रुद्राक्ष-माहात्म्य-वर्णन (मुख एवं अधिष्ठातृ-देवता)

श्लोक 1 (devibhagavatam.11.7.1)

श्रीनारायण उवाच । एवं नारद षड्वक्त्रो गिरिशेन विबोधितः । रुद्राक्षमहिमानं च ज्ञात्वासीत्स कृतार्थकः

śrīnārāyaṇa uvāca evaṁ nārada ṣaḍvaktro giriśena vibodhitaḥ rudrākṣamahimānaṁ ca jñātvāsītsa kṛtārthakaḥ

श्रीनारायण ने कहा — हे नारद! इस प्रकार षड्मुख (कार्तिकेय) को गिरीश ने उपदेश दिया, और रुद्राक्ष की महिमा जानकर वे कृतार्थ हो गए।

श्लोक 2 (devibhagavatam.11.7.2)

इत्थं भूतानुभावोऽयं रुद्राक्षो वर्णितो मया । सदाचारप्रसङ्गेन शृणु चान्यत्समाहितः

itthaṁ bhūtānubhāvo'yaṁ rudrākṣo varṇito mayā sadācāraprasaṅgena śṛṇu cānyatsamāhitaḥ

इस प्रकार मैंने सदाचार के प्रसंग में इस अद्भुत प्रभाव वाले रुद्राक्ष का वर्णन किया है; अब समाहित होकर आगे और सुनो।

श्लोक 3 (devibhagavatam.11.7.3)

यथा रुद्राक्षमहिमा वर्णितोऽनन्तपुण्यदः । लक्षणं मन्त्रविन्यासं तथाहं वर्णयामि ते

yathā rudrākṣamahimā varṇito'nantapuṇyadaḥ lakṣaṇaṁ mantravinyāsaṁ tathāhaṁ varṇayāmi te

जैसे रुद्राक्ष की अनंत पुण्यदायी महिमा वर्णित हुई, वैसे ही अब मैं उसके [अन्य] लक्षण और मंत्र-न्यास का वर्णन करूँगा।

श्लोक 4 (devibhagavatam.11.7.4)

लक्षं तु दर्शनात्युण्यं कोटिस्तत्स्पर्शनाद्भवेत् । तस्य कोटिगुणं पुण्यं लभते धारणान्नरः

lakṣaṁ tu darśanātyuṇyaṁ koṭistatsparśanādbhavet tasya koṭiguṇaṁ puṇyaṁ labhate dhāraṇānnaraḥ

उसके दर्शन मात्र से लाख गुना पुण्य, स्पर्श से करोड़ गुना, और धारण करने से मनुष्य को उससे भी करोड़ गुना अधिक पुण्य प्राप्त होता है।

श्लोक 5 (devibhagavatam.11.7.5)

लक्षकोटिसहस्राणि लक्षकोटिशतानि च । तज्जपाल्लभते पुण्यं नरो रुद्राक्षधारणात्

lakṣakoṭisahasrāṇi lakṣakoṭiśatāni ca tajjapāllabhate puṇyaṁ naro rudrākṣadhāraṇāt

उससे जप करने पर मनुष्य को हजारों-लाखों-करोड़ों तथा सैकड़ों-लाखों-करोड़ों गुना पुण्य रुद्राक्ष-धारण से प्राप्त होता है।

श्लोक 6 (devibhagavatam.11.7.6)

रुद्राक्षाणां तु भद्राक्षधारणात्स्यान्महाफलम् । धात्रीफलप्रमाणं यच्छ्रेष्ठमेतदुदाहृतम्

rudrākṣāṇāṁ tu bhadrākṣadhāraṇātsyānmahāphalam dhātrīphalapramāṇaṁ yacchreṣṭhametadudāhṛtam

रुद्राक्षों में भद्राक्ष धारण करने से महाफल प्राप्त होता है। जो आँवले के फल के बराबर आकार का हो, वह श्रेष्ठ कहा गया है।

श्लोक 7 (devibhagavatam.11.7.7)

बदरीफलमात्रं तु प्रोच्यते मध्यमं बुधैः । अधमं चणमात्रं स्यात्प्रतिज्ञैषा मयोदिता

badarīphalamātraṁ tu procyate madhyamaṁ budhaiḥ adhamaṁ caṇamātraṁ syātpratijñaiṣā mayoditā

बेर के फल के बराबर को बुद्धिजन मध्यम कहते हैं, और चने के बराबर को अधम कहा गया है — यह नियम मैंने बताया है।

श्लोक 8 (devibhagavatam.11.7.8)

ब्राह्मणाः क्षत्रिया वैश्याः शूद्राश्चेति शिवाज्ञया । वृक्षा जाताः पृथिव्यां तु तज्जातीयाः शुभाक्षकाः

brāhmaṇāḥ kṣatriyā vaiśyāḥ śūdrāśceti śivājñayā vṛkṣā jātāḥ pṛthivyāṁ tu tajjātīyāḥ śubhākṣakāḥ

शिव की आज्ञा से ब्राह्मण, क्षत्रिय, वैश्य और शूद्र के अनुरूप पृथ्वी पर वृक्ष उत्पन्न हुए, और उन्हीं की जाति के शुभ रुद्राक्ष होते हैं।

श्लोक 9 (devibhagavatam.11.7.9)

श्वेतास्तु ब्राह्मणा ज्ञेयाः क्षत्रिया रक्तवर्णकाः । पीता वैश्यास्तु विज्ञेयाः कृष्णाः शूद्राः प्रकीर्तिताः

śvetāstu brāhmaṇā jñeyāḥ kṣatriyā raktavarṇakāḥ pītā vaiśyāstu vijñeyāḥ kṛṣṇāḥ śūdrāḥ prakīrtitāḥ

श्वेत रुद्राक्ष को ब्राह्मण जानना चाहिए, रक्तवर्ण को क्षत्रिय, पीतवर्ण को वैश्य, और कृष्णवर्ण को शूद्र कहा गया है।

श्लोक 10 (devibhagavatam.11.7.10)

ब्राह्मणो बिभृयाच्छ्वेतान् रक्तान् राजा तु धारयेत् । पीतान्वैश्यस्तु बिभृयात्कृष्णान् शूद्रस्तु धारयेत्

brāhmaṇo bibhṛyācchvetān raktān rājā tu dhārayet pītānvaiśyastu bibhṛyātkṛṣṇān śūdrastu dhārayet

ब्राह्मण को श्वेत रुद्राक्ष धारण करना चाहिए, राजा को रक्तवर्ण, वैश्य को पीतवर्ण, और शूद्र को कृष्णवर्ण धारण करना चाहिए।

श्लोक 11 (devibhagavatam.11.7.11)

समाः स्निग्धा दृढास्तद्वत्कण्टकैः संयुताः शुभाः । कृमिदष्टाञ्छिन्नभिन्नान्कण्टकैरहितांस्तथा

samāḥ snigdhā dṛḍhāstadvatkaṇṭakaiḥ saṁyutāḥ śubhāḥ kṛmidaṣṭāñchinnabhinnānkaṇṭakairahitāṁstathā

समान, चिकने, दृढ़ तथा स्वाभाविक कंटकों से युक्त मनके शुभ कहे गए हैं। कीड़ों से खाए हुए, टूटे-फूटे,

श्लोक 12 (devibhagavatam.11.7.12)

व्रणयुक्तानावृतांश्च षड्रुद्राक्षांस्तु वर्जयेत् । स्वयमेव कृतद्वारो रुद्राक्षः स्यादिहोत्तमः

vraṇayuktānāvṛtāṁśca ṣaḍrudrākṣāṁstu varjayet svayameva kṛtadvāro rudrākṣaḥ syādihottamaḥ

कंटकहीन, दोषयुक्त और कृत्रिम रूप से ढके हुए — इन छह प्रकार के रुद्राक्षों को त्याग देना चाहिए। स्वयं छिद्रयुक्त रुद्राक्ष ही श्रेष्ठ माना जाता है।

श्लोक 13 (devibhagavatam.11.7.13)

यत्तु पौरुषयत्नेन कृतं तन्मध्यमं भवेत् । समान्स्निग्धान्दृढान्वृत्तान्क्षौमसूत्रेण धारयेत्

yattu pauruṣayatnena kṛtaṁ tanmadhyamaṁ bhavet samānsnigdhāndṛḍhānvṛttānkṣaumasūtreṇa dhārayet

जो मनुष्य के प्रयत्न से छेदा गया हो, वह मध्यम श्रेणी का होता है। समान, चिकने, दृढ़ और गोल मनकों को रेशमी सूत्र में पिरोकर धारण करे।

श्लोक 14 (devibhagavatam.11.7.14)

सर्वगात्रेषु साम्येन समानातिविलक्षणा । निर्घर्षे हेमलेखाभा यत्र लेखा प्रदृश्यते

sarvagātreṣu sāmyena samānātivilakṣaṇā nirgharṣe hemalekhābhā yatra lekhā pradṛśyate

जो सभी अंगों में समान और फिर भी विशिष्ट रूप से पृथक हो, तथा रगड़ने पर जिस पर सुनहरी रेखा के समान चमक दिखाई दे —

श्लोक 15 (devibhagavatam.11.7.15)

तदक्षमुत्तमं विद्यात्स धार्यः शिवपूजकैः । शिखायामेकरुद्राक्षं त्रिंशद्वै शिरसा वहेत्

tadakṣamuttamaṁ vidyātsa dhāryaḥ śivapūjakaiḥ śikhāyāmekarudrākṣaṁ triṁśadvai śirasā vahet

उस मनके को श्रेष्ठ जानना चाहिए, वह शिव-पूजकों द्वारा धारण करने योग्य है। शिखा पर एक रुद्राक्ष, और मस्तक पर तीस धारण करने चाहिए।

श्लोक 16 (devibhagavatam.11.7.16)

षट्त्रिंशच्च गले धार्या बाह्वोः षोडश षोडश । मणिबन्धे द्वादशाक्षान्स्कन्धे पञ्चाशतं भवेत्

ṣaṭtriṁśacca gale dhāryā bāhvoḥ ṣoḍaśa ṣoḍaśa maṇibandhe dvādaśākṣānskandhe pañcāśataṁ bhavet

कंठ में छत्तीस धारण करने चाहिए, दोनों भुजाओं में सोलह-सोलह; कलाई में बारह मनके, और कंधे/वक्ष पर पचास।

श्लोक 17 (devibhagavatam.11.7.17)

अष्टोत्तरशतैर्मालोपवीतं च प्रकल्पयेत् । द्विसरं त्रिसरं वापि बिभृयात्कण्ठदेशतः

aṣṭottaraśatairmālopavītaṁ ca prakalpayet dvisaraṁ trisaraṁ vāpi bibhṛyātkaṇṭhadeśataḥ

एक सौ आठ मनकों से यज्ञोपवीत के रूप में माला बनानी चाहिए। कंठ-प्रदेश में दो या तीन लड़ियों वाली माला भी धारण की जा सकती है।

श्लोक 18 (devibhagavatam.11.7.18)

कुण्डले मुकुटे चैव कर्णिकाहारकेषु च । केयूरे कटके चैव कुक्षिवंशे तथैव च

kuṇḍale mukuṭe caiva karṇikāhārakeṣu ca keyūre kaṭake caiva kukṣivaṁśe tathaiva ca

कुण्डल में, मुकुट में, कर्णाभूषण और हार में, केयूर में, कड़े में, तथा कमर में भी —

श्लोक 19 (devibhagavatam.11.7.19)

सुप्ते पीते सर्वकालं रुद्राक्षं धारयेन्नरः । त्रिशतं त्वधमं पञ्चशतं मध्यममुच्यते

supte pīte sarvakālaṁ rudrākṣaṁ dhārayennaraḥ triśataṁ tvadhamaṁ pañcaśataṁ madhyamamucyate

मनुष्य सोते हुए, पीते हुए, सभी समय रुद्राक्ष धारण करे। तीन सौ धारण करना अधम, पाँच सौ मध्यम कहा गया है,

श्लोक 20 (devibhagavatam.11.7.20)

सहस्रमुत्तमं प्रोक्तं चैवं भेदेन धारयेत् । शिरसीशानमन्त्रेण कर्णे तत्पुरुषेण च

sahasramuttamaṁ proktaṁ caivaṁ bhedena dhārayet śirasīśānamantreṇa karṇe tatpuruṣeṇa ca

और एक हजार को उत्तम कहा गया है; इसी भेद से धारण करना चाहिए। मस्तक पर ईशान-मंत्र से, कान पर तत्पुरुष-मंत्र से,

श्लोक 21 (devibhagavatam.11.7.21)

अघोरेण ललाटे तु तेनैव हृदयेऽपि च । अघोरबीजमन्त्रेण करयोर्धारयेत्पुनः

aghoreṇa lalāṭe tu tenaiva hṛdaye'pi ca aghorabījamantreṇa karayordhārayetpunaḥ

ललाट पर अघोर-मंत्र से, और उसी मंत्र से हृदय पर भी; तथा पुनः दोनों हाथों पर अघोर-बीज-मंत्र से धारण करे।

श्लोक 22 (devibhagavatam.11.7.22)

पञ्चाशदक्षग्रथितां वामदेवेन चोदरे । पञ्चब्रह्मभिरङ्गैश्चाप्येवं रुद्राक्षधारणम्

pañcāśadakṣagrathitāṁ vāmadevena codare pañcabrahmabhiraṅgaiścāpyevaṁ rudrākṣadhāraṇam

उदर पर पचास मनकों की माला वामदेव-मंत्र से; इस प्रकार पंचब्रह्म-मंत्रों और उनके अंगों सहित रुद्राक्ष-धारण किया जाता है।

श्लोक 23 (devibhagavatam.11.7.23)

ग्रथितान्मूलमन्त्रेण सर्वानक्षांस्तु धारयेत् । एकवक्त्रस्तु रुद्राक्षः परतत्त्वप्रकाशकः

grathitānmūlamantreṇa sarvānakṣāṁstu dhārayet ekavaktrastu rudrākṣaḥ paratattvaprakāśakaḥ

मूलमंत्र से पिरोए गए सभी मनकों को धारण करना चाहिए। एकमुखी रुद्राक्ष परम तत्त्व का प्रकाशक है;

श्लोक 24 (devibhagavatam.11.7.24)

परतत्त्वधारणाच्च जायते तत्प्रकाशनम् । द्विवक्त्रस्तु मुनिश्रेष्ठ अर्धनारीश्वरो भवेत्

paratattvadhāraṇācca jāyate tatprakāśanam dvivaktrastu muniśreṣṭha ardhanārīśvaro bhavet

परम तत्त्व को धारण करने से उसका ही प्रकाश उत्पन्न होता है। हे मुनिश्रेष्ठ! द्विमुखी अर्धनारीश्वर का स्वरूप है;

श्लोक 25 (devibhagavatam.11.7.25)

धारणादर्धनारीशः प्रीयते तस्य नित्यशः । त्रिवक्त्रस्त्वनलः साक्षात्स्त्रीहत्यां दहति क्षणात्

dhāraṇādardhanārīśaḥ prīyate tasya nityaśaḥ trivaktrastvanalaḥ sākṣātstrīhatyāṁ dahati kṣaṇāt

इसे धारण करने से अर्धनारीश्वर उससे सदा प्रसन्न रहते हैं। त्रिमुखी साक्षात् अग्नि है, जो स्त्री-हत्या के पाप को क्षणभर में जला डालता है।

श्लोक 26 (devibhagavatam.11.7.26)

त्रिमुखश्चैव रुद्राक्षोऽप्यग्नित्रयस्वरूपकः । तद्धारणाच्च हुतभुक् तस्य तुष्यति नित्यशः

trimukhaścaiva rudrākṣo'pyagnitrayasvarūpakaḥ taddhāraṇācca hutabhuk tasya tuṣyati nityaśaḥ

त्रिमुखी रुद्राक्ष तीनों अग्नियों का भी स्वरूप है; इसे धारण करने से अग्नि उससे सदा संतुष्ट रहती है।

श्लोक 27 (devibhagavatam.11.7.27)

चतुर्मुखस्तु रुद्राक्षः पितामहस्वरूपकः । तद्धारणान्महाश्रीमान्महदारोग्यमुत्तमम्

caturmukhastu rudrākṣaḥ pitāmahasvarūpakaḥ taddhāraṇānmahāśrīmānmahadārogyamuttamam

चतुर्मुखी रुद्राक्ष पितामह ब्रह्मा का स्वरूप है; इसे धारण करने से महान् ऐश्वर्य और उत्तम आरोग्य प्राप्त होता है,

श्लोक 28 (devibhagavatam.11.7.28)

महती ज्ञानसम्पत्तिः शुद्धये धारयेन्नरः । पञ्चमुखस्तु रुद्राक्षः पञ्चब्रह्मस्वरूपकः

mahatī jñānasampattiḥ śuddhaye dhārayennaraḥ pañcamukhastu rudrākṣaḥ pañcabrahmasvarūpakaḥ

तथा महान् ज्ञान-संपत्ति भी। मनुष्य को शुद्धि के लिए इसे धारण करना चाहिए। पंचमुखी रुद्राक्ष पंचब्रह्म का स्वरूप है;

श्लोक 29 (devibhagavatam.11.7.29)

तस्य धारणमात्रेण सन्तुष्यति महेश्वरः । षड्वक्त्रश्चैव रुद्राक्षः कार्तिकेयाधिदैवतः

tasya dhāraṇamātreṇa santuṣyati maheśvaraḥ ṣaḍvaktraścaiva rudrākṣaḥ kārtikeyādhidaivataḥ

इसे धारण करने मात्र से महेश्वर संतुष्ट होते हैं। षड्मुखी रुद्राक्ष का अधिष्ठाता देव कार्तिकेय है;

श्लोक 30 (devibhagavatam.11.7.30)

विनायकं चापि देवं प्रवदन्ति मनीषिणः । सप्तवक्त्रस्तु रुद्राक्षः सप्तमात्राधिदैवतः

vināyakaṁ cāpi devaṁ pravadanti manīṣiṇaḥ saptavaktrastu rudrākṣaḥ saptamātrādhidaivataḥ

विद्वज्जन इसे विनायक देव का स्वरूप भी कहते हैं। सप्तमुखी रुद्राक्ष की अधिष्ठातृ देवियाँ सप्तमातृकाएँ हैं,

श्लोक 31 (devibhagavatam.11.7.31)

सप्ताश्वदैवतश्चैव मुनिसप्तकदैवतः । तद्धारणान्महाश्रीः स्यान्महदारोग्यमुत्तमम्

saptāśvadaivataścaiva munisaptakadaivataḥ taddhāraṇānmahāśrīḥ syānmahadārogyamuttamam

तथा सप्त अश्व (सूर्य के) और सप्तर्षि भी इसके देवता हैं; इसे धारण करने से महान् ऐश्वर्य और उत्तम आरोग्य प्राप्त होता है,

श्लोक 32 (devibhagavatam.11.7.32)

महती ज्ञानसम्पत्तिः शुचिर्वै धारयेन्नरः । अष्टवक्त्रस्तु रुद्राक्षोऽप्यष्टमात्राधिदैवतः

mahatī jñānasampattiḥ śucirvai dhārayennaraḥ aṣṭavaktrastu rudrākṣo'pyaṣṭamātrādhidaivataḥ

तथा महान् ज्ञान-संपत्ति भी। शुद्ध पुरुष को इसे धारण करना चाहिए। अष्टमुखी रुद्राक्ष की अधिष्ठातृ देवियाँ अष्टमातृकाएँ हैं,

श्लोक 33 (devibhagavatam.11.7.33)

वस्वष्टकप्रीतिकरो गङ्गाप्रीतिकरः शुभः । तद्धारणादिमे प्रीता भवेयुः सत्यवादिनः

vasvaṣṭakaprītikaro gaṅgāprītikaraḥ śubhaḥ taddhāraṇādime prītā bhaveyuḥ satyavādinaḥ

और यह अष्ट वसुओं को तथा गंगा को प्रसन्न करने वाला, शुभ है। इसे धारण करने से ये सत्यवादी देवता प्रसन्न होते हैं।

श्लोक 34 (devibhagavatam.11.7.34)

नववक्त्रस्तु रुद्राक्षो यमदेव उदाहृतः । तद्धारणाद्यमभयं न भवत्येव सर्वथा

navavaktrastu rudrākṣo yamadeva udāhṛtaḥ taddhāraṇādyamabhayaṁ na bhavatyeva sarvathā

नवमुखी रुद्राक्ष यमदेव का स्वरूप कहा गया है; इसे धारण करने से यम का भय कभी नहीं होता।

श्लोक 35 (devibhagavatam.11.7.35)

दशवक्त्रस्तु रुद्राक्षो दशाशादैवतः स्मृतः । दशाशाप्रीतिजनको धारणे नात्र संशयः

daśavaktrastu rudrākṣo daśāśādaivataḥ smṛtaḥ daśāśāprītijanako dhāraṇe nātra saṁśayaḥ

दशमुखी रुद्राक्ष दसों दिशाओं का अधिष्ठातृ माना गया है; इसे धारण करने से दसों दिशाएँ प्रसन्न होती हैं, इसमें संदेह नहीं।

श्लोक 36 (devibhagavatam.11.7.36)

एकादशमुखस्त्वक्षो रुद्रैकादशदैवतः । तमिन्द्रदैवतं चाहुः सदा सौख्यविवर्धनम्

ekādaśamukhastvakṣo rudraikādaśadaivataḥ tamindradaivataṁ cāhuḥ sadā saukhyavivardhanam

एकादशमुखी मनका ग्यारह रुद्रों का अधिष्ठातृ है; इसे इंद्र-देवता वाला भी कहते हैं, जो सदा सुख बढ़ाने वाला है।

श्लोक 37 (devibhagavatam.11.7.37)

रुद्राक्षो द्वादशमुखो महाविष्णुस्वरूपकः । द्वादशादित्यदैवश्च बिभर्त्येव हि तत्परः

rudrākṣo dvādaśamukho mahāviṣṇusvarūpakaḥ dvādaśādityadaivaśca bibhartyeva hi tatparaḥ

द्वादशमुखी रुद्राक्ष महाविष्णु का स्वरूप है, और इसका देवता द्वादश आदित्य हैं; उसमें अनुरक्त व्यक्ति ही इसे धारण करता है।

श्लोक 38 (devibhagavatam.11.7.38)

त्रयोदशमुखश्चाक्षः कामदः सिद्धिदः शुभः । तस्य धारणमात्रेण कामदेवः प्रसीदति

trayodaśamukhaścākṣaḥ kāmadaḥ siddhidaḥ śubhaḥ tasya dhāraṇamātreṇa kāmadevaḥ prasīdati

त्रयोदशमुखी मनका कामनाओं को पूर्ण करने वाला, सिद्धिदायक और शुभ है; इसे धारण करने मात्र से कामदेव प्रसन्न होते हैं।

श्लोक 39 (devibhagavatam.11.7.39)

चतुर्दशमुखश्चाक्षो रुद्रनेत्रसमुद्भवः । सर्वव्याधिहरश्चैव सर्वारोग्यप्रदायकः

caturdaśamukhaścākṣo rudranetrasamudbhavaḥ sarvavyādhiharaścaiva sarvārogyapradāyakaḥ

चतुर्दशमुखी मनका रुद्र के नेत्र से उत्पन्न हुआ है; यह समस्त रोगों को हरने वाला और संपूर्ण आरोग्य प्रदान करने वाला है।

श्लोक 40 (devibhagavatam.11.7.40)

मद्यं मांसं च लशुनं पलाण्डुं शिग्रुमेव च । श्लेष्मातकं विड्वराहं भक्षणे वर्जयेत्ततः

madyaṁ māṁsaṁ ca laśunaṁ palāṇḍuṁ śigrumeva ca śleṣmātakaṁ viḍvarāhaṁ bhakṣaṇe varjayettataḥ

[रुद्राक्षधारी को] इसके बाद मद्य, मांस, लहसुन, प्याज, सहजन, श्लेष्मातक फल तथा जूठन खाने वाले सूअर का मांस — इन सबका भक्षण त्याग देना चाहिए।

श्लोक 41 (devibhagavatam.11.7.41)

ग्रहणे विषुवे चैव सङ्क्रमे त्वयने तथा । दर्शे च पौर्णमासे च पुण्येषु दिवसेष्वपि । रुद्राक्षधारणात्सद्यः सर्वपापैः प्रमुच्यते

grahaṇe viṣuve caiva saṅkrame tvayane tathā darśe ca paurṇamāse ca puṇyeṣu divaseṣvapi rudrākṣadhāraṇātsadyaḥ sarvapāpaiḥ pramucyate

ग्रहण के समय, विषुव में, संक्रांति में, अयन में, अमावस्या और पूर्णिमा को, तथा अन्य पुण्य दिवसों में भी — रुद्राक्ष धारण करने से मनुष्य तत्काल समस्त पापों से मुक्त हो जाता है।