राम-चरित्र वर्णन

श्लोक 1 (devibhagavatam.3.28.1)

जनमेजय उवाच । कथं रामेण तच्चीर्णं व्रतं देव्याः सुखप्रदम् । राज्यभ्रष्टः कथं सोऽथ कथं सीता हृता पुनः

janamejaya uvāca kathaṁ rāmeṇa taccīrṇaṁ vrataṁ devyāḥ sukhapradam rājyabhraṣṭaḥ kathaṁ so'tha kathaṁ sītā hṛtā punaḥ

जनमेजय ने कहा — 'राम ने देवी का वह सुखप्रद व्रत कैसे किया? वे राज्यभ्रष्ट कैसे हुए, और सीता का पुनः हरण कैसे हुआ?'

श्लोक 2 (devibhagavatam.3.28.2)

व्यास उवाच । राजा दशरथः श्रीमानयोध्याधिपतिः पुरा । सूर्यवंशधरश्चासीद्देवब्राह्मणपूजकः

vyāsa uvāca rājā daśarathaḥ śrīmānayodhyādhipatiḥ purā sūryavaṁśadharaścāsīddevabrāhmaṇapūjakaḥ

व्यास जी ने कहा — प्राचीन काल में अयोध्या के अधिपति श्रीमान् राजा दशरथ थे, सूर्यवंशधर, देवताओं और ब्राह्मणों के पूजक।

श्लोक 3 (devibhagavatam.3.28.3)

चत्वारो जज्ञिरे तस्य पुत्रा लोकेषु विश्रुताः । रामलक्ष्मणशत्रुघ्ना भरतश्चेति नामतः

catvāro jajñire tasya putrā lokeṣu viśrutāḥ rāmalakṣmaṇaśatrughnā bharataśceti nāmataḥ

उनके चार पुत्र उत्पन्न हुए, जो लोक में विख्यात थे — राम, लक्ष्मण, शत्रुघ्न तथा भरत नामक।

श्लोक 4 (devibhagavatam.3.28.4)

राज्ञः प्रियकराः सर्वे सदृशा गुणरूपतः । कौसल्यायाः सुतो रामः कैकेय्या भरतः स्मृतः

rājñaḥ priyakarāḥ sarve sadṛśā guṇarūpataḥ kausalyāyāḥ suto rāmaḥ kaikeyyā bharataḥ smṛtaḥ

सभी राजा के प्रिय थे, गुण और रूप में समान; राम कौसल्या के पुत्र थे, और भरत कैकेयी के पुत्र माने गए हैं।

श्लोक 5 (devibhagavatam.3.28.5)

सुमित्रातनयौ जातौ यमलौ द्वौ मनोहरौ । ते जाता वै किशोराश्च धनुर्बाणधराः किल

sumitrātanayau jātau yamalau dvau manoharau te jātā vai kiśorāśca dhanurbāṇadharāḥ kila

सुमित्रा को दो मनोहर जुड़वाँ पुत्र उत्पन्न हुए; वे बड़े होकर धनुष-बाण धारण करने वाले किशोर बने।

श्लोक 6 (devibhagavatam.3.28.6)

सूनवः कृतसंस्कारा भूपतेः सुखवर्धकाः । कौशिकेन तदाऽऽगत्य प्रार्थितो रघुनन्दनः

sūnavaḥ kṛtasaṁskārā bhūpateḥ sukhavardhakāḥ kauśikena tadā''gatya prārthito raghunandanaḥ

विधिवत् संस्कारित वे पुत्र राजा के सुख को बढ़ाने वाले थे; तब कौशिक (विश्वामित्र) आकर उस रघुनन्दन को माँगने लगे।

श्लोक 7 (devibhagavatam.3.28.7)

राघवं मखरक्षार्थं सूनुं षोडशवार्षिकम् । तस्मै सोऽयं ददौ रामं कौशिकाय सलक्ष्मणम्

rāghavaṁ makharakṣārthaṁ sūnuṁ ṣoḍaśavārṣikam tasmai so'yaṁ dadau rāmaṁ kauśikāya salakṣmaṇam

यज्ञ की रक्षा हेतु, सोलह वर्षीय पुत्र राघव को; राजा ने कौशिक को यही राम, लक्ष्मण सहित, प्रदान किया।

श्लोक 8 (devibhagavatam.3.28.8)

तौ समेत्य मुनिं मार्गे जग्मतुश्चारुदर्शनौ । ताटका निहता मार्गे राक्षसी घोरदर्शना

tau sametya muniṁ mārge jagmatuścārudarśanau tāṭakā nihatā mārge rākṣasī ghoradarśanā

सुन्दरदर्शन वे दोनों मुनि के साथ मिलकर मार्ग में चल पड़े; मार्ग में घोरदर्शना राक्षसी ताटका मारी गई।

श्लोक 9 (devibhagavatam.3.28.9)

रामेणैकेन बाणेन मुनीनां दुःखदा सदा । यज्ञरक्षा कृता तत्र सुबाहुर्निहतः शठः

rāmeṇaikena bāṇena munīnāṁ duḥkhadā sadā yajñarakṣā kṛtā tatra subāhurnihataḥ śaṭhaḥ

राम ने एक ही बाण से, जो मुनियों को सदैव दुःखदायी थी, उसे मारा; और वहाँ यज्ञरक्षा की गई, तथा दुष्ट सुबाहु मारा गया।

श्लोक 10 (devibhagavatam.3.28.10)

मारीचोऽथ मृतप्रायो निक्षिप्तो बाणवेगतः । एवं कृत्वा महत्कर्म यज्ञस्य परिरक्षणम्

mārīco'tha mṛtaprāyo nikṣipto bāṇavegataḥ evaṁ kṛtvā mahatkarma yajñasya parirakṣaṇam

मारीच, तब लगभग मृतप्राय होकर, बाण के वेग से दूर फेंक दिया गया; इस प्रकार यज्ञरक्षा का यह महान् कार्य सम्पन्न कर —

श्लोक 11 (devibhagavatam.3.28.11)

गतास्ते मिथिलां सर्वे रामलक्ष्मणकौशिकाः । अहल्या मोचिता शापान्निष्पापा सा कृताऽबला

gatāste mithilāṁ sarve rāmalakṣmaṇakauśikāḥ ahalyā mocitā śāpānniṣpāpā sā kṛtā'balā

— राम, लक्ष्मण तथा कौशिक, सभी मिथिला की ओर चले गए; अहल्या शाप से मुक्त हुईं, और वह निष्पाप स्त्री बनाई गईं।

श्लोक 12 (devibhagavatam.3.28.12)

विदेहनगरे तौ तु जग्मतुर्मुनिना सह । बभञ्ज शिवचापञ्च जनकेन पणीकृतम्

videhanagare tau tu jagmaturmuninā saha babhañja śivacāpañca janakena paṇīkṛtam

विदेहनगरी में वे दोनों मुनि के साथ पहुँचे; और जनक द्वारा पण रखे गए शिवधनुष को उन्होंने तोड़ डाला।

श्लोक 13 (devibhagavatam.3.28.13)

उपयेमे ततः सीतां जानकीञ्च रमांशजाम् । लक्ष्मणाय ददौ राजा पुत्रीमेकां तथोर्मिलाम्

upayeme tataḥ sītāṁ jānakīñca ramāṁśajām lakṣmaṇāya dadau rājā putrīmekāṁ tathormilām

तत्पश्चात् उन्होंने जनकसुता, रमांशसंभूता सीता से विवाह किया; और राजा ने एक पुत्री, ऊर्मिला, लक्ष्मण को दी।

श्लोक 14 (devibhagavatam.3.28.14)

कुशध्वजसुते कन्ये प्रापतुर्भ्रातरावुभौ । तथा भरतशत्रुघ्नौ सुशिलौ शुभलक्षणौ

kuśadhvajasute kanye prāpaturbhrātarāvubhau tathā bharataśatrughnau suśilau śubhalakṣaṇau

दोनों भाइयों ने कुशध्वज की दोनों पुत्रियों को प्राप्त किया; उसी प्रकार सुशील, शुभलक्षण भरत और शत्रुघ्न ने भी।

श्लोक 15 (devibhagavatam.3.28.15)

एवं दारक्रियास्तेषां भ्रातॄणां चाभवन्नृप । चतुर्णां मिथिलायां तु यथाविधि विधानतः

evaṁ dārakriyāsteṣāṁ bhrātṝṇāṁ cābhavannṛpa caturṇāṁ mithilāyāṁ tu yathāvidhi vidhānataḥ

हे राजन्, इस प्रकार उन चारों भाइयों का विवाह-कर्म मिथिला में विधिपूर्वक सम्पन्न हुआ।

श्लोक 16 (devibhagavatam.3.28.16)

राज्ययोग्यं सुतं दृष्ट्वा राजा दशरथस्तदा । राघवाय धुरं दातुं मनश्चक्रे निजाय वै

rājyayogyaṁ sutaṁ dṛṣṭvā rājā daśarathastadā rāghavāya dhuraṁ dātuṁ manaścakre nijāya vai

पुत्र को राज्य के योग्य देखकर, राजा दशरथ ने तब अपने ही पुत्र राघव को राजभार सौंपने का मन बना लिया।

श्लोक 17 (devibhagavatam.3.28.17)

सम्भारं विहितं दृष्ट्वा कैकेयी पूर्वकल्पितौ । वरौ सम्प्रार्थयामास भर्तारं वशवर्तिनम्

sambhāraṁ vihitaṁ dṛṣṭvā kaikeyī pūrvakalpitau varau samprārthayāmāsa bhartāraṁ vaśavartinam

तैयारियाँ होते देखकर, कैकेयी ने पूर्वकल्पित दोनों वरों को अपने वशवर्ती पति से माँग लिया।

श्लोक 18 (devibhagavatam.3.28.18)

राज्यं सुताय चैकेन भरताय महात्मने । रामाय वनवासञ्च चतुर्दशसमास्तथा

rājyaṁ sutāya caikena bharatāya mahātmane rāmāya vanavāsañca caturdaśasamāstathā

एक वर से अपने महात्मा पुत्र भरत के लिए राज्य, और दूसरे से राम के लिए चौदह वर्षों का वनवास।

श्लोक 19 (devibhagavatam.3.28.19)

रामस्तु वचनात्तस्याः सीतालक्ष्मणसंयुतः । जगाम दण्डकारण्यं राक्षसैरुपसेवितम्

rāmastu vacanāttasyāḥ sītālakṣmaṇasaṁyutaḥ jagāma daṇḍakāraṇyaṁ rākṣasairupasevitam

और राम, उसके वचन से, सीता तथा लक्ष्मण सहित, राक्षसों से बसे दण्डकारण्य को चले गए।

श्लोक 20 (devibhagavatam.3.28.20)

राजा दशरथः पुत्रविरहेण प्रपीडितः । जहौ प्राणानमेयात्मा पूर्वशापमनुस्मरन्

rājā daśarathaḥ putraviraheṇa prapīḍitaḥ jahau prāṇānameyātmā pūrvaśāpamanusmaran

राजा दशरथ, अपरिमेय आत्मा वाले, पुत्र-वियोग से पीड़ित होकर, पूर्व शाप का स्मरण करते हुए, प्राण त्याग गए।

श्लोक 21 (devibhagavatam.3.28.21)

भरतः पितरं दृष्ट्वा मृतं मातृकृतेन वै । राज्यमृद्धं न जग्राह भ्रातुः प्रियचिकीर्षया

bharataḥ pitaraṁ dṛṣṭvā mṛtaṁ mātṛkṛtena vai rājyamṛddhaṁ na jagrāha bhrātuḥ priyacikīrṣayā

भरत ने अपने पिता को अपनी ही माता के कर्म से मृत देखकर, अपने भाई का हित चाहते हुए, समृद्ध राज्य को स्वीकार नहीं किया।

श्लोक 22 (devibhagavatam.3.28.22)

पञ्चवट्यां वसन् रामो रावणावरजां वने । शूर्पणखां विरूपां वै चकारातिस्मरातुराम्

pañcavaṭyāṁ vasan rāmo rāvaṇāvarajāṁ vane śūrpaṇakhāṁ virūpāṁ vai cakārātismarāturām

पंचवटी में निवास करते हुए राम ने, वन में, रावण की बहन शूर्पणखा को — जो कुरूप थी — अत्यंत कामातुर होते देखा और उसे विरूप कर डाला।

श्लोक 23 (devibhagavatam.3.28.23)

खरादयस्तु तां दृष्ट्वा छिन्ननासां निशाचराः । चक्रुः सङ्ग्राममतुलं रामेणामिततेजसा

kharādayastu tāṁ dṛṣṭvā chinnanāsāṁ niśācarāḥ cakruḥ saṅgrāmamatulaṁ rāmeṇāmitatejasā

खर आदि राक्षसों ने उसे कटी हुई नाक वाली देखकर, अपरिमित तेजस्वी राम के साथ अतुल संग्राम किया।

श्लोक 24 (devibhagavatam.3.28.24)

स जघान खरादींश्च दैत्यानतिबलान्वितान् । मुनीनां हितमन्विच्छन् रामः सत्यपराक्रमः

sa jaghāna kharādīṁśca daityānatibalānvitān munīnāṁ hitamanvicchan rāmaḥ satyaparākramaḥ

सत्यपराक्रमी राम ने, मुनियों का हित चाहते हुए, खर आदि अत्यंत बलशाली दैत्यों का वध कर डाला।

श्लोक 25 (devibhagavatam.3.28.25)

गत्वा शूर्पणखा लङ्कां खरदूषणघातनम् । दूषिता कथयामास रावणाय च राघवात्

gatvā śūrpaṇakhā laṅkāṁ kharadūṣaṇaghātanam dūṣitā kathayāmāsa rāvaṇāya ca rāghavāt

लंका जाकर, उस विरूपित शूर्पणखा ने रावण को खर-दूषण के वध की तथा राघव द्वारा किए गए अपने अपमान की बात बताई।

श्लोक 26 (devibhagavatam.3.28.26)

सोऽपि श्रुत्वा विनाशं तं जातः क्रोधवशः खलः । जगाम रथमारुह्य मारीचस्याश्रमं तदा

so'pi śrutvā vināśaṁ taṁ jātaḥ krodhavaśaḥ khalaḥ jagāma rathamāruhya mārīcasyāśramaṁ tadā

वह भी उस विनाश को सुनकर क्रोधवश हो उठा, और वह दुष्ट रथ पर चढ़कर तब मारीच के आश्रम को गया।

श्लोक 27 (devibhagavatam.3.28.27)

कृत्वा हेममृगं नेतुं प्रेषयामास रावणः । सीताप्रलोभनार्थाय मायाविनमसम्भवम्

kṛtvā hemamṛgaṁ netuṁ preṣayāmāsa rāvaṇaḥ sītāpralobhanārthāya māyāvinamasambhavam

रावण ने उसे स्वर्णमृग बनाकर, सीता को प्रलोभित करने के लिए, उस मायावी, असत् रूप को भेजा।

श्लोक 28 (devibhagavatam.3.28.28)

सोऽथ हेममृगो भूत्वा सीतादृष्टिपथं गतः । मायावी चातिचित्राङ्गश्चरन्प्रबलमन्तिके

so'tha hemamṛgo bhūtvā sītādṛṣṭipathaṁ gataḥ māyāvī cāticitrāṅgaścaranprabalamantike

वह स्वर्णमृग बनकर सीता की दृष्टि के मार्ग में आ गया; मायावी, अत्यंत विचित्र अंगों वाला, समीप में प्रबल रूप से विचरण करता हुआ।

श्लोक 29 (devibhagavatam.3.28.29)

तं दृष्ट्वा जानकी प्राह राघवं दैवनोदिता । चर्मानयस्व कान्तेति स्वाधीनपतिका यथा

taṁ dṛṣṭvā jānakī prāha rāghavaṁ daivanoditā carmānayasva kānteti svādhīnapatikā yathā

उसे देखकर, दैवप्रेरित जानकी ने राघव से कहा — जैसे स्वाधीनपतिका पत्नी कहती है — 'हे प्रियतम, इसकी खाल ले आइए!'

श्लोक 30 (devibhagavatam.3.28.30)

अविचार्याथ रामोऽपि तत्र संस्थाप्य लक्ष्मणम् । सशरं धनुरादाय ययौ मृगपदानुगः

avicāryātha rāmo'pi tatra saṁsthāpya lakṣmaṇam saśaraṁ dhanurādāya yayau mṛgapadānugaḥ

तब राम भी, बिना विचार किए, लक्ष्मण को वहीं ठहराकर, सशर धनुष लेकर, मृग के पदचिह्नों का अनुसरण करते हुए चल पड़े।

श्लोक 31 (devibhagavatam.3.28.31)

सारङ्गोऽपि हरिं दृष्ट्वा मायाकोटिविशारदः । दृश्यादृश्यो बभूवाथ जगाम च वनान्तरम्

sāraṅgo'pi hariṁ dṛṣṭvā māyākoṭiviśāradaḥ dṛśyādṛśyo babhūvātha jagāma ca vanāntaram

वह मृग भी, राम को देखकर, माया में अत्यंत निपुण होने से, कभी दृश्य कभी अदृश्य होता हुआ, वन के भीतरी भाग में चला गया।

श्लोक 32 (devibhagavatam.3.28.32)

मत्वा हस्तगतं रामः क्रोधाकृष्टधनुः पुनः । जघान चातितीक्ष्णेन शरेण कृत्रिमं मृगम्

matvā hastagataṁ rāmaḥ krodhākṛṣṭadhanuḥ punaḥ jaghāna cātitīkṣṇena śareṇa kṛtrimaṁ mṛgam

उसे अब हाथ की पहुँच में मानकर, राम ने पुनः क्रोधपूर्वक धनुष खींचकर, अत्यंत तीक्ष्ण बाण से उस कृत्रिम मृग का वध कर दिया।

श्लोक 33 (devibhagavatam.3.28.33)

स हतोऽतिबलात्तेन चुक्रोश भृशदुःखितः । हा लक्ष्मण हतोऽस्मीति मायावी नश्वरः खलः

sa hato'tibalāttena cukrośa bhṛśaduḥkhitaḥ hā lakṣmaṇa hato'smīti māyāvī naśvaraḥ khalaḥ

उस अत्यंत बलशाली प्रहार से आहत होकर, वह दुष्ट, मायावी, नश्वर प्राणी अत्यंत दुःखी होकर चिल्लाया — 'हा लक्ष्मण! मैं मारा गया!'

श्लोक 34 (devibhagavatam.3.28.34)

स शब्दस्तुमुलस्तावज्जानक्या संश्रुतस्तदा । राघवस्येति सा मत्वा दीना देवरमब्रवीत्

sa śabdastumulastāvajjānakyā saṁśrutastadā rāghavasyeti sā matvā dīnā devaramabravīt

उस तुमुल शब्द को तब जानकी ने सुना; उसे राघव की ही आवाज मानकर, वह दीन होकर देवर से बोलीं।

श्लोक 35 (devibhagavatam.3.28.35)

गच्छ लक्ष्मण तूर्णं त्वं हतोऽसौ रघुनन्दनः । त्वामाह्वयति सौमित्रे साहाय्यं कुरु सत्वरम्

gaccha lakṣmaṇa tūrṇaṁ tvaṁ hato'sau raghunandanaḥ tvāmāhvayati saumitre sāhāyyaṁ kuru satvaram

'हे लक्ष्मण, शीघ्र जाओ! वह रघुनन्दन मारा गया है! हे सौमित्रे, वे तुम्हें पुकार रहे हैं — तुरन्त सहायता करो!'

श्लोक 36 (devibhagavatam.3.28.36)

तत्राह लक्ष्मणः सीतामम्ब रामवधादपि । नाहं गच्छेऽद्य मुक्त्वा त्वामसहायामिहाश्रमे

tatrāha lakṣmaṇaḥ sītāmamba rāmavadhādapi nāhaṁ gacche'dya muktvā tvāmasahāyāmihāśrame

तब लक्ष्मण ने सीता से कहा — 'हे माता, राम के वध से भी बढ़कर, मैं आज आपको इस आश्रम में अकेला, असहाय छोड़कर नहीं जाऊँगा।'

श्लोक 37 (devibhagavatam.3.28.37)

आज्ञा मे राघवस्यात्र तिष्ठेति जनकात्मजे । तदतिक्रमभीतोऽहं न त्यजामि तवान्तिकम्

ājñā me rāghavasyātra tiṣṭheti janakātmaje tadatikramabhīto'haṁ na tyajāmi tavāntikam

'हे जनकसुता, यहाँ ठहरने की मुझे राघव की ही आज्ञा है; उसका उल्लंघन करने से भयभीत होकर, मैं आपका साथ नहीं छोड़ूँगा।'

श्लोक 38 (devibhagavatam.3.28.38)

दूरं वै राघवं दृष्ट्वा वने मायाविना किल । त्यक्त्वा त्वां नाधिगच्छामि पदमेकं शुचिस्मिते

dūraṁ vai rāghavaṁ dṛṣṭvā vane māyāvinā kila tyaktvā tvāṁ nādhigacchāmi padamekaṁ śucismite

'हे शुचिस्मिते, वन में उस मायावी के कारण राघव को दूर देखकर भी, आपको त्यागकर मैं एक पग भी आगे नहीं बढ़ूँगा।'

श्लोक 39 (devibhagavatam.3.28.39)

कृरु धैर्यं न मन्येऽद्य रामं हन्तुं क्षमं क्षिप्तौ । नाहं त्यक्त्वा गमिष्यामि विलङ्घ्य रामभाषितम्

kṛru dhairyaṁ na manye'dya rāmaṁ hantuṁ kṣamaṁ kṣiptau nāhaṁ tyaktvā gamiṣyāmi vilaṅghya rāmabhāṣitam

'हे क्रूरे, धैर्य रखो — मुझे नहीं लगता कि आज कोई भी फेंका हुआ अस्त्र राम को मार सकता है; मैं राम के ही वचन का उल्लंघन कर, आपको त्यागकर नहीं जाऊँगा।'

श्लोक 40 (devibhagavatam.3.28.40)

व्यास उवाच । रुदती सुदती प्राह ते तदा विधिनोदिता । अक्रूरा वचनं क्रूरं लक्ष्मणं शुभलक्षणम्

vyāsa uvāca rudatī sudatī prāha te tadā vidhinoditā akrūrā vacanaṁ krūraṁ lakṣmaṇaṁ śubhalakṣaṇam

व्यास जी ने कहा — रोती हुई, सुदती, अत्यंत सौम्य वह स्त्री, दैवप्रेरित होकर, तब शुभलक्षण लक्ष्मण से कठोर वचन बोली।

श्लोक 41 (devibhagavatam.3.28.41)

अहं जानामि सौमित्रे सानुरागं च मां प्रति । प्रेरितं भरतेनैव मदर्थमिह सङ्गतम्

ahaṁ jānāmi saumitre sānurāgaṁ ca māṁ prati preritaṁ bharatenaiva madarthamiha saṅgatam

'हे सौमित्रे, मैं जानती हूँ कि तुम मेरे प्रति अनुरागयुक्त हो, और भरत द्वारा ही मेरे निमित्त यहाँ भेजे गए हो, मेरे साथ रहने हेतु।'

श्लोक 42 (devibhagavatam.3.28.42)

नाहं तथाविधा नारी स्वैरिणी कुहकाधम । मृते रामे पतिं त्वां न कर्तुमिच्छामि कामतः

nāhaṁ tathāvidhā nārī svairiṇī kuhakādhama mṛte rāme patiṁ tvāṁ na kartumicchāmi kāmataḥ

'मैं वैसी स्वेच्छाचारिणी स्त्री नहीं हूँ, हे नीच कपटी! राम के मरने पर भी, मैं इच्छापूर्वक तुम्हें अपना पति बनाना नहीं चाहती!'

श्लोक 43 (devibhagavatam.3.28.43)

नागमिष्यति चेद्रामो जीवितं सन्त्यजाम्यहम् । विना तेन न जीवामि विधुरा दुःखिता भृशम्

nāgamiṣyati cedrāmo jīvitaṁ santyajāmyaham vinā tena na jīvāmi vidhurā duḥkhitā bhṛśam

'यदि राम नहीं लौटे, तो मैं अपने प्राण त्याग दूँगी; उनके बिना मैं जीवित नहीं रह सकती, विधवा होकर अत्यंत दुःखी।'

श्लोक 44 (devibhagavatam.3.28.44)

गच्छ वा तिष्ठ सौमित्रे न जानेऽहं तवेप्सितम् । क्व गतं तेऽद्य सौहार्दं ज्येष्ठे धर्मरते किल

gaccha vā tiṣṭha saumitre na jāne'haṁ tavepsitam kva gataṁ te'dya sauhārdaṁ jyeṣṭhe dharmarate kila

'जाओ या ठहरो, हे सौमित्रे — मैं नहीं जानती तुम्हारा वास्तविक अभिप्राय क्या है। तुम्हारा वह स्नेह आज अपने धर्मरत ज्येष्ठ भ्राता के प्रति कहाँ चला गया है?'

श्लोक 45 (devibhagavatam.3.28.45)

तच्छ्रुत्वा वचनं तस्या लक्ष्मणो दीनमानसः । प्रोवाच रुद्धकण्ठस्तु तां तदा जनकात्मजाम्

tacchrutvā vacanaṁ tasyā lakṣmaṇo dīnamānasaḥ provāca ruddhakaṇṭhastu tāṁ tadā janakātmajām

उसके इन वचनों को सुनकर, लक्ष्मण, दीन मन से, गला रुँधा हुआ, तब उस जनकसुता से बोले।

श्लोक 46 (devibhagavatam.3.28.46)

किमात्थ क्षितिजे वाक्यं मयि क्रूरतरं किल । किं वदस्यत्यनिष्टं ते भावि जाने धिया ह्यहम्

kimāttha kṣitije vākyaṁ mayi krūrataraṁ kila kiṁ vadasyatyaniṣṭaṁ te bhāvi jāne dhiyā hyaham

'हे क्षितिजे, तुम मुझसे यह अत्यंत कठोर वचन क्यों कह रही हो? यह अनिष्ट बात क्यों कह रही हो? मैं तो अपनी बुद्धि से भावी को जानता हूँ।'

श्लोक 47 (devibhagavatam.3.28.47)

इत्युक्त्वा निर्ययौ वीरस्तां त्यक्त्वा प्ररुदन्भृशम् । अग्रजस्य ययौ पश्यञ्छोकार्तः पृथिवीपते

ityuktvā niryayau vīrastāṁ tyaktvā prarudanbhṛśam agrajasya yayau paśyañchokārtaḥ pṛthivīpate

यह कहकर वह वीर, उसे छोड़कर, अत्यंत रुदन करते हुए निकल पड़ा; हे पृथ्वीपते, शोकाकुल होकर, चारों ओर देखते हुए वह अपने अग्रज की ओर चला गया।

श्लोक 48 (devibhagavatam.3.28.48)

गतेऽथ लक्ष्मणे तत्र रावणः कपटाकृतिः । भिक्षुवेषं ततः कृत्वा प्रविवेश तदाश्रमे

gate'tha lakṣmaṇe tatra rāvaṇaḥ kapaṭākṛtiḥ bhikṣuveṣaṁ tataḥ kṛtvā praviveśa tadāśrame

लक्ष्मण के चले जाने पर, कपटरूपधारी रावण ने तब भिक्षुक का वेश धारण कर, उस आश्रम में प्रवेश किया।

श्लोक 49 (devibhagavatam.3.28.49)

जानकी तं यतिं मत्वा दत्त्वार्घ्यं वन्यमादरात् । भैक्ष्यं समर्पयामास रावणाय दुरात्मने

jānakī taṁ yatiṁ matvā dattvārghyaṁ vanyamādarāt bhaikṣyaṁ samarpayāmāsa rāvaṇāya durātmane

जानकी ने उसे यति मानकर, आदरपूर्वक वन्य अर्घ्य देकर, दुरात्मा रावण को भिक्षा अर्पित की।

श्लोक 50 (devibhagavatam.3.28.50)

तां पप्रच्छ स दुष्टात्मा नम्रपूर्वं मृदुस्वरम् । काऽसि पद्मपलाशाक्षि वने चैकाकिनी प्रिये

tāṁ papraccha sa duṣṭātmā namrapūrvaṁ mṛdusvaram kā'si padmapalāśākṣi vane caikākinī priye

उस दुष्टात्मा ने विनम्रतापूर्वक, मृदु स्वर में उससे पूछा — 'हे पद्मपलाशाक्षि, हे प्रिये, तुम वन में अकेली कौन हो?'

श्लोक 51 (devibhagavatam.3.28.51)

पिता कस्तेऽथ वामोरु भ्राता कः कः पतिस्तव । मूढेवैकाकिनी चात्र स्थिताऽसि वरवर्णिनि

pitā kaste'tha vāmoru bhrātā kaḥ kaḥ patistava mūḍhevaikākinī cātra sthitā'si varavarṇini

'हे वामोरु, तुम्हारे पिता कौन हैं, भाई कौन, और पति कौन? हे वरवर्णिनि, तुम यहाँ मानो मोहित-सी अकेली खड़ी हो।'

श्लोक 52 (devibhagavatam.3.28.52)

निर्जने विपिने किं त्वं सौधार्हा त्वमसि प्रिये । उटजे मुनिपत्नीवद्देवकन्यासमप्रभा

nirjane vipine kiṁ tvaṁ saudhārhā tvamasi priye uṭaje munipatnīvaddevakanyāsamaprabhā

'हे प्रिये, तुम तो महल के योग्य हो, इस निर्जन वन में क्यों हो? कुटिया में, मुनि-पत्नी की भाँति — जबकि तुम देवकन्या के समान तेजस्विनी हो!'

श्लोक 53 (devibhagavatam.3.28.53)

व्यास उवाच । इति तद्वचनं श्रुत्वा प्रत्युवाच विदेहजा । दिव्यं दिष्ट्या यतिं ज्ञात्वा मन्दोदर्याः पतिं तदा

vyāsa uvāca iti tadvacanaṁ śrutvā pratyuvāca videhajā divyaṁ diṣṭyā yatiṁ jñātvā mandodaryāḥ patiṁ tadā

व्यास जी ने कहा — उसके ये वचन सुनकर, विदेहसुता ने उत्तर दिया — उसे सौभाग्यवश दिव्य यति मानते हुए, जो वस्तुतः मन्दोदरी के पति (रावण) थे।

श्लोक 54 (devibhagavatam.3.28.54)

राजा दशरथः श्रीमांश्चत्वारस्तस्य वै सुताः । तेषां ज्येष्ठः पतिर्मेऽस्ति रामनामेति विश्रुतः

rājā daśarathaḥ śrīmāṁścatvārastasya vai sutāḥ teṣāṁ jyeṣṭhaḥ patirme'sti rāmanāmeti viśrutaḥ

'श्रीमान् राजा दशरथ थे, जिनके चार पुत्र थे; उनमें सबसे बड़े मेरे पति हैं, जो राम नाम से विख्यात हैं।'

श्लोक 55 (devibhagavatam.3.28.55)

विवासितोऽथ कैकेय्या कृते भूपतिना वरे । चतुर्दश समा रामो वसतेऽत्र सलक्ष्मणः

vivāsito'tha kaikeyyā kṛte bhūpatinā vare caturdaśa samā rāmo vasate'tra salakṣmaṇaḥ

'कैकेयी को राजा द्वारा दिए गए वर के कारण निर्वासित होकर, राम यहाँ चौदह वर्षों तक लक्ष्मण सहित निवास करते हैं।'

श्लोक 56 (devibhagavatam.3.28.56)

जनकस्य सुता चाहं सीतानाम्नीति विश्रुता । भङ्क्त्वा शैवं धनुः कामं रामेणाहं विवाहिता

janakasya sutā cāhaṁ sītānāmnīti viśrutā bhaṅktvā śaivaṁ dhanuḥ kāmaṁ rāmeṇāhaṁ vivāhitā

'मैं जनक की पुत्री हूँ, सीता नाम से विख्यात; शिवधनुष को तोड़कर, अभीष्टानुसार राम द्वारा मुझसे विवाह किया गया।'

श्लोक 57 (devibhagavatam.3.28.57)

रामबाहुबलेनात्र वसामो निर्भया वने । काञ्चनं मृगमालोक्य हन्तुं मे निर्गतः पतिः

rāmabāhubalenātra vasāmo nirbhayā vane kāñcanaṁ mṛgamālokya hantuṁ me nirgataḥ patiḥ

'राम की भुजाओं के बल पर हम यहाँ वन में निर्भय होकर निवास करते हैं; एक स्वर्णमृग को देखकर, मेरे कहने पर, मेरे पति उसे मारने गए हैं।'

श्लोक 58 (devibhagavatam.3.28.58)

लक्ष्मणोऽपि पुनः श्रुत्वा रवं भ्रातुर्गतोऽधुना । तयोर्बाहुबलादत्र निर्भयाऽहं वसामि वै

lakṣmaṇo'pi punaḥ śrutvā ravaṁ bhrāturgato'dhunā tayorbāhubalādatra nirbhayā'haṁ vasāmi vai

'लक्ष्मण भी अपने भाई की पुकार सुनकर अब गए हैं; उन दोनों की भुजाओं के बल पर मैं यहाँ निर्भय होकर निवास करती हूँ।'

श्लोक 59 (devibhagavatam.3.28.59)

मयेदं कथितं सर्वं वृत्तान्तं वनवासके । तेऽत्रागत्यार्हणां ते वै करिष्यन्ति यथाविधि

mayedaṁ kathitaṁ sarvaṁ vṛttāntaṁ vanavāsake te'trāgatyārhaṇāṁ te vai kariṣyanti yathāvidhi

'मैंने तुम्हें वनवास का यह सम्पूर्ण वृत्तान्त बता दिया है; वे यहाँ आकर तुम्हारा विधिवत् सत्कार करेंगे।'

श्लोक 60 (devibhagavatam.3.28.60)

यतिर्विष्णुस्वरूपोऽसि तस्मात्त्वं पूजितो मया । आश्रमो विपिने घोरे कृतोऽस्ति रक्षसां कुले

yatirviṣṇusvarūpo'si tasmāttvaṁ pūjito mayā āśramo vipine ghore kṛto'sti rakṣasāṁ kule

'यति साक्षात् विष्णुस्वरूप होता है; अतः तुम्हारा मेरे द्वारा सत्कार किया गया। यह आश्रम इस घोर वन में, राक्षसों के इलाके में बनाया गया है।'

श्लोक 61 (devibhagavatam.3.28.61)

तस्मात्त्वां परिपृच्छामि सत्यं ब्रूहि ममाग्रतः । कोऽसि त्रिदण्डिरूपेण विपिने त्वं समागतः

tasmāttvāṁ paripṛcchāmi satyaṁ brūhi mamāgrataḥ ko'si tridaṇḍirūpeṇa vipine tvaṁ samāgataḥ

'अतः मैं भी तुमसे पूछती हूँ — मेरे समक्ष सत्य बताओ — त्रिदण्डधारी के रूप में तुम इस वन में कौन बनकर आए हो?'

श्लोक 62 (devibhagavatam.3.28.62)

रावण उवाच । लङ्केशोऽहं मरालाक्षि श्रीमान्मन्दोदरीपतिः । त्वत्कृते तु कृतं रूपं मयेत्थं शोभनाकृते

rāvaṇa uvāca laṅkeśo'haṁ marālākṣi śrīmānmandodarīpatiḥ tvatkṛte tu kṛtaṁ rūpaṁ mayetthaṁ śobhanākṛte

रावण ने कहा — 'हे मरालाक्षि, मैं लंकेश हूँ, श्रीमान् मन्दोदरी का पति; परन्तु हे शोभनाकृते, तुम्हारे लिए ही मैंने यह रूप धारण किया है।'

श्लोक 63 (devibhagavatam.3.28.63)

आगतोऽहं वरारोहे भगिन्या प्रेरितोऽत्र वै । जनस्थाने हतौ श्रुत्वा भ्रातरौ खरदूषणौ

āgato'haṁ varārohe bhaginyā prerito'tra vai janasthāne hatau śrutvā bhrātarau kharadūṣaṇau

'हे वरारोहे, मैं यहाँ अपनी बहन द्वारा प्रेरित होकर आया हूँ, यह सुनकर कि जनस्थान में मेरे दोनों भाई खर और दूषण मारे गए।'

श्लोक 64 (devibhagavatam.3.28.64)

अङ्गीकुरु नृपं मां त्वं त्यक्त्वा तं मानुषं पतिम् । हृतराज्यं गतश्रीकं निर्बलं वनवासिनम्

aṅgīkuru nṛpaṁ māṁ tvaṁ tyaktvā taṁ mānuṣaṁ patim hṛtarājyaṁ gataśrīkaṁ nirbalaṁ vanavāsinam

'तुम मुझ राजा को स्वीकार करो, उस मानव पति को त्यागकर — जिसका राज्य छीन लिया गया है, जिसकी शोभा जा चुकी है, जो निर्बल है, केवल वनवासी है।'

श्लोक 65 (devibhagavatam.3.28.65)

पट्टराज्ञी भव त्वं मे मन्दोदर्युपरि स्फुटम् । दासोऽस्मि तव तन्वङ्गि स्वामिनी भव भामिनि

paṭṭarājñī bhava tvaṁ me mandodaryupari sphuṭam dāso'smi tava tanvaṅgi svāminī bhava bhāmini

'तुम मेरी पटरानी बनो, स्पष्ट रूप से मन्दोदरी से भी ऊपर; हे तन्वंगि, मैं तुम्हारा दास हूँ, हे भामिनी, तुम मेरी स्वामिनी बनो।'

श्लोक 66 (devibhagavatam.3.28.66)

जेताऽहं लोकपालानां पतामि तव पादयोः । करं गृहाण मेऽद्य त्वं सनाथं कुरु जानकि

jetā'haṁ lokapālānāṁ patāmi tava pādayoḥ karaṁ gṛhāṇa me'dya tvaṁ sanāthaṁ kuru jānaki

'मैं, लोकपालों का विजेता, तुम्हारे चरणों में गिरता हूँ; हे जानकी, आज मेरा हाथ ग्रहण करो, मुझे सनाथ करो।'

श्लोक 67 (devibhagavatam.3.28.67)

पिता ते याचितः पूर्वं मया वै त्वत्कृतेऽबले । जनको मामुवाचेत्थं पणबन्धो मया कृतः

pitā te yācitaḥ pūrvaṁ mayā vai tvatkṛte'bale janako māmuvācetthaṁ paṇabandho mayā kṛtaḥ

'हे अबले, तुम्हारे पिता से पहले ही मैंने, तुम्हारे लिए, याचना की थी; जनक ने मुझसे यह कहा था कि उन्होंने एक पण-प्रतिज्ञा की है।'

श्लोक 68 (devibhagavatam.3.28.68)

रुद्रचापभयान्नाहं सम्प्राप्तस्तु स्वयंवरे । मनो मे संस्थितं तावन्निमग्नं विरहातुरम्

rudracāpabhayānnāhaṁ samprāptastu svayaṁvare mano me saṁsthitaṁ tāvannimagnaṁ virahāturam

'रुद्र के धनुष के भय से मैं स्वयंवर में नहीं आ सका था; तभी से मेरा मन तुम्हारे में ही स्थिर, विरहातुर होकर डूबा हुआ है।'

श्लोक 69 (devibhagavatam.3.28.69)

वनेऽत्र संस्थितां श्रुत्वा पूर्वानुरागमोहितः । आगतोऽस्म्यसितापाङ्गि सफलं कुरु मे श्रमम्

vane'tra saṁsthitāṁ śrutvā pūrvānurāgamohitaḥ āgato'smyasitāpāṅgi saphalaṁ kuru me śramam

'हे असितापांगि, इस वन में तुम्हारे निवास की बात सुनकर, पूर्वानुराग से मोहित होकर, मैं यहाँ आया हूँ — मेरे इस परिश्रम को सफल करो।'