संध्यादिकृत्य-वर्णन

श्लोक 1 (devibhagavatam.11.17.1)

श्रीनारायण उवाच । भिन्नपादा तु गायत्री ब्रह्महत्याप्रणाशिनी । अभिन्नपादा गायत्री ब्रह्महत्यां प्रयच्छति ॥

śrīnārāyaṇa uvāca bhinnapādā tu gāyatrī brahmahatyāpraṇāśinī abhinnapādā gāyatrī brahmahatyāṁ prayacchati

श्री नारायण ने कहा — जिसके पाद (चरण) पृथक्-पृथक् उच्चारित किए जाएँ, वह गायत्री ब्रह्महत्या का भी नाश करने वाली है; जिसके पाद अपृथक् उच्चारित किए जाएँ, वह गायत्री ब्रह्महत्या प्रदान कर देती है।

श्लोक 2 (devibhagavatam.11.17.2)

अच्छिन्नपादागायत्रीजपं कुर्वन्ति ये द्विजाः । अथोमुखाश्च तिष्ठन्ति कल्पकोटिशतानि च ॥

acchinnapādāgāyatrījapaṁ kurvanti ye dvijāḥ athomukhāśca tiṣṭhanti kalpakoṭiśatāni ca

जो द्विज पादों को बिना पृथक् किए गायत्री का जप करते हैं, वे सैकड़ों करोड़ कल्पों तक मुँह के बल नीचे पड़े रहते हैं।

श्लोक 3 (devibhagavatam.11.17.3)

सम्पुटैका षडोङ्कारा गायत्री विविधा मता । धर्मशास्त्रपुराणेषु इतिहासेषु सुव्रत ॥

sampuṭaikā ṣaḍoṅkārā gāyatrī vividhā matā dharmaśāstrapurāṇeṣu itihāseṣu suvrata

हे सुव्रत! धर्मशास्त्रों, पुराणों और इतिहासों में गायत्री को संपुटित, षडोंकार-सहित तथा विविध रूपों में माना गया है।

श्लोक 4 (devibhagavatam.11.17.4)

पञ्चप्रणवसंयुक्तां जपेदित्यनुशासनम् । जपसङ्ख्याष्टभागान्ते पादो जप्यस्तुरीयकः ॥

pañcapraṇavasaṁyuktāṁ japedityanuśāsanam japasaṅkhyāṣṭabhāgānte pādo japyasturīyakaḥ

नियम यह है कि इसे पाँच प्रणवों से युक्त करके जपना चाहिए। जप-संख्या के आठवें भाग के अंत में चतुर्थ (तुरीय) पाद जपना चाहिए।

श्लोक 5 (devibhagavatam.11.17.5)

स द्विजः परमो ज्ञेयः परं सायुज्यमाप्नुयात् । अन्यथा प्रजपेद्यस्तु स जपो विफलो भवेत् ॥

sa dvijaḥ paramo jñeyaḥ paraṁ sāyujyamāpnuyāt anyathā prajapedyastu sa japo viphalo bhavet

वह द्विज परम श्रेष्ठ जानना चाहिए, वह परम सायुज्य प्राप्त करता है। किन्तु जो इसके विपरीत जपता है, उसका जप निष्फल हो जाता है।

श्लोक 6 (devibhagavatam.11.17.6)

सम्पुटैका षडोङ्कारा भवेत्सा ऊर्ध्वरेतसाम् । गृहस्थो ब्रह्मचारी वा मोक्षार्थी तुरीयां जपेत् ॥

sampuṭaikā ṣaḍoṅkārā bhavetsā ūrdhvaretasām gṛhastho brahmacārī vā mokṣārthī turīyāṁ japet

षडोंकार से संपुटित रूप ऊर्ध्वरेता (ब्रह्मचारी संन्यासियों) के लिए होता है; गृहस्थ अथवा ब्रह्मचारी, मोक्ष की इच्छा वाला, चतुर्थ पाद का जप करे।

श्लोक 7 (devibhagavatam.11.17.7)

तुरीयपादो गायत्र्याः परोरजसे सावदोम् । ध्यानमस्य प्रवक्ष्यामि जपसाङ्गफलप्रदम् ॥

turīyapādo gāyatryāḥ parorajase sāvadom dhyānamasya pravakṣyāmi japasāṅgaphalapradam

गायत्री का चतुर्थ पाद है — 'परोरजसे सावदोम्'। अब मैं इसका ध्यान बताऊँगा, जो जप का सांग फल देने वाला है।

श्लोक 8 (devibhagavatam.11.17.8)

हृदि विकसितपद्मं सार्कसोमाग्निबिम्बं प्रणवमयमचिन्त्यं यस्य पीतं प्रकल्प्यम् । अचलपरमसूक्ष्मं ज्योतिराकाशसारं भवतु मम मुदेऽसौ सच्चिदानन्दरूपः ॥

hṛdi vikasitapadmaṁ sārkasomāgnibimbaṁ praṇavamayamacintyaṁ yasya pītaṁ prakalpyam acalaparamasūkṣmaṁ jyotirākāśasāraṁ bhavatu mama mude'sau saccidānandarūpaḥ

हृदय में खिले हुए कमल में, सूर्य-चन्द्र-अग्नि के बिम्ब सहित, प्रणवमय, अचिन्त्य, जिसका पीत वर्ण कल्पित है, अचल, परम सूक्ष्म, आकाश के सार-स्वरूप ज्योति — वह सच्चिदानन्द-स्वरूप मेरे आनंद के लिए हो।

श्लोक 9 (devibhagavatam.11.17.9)

त्रिशूलयोनी सुरभिमक्षमालां च लिङ्गकम् । अम्बुजं च महामुद्रामिति सप्त प्रदर्शयेत् ॥

triśūlayonī surabhimakṣamālāṁ ca liṅgakam ambujaṁ ca mahāmudrāmiti sapta pradarśayet

त्रिशूल, योनि, सुरभि, अक्षमाला, लिंग, कमल तथा महामुद्रा — इन सात मुद्राओं का प्रदर्शन करना चाहिए।

श्लोक 10 (devibhagavatam.11.17.10)

या सन्ध्या सैव गायत्री सच्चिदानन्दरूपिणी । भक्त्या तां ब्राह्मणो नित्यं पूजयेच्च नमेत्ततः ॥

yā sandhyā saiva gāyatrī saccidānandarūpiṇī bhaktyā tāṁ brāhmaṇo nityaṁ pūjayecca namettataḥ

जो संध्या है, वही सच्चिदानन्द-स्वरूपिणी गायत्री है। ब्राह्मण को भक्तिपूर्वक उनकी नित्य पूजा करनी चाहिए और तत्पश्चात् नमन करना चाहिए।

श्लोक 11 (devibhagavatam.11.17.11)

ध्यातस्य पूजां कुर्वीत पञ्चभिश्चोपचारकैः । लं पृथिव्यात्मने गन्धमर्पयामि नमो नमः ॥

dhyātasya pūjāṁ kurvīta pañcabhiścopacārakaiḥ laṁ pṛthivyātmane gandhamarpayāmi namo namaḥ

ध्यान किए गए स्वरूप की पाँच उपचारों से पूजा करनी चाहिए — 'लं, पृथ्वी-आत्मा को गंध अर्पित करता हूँ, नमो नमः।'

श्लोक 12 (devibhagavatam.11.17.12)

हमाकाशात्मने पुष्पं चार्पयामि नमो नमः । यं च वाय्वात्मने धूपं चार्पयामि ततो वदेत् ॥

hamākāśātmane puṣpaṁ cārpayāmi namo namaḥ yaṁ ca vāyvātmane dhūpaṁ cārpayāmi tato vadet

'हं, आकाश-आत्मा को पुष्प अर्पित करता हूँ, नमो नमः।' और 'यं, वायु-आत्मा को धूप अर्पित करता हूँ' — यह तत्पश्चात् कहना चाहिए।

श्लोक 13 (devibhagavatam.11.17.13)

रं च वह्न्यात्मने दीपमर्पयामि ततो वदेत् । वममृतात्मने तस्मै नैवेद्यमपि चार्पयेत् ॥

raṁ ca vahnyātmane dīpamarpayāmi tato vadet vamamṛtātmane tasmai naivedyamapi cārpayet

फिर कहना चाहिए — 'रं, अग्नि-आत्मा को दीप अर्पित करता हूँ।' 'वं, उस अमृत-आत्मा को नैवेद्य भी अर्पित करता हूँ।'

श्लोक 14 (devibhagavatam.11.17.14)

यं रं लं वं हमिति च पुष्पाञ्जलिमथार्पयेत् । एवं पूजां विधायाथ चान्ते मुद्राः प्रदर्शयेत् ॥

yaṁ raṁ laṁ vaṁ hamiti ca puṣpāñjalimathārpayet evaṁ pūjāṁ vidhāyātha cānte mudrāḥ pradarśayet

'यं, रं, लं, वं, हं' कहते हुए पुष्पांजलि अर्पित करनी चाहिए। इस प्रकार पूजा करके अंत में मुद्राएँ प्रदर्शित करनी चाहिए।

श्लोक 15 (devibhagavatam.11.17.15)

ध्यायेत्तु मनसा देवीं मन्त्रमुच्चारयेच्छनैः । न कम्पयेच्छिरो ग्रीवा दन्तान्नैव प्रकाशयेत् ॥

dhyāyettu manasā devīṁ mantramuccārayecchanaiḥ na kampayecchiro grīvā dantānnaiva prakāśayet

मन से देवी का ध्यान करना चाहिए और मंत्र को धीरे-धीरे उच्चारित करना चाहिए; सिर और गर्दन नहीं हिलानी चाहिए, दाँत भी नहीं दिखाने चाहिए।

श्लोक 16 (devibhagavatam.11.17.16)

विधिनाष्टोत्तरशतमष्टाविंशतिरेव वा । दशवारमशक्तो वा नातो न्यूनं कदाचन ॥

vidhināṣṭottaraśatamaṣṭāviṁśatireva vā daśavāramaśakto vā nāto nyūnaṁ kadācana

विधिपूर्वक एक सौ आठ बार, अथवा अट्ठाईस बार, अथवा असमर्थ होने पर दस बार जपना चाहिए — इससे कम कभी नहीं।

श्लोक 17 (devibhagavatam.11.17.17)

तत उद्वासयेद्देवीमुत्तमेत्यनुवाकतः । न गायत्रीं जपेद्विद्वाञ्जलमध्ये कथञ्चन ॥

tata udvāsayeddevīmuttametyanuvākataḥ na gāyatrīṁ japedvidvāñjalamadhye kathañcana

तत्पश्चात् 'उत्तमे' इत्यादि अनुवाक से देवी को विदा करना चाहिए। विद्वान को कभी भी जल के मध्य खड़े होकर गायत्री का जप नहीं करना चाहिए।

श्लोक 18 (devibhagavatam.11.17.18)

यतः साग्निमुखी प्रोक्तेत्याहुः केचिन्महर्षयः । सुरभिर्ज्ञानशूर्पं च कूर्मो योनिश्च पङ्कजम् ॥

yataḥ sāgnimukhī proktetyāhuḥ kecinmaharṣayaḥ surabhirjñānaśūrpaṁ ca kūrmo yoniśca paṅkajam

क्योंकि कुछ महर्षियों ने कहा है कि वे अग्निमुखी हैं — सुरभि, ज्ञान-शूर्प, कूर्म, योनि और कमल,

श्लोक 19 (devibhagavatam.11.17.19)

लिङ्गं निर्वाणकं चैव जपान्तेऽष्टौ प्रदर्शयेत् । यदक्षरपदभ्रष्टं स्वरव्यञ्जनवर्जितम् ॥

liṅgaṁ nirvāṇakaṁ caiva japānte'ṣṭau pradarśayet yadakṣarapadabhraṣṭaṁ svaravyañjanavarjitam

लिंग तथा निर्वाण-मुद्रा — जप के अंत में ये आठ प्रदर्शित करनी चाहिए। 'जो अक्षर अथवा पद में त्रुटि रह गई हो, जो स्वर या व्यंजन से रहित हो,

श्लोक 20 (devibhagavatam.11.17.20)

तत्सर्वं क्षम्यतां देवि कश्यपप्रियवादिनि । गायत्रीतर्पणं चातः करणीयं महामुने ॥

tatsarvaṁ kṣamyatāṁ devi kaśyapapriyavādini gāyatrītarpaṇaṁ cātaḥ karaṇīyaṁ mahāmune

वह सब क्षमा किया जाए, हे देवि, कश्यप की प्रियवादिनी!' हे महामुने! तत्पश्चात् गायत्री-तर्पण करना चाहिए।

श्लोक 21 (devibhagavatam.11.17.21)

गायत्री छन्द आख्यातं विश्वामित्रऋषिः स्मृतः । सविता देवता प्रोक्ता विनियोगश्च तर्पणे ॥

gāyatrī chanda ākhyātaṁ viśvāmitraṛṣiḥ smṛtaḥ savitā devatā proktā viniyogaśca tarpaṇe

गायत्री उसका छन्द कहा गया है, विश्वामित्र ऋषि स्मरण किए गए हैं, सविता देवता कहे गए हैं, और तर्पण में उसका विनियोग होता है।

श्लोक 22 (devibhagavatam.11.17.22)

भूरित्युक्त्वा च ऋग्वेदपुरुषं तर्पयामि च । भुव इत्येतदुक्त्वा च यजुर्वेदमथो वदेत् ॥

bhūrityuktvā ca ṛgvedapuruṣaṁ tarpayāmi ca bhuva ityetaduktvā ca yajurvedamatho vadet

'भूः' कहकर 'ऋग्वेद-पुरुष को तर्पण करता हूँ' कहना चाहिए। 'भुवः' कहकर फिर यजुर्वेद के लिए कहना चाहिए।

श्लोक 23 (devibhagavatam.11.17.23)

स्वर्व्याहृतिं समुक्त्वा च सामवेदं समुच्चरेत् । मह इत्येतदुक्त्वान्तेऽथर्ववेदं च तर्पयेत् ॥

svarvyāhṛtiṁ samuktvā ca sāmavedaṁ samuccaret maha ityetaduktvānte'tharvavedaṁ ca tarpayet

'स्वः' व्याहृति कहकर सामवेद का उच्चारण करना चाहिए; अंत में 'महः' कहकर अथर्ववेद को तर्पण देना चाहिए।

श्लोक 24 (devibhagavatam.11.17.24)

जनः पदान्त इतिहासपुराणमितीरयेत् । तपः सर्वागमं चैव पुरुषं तर्पयामि च ॥

janaḥ padānta itihāsapurāṇamitīrayet tapaḥ sarvāgamaṁ caiva puruṣaṁ tarpayāmi ca

'जनः' पद के अंत में 'इतिहास-पुराण' कहना चाहिए; 'तपः' से 'समस्त आगमों के पुरुष को तर्पण करता हूँ' कहना चाहिए।

श्लोक 25 (devibhagavatam.11.17.25)

सत्यं च सत्यलोकाख्यपुरुषं तर्पयामि च । ॐ भूर्भूर्लोकपुरुषं तर्पयामि ततो वदेत् ॥

satyaṁ ca satyalokākhyapuruṣaṁ tarpayāmi ca oṁ bhūrbhūrlokapuruṣaṁ tarpayāmi tato vadet

'सत्यम्' से 'सत्यलोक नामक पुरुष को तर्पण करता हूँ' कहना चाहिए। फिर 'ॐ भूः, भूर्लोक-पुरुष को तर्पण करता हूँ' कहना चाहिए।

श्लोक 26 (devibhagavatam.11.17.26)

भुवश्चेति भुवर्लोकपुरुषं तर्पयामि च । स्वः स्वर्गलोकपुरुषं तर्पयामि ततः परम् ॥

bhuvaśceti bhuvarlokapuruṣaṁ tarpayāmi ca svaḥ svargalokapuruṣaṁ tarpayāmi tataḥ param

'भुवः, भुवर्लोक-पुरुष को तर्पण करता हूँ।' 'स्वः, स्वर्गलोक-पुरुष को तर्पण करता हूँ' — इसके पश्चात्,

श्लोक 27 (devibhagavatam.11.17.27)

ओम्भूरेकपदा नाम गायत्रीं तर्पयामि च । भुवो द्विपदां गायत्रीं तर्पयामीति कीर्तयेत् ॥

ombhūrekapadā nāma gāyatrīṁ tarpayāmi ca bhuvo dvipadāṁ gāyatrīṁ tarpayāmīti kīrtayet

'ॐ भूः, एकपदा नामक गायत्री को तर्पण करता हूँ।' 'भुवः, द्विपदा गायत्री को तर्पण करता हूँ' — ऐसा कहना चाहिए।

श्लोक 28 (devibhagavatam.11.17.28)

स्वश्च त्रिपदां गायत्रीं तर्पयामि ततो वदेत् । ओम्भूर्भुवः स्वश्चेति तथा गायत्रीं च चतुष्पदाम् ॥

svaśca tripadāṁ gāyatrīṁ tarpayāmi tato vadet ombhūrbhuvaḥ svaśceti tathā gāyatrīṁ ca catuṣpadām

'स्वः, त्रिपदा गायत्री को तर्पण करता हूँ' कहना चाहिए। 'ॐ भूर्भुवः स्वः, चतुष्पदा गायत्री को' भी इसी प्रकार कहना चाहिए।

श्लोक 29 (devibhagavatam.11.17.29)

उषसीं चैव गायत्रीं सावित्रीं च सरस्वतीम् । वेदानां मातरं पृथ्वीमजां चैव तु कौशिकीम् ॥

uṣasīṁ caiva gāyatrīṁ sāvitrīṁ ca sarasvatīm vedānāṁ mātaraṁ pṛthvīmajāṁ caiva tu kauśikīm

उषा-रूपिणी गायत्री, सावित्री, सरस्वती, वेदों की माता, पृथ्वी, अजा और कौशिकी —

श्लोक 30 (devibhagavatam.11.17.30)

साङ्कृतिं वै सार्वजितिं गायत्रीं तर्पणे वदेत् । तर्पणान्ते च शान्त्यर्थं जातवेदसमीरयेत् ॥

sāṅkṛtiṁ vai sārvajitiṁ gāyatrīṁ tarpaṇe vadet tarpaṇānte ca śāntyarthaṁ jātavedasamīrayet

साङ्कृति और सार्वजिति — इन रूपों में गायत्री को तर्पण में कहना चाहिए। तर्पण के अंत में शान्ति के लिए 'जातवेदसे' मंत्र का उच्चारण करना चाहिए।

श्लोक 31 (devibhagavatam.11.17.31)

मानस्तोकेति मन्त्रं च शान्त्यर्थं प्रजपेत्सुधीः । ततोऽपि त्र्यम्बको मन्त्रः शान्त्यर्थः परिकीर्तितः ॥

mānastoketi mantraṁ ca śāntyarthaṁ prajapetsudhīḥ tato'pi tryambako mantraḥ śāntyarthaḥ parikīrtitaḥ

बुद्धिमान को शान्ति के लिए 'मानस्तोके' मंत्र का जप करना चाहिए; तत्पश्चात् त्र्यम्बक मंत्र भी शान्ति के लिए कहा गया है।

श्लोक 32 (devibhagavatam.11.17.32)

तच्छंयोरिति मन्त्रं च जपेच्छान्त्यर्थमेव तु । अतो देवा इति द्वाभ्यां सर्वाङ्गस्पर्शनं चरेत् ॥

tacchaṁyoriti mantraṁ ca japecchāntyarthameva tu ato devā iti dvābhyāṁ sarvāṅgasparśanaṁ caret

'तच्छंयोः' मंत्र का भी शान्ति के लिए ही जप करना चाहिए। 'अतो देवाः' इत्यादि दो मंत्रों से सम्पूर्ण अंगों का स्पर्श करना चाहिए।

श्लोक 33 (devibhagavatam.11.17.33)

स्योनापृथिविमन्त्रेण भूम्यै कुर्यात्प्रणामकम् । यथाविधि च गोत्रादीनुच्चरेद्द्विजसत्तमः ॥

syonāpṛthivimantreṇa bhūmyai kuryātpraṇāmakam yathāvidhi ca gotrādīnuccareddvijasattamaḥ

'स्योनापृथिवि' मंत्र से भूमि को प्रणाम करना चाहिए; और द्विजश्रेष्ठ को विधिपूर्वक अपना गोत्र आदि उच्चारित करना चाहिए।

श्लोक 34 (devibhagavatam.11.17.34)

एवं विधानं सन्ध्यायाः प्रातःकाले प्रकीर्तितम् । सन्ध्याकर्म समाप्यान्तेऽप्यग्निहोत्रं स्वयं हुनेत् ॥

evaṁ vidhānaṁ sandhyāyāḥ prātaḥkāle prakīrtitam sandhyākarma samāpyānte'pyagnihotraṁ svayaṁ hunet

इस प्रकार प्रातःकाल की संध्या की विधि कही गई है। संध्या-कर्म समाप्त करके, अंत में स्वयं अग्निहोत्र भी करना चाहिए।

श्लोक 35 (devibhagavatam.11.17.35)

पञ्चायतनपूजां च ततः कुर्यात्समाहितः । शिवां शिवं गणपतिं सूर्यं विष्णुं तथार्चयेत् ॥

pañcāyatanapūjāṁ ca tataḥ kuryātsamāhitaḥ śivāṁ śivaṁ gaṇapatiṁ sūryaṁ viṣṇuṁ tathārcayet

तत्पश्चात् सावधान होकर पंचायतन-पूजा करनी चाहिए — शिवा, शिव, गणपति, सूर्य और विष्णु की अर्चना करनी चाहिए।

श्लोक 36 (devibhagavatam.11.17.36)

पौरुषेण तु सूक्तेन व्याहृत्या वा समाहितः । मूलमन्त्रेण वा कुर्याद्ध्रीश्च ते इति मन्त्रतः ॥

pauruṣeṇa tu sūktena vyāhṛtyā vā samāhitaḥ mūlamantreṇa vā kuryāddhrīśca te iti mantrataḥ

सावधान होकर पुरुष-सूक्त से, अथवा व्याहृति से, अथवा मूल-मंत्र से, अथवा 'ह्रीश्च ते' मंत्र से यह पूजा करनी चाहिए।

श्लोक 37 (devibhagavatam.11.17.37)

भवानीं तु यजेन्मध्ये तथैशान्यां तु माधवम् । आग्नेय्यां गिरिजानाथं गणेशं रक्षसां दिशि ॥

bhavānīṁ tu yajenmadhye tathaiśānyāṁ tu mādhavam āgneyyāṁ girijānāthaṁ gaṇeśaṁ rakṣasāṁ diśi

भवानी की मध्य में पूजा करनी चाहिए, तथा ईशान दिशा में माधव की, आग्नेय में गिरिजानाथ (शिव) की, राक्षसों की दिशा (नैऋत्य) में गणेश की,

श्लोक 38 (devibhagavatam.11.17.38)

वायव्यामर्चयेत्सूर्यमिति देवस्थितिक्रमः । षोडशानुपचारांश्च षोडशर्ग्भिर्हरेन्नरः ॥

vāyavyāmarcayetsūryamiti devasthitikramaḥ ṣoḍaśānupacārāṁśca ṣoḍaśargbhirharennaraḥ

वायव्य दिशा में सूर्य की अर्चना करनी चाहिए — यह देवताओं की स्थिति का क्रम है। मनुष्य को सोलह ऋचाओं से सोलह उपचार करने चाहिए।

श्लोक 39 (devibhagavatam.11.17.39)

देवीमभ्यर्च्य पुरतो यजेदन्याननुक्रमात् । न देवीपूजनात्पुण्यमधिकं क्वचिदीक्ष्यते ॥

devīmabhyarcya purato yajedanyānanukramāt na devīpūjanātpuṇyamadhikaṁ kvacidīkṣyate

पहले देवी की पूजा करके फिर क्रमशः अन्य देवताओं की पूजा करनी चाहिए; देवी-पूजन से बढ़कर कहीं भी अधिक पुण्य नहीं देखा जाता।

श्लोक 40 (devibhagavatam.11.17.40)

अत एव तु सन्ध्यासु सन्ध्योपास्तिः श्रुतीरिता । नाक्षतैरर्चयेर्द्विष्णुं न तुलस्या गणेश्वरम् ॥

ata eva tu sandhyāsu sandhyopāstiḥ śrutīritā nākṣatairarcayerdviṣṇuṁ na tulasyā gaṇeśvaram

इसी कारण संध्याओं में संध्या-उपासना श्रुति में कही गई है। विष्णु की पूजा अक्षत से नहीं करनी चाहिए, न गणेश की तुलसी से,

श्लोक 41 (devibhagavatam.11.17.41)

दूर्वाभिर्नार्चयेद्दुर्गां केतकैर्न महेश्वरम् । मल्लिकाजातिकुसुमं कुटजं पनसं तथा ॥

dūrvābhirnārcayeddurgāṁ ketakairna maheśvaram mallikājātikusumaṁ kuṭajaṁ panasaṁ tathā

न दूर्वा से दुर्गा की पूजा करनी चाहिए, न केतकी से महेश्वर की। मल्लिका, जाति के फूल, कुटज, कटहल के फूल इसी प्रकार,

श्लोक 42 (devibhagavatam.11.17.42)

किंशुकं बकुलं कुन्दं लोध्रं तु करवीरकम् । शिंशपाऽपराजितापुष्पं बब्धूकागस्त्यपुष्पके ॥

kiṁśukaṁ bakulaṁ kundaṁ lodhraṁ tu karavīrakam śiṁśapā'parājitāpuṣpaṁ babdhūkāgastyapuṣpake

किंशुक, बकुल, कुन्द, लोध्र, कनेर, शीशम, अपराजिता के फूल, बंधूक और अगस्त्य के फूल,

श्लोक 43 (devibhagavatam.11.17.43)

मदन्तं सिन्दुवारं च पालाशकुसुमं तथा । दूर्वाङ्कुरं बिल्वदलं कुशमञ्जरिकां तथा ॥

madantaṁ sinduvāraṁ ca pālāśakusumaṁ tathā dūrvāṅkuraṁ bilvadalaṁ kuśamañjarikāṁ tathā

मदन्त, निर्गुण्डी, तथा पलाश के फूल इसी प्रकार, दूर्वांकुर, बिल्वपत्र तथा कुश की मंजरी भी,

श्लोक 44 (devibhagavatam.11.17.44)

शल्लकीमाधवीपुष्पमर्कमन्दारपुष्पकम् । केतकीं कर्णिकारं च कदम्बकुसुमं तथा ॥

śallakīmādhavīpuṣpamarkamandārapuṣpakam ketakīṁ karṇikāraṁ ca kadambakusumaṁ tathā

शल्लकी और माधवी के फूल, अर्क और मन्दार के फूल, केतकी, कर्णिकार तथा कदम्ब के फूल इसी प्रकार,

श्लोक 45 (devibhagavatam.11.17.45)

पुन्नागश्चम्पकस्तद्वद्यूथिकातगरौ तथा । एवमादीनि पुष्पाणि देवीप्रियकराणि च ॥

punnāgaścampakastadvadyūthikātagarau tathā evamādīni puṣpāṇi devīpriyakarāṇi ca

पुन्नाग और चम्पा इसी प्रकार, तथा यूथिका और तगर भी — इस प्रकार के फूल देवी को प्रिय होते हैं।

श्लोक 46 (devibhagavatam.11.17.46)

गुग्गुलस्य भवेद्धूपो दीपः स्यात्तिलतैलतः । कृत्वेत्थं देवतापूजां ततो मूलमनुं जपेत् ॥

guggulasya bhaveddhūpo dīpaḥ syāttilatailataḥ kṛtvetthaṁ devatāpūjāṁ tato mūlamanuṁ japet

धूप गुग्गुल का होना चाहिए, दीप तिल के तेल से जलाना चाहिए। इस प्रकार देवता की पूजा करके तत्पश्चात् मूल-मंत्र का जप करना चाहिए।

श्लोक 47 (devibhagavatam.11.17.47)

एवं पूजां समाप्यैव वेदाभ्यासं चरेद्बुधः । ततः स्ववृत्त्या कुर्वीत पोष्यवर्गार्थसाधनम् । तृतीयदिनभागे तु नियमेन विचक्षणः ॥

evaṁ pūjāṁ samāpyaiva vedābhyāsaṁ caredbudhaḥ tataḥ svavṛttyā kurvīta poṣyavargārthasādhanam tṛtīyadinabhāge tu niyamena vicakṣaṇaḥ

इस प्रकार पूजा समाप्त करके बुद्धिमान को वेदाभ्यास करना चाहिए; तत्पश्चात् अपनी वृत्ति से आश्रितों के लिए धन-साधन करना चाहिए — विचक्षण पुरुष को दिन के तीसरे भाग में नियमपूर्वक यह करना चाहिए।