भुवनेश्वरी वर्णन

श्लोक 1 (devibhagavatam.3.1.1)

जनमेजय उवाच । भगवन् भवता प्रोक्तं यज्ञमम्बाभिधं महत् । सा का कथं समुत्पन्ना कुत्र कस्माच्च किङ्गुणा

janamejaya uvāca bhagavan bhavatā proktaṁ yajñamambābhidhaṁ mahat sā kā kathaṁ samutpannā kutra kasmācca kiṅguṇā

जनमेजय ने कहा — हे भगवन्! आपने अम्बा नामक जिस महान् यज्ञ का वर्णन किया है, वह देवी कौन हैं, कैसे उत्पन्न हुईं, कहाँ से, किस कारण से और किन गुणों से युक्त हैं?

श्लोक 2 (devibhagavatam.3.1.2)

कीदृशश्च मखस्तस्याः स्वरूपं कीदृशं तथा । विधानं विधिवद्ब्रूहि सर्वज्ञोऽसि दयानिधे

kīdṛśaśca makhastasyāḥ svarūpaṁ kīdṛśaṁ tathā vidhānaṁ vidhivadbrūhi sarvajño'si dayānidhe

उनका यज्ञ कैसा है और उनका वास्तविक स्वरूप कैसा है? हे दयानिधे! आप सर्वज्ञ हैं, कृपया मुझे विधिपूर्वक बताइए।

श्लोक 3 (devibhagavatam.3.1.3)

ब्रह्माण्डस्य तथोत्पत्तिं वद विस्तरतस्तथा । यथोक्तं यादृशं ब्रह्मन्नखिलं वेत्सि भूसुर

brahmāṇḍasya tathotpattiṁ vada vistaratastathā yathoktaṁ yādṛśaṁ brahmannakhilaṁ vetsi bhūsura

इसी प्रकार ब्रह्माण्ड की उत्पत्ति का भी विस्तारपूर्वक वर्णन कीजिए, जैसा कहा गया है, हे ब्राह्मण! आप तो सम्पूर्ण ज्ञान के भण्डार हैं।

श्लोक 4 (devibhagavatam.3.1.4)

ब्रह्मा विष्णुश्च रुद्रश्च त्रयो देवा मया श्रुताः । सृष्टिपालनसंहारकारकाः सगुणास्त्वमी

brahmā viṣṇuśca rudraśca trayo devā mayā śrutāḥ sṛṣṭipālanasaṁhārakārakāḥ saguṇāstvamī

मैंने सुना है कि ब्रह्मा, विष्णु और रुद्र — ये तीन देवता सृष्टि, पालन और संहार करने वाले हैं तथा गुणों से युक्त हैं।

श्लोक 5 (devibhagavatam.3.1.5)

स्वतन्त्रास्ते महात्मानः पाराशर्य वदस्व मे । आहोस्वित्परतन्त्रास्ते श्रोतुमिच्छामि साम्प्रतम्

svatantrāste mahātmānaḥ pārāśarya vadasva me āhosvitparatantrāste śrotumicchāmi sāmpratam

हे पाराशर्य! क्या वे महात्मा स्वतन्त्र हैं अथवा पराधीन हैं? मुझे यह अभी सुनने की इच्छा है, कृपया बताइए।

श्लोक 6 (devibhagavatam.3.1.6)

मृत्युधर्माश्च ते नो वा सच्चिदानन्दरूपिणः । अधिभूतादिभिर्युक्ता न वा दुःखैस्त्रिधात्मकैः

mṛtyudharmāśca te no vā saccidānandarūpiṇaḥ adhibhūtādibhiryuktā na vā duḥkhaistridhātmakaiḥ

क्या वे मृत्यु के अधीन हैं अथवा सच्चिदानन्दस्वरूप हैं? क्या वे आधिभौतिक आदि तापों से युक्त हैं अथवा त्रिविध दुःखों से रहित हैं?

श्लोक 7 (devibhagavatam.3.1.7)

कालस्य वशगा नो वा ते सुरेन्द्रा महाबलाः । कथं ते वै समुत्पन्ना कस्मादिति च संशयः

kālasya vaśagā no vā te surendrā mahābalāḥ kathaṁ te vai samutpannā kasmāditi ca saṁśayaḥ

क्या वे महाबली सुरेन्द्र काल के वश में हैं या नहीं? वे किस प्रकार और किस कारण से उत्पन्न हुए — यही मेरा संशय है।

श्लोक 8 (devibhagavatam.3.1.8)

हर्षशोकयुतास्ते वै निद्रालस्यसमन्विताः । सप्तधातुमयास्तेषां देहाः किं वान्यथा मुने

harṣaśokayutāste vai nidrālasyasamanvitāḥ saptadhātumayāsteṣāṁ dehāḥ kiṁ vānyathā mune

क्या वे हर्ष और शोक से युक्त हैं, निद्रा और आलस्य से सम्पन्न हैं? हे मुनि! क्या उनके शरीर सप्तधातुमय हैं अथवा अन्यथा हैं?

श्लोक 9 (devibhagavatam.3.1.9)

कैर्द्रव्यैर्निर्मितास्ते वै कैर्गुणैरिन्द्रियैस्तथा । भोगश्च कीदृशस्तेषां प्रमाणमायुषस्तथा

kairdravyairnirmitāste vai kairguṇairindriyaistathā bhogaśca kīdṛśasteṣāṁ pramāṇamāyuṣastathā

वे किन द्रव्यों से बने हैं, किन गुणों और इन्द्रियों से युक्त हैं? उनका भोग कैसा है और उनकी आयु का प्रमाण क्या है?

श्लोक 10 (devibhagavatam.3.1.10)

निवासस्थानमप्येषां विभूतिं च वदस्व मे । श्रोतुमिच्छाम्यहं ब्रह्मन् विस्तरेण कथामिमाम्

nivāsasthānamapyeṣāṁ vibhūtiṁ ca vadasva me śrotumicchāmyahaṁ brahman vistareṇa kathāmimām

उनके निवास-स्थान और उनकी विभूति के विषय में भी मुझे बताइए। हे ब्रह्मन्! मैं इस कथा को विस्तारपूर्वक सुनना चाहता हूँ।

श्लोक 11 (devibhagavatam.3.1.11)

व्यास उवाच । दुर्गमः प्रश्नभारोऽयं कृतो राजंस्त्वयाऽधुना । ब्रह्मादीनां समुत्पत्तिः कस्मादिति महामते

vyāsa uvāca durgamaḥ praśnabhāro'yaṁ kṛto rājaṁstvayā'dhunā brahmādīnāṁ samutpattiḥ kasmāditi mahāmate

व्यास जी ने कहा — हे राजन्! आपने अभी जो प्रश्नभार प्रस्तुत किया है वह अत्यन्त दुर्गम है, कि ब्रह्मा आदि देवताओं की उत्पत्ति किस कारण से हुई, हे महामते!

श्लोक 12 (devibhagavatam.3.1.12)

एतदेव मया पूर्वं पृष्टोऽसौ नारदो मुनिः । विस्मितः प्रत्युवाचेदमुत्थितः शृणु भूपते

etadeva mayā pūrvaṁ pṛṣṭo'sau nārado muniḥ vismitaḥ pratyuvācedamutthitaḥ śṛṇu bhūpate

यही प्रश्न मैंने पूर्वकाल में नारद मुनि से पूछा था। वे विस्मित होकर उठे और इस प्रकार उत्तर दिया — हे भूपते! सुनिए।

श्लोक 13 (devibhagavatam.3.1.13)

कस्मिंश्च समये चाहं गङ्गातीरे स्थितं मुनिम् । अपश्यं नारदं शान्तं सर्वज्ञं वेदवित्तमम्

kasmiṁśca samaye cāhaṁ gaṅgātīre sthitaṁ munim apaśyaṁ nāradaṁ śāntaṁ sarvajñaṁ vedavittamam

एक बार मैंने गंगा तट पर स्थित शान्त, सर्वज्ञ तथा वेदों के सर्वश्रेष्ठ ज्ञाता मुनि नारद को देखा।

श्लोक 14 (devibhagavatam.3.1.14)

दृष्ट्वाहं मुदितो भूत्वा पादयोरपतं मुनेः । तेजाज्ञप्तः समीपेऽस्य संविष्टश्च वरासने

dṛṣṭvāhaṁ mudito bhūtvā pādayorapataṁ muneḥ tejājñaptaḥ samīpe'sya saṁviṣṭaśca varāsane

उन्हें देखकर मैं आनन्दित हो गया और मुनि के चरणों में गिर पड़ा। उनके तेज से आज्ञप्त होकर मैं उनके समीप उत्तम आसन पर बैठ गया।

श्लोक 15 (devibhagavatam.3.1.15)

श्रुत्वा कुशलवार्तां वै तमपृच्छं विधेः सुतम् । निर्विष्टं जाह्नवीतीरे निर्जने सूक्ष्मवालुके

śrutvā kuśalavārtāṁ vai tamapṛcchaṁ vidheḥ sutam nirviṣṭaṁ jāhnavītīre nirjane sūkṣmavāluke

कुशल-समाचार सुनकर मैंने विधि-पुत्र नारद से, जो जाह्नवी के तट पर एकान्त तथा सूक्ष्म बालू वाले स्थान में विराजमान थे, प्रश्न किया।

श्लोक 16 (devibhagavatam.3.1.16)

मुनेऽतिविततस्यास्य ब्रह्माण्डस्य महामते । कः कर्ता परमः प्रोक्तस्तन्मे ब्रूहि विधानतः

mune'tivitatasyāsya brahmāṇḍasya mahāmate kaḥ kartā paramaḥ proktastanme brūhi vidhānataḥ

हे मुने! हे महामते! इस अत्यन्त विस्तृत ब्रह्माण्ड का परम कर्ता किसे कहा गया है? यह मुझे विधिपूर्वक बताइए।

श्लोक 17 (devibhagavatam.3.1.17)

कस्मादेतत्समुत्पन्नं ब्रह्माण्डं मुनिसत्तम । अनित्यं वा तथा नित्यं तदाचक्ष्व द्विजोत्तम

kasmādetatsamutpannaṁ brahmāṇḍaṁ munisattama anityaṁ vā tathā nityaṁ tadācakṣva dvijottama

हे मुनिसत्तम! यह ब्रह्माण्ड किस कारण से उत्पन्न हुआ? क्या यह अनित्य है अथवा नित्य? हे द्विजोत्तम! यह बताइए।

श्लोक 18 (devibhagavatam.3.1.18)

एककर्तृकमेतद्वा बहुकर्तृकमन्यथा । अकर्तृकं न कार्यं स्याद्विरोधोऽयं विभाति मे

ekakartṛkametadvā bahukartṛkamanyathā akartṛkaṁ na kāryaṁ syādvirodho'yaṁ vibhāti me

क्या यह एक ही कर्ता का कार्य है अथवा अनेक कर्ताओं का? कोई भी कार्य अकर्तृक नहीं हो सकता — मुझे यह विरोध प्रतीत होता है।

श्लोक 19 (devibhagavatam.3.1.19)

इति सन्देहसन्दोहे मग्नं मां तारयाधुना । विकल्पकोटीः कृर्वाणं संसारेऽस्मिन् प्रविस्तरे

iti sandehasandohe magnaṁ māṁ tārayādhunā vikalpakoṭīḥ kṛrvāṇaṁ saṁsāre'smin pravistare

इस प्रकार मैं संदेहों के समूह में डूबा हुआ हूँ और इस विस्तृत संसार में करोड़ों विकल्प बना रहा हूँ — अब मुझे इससे तारिए।

श्लोक 20 (devibhagavatam.3.1.20)

ब्रुवन्ति शङ्करं केचिन्मत्वा कारणकारणम् । सदाशिवं महादेवं प्रलयोत्पत्तिवर्जितम्

bruvanti śaṅkaraṁ kecinmatvā kāraṇakāraṇam sadāśivaṁ mahādevaṁ pralayotpattivarjitam

कुछ लोग शंकर को ही कारणों का कारण मानकर उन्हें सदाशिव, महादेव — जो सृष्टि और प्रलय से रहित हैं — कहते हैं।

श्लोक 21 (devibhagavatam.3.1.21)

आत्मारामं सुरेशं च त्रिगुणं निर्मलं हरम् । संसारतारकं नित्यं सृष्टिस्थित्यन्तकारणम्

ātmārāmaṁ sureśaṁ ca triguṇaṁ nirmalaṁ haram saṁsāratārakaṁ nityaṁ sṛṣṭisthityantakāraṇam

वे आत्माराम, देवताओं के ईश्वर, त्रिगुणमय, निर्मल हर हैं — संसार से तारने वाले, नित्य, तथा सृष्टि-स्थिति-प्रलय के कारण हैं।

श्लोक 22 (devibhagavatam.3.1.22)

अन्ये विष्णुं स्तुवन्त्येनं सर्वेषां प्रभुमीश्वरम् । परमात्मानमव्यक्तं सर्वशक्तिसमन्वितम्

anye viṣṇuṁ stuvantyenaṁ sarveṣāṁ prabhumīśvaram paramātmānamavyaktaṁ sarvaśaktisamanvitam

अन्य लोग इन्हें विष्णु मानकर स्तुति करते हैं — सबके स्वामी, ईश्वर, अव्यक्त परमात्मा, समस्त शक्तियों से सम्पन्न।

श्लोक 23 (devibhagavatam.3.1.23)

भुक्तिदं मुक्तिदं शान्तं सर्वादिं सर्वतोमुखम् । व्यापकं विश्वशरणमनादिनिधनं हरिम्

bhuktidaṁ muktidaṁ śāntaṁ sarvādiṁ sarvatomukham vyāpakaṁ viśvaśaraṇamanādinidhanaṁ harim

वे भोग और मोक्ष के दाता, शान्त, सबके आदि, सर्वतोमुख, व्यापक, विश्व के शरण्य, अनादि-अनन्त हरि हैं।

श्लोक 24 (devibhagavatam.3.1.24)

धातारं च तथा चान्ये ब्रुवन्ति सृष्टिकारणम् । तमेव सर्ववेत्तारं सर्वभूतप्रवर्तकम्

dhātāraṁ ca tathā cānye bruvanti sṛṣṭikāraṇam tameva sarvavettāraṁ sarvabhūtapravartakam

तथा अन्य लोग उन्हें ही धाता, सृष्टि का कारण, सर्वज्ञ तथा समस्त प्राणियों का प्रवर्तक कहते हैं।

श्लोक 25 (devibhagavatam.3.1.25)

चतुर्मुखं सुरेशानं नाभिपद्मभवं विभुम् । स्रष्टारं सर्वलोकानां सत्यलोकनिवासिनम्

caturmukhaṁ sureśānaṁ nābhipadmabhavaṁ vibhum sraṣṭāraṁ sarvalokānāṁ satyalokanivāsinam

वे चतुर्मुख, देवेश्वर, नाभि-कमल से उत्पन्न, विभु, समस्त लोकों के स्रष्टा तथा सत्यलोक में निवास करने वाले हैं।

श्लोक 26 (devibhagavatam.3.1.26)

दिनेशं प्रवदन्त्यन्ये सर्वेशं वेदवादिनः । स्तुवन्ति चैव गायन्ति सायं प्रातरतन्द्रिताः

dineśaṁ pravadantyanye sarveśaṁ vedavādinaḥ stuvanti caiva gāyanti sāyaṁ prātaratandritāḥ

वेदवादी अन्य लोग उन्हें दिनेश (सूर्य), सबका स्वामी कहते हैं और सुबह-शाम अथक भाव से उनकी स्तुति एवं गान करते हैं।

श्लोक 27 (devibhagavatam.3.1.27)

यजन्ति च तथा यज्ञे वासवं च शतक्रतुम् । सहस्राक्षं देवदेवं सर्वेषां प्रभुमुल्बणम्

yajanti ca tathā yajñe vāsavaṁ ca śatakratum sahasrākṣaṁ devadevaṁ sarveṣāṁ prabhumulbaṇam

और यज्ञ में वे वासव अर्थात् शतक्रतु, सहस्राक्ष, देवदेव तथा सबके महान् स्वामी की पूजा करते हैं।

श्लोक 28 (devibhagavatam.3.1.28)

यज्ञाधीशं सुराधीशं त्रिलोकेशं शचीपतिम् । यज्ञानां चैव भोक्तारं सोमपं सोमपप्रियम्

yajñādhīśaṁ surādhīśaṁ trilokeśaṁ śacīpatim yajñānāṁ caiva bhoktāraṁ somapaṁ somapapriyam

वे यज्ञाधीश, सुराधीश, त्रिलोकेश, शचीपति, यज्ञों के भोक्ता, सोमपायी तथा सोमपायियों के प्रिय हैं।

श्लोक 29 (devibhagavatam.3.1.29)

वरुणं च तथा सोमं पावकं पवनं तथा । यमं कुबेरं धनदं गणाधीशं तथापरे

varuṇaṁ ca tathā somaṁ pāvakaṁ pavanaṁ tathā yamaṁ kuberaṁ dhanadaṁ gaṇādhīśaṁ tathāpare

तथा अन्य लोग वरुण, सोम, पावक, पवन, यम, कुबेर धनद तथा गणाधीश (गणेश) की पूजा करते हैं।

श्लोक 30 (devibhagavatam.3.1.30)

हेरम्बं गजवक्त्रं च सर्वकार्यप्रसाधकम् । स्मरणात्सिद्धिदं कामं कामदं कामगं परम्

herambaṁ gajavaktraṁ ca sarvakāryaprasādhakam smaraṇātsiddhidaṁ kāmaṁ kāmadaṁ kāmagaṁ param

वे हेरम्ब, गजमुख, समस्त कार्यों के सिद्धकर्ता, स्मरण मात्र से सिद्धि देने वाले, इच्छानुसार गमन करने वाले, कामनाओं को पूर्ण करने वाले परम देव हैं।

श्लोक 31 (devibhagavatam.3.1.31)

भवानीं केचनाचार्याः प्रवदन्त्यखिलार्थदाम् । आदिमायां महाशक्तिं प्रकृतिं पुरुषानुगाम्

bhavānīṁ kecanācāryāḥ pravadantyakhilārthadām ādimāyāṁ mahāśaktiṁ prakṛtiṁ puruṣānugām

कुछ आचार्य उन्हें भवानी कहते हैं — सम्पूर्ण अर्थों को देने वाली, आदिमाया, महाशक्ति, प्रकृति, जो पुरुष का अनुसरण करती हैं।

श्लोक 32 (devibhagavatam.3.1.32)

ब्रह्मैकतासमापन्नां सृष्टिस्थित्यन्तकारिणीम् । मातरं सर्वभूतानां देवतानां तथैव च

brahmaikatāsamāpannāṁ sṛṣṭisthityantakāriṇīm mātaraṁ sarvabhūtānāṁ devatānāṁ tathaiva ca

वे ब्रह्म के साथ एकत्व को प्राप्त, सृष्टि-स्थिति-प्रलय करने वाली, समस्त प्राणियों तथा देवताओं की माता हैं।

श्लोक 33 (devibhagavatam.3.1.33)

अनादिनिधनां पूर्णां व्यापिकां सर्वजन्तुषु । ईश्वरीं सर्वलोकानां निर्गुणां सगुणां शिवाम्

anādinidhanāṁ pūrṇāṁ vyāpikāṁ sarvajantuṣu īśvarīṁ sarvalokānāṁ nirguṇāṁ saguṇāṁ śivām

वे अनादि-अनन्त, पूर्ण, समस्त प्राणियों में व्याप्त, सम्पूर्ण लोकों की ईश्वरी, निर्गुण तथा सगुण, शिवा (कल्याणकारी) हैं।

श्लोक 34 (devibhagavatam.3.1.34)

वैष्णवीं शाङ्करीं ब्राह्मीं वासवीं वारुणीं तथा । वाराहीं नारसिंहीं च महालक्ष्मीं तथाद्भुताम्

vaiṣṇavīṁ śāṅkarīṁ brāhmīṁ vāsavīṁ vāruṇīṁ tathā vārāhīṁ nārasiṁhīṁ ca mahālakṣmīṁ tathādbhutām

वे वैष्णवी, शांकरी, ब्राह्मी, वासवी, वारुणी, वाराही, नारसिंही तथा अद्भुत महालक्ष्मी हैं।

श्लोक 35 (devibhagavatam.3.1.35)

वेदमातरमेकां च विद्यां भवतरोः स्थिराम् । सर्वदुःखनिहन्त्रीं च स्मरणात्सर्वकामदाम्

vedamātaramekāṁ ca vidyāṁ bhavataroḥ sthirām sarvaduḥkhanihantrīṁ ca smaraṇātsarvakāmadām

वे वेदमाता, एकमात्र विद्या, भवतरु में स्थिर, समस्त दुःखों को नष्ट करने वाली तथा स्मरण मात्र से सभी कामनाएँ पूर्ण करने वाली हैं।

श्लोक 36 (devibhagavatam.3.1.36)

मोक्षदां च मुमुक्षूणां कामदां च फलार्थिनाम् । त्रिगुणातीतरूपां च गुणविस्तारकारकाम्

mokṣadāṁ ca mumukṣūṇāṁ kāmadāṁ ca phalārthinām triguṇātītarūpāṁ ca guṇavistārakārakām

वे मुमुक्षुओं को मोक्ष और फलार्थियों को कामनापूर्ति देने वाली, त्रिगुणातीत स्वरूप वाली तथा गुणों का विस्तार करने वाली हैं।

श्लोक 37 (devibhagavatam.3.1.37)

निर्गुणां सगुणां तस्मात्तां ध्यायन्ति फलार्थिनः । निरञ्जनं निराकारं निर्लेपं निर्गुणं किल

nirguṇāṁ saguṇāṁ tasmāttāṁ dhyāyanti phalārthinaḥ nirañjanaṁ nirākāraṁ nirlepaṁ nirguṇaṁ kila

निर्गुण और सगुण होने के कारण फलार्थी लोग उनका ध्यान करते हैं। वे निरंजन, निराकार, निर्लेप तथा वास्तव में निर्गुण हैं।

श्लोक 38 (devibhagavatam.3.1.38)

अरूपं व्यापकं ब्रह्म प्रवदन्ति मुनीश्वराः । वेदोपनिषदि प्रोक्तस्तेजोमय इति क्वचित्

arūpaṁ vyāpakaṁ brahma pravadanti munīśvarāḥ vedopaniṣadi proktastejomaya iti kvacit

महर्षिगण उन्हें अरूप, व्यापक ब्रह्म कहते हैं। वेद और उपनिषद् में कहीं-कहीं उन्हें तेजोमय भी कहा गया है।

श्लोक 39 (devibhagavatam.3.1.39)

सहस्रशीर्षा पुरुषः सहस्रनयनस्तथा । सहस्रकरकर्णश्च सहस्रास्यः सहस्रपात्

sahasraśīrṣā puruṣaḥ sahasranayanastathā sahasrakarakarṇaśca sahasrāsyaḥ sahasrapāt

सहस्रशीर्ष पुरुष, सहस्रनेत्र, सहस्रहस्त, सहस्रकर्ण, सहस्रमुख तथा सहस्रचरण वाला है —

श्लोक 40 (devibhagavatam.3.1.40)

विष्णोः पादमथाकाशं परमं समुदाहृतम् । विराजं विरजं शान्तं प्रवदन्ति मनीषिणः

viṣṇoḥ pādamathākāśaṁ paramaṁ samudāhṛtam virājaṁ virajaṁ śāntaṁ pravadanti manīṣiṇaḥ

विष्णु का पद ही परम आकाश कहा गया है। ज्ञानीजन इसे विराट्, विरज (निर्मल) तथा शान्त कहते हैं।

श्लोक 41 (devibhagavatam.3.1.41)

पुरुषोत्तमं तथा चान्ये प्रवदन्ति पुराविदः । नैकोऽपीति वदन्त्यन्ये प्रभुरीशः कदाचन

puruṣottamaṁ tathā cānye pravadanti purāvidaḥ naiko'pīti vadantyanye prabhurīśaḥ kadācana

तथा प्राचीन विद्या के जानकार अन्य लोग उन्हें पुरुषोत्तम कहते हैं; परन्तु कुछ अन्य कहते हैं कि कभी कोई भी एक स्वामी अथवा ईश्वर नहीं है।

श्लोक 42 (devibhagavatam.3.1.42)

अनीश्वरमिदं सर्वं ब्रह्माण्डमिति केचन । न कदापीशजन्यं यज्जगदेतदचिन्तितम्

anīśvaramidaṁ sarvaṁ brahmāṇḍamiti kecana na kadāpīśajanyaṁ yajjagadetadacintitam

कुछ लोग कहते हैं कि यह सम्पूर्ण ब्रह्माण्ड ईश्वर-रहित है, यह जगत् कभी किसी ईश्वर से उत्पन्न नहीं हुआ, यह अचिन्त्य है।

श्लोक 43 (devibhagavatam.3.1.43)

सदैवेदमनीशं च स्वभावोत्थं सदेदृशम् । अकर्तासौ पुमान्प्रोक्तः प्रकृतिस्तु तथा च सा

sadaivedamanīśaṁ ca svabhāvotthaṁ sadedṛśam akartāsau pumānproktaḥ prakṛtistu tathā ca sā

यह जगत् सदा ईश्वर-रहित, स्वभाव से उत्पन्न तथा सदा ऐसा ही है। पुरुष को अकर्ता कहा गया है और प्रकृति भी उसी प्रकार है।

श्लोक 44 (devibhagavatam.3.1.44)

एवं वदन्ति साङ्ख्याश्च मुनयः कपिलादयः । एते सन्देहसन्दोहाः प्रभवन्ति तथाऽपरे

evaṁ vadanti sāṅkhyāśca munayaḥ kapilādayaḥ ete sandehasandohāḥ prabhavanti tathā'pare

सांख्य-मत के कपिल आदि मुनि इस प्रकार कहते हैं। ये संदेहों के समूह उत्पन्न होते हैं और इनके अतिरिक्त भी अन्य संदेह हैं।

श्लोक 45 (devibhagavatam.3.1.45)

विकल्पोपहतं चेतः किं करोमि मुनीश्वर । धर्माधर्मविवक्षायां न मनो मे स्थिरं भवेत्

vikalpopahataṁ cetaḥ kiṁ karomi munīśvara dharmādharmavivakṣāyāṁ na mano me sthiraṁ bhavet

मेरा चित्त इन विकल्पों से पीड़ित है — हे मुनीश्वर! मैं क्या करूँ? धर्म और अधर्म के विवेचन में मेरा मन स्थिर नहीं हो पाता।

श्लोक 46 (devibhagavatam.3.1.46)

को धर्मः कीदृशोऽधर्मश्चिह्नं नैवोपलभ्यते । देवाः सत्त्वगुणोत्पन्नाः सत्यधर्मव्यवस्थिताः

ko dharmaḥ kīdṛśo'dharmaścihnaṁ naivopalabhyate devāḥ sattvaguṇotpannāḥ satyadharmavyavasthitāḥ

धर्म क्या है और अधर्म कैसा है — इसका कोई स्पष्ट चिह्न प्राप्त नहीं होता। देवता सत्त्वगुण से उत्पन्न होकर सत्य और धर्म में स्थित हैं;

श्लोक 47 (devibhagavatam.3.1.47)

पीड्यन्ते दानवैः पापैः कुत्र धर्मव्यवस्थितिः । धर्मस्थिताः सदाचाराः पाण्डवा मम वंशजाः

pīḍyante dānavaiḥ pāpaiḥ kutra dharmavyavasthitiḥ dharmasthitāḥ sadācārāḥ pāṇḍavā mama vaṁśajāḥ

फिर भी वे पापी दानवों द्वारा पीड़ित होते हैं — तब धर्म की स्थिरता कहाँ है? मेरे कुल में उत्पन्न पाण्डव धर्मपरायण और सदाचारी थे;

श्लोक 48 (devibhagavatam.3.1.48)

दुःखं बहुविधं प्राप्तास्तत्र धर्मस्य का स्थितिः । अतो मे हृदयं तात वेपतेऽतीव संशये

duḥkhaṁ bahuvidhaṁ prāptāstatra dharmasya kā sthitiḥ ato me hṛdayaṁ tāta vepate'tīva saṁśaye

फिर भी उन्हें अनेक प्रकार के दुःख प्राप्त हुए — तब धर्म की क्या स्थिति है? इसलिए हे तात! मेरा हृदय संशय में अत्यन्त काँप रहा है।

श्लोक 49 (devibhagavatam.3.1.49)

कुरु मेऽसंशयं चेतः समर्थोऽसि महामुने । त्राहि संसारवार्धेस्त्वं ज्ञानपोतेन मां मुने

kuru me'saṁśayaṁ cetaḥ samartho'si mahāmune trāhi saṁsāravārdhestvaṁ jñānapotena māṁ mune

हे महामुने! आप समर्थ हैं, मेरे चित्त को संशयरहित कीजिए। हे मुने! ज्ञान की नौका से मुझे संसार-सागर से तारिए।

श्लोक 50 (devibhagavatam.3.1.50)

मज्जन्तं चोत्पतन्तं च मग्नं मोहजलाविले

majjantaṁ cotpatantaṁ ca magnaṁ mohajalāvile

— जो मैं मोहरूपी गंदले जल में डूबता-उतराता, निमग्न हो रहा हूँ।