राम को देवी का वरदान

श्लोक 1 (devibhagavatam.3.30.1)

व्यास उवाच । एवं तौ संविदं कृत्वा यावत्तूष्णीं बभूवतुः । आजगाम तदाऽऽकाशान्नारदो भगवानृषिः

vyāsa uvāca evaṁ tau saṁvidaṁ kṛtvā yāvattūṣṇīṁ babhūvatuḥ ājagāma tadā''kāśānnārado bhagavānṛṣiḥ

व्यास जी ने कहा — इस प्रकार वे दोनों समझौते पर पहुँचकर जैसे ही मौन हुए, तभी भगवान् ऋषि नारद आकाश से वहाँ आ पहुँचे।

श्लोक 2 (devibhagavatam.3.30.2)

रणयन्महतीं वीणां स्वरग्रामविभूषिताम् । गायन्बृहद्रथं साम तदा तमुपतस्थिवान्

raṇayanmahatīṁ vīṇāṁ svaragrāmavibhūṣitām gāyanbṛhadrathaṁ sāma tadā tamupatasthivān

अपनी महती वीणा को स्वरग्राम से सुशोभित करते हुए बजाते, और बृहद्रथ साम गाते हुए, वे तब उनके पास आए।

श्लोक 3 (devibhagavatam.3.30.3)

दृष्ट्वा तं राम उत्थाय ददावथ वृषं शुभम् । आसनं चार्घ्यपाद्यञ्च कृतवानमितद्युतिः

dṛṣṭvā taṁ rāma utthāya dadāvatha vṛṣaṁ śubham āsanaṁ cārghyapādyañca kṛtavānamitadyutiḥ

उन्हें देखकर, अपरिमित तेजस्वी राम उठ खड़े हुए, और उन्हें शुभ आसन, अर्घ्य तथा पाद्य अर्पित किया।

श्लोक 4 (devibhagavatam.3.30.4)

पूजां परमिकां कृत्वा कृताञ्जलिरुपस्थितः । उपविष्टः समीपे तु कृताज्ञो मुनिना हरिः

pūjāṁ paramikāṁ kṛtvā kṛtāñjalirupasthitaḥ upaviṣṭaḥ samīpe tu kṛtājño muninā hariḥ

परम पूजा सम्पन्न कर, हाथ जोड़कर वे उनके समक्ष खड़े रहे; और मुनि से आज्ञा पाकर हरि (राम) उनके समीप बैठ गए।

श्लोक 5 (devibhagavatam.3.30.5)

उपविष्टं तदा रामं सानुजं दुःखमानसम् । पप्रच्छ नारदः प्रीत्या कुशलं मुनिसत्तमः

upaviṣṭaṁ tadā rāmaṁ sānujaṁ duḥkhamānasam papraccha nāradaḥ prītyā kuśalaṁ munisattamaḥ

तब नारद, वे मुनिश्रेष्ठ, अपने भाई सहित बैठे, दुःखित मन वाले राम से स्नेहपूर्वक कुशलक्षेम पूछने लगे।

श्लोक 6 (devibhagavatam.3.30.6)

कथं राघव शोकार्तो यथा वै प्राकृतो नरः । हृतां सीतां च जानामि रावणेन दुरात्मना

kathaṁ rāghava śokārto yathā vai prākṛto naraḥ hṛtāṁ sītāṁ ca jānāmi rāvaṇena durātmanā

'हे राघव, आप एक साधारण मनुष्य की भाँति इतने शोकाकुल क्यों हैं? मुझे ज्ञात है कि दुरात्मा रावण द्वारा सीता हर ली गई हैं।'

श्लोक 7 (devibhagavatam.3.30.7)

सुरसद्मगतश्चाहं श्रुतवाञ्जनकात्मजाम् । पौलस्त्येन हृतां मोहान्मरणं स्वमजानता

surasadmagataścāhaṁ śrutavāñjanakātmajām paulastyena hṛtāṁ mohānmaraṇaṁ svamajānatā

'देवसदन में जाकर मैंने भी सुना है कि पौलस्त्य द्वारा, मोहवश, अपनी ही मृत्यु से अनजान होकर, जनकसुता हर ली गई हैं।'

श्लोक 8 (devibhagavatam.3.30.8)

तव जन्म च काकुत्स्थ पौलस्त्यनिधनाय वै । मैथिलीहरणं जातमेतदर्थं नराधिप

tava janma ca kākutstha paulastyanidhanāya vai maithilīharaṇaṁ jātametadarthaṁ narādhipa

'हे काकुत्स्थ, आपका जन्म ही पौलस्त्य के वध हेतु हुआ है; और हे नराधिप, मैथिली का यह हरण भी इसी प्रयोजन के लिए हुआ है।'

श्लोक 9 (devibhagavatam.3.30.9)

पूर्वजन्मनि वैदेही मुनिपुत्री तपस्विनी । रावणेन वने दृष्टा तपस्यन्ती शुचिस्मिता

pūrvajanmani vaidehī muniputrī tapasvinī rāvaṇena vane dṛṣṭā tapasyantī śucismitā

'पूर्वजन्म में वैदेही एक मुनि की तपस्विनी पुत्री थीं, शुचिस्मिता, जो वन में तपस्या करते हुए रावण को दिखाई पड़ीं।'

श्लोक 10 (devibhagavatam.3.30.10)

प्रार्थिता रावणेनासौ भव भार्येति राघव । तिरस्कृतस्तयाऽसौ वै जग्राह कबरं बलात्

prārthitā rāvaṇenāsau bhava bhāryeti rāghava tiraskṛtastayā'sau vai jagrāha kabaraṁ balāt

'हे राघव, रावण ने उनसे यह याचना की — "तुम मेरी भार्या बनो"; उनके द्वारा तिरस्कृत होने पर, उसने बलपूर्वक उनकी वेणी पकड़ ली।'

श्लोक 11 (devibhagavatam.3.30.11)

शशाप तत्क्षणं राम रावणं तापसी भृशम् । कुपिता त्यक्तुमिच्छन्ती देहं संस्पर्शदूषितम्

śaśāpa tatkṣaṇaṁ rāma rāvaṇaṁ tāpasī bhṛśam kupitā tyaktumicchantī dehaṁ saṁsparśadūṣitam

'हे राम, उसी क्षण, क्रुद्ध हुई उस तपस्विनी ने रावण को अत्यंत शाप दिया, और उसके स्पर्श से दूषित हुई अपनी देह को त्यागने की इच्छा की।'

श्लोक 12 (devibhagavatam.3.30.12)

दुरात्मंस्तव नाशार्थं भविष्यामि धरातले । अयोनिजा वरा नारी त्यक्त्वा देहं जहावपि

durātmaṁstava nāśārthaṁ bhaviṣyāmi dharātale ayonijā varā nārī tyaktvā dehaṁ jahāvapi

'हे दुरात्मन्, तेरे विनाश के लिए मैं पृथ्वी पर अयोनिजा श्रेष्ठ नारी बनकर जन्म लूँगी' — यह कहकर उसने अपनी देह भी त्याग दी।

श्लोक 13 (devibhagavatam.3.30.13)

सेयं रमांशसम्भूता गृहीता तेन रक्षसा । विनाशार्थं कुलस्यैव व्याली स्रगिव सम्भ्रमात्

seyaṁ ramāṁśasambhūtā gṛhītā tena rakṣasā vināśārthaṁ kulasyaiva vyālī sragiva sambhramāt

'वही यह स्त्री, रमांश से उत्पन्न, उस राक्षस द्वारा पकड़ ली गई है — अपने ही कुल के विनाश हेतु, जैसे भ्रमवश माला को सर्प समझ लिया जाए।'

श्लोक 14 (devibhagavatam.3.30.14)

तव जन्म च काकुत्स्थ तस्य नाशाय चामरैः । प्रार्थितस्य हरेरंशादजवंशेऽप्यजन्मनः

tava janma ca kākutstha tasya nāśāya cāmaraiḥ prārthitasya hareraṁśādajavaṁśe'pyajanmanaḥ

'हे काकुत्स्थ, आपका जन्म भी उसी के विनाश हेतु, देवताओं की प्रार्थना से, हरि के अंश से, अज के वंश में हुआ है।'

श्लोक 15 (devibhagavatam.3.30.15)

कुरु धैर्यं महाबाहो तत्र सा वर्ततेऽवशा । सती धर्मरता सीता त्वां ध्यायन्ती दिवानिशम्

kuru dhairyaṁ mahābāho tatra sā vartate'vaśā satī dharmaratā sītā tvāṁ dhyāyantī divāniśam

'हे महाबाहो, धैर्य धारण कीजिए; वहाँ वे विवश होते हुए भी सती, धर्मपरायणा सीता, दिन-रात आपका ही ध्यान करती हुई विद्यमान हैं।'

श्लोक 16 (devibhagavatam.3.30.16)

कामधेनुपयः पात्रे कृत्वा मघवता स्वयम् । पानार्थं प्रेषितं तस्याः पीतं चैवामृतं यथा

kāmadhenupayaḥ pātre kṛtvā maghavatā svayam pānārthaṁ preṣitaṁ tasyāḥ pītaṁ caivāmṛtaṁ yathā

'कामधेनु का दूध, स्वयं इन्द्र द्वारा एक पात्र में रखकर, उसके पीने हेतु भेजा गया — और उसने उसे अमृत के समान पी लिया।'

श्लोक 17 (devibhagavatam.3.30.17)

सुरभीदुग्धपानात्सा क्षुत्तुड्दुःखविवर्जिता । जाता कमलपत्राक्षी वर्तते वीक्षिता मया

surabhīdugdhapānātsā kṣuttuḍduḥkhavivarjitā jātā kamalapatrākṣī vartate vīkṣitā mayā

'सुरभि के दूध का पान करने से वह कमलपत्राक्षी भूख-प्यास के दुःख से मुक्त हो गई हैं; मैंने स्वयं उन्हें देखा है।'

श्लोक 18 (devibhagavatam.3.30.18)

उपायं कथयाम्यद्य तस्य नाशाय राघव । व्रतं कुरुष्व श्रद्धावानाश्विने मासि साम्प्रतम्

upāyaṁ kathayāmyadya tasya nāśāya rāghava vrataṁ kuruṣva śraddhāvānāśvine māsi sāmpratam

'हे राघव, मैं आज उसके विनाश का उपाय बताता हूँ; अभी आश्विन मास में श्रद्धापूर्वक व्रत कीजिए।'

श्लोक 19 (devibhagavatam.3.30.19)

नवरात्रोपवासञ्च भगवत्याः प्रपूजनम् । सर्वसिद्धिकरं राम जपहोमविधानतः

navarātropavāsañca bhagavatyāḥ prapūjanam sarvasiddhikaraṁ rāma japahomavidhānataḥ

'नवरात्र-उपवास, तथा भगवती की सम्यक् पूजा — हे राम, जप-होम विधि से यह सर्वसिद्धिकारक है।'

श्लोक 20 (devibhagavatam.3.30.20)

मेघ्यैश्च पशुभिर्देव्या बलिं दत्त्वा विशंसितैः । दशांशं हवनं कृत्वा सशक्तस्त्वं भविष्यसि

meghyaiśca paśubhirdevyā baliṁ dattvā viśaṁsitaiḥ daśāṁśaṁ havanaṁ kṛtvā saśaktastvaṁ bhaviṣyasi

'शुद्ध, निर्दोष पशुओं से देवी को बलि अर्पित कर, तथा दशांश हवन सम्पन्न कर, आप सशक्त हो जाएँगे।'

श्लोक 21 (devibhagavatam.3.30.21)

विष्णुना चरितं पूर्वं महादेवेन ब्रह्मणा । तथा मघवता चीर्णं स्वर्गमध्यस्थितेन वै

viṣṇunā caritaṁ pūrvaṁ mahādevena brahmaṇā tathā maghavatā cīrṇaṁ svargamadhyasthitena vai

'यह पहले विष्णु द्वारा, महादेव द्वारा, ब्रह्मा द्वारा किया गया था, तथा स्वर्ग के मध्य स्थित इन्द्र द्वारा भी आचरित किया गया था।'

श्लोक 22 (devibhagavatam.3.30.22)

सुखिना राम कर्तव्यं नवरात्रव्रतं शुभम् । विशेषेण च कर्तव्यं पुंसा कष्टगतेन वै

sukhinā rāma kartavyaṁ navarātravrataṁ śubham viśeṣeṇa ca kartavyaṁ puṁsā kaṣṭagatena vai

'हे राम, सुखी पुरुष को भी शुभ नवरात्र-व्रत करना चाहिए; और कष्टग्रस्त पुरुष को तो विशेष रूप से करना चाहिए।'

श्लोक 23 (devibhagavatam.3.30.23)

विश्वामित्रेण काकुत्स्थ कृतमेतन्न संशयः । भृगुणाऽथ वसिष्ठेन कश्यपेन तथैव च

viśvāmitreṇa kākutstha kṛtametanna saṁśayaḥ bhṛguṇā'tha vasiṣṭhena kaśyapena tathaiva ca

'हे काकुत्स्थ, विश्वामित्र द्वारा यह किया गया — इसमें कोई संशय नहीं; तथा भृगु, वसिष्ठ और कश्यप द्वारा भी।'

श्लोक 24 (devibhagavatam.3.30.24)

गुरुणा हृतदारेण कृतमेतन्महाव्रतम् । तस्मात्त्वं कुरु राजेन्द्र रावणस्य वधाय च

guruṇā hṛtadāreṇa kṛtametanmahāvratam tasmāttvaṁ kuru rājendra rāvaṇasya vadhāya ca

'गुरु (बृहस्पति) द्वारा भी, जब उनकी पत्नी हर ली गई थी, यह महाव्रत किया गया था; अतः हे राजेन्द्र, आप भी रावण के वध हेतु इसे कीजिए।'

श्लोक 25 (devibhagavatam.3.30.25)

इन्द्रेण वृत्रनाशाय कृतं व्रतमनुत्तमम् । त्रिपुरस्य विनाशाय शिवेनापि पुरा कृतम्

indreṇa vṛtranāśāya kṛtaṁ vratamanuttamam tripurasya vināśāya śivenāpi purā kṛtam

'इन्द्र द्वारा वृत्रासुर के वध हेतु यह सर्वोत्तम व्रत किया गया था; और शिव द्वारा भी पूर्वकाल में त्रिपुर के विनाश हेतु किया गया था।'

श्लोक 26 (devibhagavatam.3.30.26)

हरिणा मधुनाशाय कृतं मेरौ महामते । विधिवत्कुरु काकुत्स्थ व्रतमेतदतन्द्रितः

hariṇā madhunāśāya kṛtaṁ merau mahāmate vidhivatkuru kākutstha vratametadatandritaḥ

'हरि द्वारा भी मधु दैत्य के वध हेतु मेरु पर्वत पर यह किया गया था, हे महामते; हे काकुत्स्थ, आप भी बिना शिथिलता के इस व्रत को विधिपूर्वक कीजिए।'

श्लोक 27 (devibhagavatam.3.30.27)

श्रीराम उवाच । का देवी किं प्रभावा सा कुतो जाता किमाह्वया । व्रतं किं विधिवद्ब्रूहि सर्वज्ञोऽसि दयानिधे

śrīrāma uvāca kā devī kiṁ prabhāvā sā kuto jātā kimāhvayā vrataṁ kiṁ vidhivadbrūhi sarvajño'si dayānidhe

श्रीराम ने कहा — 'यह देवी कौन हैं? इनका क्या प्रभाव है? ये कहाँ से उत्पन्न हुईं? इनका क्या नाम है? और इस व्रत की विधि क्या है? हे दयानिधे, आप सर्वज्ञ हैं, मुझे विधिपूर्वक बताइए।'

श्लोक 28 (devibhagavatam.3.30.28)

नारद उवाच । शृणु राम सदा नित्या शक्तिराद्या सनातनी । सर्वकामप्रदा देवी पूजिता दुःखनाशिनी

nārada uvāca śṛṇu rāma sadā nityā śaktirādyā sanātanī sarvakāmapradā devī pūjitā duḥkhanāśinī

नारद ने कहा — 'हे राम, सुनिए — वे सदा नित्य, आद्या, सनातनी शक्ति हैं; वह देवी सभी कामनाओं की पूर्ति करने वाली हैं, और पूजित होकर दुःख का नाश करती हैं।'

श्लोक 29 (devibhagavatam.3.30.29)

कारणं सर्वजन्तूनां ब्रह्मादीनां रघूद्वह । तस्याः शक्तिं विना कोऽपि स्पन्दितुं न क्षमो भवेत्

kāraṇaṁ sarvajantūnāṁ brahmādīnāṁ raghūdvaha tasyāḥ śaktiṁ vinā ko'pi spandituṁ na kṣamo bhavet

'हे रघूद्वह, वे ही समस्त प्राणियों की, ब्रह्मा आदि की भी कारण हैं; उनकी शक्ति के बिना कोई भी हिलने-डुलने में समर्थ नहीं हो सकता।'

श्लोक 30 (devibhagavatam.3.30.30)

विष्णोः पालनशक्तिः सा कर्तृशक्तिः पितुर्मम । रुद्रस्य नाशशक्तिः सा त्वन्याशक्तिः परा शिवा

viṣṇoḥ pālanaśaktiḥ sā kartṛśaktiḥ piturmama rudrasya nāśaśaktiḥ sā tvanyāśaktiḥ parā śivā

'वे ही विष्णु की पालनशक्ति हैं, वे ही मेरे पिता की सृजनशक्ति हैं, वे ही रुद्र की संहारशक्ति हैं — और इनसे परे, वे स्वयं परा, कल्याणी शक्ति भी हैं।'

श्लोक 31 (devibhagavatam.3.30.31)

यच्च किञ्चित्क्वचिद्वस्तु सदसद्भुवनत्रये । तस्य सर्वस्य या शक्तिस्तदुत्पत्तिः कुतो भवेत्

yacca kiñcitkvacidvastu sadasadbhuvanatraye tasya sarvasya yā śaktistadutpattiḥ kuto bhavet

'तीनों लोकों में जो भी कहीं कुछ वस्तु है, सत् हो अथवा असत्, वे ही उस सबकी शक्ति हैं — उनके बिना उसकी उत्पत्ति भला कहाँ से हो सकती है?'

श्लोक 32 (devibhagavatam.3.30.32)

न ब्रह्मा न यदा विष्णुर्न रुद्रो न दिवाकरः । न चेन्द्राद्याः सुराः सर्वे न धरा न धराधराः

na brahmā na yadā viṣṇurna rudro na divākaraḥ na cendrādyāḥ surāḥ sarve na dharā na dharādharāḥ

'जब न ब्रह्मा थे, न विष्णु, न रुद्र, न सूर्य, और न इन्द्र आदि समस्त देवता, न पृथ्वी, न पर्वत —'

श्लोक 33 (devibhagavatam.3.30.33)

तदा सा प्रकृतिः पूर्णा पुरुषेण परेण वै । संयुता विहरत्येव युगादौ निर्गुणा शिवा

tadā sā prakṛtiḥ pūrṇā puruṣeṇa pareṇa vai saṁyutā viharatyeva yugādau nirguṇā śivā

'— तब वे पूर्ण प्रकृति, परम पुरुष के साथ संयुक्त होकर, युगारम्भ में अकेली विहार करती थीं, वह निर्गुण कल्याणी।'

श्लोक 34 (devibhagavatam.3.30.34)

सा भूत्वा सगुणा पश्चात्करोति भुवनत्रयम् । पूर्वं संसृज्य ब्रह्मादीन्दत्त्वा शक्तीश्च सर्वशः

sā bhūtvā saguṇā paścātkaroti bhuvanatrayam pūrvaṁ saṁsṛjya brahmādīndattvā śaktīśca sarvaśaḥ

'वे, गुणयुक्त होकर, तत्पश्चात् त्रिभुवन की रचना करती हैं — पहले ब्रह्मा आदि को सृजित कर, तथा उन्हें सर्वथा शक्तियाँ प्रदान कर।'

श्लोक 35 (devibhagavatam.3.30.35)

तां ज्ञात्वा मुच्यते जन्तुर्जन्मसंसारबन्धनात् । सा विद्या परमा ज्ञेया वेदाद्या वेदकारिणी

tāṁ jñātvā mucyate janturjanmasaṁsārabandhanāt sā vidyā paramā jñeyā vedādyā vedakāriṇī

'उन्हें जानकर ही जीव जन्म-संसार के बन्धन से मुक्त होता है; वे परम विद्या के रूप में जानने योग्य हैं, वेदों की आद्या, वेदों की रचयित्री।'

श्लोक 36 (devibhagavatam.3.30.36)

असङ्ख्यातानि नामानि तस्या ब्रह्मादिभिः किल । गुणकर्मविधानैस्तु कल्पितानि च किं ब्रुवे

asaṅkhyātāni nāmāni tasyā brahmādibhiḥ kila guṇakarmavidhānaistu kalpitāni ca kiṁ bruve

'ब्रह्मा आदि द्वारा उनके गुणों और कर्मों के अनुसार उनके असंख्य नाम कल्पित किए गए हैं — मैं और क्या कहूँ?'

श्लोक 37 (devibhagavatam.3.30.37)

अकारादिक्षकारान्तैः स्वरैर्वर्णैस्तु योजितैः । असङ्ख्येयानि नामानि भवन्ति रघुनन्दन

akārādikṣakārāntaiḥ svarairvarṇaistu yojitaiḥ asaṅkhyeyāni nāmāni bhavanti raghunandana

'हे रघुनन्दन, अ से लेकर क्ष तक के स्वरों और व्यंजनों के संयोग से उनके असंख्य नाम बनते हैं।'

श्लोक 38 (devibhagavatam.3.30.38)

राम उवाच । विधिं मे ब्रूहि विप्रर्षे व्रतस्यास्य समासतः । करोम्यद्यैव श्रद्धावाञ्छ्रीदेव्याः पूजनं तथा

rāma uvāca vidhiṁ me brūhi viprarṣe vratasyāsya samāsataḥ karomyadyaiva śraddhāvāñchrīdevyāḥ pūjanaṁ tathā

राम ने कहा — 'हे विप्रर्षे, मुझे इस व्रत की विधि संक्षेप में बताइए; मैं आज ही श्रद्धापूर्वक श्रीदेवी का पूजन करूँगा।'

श्लोक 39 (devibhagavatam.3.30.39)

नारद उवाच । पीठं कृत्वा समे स्थाने संस्थाप्य जगदम्बिकाम् । उपवासान्नवैव त्वं कुरु राम विधानतः

nārada uvāca pīṭhaṁ kṛtvā same sthāne saṁsthāpya jagadambikām upavāsānnavaiva tvaṁ kuru rāma vidhānataḥ

नारद ने कहा — 'समतल स्थान में पीठ बनाकर, वहाँ जगदम्बिका को स्थापित कर, हे राम, विधिपूर्वक नौ उपवास कीजिए।'

श्लोक 40 (devibhagavatam.3.30.40)

आचार्योऽहं भविष्यामि कर्मण्यस्मिन्महीपते । देवकार्यविधानार्थमुत्साहं प्रकरोम्यहम्

ācāryo'haṁ bhaviṣyāmi karmaṇyasminmahīpate devakāryavidhānārthamutsāhaṁ prakaromyaham

'हे महीपते, इस कर्म में मैं स्वयं आपका आचार्य बनूँगा; देवकार्य की सिद्धि हेतु मैं यह यत्न करता हूँ।'

श्लोक 41 (devibhagavatam.3.30.41)

व्यास उवाच । तच्छ्रुत्वा वचनं सत्यं मत्वा रामः प्रतापवान् । कारयित्वा शुभं पीठं स्थापयित्वाम्बिकां शिवाम्

vyāsa uvāca tacchrutvā vacanaṁ satyaṁ matvā rāmaḥ pratāpavān kārayitvā śubhaṁ pīṭhaṁ sthāpayitvāmbikāṁ śivām

व्यास जी ने कहा — यह सुनकर, और उनके वचन को सत्य मानकर, प्रतापी राम ने शुभ पीठ बनवाकर, कल्याणी अम्बिका को स्थापित कर —

श्लोक 42 (devibhagavatam.3.30.42)

विधिवत्पूजनं तस्याश्चकार व्रतवान् हरिः । सम्प्राप्ते चाश्विने मासि तस्मिन्गिरिवरे तदा

vidhivatpūjanaṁ tasyāścakāra vratavān hariḥ samprāpte cāśvine māsi tasmingirivare tadā

— विधिपूर्वक उनकी पूजा की, व्रतधारी हरि (राम) ने; और आश्विन मास आने पर, उस श्रेष्ठ पर्वत पर —

श्लोक 43 (devibhagavatam.3.30.43)

उपवासपरो रामः कृतवान्व्रतमुत्तमम् । होमञ्च विधिवत्तत्र बलिदानञ्च पूजनम्

upavāsaparo rāmaḥ kṛtavānvratamuttamam homañca vidhivattatra balidānañca pūjanam

— उपवासपरायण राम ने वह सर्वोत्तम व्रत सम्पन्न किया; वहाँ उन्होंने विधिपूर्वक हवन, बलिदान तथा पूजन किया।

श्लोक 44 (devibhagavatam.3.30.44)

भ्रातरौ चक्रतुः प्रेम्णा व्रतं नारदसम्मतम् । अष्टम्यां मध्यरात्रे तु देवी भगवती हि सा

bhrātarau cakratuḥ premṇā vrataṁ nāradasammatam aṣṭamyāṁ madhyarātre tu devī bhagavatī hi sā

दोनों भाइयों ने प्रेमपूर्वक नारद द्वारा अनुमोदित उस व्रत को सम्पन्न किया; और अष्टमी को आधी रात में, वह भगवती देवी —

श्लोक 45 (devibhagavatam.3.30.45)

सिंहारूढा ददौ तत्र दर्शनं प्रतिपूजिता । गिरिशृङ्गे स्थितोवाच राघवं सानुजं गिरा

siṁhārūḍhā dadau tatra darśanaṁ pratipūjitā giriśṛṅge sthitovāca rāghavaṁ sānujaṁ girā

— सिंह पर आरूढ़, विधिवत् पूजित, वहाँ अपना दर्शन दिया; पर्वतशिखर पर खड़ी होकर, उन्होंने राघव को, उनके अनुज सहित, वाणी में सम्बोधित किया।

श्लोक 46 (devibhagavatam.3.30.46)

मेघगम्भीरया चेदं भक्तिभावेन तोषिता । देव्युवाच । राम राम महाबाहो तुष्टाऽस्म्यद्म व्रतेन ते

meghagambhīrayā cedaṁ bhaktibhāvena toṣitā devyuvāca rāma rāma mahābāho tuṣṭā'smyadma vratena te

— भक्तिभाव से प्रसन्न होकर, मेघ के समान गम्भीर वाणी से, यह कहा। देवी ने कहा — 'हे राम, हे राम, हे महाबाहो, आज मैं तुम्हारे व्रत से प्रसन्न हूँ।'

श्लोक 47 (devibhagavatam.3.30.47)

प्रार्थयस्व वरं कामं यत्ते मनसि वर्तते । नारायणांशसम्भूतस्त्वं वंशे मानवेऽनघे

prārthayasva varaṁ kāmaṁ yatte manasi vartate nārāyaṇāṁśasambhūtastvaṁ vaṁśe mānave'naghe

'जो भी तुम्हारे मन में हो, वही वर माँगो; तुम नारायण के अंश से, निष्पाप मानव-वंश में उत्पन्न हुए हो —'

श्लोक 48 (devibhagavatam.3.30.48)

रावणस्य वधायैव प्रार्थितस्त्वमरैरसि । पुरा मत्स्यतनुं कृत्वा हत्वा घोरञ्च राक्षसम्

rāvaṇasya vadhāyaiva prārthitastvamarairasi purā matsyatanuṁ kṛtvā hatvā ghorañca rākṣasam

'— तुम देवताओं द्वारा रावण के वध हेतु ही प्रार्थित हुए हो। पूर्वकाल में मत्स्य-देह धारण कर, तथा एक भयंकर दैत्य का वध कर —'

श्लोक 49 (devibhagavatam.3.30.49)

त्वया वै रक्षिता वेदाः सुराणां हितमिच्छता । भूत्वा कच्छपरूपस्तु धृतवान्मन्दरं गिरिम्

tvayā vai rakṣitā vedāḥ surāṇāṁ hitamicchatā bhūtvā kacchaparūpastu dhṛtavānmandaraṁ girim

'— तुमने वेदों की रक्षा की, देवताओं का हित चाहते हुए; और कच्छपरूप धारण कर तुमने मन्दराचल को धारण किया।'

श्लोक 50 (devibhagavatam.3.30.50)

अकूपारं प्रमन्थानं कृत्वा देवानपोषयः । कोलरूपं परं कृत्वा दशनाग्रेण मेदिनीम्

akūpāraṁ pramanthānaṁ kṛtvā devānapoṣayaḥ kolarūpaṁ paraṁ kṛtvā daśanāgreṇa medinīm

'समुद्र और मन्दराचल को मन्थन-यंत्र बनाकर, तुमने देवताओं का पोषण किया; और वराह का परम रूप धारण कर, दाढ़ की नोक पर पृथ्वी को धारण किया।'

श्लोक 51 (devibhagavatam.3.30.51)

धृतवानसि यद्राम हिरण्याक्षं जघान च । नारसिंहीं तनुं कृत्वा हिरण्यकशिपुं पुरा

dhṛtavānasi yadrāma hiraṇyākṣaṁ jaghāna ca nārasiṁhīṁ tanuṁ kṛtvā hiraṇyakaśipuṁ purā

'हे राम, उस पृथ्वी को तुमने धारण किया, और हिरण्याक्ष का वध किया; और नृसिंह-देह धारण कर पूर्वकाल में हिरण्यकशिपु का वध किया।'

श्लोक 52 (devibhagavatam.3.30.52)

प्रह्लादं राम रक्षित्वा हतवानसि राघव । वामनं वपुरास्थाय पुरा छलितवान्बलिम्

prahlādaṁ rāma rakṣitvā hatavānasi rāghava vāmanaṁ vapurāsthāya purā chalitavānbalim

'हे राम, हे राघव, प्रह्लाद की रक्षा कर, तुमने उसका वध किया; और वामन-देह धारण कर, पूर्वकाल में तुमने बलि को छला।'

श्लोक 53 (devibhagavatam.3.30.53)

भूत्वेन्द्रस्यानुजः कामं देवकार्यप्रसाधकः । जमदग्निसुतस्त्वं मे विष्णोरंशेन सङ्गतः

bhūtvendrasyānujaḥ kāmaṁ devakāryaprasādhakaḥ jamadagnisutastvaṁ me viṣṇoraṁśena saṅgataḥ

'इच्छानुसार इन्द्र के अनुज बनकर, देवकार्य के सम्पादक बने; और मेरे अनुसार, विष्णु के अंश से युक्त होकर तुम जमदग्नि के पुत्र भी बने।'

श्लोक 54 (devibhagavatam.3.30.54)

कृत्वान्तं क्षत्रियाणां तु दानं भूमेरदाद्द्विजे । तथेदानीं तु काकुत्स्थ जातो दशरथात्मज

kṛtvāntaṁ kṣatriyāṇāṁ tu dānaṁ bhūmeradāddvije tathedānīṁ tu kākutstha jāto daśarathātmaja

'क्षत्रियों का अन्त कर, तुमने पृथ्वी को ब्राह्मणों को दान कर दिया; और अब, हे काकुत्स्थ, इसी प्रकार दशरथ के पुत्र के रूप में जन्म लिया है।'

श्लोक 55 (devibhagavatam.3.30.55)

प्रार्थितस्तु सुरैः सर्वै रावणेनातिपीडितैः । कपयस्ते सहाया वै देवांशा बलवत्तराः

prārthitastu suraiḥ sarvai rāvaṇenātipīḍitaiḥ kapayaste sahāyā vai devāṁśā balavattarāḥ

'रावण से अत्यंत पीड़ित समस्त देवताओं द्वारा तुम प्रार्थित हुए हो; तुम्हारे सहायक वे वानर निश्चय ही देवांश हैं, अत्यंत बलशाली।'

श्लोक 56 (devibhagavatam.3.30.56)

भविष्यन्ति नरव्याघ्र मच्छक्तिसंयुता ह्यमी । शेषांशोऽप्यनुजस्तेऽयं रावणात्मजनाशकः

bhaviṣyanti naravyāghra macchaktisaṁyutā hyamī śeṣāṁśo'pyanujaste'yaṁ rāvaṇātmajanāśakaḥ

'हे नरव्याघ्र, ये सब मेरी ही शक्ति से युक्त होंगे; और तुम्हारा यह अनुज भी शेष का अंश है, जो रावण के पुत्र का नाशक होगा।'

श्लोक 57 (devibhagavatam.3.30.57)

भविष्यति न सन्देहः कर्तव्योऽत्र त्वयाऽनघ । वसन्ते सेवनं कार्यं त्वया तत्रातिश्रद्धया

bhaviṣyati na sandehaḥ kartavyo'tra tvayā'nagha vasante sevanaṁ kāryaṁ tvayā tatrātiśraddhayā

'यह अवश्य होगा, हे निष्पाप, इसमें कोई संशय नहीं करना चाहिए; और वसन्त ऋतु में भी तुम्हें अत्यंत श्रद्धा से मेरी सेवा-पूजा करनी चाहिए।'

श्लोक 58 (devibhagavatam.3.30.58)

हत्वाऽथ रावणं पापं कुरु राज्यं यथासुखम् । एकादश सहस्राणि वर्षाणि पृथिवीतले

hatvā'tha rāvaṇaṁ pāpaṁ kuru rājyaṁ yathāsukham ekādaśa sahasrāṇi varṣāṇi pṛthivītale

'तत्पश्चात्, पापी रावण का वध कर, सुखपूर्वक राज्य करो; पृथ्वी पर ग्यारह सहस्र वर्षों तक —'

श्लोक 59 (devibhagavatam.3.30.59)

कृत्वा राज्यं रघुश्रेष्ठ गन्ताऽसि त्रिदिवं पुनः । व्यास उवाच । इत्युक्त्वान्तर्दधे देवी रामस्तु प्रीतमानसः

kṛtvā rājyaṁ raghuśreṣṭha gantā'si tridivaṁ punaḥ vyāsa uvāca ityuktvāntardadhe devī rāmastu prītamānasaḥ

'— राज्य करने के पश्चात्, हे रघुश्रेष्ठ, तुम पुनः त्रिदिव को जाओगे।' व्यास जी ने कहा — यह कहकर देवी अन्तर्धान हो गईं; और राम, प्रसन्नचित्त होकर —

श्लोक 60 (devibhagavatam.3.30.60)

समाप्य तद्व्रतं चक्रे प्रयाणं दशमीदिने । विजयापूजनं कृत्वा दत्त्वा दानान्यनेकशः

samāpya tadvrataṁ cakre prayāṇaṁ daśamīdine vijayāpūjanaṁ kṛtvā dattvā dānānyanekaśaḥ

— उस व्रत को सम्पूर्ण कर, दशमी के दिन प्रस्थान किया; विजयादशमी की पूजा सम्पन्न कर, तथा अनेक दान देकर —

श्लोक 61 (devibhagavatam.3.30.61)

कपिपतिबलयुक्तः सानुजः श्रीपतिश्च प्रकटपरमशक्त्या प्रेरितः पूर्णकामः । उदधितटगतोऽसौ सेतुबन्धं विधाया प्यहनदमरशत्रुं रावणं गीतकीर्तिः

kapipatibalayuktaḥ sānujaḥ śrīpatiśca prakaṭaparamaśaktyā preritaḥ pūrṇakāmaḥ udadhitaṭagato'sau setubandhaṁ vidhāyā pyahanadamaraśatruṁ rāvaṇaṁ gītakīrtiḥ

— वानरराज की सेना सहित, अपने अनुज के साथ, वे श्रीपति (राम), उस प्रकट परम शक्ति से प्रेरित होकर, पूर्णकाम होकर, समुद्रतट पर पहुँचकर, सेतुबन्ध कर, अमरशत्रु रावण का वध किया — जिनकी कीर्ति आज भी गाई जाती है।

श्लोक 62 (devibhagavatam.3.30.62)

यः शृणोति नरो भक्त्या देव्याश्चरितमुत्तमम् । स भुक्त्वा विपुलान्भोगान्प्राप्नोति परमं पदम्

yaḥ śṛṇoti naro bhaktyā devyāścaritamuttamam sa bhuktvā vipulānbhogānprāpnoti paramaṁ padam

जो मनुष्य भक्तिपूर्वक देवी के इस सर्वोत्तम चरित्र को सुनता है, वह प्रचुर भोगों का उपभोग कर, परम पद को प्राप्त करता है।

श्लोक 63 (devibhagavatam.3.30.63)

सन्त्यन्यानि पुराणानि विस्तराणि बहूनि च । श्रीमद्भागवतस्यास्य न तुल्यानीति मे मतिः

santyanyāni purāṇāni vistarāṇi bahūni ca śrīmadbhāgavatasyāsya na tulyānīti me matiḥ

अन्य भी अनेक विस्तृत पुराण हैं, परन्तु मेरे मत में इस श्रीमद्भागवत (देवीभागवत) के समान कोई नहीं है।