लक्ष्मण कृत राम-शोक-सांत्वन

श्लोक 1 (devibhagavatam.3.29.1)

व्यास उवाच । तदाकर्ण्य वचो दुष्टं जानकी भयविह्वला । वेपमाना स्थिरं कृत्वा मनो वाचमुवाच ह

vyāsa uvāca tadākarṇya vaco duṣṭaṁ jānakī bhayavihvalā vepamānā sthiraṁ kṛtvā mano vācamuvāca ha

व्यास जी ने कहा — उस दुष्ट वचन को सुनकर, भय से व्याकुल जानकी, काँपते हुए, अपने मन को स्थिर करके, यह वचन बोलीं।

श्लोक 2 (devibhagavatam.3.29.2)

पौलस्त्य किमसद्वाक्यं त्वमात्थ स्मरमोहितः । नाहं वै स्वैरिणी किन्तु जनकस्य कुलोद्भवा

paulastya kimasadvākyaṁ tvamāttha smaramohitaḥ nāhaṁ vai svairiṇī kintu janakasya kulodbhavā

'हे पौलस्त्य, तुम काम से मोहित होकर यह असत् वचन क्यों बोल रहे हो? मैं स्वेच्छाचारिणी नहीं, अपितु जनक के कुल में उत्पन्न हूँ।'

श्लोक 3 (devibhagavatam.3.29.3)

गच्छ लङ्कां दशास्य त्वं राम त्वां वै हनिष्यति । मत्कृते मरणं तत्र भविष्यति न संशयः

gaccha laṅkāṁ daśāsya tvaṁ rāma tvāṁ vai haniṣyati matkṛte maraṇaṁ tatra bhaviṣyati na saṁśayaḥ

'हे दशानन, लंका को जाओ; राम निश्चय ही तुम्हें मार डालेंगे। मेरे कारण वहाँ तुम्हारी मृत्यु होगी — इसमें कोई संशय नहीं।'

श्लोक 4 (devibhagavatam.3.29.4)

इत्युक्त्वा पर्णशालायां गता सा वह्निसन्निधौ । गच्छ गच्छेति वदती रावणं लोकरावणम्

ityuktvā parṇaśālāyāṁ gatā sā vahnisannidhau gaccha gaccheti vadatī rāvaṇaṁ lokarāvaṇam

यह कहकर वह पर्णशाला में, अग्नि के समीप चली गईं, लोक-रावण रावण से 'जाओ, जाओ!' कहते हुए।

श्लोक 5 (devibhagavatam.3.29.5)

सोऽथ कृत्वा निजं रूपं जगामोटजमन्तिकम् । बलाज्जग्राह तां बालां रुदती भयविह्वलाम्

so'tha kṛtvā nijaṁ rūpaṁ jagāmoṭajamantikam balājjagrāha tāṁ bālāṁ rudatī bhayavihvalām

तब वह अपना निज रूप धारण कर कुटिया के समीप गया, और उस रुदन करती, भयविह्वल बाला को बलपूर्वक पकड़ लिया।

श्लोक 6 (devibhagavatam.3.29.6)

रामरामेति क्रन्दन्ती लक्ष्मणेति मुहुर्मुहुः । गृहीत्वा निर्गतः पापो रथमारोप्य सत्वरः

rāmarāmeti krandantī lakṣmaṇeti muhurmuhuḥ gṛhītvā nirgataḥ pāpo rathamāropya satvaraḥ

'राम! राम!' और बार-बार 'लक्ष्मण!' पुकारती हुई उसे पकड़कर, वह पापी शीघ्र ही रथ पर बिठाकर चल पड़ा।

श्लोक 7 (devibhagavatam.3.29.7)

गच्छन्नरुणपुत्रेण मार्गे रुद्धो जटायुषा । सङ्ग्रामोऽभून्महारौद्रस्तयोस्तत्र वनान्तरे

gacchannaruṇaputreṇa mārge ruddho jaṭāyuṣā saṅgrāmo'bhūnmahāraudrastayostatra vanāntare

जाते हुए उसे मार्ग में अरुणपुत्र जटायु ने रोक लिया; उन दोनों के बीच वहाँ वन के भीतरी भाग में अत्यंत रौद्र संग्राम हुआ।

श्लोक 8 (devibhagavatam.3.29.8)

हत्वा तं तां गृहीत्वा च गतोऽसौ राक्षसाधिपः । लङ्कायां क्रन्दती तात कुररीव दुरात्मनः

hatvā taṁ tāṁ gṛhītvā ca gato'sau rākṣasādhipaḥ laṅkāyāṁ krandatī tāta kurarīva durātmanaḥ

उसे मारकर, तथा उसे लेकर वह राक्षसाधिपति चला गया; हे तात, उस दुरात्मा द्वारा वह लंका में, कुररी पक्षिणी की भाँति विलाप करती हुई ले जाई गईं।

श्लोक 9 (devibhagavatam.3.29.9)

अशोकवनिकायां सा स्थापिता राक्षसीयुता । स्ववृत्तान्नैव चलिता सामदानादिभिः किल

aśokavanikāyāṁ sā sthāpitā rākṣasīyutā svavṛttānnaiva calitā sāmadānādibhiḥ kila

उसे अशोकवाटिका में रखा गया, राक्षसियों से घिरी हुई; साम-दान आदि उपायों से भी वह अपने ही आचरण से कभी विचलित नहीं हुईं।

श्लोक 10 (devibhagavatam.3.29.10)

रामोऽपि तं मृगं हत्वा जगामादाय निर्वृतः । आयान्तं लक्ष्मणं वीक्ष्य किं कृतं तेऽनुजासमम्

rāmo'pi taṁ mṛgaṁ hatvā jagāmādāya nirvṛtaḥ āyāntaṁ lakṣmaṇaṁ vīkṣya kiṁ kṛtaṁ te'nujāsamam

राम भी उस मृग को मारकर, निश्चिन्त होकर लौट रहे थे; आते हुए लक्ष्मण को देखकर, उन्होंने अपने अनुज से पूछा — 'तुमने यह क्या किया?'

श्लोक 11 (devibhagavatam.3.29.11)

एकाकिनीं प्रियां हित्वा किमर्थं त्वमिहागतः । श्रुत्वा स्वनं तु पापस्य राघवस्त्वब्रवीदिदम्

ekākinīṁ priyāṁ hitvā kimarthaṁ tvamihāgataḥ śrutvā svanaṁ tu pāpasya rāghavastvabravīdidam

'मेरी प्रिया को अकेला छोड़कर तुम यहाँ क्यों आए?' उस पापी की ध्वनि को सुनकर ही राघव ने यह कहा।

श्लोक 12 (devibhagavatam.3.29.12)

सौमित्रिस्त्वब्रवीद्वाक्यं सीतावाग्बाणपीडितः । प्रभोऽत्राहं समायातः कालयोगान्न संशयः

saumitristvabravīdvākyaṁ sītāvāgbāṇapīḍitaḥ prabho'trāhaṁ samāyātaḥ kālayogānna saṁśayaḥ

सीता के बाणतुल्य वचनों से पीड़ित सौमित्र ने कहा — 'हे प्रभु, मैं यहाँ काल के योगवश ही आया हूँ — इसमें कोई संशय नहीं।'

श्लोक 13 (devibhagavatam.3.29.13)

तदा तौ पर्णशालायां गत्वा वीक्ष्यातिदुःखितौ । जानक्यन्वेषणे यत्नमुभौ कर्तुं समुद्यतौ

tadā tau parṇaśālāyāṁ gatvā vīkṣyātiduḥkhitau jānakyanveṣaṇe yatnamubhau kartuṁ samudyatau

तब पर्णशाला में जाकर, उसे रिक्त देखकर, अत्यंत दुःखी वे दोनों जानकी की खोज में प्रयत्न करने को उद्यत हुए।

श्लोक 14 (devibhagavatam.3.29.14)

मार्गमाणौ तु सम्प्राप्तौ यत्रासौ पतितः खगः । जटायुः प्राणशेषस्तु पतितः पृथिवीतले

mārgamāṇau tu samprāptau yatrāsau patitaḥ khagaḥ jaṭāyuḥ prāṇaśeṣastu patitaḥ pṛthivītale

खोजते हुए, वे वहाँ पहुँचे जहाँ वह पक्षी गिरा था; जटायु, प्राणों का अंतिम शेष लिए, पृथ्वी पर पड़े थे।

श्लोक 15 (devibhagavatam.3.29.15)

तेनोक्तं रावणेनाद्य हृताऽसौ जनकात्मजा । मया निरुद्धः पापात्मा पातितोऽहं मृधे पुनः

tenoktaṁ rāvaṇenādya hṛtā'sau janakātmajā mayā niruddhaḥ pāpātmā pātito'haṁ mṛdhe punaḥ

उसने कहा — 'आज रावण द्वारा वह जनकसुता हर ली गई; मैंने उस पापात्मा को रोका, परन्तु युद्ध में मैं पुनः गिरा दिया गया।'

श्लोक 16 (devibhagavatam.3.29.16)

इत्युक्त्वाऽसौ गतप्राणः संस्कृतो राघवेण वै । कृत्वौर्घ्वदैहिकं रामलक्ष्मणौ निर्गतौ ततः

ityuktvā'sau gataprāṇaḥ saṁskṛto rāghaveṇa vai kṛtvaurghvadaihikaṁ rāmalakṣmaṇau nirgatau tataḥ

यह कहकर उसके प्राण चले गए; राघव द्वारा उसका विधिवत् संस्कार किया गया; उर्ध्वदैहिक कर्म सम्पन्न कर, राम-लक्ष्मण तत्पश्चात् आगे चल पड़े।

श्लोक 17 (devibhagavatam.3.29.17)

कबन्धं घातयित्वासौ शापाच्चामोचयत्प्रभुः । वचनात्तस्य हरिणा सख्यं चक्रेऽथ राघवः

kabandhaṁ ghātayitvāsau śāpāccāmocayatprabhuḥ vacanāttasya hariṇā sakhyaṁ cakre'tha rāghavaḥ

कबन्ध का वध कर, उस प्रभु ने उसे शाप से मुक्त किया; और उसके वचन से, राघव ने तब वानर (सुग्रीव) से मित्रता की।

श्लोक 18 (devibhagavatam.3.29.18)

हत्वा च वालिनं वीरं किष्किन्धाराज्यमुत्तमम् । सुग्रीवाय ददौ रामः कृतसख्याय कार्यतः

hatvā ca vālinaṁ vīraṁ kiṣkindhārājyamuttamam sugrīvāya dadau rāmaḥ kṛtasakhyāya kāryataḥ

और वीर वालि का वध कर, राम ने उत्तम किष्किन्धा राज्य सुग्रीव को दे दिया, जिनसे उन्होंने कार्यवश मित्रता की थी।

श्लोक 19 (devibhagavatam.3.29.19)

तत्रैव वार्षिकान्मासांस्तस्थौ लक्ष्मणसंयुतः । चिन्तयञ्जानकीं चित्ते दशाननहृतां प्रियाम्

tatraiva vārṣikānmāsāṁstasthau lakṣmaṇasaṁyutaḥ cintayañjānakīṁ citte daśānanahṛtāṁ priyām

वहीं वर्षा के महीने बिताते हुए, लक्ष्मण सहित, वे अपने हृदय में दशानन द्वारा हरी गई अपनी प्रिया जानकी का चिन्तन करते रहे।

श्लोक 20 (devibhagavatam.3.29.20)

लक्ष्मणं प्राह रामस्तु सीताविरहपीडितः । सौमित्रे कैकयसुता जाता पूर्णमनोरथा

lakṣmaṇaṁ prāha rāmastu sītāvirahapīḍitaḥ saumitre kaikayasutā jātā pūrṇamanorathā

सीता-वियोग से पीड़ित राम ने लक्ष्मण से कहा — 'हे सौमित्रे, कैकेय-पुत्री की मनोकामना अब पूर्ण हो गई।'

श्लोक 21 (devibhagavatam.3.29.21)

न प्राप्ता जानकी नूनं नाहं जीवामि तां विना । नागमिष्याम्ययोध्यायामृते जनकनन्दिनीम्

na prāptā jānakī nūnaṁ nāhaṁ jīvāmi tāṁ vinā nāgamiṣyāmyayodhyāyāmṛte janakanandinīm

'जानकी नहीं मिलीं; निश्चय ही मैं उनके बिना जीवित नहीं रह सकता। मैं जनकनन्दिनी के बिना अयोध्या नहीं लौटूँगा।'

श्लोक 22 (devibhagavatam.3.29.22)

गतं राज्यं वने वासो मृतस्तातो हृता प्रिया । पीडयन्मां स दुष्टात्मा दैवोऽग्रे किं करिष्यति

gataṁ rājyaṁ vane vāso mṛtastāto hṛtā priyā pīḍayanmāṁ sa duṣṭātmā daivo'gre kiṁ kariṣyati

'राज्य चला गया, वन में निवास है, पिता मृत हैं, प्रिया हरी गई — वह दुरात्मा मुझे पीड़ित कर रहा है। अब आगे दैव और क्या करेगा?'

श्लोक 23 (devibhagavatam.3.29.23)

दुर्ज्ञेयं भवितव्यं हि प्राणिनां भरतानुज । आवयोः का गतिस्तात भविष्यति सुदुःखदा

durjñeyaṁ bhavitavyaṁ hi prāṇināṁ bharatānuja āvayoḥ kā gatistāta bhaviṣyati suduḥkhadā

'हे भरतानुज, प्राणियों का जो होनहार है वह दुर्ज्ञेय ही है; हे तात, हम दोनों की क्या गति होगी, जो इतनी दुःखदायी होने वाली है?'

श्लोक 24 (devibhagavatam.3.29.24)

प्राप्य जन्म मनोर्वंशे राजपुत्रावुभौ किल । वनेऽतिदुःखभोक्तारौ जातौ पूर्वकृतेन च

prāpya janma manorvaṁśe rājaputrāvubhau kila vane'tiduḥkhabhoktārau jātau pūrvakṛtena ca

'मनु के वंश में जन्म पाकर, हम दोनों राजकुमार, पूर्वकृत कर्म से ही वन में अत्यंत दुःख भोगने वाले बन गए।'

श्लोक 25 (devibhagavatam.3.29.25)

त्यक्त्वा त्वमपि भोगांस्तु मया सह विनिर्गतः । दैवयोगाच्च सौमित्रे भुङ्क्ष्व दुःखं दुरत्ययम्

tyaktvā tvamapi bhogāṁstu mayā saha vinirgataḥ daivayogācca saumitre bhuṅkṣva duḥkhaṁ duratyayam

'तुमने भी समस्त भोगों को त्यागकर मेरे साथ प्रस्थान किया; और अब हे सौमित्रे, दैवयोगवश तुम्हें भी यह दुस्तर दुःख भोगना पड़ रहा है।'

श्लोक 26 (devibhagavatam.3.29.26)

न कोऽप्यस्मत्कुले पूर्वं मत्समो दुःखभाङ्नरः । अकिञ्चनोऽक्षमः क्लिष्टो न भूतो न भविष्यति

na ko'pyasmatkule pūrvaṁ matsamo duḥkhabhāṅnaraḥ akiñcano'kṣamaḥ kliṣṭo na bhūto na bhaviṣyati

'हमारे कुल में मेरे समान दुःखभागी मनुष्य पहले कभी नहीं हुआ — अकिंचन, असमर्थ, क्लिष्ट — न हुआ है, न होगा।'

श्लोक 27 (devibhagavatam.3.29.27)

किं करोम्यद्य सौमित्रे मग्नोऽस्मि दुःखसागरे । न चास्ति तरणोपायो ह्यसहायस्य मे किल

kiṁ karomyadya saumitre magno'smi duḥkhasāgare na cāsti taraṇopāyo hyasahāyasya me kila

'हे सौमित्रे, अब मैं क्या करूँ? मैं दुःखसागर में डूबा हूँ, और मुझ असहाय के लिए तैरने का कोई उपाय भी नहीं है।'

श्लोक 28 (devibhagavatam.3.29.28)

न वित्तं न बलं वीर त्वमेकः सहचारकः । कोपं कस्मिन्करोम्यद्य भोगेस्मिन्स्वकृतेऽनुज

na vittaṁ na balaṁ vīra tvamekaḥ sahacārakaḥ kopaṁ kasminkaromyadya bhogesminsvakṛte'nuja

'हे वीर, न मेरे पास धन है, न बल; तुम ही अकेले मेरे सहचर हो। हे अनुज, अपने ही किए इस भोग के लिए मैं आज किस पर क्रोध करूँ?'

श्लोक 29 (devibhagavatam.3.29.29)

गतं हस्तगतं राज्यं क्षणादिन्द्रासनोपमम् । वने वासस्तु सम्प्राप्तः को वेद विधिनिर्मितम्

gataṁ hastagataṁ rājyaṁ kṣaṇādindrāsanopamam vane vāsastu samprāptaḥ ko veda vidhinirmitam

'हाथ में आया हुआ, इन्द्रासन-तुल्य राज्य क्षणभर में चला गया; और वन में निवास प्राप्त हुआ — विधाता की रचना को भला कौन जानता है?'

श्लोक 30 (devibhagavatam.3.29.30)

बालभावाच्च वैदेही चलिता चावयोः सह । नीता दैवेन दुष्टेन श्यामा दुःखतरां दशाम्

bālabhāvācca vaidehī calitā cāvayoḥ saha nītā daivena duṣṭena śyāmā duḥkhatarāṁ daśām

'बालसुलभ सरलता से ही वैदेही हम दोनों के साथ चलीं; और उस दुष्ट दैव द्वारा वह श्यामवर्णा अत्यंत दुःखद दशा को पहुँचा दी गई।'

श्लोक 31 (devibhagavatam.3.29.31)

लङ्केशस्य गृहे श्यामा कथं दुःखं भविष्यति । पतिव्रता सुशीला च मयि प्रीतियुता भृशम्

laṅkeśasya gṛhe śyāmā kathaṁ duḥkhaṁ bhaviṣyati pativratā suśīlā ca mayi prītiyutā bhṛśam

'लंकेश के घर में वह श्यामवर्णा कैसा दुःख भोग रही होगी — जो पतिव्रता, सुशील, तथा मुझसे अत्यंत प्रेमयुक्त हैं!'

श्लोक 32 (devibhagavatam.3.29.32)

न च लक्ष्मण वैदेही सा तस्य वशगा भवेत् । स्वैरिणीव वरारोहा कथं स्याज्जनकात्मजा

na ca lakṣmaṇa vaidehī sā tasya vaśagā bhavet svairiṇīva varārohā kathaṁ syājjanakātmajā

'परन्तु नहीं, हे लक्ष्मण, वह वैदेही उसके वश में कभी नहीं होंगी; भला वह सुन्दरी जनकसुता स्वेच्छाचारिणी की भाँति कैसे हो सकती हैं?'

श्लोक 33 (devibhagavatam.3.29.33)

त्यजेत्प्राणान्नियन्तृत्वे मैथिली भरतानुज । न रावणस्य वशगा भवेदिति सुनिश्चितम्

tyajetprāṇānniyantṛtve maithilī bharatānuja na rāvaṇasya vaśagā bhavediti suniścitam

'हे भरतानुज, वे मैथिली उसके नियंत्रण में आने के बजाय प्राण त्याग देंगी — वे कदापि रावण के वशीभूत नहीं होंगी, यह पूर्णतः निश्चित है।'

श्लोक 34 (devibhagavatam.3.29.34)

मृता चेज्जानकी वीर प्राणांस्त्यक्ष्याम्यसंशयम् । मृता चेदसितापाङ्गीं किं मे देहेन लक्ष्मण

mṛtā cejjānakī vīra prāṇāṁstyakṣyāmyasaṁśayam mṛtā cedasitāpāṅgīṁ kiṁ me dehena lakṣmaṇa

'हे वीर, यदि जानकी मर गई हों, तो मैं भी निःसंदेह प्राण त्याग दूँगा; हे लक्ष्मण, यदि वह असितापांगी मर गई हों, तो मेरी इस देह से क्या लाभ?'

श्लोक 35 (devibhagavatam.3.29.35)

एवं विलपमानं तं रामं कमललोचनम् । लक्ष्मणः प्राह धर्मात्मा सान्त्वयन्नृतया गिरा

evaṁ vilapamānaṁ taṁ rāmaṁ kamalalocanam lakṣmaṇaḥ prāha dharmātmā sāntvayannṛtayā girā

इस प्रकार विलाप करते हुए उस कमललोचन राम को, धर्मात्मा लक्ष्मण ने सच्चे, उचित वचनों से सान्त्वना देते हुए कहा।

श्लोक 36 (devibhagavatam.3.29.36)

धैर्यं कुरु महाबाहो त्यक्त्वा कातरतामिह । आनयिष्यामि वैदेहीं हत्वा तं राक्षसाधमम्

dhairyaṁ kuru mahābāho tyaktvā kātaratāmiha ānayiṣyāmi vaidehīṁ hatvā taṁ rākṣasādhamam

'हे महाबाहो, यहाँ कातरता त्यागकर धैर्य धारण कीजिए; मैं उस अधम राक्षस का वध कर वैदेही को वापस ले आऊँगा।'

श्लोक 37 (devibhagavatam.3.29.37)

आपदि सम्पदि तुल्या धैर्याद्भवन्ति ते धीराः । अल्पधियस्तु निमग्नाः कष्टे भवन्ति विभवेऽपि

āpadi sampadi tulyā dhairyādbhavanti te dhīrāḥ alpadhiyastu nimagnāḥ kaṣṭe bhavanti vibhave'pi

'धैर्य से ही धीर पुरुष विपत्ति और सम्पत्ति में समान रहते हैं; परन्तु अल्पबुद्धि लोग वैभव में भी कष्ट में डूबे रहते हैं।'

श्लोक 38 (devibhagavatam.3.29.38)

संयोगो विप्रयोगश्च दैवाधीनावुभावपि । शोकस्तु कीदृशस्तत्र देहेनात्मनि च क्वचित्

saṁyogo viprayogaśca daivādhīnāvubhāvapi śokastu kīdṛśastatra dehenātmani ca kvacit

'संयोग और वियोग दोनों ही दैवाधीन हैं; तो फिर वहाँ देह के लिए, अथवा स्वयं के लिए, शोक भला किस काम का?'

श्लोक 39 (devibhagavatam.3.29.39)

राज्याद्यथा वने वासो वैदेह्या हरणं यथा । तथा काले समीचीने संयोगोऽपि भविष्यति

rājyādyathā vane vāso vaidehyā haraṇaṁ yathā tathā kāle samīcīne saṁyogo'pi bhaviṣyati

'जैसे राज्य के स्थान पर वनवास हुआ, जैसे वैदेही का हरण हुआ, वैसे ही उचित समय पर पुनर्मिलन भी अवश्य होगा।'

श्लोक 40 (devibhagavatam.3.29.40)

प्राप्तव्यं सुखदुःखानां भोगान्निर्वर्तनं क्वचित् । नान्यथा जानकीजाने तस्माच्छोकं त्यजाधुना

prāptavyaṁ sukhaduḥkhānāṁ bhogānnirvartanaṁ kvacit nānyathā jānakījāne tasmācchokaṁ tyajādhunā

'सुख-दुःख के जो भोग प्राप्तव्य हैं, उन्हें कहीं भी टाला नहीं जा सकता, हे जानकी के ज्ञाता। अतः अभी शोक त्याग दीजिए।'

श्लोक 41 (devibhagavatam.3.29.41)

वानराः सन्ति भूयांसो गमिष्यन्ति चतुर्दिशम् । शुद्धिं जनकनन्दिन्या आनयिष्यन्ति ते किल

vānarāḥ santi bhūyāṁso gamiṣyanti caturdiśam śuddhiṁ janakanandinyā ānayiṣyanti te kila

'अनगिनत वानर हैं; वे चारों दिशाओं में जाएँगे; वे निश्चय ही जनकनन्दिनी का समाचार ले आएँगे।'

श्लोक 42 (devibhagavatam.3.29.42)

ज्ञात्वा मार्गस्थितिं तत्र गत्वा कृत्वा पराक्रमम् । हत्वा तं पापकर्माणमानयिष्यामि मैथिलीम्

jñātvā mārgasthitiṁ tatra gatvā kṛtvā parākramam hatvā taṁ pāpakarmāṇamānayiṣyāmi maithilīm

'उनका पता ज्ञात कर, वहाँ जाकर, पराक्रम करके, उस पापकर्मा का वध कर, मैं मैथिली को वापस ले आऊँगा।'

श्लोक 43 (devibhagavatam.3.29.43)

ससैन्यं भरतं वाऽपि समाहूय सहानुजम् । हनिष्यामो वयं शत्रुं किं शोचसि वृथाग्रज

sasainyaṁ bharataṁ vā'pi samāhūya sahānujam haniṣyāmo vayaṁ śatruṁ kiṁ śocasi vṛthāgraja

'अथवा भरत को उनकी सेना सहित, अपने अनुज के साथ बुलाकर, हम शत्रु का वध करेंगे — हे अग्रज, आप व्यर्थ ही शोक क्यों करते हैं?'

श्लोक 44 (devibhagavatam.3.29.44)

रघुणैकरथेनैव जिताः सर्वा दिशः पुरा । तद्वंशजः कथं शोकं कर्तुमर्हसि राघव

raghuṇaikarathenaiva jitāḥ sarvā diśaḥ purā tadvaṁśajaḥ kathaṁ śokaṁ kartumarhasi rāghava

'प्राचीन काल में अकेले रघु ने एक ही रथ से समस्त दिशाओं को जीत लिया था; हे राघव, उन्हीं के वंशज होकर आप शोक करने के योग्य कैसे हो सकते हैं?'

श्लोक 45 (devibhagavatam.3.29.45)

एकोऽहं सकलाञ्जेतुं समर्थोऽस्मि सुरासुरान् । किं पुनः ससहायो वै रावणं कुलपांसनम्

eko'haṁ sakalāñjetuṁ samartho'smi surāsurān kiṁ punaḥ sasahāyo vai rāvaṇaṁ kulapāṁsanam

'मैं अकेला ही समस्त देवों और असुरों को जीतने में समर्थ हूँ — फिर सहायकों के साथ, कुलकलंक रावण को जीतना भला क्या कठिन है?'

श्लोक 46 (devibhagavatam.3.29.46)

जनकं वा समानीय साहाय्ये रघुनन्दन । हनिष्यामि दुराचारं रावणं सुरकण्टकम्

janakaṁ vā samānīya sāhāyye raghunandana haniṣyāmi durācāraṁ rāvaṇaṁ surakaṇṭakam

'अथवा हे रघुनन्दन, सहायता हेतु जनक को भी बुलाकर, मैं उस दुराचारी, देवकंटक रावण का वध कर दूँगा।'

श्लोक 47 (devibhagavatam.3.29.47)

सुखस्यानन्तरं दुःखं दुःखस्यानन्तरं सुखम् । चक्रनेमिरिवैकं यन्न भवेद्रघुनन्दन

sukhasyānantaraṁ duḥkhaṁ duḥkhasyānantaraṁ sukham cakranemirivaikaṁ yanna bhavedraghunandana

'हे रघुनन्दन, सुख के पश्चात् दुःख आता है, दुःख के पश्चात् सुख — जैसे चक्र की नेमि कभी एक ही स्थान पर स्थिर नहीं रहती।'

श्लोक 48 (devibhagavatam.3.29.48)

मनोऽतिकातरं यस्य सुखदुःखसमुद्भवे । स शोकसागरे मग्नो न सुखी स्यात्कदाचन

mano'tikātaraṁ yasya sukhaduḥkhasamudbhave sa śokasāgare magno na sukhī syātkadācana

'जिसका मन सुख-दुःख के उत्पन्न होने पर अत्यंत कातर हो जाता है — वह शोकसागर में डूबा हुआ कभी सुखी नहीं हो सकता।'

श्लोक 49 (devibhagavatam.3.29.49)

इन्द्रेण व्यसनं प्राप्तं पुरा वै रघुनन्दन । नहुषः स्थापितो देवैः सर्वैर्मघवतः पदे

indreṇa vyasanaṁ prāptaṁ purā vai raghunandana nahuṣaḥ sthāpito devaiḥ sarvairmaghavataḥ pade

'हे रघुनन्दन, इन्द्र को भी प्राचीन काल में विपत्ति प्राप्त हुई थी; समस्त देवताओं द्वारा नहुष को इन्द्र के पद पर स्थापित किया गया था।'

श्लोक 50 (devibhagavatam.3.29.50)

स्थितः पङ्कजमध्ये च बहुवर्षगणानपि । अज्ञातवासं मघवा भीतस्त्यक्त्वा निजं पदम्

sthitaḥ paṅkajamadhye ca bahuvarṣagaṇānapi ajñātavāsaṁ maghavā bhītastyaktvā nijaṁ padam

'इन्द्र भयभीत होकर अपने पद को त्यागकर, कमल के भीतर छिपे हुए, अज्ञातवास में अनेक वर्षों तक रहे।'

श्लोक 51 (devibhagavatam.3.29.51)

पुनः प्राप्तं निजस्थानं काले विपरिवर्तिते । नहुषः पतितो भूमौ शापादजगराकृतिः

punaḥ prāptaṁ nijasthānaṁ kāle viparivartite nahuṣaḥ patito bhūmau śāpādajagarākṛtiḥ

'समय पलटने पर उन्होंने पुनः अपना स्थान प्राप्त कर लिया; और नहुष, शापवश अजगर का रूप धारण कर, पृथ्वी पर गिर पड़ा।'

श्लोक 52 (devibhagavatam.3.29.52)

इन्द्राणीं कामयानस्तु ब्राह्मणानवमन्य च । अगस्तिकोपात्सञ्जातः सर्पदेहो महीपतिः

indrāṇīṁ kāmayānastu brāhmaṇānavamanya ca agastikopātsañjātaḥ sarpadeho mahīpatiḥ

'इन्द्राणी की कामना करते हुए, तथा ब्राह्मणों का अपमान करते हुए, वह राजा अगस्त्य के क्रोध से सर्पदेह को प्राप्त हो गया।'

श्लोक 53 (devibhagavatam.3.29.53)

तस्माच्छोको न कर्तव्यो व्यसने सति राघव । उद्यमे चित्तमास्थाय स्थातव्यं वै विपश्चिता

tasmācchoko na kartavyo vyasane sati rāghava udyame cittamāsthāya sthātavyaṁ vai vipaścitā

'अतः हे राघव, विपत्ति आने पर शोक नहीं करना चाहिए; विद्वान् को अपना मन उद्यम में लगाकर स्थिर रहना चाहिए।'

श्लोक 54 (devibhagavatam.3.29.54)

सर्वज्ञोऽसि महाभाग समर्थोऽसि जगत्पते । किं प्राकृत इवात्यर्थं कुरुषे शोकमात्मनि

sarvajño'si mahābhāga samartho'si jagatpate kiṁ prākṛta ivātyarthaṁ kuruṣe śokamātmani

'आप सर्वज्ञ हैं, हे महाभाग; आप समर्थ हैं, हे जगत्पते — फिर एक साधारण मनुष्य की भाँति आप अपने में इतना अधिक शोक क्यों करते हैं?'

श्लोक 55 (devibhagavatam.3.29.55)

व्यास उवाच । इति लक्ष्मणवाक्येन बोधितो रघुनन्दनः । त्यक्त्वा शोकं तथात्यर्थं बभूव विगतज्वरः

vyāsa uvāca iti lakṣmaṇavākyena bodhito raghunandanaḥ tyaktvā śokaṁ tathātyarthaṁ babhūva vigatajvaraḥ

व्यास जी ने कहा — इस प्रकार लक्ष्मण के वचनों से जागृत होकर, वह रघुनन्दन, शोक को पूर्णतः त्यागकर, संतापरहित हो गए।