जनमेजय के प्रश्न

श्लोक 1 (devibhagavatam.4.1.1)

जनमेजय उवाच । वासवेय मुनिश्रेष्ठ सर्वज्ञाननिधेऽनघ । प्रष्टुमिच्छाम्यहं स्वामिन्नस्माकं कुलवर्धन

janamejaya uvāca vāsaveya muniśreṣṭha sarvajñānanidhe'nagha praṣṭumicchāmyahaṁ svāminnasmākaṁ kulavardhana

जनमेजय ने कहा — हे वासवेय! हे मुनिश्रेष्ठ! हे सर्वज्ञाननिधे! हे निष्पाप! हे स्वामिन्! हे हमारे कुल को बढ़ाने वाले! मैं आपसे कुछ पूछना चाहता हूँ।

श्लोक 2 (devibhagavatam.4.1.2)

शूरसेनसुतः श्रीमान्वसुदेवः प्रतापवान् । श्रुतं मया हरिर्यस्य पुत्रभावमवाप्तवान्

śūrasenasutaḥ śrīmānvasudevaḥ pratāpavān śrutaṁ mayā hariryasya putrabhāvamavāptavān

शूरसेन के पुत्र, श्रीमान् और प्रतापी वसुदेव — मैंने सुना है कि भगवान् हरि ने उन्हीं के पुत्र रूप में जन्म लिया।

श्लोक 3 (devibhagavatam.4.1.3)

देवानामपि पूज्योऽभून्नाम्ना चानकदुन्दुभिः । कारागारे कथं बद्धः कंसस्य धर्मतत्परः

devānāmapi pūjyo'bhūnnāmnā cānakadundubhiḥ kārāgāre kathaṁ baddhaḥ kaṁsasya dharmatatparaḥ

वे, जिनका नाम आनकदुन्दुभि भी था, देवताओं द्वारा भी पूज्य और धर्मपरायण थे — फिर वे कंस के कारागार में क्यों बंदी बनाए गए?

श्लोक 4 (devibhagavatam.4.1.4)

देवक्या भार्यया सार्धं किमागः कृतवानसौ । देवक्या बालषट्कस्य विनाशश्च कृतः पुनः

devakyā bhāryayā sārdhaṁ kimāgaḥ kṛtavānasau devakyā bālaṣaṭkasya vināśaśca kṛtaḥ punaḥ

अपनी पत्नी देवकी के साथ उन्होंने ऐसा कौन-सा अपराध किया था, और देवकी के छह बालकों का विनाश क्यों किया गया?

श्लोक 5 (devibhagavatam.4.1.5)

तेन कंसेन कस्माद्वै ययातिकुलजेन च । कारागारे कथं जन्म वासुदेवस्य वै हरेः

tena kaṁsena kasmādvai yayātikulajena ca kārāgāre kathaṁ janma vāsudevasya vai hareḥ

वह कंस, यद्यपि ययाति के कुल में उत्पन्न हुआ था, ऐसा क्यों करता था? और हरि ने वासुदेव के यहाँ कारागार में ही जन्म क्यों लिया?

श्लोक 6 (devibhagavatam.4.1.6)

गोकुले च कथं नीतो भगवान्सात्वतां पतिः । गतो जन्मान्तरं कस्मात्पितरौ निगडे स्थितौ

gokule ca kathaṁ nīto bhagavānsātvatāṁ patiḥ gato janmāntaraṁ kasmātpitarau nigaḍe sthitau

सात्वतों के स्वामी भगवान् को गोकुल में किस प्रकार ले जाया गया? वे जन्म लेते ही दूसरे स्थान को क्यों चले गए, जबकि उनके माता-पिता बेड़ियों में बंधे ही रह गए?

श्लोक 7 (devibhagavatam.4.1.7)

देवकीवसुदेवौ च कृष्णस्यामिततेजसः । कथं न मोचितौ वृद्धौ पितरौ हरिणामुना

devakīvasudevau ca kṛṣṇasyāmitatejasaḥ kathaṁ na mocitau vṛddhau pitarau hariṇāmunā

अपार तेजस्वी कृष्ण ने अपने वृद्ध माता-पिता देवकी और वसुदेव को उस समय मुक्त क्यों नहीं किया?

श्लोक 8 (devibhagavatam.4.1.8)

जगत्कर्तुं समर्थेन स्थितेन जनकोदरे । प्राक्तनं किं तयोः कर्म दुर्विज्ञेयं महात्मभिः

jagatkartuṁ samarthena sthitena janakodare prāktanaṁ kiṁ tayoḥ karma durvijñeyaṁ mahātmabhiḥ

जो समस्त जगत् की रचना करने में समर्थ हैं, वे स्वयं गर्भ में क्यों स्थित हुए? उन दोनों का वह पूर्वजन्म का कैसा कर्म था, जिसे महात्मा भी दुर्विज्ञेय मानते हैं?

श्लोक 9 (devibhagavatam.4.1.9)

जन्म वै वासुदेवस्य यत्रासीत्परमात्मनः । के ते पुत्राश्च का बाला या कंसेन विपोथिता

janma vai vāsudevasya yatrāsītparamātmanaḥ ke te putrāśca kā bālā yā kaṁsena vipothitā

परमात्मा वासुदेव-पुत्र का जन्म वास्तव में कहाँ हुआ? वे पुत्र कौन थे, और वह कन्या कौन थी जिसे कंस ने पटक दिया था?

श्लोक 10 (devibhagavatam.4.1.10)

शिलायां निर्गता व्योम्नि जाता त्वष्टभुजा पुनः । गार्हस्थ्यञ्च हरेर्ब्रूहि बहुभार्यस्य चानघ

śilāyāṁ nirgatā vyomni jātā tvaṣṭabhujā punaḥ gārhasthyañca harerbrūhi bahubhāryasya cānagha

जो कन्या शिला पर पटकी जाने पर हाथ से छूटकर आकाश में उठ गई और अष्टभुजा देवी के रूप में प्रकट हुई — हे निष्पाप! उसके विषय में तथा बहुपत्नीक हरि के गृहस्थ जीवन के विषय में मुझे बताइए।

श्लोक 11 (devibhagavatam.4.1.11)

कार्याणि तत्र तान्येव देहत्यागं च तस्य वै । किंवदन्त्या श्रुतं यत्तन्मनो मोहयतीव मे

kāryāṇi tatra tānyeva dehatyāgaṁ ca tasya vai kiṁvadantyā śrutaṁ yattanmano mohayatīva me

वहाँ के उनके कार्यों तथा उनके देहत्याग के विषय में भी बताइए, क्योंकि जो कुछ मैंने जनश्रुति से सुना है, वह मेरे मन को मोहित-सा कर देता है।

श्लोक 12 (devibhagavatam.4.1.12)

चरितं वासुदेवस्य त्वमाख्याहि यथातथम् । नरनारायणौ देवौ पुराणावृषिसत्तमौ

caritaṁ vāsudevasya tvamākhyāhi yathātatham naranārāyaṇau devau purāṇāvṛṣisattamau

वासुदेव-पुत्र के चरित्र को यथातथ्य रूप से मुझसे कहिए। तथा नर और नारायण नामक उन दोनों पुरातन देवताओं और ऋषिश्रेष्ठों के विषय में भी बताइए —

श्लोक 13 (devibhagavatam.4.1.13)

धर्मपुत्रौ महात्मानौ तपश्चेरतुरुत्तमम् । यौ मुनी बहुवर्षाणि पुण्ये बदरिकाश्रमे

dharmaputrau mahātmānau tapaśceraturuttamam yau munī bahuvarṣāṇi puṇye badarikāśrame

धर्म के वे दोनों महात्मा पुत्र, जिन्होंने परम उत्तम तपस्या की, तथा जो अनेक वर्षों तक पुण्यमय बदरिकाश्रम में मुनि-रूप में रहे —

श्लोक 14 (devibhagavatam.4.1.14)

निराहारौ जितात्मानौ निःस्पृहौ जितषड्गुणौ । विष्णोरंशौ जगत्स्थेम्ने तपश्चेरतुरुत्तमम्

nirāhārau jitātmānau niḥspṛhau jitaṣaḍguṇau viṣṇoraṁśau jagatsthemne tapaśceraturuttamam

जो निराहार रहकर, जितेन्द्रिय, निःस्पृह और छहों विकारों को जीतकर, विष्णु के अंशावतार होते हुए, जगत् की स्थिरता हेतु परम उत्तम तप करते रहे —

श्लोक 15 (devibhagavatam.4.1.15)

तयोरंशावतारौ हि जिष्णुकृष्णौ महाबलौ । प्रसिद्धौ मुनिभिः प्रोक्तौ सर्वज्ञैर्नारदादिभिः

tayoraṁśāvatārau hi jiṣṇukṛṣṇau mahābalau prasiddhau munibhiḥ proktau sarvajñairnāradādibhiḥ

उन्हीं दोनों के अंशावतार महाबली जिष्णु (अर्जुन) और कृष्ण थे — ऐसा नारद आदि सर्वज्ञ मुनियों ने कहा है और यह सर्वविदित है।

श्लोक 16 (devibhagavatam.4.1.16)

विद्यमानशरीरौ तौ कथं देहान्तरं गतौ । नरनारायणौ देवौ पुनः कृष्णार्जुनौ कथम्

vidyamānaśarīrau tau kathaṁ dehāntaraṁ gatau naranārāyaṇau devau punaḥ kṛṣṇārjunau katham

वे दोनों अपने शरीर के रहते हुए ही दूसरे शरीर में कैसे चले गए? देव नर और नारायण पुनः कृष्ण और अर्जुन कैसे बने?

श्लोक 17 (devibhagavatam.4.1.17)

यौ चक्रतुस्तपश्चोग्रं मुक्त्यर्थं मुनिसत्तमौ । तौ कथं प्रापतुर्देहौ प्राप्तयोगौ महातपौ

yau cakratustapaścograṁ muktyarthaṁ munisattamau tau kathaṁ prāpaturdehau prāptayogau mahātapau

जिन दोनों मुनिश्रेष्ठों ने मुक्ति के लिए घोर तप किया था, वे योगसिद्ध महातपस्वी पुनः नए शरीर कैसे प्राप्त कर सके?

श्लोक 18 (devibhagavatam.4.1.18)

शूद्रः स्वधर्मनिष्ठस्तु देहान्ते क्षत्रियस्तु सः । शुभाचारो मृतो यो वै स शूद्रो ब्राह्मणो भवेत्

śūdraḥ svadharmaniṣṭhastu dehānte kṣatriyastu saḥ śubhācāro mṛto yo vai sa śūdro brāhmaṇo bhavet

अपने धर्म में निष्ठावान शूद्र देहान्त होने पर क्षत्रिय बनता है, और शुभ आचरण से मरने वाला शूद्र ब्राह्मण बनता है।

श्लोक 19 (devibhagavatam.4.1.19)

ब्राह्मणो निःस्पृहः शान्तो भवरोगाद्विमुच्यते । विपरीतमिदं भाति नरनारायणौ च तौ

brāhmaṇo niḥspṛhaḥ śānto bhavarogādvimucyate viparītamidaṁ bhāti naranārāyaṇau ca tau

निःस्पृह और शान्त ब्राह्मण संसार-रोग से मुक्त हो जाता है — किन्तु नर और नारायण का यह मामला तो इसके विपरीत ही प्रतीत होता है।

श्लोक 20 (devibhagavatam.4.1.20)

तपसा शोषितात्मानौ क्षत्रियौ तौ बभूवतुः । केन तौ कर्मणा शान्तौ जातौ शापेन वा पुनः

tapasā śoṣitātmānau kṣatriyau tau babhūvatuḥ kena tau karmaṇā śāntau jātau śāpena vā punaḥ

तप से क्षीण शरीर वाले वे दोनों पुनः क्षत्रिय बन गए — वे शान्त-स्वभाव मुनि किस कर्म से या किस शाप से पुनः क्षत्रिय हुए?

श्लोक 21 (devibhagavatam.4.1.21)

ब्राह्मणौ क्षत्रियौ जातौ कारणं तन्मुने वद । यादवानां विनाशश्च ब्रह्मशापादिति श्रुतः

brāhmaṇau kṣatriyau jātau kāraṇaṁ tanmune vada yādavānāṁ vināśaśca brahmaśāpāditi śrutaḥ

हे मुने! ब्राह्मणों के क्षत्रिय बन जाने का कारण बताइए। और यह भी सुना है कि यादवों का विनाश ब्राह्मण-शाप से हुआ था।

श्लोक 22 (devibhagavatam.4.1.22)

कृष्णस्यापि हि गान्धार्याः शापेनैव कुलक्षयः । प्रद्युम्नहरणं चैव शम्बरेण कथं कृतम्

kṛṣṇasyāpi hi gāndhāryāḥ śāpenaiva kulakṣayaḥ pradyumnaharaṇaṁ caiva śambareṇa kathaṁ kṛtam

क्या कृष्ण के कुल का नाश भी केवल गांधारी के शाप से ही हुआ था? और शम्बर ने प्रद्युम्न का हरण किस प्रकार किया?

श्लोक 23 (devibhagavatam.4.1.23)

वर्तमाने वासुदेवे देवदेवे जनार्दने । पुत्रस्य सूतिकागेहाद्धरणं चातिदुर्घटम्

vartamāne vāsudeve devadeve janārdane putrasya sūtikāgehāddharaṇaṁ cātidurghaṭam

जब वासुदेव, देवों के देव जनार्दन, स्वयं विद्यमान थे, तब उनके पुत्र का सूतिकागृह से हरण जैसी अत्यंत दुर्घट घटना कैसे घटी?

श्लोक 24 (devibhagavatam.4.1.24)

द्वारकादुर्गमध्याद्वै हरिवेश्माद्दुरत्ययात् । न ज्ञातं वासुदेवेन तत्कथं दिव्यचक्षुषा

dvārakādurgamadhyādvai hariveśmādduratyayāt na jñātaṁ vāsudevena tatkathaṁ divyacakṣuṣā

दुर्गम द्वारका दुर्ग के भीतर से, हरि के दुर्लंघ्य निवास से, यह घटना वासुदेव को अपने दिव्य नेत्रों से भी ज्ञात क्यों नहीं हुई?

श्लोक 25 (devibhagavatam.4.1.25)

सन्देहोऽयं महान्ब्रह्मन्निसन्देहं कुरु प्रभो । यत्पत्न्यो वासुदेवस्य दस्युभिर्लुण्ठिता हृताः

sandeho'yaṁ mahānbrahmannisandehaṁ kuru prabho yatpatnyo vāsudevasya dasyubhirluṇṭhitā hṛtāḥ

हे ब्रह्मन्! यह मेरा बड़ा संशय है, हे प्रभो! इसे पूर्ण रूप से दूर कीजिए — कि वासुदेव की पत्नियाँ डाकुओं द्वारा लूटी और हर ली गईं।

श्लोक 26 (devibhagavatam.4.1.26)

स्वर्गते देवदेवे तु तत्कथं मुनिसत्तम । संशयो जायते ब्रह्मंश्चित्तान्दोलनकारकः

svargate devadeve tu tatkathaṁ munisattama saṁśayo jāyate brahmaṁścittāndolanakārakaḥ

हे मुनिश्रेष्ठ! देवों के देव के स्वर्गवासी होने पर यह कैसे हुआ? हे ब्रह्मन्! यह संशय मेरे चित्त को व्याकुल कर देता है।

श्लोक 27 (devibhagavatam.4.1.27)

विष्णोरंशः समुद्भूतः शौरिर्भूभारहारकृत् । स कथं मथुराराज्यं भयात्त्यक्त्वा जनार्दनः

viṣṇoraṁśaḥ samudbhūtaḥ śaurirbhūbhārahārakṛt sa kathaṁ mathurārājyaṁ bhayāttyaktvā janārdanaḥ

विष्णु के अंश से उत्पन्न, पृथ्वी का भार हरने वाले शौरि जनार्दन ने भय से मथुरा-राज्य को त्यागकर,

श्लोक 28 (devibhagavatam.4.1.28)

द्वारवत्यां गतः साधो ससैन्यः ससुहृद्गणः । अवतारो हरेः प्रोक्तो भूभारहरणाय वै

dvāravatyāṁ gataḥ sādho sasainyaḥ sasuhṛdgaṇaḥ avatāro hareḥ prokto bhūbhāraharaṇāya vai

हे साधो! अपनी सेना और मित्रगण सहित द्वारावती चले गए? हरि का अवतार तो भूभार-हरण के लिए ही कहा गया है —

श्लोक 29 (devibhagavatam.4.1.29)

पापात्मनां विनाशाय धर्मसंस्थापनाय च । तत्कथं वासुदेवेन चौरास्ते न निपातिताः

pāpātmanāṁ vināśāya dharmasaṁsthāpanāya ca tatkathaṁ vāsudevena caurāste na nipātitāḥ

पापियों के विनाश और धर्म की स्थापना के लिए। फिर वासुदेव ने उन चोरों का वध क्यों नहीं किया?

श्लोक 30 (devibhagavatam.4.1.30)

यैर्हृता वासुदेवस्य पत्न्यः संलुण्ठिताश्च ताः । स्तेनास्ते किं न विज्ञाताः सर्वज्ञेन सता पुनः

yairhṛtā vāsudevasya patnyaḥ saṁluṇṭhitāśca tāḥ stenāste kiṁ na vijñātāḥ sarvajñena satā punaḥ

जिन चोरों ने वासुदेव की पत्नियों का हरण और लूट किया, क्या वे उस सर्वज्ञ के द्वारा भी नहीं पहचाने जा सके?

श्लोक 31 (devibhagavatam.4.1.31)

भीष्मद्रोणवधः कामं भूभारहरणे मतः । अर्चिताश्च महात्मानः पाण्डवा धर्मतत्पराः

bhīṣmadroṇavadhaḥ kāmaṁ bhūbhāraharaṇe mataḥ arcitāśca mahātmānaḥ pāṇḍavā dharmatatparāḥ

भीष्म और द्रोण का वध निःसंदेह भूभार-हरण के लिए ही अभीष्ट था, और धर्मपरायण महात्मा पाण्डवों का उन्होंने आदर भी किया —

श्लोक 32 (devibhagavatam.4.1.32)

कृष्णभक्ताः सदाचारा युधिष्ठिरपुरोगमाः । ते कृत्वा राजसूयञ्च यज्ञराजं विधानतः

kṛṣṇabhaktāḥ sadācārā yudhiṣṭhirapurogamāḥ te kṛtvā rājasūyañca yajñarājaṁ vidhānataḥ

कृष्ण-भक्त, सदाचारी और युधिष्ठिर के नेतृत्व में उन पाण्डवों ने विधिपूर्वक राजसूय नामक श्रेष्ठ यज्ञ का सम्पादन किया —

श्लोक 33 (devibhagavatam.4.1.33)

दक्षिणा विविधा दत्त्वा ब्राह्मणेभ्योऽतिभावतः । पाण्डुपुत्रास्तु देवांशा वासुदेवाश्रिता मुने

dakṣiṇā vividhā dattvā brāhmaṇebhyo'tibhāvataḥ pāṇḍuputrāstu devāṁśā vāsudevāśritā mune

और ब्राह्मणों को अत्यंत भक्तिपूर्वक विविध दक्षिणाएँ दीं — हे मुने! वे पाण्डुपुत्र, देवांश होते हुए भी और वासुदेव के आश्रित होते हुए भी,

श्लोक 34 (devibhagavatam.4.1.34)

घोरं दुःखं कथं प्राप्ताः क्व गतं सुकृतञ्च तत् । किं तत्पापं महारौद्रं येन ते पीडिताः सदा

ghoraṁ duḥkhaṁ kathaṁ prāptāḥ kva gataṁ sukṛtañca tat kiṁ tatpāpaṁ mahāraudraṁ yena te pīḍitāḥ sadā

उन्होंने ऐसा घोर दुःख कैसे भोगा? उनका वह पुण्य कहाँ चला गया? वह कौन-सा महाभयंकर पाप था, जिसके कारण वे सदैव पीड़ित रहे?

श्लोक 35 (devibhagavatam.4.1.35)

द्रौपदी च महाभागा वेदीमध्यात्समुत्थिता । रमांशजा च साध्वी च कृष्णभक्तियुता तथा

draupadī ca mahābhāgā vedīmadhyātsamutthitā ramāṁśajā ca sādhvī ca kṛṣṇabhaktiyutā tathā

और द्रौपदी, जो अत्यंत भाग्यशालिनी, यज्ञवेदी के मध्य से प्रकट हुई, लक्ष्मी के अंश से उत्पन्न, साध्वी तथा कृष्ण-भक्ति से युक्त थी —

श्लोक 36 (devibhagavatam.4.1.36)

सा कथं दुःखमतुलं प्राप घोरं पुनः पुनः । दुःशासनेन सा केशे गृहीता पीडिता भृशम्

sā kathaṁ duḥkhamatulaṁ prāpa ghoraṁ punaḥ punaḥ duḥśāsanena sā keśe gṛhītā pīḍitā bhṛśam

उसने ऐसा अतुलनीय, भयंकर दुःख बार-बार कैसे सहा? दुःशासन ने उसे केश पकड़कर अत्यंत पीड़ित किया;

श्लोक 37 (devibhagavatam.4.1.37)

रजस्वला सभायां तु नीता भीतैकवाससा । विराटनगरे दासी जाता मत्स्यस्य सा पुनः

rajasvalā sabhāyāṁ tu nītā bhītaikavāsasā virāṭanagare dāsī jātā matsyasya sā punaḥ

रजस्वला अवस्था में, भयभीत और एकवस्त्रा होकर उसे सभा में लाया गया; और पुनः विराटनगर में वह मत्स्यराज विराट की दासी बनी।

श्लोक 38 (devibhagavatam.4.1.38)

धर्षिता कीचकेनाथ रुदती कुररी यथा । हृता जयद्रथेनाथ क्रन्दमानातिदुःखिता

dharṣitā kīcakenātha rudatī kurarī yathā hṛtā jayadrathenātha krandamānātiduḥkhitā

फिर कीचक द्वारा उस पर बलात्कार का प्रयास किया गया, और वह कुररी पक्षी की भाँति रोती रही; फिर जयद्रथ द्वारा उसका हरण किया गया, और वह अत्यंत दुःखी होकर विलाप करती रही।

श्लोक 39 (devibhagavatam.4.1.39)

मोचिता पाण्डवैः पश्चाद्बलवद्भिर्महात्मभिः । पूर्वजन्मकृतं पापं किं तद्येन च पीडिताः

mocitā pāṇḍavaiḥ paścādbalavadbhirmahātmabhiḥ pūrvajanmakṛtaṁ pāpaṁ kiṁ tadyena ca pīḍitāḥ

बाद में उसे बलवान महात्मा पाण्डवों ने मुक्त कराया। आखिर वह पूर्वजन्म का कैसा पाप था, जिससे वे इस प्रकार पीड़ित हुए?

श्लोक 40 (devibhagavatam.4.1.40)

दुःखान्यनेकान्याप्तास्ते कथयाद्य महामते । राजसूयं क्रतुवरं कृत्वा ते मम पूर्वजाः

duḥkhānyanekānyāptāste kathayādya mahāmate rājasūyaṁ kratuvaraṁ kṛtvā te mama pūrvajāḥ

हे महामते! अब मुझे बताइए, वे मेरे पूर्वज राजसूय जैसा श्रेष्ठ यज्ञ करने के बाद भी अनेक दुःखों को क्यों प्राप्त हुए —

श्लोक 41 (devibhagavatam.4.1.41)

दुःखं महत्तरं प्राप्ताः पूर्वजन्मकृतेन वै । देवांशानां कथं तेषां संशयोऽयं महान्हि मे

duḥkhaṁ mahattaraṁ prāptāḥ pūrvajanmakṛtena vai devāṁśānāṁ kathaṁ teṣāṁ saṁśayo'yaṁ mahānhi me

वे पूर्वजन्म के कर्मों के कारण ही और भी अधिक दुःख को प्राप्त हुए। देवांश होते हुए भी उनके साथ ऐसा कैसे हुआ? यह मेरा बहुत बड़ा संशय है।

श्लोक 42 (devibhagavatam.4.1.42)

सदाचारैस्तु कौन्तेयैर्भीष्मद्रोणादयो हताः । छलेन धनलाभार्थं जानानैर्नश्वरं जगत्

sadācāraistu kaunteyairbhīṣmadroṇādayo hatāḥ chalena dhanalābhārthaṁ jānānairnaśvaraṁ jagat

भीष्म, द्रोण आदि का वध सदाचारी कुन्तीपुत्रों द्वारा छल से, राज्यलाभ के लिए किया गया, यद्यपि वे जगत् को नश्वर जानते थे।

श्लोक 43 (devibhagavatam.4.1.43)

प्रेरिता वासुदेवेन पापे घोरे महात्मना । कुलं क्षयितवन्तस्ते हरिणा परमात्मना

preritā vāsudevena pāpe ghore mahātmanā kulaṁ kṣayitavantaste hariṇā paramātmanā

महात्मा वासुदेव द्वारा, परमात्मा हरि द्वारा, उस घोर पाप के लिए प्रेरित होकर, उन्होंने अपने ही कुल का नाश किया।

श्लोक 44 (devibhagavatam.4.1.44)

वरं भिक्षाटनं साधोर्नीवारैर्जीवनं वरम् । योधान्न हत्वा लोभेन शिल्पेन जीवनं वरम्

varaṁ bhikṣāṭanaṁ sādhornīvārairjīvanaṁ varam yodhānna hatvā lobhena śilpena jīvanaṁ varam

साधु के लिए भिक्षाटन ही श्रेष्ठ है, वन्य अन्न से जीवन-निर्वाह ही श्रेष्ठ है; लोभवश योद्धाओं का वध करने की अपेक्षा किसी शिल्प से जीविका चलाना ही श्रेष्ठ है।

श्लोक 45 (devibhagavatam.4.1.45)

विच्छिन्नस्तु त्वया वंशो रक्षितो मुनिसत्तम । समुत्पाद्य सुतानाशु गोलकाच्छत्रुनाशनान्

vicchinnastu tvayā vaṁśo rakṣito munisattama samutpādya sutānāśu golakācchatrunāśanān

फिर भी, हे मुनिश्रेष्ठ! आपने ही उस नष्ट हो चुके कुल को, शीघ्र ही शत्रुनाशक पुत्रों को गोलक से उत्पन्न कराकर, बचा लिया।

श्लोक 46 (devibhagavatam.4.1.46)

सोऽल्पेनैव तु कालेन विराटतनयासुतः । तापसस्य गले सर्पं न्यस्तवान्कथमद्भुतम्

so'lpenaiva tu kālena virāṭatanayāsutaḥ tāpasasya gale sarpaṁ nyastavānkathamadbhutam

विराट-पुत्री के उस पौत्र ने अल्प समय में ही एक तपस्वी के गले में सर्प कैसे डाल दिया, यह आश्चर्यजनक बात है।

श्लोक 47 (devibhagavatam.4.1.47)

नकोऽपि ब्राह्मणं द्वेष्टि क्षत्रियस्य कुलोद्भवः । तापसं मौनसंयुक्तं पित्रा किं तत्कृतं मुने

nako'pi brāhmaṇaṁ dveṣṭi kṣatriyasya kulodbhavaḥ tāpasaṁ maunasaṁyuktaṁ pitrā kiṁ tatkṛtaṁ mune

क्षत्रिय कुल में उत्पन्न कोई भी व्यक्ति ब्राह्मण से द्वेष नहीं करता — हे मुने! फिर पिता ने उस मौनव्रतधारी तपस्वी के साथ ऐसा क्यों किया?

श्लोक 48 (devibhagavatam.4.1.48)

एतैरन्यैश्च सन्देहैर्विकलं मे मनोऽधुना । स्थिरं कुरु पितः साधो सर्वज्ञोऽसि दयानिधे

etairanyaiśca sandehairvikalaṁ me mano'dhunā sthiraṁ kuru pitaḥ sādho sarvajño'si dayānidhe

इन तथा अन्य संशयों से अभी मेरा मन व्याकुल है — हे पितृतुल्य साधो! इसे स्थिर कीजिए; आप सर्वज्ञ और दयानिधि हैं।