शशिकला के अपने पिता के प्रति वचन

श्लोक 1 (devibhagavatam.3.20.1)

व्यास उवाच । इतिवादिनि भूपाले केरलाधिपतौ तदा । प्रत्युवाच महाभाग युधाजिदपि पार्थिवः

vyāsa uvāca itivādini bhūpāle keralādhipatau tadā pratyuvāca mahābhāga yudhājidapi pārthivaḥ

व्यास जी ने कहा — केरलनरेश के इस प्रकार कहने पर, हे महाभाग, राजा युधाजित् ने भी उत्तर दिया।

श्लोक 2 (devibhagavatam.3.20.2)

नीतिरेषा महीपाल यद्ब्रवीति भवानिह । समाजे पार्थिवानां वै सत्यवाग्विजितेन्द्रियः

nītireṣā mahīpāla yadbravīti bhavāniha samāje pārthivānāṁ vai satyavāgvijitendriyaḥ

'हे महीपाल, यह जो नीति आप यहाँ राजाओं की इस सभा में कह रहे हैं — यह सत्यवादी और जितेन्द्रिय पुरुष का वचन है।'

श्लोक 3 (devibhagavatam.3.20.3)

योग्येषु वर्तमानेषु कन्यारत्नं कुलोद्वह । अयोग्योऽर्हति भूपाल न्यायोऽयं तव रोचते

yogyeṣu vartamāneṣu kanyāratnaṁ kulodvaha ayogyo'rhati bhūpāla nyāyo'yaṁ tava rocate

'हे कुलोद्वह, योग्य पुरुषों के रहते हुए क्या यह कन्यारत्न किसी अयोग्य को प्राप्त हो? हे महीपाल, क्या यही न्याय आपको प्रिय है?'

श्लोक 4 (devibhagavatam.3.20.4)

भागं सिंहस्य गोमायुर्भोक्तुमर्हति वा कथम् । तथा सुदर्शनोऽयं वै कन्यारत्नं किमर्हति

bhāgaṁ siṁhasya gomāyurbhoktumarhati vā katham tathā sudarśano'yaṁ vai kanyāratnaṁ kimarhati

'भला सियार सिंह के भाग को भोगने का अधिकारी कैसे हो सकता है? उसी प्रकार यह सुदर्शन भला उस कन्यारत्न का अधिकारी कैसे हो सकता है?'

श्लोक 5 (devibhagavatam.3.20.5)

बलं वेदो हि विप्राणां भूभुजां चापजं बलम् । किमन्याय्यं महाराज ब्रवीम्यहमिहाधुना

balaṁ vedo hi viprāṇāṁ bhūbhujāṁ cāpajaṁ balam kimanyāyyaṁ mahārāja bravīmyahamihādhunā

'ब्राह्मणों का बल वेद है, और राजाओं का बल धनुष से उत्पन्न होता है। हे महाराज, मैं यहाँ अभी क्या अन्याय कह रहा हूँ?'

श्लोक 6 (devibhagavatam.3.20.6)

बलं शुल्कं यथा राज्ञां विवाहे परिकीर्तितम् । बलवानेव गृह्णातु नाबलस्तु कदाचन

balaṁ śulkaṁ yathā rājñāṁ vivāhe parikīrtitam balavāneva gṛhṇātu nābalastu kadācana

'जैसे राजाओं के विवाह में बल को ही शुल्क कहा गया है, वैसे ही बलवान् ही उसे ग्रहण करे — दुर्बल कभी नहीं।'

श्लोक 7 (devibhagavatam.3.20.7)

तस्मात्कन्यापणं कृत्वा नीतिरत्र विधीयताम् । अन्यथा कलहः कामं भविष्यति महीभुजाम्

tasmātkanyāpaṇaṁ kṛtvā nītiratra vidhīyatām anyathā kalahaḥ kāmaṁ bhaviṣyati mahībhujām

'अतः कन्या का पण निश्चित करके, यहाँ नीति का विधान किया जाए; अन्यथा राजाओं में निश्चय ही कलह होगा।'

श्लोक 8 (devibhagavatam.3.20.8)

एवं विवादे संवृत्ते राज्ञां तत्र परस्परम् । आहूतस्तु सभामध्ये सुबाहुर्नृपसत्तमः

evaṁ vivāde saṁvṛtte rājñāṁ tatra parasparam āhūtastu sabhāmadhye subāhurnṛpasattamaḥ

इस प्रकार वहाँ राजाओं में परस्पर विवाद उत्पन्न होने पर, नृपश्रेष्ठ सुबाहु को सभा के मध्य बुलाया गया।

श्लोक 9 (devibhagavatam.3.20.9)

समाहूय नृपाः सर्वे तमूचुस्तत्त्वदर्शिनः । राजन्नीतिस्त्वया कार्या विवाहेऽत्र समाहिता

samāhūya nṛpāḥ sarve tamūcustattvadarśinaḥ rājannītistvayā kāryā vivāhe'tra samāhitā

उसे बुलाकर, तत्त्वदर्शी उन सब राजाओं ने उससे कहा — 'हे राजन्, इस विवाह में उचित नीति का निर्धारण आपको सावधानीपूर्वक करना चाहिए।'

श्लोक 10 (devibhagavatam.3.20.10)

किं ते चिकीर्षितं राजंस्तद्वदस्व समाहितः । पुत्र्याः प्रदानं कस्मै ते रोचते नृप चेतसि

kiṁ te cikīrṣitaṁ rājaṁstadvadasva samāhitaḥ putryāḥ pradānaṁ kasmai te rocate nṛpa cetasi

'आपका क्या अभिप्राय है, यह हमें स्थिरचित्त होकर बताइए। हे नृप, अपने मन में आप अपनी पुत्री को किसे देना चाहते हैं?'

श्लोक 11 (devibhagavatam.3.20.11)

सुबाहुरुवाच । पुत्र्या मे मनसा कामं वृतः किल सुदर्शनः । मया निवारितोऽत्यर्थं न सा प्रत्येति मे वचः

subāhuruvāca putryā me manasā kāmaṁ vṛtaḥ kila sudarśanaḥ mayā nivārito'tyarthaṁ na sā pratyeti me vacaḥ

सुबाहु ने कहा — 'मेरी पुत्री ने अपने मन से इच्छापूर्वक निश्चय ही सुदर्शन को वरण कर लिया है; मैंने अत्यंत प्रयत्नपूर्वक उसे रोकने का प्रयास किया, परन्तु वह मेरे वचन को नहीं मानती।'

श्लोक 12 (devibhagavatam.3.20.12)

किं करोमि सुताया मे न वशे वर्तते मनः । सुदर्शनस्तथैकाकी सम्प्राप्तोऽस्ति निराकुलः

kiṁ karomi sutāyā me na vaśe vartate manaḥ sudarśanastathaikākī samprāpto'sti nirākulaḥ

'मैं क्या करूँ? मेरी पुत्री का मन मेरे वश में नहीं है। और सुदर्शन भी वहाँ अकेले, निश्शंक होकर आया हुआ है।'

श्लोक 13 (devibhagavatam.3.20.13)

व्यास उवाच । सम्पन्ना भूभुजः सर्वे समाहूय सुदर्शनम् । ऊचुः समागतं शान्तमेकाकिनमतन्द्रिताः

vyāsa uvāca sampannā bhūbhujaḥ sarve samāhūya sudarśanam ūcuḥ samāgataṁ śāntamekākinamatandritāḥ

व्यास जी ने कहा — तत्पश्चात् सम्पन्न वे सभी राजा, सुदर्शन को बुलाकर, बिना विलम्ब किए, उस शान्त, अकेले आए हुए से कहने लगे।

श्लोक 14 (devibhagavatam.3.20.14)

राजपुत्र महाभाग केनाहूतोऽसि सुव्रत । एकाकी यः समायातः समाजे भूभृतामिह

rājaputra mahābhāga kenāhūto'si suvrata ekākī yaḥ samāyātaḥ samāje bhūbhṛtāmiha

'हे राजकुमार, हे महाभाग, हे सुव्रत, आपको यहाँ किसने बुलाया, जो आप अकेले ही राजाओं की इस सभा में आए हैं?'

श्लोक 15 (devibhagavatam.3.20.15)

न वै सैन्यं न सचिवा न कोशो न बृहद्बलम् । किमर्थञ्च समायातस्तत्त्वं ब्रूहि महामते

na vai sainyaṁ na sacivā na kośo na bṛhadbalam kimarthañca samāyātastattvaṁ brūhi mahāmate

'न आपके पास सेना है, न मंत्री, न कोश, न विशाल बल — तो किस उद्देश्य से आप आए हैं? हे महामते, हमें सत्य बताइए।'

श्लोक 16 (devibhagavatam.3.20.16)

युद्धकामा नृपतयो वर्तन्तेऽत्र समागमे । कन्यार्थं सैन्यसम्पन्नाः किं त्वं कर्तुमिहेच्छसि

yuddhakāmā nṛpatayo vartante'tra samāgame kanyārthaṁ sainyasampannāḥ kiṁ tvaṁ kartumihecchasi

'इस समागम में युद्ध की इच्छा रखने वाले, सेना से सम्पन्न राजा उपस्थित हैं, कन्या के लिए — आप यहाँ क्या करना चाहते हैं?'

श्लोक 17 (devibhagavatam.3.20.17)

भ्राता ते सुबलः शूरः सम्प्राप्तोऽस्ति जिघृक्षया । युधाजिच्च महाबाहुः साहाय्यं कर्तुमागतः

bhrātā te subalaḥ śūraḥ samprāpto'sti jighṛkṣayā yudhājicca mahābāhuḥ sāhāyyaṁ kartumāgataḥ

'आपका ही भाई, बलवान् वीर, उसे प्राप्त करने की इच्छा से आया है; और महाबाहु युधाजित् भी उसकी सहायता करने आया है।'

श्लोक 18 (devibhagavatam.3.20.18)

गच्छ वा तिष्ठ राजेन्द्र याथातथ्यमुदाहृतम् । त्वयि सैन्यविहीने च यथेष्टं कुरु सुव्रत

gaccha vā tiṣṭha rājendra yāthātathyamudāhṛtam tvayi sainyavihīne ca yatheṣṭaṁ kuru suvrata

'हे राजेन्द्र, जाइए या ठहरिए — आपको यथार्थ बता दिया गया है; हे सुव्रत, सेनाविहीन होते हुए आप जैसा चाहें वैसा कीजिए।'

श्लोक 19 (devibhagavatam.3.20.19)

सुदर्शन उवाच । न बलं न सहायो मे न कोशो दुर्गसंश्रयः । न मित्राणि न सौहार्दी न नृपा रक्षका मम

sudarśana uvāca na balaṁ na sahāyo me na kośo durgasaṁśrayaḥ na mitrāṇi na sauhārdī na nṛpā rakṣakā mama

सुदर्शन ने कहा — 'मेरे पास न सेना है, न सहायक, न कोश, न आश्रय के लिए दुर्ग; न मित्र, न सुहृद्, न कोई राजा मेरा रक्षक है।'

श्लोक 20 (devibhagavatam.3.20.20)

अत्र स्वयंवरं श्रुत्वा द्रष्टुकाम इहागतः । स्वप्ने देव्या प्रेरितोऽस्मि भगवत्या न संशयः

atra svayaṁvaraṁ śrutvā draṣṭukāma ihāgataḥ svapne devyā prerito'smi bhagavatyā na saṁśayaḥ

'यहाँ का स्वयंवर सुनकर, देखने की इच्छा से यहाँ आया हूँ; मैं स्वप्न में स्वयं भगवती द्वारा भेजा गया हूँ — इसमें कोई संशय नहीं।'

श्लोक 21 (devibhagavatam.3.20.21)

नान्यच्चिकीर्षितं मेऽद्य मामाह जगदीश्वरी । तया यद्विहितं तच्च भविताऽद्य न संशयः

nānyaccikīrṣitaṁ me'dya māmāha jagadīśvarī tayā yadvihitaṁ tacca bhavitā'dya na saṁśayaḥ

'मेरा आज कोई अन्य अभिप्राय नहीं है; स्वयं जगदीश्वरी ने मुझसे यह कहा। उनके द्वारा जो विहित है, वह आज अवश्य होगा — इसमें कोई संशय नहीं।'

श्लोक 22 (devibhagavatam.3.20.22)

न शत्रुरस्ति संसारे कोऽप्यत्र जगतीश्वराः । सर्वत्र पश्यतो मेऽद्य भवानीं जगदम्बिकाम्

na śatrurasti saṁsāre ko'pyatra jagatīśvarāḥ sarvatra paśyato me'dya bhavānīṁ jagadambikām

'हे जगतीश्वरो, इस संसार में मेरा कोई शत्रु नहीं है; आज सर्वत्र देखते हुए मुझे केवल जगदम्बिका भवानी ही दिखाई देती हैं।'

श्लोक 23 (devibhagavatam.3.20.23)

यः करिष्यति शत्रुत्वं मया सह नृपात्मजाः । शास्ता तस्य महाविद्या नाहं जानामि शत्रुताम्

yaḥ kariṣyati śatrutvaṁ mayā saha nṛpātmajāḥ śāstā tasya mahāvidyā nāhaṁ jānāmi śatrutām

'हे राजकुमारो, जो कोई मेरे साथ शत्रुता करेगा, उसे दण्डित करने वाली स्वयं महाविद्या हैं; मैं तो शत्रुता को जानता ही नहीं।'

श्लोक 24 (devibhagavatam.3.20.24)

यद्भावि तद्वै भविता नान्यथा नृपसत्तमाः । का चिन्ता ह्यत्र कर्तव्या दैवाधीनोऽस्मि सर्वथा

yadbhāvi tadvai bhavitā nānyathā nṛpasattamāḥ kā cintā hyatra kartavyā daivādhīno'smi sarvathā

'जो होनहार है वह अवश्य होगा, अन्यथा नहीं, हे नृपश्रेष्ठो; तो यहाँ चिन्ता किस बात की करूँ? मैं सर्वथा दैवाधीन हूँ।'

श्लोक 25 (devibhagavatam.3.20.25)

देवभूतमनुष्येषु सर्वभूतेषु सर्वदा । सर्वेषां तत्कृता भक्तिर्नान्यथा नृपसत्तमाः

devabhūtamanuṣyeṣu sarvabhūteṣu sarvadā sarveṣāṁ tatkṛtā bhaktirnānyathā nṛpasattamāḥ

'देवताओं, भूतों और मनुष्यों में, सभी प्राणियों में, सदैव — सभी की भक्ति उन्हीं की ओर होती है, अन्यथा नहीं, हे नृपश्रेष्ठो।'

श्लोक 26 (devibhagavatam.3.20.26)

सा यं चिकीर्षते भूपं तं करोति नृपाधिपाः । निर्धनं वा नरं कामं का चिन्ता वै तदा मम

sā yaṁ cikīrṣate bhūpaṁ taṁ karoti nṛpādhipāḥ nirdhanaṁ vā naraṁ kāmaṁ kā cintā vai tadā mama

'हे राजाधिपो, वे जिसे राजा बनाना चाहती हैं, उसे बना देती हैं — चाहे वह निर्धन पुरुष ही क्यों न हो; तब मुझे कैसी चिन्ता?'

श्लोक 27 (devibhagavatam.3.20.27)

तामृते परमां शक्तिं ब्रह्मविष्णुहरादयः । न शक्ताः स्पन्दितुं देवाः का चिन्ता मे तदा नृपाः

tāmṛte paramāṁ śaktiṁ brahmaviṣṇuharādayaḥ na śaktāḥ spandituṁ devāḥ kā cintā me tadā nṛpāḥ

'उस परम शक्ति के बिना ब्रह्मा, विष्णु, हर आदि देवता भी हिलने-डुलने में समर्थ नहीं हैं; तो हे राजाओ, तब मुझे कैसी चिन्ता?'

श्लोक 28 (devibhagavatam.3.20.28)

अशक्तो वा सशक्तो वा यादृशस्तादृशस्त्वहम् । तदाज्ञया नृपाद्यैव सम्प्राप्तोऽस्मि स्वयंवरे

aśakto vā saśakto vā yādṛśastādṛśastvaham tadājñayā nṛpādyaiva samprāpto'smi svayaṁvare

'शक्तिहीन हूँ अथवा शक्तिसम्पन्न, जैसा भी हूँ; हे राजन्, उन्हीं की आज्ञा से मैं आज इस स्वयंवर में आया हूँ।'

श्लोक 29 (devibhagavatam.3.20.29)

सा यदिच्छति तत्कुर्यान्मम किं चिन्तनेन वै । नात्र शङ्का प्रकर्तव्या सत्यमेतद्ब्रवीम्यहम्

sā yadicchati tatkuryānmama kiṁ cintanena vai nātra śaṅkā prakartavyā satyametadbravīmyaham

'वे जो चाहें वही करें; मेरे चिन्तन करने से क्या लाभ? यहाँ कोई शंका नहीं करनी चाहिए — यह मैं सत्य कहता हूँ।'

श्लोक 30 (devibhagavatam.3.20.30)

जये पराजये लज्जा न मेऽत्राण्वपि पार्थिवाः । भगवत्यास्तु लज्जास्ति तदधीनोऽस्मि सर्वथा

jaye parājaye lajjā na me'trāṇvapi pārthivāḥ bhagavatyāstu lajjāsti tadadhīno'smi sarvathā

'जय हो या पराजय, हे राजाओ, मुझे इसमें रत्तीभर भी लज्जा नहीं है; लज्जा तो भगवती की है — मैं सर्वथा उन्हीं के अधीन हूँ।'

श्लोक 31 (devibhagavatam.3.20.31)

व्यास उवाच । इति तस्य तदाकर्ण्य वचनं राजसत्तमाः । ऊचुः परस्परं प्रेक्ष्य निश्चयज्ञा नराधिपाः

vyāsa uvāca iti tasya tadākarṇya vacanaṁ rājasattamāḥ ūcuḥ parasparaṁ prekṣya niścayajñā narādhipāḥ

व्यास जी ने कहा — उसके इन वचनों को सुनकर, वे श्रेष्ठ राजा, आपस में एक-दूसरे को देखकर, वे निश्चयज्ञ नरेश कहने लगे।

श्लोक 32 (devibhagavatam.3.20.32)

सत्यमुक्तं त्वया साधो न मिथ्या कर्हिचिद्भवेत् । तथाप्युज्जयनीनाथस्त्वां हन्तुं परिकाङ्क्षति

satyamuktaṁ tvayā sādho na mithyā karhicidbhavet tathāpyujjayanīnāthastvāṁ hantuṁ parikāṅkṣati

'हे साधो, आपने सत्य कहा है, यह कभी मिथ्या नहीं हो सकता; तथापि उज्जयिनी के स्वामी आपको मार डालने की इच्छा रखते हैं।'

श्लोक 33 (devibhagavatam.3.20.33)

त्वत्कृते न दयादिष्टा त्वां ब्रवीमो महामते । यद्युक्तं तत्त्वया कार्यं विचार्य मनसाऽनघ

tvatkṛte na dayādiṣṭā tvāṁ bravīmo mahāmate yadyuktaṁ tattvayā kāryaṁ vicārya manasā'nagha

'आपके लिए कोई दया नहीं दिखाई गई है; हे महामते, हम आपसे यह कहते हैं। हे निष्पाप, जो उचित हो, वह अपने मन में भलीभाँति विचार करके कीजिए।'

श्लोक 34 (devibhagavatam.3.20.34)

सुदर्शन उवाच । सत्यमुक्तं भवद्भिश्च कृपावद्भिः सुहृज्जनैः । किं ब्रवीमि पुनर्वाक्यमुक्त्वा नृपतिसत्तमाः

sudarśana uvāca satyamuktaṁ bhavadbhiśca kṛpāvadbhiḥ suhṛjjanaiḥ kiṁ bravīmi punarvākyamuktvā nṛpatisattamāḥ

सुदर्शन ने कहा — 'आप कृपालु सुहृदजनों ने सत्य ही कहा है; हे नृपसत्तमो, पहले ही कह चुकने के बाद मैं और क्या कहूँ?'

श्लोक 35 (devibhagavatam.3.20.35)

न मृत्युः केनचिद्भाव्यः कस्यचिद्वा कदाचन । दैवाधीनमिदं सर्वं जगत्स्थावरजङ्गमम्

na mṛtyuḥ kenacidbhāvyaḥ kasyacidvā kadācana daivādhīnamidaṁ sarvaṁ jagatsthāvarajaṅgamam

'किसी के द्वारा भी किसी की मृत्यु कभी नहीं की जा सकती; यह सम्पूर्ण चराचर जगत् दैवाधीन है।'

श्लोक 36 (devibhagavatam.3.20.36)

स्ववशोऽयं न जीवोऽस्ति स्वकर्मवशगः सदा । तत्कर्म त्रिविधं प्रोक्तं विद्वद्भिस्तत्त्वदर्शिभिः

svavaśo'yaṁ na jīvo'sti svakarmavaśagaḥ sadā tatkarma trividhaṁ proktaṁ vidvadbhistattvadarśibhiḥ

'यह जीव स्वतंत्र नहीं है — यह सदैव अपने ही कर्म के अधीन है; और वह कर्म तत्त्वदर्शी विद्वानों द्वारा त्रिविध कहा गया है।'

श्लोक 37 (devibhagavatam.3.20.37)

सञ्चितं वर्तमानञ्च प्रारब्धञ्च तृतीयकम् । कालकर्मस्वभावैश्च ततं सर्वमिदं जगत्

sañcitaṁ vartamānañca prārabdhañca tṛtīyakam kālakarmasvabhāvaiśca tataṁ sarvamidaṁ jagat

'संचित, वर्तमान, और तीसरा प्रारब्ध — काल, कर्म और स्वभाव से यह सम्पूर्ण जगत् व्याप्त है।'

श्लोक 38 (devibhagavatam.3.20.38)

न देवो मानुषं हन्तुं शक्तः कालागमं विना । हतं निमित्तमात्रेण हन्ति कालः सनातनः

na devo mānuṣaṁ hantuṁ śaktaḥ kālāgamaṁ vinā hataṁ nimittamātreṇa hanti kālaḥ sanātanaḥ

'काल के आए बिना कोई देवता भी मनुष्य को मार नहीं सकता; सनातन काल ही किसी को मारता है, हत्यारा तो केवल निमित्तमात्र होता है।'

श्लोक 39 (devibhagavatam.3.20.39)

यथा पिता मे निहतः सिंहेनामित्रकर्षणः । तथा मातामहोऽप्येवं युद्धे युधाजिता हतः

yathā pitā me nihataḥ siṁhenāmitrakarṣaṇaḥ tathā mātāmaho'pyevaṁ yuddhe yudhājitā hataḥ

'जैसे मेरे पिता, शत्रुओं को संतप्त करने वाले, सिंह द्वारा मारे गए, वैसे ही मेरे नाना भी युद्ध में युधाजित् द्वारा मारे गए।'

श्लोक 40 (devibhagavatam.3.20.40)

यत्नकोटिं प्रकुर्वाणो हन्यते दैवयोगतः । जीवेद्वर्षसहस्राणि रक्षणेन विना नरः

yatnakoṭiṁ prakurvāṇo hanyate daivayogataḥ jīvedvarṣasahasrāṇi rakṣaṇena vinā naraḥ

'करोड़ों प्रयत्न करते हुए भी मनुष्य दैवयोगवश मारा जाता है; और बिना किसी रक्षा के भी मनुष्य सहस्रों वर्ष जीवित रह सकता है।'

श्लोक 41 (devibhagavatam.3.20.41)

नाहं बिभेमि धर्मिष्ठाः कदाचिच्च युधाजितः । दैवमेव परं मत्वा सुस्थितोऽस्मि सदा नृपाः

nāhaṁ bibhemi dharmiṣṭhāḥ kadācicca yudhājitaḥ daivameva paraṁ matvā susthito'smi sadā nṛpāḥ

'हे धर्मिष्ठो, मुझे युधाजित् से कभी भी कोई भय नहीं है; दैव को ही सर्वोपरि मानकर, हे राजाओ, मैं सदैव सुस्थिर रहता हूँ।'

श्लोक 42 (devibhagavatam.3.20.42)

स्मरणं सततं नित्यं भगवत्याः करोम्यहम् । विश्वस्य जननी देवी कल्याणं सा करिष्यति

smaraṇaṁ satataṁ nityaṁ bhagavatyāḥ karomyaham viśvasya jananī devī kalyāṇaṁ sā kariṣyati

'मैं सदैव, नित्य भगवती का स्मरण करता रहता हूँ; विश्व की जननी वे देवी मेरा कल्याण करेंगी।'

श्लोक 43 (devibhagavatam.3.20.43)

पूर्वार्जितं हि भोक्तव्यं शुभं वाप्यशुभं तथा । स्वकृतस्य च भोगेन कीदृक्शोको विजानताम्

pūrvārjitaṁ hi bhoktavyaṁ śubhaṁ vāpyaśubhaṁ tathā svakṛtasya ca bhogena kīdṛkśoko vijānatām

'पूर्वजन्मार्जित कर्म को अवश्य भोगना पड़ता है, चाहे शुभ हो या अशुभ; और अपने ही किए हुए के भोग में, जानने वाले को भला कैसा शोक?'

श्लोक 44 (devibhagavatam.3.20.44)

स्वकर्मफलयोगेन प्राप्य दुःखमचेतनः । निमित्तकारणे वैरं करोत्यल्पमतिः किल

svakarmaphalayogena prāpya duḥkhamacetanaḥ nimittakāraṇe vairaṁ karotyalpamatiḥ kila

'अपने ही कर्मफल के कारण दुःख प्राप्त कर, अल्पबुद्धि, अचेतन मनुष्य निमित्तकारण के प्रति ही वैरभाव रखने लगता है।'

श्लोक 45 (devibhagavatam.3.20.45)

न तथाऽहं विजानामि वैरं शोकं भयं तथा । निःशङ्कमिह सम्प्राप्तः समाजे भूभृतामिह

na tathā'haṁ vijānāmi vairaṁ śokaṁ bhayaṁ tathā niḥśaṅkamiha samprāptaḥ samāje bhūbhṛtāmiha

'इसलिए मैं वैर, शोक अथवा भय को नहीं जानता; मैं यहाँ राजाओं की इस सभा में निश्शंक होकर आया हूँ।'

श्लोक 46 (devibhagavatam.3.20.46)

एकाकी द्रष्टुकामोऽहं स्वयंवरमनुत्तमम् । भविष्यति च यद्भाव्यं प्राप्तोऽस्मि चण्डिकाज्ञया

ekākī draṣṭukāmo'haṁ svayaṁvaramanuttamam bhaviṣyati ca yadbhāvyaṁ prāpto'smi caṇḍikājñayā

'अकेले ही, मैं इस सर्वोत्तम स्वयंवर को देखने की इच्छा से आया हूँ; और जो होनहार है वह होगा — मैं चण्डिका की आज्ञा से यहाँ आया हूँ।'

श्लोक 47 (devibhagavatam.3.20.47)

भगवत्याः प्रमाणं मे नान्यं जानामि संयतः । तत्कृतञ्च सुखं दुःखं भविष्यति च नान्यथा

bhagavatyāḥ pramāṇaṁ me nānyaṁ jānāmi saṁyataḥ tatkṛtañca sukhaṁ duḥkhaṁ bhaviṣyati ca nānyathā

'मेरे लिए भगवती का ही प्रमाण है, संयत होकर मैं अन्य किसी को नहीं जानता। उनके द्वारा किया गया सुख अथवा दुःख ही होगा, अन्यथा नहीं।'

श्लोक 48 (devibhagavatam.3.20.48)

युधाजित्सुखमाप्नोतु न मे वैरं नृपोत्तमाः । यः करिष्यति मे वैरं स प्राप्स्यति फलं तथा

yudhājitsukhamāpnotu na me vairaṁ nṛpottamāḥ yaḥ kariṣyati me vairaṁ sa prāpsyati phalaṁ tathā

'युधाजित् सुखी रहें, हे नृपोत्तमो, मुझे उनसे कोई वैर नहीं है। जो कोई मुझसे वैर करेगा, वह भी उसका फल अवश्य पाएगा।'

श्लोक 49 (devibhagavatam.3.20.49)

व्यास उवाच । इत्युक्तास्ते तथा तेन सन्तुष्टा भूभुजः स्थिताः । सोऽपि स्वमाश्रमं प्राप्य सुस्थितः सम्बभूव ह

vyāsa uvāca ityuktāste tathā tena santuṣṭā bhūbhujaḥ sthitāḥ so'pi svamāśramaṁ prāpya susthitaḥ sambabhūva ha

व्यास जी ने कहा — उससे इस प्रकार कहे जाने पर, वे राजा संतुष्ट होकर वहीं ठहर गए; और वह भी अपने निवास पर लौटकर सुस्थिर हो गया।

श्लोक 50 (devibhagavatam.3.20.50)

अपरेऽह्नि शुभे काले नृपाः सम्मन्त्रिताः किल । सुबाहुना नृपेणाथ रुचिरे वै स्वमण्डपे

apare'hni śubhe kāle nṛpāḥ sammantritāḥ kila subāhunā nṛpeṇātha rucire vai svamaṇḍape

दूसरे दिन, शुभ मुहूर्त में, राजा सुबाहु द्वारा सभी राजाओं को अपने ही सुन्दर मण्डप में आमंत्रित किया गया।

श्लोक 51 (devibhagavatam.3.20.51)

दिव्यास्तरणयुक्तेषु मञ्चेषु रचितेषु च । उपविष्टाश्च राजानः शुभालङ्करणैर्युताः

divyāstaraṇayukteṣu mañceṣu raciteṣu ca upaviṣṭāśca rājānaḥ śubhālaṅkaraṇairyutāḥ

दिव्य बिछावटों से युक्त, सुसज्जित आसनों पर, शुभ आभूषणों से अलंकृत राजा जा बैठे।

श्लोक 52 (devibhagavatam.3.20.52)

दिव्यवेषधराः कामं विमानेष्वमरा इव । दीप्यमानाः स्थितास्तत्र स्वयंवरदिदृक्षया

divyaveṣadharāḥ kāmaṁ vimāneṣvamarā iva dīpyamānāḥ sthitāstatra svayaṁvaradidṛkṣayā

दिव्य वस्त्र धारण किए, देदीप्यमान, वे वहाँ विमानों में बैठे देवताओं के समान बैठे थे, स्वयंवर देखने की इच्छा से।

श्लोक 53 (devibhagavatam.3.20.53)

इति चिन्तापराः सर्वे कदा साप्यागमिष्यति । भाग्यवन्तं नृपश्रेष्ठं श्रुतपुण्यं वरिष्यति

iti cintāparāḥ sarve kadā sāpyāgamiṣyati bhāgyavantaṁ nṛpaśreṣṭhaṁ śrutapuṇyaṁ variṣyati

सभी इसी चिन्ता में मग्न थे — 'वह कब आएगी, और किस भाग्यशाली, श्रेष्ठ, पुण्यशाली और विख्यात राजा को वह वरण करेगी?'

श्लोक 54 (devibhagavatam.3.20.54)

यदा सुदर्शनं दैवात्स्रजा सम्भूषयेदिह । विवादो वै नृपाणां च भविता नात्र संशयः

yadā sudarśanaṁ daivātsrajā sambhūṣayediha vivādo vai nṛpāṇāṁ ca bhavitā nātra saṁśayaḥ

'यदि दैववश वह यहाँ सुदर्शन को माला पहना दे, तो राजाओं में निश्चय ही विवाद होगा — इसमें कोई संशय नहीं।'

श्लोक 55 (devibhagavatam.3.20.55)

इत्येवं चिन्त्यमानास्ते भूपा मञ्चेषु संस्थिताः । वादित्रघोषः सुमहानुत्थितो नृपमण्डपे

ityevaṁ cintyamānāste bhūpā mañceṣu saṁsthitāḥ vāditraghoṣaḥ sumahānutthito nṛpamaṇḍape

इस प्रकार आसनों पर बैठे हुए राजा जब यह सोच ही रहे थे, तभी राजमण्डप में वाद्ययंत्रों की महती ध्वनि उठी।

श्लोक 56 (devibhagavatam.3.20.56)

अथ काशीपतिः प्राह सुतां स्नातां स्वलङ्कृताम् । मधूकमालासंयुक्तां क्षौमवासोविभूषिताम्

atha kāśīpatiḥ prāha sutāṁ snātāṁ svalaṅkṛtām madhūkamālāsaṁyuktāṁ kṣaumavāsovibhūṣitām

तब काशीपति ने अपनी पुत्री से, जो स्नान कर सुसज्जित हो चुकी थीं, महुए के फूलों की माला पहने, रेशमी वस्त्रों से विभूषित —

श्लोक 57 (devibhagavatam.3.20.57)

विवाहोपस्करैर्युक्तां दिव्यां सिन्धुसुतोपमाम् । चिन्तापरां सुवसनां स्मितपूर्वमिदं वचः

vivāhopaskarairyuktāṁ divyāṁ sindhusutopamām cintāparāṁ suvasanāṁ smitapūrvamidaṁ vacaḥ

— विवाह की समस्त सामग्री से सुसज्जित, दिव्य, समुद्रपुत्री के समान, चिन्तामग्न, सुवस्त्रा उस पुत्री से मुस्कुराते हुए यह वचन कहा।

श्लोक 58 (devibhagavatam.3.20.58)

उत्तिष्ठ पुत्रि सुनसे करे धृत्वा शुभां स्रजम् । व्रज मण्डपमध्येऽद्य समाजं पश्य भूभुजाम्

uttiṣṭha putri sunase kare dhṛtvā śubhāṁ srajam vraja maṇḍapamadhye'dya samājaṁ paśya bhūbhujām

'हे पुत्री, हे सुनासे, उठो; शुभ माला हाथ में लेकर, आज मण्डप के मध्य जाओ; राजाओं की उस सभा को देखो।'

श्लोक 59 (devibhagavatam.3.20.59)

गुणवान् रूपसम्पन्नः कुलीनश्च नृपोत्तमः । तव चित्ते वसेद्यस्तु तं वृणुष्व सुमध्यमे

guṇavān rūpasampannaḥ kulīnaśca nṛpottamaḥ tava citte vasedyastu taṁ vṛṇuṣva sumadhyame

'हे सुमध्यमे, जो भी गुणवान्, रूपसम्पन्न और कुलीन श्रेष्ठ राजा तुम्हारे हृदय में बसे, उसी को चुन लो।'

श्लोक 60 (devibhagavatam.3.20.60)

देशदेशाधिपाः सर्वे मञ्चेषु रचितेषु च । संविष्टाः पश्य तन्वङ्गि वरयस्व यथारुचि

deśadeśādhipāḥ sarve mañceṣu raciteṣu ca saṁviṣṭāḥ paśya tanvaṅgi varayasva yathāruci

'हे तन्वंगि, नाना देशों के समस्त राजाओं को, सुसज्जित आसनों पर बैठे हुए देखो, और अपनी रुचि के अनुसार वरण करो।'

श्लोक 61 (devibhagavatam.3.20.61)

व्यास उवाच । तं तथा भाषमाणं वै पितरं मितभाषिणी । उवाच वचनं बाला ललितं धर्मसंयुतम्

vyāsa uvāca taṁ tathā bhāṣamāṇaṁ vai pitaraṁ mitabhāṣiṇī uvāca vacanaṁ bālā lalitaṁ dharmasaṁyutam

व्यास जी ने कहा — इस प्रकार कहते हुए अपने पिता से उस मितभाषिणी बालिका ने यह ललित, धर्मयुक्त वचन कहा।

श्लोक 62 (devibhagavatam.3.20.62)

शशिकलोवाच । नाहं दृष्टिपथे राज्ञां गमिष्यामि पितः किल । कामुकानां नरेशानां गच्छन्त्यन्याश्च योषितः

śaśikalovāca nāhaṁ dṛṣṭipathe rājñāṁ gamiṣyāmi pitaḥ kila kāmukānāṁ nareśānāṁ gacchantyanyāśca yoṣitaḥ

शशिकला ने कहा — 'हे पिता, मैं इन राजाओं की दृष्टि के मार्ग में नहीं जाऊँगी; कामुक राजाओं के समक्ष अन्य स्त्रियाँ भले ही जाती हों।'

श्लोक 63 (devibhagavatam.3.20.63)

धर्मशास्त्रे श्रुतं तात मयेदं वचनं किल । एक एव वरो नार्या निरीक्ष्यः स्यान्न चापरः

dharmaśāstre śrutaṁ tāta mayedaṁ vacanaṁ kila eka eva varo nāryā nirīkṣyaḥ syānna cāparaḥ

'हे तात, मैंने धर्मशास्त्र में यह वचन सुना है — नारी को केवल एक ही वर देखना चाहिए, अन्य किसी को नहीं।'

श्लोक 64 (devibhagavatam.3.20.64)

सतीत्वं निर्गतं तस्या या प्रयाति बहूनथ । सङ्कल्पयन्ति ते सर्वे दृष्ट्वा मे भवतात्त्विति

satītvaṁ nirgataṁ tasyā yā prayāti bahūnatha saṅkalpayanti te sarve dṛṣṭvā me bhavatāttviti

'जो स्त्री अनेक पुरुषों के समक्ष जाती है, उसका सतीत्व नष्ट हो जाता है — क्योंकि उसे देखकर वे सभी अपने मन में यह संकल्प करने लगते हैं कि यह मेरी हो।'

श्लोक 65 (devibhagavatam.3.20.65)

स्वयंवरे स्रजं धृत्वा यदागच्छति मण्डपे । सामान्या सा तदा जाता कुलटेवापरा वधूः

svayaṁvare srajaṁ dhṛtvā yadāgacchati maṇḍape sāmānyā sā tadā jātā kulaṭevāparā vadhūḥ

'स्वयंवर में माला हाथ में लेकर जब वधू मण्डप में आती है, तो वह मानो साधारण, कुलटा के समान हो जाती है।'

श्लोक 66 (devibhagavatam.3.20.66)

वारस्त्री विपणे गत्वा यथा वीक्ष्य नरांस्थितान् । गुणागुणपरिज्ञानं करोति निजमानसे

vārastrī vipaṇe gatvā yathā vīkṣya narāṁsthitān guṇāguṇaparijñānaṁ karoti nijamānase

'जैसे कोई वेश्या बाजार में जाकर, वहाँ खड़े पुरुषों को देखकर, अपने मन में उनके गुण-दोषों का आकलन करती है —'

श्लोक 67 (devibhagavatam.3.20.67)

नैकभावा यथा वेश्या वृथा पश्यति कामुकम् । तथाऽहं मण्डपे गत्वा कुर्वे वारस्त्रिया कृतम्

naikabhāvā yathā veśyā vṛthā paśyati kāmukam tathā'haṁ maṇḍape gatvā kurve vārastriyā kṛtam

'जैसे अनेकभावा वेश्या व्यर्थ ही कामुक पुरुष को देखती है, वैसे ही मण्डप में जाकर मैं भी वही करूँगी जो वेश्या करती है।'

श्लोक 68 (devibhagavatam.3.20.68)

वृद्धैरेतैः कृतं धर्मं न करिष्यामि साम्प्रतम् । पत्नीव्रतं तथा कामं चरिष्येऽहं धृतव्रता

vṛddhairetaiḥ kṛtaṁ dharmaṁ na kariṣyāmi sāmpratam patnīvrataṁ tathā kāmaṁ cariṣye'haṁ dhṛtavratā

'मैं अभी इन वृद्धजनों द्वारा प्रचलित इस रीति का पालन नहीं करूँगी; अपितु व्रतधारिणी होकर मैं पत्नीव्रत का ही यथेच्छ पालन करूँगी।'

श्लोक 69 (devibhagavatam.3.20.69)

सामान्या प्रथमं गत्वा कृत्वा सङ्कल्पितं बहु । वृणोति चैकं तद्वद्वै वृणोमि कथमद्य वै

sāmānyā prathamaṁ gatvā kṛtvā saṅkalpitaṁ bahu vṛṇoti caikaṁ tadvadvai vṛṇomi kathamadya vai

'साधारण स्त्री पहले जाकर, बहुत सोच-विचार करके, फिर एक को चुनती है — तो आज मैं उसी प्रकार वरण भला कैसे करूँ?'

श्लोक 70 (devibhagavatam.3.20.70)

सुदर्शनो मया पूर्वं वृतः सर्वात्मना पितः । तमृते नान्यथा कर्तुमिच्छामि नृपसत्तम

sudarśano mayā pūrvaṁ vṛtaḥ sarvātmanā pitaḥ tamṛte nānyathā kartumicchāmi nṛpasattama

'हे पिता, मैंने पहले ही सर्वात्मना सुदर्शन को वरण कर लिया है; हे नृपसत्तम, उनके अतिरिक्त अन्यथा करने की मेरी कोई इच्छा नहीं है।'

श्लोक 71 (devibhagavatam.3.20.71)

विवाहविधिना देहि कन्यादानं शुभे दिने । सुदर्शनाय नृपते यदीच्छसि शुभं मम

vivāhavidhinā dehi kanyādānaṁ śubhe dine sudarśanāya nṛpate yadīcchasi śubhaṁ mama

'हे नृपते, यदि आप मेरा कल्याण चाहते हैं, तो शुभ दिन विवाह-विधि से मेरा कन्यादान सुदर्शन को कर दीजिए।'