ durvāsāḥ śaivasammataḥ

यह तो केवल भस्म की महिमा है — भस्म से क्या नहीं हो सकता! शैवमत के अनुयायी दुर्वासा कुम्भीपाक देखने गए थे,

श्लोक 65 (devibhagavatam.11.15.65)

अवाङ्मुखो ददर्शाधस्तदा वायुवशाद्धरे । भालभस्मकणास्तत्र पतिता दैवयोगतः ॥

avāṅmukho dadarśādhastadā vāyuvaśāddhare bhālabhasmakaṇāstatra patitā daivayogataḥ

और हे हरे! वायु के वेग से, नीचे मुख करके देखते समय, उनके ललाट की भस्म के कण दैवयोग से वहाँ गिर गए।

श्लोक 66 (devibhagavatam.11.15.66)

तेन जातमिदं सर्वं भस्मनो महिमा त्वयम् । इतः परं तु तत्तीर्थं पितृलोकनिवासिनाम् ॥

tena jātamidaṁ sarvaṁ bhasmano mahimā tvayam itaḥ paraṁ tu tattīrthaṁ pitṛlokanivāsinām

उसी से यह सब हुआ है — यह भस्म की महिमा है। अब से यह पितृलोकवासियों के लिए तीर्थ बन जाएगा,

श्लोक 67 (devibhagavatam.11.15.67)

भविष्यति न सन्देहो यत्र स्नात्वा सुखी भवेत् । पितृतीर्थं तु तन्नाम्नाप्यत ऊर्ध्वं भविष्यति ॥

bhaviṣyati na sandeho yatra snātvā sukhī bhavet pitṛtīrthaṁ tu tannāmnāpyata ūrdhvaṁ bhaviṣyati

इसमें संशय नहीं, और वहाँ स्नान करने वाला सुखी होगा। अब से इसका नाम 'पितृतीर्थ' होगा।

श्लोक 68 (devibhagavatam.11.15.68)

मल्लिङ्गस्थापनं तत्र कार्यं देव्याश्च सत्तम । पूजयिष्यन्ति ते तत्र पितृलोकनिवासिनः ॥

malliṅgasthāpanaṁ tatra kāryaṁ devyāśca sattama pūjayiṣyanti te tatra pitṛlokanivāsinaḥ

हे उत्तम! वहाँ मेरा लिंग तथा देवी की मूर्ति स्थापित की जानी चाहिए। पितृलोकवासी वहाँ उनकी पूजा करेंगे।

श्लोक 69 (devibhagavatam.11.15.69)

त्रैलोक्ये यानि तीर्थानि तत्र श्रेष्ठमिदं भवेत् । पित्रीश्वरीपूजया तु त्रैलोक्यं पूजितं भवेत् ॥

trailokye yāni tīrthāni tatra śreṣṭhamidaṁ bhavet pitrīśvarīpūjayā tu trailokyaṁ pūjitaṁ bhavet

त्रैलोक्य के समस्त तीर्थों में यह सर्वश्रेष्ठ होगा। पितृ-ईश्वर और पितृ-ईश्वरी की पूजा से समस्त त्रैलोक्य पूजित हो जाएगा।"

श्लोक 70 (devibhagavatam.11.15.70)

श्रीनारायण उवाच । इति देववचः श्रुत्वा देवं मूर्ध्ना प्रणम्य च । तदनुज्ञां समादाय ययौ देवान्तिकं हरिः ॥

śrīnārāyaṇa uvāca iti devavacaḥ śrutvā devaṁ mūrdhnā praṇamya ca tadanujñāṁ samādāya yayau devāntikaṁ hariḥ

श्री नारायण ने कहा — इस प्रकार देव के वचन सुनकर, उन्हें मस्तक से प्रणाम करके, उनकी आज्ञा लेकर विष्णु देवताओं के पास गए।

श्लोक 71 (devibhagavatam.11.15.71)

तत्सर्वं कथयामास कारणं शङ्करोदितम् । साधु साध्विति ते प्रोचुरमरा मौलिचालनैः ॥

tatsarvaṁ kathayāmāsa kāraṇaṁ śaṅkaroditam sādhu sādhviti te procuramarā maulicālanaiḥ

उन्होंने शंकर द्वारा बताया गया वह सम्पूर्ण कारण सुनाया। "साधु! साधु!" कहते हुए देवताओं ने अपने मस्तक हिलाए।

श्लोक 72 (devibhagavatam.11.15.72)

शशंसुर्भस्ममाहात्म्यं हरिब्रह्मादयः सुराः । पितरश्चैव सन्तुष्टास्तीर्थलाभात्परन्तप ॥

śaśaṁsurbhasmamāhātmyaṁ haribrahmādayaḥ surāḥ pitaraścaiva santuṣṭāstīrthalābhātparantapa

विष्णु, ब्रह्मा आदि देवताओं ने भस्म की महिमा की प्रशंसा की, और हे परन्तप! पितृगण भी तीर्थ-प्राप्ति से अत्यंत सन्तुष्ट हुए।

श्लोक 73 (devibhagavatam.11.15.73)

तत्तीर्थतीरे लिङ्गं च देव्या मूर्तिं यथाविधि । स्थापयामासुरमराः पूजयामासुरन्वहम् ॥

tattīrthatīre liṅgaṁ ca devyā mūrtiṁ yathāvidhi sthāpayāmāsuramarāḥ pūjayāmāsuranvaham

देवताओं ने उस तीर्थ के तट पर विधिपूर्वक लिंग तथा देवी की मूर्ति स्थापित की, और प्रतिदिन उनकी पूजा करने लगे।

श्लोक 74 (devibhagavatam.11.15.74)

तत्र ये प्राणिनोऽभूवन्पापभोगार्थमास्थिताः । ते विमानं समारुह्य गताः कैलासमण्डलम् ॥

tatra ye prāṇino'bhūvanpāpabhogārthamāsthitāḥ te vimānaṁ samāruhya gatāḥ kailāsamaṇḍalam

वहाँ जो प्राणी पाप-भोग के लिए स्थित थे, वे विमान पर चढ़कर कैलास-मण्डल को चले गए।

श्लोक 75 (devibhagavatam.11.15.75)

नाम्ना भद्रगणास्ते तु वसन्त्यद्यापि तत्र हि । पुनश्च दूरदेशे तु कुम्भीपाको विनिर्मितः ॥

nāmnā bhadragaṇāste tu vasantyadyāpi tatra hi punaśca dūradeśe tu kumbhīpāko vinirmitaḥ

वे 'भद्रगण' के नाम से आज भी वहाँ निवास करते हैं। पुनः दूर देश में एक और कुम्भीपाक बनाया गया,

श्लोक 76 (devibhagavatam.11.15.76)

निरुद्धं शैवगमनं देवैस्तत्र तु तद्दिनात् । इति ते सर्वमाख्यातं भस्ममाहात्म्यमुत्तमम् ॥

niruddhaṁ śaivagamanaṁ devaistatra tu taddināt iti te sarvamākhyātaṁ bhasmamāhātmyamuttamam

और उस दिन से देवताओं ने वहाँ शिव-भक्तों के जाने को रोक दिया। इस प्रकार तुम्हें भस्म की यह परम श्रेष्ठ महिमा पूरी तरह बता दी गई।

श्लोक 77 (devibhagavatam.11.15.77)

नातः परतरं किञ्चिदधिकं विद्यते मुने । ऊर्ध्वपुण्ड्रविधिं चैवाप्यधिकारिविभेदतः ॥

nātaḥ parataraṁ kiñcidadhikaṁ vidyate mune ūrdhvapuṇḍravidhiṁ caivāpyadhikārivibhedataḥ

हे मुने! इससे अधिक और कुछ नहीं है। अब अधिकारी-भेद के अनुसार ऊर्ध्वपुण्ड्र-विधि भी,

श्लोक 78 (devibhagavatam.11.15.78)

प्रवक्ष्ये मुनिशार्दूल वैष्णवागमलोकनात् । ऊर्ध्वपुण्ड्रप्रमाणानि दिव्यान्यङ्गुलिभेदतः ॥

pravakṣye muniśārdūla vaiṣṇavāgamalokanāt ūrdhvapuṇḍrapramāṇāni divyānyaṅgulibhedataḥ

हे मुनिश्रेष्ठ! वैष्णव आगमों के अवलोकन से मैं कहूँगा। अंगुली-भेद के अनुसार ऊर्ध्वपुण्ड्र के दिव्य प्रमाण,

श्लोक 79 (devibhagavatam.11.15.79)

वर्णाभिमन्त्रदेवांश्च प्रवक्ष्यामि फलानि च । पर्वताग्रे नदीतीरे शिवक्षेत्रे विशेषतः ॥

varṇābhimantradevāṁśca pravakṣyāmi phalāni ca parvatāgre nadītīre śivakṣetre viśeṣataḥ

उनके वर्ण, अभिमंत्र-देवता तथा फल भी मैं बताऊँगा। विशेषतः पर्वत के शिखर पर, नदी के तट पर, शिव-क्षेत्र में,

श्लोक 80 (devibhagavatam.11.15.80)

सिन्धुतीरे च वल्मीके तुलसीमूलमाश्रिते । मृद एतास्तु सङ्ग्राह्या वर्जयेदन्यमृत्तिकाः ॥

sindhutīre ca valmīke tulasīmūlamāśrite mṛda etāstu saṅgrāhyā varjayedanyamṛttikāḥ

समुद्र-तट पर, बाँबी में, तुलसी के मूल के आश्रय में — इन्हीं स्थानों की मिट्टी लेनी चाहिए, अन्य मिट्टी वर्जित करनी चाहिए।

श्लोक 81 (devibhagavatam.11.15.81)

श्यामं शान्तिकरं प्रोक्तं रक्तं वश्यकरं भवेत् । श्रीकरं पीतमित्याहुर्धर्मदं श्वेतमुच्यते ॥

śyāmaṁ śāntikaraṁ proktaṁ raktaṁ vaśyakaraṁ bhavet śrīkaraṁ pītamityāhurdharmadaṁ śvetamucyate

श्याम मिट्टी शान्तिकारक कही गई है, लाल मिट्टी वश्यकारक होती है; पीली मिट्टी श्रीकारक कही जाती है, और श्वेत मिट्टी धर्मदायी कही जाती है।

श्लोक 82 (devibhagavatam.11.15.82)

अङ्गुष्ठः पुष्टिदः प्रोक्तो मध्यमायुष्करी भवेत् । अनामिकान्नदा नित्यं मुक्तिदा च प्रदेशिनी ॥

aṅguṣṭhaḥ puṣṭidaḥ prokto madhyamāyuṣkarī bhavet anāmikānnadā nityaṁ muktidā ca pradeśinī

अंगूठा पुष्टिदायक कहा गया है, मध्यमा आयु देने वाली होती है; अनामिका सदा अन्न देने वाली और तर्जनी मुक्ति देने वाली है।

श्लोक 83 (devibhagavatam.11.15.83)

एतैरङ्गुलिभेदैस्तु कारयेन्न नखैः स्पृशेत् । वर्तिदीपावलिकृतिं वेणपत्राकृतिं तथा ॥

etairaṅgulibhedaistu kārayenna nakhaiḥ spṛśet vartidīpāvalikṛtiṁ veṇapatrākṛtiṁ tathā

इन्हीं अंगुली-भेदों से चिह्न बनाना चाहिए, नाखूनों से नहीं छूना चाहिए। दीपकों की पंक्ति के आकार का, बाँस के पत्ते के आकार का,

श्लोक 84 (devibhagavatam.11.15.84)

पद्मस्य मुकुलाकारं तथा कुर्यात्प्रयत्नतः । मत्स्यकूर्माकृतिं वापि शङ्खाकारं ततः परम् ॥

padmasya mukulākāraṁ tathā kuryātprayatnataḥ matsyakūrmākṛtiṁ vāpi śaṅkhākāraṁ tataḥ param

अथवा यत्नपूर्वक कमल की कली के आकार का बनाना चाहिए, अथवा मछली या कछुए के आकार का, अथवा शंख के आकार का।

श्लोक 85 (devibhagavatam.11.15.85)

दशाङ्गुलिप्रमाणं तु उत्तमोत्तममुच्यते । नवाङ्गुलं मध्यमं स्यादष्टाङ्गुलमतः परम् ॥

daśāṅgulipramāṇaṁ tu uttamottamamucyate navāṅgulaṁ madhyamaṁ syādaṣṭāṅgulamataḥ param

दस अंगुल का प्रमाण उत्तमोत्तम कहा जाता है; नौ अंगुल मध्यम है, और उससे आगे आठ अंगुल —

श्लोक 86 (devibhagavatam.11.15.86)

सप्तषट्पञ्चभिः पुण्ड्रं मध्यमं त्रिविधं स्मृतम् । चतुस्त्रिद्व्यङ्गुलैः पुण्ड्रं कनिष्ठं त्रिविधं भवेत् ॥

saptaṣaṭpañcabhiḥ puṇḍraṁ madhyamaṁ trividhaṁ smṛtam catustridvyaṅgulaiḥ puṇḍraṁ kaniṣṭhaṁ trividhaṁ bhavet

सात, छह अथवा पाँच अंगुल का पुण्ड्र त्रिविध मध्यम कहा गया है; चार, तीन अथवा दो अंगुल का पुण्ड्र त्रिविध निकृष्ट होता है।

श्लोक 87 (devibhagavatam.11.15.87)

ललाटे केशवं विद्यान्नारायणमथोदरे । माधवं हृदि विन्यस्य गोविन्दं कण्ठकूपके ॥

lalāṭe keśavaṁ vidyānnārāyaṇamathodare mādhavaṁ hṛdi vinyasya govindaṁ kaṇṭhakūpake

ललाट पर केशव को जानना चाहिए, फिर उदर पर नारायण को; हृदय पर माधव को स्थापित करके, कण्ठ-कूप पर गोविन्द को;

श्लोक 88 (devibhagavatam.11.15.88)

उदरे दक्षिणे पार्श्वे विष्णुरित्यभिधीयते । तत्पार्श्वबाहुमध्ये च मधुसूदनमेव च ॥

udare dakṣiṇe pārśve viṣṇurityabhidhīyate tatpārśvabāhumadhye ca madhusūdanameva ca

उदर के दाहिने पार्श्व पर विष्णु कहा जाता है; उस पार्श्व और भुजा के मध्य में मधुसूदन को;

श्लोक 89 (devibhagavatam.11.15.89)

त्रिविक्रमं कर्णदेशे वामकुक्षौ तु वामनम् । श्रीधरं बाहुके वामे हृषीकेशं तु कर्णके ॥

trivikramaṁ karṇadeśe vāmakukṣau tu vāmanam śrīdharaṁ bāhuke vāme hṛṣīkeśaṁ tu karṇake

कान के क्षेत्र में त्रिविक्रम को, बाईं कोख पर वामन को; बाईं भुजा पर श्रीधर को, कान पर ऋषिकेश को;

श्लोक 90 (devibhagavatam.11.15.90)

पृष्ठे च पद्मनाभं तु ककुद्दामोदरं स्मरेत् । द्वादशैतानि नामानि वासुदेवेति मूर्धनि ॥

pṛṣṭhe ca padmanābhaṁ tu kakuddāmodaraṁ smaret dvādaśaitāni nāmāni vāsudeveti mūrdhani

पीठ पर पद्मनाभ को, तथा कंधे के ऊपरी भाग पर दामोदर को स्मरण करना चाहिए। इन बारह नामों के साथ मस्तक पर वासुदेव —

श्लोक 91 (devibhagavatam.11.15.91)

पूजाकाले च होमे च सायं प्रातः समाहितः । नामान्युच्चार्य विधिना धारयेदूर्ध्वपुण्ड्रकम् ॥

pūjākāle ca home ca sāyaṁ prātaḥ samāhitaḥ nāmānyuccārya vidhinā dhārayedūrdhvapuṇḍrakam

पूजा के समय, होम में, तथा प्रातः-सायं सावधान होकर, इन नामों का विधिपूर्वक उच्चारण करते हुए ऊर्ध्वपुण्ड्र धारण करना चाहिए।

श्लोक 92 (devibhagavatam.11.15.92)

अशुचिर्वाप्यनाचारो मनसा पापमाचरेत् । शुचिरेव भवेन्नित्यं मूर्ध्नि पुण्ड्राङ्कितो नरः ॥

aśucirvāpyanācāro manasā pāpamācaret śucireva bhavennityaṁ mūrdhni puṇḍrāṅkito naraḥ

अशुद्ध हो अथवा दुराचारी, मन से पाप करता हो — मस्तक पर पुण्ड्र-अंकित मनुष्य सदा शुद्ध ही रहता है।

श्लोक 93 (devibhagavatam.11.15.93)

ऊर्ध्वपुण्ड्रधरो मर्त्यो म्रियते यत्र कुत्रचित् । श्वपाकोऽपि विमानस्थो मम लोके महीयते ॥

ūrdhvapuṇḍradharo martyo mriyate yatra kutracit śvapāko'pi vimānastho mama loke mahīyate

ऊर्ध्वपुण्ड्रधारी मनुष्य जहाँ कहीं भी मरे, वह चाण्डाल होते हुए भी विमान पर आरूढ़ होकर मेरे लोक में महिमामण्डित होता है।

श्लोक 94 (devibhagavatam.11.15.94)

एकान्तिनो महाभागा मत्स्वरूपविदोऽमलाः । सान्तरालान्प्रकुर्वन्ति पुण्ड्रान्विष्णुपदाकृतीन् ॥

ekāntino mahābhāgā matsvarūpavido'malāḥ sāntarālānprakurvanti puṇḍrānviṣṇupadākṛtīn

एकान्ती, महाभाग्यशाली, मेरे स्वरूप को जानने वाले निर्मल भक्त अन्तराल-सहित पुण्ड्र बनाते हैं, विष्णु के चरण के आकार के।

श्लोक 95 (devibhagavatam.11.15.95)

परमैकान्तिनोऽप्येवं मत्पादैकपरायणाः । हरिद्राचूर्णसंयुक्ताञ्छूलाकारांस्तु वामलान् ॥

paramaikāntino'pyevaṁ matpādaikaparāyaṇāḥ haridrācūrṇasaṁyuktāñchūlākārāṁstu vāmalān

परम एकान्ती, केवल मेरे चरणों में परायण भक्त भी हल्दी के चूर्ण से युक्त त्रिशूल के आकार के, निर्दोष चिह्न बनाते हैं।

श्लोक 96 (devibhagavatam.11.15.96)

अन्ये तु वैष्णवाः पुण्ड्रानच्छिद्रानपि भक्तितः । प्रकुर्वीरन्दीपपद्मवेणुपत्रोपमाकृतीन् ॥

anye tu vaiṣṇavāḥ puṇḍrānacchidrānapi bhaktitaḥ prakurvīrandīpapadmaveṇupatropamākṛtīn

अन्य वैष्णव भक्तिपूर्वक बिना अन्तराल वाले पुण्ड्र भी बना सकते हैं, दीपक, कमल या बाँस के पत्ते के समान आकार के।

श्लोक 97 (devibhagavatam.11.15.97)

अच्छिद्रानपि सच्छिद्रान् कुर्युः केवलवैष्णवाः । अच्छिद्रकरणे तेषां प्रत्यवायो न विद्यते ॥

acchidrānapi sacchidrān kuryuḥ kevalavaiṣṇavāḥ acchidrakaraṇe teṣāṁ pratyavāyo na vidyate

केवल-वैष्णव अन्तराल-रहित की जगह अन्तराल-सहित भी बना सकते हैं; उनके लिए अन्तराल-रहित न बनाने में कोई दोष नहीं है।

श्लोक 98 (devibhagavatam.11.15.98)

एकान्तिनां प्रपन्नानां परमैकान्तिनामपि । अच्छिद्रपुण्ड्राकरणे प्रत्यवायो महान्भवेत् ॥

ekāntināṁ prapannānāṁ paramaikāntināmapi acchidrapuṇḍrākaraṇe pratyavāyo mahānbhavet

किन्तु एकान्ती, प्रपन्न और विशेषतः परम एकान्ती भक्तों के लिए अन्तराल-रहित पुण्ड्र न बनाने में महान दोष होता है।

श्लोक 99 (devibhagavatam.11.15.99)

ऊर्ध्वपुण्ड्रं तु यः कुर्याद्दण्डाकारं तु शोभनम् । मध्ये छिद्रं वैष्णवाश्च नमोऽन्तैः केशवादिभिः ॥

ūrdhvapuṇḍraṁ tu yaḥ kuryāddaṇḍākāraṁ tu śobhanam madhye chidraṁ vaiṣṇavāśca namo'ntaiḥ keśavādibhiḥ

जो दण्ड के सुन्दर आकार में ऊर्ध्वपुण्ड्र बनाता है, मध्य में अन्तराल सहित, और वैष्णव लोग "नमः" अन्त वाले केशवादि नामों के साथ —

श्लोक 100 (devibhagavatam.11.15.100)

विमलान्यूर्ध्वपुण्ड्राणि सान्तरालानि यो नरः । करोति विपुलं तत्र मन्दिरं मे करोति सः ॥

vimalānyūrdhvapuṇḍrāṇi sāntarālāni yo naraḥ karoti vipulaṁ tatra mandiraṁ me karoti saḥ

जो मनुष्य निर्मल, अन्तराल-सहित ऊर्ध्वपुण्ड्र बनाता है, वह मानो वहाँ मेरे लिए विशाल मंदिर बना देता है।

श्लोक 101 (devibhagavatam.11.15.101)

ऊर्ध्वपुण्ड्रस्य मध्ये तु विशाले सुमनोहरे । लक्ष्म्या साकं सहासीनो रमते विष्णुरव्ययः ॥

ūrdhvapuṇḍrasya madhye tu viśāle sumanohare lakṣmyā sākaṁ sahāsīno ramate viṣṇuravyayaḥ

उस विशाल, अत्यंत मनोहर ऊर्ध्वपुण्ड्र के मध्य में, लक्ष्मी सहित बैठे हुए अविनाशी विष्णु विहार करते हैं।

श्लोक 102 (devibhagavatam.11.15.102)

निरन्तरालं यः कुर्यादूर्ध्वपुण्ड्रं द्विजाधमः । स हि तत्र स्थितं विष्णुं श्रियं चैव व्यपोहति ॥

nirantarālaṁ yaḥ kuryādūrdhvapuṇḍraṁ dvijādhamaḥ sa hi tatra sthitaṁ viṣṇuṁ śriyaṁ caiva vyapohati

जो अधम द्विज बिना अन्तराल का ऊर्ध्वपुण्ड्र बनाता है, वह वहाँ स्थित विष्णु और लक्ष्मी को दूर हटा देता है।

श्लोक 103 (devibhagavatam.11.15.103)

अच्छिद्रमूर्ध्वपुण्ड्रं तु यः करोति विमूढधीः । स पर्यायेण तानेति नरकानेकविंशतिम् ॥

acchidramūrdhvapuṇḍraṁ tu yaḥ karoti vimūḍhadhīḥ sa paryāyeṇa tāneti narakānekaviṁśatim

जो मूढ़ बुद्धि वाला व्यक्ति बिना अन्तराल का ऊर्ध्वपुण्ड्र बनाता है, वह क्रमशः इक्कीस नरकों में जाता है।

श्लोक 104 (devibhagavatam.11.15.104)

ऋजूनि स्फुटपार्श्वानि सान्तरालानि विन्यसेत् । ऊर्ध्वपुण्ड्राणि दण्डाब्जदीपमत्स्यनिभानि च ॥

ṛjūni sphuṭapārśvāni sāntarālāni vinyaset ūrdhvapuṇḍrāṇi daṇḍābjadīpamatsyanibhāni ca

सीधे, स्पष्ट किनारों वाले, अन्तराल-सहित ऊर्ध्वपुण्ड्र बनाने चाहिए — दण्ड, कमल, दीपक और मछली के समान आकार के।

श्लोक 105 (devibhagavatam.11.15.105)

शिखोपवीतवद्धार्यमूर्ध्वपुण्ड्रं द्विजेन च । विना कृताश्चेद्विफलाः क्रियाः सर्वा महामुने ॥

śikhopavītavaddhāryamūrdhvapuṇḍraṁ dvijena ca vinā kṛtāścedviphalāḥ kriyāḥ sarvā mahāmune

द्विज को शिखा और यज्ञोपवीत के समान ही ऊर्ध्वपुण्ड्र अनिवार्य रूप से धारण करना चाहिए। हे महामुने! इसके बिना किए गए सभी कर्म निष्फल हो जाते हैं।

श्लोक 106 (devibhagavatam.11.15.106)

तस्मात्सर्वेषु कार्येषु कार्यं विप्रस्य धीमतः । ऊर्ध्वपुण्ड्रं त्रिशूलं च वर्तुलं चतुरस्रकम् ॥

tasmātsarveṣu kāryeṣu kāryaṁ viprasya dhīmataḥ ūrdhvapuṇḍraṁ triśūlaṁ ca vartulaṁ caturasrakam

अतः बुद्धिमान ब्राह्मण को सभी कार्यों में ऊर्ध्वपुण्ड्र धारण करना चाहिए। वेदनिष्ठ व्यक्ति को त्रिशूल, वृत्त, चतुष्कोण,

श्लोक 107 (devibhagavatam.11.15.107)

अर्धचन्द्रादिकं लिङ्गं वेदनिष्ठो न धारयेत् । जन्मना लब्धजातिस्तु वेदपन्थानमाश्रितः ॥

ardhacandrādikaṁ liṅgaṁ vedaniṣṭho na dhārayet janmanā labdhajātistu vedapanthānamāśritaḥ

अर्धचन्द्र आदि चिह्न नहीं धारण करने चाहिए। जिसने जन्म से जाति प्राप्त की है और वेद-मार्ग का आश्रय लिया है,

श्लोक 108 (devibhagavatam.11.15.108)

पुण्ड्रान्तरं भ्रमाद्वापि ललाटे नैव धारयेत् । ख्यातिकान्त्यादिसिद्।ह्ध्यर्थं चापि विष्ण्वागमादिषु ॥

puṇḍrāntaraṁ bhramādvāpi lalāṭe naiva dhārayet khyātikāntyādisid hdhyarthaṁ cāpi viṣṇvāgamādiṣu

उसे भूलवश भी ललाट पर कोई अन्य पुण्ड्र नहीं धारण करना चाहिए — विष्णु-आगम आदि में कही गई ख्याति, कान्ति आदि की सिद्धि के लिए भी,

श्लोक 109 (devibhagavatam.11.15.109)

स्थितं पुण्ड्रान्तरं नैव धारयेद्वैदिको जनः । तिर्यक्त्रिपुण्ड्रं सन्त्यज्य श्रौतं कथमपि भ्रमात् ॥

sthitaṁ puṇḍrāntaraṁ naiva dhārayedvaidiko janaḥ tiryaktripuṇḍraṁ santyajya śrautaṁ kathamapi bhramāt

वैदिक व्यक्ति को कोई अन्य स्थायी पुण्ड्र नहीं धारण करना चाहिए, किसी भी भ्रम से श्रुति-सम्मत तिरछे त्रिपुण्ड्र को त्यागकर।

श्लोक 110 (devibhagavatam.11.15.110)

ललाटे भस्मना तिर्यक्त्रिपुण्ड्रस्य च धारणम् । विना पुण्ड्रान्तरं मोहाद्धारयन्नारकी भवेत् ॥

lalāṭe bhasmanā tiryaktripuṇḍrasya ca dhāraṇam vinā puṇḍrāntaraṁ mohāddhārayannārakī bhavet

जो मोहवश ललाट पर भस्म से तिरछे त्रिपुण्ड्र के बिना कोई अन्य पुण्ड्र धारण करता है, वह नरकगामी होता है।

श्लोक 111 (devibhagavatam.11.15.111)

वेदमार्गैकनिष्ठस्तु मोहेनाप्यङ्कितो यदि । पतत्येव न सन्देहस्तथा पुण्ड्रान्तरादपि ॥

vedamārgaikaniṣṭhastu mohenāpyaṅkito yadi patatyeva na sandehastathā puṇḍrāntarādapi

वेद-मार्ग में एकनिष्ठ व्यक्ति भी यदि मोहवश किसी अन्य चिह्न से अंकित हो जाए, तो वह उसी अन्य पुण्ड्र के कारण निश्चय ही पतित होता है, इसमें संशय नहीं।

श्लोक 112 (devibhagavatam.11.15.112)

नाङ्कनं विग्रहे कुर्याद्वेदमार्गं समाश्रितः । श्रौतधर्मैकनिष्ठानां लिङ्गं तु श्रौतमेव हि ॥

nāṅkanaṁ vigrahe kuryādvedamārgaṁ samāśritaḥ śrautadharmaikaniṣṭhānāṁ liṅgaṁ tu śrautameva hi

वेद-मार्ग का आश्रय लेने वाले को प्रतिमा पर कोई अन्य चिह्न नहीं बनाना चाहिए; श्रुत-धर्म में एकनिष्ठ लोगों का चिह्न श्रुति-सम्मत ही होता है।

श्लोक 113 (devibhagavatam.11.15.113)

अश्रौतधर्मनिष्ठानामश्रौत लिङ्गमीरितम् । देवता वेदसिद्धा यास्तासां लिङ्गं तु वैदिकम् ॥

aśrautadharmaniṣṭhānāmaśrauta liṅgamīritam devatā vedasiddhā yāstāsāṁ liṅgaṁ tu vaidikam

जो अश्रुत-धर्म में निष्ठ हैं, उनके लिए अश्रुत चिह्न कहा गया है; किन्तु जो देवता वेद-सिद्ध हैं, उनका चिह्न वैदिक ही है।

श्लोक 114 (devibhagavatam.11.15.114)

अश्रौततन्त्रनिष्ठा यास्तासामश्रौतमेव हि । वेदसिद्धो महादेवः साक्षात्संसारमोचकः ॥

aśrautatantraniṣṭhā yāstāsāmaśrautameva hi vedasiddho mahādevaḥ sākṣātsaṁsāramocakaḥ

जो अश्रुत तंत्र में निष्ठ हैं, उनके लिए अश्रुत चिह्न ही होता है। वेद-सिद्ध महादेव साक्षात् संसार से मुक्त करने वाले हैं;

श्लोक 115 (devibhagavatam.11.15.115)

भक्तानामुपकाराय श्रौतं लिङ्गं दधाति च । वेदसिद्धस्य विष्णोश्च श्रौतं लिङ्गं न चेतरत् ॥

bhaktānāmupakārāya śrautaṁ liṅgaṁ dadhāti ca vedasiddhasya viṣṇośca śrautaṁ liṅgaṁ na cetarat

भक्तों के हित के लिए वे श्रुति-सम्मत चिह्न ही धारण करते हैं। वेद-सिद्ध विष्णु का भी चिह्न श्रुति-सम्मत ही है, अन्य नहीं,

श्लोक 116 (devibhagavatam.11.15.116)

प्रादुर्भावविशेषाणामपि तस्य तदेव हि । श्रौतं लिङ्गं तु विज्ञेयं त्रिपुण्ड्रोद्धूलनादिकम् ॥

prādurbhāvaviśeṣāṇāmapi tasya tadeva hi śrautaṁ liṅgaṁ tu vijñeyaṁ tripuṇḍroddhūlanādikam

और उनके विशेष अवतारों का भी वही चिह्न होता है। श्रुति-सम्मत चिह्न त्रिपुण्ड्र-उद्धूलन आदि ही जानना चाहिए;

श्लोक 117 (devibhagavatam.11.15.117)

अश्रौतमूर्ध्वपुण्ड्रादि नैव तिर्यक्त्रिपुण्ड्रकम् । वेदमार्गैकनिष्ठानां वेदोक्तेनैव वर्त्मना ॥

aśrautamūrdhvapuṇḍrādi naiva tiryaktripuṇḍrakam vedamārgaikaniṣṭhānāṁ vedoktenaiva vartmanā

अश्रुत ऊर्ध्वपुण्ड्र आदि तिरछे त्रिपुण्ड्र के समान नहीं है। वेद-मार्ग में एकनिष्ठ लोगों के लिए, वेदोक्त मार्ग से ही,

श्लोक 118 (devibhagavatam.11.15.118)

ललाटे भस्मना तिर्यक्त्रिपुण्ड्रं धार्यमेव हि । यस्तु नारायणं देवं प्रपन्नः परमं पदम् । धारयेत्सर्वदा शूलं ललाटे गन्धवारिणा ॥

lalāṭe bhasmanā tiryaktripuṇḍraṁ dhāryameva hi yastu nārāyaṇaṁ devaṁ prapannaḥ paramaṁ padam dhārayetsarvadā śūlaṁ lalāṭe gandhavāriṇā

ललाट पर भस्म से तिरछा त्रिपुण्ड्र ही धारण करना चाहिए। परन्तु जो नारायण देव की शरण में गया है और परम पद का आकांक्षी है, उसे सदा गन्ध-जल से ललाट पर त्रिशूल-चिह्न धारण करना चाहिए।