परीक्षित् का मरण

श्लोक 1 (devibhagavatam.2.10.1)

सूत उवाच । तस्मिन्नेव दिने नाम्ना तक्षकस्तं नृपोत्तमम् । शप्तं ज्ञात्वा गृहात्तूर्णं निःसृतः पुरुषोत्तमः

sūta uvāca tasminneva dine nāmnā takṣakastaṁ nṛpottamam śaptaṁ jñātvā gṛhāttūrṇaṁ niḥsṛtaḥ puruṣottamaḥ

सूत जी ने कहा — उसी दिन तक्षक नामक वह श्रेष्ठ (सर्प) उस श्रेष्ठ राजा के शापित होने का समाचार जानकर, अपने घर से शीघ्रता से निकल पड़ा।

श्लोक 2 (devibhagavatam.2.10.2)

वृद्धब्राह्मणवेषेण तक्षकः पथि निर्गतः । अपश्यत्कश्यपं मार्गे व्रजन्तं नृपतिं प्रति

vṛddhabrāhmaṇaveṣeṇa takṣakaḥ pathi nirgataḥ apaśyatkaśyapaṁ mārge vrajantaṁ nṛpatiṁ prati

वृद्ध ब्राह्मण का वेष धारण करके तक्षक मार्ग में निकला; उसने मार्ग में राजा की ओर जाते हुए कश्यप को देखा।

श्लोक 3 (devibhagavatam.2.10.3)

तमपृच्छत्पन्नगोऽसौ ब्राह्मणं मन्त्रवादिनम् । क्व भवांस्त्वरितो याति किञ्च कार्यं चिकीर्षति

tamapṛcchatpannago'sau brāhmaṇaṁ mantravādinam kva bhavāṁstvarito yāti kiñca kāryaṁ cikīrṣati

उस सर्प ने उस मंत्रवादी ब्राह्मण से पूछा — 'आप इतनी शीघ्रता से कहाँ जा रहे हैं, और क्या कार्य करना चाहते हैं?'

श्लोक 4 (devibhagavatam.2.10.4)

कश्यप उवाच । परीक्षितं नृपश्रेष्ठं तक्षकश्च प्रधक्ष्यति । तत्राहं त्वरितो यामि नृपं कर्तुमपज्वरम्

kaśyapa uvāca parīkṣitaṁ nṛpaśreṣṭhaṁ takṣakaśca pradhakṣyati tatrāhaṁ tvarito yāmi nṛpaṁ kartumapajvaram

कश्यप ने कहा — 'तक्षक श्रेष्ठ राजा परीक्षित् को भस्म कर देगा; वहीं मैं शीघ्रता से जा रहा हूँ, राजा को ज्वर-मुक्त (विष-मुक्त) करने के लिए।

श्लोक 5 (devibhagavatam.2.10.5)

मन्त्रोऽस्ति मम विप्रेन्द्र विषनाशकरः किल । जीवयिष्याम्यहं तं वै जीवितव्येऽधुना किल

mantro'sti mama viprendra viṣanāśakaraḥ kila jīvayiṣyāmyahaṁ taṁ vai jīvitavye'dhunā kila

हे विप्रेन्द्र! मेरे पास विष का नाश करने वाला एक मंत्र है; मैं उसे अवश्य ही जीवित कर दूँगा, अभी उसे जीवित रहना ही है।'

श्लोक 6 (devibhagavatam.2.10.6)

तक्षक उवाच । अहं स पन्नगो ब्रह्मंस्तं धक्ष्यामि महीपतिम् । निवर्तस्व न शक्तस्त्वं मया दष्टं चिकित्सितुम्

takṣaka uvāca ahaṁ sa pannago brahmaṁstaṁ dhakṣyāmi mahīpatim nivartasva na śaktastvaṁ mayā daṣṭaṁ cikitsitum

तक्षक ने कहा — 'हे ब्राह्मण! वह सर्प मैं ही हूँ, जो उस राजा को भस्म करूँगा। लौट जाओ, तुम मेरे द्वारा डसे गए को चिकित्सा करने में समर्थ नहीं हो।'

श्लोक 7 (devibhagavatam.2.10.7)

कश्यप उवाच । अहं दष्टं त्वया सर्प नृपं शप्तं द्विजेन वै । जीवयिष्याम्यसन्देहं कामं मन्त्रबलेन वै

kaśyapa uvāca ahaṁ daṣṭaṁ tvayā sarpa nṛpaṁ śaptaṁ dvijena vai jīvayiṣyāmyasandehaṁ kāmaṁ mantrabalena vai

कश्यप ने कहा — 'हे सर्प! तुम्हारे द्वारा डसे गए, और उस ब्राह्मण द्वारा शापित हुए उस राजा को, मैं मंत्र-बल से अवश्य ही, बिना किसी संशय के, जीवित कर दूँगा।'

श्लोक 8 (devibhagavatam.2.10.8)

तक्षक उवाच । यदि त्वं जीवितुं यासि मया दष्टं नृपोत्तमम् । मन्त्रशक्तिबलं विप्र दर्शय त्वं ममानघ

takṣaka uvāca yadi tvaṁ jīvituṁ yāsi mayā daṣṭaṁ nṛpottamam mantraśaktibalaṁ vipra darśaya tvaṁ mamānagha

तक्षक ने कहा — 'हे निष्पाप विप्र! यदि तुम मेरे द्वारा डसे उस श्रेष्ठ राजा को जीवित कर सकते हो, तो अपने मंत्र-बल की शक्ति मुझे दिखाओ।

श्लोक 9 (devibhagavatam.2.10.9)

धक्ष्याम्येनं च न्यग्रोधं विषदंष्ट्राभिरद्य वै । कश्यप उवाच । जीवयिष्ये त्वया दष्टं दग्धं वा पन्नगोत्तम

dhakṣyāmyenaṁ ca nyagrodhaṁ viṣadaṁṣṭrābhiradya vai kaśyapa uvāca jīvayiṣye tvayā daṣṭaṁ dagdhaṁ vā pannagottama

मैं आज इसी क्षण इस न्यग्रोध (वट) वृक्ष को अपने विषैले दाँतों से भस्म कर देता हूँ।' कश्यप ने कहा — 'तुम्हारे द्वारा डसे या जलाए गए इस वृक्ष को भी, हे सर्पश्रेष्ठ, मैं जीवित कर दूँगा।'

श्लोक 10 (devibhagavatam.2.10.10)

सूत उवाच । अदशत्पन्नगो वृक्षं भस्मसाच्च चकार तम् । उवाच कश्यपं भूयो जीवयैनं द्विजोत्तम

sūta uvāca adaśatpannago vṛkṣaṁ bhasmasācca cakāra tam uvāca kaśyapaṁ bhūyo jīvayainaṁ dvijottama

सूत जी ने कहा — सर्प ने वृक्ष को डस लिया और उसे भस्म कर दिया। फिर उसने कश्यप से कहा — 'हे द्विजोत्तम! अब इसे जीवित करो।'

श्लोक 11 (devibhagavatam.2.10.11)

दृष्ट्वा भस्मीकृतं वृक्षं पन्नगेन विषाग्निना । सर्वं भस्म समाहृत्य कश्यपो वाक्यमब्रवीत्

dṛṣṭvā bhasmīkṛtaṁ vṛkṣaṁ pannagena viṣāgninā sarvaṁ bhasma samāhṛtya kaśyapo vākyamabravīt

सर्प के विष-अग्नि से भस्म हुए उस वृक्ष को देखकर, समस्त भस्म को एकत्र करके कश्यप ने यह वचन कहा।

श्लोक 12 (devibhagavatam.2.10.12)

पश्य मन्त्रबलं मेऽद्य न्यग्रोधं पन्नगोत्तम । जीवयाम्यद्य वृक्षं वै पश्यतस्ते महाविष

paśya mantrabalaṁ me'dya nyagrodhaṁ pannagottama jīvayāmyadya vṛkṣaṁ vai paśyataste mahāviṣa

'हे सर्पश्रेष्ठ! आज मेरे मंत्र-बल को देखो — इस न्यग्रोध वृक्ष को मैं अभी, हे महाविष सर्प, तुम्हारे ही देखते-देखते जीवित कर देता हूँ।'

श्लोक 13 (devibhagavatam.2.10.13)

इत्युक्त्वा जलमादाय कश्यपो मन्त्रवित्तमः । सिषेच भस्मराशिं तं मन्त्रितेनैव वारिणा

ityuktvā jalamādāya kaśyapo mantravittamaḥ siṣeca bhasmarāśiṁ taṁ mantritenaiva vāriṇā

ऐसा कहकर, जल लेकर, मंत्र-विद्या में निपुण कश्यप ने उस भस्म के ढेर को मंत्र से अभिमन्त्रित जल से सींच दिया।

श्लोक 14 (devibhagavatam.2.10.14)

तद्वारिसेचनाज्जातो न्यग्रोधः पूर्ववच्छुभः । विस्मयं तक्षकः प्राप्तो दृष्ट्वा तं जीवितं नगम्

tadvārisecanājjāto nyagrodhaḥ pūrvavacchubhaḥ vismayaṁ takṣakaḥ prāpto dṛṣṭvā taṁ jīvitaṁ nagam

उस जल के सींचे जाने से वह न्यग्रोध वृक्ष पूर्व की भाँति ही शुभ रूप में फिर से उग आया। उस वृक्ष को जीवित हुआ देखकर तक्षक अत्यंत विस्मित हो गया।

श्लोक 15 (devibhagavatam.2.10.15)

तमाह कश्यपं नागः किमर्थं ते परिश्रमः । सम्पादयामि तं कामं ब्रूहि वाडव वाञ्छितम्

tamāha kaśyapaṁ nāgaḥ kimarthaṁ te pariśramaḥ sampādayāmi taṁ kāmaṁ brūhi vāḍava vāñchitam

उस नाग ने कश्यप से कहा — 'तुम्हारा यह परिश्रम किसलिए है? तुम्हारी जो भी वांछित इच्छा हो, हे वाडव (ब्राह्मण)! बताओ, मैं उसे पूर्ण करता हूँ।'

श्लोक 16 (devibhagavatam.2.10.16)

कश्यप उवाच । वित्तार्थी नृपतिं मत्वा शप्तं पन्नग निःसृतः । गृहादहं चोपकर्तुं विद्यया नृपसत्तमम्

kaśyapa uvāca vittārthī nṛpatiṁ matvā śaptaṁ pannaga niḥsṛtaḥ gṛhādahaṁ copakartuṁ vidyayā nṛpasattamam

कश्यप ने कहा — 'हे सर्प! मैं धन का इच्छुक हूँ, और उस शापित राजा को जानकर, अपनी विद्या से उस श्रेष्ठ राजा की सहायता करने के लिए ही मैं अपने घर से निकला हूँ।'

श्लोक 17 (devibhagavatam.2.10.17)

तक्षक उवाच । वित्तं गृहाण विप्रेन्द्र यावदिच्छसि पार्थिवात् । ददामि स्वगृहं याहि सकामोऽहं भवाम्यतः

takṣaka uvāca vittaṁ gṛhāṇa viprendra yāvadicchasi pārthivāt dadāmi svagṛhaṁ yāhi sakāmo'haṁ bhavāmyataḥ

तक्षक ने कहा — 'हे विप्रेन्द्र! तुम राजा से जितना भी धन चाहते हो, उतना ही मैं तुम्हें दे देता हूँ; तुम अपने घर लौट जाओ, इससे मैं भी अपनी इच्छा पूर्ण करने वाला बनूँगा।'

श्लोक 18 (devibhagavatam.2.10.18)

सूत उवाच । तच्छ्रुत्वा वचनं तस्य कश्यपः परमार्थवित् । चिन्तयामास मनसा किं करोमि पुनः पुनः

sūta uvāca tacchrutvā vacanaṁ tasya kaśyapaḥ paramārthavit cintayāmāsa manasā kiṁ karomi punaḥ punaḥ

सूत जी ने कहा — उसका यह वचन सुनकर परमार्थ को जानने वाला कश्यप मन में बार-बार यह सोचने लगा — 'अब मैं क्या करूँ?

श्लोक 19 (devibhagavatam.2.10.19)

धनं गहीत्वा स्वगृहं प्रयामि यद्यहं पुनः । भविष्यति न मे कीर्तिर्लोके लोभसमाश्रयात्

dhanaṁ gahītvā svagṛhaṁ prayāmi yadyahaṁ punaḥ bhaviṣyati na me kīrtirloke lobhasamāśrayāt

यदि मैं धन लेकर पुनः अपने घर लौट जाऊँ, तो लोक में लोभवश मेरी कोई कीर्ति नहीं होगी।

श्लोक 20 (devibhagavatam.2.10.20)

जीवितेऽथ नृपश्रेष्ठे कीर्तिः स्यादचला मम । धनप्राप्तिश्च बहुधा भवेत्पुण्यं च जीवनात्

jīvite'tha nṛpaśreṣṭhe kīrtiḥ syādacalā mama dhanaprāptiśca bahudhā bhavetpuṇyaṁ ca jīvanāt

परन्तु यदि वह श्रेष्ठ राजा जीवित रहता है, तो मेरी अटल कीर्ति होगी, और जीवन-दान से बहुत प्रकार से धन-प्राप्ति और पुण्य भी प्राप्त होंगे।

श्लोक 21 (devibhagavatam.2.10.21)

रक्षणीयं यशः कामं धिग्धनं यशसा विना । सर्वस्वं रघुणा पूर्वं दत्तं विप्राय कीर्तये

rakṣaṇīyaṁ yaśaḥ kāmaṁ dhigdhanaṁ yaśasā vinā sarvasvaṁ raghuṇā pūrvaṁ dattaṁ viprāya kīrtaye

यश की सर्वथा रक्षा करनी चाहिए, यश के बिना धन को धिक्कार है। पूर्वकाल में राजा रघु ने कीर्ति के लिए अपना सर्वस्व ही एक ब्राह्मण को दे दिया था।

श्लोक 22 (devibhagavatam.2.10.22)

हरिश्चन्द्रेण कर्णेन कीर्त्यर्थं बहुविस्तरम् । उपेक्षेयं कथं भूपं दह्यमानं विषाग्निना

hariścandreṇa karṇena kīrtyarthaṁ bahuvistaram upekṣeyaṁ kathaṁ bhūpaṁ dahyamānaṁ viṣāgninā

हरिश्चन्द्र और कर्ण ने भी कीर्ति के लिए बहुत कुछ त्याग किया — तो मैं उस शापित राजा को विष-अग्नि से जलते हुए कैसे उपेक्षित छोड़ दूँ?

श्लोक 23 (devibhagavatam.2.10.23)

जीवितेऽद्य मया राज्ञि सुखं सर्वजनस्य च । अराजके प्रजानाशो भविता नात्र संशयः

jīvite'dya mayā rājñi sukhaṁ sarvajanasya ca arājake prajānāśo bhavitā nātra saṁśayaḥ

आज मेरे द्वारा राजा के जीवित रहने से समस्त प्रजा को सुख होगा; अराजकता होने पर प्रजा का नाश निश्चय ही होगा, इसमें संदेह नहीं।

श्लोक 24 (devibhagavatam.2.10.24)

प्रजानाशस्य पापं मे भविष्यति मृते नृपे । अपकीर्तिश्च लोकेषु धनलोभाद्भविष्यति

prajānāśasya pāpaṁ me bhaviṣyati mṛte nṛpe apakīrtiśca lokeṣu dhanalobhādbhaviṣyati

यदि राजा मर जाए तो प्रजा के नाश का पाप मुझे लगेगा, और धन के लोभ से लोक में मेरी अपकीर्ति भी होगी।'

श्लोक 25 (devibhagavatam.2.10.25)

इति सञ्चिन्त्य मनसा ध्यानं कृत्वा स कश्यपः । गतायुषं च नृपतिं ज्ञातवाम्बुद्धिमत्तरः

iti sañcintya manasā dhyānaṁ kṛtvā sa kaśyapaḥ gatāyuṣaṁ ca nṛpatiṁ jñātavāmbuddhimattaraḥ

इस प्रकार मन में विचार करके, ध्यान लगाकर उस अत्यंत बुद्धिमान कश्यप ने यह जान लिया कि राजा की आयु समाप्त हो चुकी है।

श्लोक 26 (devibhagavatam.2.10.26)

आसन्नमृत्युं राजानं ज्ञात्वा ध्यानेन कश्यपः । गृहं ययौ स धर्मात्मा धनमादाय तक्षकात्

āsannamṛtyuṁ rājānaṁ jñātvā dhyānena kaśyapaḥ gṛhaṁ yayau sa dharmātmā dhanamādāya takṣakāt

ध्यान द्वारा राजा की निकट-मृत्यु को जानकर, वह धर्मात्मा कश्यप, तक्षक से धन प्राप्त करके अपने घर लौट गया।

श्लोक 27 (devibhagavatam.2.10.27)

निवर्त्य कश्यपं सर्पः सप्तमे दिवसे नृपम् । हन्तुकामो जगामाशु नगरं नागसाह्वयम्

nivartya kaśyapaṁ sarpaḥ saptame divase nṛpam hantukāmo jagāmāśu nagaraṁ nāgasāhvayam

कश्यप को इस प्रकार लौटा देकर, वह सर्प सातवें दिन उस राजा को मारने के इच्छुक होकर शीघ्रता से हस्तिनापुर नगर की ओर चल पड़ा।

श्लोक 28 (devibhagavatam.2.10.28)

शुश्राव नगरस्यान्ते प्रासादस्थं परीक्षितम् । मणिमन्त्रौषधैः कामं रक्ष्यमाणमतन्द्रितम्

śuśrāva nagarasyānte prāsādasthaṁ parīkṣitam maṇimantrauṣadhaiḥ kāmaṁ rakṣyamāṇamatandritam

नगर के बाहरी सीमा पर ही उसने सुन लिया कि परीक्षित् उस प्रासाद में रह रहा है, मणि, मंत्र और औषधियों से पूर्णतः और सतर्कतापूर्वक सुरक्षित है।

श्लोक 29 (devibhagavatam.2.10.29)

चिन्ताविष्टस्तदा नागो विप्रशापभयाकुलः । चिन्तयामास योगेन प्रविशेयं गृहं कथम्

cintāviṣṭastadā nāgo vipraśāpabhayākulaḥ cintayāmāsa yogena praviśeyaṁ gṛhaṁ katham

तब वह चिंतातुर नाग, ब्राह्मण के शाप के भय से व्याकुल होकर, ध्यान से विचार करने लगा कि मैं उस भवन में किस प्रकार प्रवेश करूँ,

श्लोक 30 (devibhagavatam.2.10.30)

वञ्जयामि कथं चैनं राजानं पापकारिणम् । विप्रशापाद्धतं मूढं विप्रपीडाकरं शठम्

vañjayāmi kathaṁ cainaṁ rājānaṁ pāpakāriṇam vipraśāpāddhataṁ mūḍhaṁ viprapīḍākaraṁ śaṭham

और उस पापी राजा को किस प्रकार वंचित करूँ — जो ब्राह्मण के शाप से मारा जाने वाला, मूर्ख और ब्राह्मण को पीड़ा देने वाला, कपटी है।

श्लोक 31 (devibhagavatam.2.10.31)

पाण्डवानां कुले जातः कोऽपि नैतादृशो भवेत् । तापसस्य गले येन मृतः सर्पो निवेशितः

pāṇḍavānāṁ kule jātaḥ ko'pi naitādṛśo bhavet tāpasasya gale yena mṛtaḥ sarpo niveśitaḥ

पाण्डवों के कुल में उत्पन्न होकर भी ऐसा कोई नहीं होना चाहिए — जिसने तपस्वी के गले में एक मृत सर्प डाल दिया,

श्लोक 32 (devibhagavatam.2.10.32)

कृत्वा विगर्हितं कर्म जानन्कालगतिं नृपः । रक्षकान्भवने कृत्वा प्रासादमभिगम्य च

kṛtvā vigarhitaṁ karma jānankālagatiṁ nṛpaḥ rakṣakānbhavane kṛtvā prāsādamabhigamya ca

ऐसा निंदनीय कार्य करके भी राजा, समय की गति को जानते हुए, अपने भवन में रक्षक नियुक्त करके और उस प्रासाद पर चढ़कर,

श्लोक 33 (devibhagavatam.2.10.33)

मृत्युं वञ्चयते राजा वर्ततेऽद्य निराकुलः । तं कथं धक्षयिष्यामि विप्रवाक्येन चोदितः

mṛtyuṁ vañcayate rājā vartate'dya nirākulaḥ taṁ kathaṁ dhakṣayiṣyāmi vipravākyena coditaḥ

आज निश्चिंत होकर मृत्यु को छलने का प्रयत्न कर रहा है। मैं, ब्राह्मण के वचन से प्रेरित होकर, उसे कैसे भस्म करूँ?

श्लोक 34 (devibhagavatam.2.10.34)

न जानाति च मन्दात्मा मरणं ह्यनिवर्तनम् । तेनासौ रक्षकान्स्थाप्य सौधारूढोऽद्य मोदते

na jānāti ca mandātmā maraṇaṁ hyanivartanam tenāsau rakṣakānsthāpya saudhārūḍho'dya modate

यह मूढ़ बुद्धि यह नहीं जानता कि मृत्यु को टाला नहीं जा सकता; इसीलिए वह रक्षकों को नियुक्त करके, अपने प्रासाद पर चढ़कर आज प्रसन्न हो रहा है।

श्लोक 35 (devibhagavatam.2.10.35)

यदि वै विहितो मृत्युर्दैवेनामिततेजसा । स कथं परिवर्तेत कृतैर्यत्नैस्तु कोटिभिः

yadi vai vihito mṛtyurdaivenāmitatejasā sa kathaṁ parivarteta kṛtairyatnaistu koṭibhiḥ

यदि अपार तेजस्वी दैव द्वारा मृत्यु विहित हो चुकी है, तो वह करोड़ों प्रयत्नों से भी कैसे टाली जा सकती है?

श्लोक 36 (devibhagavatam.2.10.36)

पाण्डवस्य च दायादो जानन्मृत्युं गतं नृपः । जीवने मतिमास्थाय स्थितः स्थाने निराकुलः

pāṇḍavasya ca dāyādo jānanmṛtyuṁ gataṁ nṛpaḥ jīvane matimāsthāya sthitaḥ sthāne nirākulaḥ

पाण्डु का यह उत्तराधिकारी राजा, अपनी मृत्यु के निकट आ जाने को जानते हुए भी, जीवन में ही मन लगाकर, निश्चिंत होकर वहाँ बैठा है।

श्लोक 37 (devibhagavatam.2.10.37)

दानपुण्यादिकं राजा कर्तुमर्हति सर्वथा । धर्मेण हन्यते व्याधिर्येनायुः शाश्वतं भवेत्

dānapuṇyādikaṁ rājā kartumarhati sarvathā dharmeṇa hanyate vyādhiryenāyuḥ śāśvataṁ bhavet

राजा को तो दान-पुण्य आदि करना ही उचित था; धर्म से ही रोग नष्ट होता है, जिससे आयु शाश्वत बनी रह सकती है।

श्लोक 38 (devibhagavatam.2.10.38)

नोचेन्मृत्युविधिं कृत्वा स्नानदानादिकाः क्रियाः । मरणं स्वर्गलोकाय नरकायान्यथा भवेतू

nocenmṛtyuvidhiṁ kṛtvā snānadānādikāḥ kriyāḥ maraṇaṁ svargalokāya narakāyānyathā bhavetū

अन्यथा, स्नान-दान आदि क्रियाओं द्वारा मृत्यु की विधि पूर्ण करके, मृत्यु स्वर्ग की ओर ले जाती है, नहीं तो नरक की ओर।

श्लोक 39 (devibhagavatam.2.10.39)

द्विजपीडाकृतं पापं पृथग्वास्य च भूपतेः । विप्रशापस्तथा घोर आसन्ने मरणे किल

dvijapīḍākṛtaṁ pāpaṁ pṛthagvāsya ca bhūpateḥ vipraśāpastathā ghora āsanne maraṇe kila

ब्राह्मण को पीड़ा देने से उत्पन्न पाप उस राजा में अलग से ही है, और उस पर वह भयंकर ब्राह्मण-शाप भी है, जब उसकी मृत्यु निकट ही है।

श्लोक 40 (devibhagavatam.2.10.40)

न कोऽपि ब्राह्मणः पार्श्वे य एनं प्रतिबोधयेत् । वेधसा विहितो मृत्युरनिवार्यस्तु सर्वथा

na ko'pi brāhmaṇaḥ pārśve ya enaṁ pratibodhayet vedhasā vihito mṛtyuranivāryastu sarvathā

उसके पास ऐसा कोई ब्राह्मण भी नहीं है जो उसे यह सब समझा सके। विधाता द्वारा विहित मृत्यु सर्वथा अनिवार्य ही है।'

श्लोक 41 (devibhagavatam.2.10.41)

इति सञ्चिन्त्य सर्पोऽसौ स्वान्नागान्निकटे स्थितान् । कृत्वा तापसवेषांस्तान्प्राहिणोत्सुभुजङ्गमान्

iti sañcintya sarpo'sau svānnāgānnikaṭe sthitān kṛtvā tāpasaveṣāṁstānprāhiṇotsubhujaṅgamān

इस प्रकार विचार करके, उस सर्प ने अपने निकट स्थित सर्पों को तपस्वियों का वेष धारण कराकर, उन नागों को (राजा के पास) भेज दिया।

श्लोक 42 (devibhagavatam.2.10.42)

फलमूलादिकं गृह्य राज्ञे नागोऽथ तक्षकः । स्वयं च कीटरूपेण फलमध्ये ससार ह

phalamūlādikaṁ gṛhya rājñe nāgo'tha takṣakaḥ svayaṁ ca kīṭarūpeṇa phalamadhye sasāra ha

फल-मूल आदि लेकर, वे नाग राजा के पास गए; और तक्षक स्वयं भी एक कीट का रूप धारण करके, एक फल के भीतर प्रविष्ट हो गया।

श्लोक 43 (devibhagavatam.2.10.43)

निर्गतास्ते तदा नागाः फलान्यादाय सत्वराः । ते राजभवनं प्राप्य स्थिताः प्रासादसन्निधौ

nirgatāste tadā nāgāḥ phalānyādāya satvarāḥ te rājabhavanaṁ prāpya sthitāḥ prāsādasannidhau

फिर वे नाग शीघ्रता से फल लेकर निकल पड़े, और राजभवन पहुँचकर उस प्रासाद के निकट खड़े रहे।

श्लोक 44 (devibhagavatam.2.10.44)

रक्षकास्तापसान्दृष्ट्वा पप्रच्छुस्तच्चिकीर्षितम् । ऊचुस्ते भूपतिं द्रष्टुं प्राप्ताः स्मोऽद्य तपोवनात्

rakṣakāstāpasāndṛṣṭvā papracchustaccikīrṣitam ūcuste bhūpatiṁ draṣṭuṁ prāptāḥ smo'dya tapovanāt

रक्षकों ने उन तपस्वियों को देखकर उनके प्रयोजन के बारे में पूछा। उन्होंने कहा — 'हम राजा के दर्शन के लिए आज तपोवन से आए हैं।

श्लोक 45 (devibhagavatam.2.10.45)

अभिमन्युसुतं वीरं कुलार्कं चारुदर्शनम् । परिवर्धयितुं प्राप्ता मन्त्रैराथर्वणैस्तथा

abhimanyusutaṁ vīraṁ kulārkaṁ cārudarśanam parivardhayituṁ prāptā mantrairātharvaṇaistathā

अभिमन्यु के पुत्र, कुल के सूर्य समान, अत्यंत सुंदर दिखने वाले उस वीर की, अथर्ववेद के मंत्रों द्वारा, आयु-वृद्धि हेतु आशीर्वाद देने के लिए हम आए हैं।

श्लोक 46 (devibhagavatam.2.10.46)

निवेदयध्वं राजानं दर्शनार्थागतान्मुनीन् । कृत्वाभिषेकान्यास्यामो दत्त्वा मिष्टफलानिच

nivedayadhvaṁ rājānaṁ darśanārthāgatānmunīn kṛtvābhiṣekānyāsyāmo dattvā miṣṭaphalānica

राजा को हमारे आगमन की सूचना दो, कि दर्शन के इच्छुक मुनि आए हुए हैं; हम उन्हें अभिषेक (आशीर्वाद) देकर, मीठे फल देकर, फिर चले जाएँगे।

श्लोक 47 (devibhagavatam.2.10.47)

भारतानां कुले वापि न दृष्टा द्वाररक्षकाः । न श्रुतं तापसानां तु राज्ञोऽसन्दर्शनं किल

bhāratānāṁ kule vāpi na dṛṣṭā dvārarakṣakāḥ na śrutaṁ tāpasānāṁ tu rājño'sandarśanaṁ kila

भरतवंश के कुल में कभी भी द्वार-रक्षकों का यह रिवाज नहीं देखा गया; न ही यह सुना गया कि तपस्वियों को राजा का दर्शन न मिले।

श्लोक 48 (devibhagavatam.2.10.48)

आरोहामो वयं तत्र यत्र राजा परीक्षितः । आशीर्भिर्वर्धयित्वैनं दत्ताज्ञाः प्रव्रजामहे

ārohāmo vayaṁ tatra yatra rājā parīkṣitaḥ āśīrbhirvardhayitvainaṁ dattājñāḥ pravrajāmahe

हम वहीं चढ़ेंगे जहाँ राजा परीक्षित् बैठे हैं; उन्हें आशीर्वादों से आयु-वृद्धि देकर, उनकी अनुज्ञा प्राप्त करके ही हम प्रस्थान करेंगे।'

श्लोक 49 (devibhagavatam.2.10.49)

सूत उवाच । इत्याकर्ण्य वचस्तेषां तापसानां तु रक्षकाः । प्रत्यूचुस्तान् द्विजान्मत्वा निदेशं भूपतेर्यथा

sūta uvāca ityākarṇya vacasteṣāṁ tāpasānāṁ tu rakṣakāḥ pratyūcustān dvijānmatvā nideśaṁ bhūpateryathā

सूत जी ने कहा — उन तपस्वियों की यह बात सुनकर, उन्हें ब्राह्मण मानते हुए, रक्षकों ने राजा की आज्ञा के अनुसार उनसे उत्तर दिया।

श्लोक 50 (devibhagavatam.2.10.50)

नाद्य वो दर्शनं विप्रा राज्ञः स्यादिति नो मतिः । श्वः सर्वतापसैरत्र त्वागन्तव्यं नृपालये

nādya vo darśanaṁ viprā rājñaḥ syāditi no matiḥ śvaḥ sarvatāpasairatra tvāgantavyaṁ nṛpālaye

'हे विप्रो! आज आपको राजा के दर्शन नहीं हो सकते, यही हमारा विचार है। हे तपस्वियो! कल आप सभी को यहाँ राजमहल में आना होगा।

श्लोक 51 (devibhagavatam.2.10.51)

अनारोहस्तु प्रासादो विप्राणां मुनिसत्तमाः । विप्रशापभयाद्राज्ञा विहितोऽस्ति न संशयः

anārohastu prāsādo viprāṇāṁ munisattamāḥ vipraśāpabhayādrājñā vihito'sti na saṁśayaḥ

हे मुनिश्रेष्ठो! ब्राह्मणों को भी इस प्रासाद पर चढ़ने की अनुमति नहीं है; यह ब्राह्मण के शाप के भय से राजा द्वारा ही विहित किया गया है, इसमें संदेह नहीं।'

श्लोक 52 (devibhagavatam.2.10.52)

तदोचुस्तानथो विप्राः फलमूलजलानि च । विप्राशिषश्च राज्ञेऽथ ग्राहयन्तु सुरक्षकाः

tadocustānatho viprāḥ phalamūlajalāni ca viprāśiṣaśca rājñe'tha grāhayantu surakṣakāḥ

तब उन विप्रों ने रक्षकों से कहा — 'हमारे इन फल, मूल और जल को, और हमारे आशीर्वादों को राजा तक पहुँचा दो।'

श्लोक 53 (devibhagavatam.2.10.53)

ते गत्वा नृपतिं प्रोचुस्तापसानागताञ्जनाः । राजोवाचानयध्वं वै फलमूलादिकं च यत्

te gatvā nṛpatiṁ procustāpasānāgatāñjanāḥ rājovācānayadhvaṁ vai phalamūlādikaṁ ca yat

वे (रक्षक) राजा के पास जाकर बोले कि तपस्वी लोग आए हुए हैं। राजा ने कहा — 'जो भी फल-मूल आदि हैं, उन्हें ले आओ।

श्लोक 54 (devibhagavatam.2.10.54)

पृच्छध्वं तापसान्कार्यं प्रातरागमनं पुनः । प्रणामं कथयध्वं मे नाद्य सन्दर्शनं मम

pṛcchadhvaṁ tāpasānkāryaṁ prātarāgamanaṁ punaḥ praṇāmaṁ kathayadhvaṁ me nādya sandarśanaṁ mama

तपस्वियों से उनका प्रयोजन पूछो, और उनसे कहो कि वे कल फिर से आएँ। उन्हें मेरा प्रणाम कहो; आज मेरा दर्शन नहीं होगा।'

श्लोक 55 (devibhagavatam.2.10.55)

ते गत्वाथ समादाय फलमूलादिकं च यत् । राज्ञे समर्पयामासुर्बहुमानपुरःसरम्

te gatvātha samādāya phalamūlādikaṁ ca yat rājñe samarpayāmāsurbahumānapuraḥsaram

वे जाकर, फल-मूल आदि सब कुछ लेकर, अत्यंत सम्मानपूर्वक राजा को अर्पित कर आए।

श्लोक 56 (devibhagavatam.2.10.56)

गतेषु तेषु नागेषु विप्रवेषावृतेषु च । फलान्यादाय राजासौ सचिवानिदमब्रवीत्

gateṣu teṣu nāgeṣu vipraveṣāvṛteṣu ca phalānyādāya rājāsau sacivānidamabravīt

उन ब्राह्मण-वेष धारी नागों के चले जाने पर, राजा ने वे फल लेकर अपने मंत्रियों से यह कहा।

श्लोक 57 (devibhagavatam.2.10.57)

सुहृदो भक्षयन्त्वद्य फलान्येतानि सर्वशः । अद्म्यहं चैकमेतद्वै फलं विप्रार्पितं महत्

suhṛdo bhakṣayantvadya phalānyetāni sarvaśaḥ admyahaṁ caikametadvai phalaṁ viprārpitaṁ mahat

'मेरे मित्रगण आज इन सारे फलों को खाएँ; और मैं इस एक बड़े फल को खाता हूँ, जो एक ब्राह्मण द्वारा अर्पित किया गया है।'

श्लोक 58 (devibhagavatam.2.10.58)

इत्युक्त्वा तत्फलं दत्त्वा सुहृद्भ्यश्चोत्तरासुतः । करे कृत्वा फलं पक्वं ददार नृपतिः स्वयम्

ityuktvā tatphalaṁ dattvā suhṛdbhyaścottarāsutaḥ kare kṛtvā phalaṁ pakvaṁ dadāra nṛpatiḥ svayam

ऐसा कहकर, अन्य फल अपने मित्रों को देकर, उत्तरा-पुत्र राजा ने स्वयं उस पके फल को हाथ में लेकर उसे चीर डाला।

श्लोक 59 (devibhagavatam.2.10.59)

विदारितं फलं राज्ञा तत्र कृमिरभूदणुः । स कृष्णनयनस्ताम्रो दृष्टो भूपतिना स्वयम्

vidāritaṁ phalaṁ rājñā tatra kṛmirabhūdaṇuḥ sa kṛṣṇanayanastāmro dṛṣṭo bhūpatinā svayam

राजा द्वारा चीरे गए उस फल में एक छोटा-सा कीड़ा दिखाई दिया, जो काले नेत्रों वाला और ताम्रवर्ण का था — राजा ने उसे स्वयं अपनी आँखों से देखा।

श्लोक 60 (devibhagavatam.2.10.60)

तं दृष्ट्वा नृपतिः प्राह सचिवान्विस्मितानथ । अस्तमभ्येति सविता विषादद्य न मे भयम्

taṁ dṛṣṭvā nṛpatiḥ prāha sacivānvismitānatha astamabhyeti savitā viṣādadya na me bhayam

उसे देखकर राजा ने विस्मित हुए अपने मंत्रियों से कहा — 'सूर्य आज अस्ताचल की ओर जा रहा है, अब मुझे विष का भय नहीं है।

श्लोक 61 (devibhagavatam.2.10.61)

अङ्गीकरोमि तं शापं कृमिको मां दशत्वयम् । एवमुक्त्वा स राजेन्द्रो ग्रीवायां संन्यवेशयत्

aṅgīkaromi taṁ śāpaṁ kṛmiko māṁ daśatvayam evamuktvā sa rājendro grīvāyāṁ saṁnyaveśayat

मैं उस शाप को स्वीकार करता हूँ — यह कीड़ा ही मुझे डस ले।' ऐसा कहकर उस श्रेष्ठ राजा ने उसे अपनी गर्दन पर रख लिया।

श्लोक 62 (devibhagavatam.2.10.62)

अस्तं याते दिवानाथे धृतः कण्ठेऽथ कीटकः । तक्षकस्तु तदा जातः कालरूपी भयानकः

astaṁ yāte divānāthe dhṛtaḥ kaṇṭhe'tha kīṭakaḥ takṣakastu tadā jātaḥ kālarūpī bhayānakaḥ

सूर्य के अस्त होते ही, गर्दन पर रखा हुआ वह छोटा कीड़ा तत्क्षण भयानक, काल के समान रूप वाला तक्षक बन गया।

श्लोक 63 (devibhagavatam.2.10.63)

राजा संवेष्टितस्तेन दष्टश्चापि महीपतिः । मन्त्रिणो विस्मयं प्राप्ता रुरुदुर्भृशदुःखिताः

rājā saṁveṣṭitastena daṣṭaścāpi mahīpatiḥ mantriṇo vismayaṁ prāptā rurudurbhṛśaduḥkhitāḥ

उससे लिपटकर राजा को भी उसने डस लिया। मंत्री सब विस्मित हो गए और अत्यंत दुःखी होकर रोने लगे।

श्लोक 64 (devibhagavatam.2.10.64)

घोररूपमहिं वीक्ष्य दुद्रुवुस्ते भयार्दिताः । चुक्रुशू रक्षकाः सर्वे हाहाकारो महानभूत्

ghorarūpamahiṁ vīkṣya dudruvuste bhayārditāḥ cukruśū rakṣakāḥ sarve hāhākāro mahānabhūt

उस भयंकर रूप वाले सर्प को देखकर वे भय से पीड़ित होकर भाग खड़े हुए; सभी रक्षक चिल्लाने लगे, और वहाँ एक बड़ा हाहाकार मच गया।

श्लोक 65 (devibhagavatam.2.10.65)

वेष्टितो भोगिभोगेन विनष्टबहुपौरुषः । नोवाच नृपतिः किञ्चिन्न चचालोत्तरासुतः

veṣṭito bhogibhogena vinaṣṭabahupauruṣaḥ novāca nṛpatiḥ kiñcinna cacālottarāsutaḥ

नागराज के शरीर से लिपट जाने पर, राजा का सारा पराक्रम नष्ट हो गया। उत्तरा-पुत्र राजा ने कुछ भी नहीं कहा, और वे हिल भी न सके।

श्लोक 66 (devibhagavatam.2.10.66)

उत्थिताग्निशिखा घोरा विषजा तक्षकाननात् । प्रजज्वाल नृपं त्वाशु गतप्राणं चकार ह

utthitāgniśikhā ghorā viṣajā takṣakānanāt prajajvāla nṛpaṁ tvāśu gataprāṇaṁ cakāra ha

तक्षक के मुख से उत्पन्न विषैली, भयंकर अग्निशिखा उठकर राजा को शीघ्र ही जला डालने लगी, और उसे प्राणहीन कर दिया।

श्लोक 67 (devibhagavatam.2.10.67)

हत्वाशु जीवितं राज्ञस्तक्षको गगने गतः । जगद्दग्धं तु कुर्वाणं ददृशुस्तं जना इह

hatvāśu jīvitaṁ rājñastakṣako gagane gataḥ jagaddagdhaṁ tu kurvāṇaṁ dadṛśustaṁ janā iha

राजा के जीवन का शीघ्रता से नाश करके तक्षक आकाश में चला गया; और जो लोग वहाँ थे, उन्होंने उस सारे जगत को जलाते हुए-से उस तक्षक को देखा।

श्लोक 68 (devibhagavatam.2.10.68)

स पपात गतप्राणो राजा दग्ध इव द्रुमः । चुकुशुश्च जनाः सर्वे मृतं दृष्ट्वा नराधिपम्

sa papāta gataprāṇo rājā dagdha iva drumaḥ cukuśuśca janāḥ sarve mṛtaṁ dṛṣṭvā narādhipam

प्राणहीन होकर वह राजा भूमि पर उसी प्रकार गिर पड़ा जैसे जलकर गिरा हुआ कोई वृक्ष; और उस राजा को मृत देखकर सभी लोग विलाप करने लगे।