कर्म ही जन्मादि का कारण है इसका निरूपण

श्लोक 1 (devibhagavatam.4.2.1)

सूत उवाच । एवं पृष्टः पुराणज्ञो व्यासः सत्यवतीसुतः । परीक्षितसुतं शान्तं ततो वै जनमेजयम्

sūta uvāca evaṁ pṛṣṭaḥ purāṇajño vyāsaḥ satyavatīsutaḥ parīkṣitasutaṁ śāntaṁ tato vai janamejayam

सूत जी ने कहा — इस प्रकार पूछे जाने पर पुराणज्ञ, सत्यवती-पुत्र व्यास जी ने शांतस्वभाव परीक्षित्-पुत्र जनमेजय से कहा।

श्लोक 2 (devibhagavatam.4.2.2)

उवाच संशयच्छेत्तृ वाक्यं वाक्यविशारदः । व्यास उवाच । राजन् किमेतद्वक्तव्यं कर्मणां गहना गतिः

uvāca saṁśayacchettṛ vākyaṁ vākyaviśāradaḥ vyāsa uvāca rājan kimetadvaktavyaṁ karmaṇāṁ gahanā gatiḥ

वाक्यनिपुण व्यास जी ने संशय-नाशक वचन कहे। व्यास जी ने कहा — हे राजन्! इसमें कहने योग्य क्या है — कर्मों की गति अत्यंत गहन है।

श्लोक 3 (devibhagavatam.4.2.3)

दुर्ज्ञेया किल देवानां मानवानां च का कथा । यदा समुत्थितं चैतद्ब्रह्माण्डं त्रिगुणात्मकम्

durjñeyā kila devānāṁ mānavānāṁ ca kā kathā yadā samutthitaṁ caitadbrahmāṇḍaṁ triguṇātmakam

यह देवताओं के लिए भी दुर्ज्ञेय है, फिर मनुष्यों की तो बात ही क्या — क्योंकि यह त्रिगुणात्मक ब्रह्माण्ड भी इसी से उत्पन्न हुआ है।

श्लोक 4 (devibhagavatam.4.2.4)

कर्मणैव समुत्पत्तिः सर्वेषां नात्र संशयः । अनादिनिधना जीवाः कर्मबीजसमुद्भवाः

karmaṇaiva samutpattiḥ sarveṣāṁ nātra saṁśayaḥ anādinidhanā jīvāḥ karmabījasamudbhavāḥ

सबकी उत्पत्ति कर्म से ही होती है, इसमें कोई संशय नहीं। जीव अनादि और अनन्त हैं, किन्तु उनका उद्भव कर्म-बीज से ही होता है।

श्लोक 5 (devibhagavatam.4.2.5)

नानायोनिषु जायन्ते म्रियन्ते च पुनः पुनः । कर्मणा रहितो देहसंयोगो न कदाचन

nānāyoniṣu jāyante mriyante ca punaḥ punaḥ karmaṇā rahito dehasaṁyogo na kadācana

वे नाना योनियों में जन्म लेते और बार-बार मरते हैं; कर्म के बिना देह का संयोग कभी नहीं होता।

श्लोक 6 (devibhagavatam.4.2.6)

शुभाशुभैस्तथा मिश्रैः कर्मभिर्वेष्टितं त्विदम् । त्रिविधानि हि तान्याहुर्बुधास्तत्त्वविदश्च ये

śubhāśubhaistathā miśraiḥ karmabhirveṣṭitaṁ tvidam trividhāni hi tānyāhurbudhāstattvavidaśca ye

यह जीव शुभ, अशुभ तथा मिश्रित कर्मों से आवृत रहता है। तत्त्वज्ञानी विद्वानों ने इन कर्मों को तीन प्रकार का बताया है —

श्लोक 7 (devibhagavatam.4.2.7)

सञ्चितानि भविष्यन्ति प्रारब्धानि तथा पुनः । वर्तमानानि देहेऽस्मिंस्त्रैविध्यं कर्मणां किल

sañcitāni bhaviṣyanti prārabdhāni tathā punaḥ vartamānāni dehe'smiṁstraividhyaṁ karmaṇāṁ kila

संचित, आगामी तथा प्रारब्ध — और इसी शरीर में किए जा रहे वर्तमान कर्म — इस प्रकार कर्मों के तीन भेद हैं।

श्लोक 8 (devibhagavatam.4.2.8)

ब्रह्मादीनां च सर्वेषां तद्वशत्वं नराधिप । सुखं दुःखं जरामृत्युहर्षशोकादयस्तथा

brahmādīnāṁ ca sarveṣāṁ tadvaśatvaṁ narādhipa sukhaṁ duḥkhaṁ jarāmṛtyuharṣaśokādayastathā

हे नराधिप! ब्रह्मा से लेकर सभी उसके अधीन हैं — सुख, दुःख, जरा, मृत्यु, हर्ष, शोक आदि सब कुछ।

श्लोक 9 (devibhagavatam.4.2.9)

कामक्रोधौ च लोभश्च सर्वे देहगता गुणाः । दैवाधीनाश्च सर्वेषां प्रभवन्ति नराधिप

kāmakrodhau ca lobhaśca sarve dehagatā guṇāḥ daivādhīnāśca sarveṣāṁ prabhavanti narādhipa

काम, क्रोध, लोभ — देह से जुड़े ये सभी गुण — हे नराधिप! सबमें दैव के अधीन ही उत्पन्न होते हैं।

श्लोक 10 (devibhagavatam.4.2.10)

रागद्वेषादयो भावाः स्वर्गेऽपि प्रभवन्ति हि । देवानां मानवानाञ्च तिरश्चां च तथा पुनः

rāgadveṣādayo bhāvāḥ svarge'pi prabhavanti hi devānāṁ mānavānāñca tiraścāṁ ca tathā punaḥ

राग-द्वेष आदि भाव स्वर्ग में भी उत्पन्न होते हैं — देवताओं, मनुष्यों तथा पशु-पक्षियों में भी।

श्लोक 11 (devibhagavatam.4.2.11)

विकाराः सर्व एवैते देहेन सह सङ्गताः । पूर्ववैरानुयोगेन स्नेहयोगेन वै पुनः

vikārāḥ sarva evaite dehena saha saṅgatāḥ pūrvavairānuyogena snehayogena vai punaḥ

ये सभी विकार देह के साथ ही जुड़े होते हैं — कभी पूर्वजन्म के वैर के अनुसरण से, तो कभी पूर्वजन्म के स्नेह के संयोग से।

श्लोक 12 (devibhagavatam.4.2.12)

उत्पत्तिः सर्वजन्तूनां विना कर्म न विद्यते । कर्मणा भ्रमते सूर्यः शशाङ्कः क्षयरोगवान्

utpattiḥ sarvajantūnāṁ vinā karma na vidyate karmaṇā bhramate sūryaḥ śaśāṅkaḥ kṣayarogavān

बिना कर्म के किसी भी जीव की उत्पत्ति नहीं होती। कर्म के कारण ही सूर्य भ्रमण करता है, और चन्द्रमा क्षयरोगग्रस्त रहता है।

श्लोक 13 (devibhagavatam.4.2.13)

कपाली च तथा रुद्रः कर्मणैव न संशयः । अनादिनिधनं चैतत्कारणं कर्म विद्यते

kapālī ca tathā rudraḥ karmaṇaiva na saṁśayaḥ anādinidhanaṁ caitatkāraṇaṁ karma vidyate

कपाली रुद्र भी कर्म से ही हैं, इसमें कोई संशय नहीं। यह कारणभूत कर्म भी अनादि-अनन्त ही है।

श्लोक 14 (devibhagavatam.4.2.14)

तेनेह शाश्वतं सर्वं जगत्स्थावरजङ्गमम् । नित्यानित्यविचारेऽत्र निमग्ना मुनयः सदा

teneha śāśvataṁ sarvaṁ jagatsthāvarajaṅgamam nityānityavicāre'tra nimagnā munayaḥ sadā

उसी के कारण यह चराचर जगत् नित्य-सा है। इस विषय में मुनि सदा नित्य-अनित्य के विचार में निमग्न रहते हैं।

श्लोक 15 (devibhagavatam.4.2.15)

न जानन्ति किमेतद्वै नित्यं वानित्यमेव च । मायायां विद्यमानायां जगन्नित्यं प्रतीयते

na jānanti kimetadvai nityaṁ vānityameva ca māyāyāṁ vidyamānāyāṁ jagannityaṁ pratīyate

वे निश्चय नहीं कर पाते कि यह नित्य है या अनित्य। जब तक माया विद्यमान है, तब तक जगत् नित्य-सा प्रतीत होता है।

श्लोक 16 (devibhagavatam.4.2.16)

कार्याभावः कथं वाच्यः कारणे सति सर्वथा । माया नित्या कारणञ्च सर्वेषां सर्वदा किल

kāryābhāvaḥ kathaṁ vācyaḥ kāraṇe sati sarvathā māyā nityā kāraṇañca sarveṣāṁ sarvadā kila

कारण के सर्वथा विद्यमान रहते हुए कार्य का अभाव कैसे कहा जा सकता है? माया नित्य है, और वह सबका सदा कारण है।

श्लोक 17 (devibhagavatam.4.2.17)

कर्मबीजं ततोऽनित्यं चिन्तनीयं सदा बुधैः । भ्रमत्येव जगत्सर्वं राजन्कर्मनियन्त्रितम्

karmabījaṁ tato'nityaṁ cintanīyaṁ sadā budhaiḥ bhramatyeva jagatsarvaṁ rājankarmaniyantritam

अतः कर्म-बीज को अनित्य ही समझना चाहिए — विद्वानों को सदा इस पर विचार करना चाहिए। हे राजन्! यह सम्पूर्ण जगत् कर्म के ही नियंत्रण में भ्रमण करता रहता है।

श्लोक 18 (devibhagavatam.4.2.18)

नानायोनिषु राजेन्द्र नानाधर्ममयेषु च । इच्छया च भवेञ्चन्म विष्णोरमिततेजसः

nānāyoniṣu rājendra nānādharmamayeṣu ca icchayā ca bhaveñcanma viṣṇoramitatejasaḥ

हे राजेन्द्र! अपार तेजस्वी विष्णु का जन्म भी नाना योनियों में, नाना धर्मों वाली योनियों में, अपनी ही इच्छा से होता है।

श्लोक 19 (devibhagavatam.4.2.19)

युगे युगेष्वनेकासु नीचयोनिषु तत्कथम् । त्यक्त्वा वैकुण्ठसंवासं सुखभोगाननेकशः

yuge yugeṣvanekāsu nīcayoniṣu tatkatham tyaktvā vaikuṇṭhasaṁvāsaṁ sukhabhogānanekaśaḥ

युग-युग में, वैकुण्ठ-निवास तथा अनेक सुख-भोगों को त्यागकर, वे अनेक नीच योनियों में जन्म कैसे लेते हैं?

श्लोक 20 (devibhagavatam.4.2.20)

विण्मूत्रमन्दिरे वासं सन्त्रस्तः कोऽभिवाञ्छति । पुष्पावचयलीलां च जलकेलिं सुखासनम्

viṇmūtramandire vāsaṁ santrastaḥ ko'bhivāñchati puṣpāvacayalīlāṁ ca jalakeliṁ sukhāsanam

भयभीत होकर मल-मूत्र से भरे स्थान में रहने की इच्छा भला कौन करेगा? फूल चुनने की क्रीड़ा, जलक्रीड़ा और सुखासन को त्यागकर,

श्लोक 21 (devibhagavatam.4.2.21)

त्यक्त्वा गर्भगृहे वासं कोऽभिवाच्छति बुद्धिमान् । तूलिकां मृदुसंयुक्तां दिव्यां शय्यां विनिर्मिताम्

tyaktvā garbhagṛhe vāsaṁ ko'bhivācchati buddhimān tūlikāṁ mṛdusaṁyuktāṁ divyāṁ śayyāṁ vinirmitām

कौन बुद्धिमान व्यक्ति गर्भगृह में रहना चाहेगा? कोमल रुई से भरी दिव्य शय्या को त्यागकर,

श्लोक 22 (devibhagavatam.4.2.22)

त्यक्त्वाधोमुखवासं च कोऽभिवाञ्छति पण्डितः । गीतं नृत्यञ्च वाद्यञ्च नानाभावसमन्वितम्

tyaktvādhomukhavāsaṁ ca ko'bhivāñchati paṇḍitaḥ gītaṁ nṛtyañca vādyañca nānābhāvasamanvitam

कौन विद्वान सिर के बल नीचे लटके रहने का स्थान चाहेगा? गीत, नृत्य और नाना भावों से युक्त वाद्य को त्यागकर,

श्लोक 23 (devibhagavatam.4.2.23)

मुक्त्वा को नरके वासं मनसापि विचिन्तयेत् । सिन्धुजाद्भुतभावानां रसं त्यक्त्वा सुदुस्त्वजम्

muktvā ko narake vāsaṁ manasāpi vicintayet sindhujādbhutabhāvānāṁ rasaṁ tyaktvā sudustvajam

नरक-निवास के विषय में मन में भी कौन सोचेगा? समुद्र से उत्पन्न अद्भुत रसों के अत्यंत दुस्त्याज्य आनन्द को छोड़कर,

श्लोक 24 (devibhagavatam.4.2.24)

विण्मूत्ररसपानञ्ज क इच्छेन्मतिमान्नरः । गर्भवासात्परो नास्ति नरको भुवनत्रये

viṇmūtrarasapānañja ka icchenmatimānnaraḥ garbhavāsātparo nāsti narako bhuvanatraye

कौन बुद्धिमान मनुष्य मल-मूत्र-मिश्रित रस पीना चाहेगा? तीनों लोकों में गर्भवास से बड़ा कोई नरक नहीं है।

श्लोक 25 (devibhagavatam.4.2.25)

तद्भीताश्च प्रकुर्वन्ति मुनयो दुस्तरं तपः । हित्वा भोगञ्च राज्यञ्च वने यान्ति मनस्विनः

tadbhītāśca prakurvanti munayo dustaraṁ tapaḥ hitvā bhogañca rājyañca vane yānti manasvinaḥ

उसी के भय से मुनि दुष्कर तपस्या करते हैं; भोग और राज्य को त्यागकर, दृढ़चित्त मनुष्य वन में चले जाते हैं।

श्लोक 26 (devibhagavatam.4.2.26)

यद्भीतास्तु विमूढात्मा कस्तं सेवितुमिच्छति । गर्भे तुदन्ति कृमयो जठराग्निस्तपत्यधः

yadbhītāstu vimūḍhātmā kastaṁ sevitumicchati garbhe tudanti kṛmayo jaṭharāgnistapatyadhaḥ

उस भय से भी कौन मूढ़ प्राणी उसी को पुनः चाहेगा? गर्भ में कृमि पीड़ा देते हैं और नीचे से जठराग्नि संतप्त करती है।

श्लोक 27 (devibhagavatam.4.2.27)

वपासंवेष्टनं कूरं किं सुखं तत्र भूपते । वरं कारागृहे वासो बन्धनं निगडैर्वरम्

vapāsaṁveṣṭanaṁ kūraṁ kiṁ sukhaṁ tatra bhūpate varaṁ kārāgṛhe vāso bandhanaṁ nigaḍairvaram

चर्बी-झिल्ली में क्रूरतापूर्वक लिपटा हुआ, हे भूपते! उसमें भला कौन-सा सुख है? कारागार में रहना उससे कहीं अच्छा है, बेड़ियों में बंधना भी उससे अच्छा है,

श्लोक 28 (devibhagavatam.4.2.28)

अल्पमात्रं क्षणं नैव गर्भवासः क्वचिच्छुभः । गर्भवासे महद्दुःखं दशमासनिवासनम्

alpamātraṁ kṣaṇaṁ naiva garbhavāsaḥ kvacicchubhaḥ garbhavāse mahadduḥkhaṁ daśamāsanivāsanam

यहाँ तक कि क्षणमात्र के लिए भी — गर्भवास कहीं भी शुभ नहीं है। गर्भ में निवास, दस महीने का यह वास, महान दुःखदायी है।

श्लोक 29 (devibhagavatam.4.2.29)

तथा निःसरणे दुःखं योनियन्त्रेऽतिदारुणे । बालभावे तदा दुःखं मूकाज्ञभावसंयुतम्

tathā niḥsaraṇe duḥkhaṁ yoniyantre'tidāruṇe bālabhāve tadā duḥkhaṁ mūkājñabhāvasaṁyutam

तथा उस अत्यंत भयंकर योनि-यंत्र से बाहर निकलने में भी दुःख होता है। फिर बाल्यावस्था में मूक और अज्ञानमय दुःख होता है।

श्लोक 30 (devibhagavatam.4.2.30)

क्षुतृष्णावेदनाशक्तः परतन्त्रोऽतिकातरः । क्षुधिते रुदिते बाले माता चिन्तातुरा तदा

kṣutṛṣṇāvedanāśaktaḥ paratantro'tikātaraḥ kṣudhite rudite bāle mātā cintāturā tadā

भूख-प्यास की पीड़ा से व्याकुल, परतंत्र और अत्यंत असहाय बालक जब भूखा होकर रोता है, तब माता चिंतातुर हो जाती है,

श्लोक 31 (devibhagavatam.4.2.31)

भेषजं पातुमिच्छन्ती ज्ञात्वा व्याधिव्यथां दृढाम् । नानाविधानि दुःखानि बालभावे भवन्ति वै

bheṣajaṁ pātumicchantī jñātvā vyādhivyathāṁ dṛḍhām nānāvidhāni duḥkhāni bālabhāve bhavanti vai

और रोग की तीव्र पीड़ा जानकर उसे औषधि पिलाना चाहती है। इस प्रकार बाल्यावस्था में नाना प्रकार के दुःख होते हैं।

श्लोक 32 (devibhagavatam.4.2.32)

किं सुखं विबुधा दृष्ट्वा जन्म वाञ्छन्ति चेच्छया । सङ्ग्रामममरैः सार्धं सुखं त्यक्त्वा निरन्तरम्

kiṁ sukhaṁ vibudhā dṛṣṭvā janma vāñchanti cecchayā saṅgrāmamamaraiḥ sārdhaṁ sukhaṁ tyaktvā nirantaram

ऐसा कौन-सा सुख देखकर देवता भी स्वेच्छा से जन्म चाहेंगे? देवताओं के मध्य निरंतर होने वाले संग्राम में अपने सुख को त्यागकर,

श्लोक 33 (devibhagavatam.4.2.33)

कर्तुमिच्छेच्च को मूढः श्रमदं सुखनाशनम् । सर्वथैव नृपश्रेष्ठ सर्वे ब्रह्मादयः सुराः

kartumicchecca ko mūḍhaḥ śramadaṁ sukhanāśanam sarvathaiva nṛpaśreṣṭha sarve brahmādayaḥ surāḥ

कौन मूढ़ ऐसा परिश्रमदायक और सुखनाशक कार्य करना चाहेगा? हे नृपश्रेष्ठ! ब्रह्मा आदि सभी देवता भी सर्वथा,

श्लोक 34 (devibhagavatam.4.2.34)

कृतकर्मविपाकेन प्राप्नुवन्ति सुखासुखे । अवश्यमेव भोक्तव्यं कृतं कर्म शुभाशुभम् । देहवद्भिर्नृभिर्देवैस्तिर्यग्भिश्च नृपोत्तम

kṛtakarmavipākena prāpnuvanti sukhāsukhe avaśyameva bhoktavyaṁ kṛtaṁ karma śubhāśubham dehavadbhirnṛbhirdevaistiryagbhiśca nṛpottama

किए हुए कर्मों के फल से ही सुख-दुःख को प्राप्त होते हैं। हे नृपोत्तम! शुभ या अशुभ जो भी कर्म किया गया हो, देहधारी मनुष्यों, देवताओं और पशुओं को उसे अवश्य ही भोगना पड़ता है।

श्लोक 35 (devibhagavatam.4.2.35)

तपसा दानयज्ञैश्च मानवश्चेन्द्रतां व्रजेत् । क्षीणे पुण्येऽथ शक्रोऽपि पतत्येव न संशयः

tapasā dānayajñaiśca mānavaścendratāṁ vrajet kṣīṇe puṇye'tha śakro'pi patatyeva na saṁśayaḥ

तप, दान और यज्ञों से मनुष्य इन्द्रपद को भी प्राप्त कर सकता है; किन्तु पुण्य क्षीण होने पर इन्द्र भी पतित हो जाता है, इसमें कोई संशय नहीं।

श्लोक 36 (devibhagavatam.4.2.36)

रामावतारयोगेन देवा वानरतां गताः । तथा कृष्णसहायार्थं देवा यादवतां गताः

rāmāvatārayogena devā vānaratāṁ gatāḥ tathā kṛṣṇasahāyārthaṁ devā yādavatāṁ gatāḥ

राम के अवतार के प्रयोजन से देवता वानर-रूप को प्राप्त हुए; उसी प्रकार कृष्ण की सहायता के लिए देवता यादव-रूप को प्राप्त हुए।

श्लोक 37 (devibhagavatam.4.2.37)

एवं युगे युगे विष्णुरवताराननेकशः । करोति धर्मरक्षार्थं ब्रह्मणा प्रेरितो भृशम्

evaṁ yuge yuge viṣṇuravatārānanekaśaḥ karoti dharmarakṣārthaṁ brahmaṇā prerito bhṛśam

इस प्रकार युग-युग में विष्णु ब्रह्मा द्वारा अत्यंत प्रेरित होकर धर्म-रक्षा हेतु अनेक अवतार धारण करते हैं।

श्लोक 38 (devibhagavatam.4.2.38)

पुनः पुनर्हरेरेवं नानायोनिषु पार्थिव । अवतारा भवन्त्यन्ये रथचक्रवदद्भुताः

punaḥ punarharerevaṁ nānāyoniṣu pārthiva avatārā bhavantyanye rathacakravadadbhutāḥ

हे पार्थिव! इस प्रकार बार-बार हरि के अन्य अवतार भी नाना योनियों में, रथ-चक्र के समान अद्भुत रूप से, होते रहते हैं।

श्लोक 39 (devibhagavatam.4.2.39)

दैत्यानां हननं कर्म कर्तव्यं हरिणा स्वयम् । अंशांशेन पृथिव्यां वै कृत्वा जन्म महात्मना

daityānāṁ hananaṁ karma kartavyaṁ hariṇā svayam aṁśāṁśena pṛthivyāṁ vai kṛtvā janma mahātmanā

दैत्यों के वध का कार्य स्वयं हरि को ही करना होता है — वे महात्मा अपने अंशांश से पृथ्वी पर जन्म लेकर,

श्लोक 40 (devibhagavatam.4.2.40)

तदहं सम्प्रवक्ष्यामि कृष्णजन्मकथां शुभाम् । स एव भगवान्विष्णुरवतीर्णो यदोः कुले

tadahaṁ sampravakṣyāmi kṛṣṇajanmakathāṁ śubhām sa eva bhagavānviṣṇuravatīrṇo yadoḥ kule

अब मैं कृष्ण-जन्म की पवित्र कथा सुनाऊँगा। वही भगवान् विष्णु यदुवंश में अवतरित हुए।

श्लोक 41 (devibhagavatam.4.2.41)

कश्यपस्य मुनेरंशो वसुदेवः प्रतापवान् । गोवृत्तिरभवद्राजन् पूर्वशापानुभावतः

kaśyapasya muneraṁśo vasudevaḥ pratāpavān govṛttirabhavadrājan pūrvaśāpānubhāvataḥ

प्रतापी वसुदेव सन्त कश्यप के अंश थे; हे राजन्! पूर्वजन्म के शाप के प्रभाव से वे गोपालक बने।

श्लोक 42 (devibhagavatam.4.2.42)

कश्यपस्य च द्वे पत्न्यौ शापादत्र महीपते । अदितिः सुरसा चैवमासतुः पृथिवीपते

kaśyapasya ca dve patnyau śāpādatra mahīpate aditiḥ surasā caivamāsatuḥ pṛthivīpate

हे पृथ्वीपते! कश्यप की दो पत्नियाँ अदिति और सुरसा, शाप के कारण ही इस संसार में इस रूप में रहीं।

श्लोक 43 (devibhagavatam.4.2.43)

देवकी रोहिणी चोभे भगिन्यौ भरतर्षभ । वरुणेन महाञ्छापो दत्तः कोपादिति श्रुतम्

devakī rohiṇī cobhe bhaginyau bharatarṣabha varuṇena mahāñchāpo dattaḥ kopāditi śrutam

हे भरतर्षभ! देवकी और रोहिणी दोनों बहनें थीं — ऐसा सुना जाता है कि वरुण ने क्रोधवश उन्हें महान् शाप दिया था।

श्लोक 44 (devibhagavatam.4.2.44)

राजोवाच । किं कृतं कश्यपेनागो येन शप्तो महानृषिः । सभार्यः स कथं जातस्तद्वदस्व महामते

rājovāca kiṁ kṛtaṁ kaśyapenāgo yena śapto mahānṛṣiḥ sabhāryaḥ sa kathaṁ jātastadvadasva mahāmate

राजा ने कहा — कश्यप ने ऐसा कौन-सा अपराध किया था, जिसके कारण उस महर्षि को शाप मिला? वे अपनी पत्नी सहित इस प्रकार क्यों जन्मे — हे महामते! यह मुझे बताइए।

श्लोक 45 (devibhagavatam.4.2.45)

कथञ्च भगवान्विष्णुस्तत्र जातोऽस्ति गोकुले । वासी वैकुण्ठनिलये रमापतिरखण्डितः

kathañca bhagavānviṣṇustatra jāto'sti gokule vāsī vaikuṇṭhanilaye ramāpatirakhaṇḍitaḥ

और वैकुण्ठ-निवासी, अखण्ड रमापति भगवान् विष्णु वहाँ गोकुल में कैसे जन्मे?

श्लोक 46 (devibhagavatam.4.2.46)

निदेशात्कस्य भगवान्वर्तते प्रभुरव्ययः । नारायणः सुरश्रेष्ठो युगादिः सर्वधारकः

nideśātkasya bhagavānvartate prabhuravyayaḥ nārāyaṇaḥ suraśreṣṭho yugādiḥ sarvadhārakaḥ

वे अविनाशी प्रभु नारायण, जो देवताओं में श्रेष्ठ, युगों के आदि और सबके आधार हैं, किसके आदेश से कार्य करते हैं?

श्लोक 47 (devibhagavatam.4.2.47)

स कथं सदनं त्यक्त्वा कर्मवानिव मानुषे । करोति जननं कस्मादत्र मे संशयो महान्

sa kathaṁ sadanaṁ tyaktvā karmavāniva mānuṣe karoti jananaṁ kasmādatra me saṁśayo mahān

वे अपने धाम को त्यागकर, मानो कर्मबद्ध हों, मनुष्य-योनि में जन्म क्यों लेते हैं? इसमें मुझे बहुत बड़ा संशय है।

श्लोक 48 (devibhagavatam.4.2.48)

प्राप्य मानुषदेहं तु करोति च विडम्बनम् । भावान्नानाविधांस्तत्र मानुषे दुष्टजन्मनि

prāpya mānuṣadehaṁ tu karoti ca viḍambanam bhāvānnānāvidhāṁstatra mānuṣe duṣṭajanmani

मानव-देह प्राप्त करके वे मानो एक अभिनय-सा करते हैं, उस दोषपूर्ण मानव-जन्म में नाना प्रकार के भावों को धारण करते हुए —

श्लोक 49 (devibhagavatam.4.2.49)

कामः क्रोधोऽमर्षशोकौ वैरं प्रीतिश्च कर्हिचित् । सुखं दुःखं भयं नॄणां दैन्यमार्जवमेव च

kāmaḥ krodho'marṣaśokau vairaṁ prītiśca karhicit sukhaṁ duḥkhaṁ bhayaṁ nṝṇāṁ dainyamārjavameva ca

काम, क्रोध, रोष और शोक, वैर और कभी-कभी प्रीति भी; मनुष्यों का सुख, दुःख, भय, दीनता और सरलता भी;

श्लोक 50 (devibhagavatam.4.2.50)

दुष्कृतं सुकृतं चैव वचनं हननं तथा । पोषणं चलनं तापो विमर्शश्च विकत्थनम्

duṣkṛtaṁ sukṛtaṁ caiva vacanaṁ hananaṁ tathā poṣaṇaṁ calanaṁ tāpo vimarśaśca vikatthanam

पाप और पुण्य, वचन और हिंसा, पालन-पोषण और गमन, संताप, विचार-विमर्श और आत्मश्लाघा —

श्लोक 51 (devibhagavatam.4.2.51)

लोभो दम्भस्तथा मोहः कपटः शोचनं तथा । एते चान्ये तथा भावा मानुष्ये सम्भवन्ति हि

lobho dambhastathā mohaḥ kapaṭaḥ śocanaṁ tathā ete cānye tathā bhāvā mānuṣye sambhavanti hi

लोभ, दम्भ, मोह, कपट तथा शोक — ये और इसी प्रकार के अन्य भाव मनुष्य-जीवन में होते ही हैं।

श्लोक 52 (devibhagavatam.4.2.52)

स कथं भगवान्विष्णुस्त्वक्त्या सुखमनश्वरम् । करोति मानुषं जन्म भावैस्तैस्तैरभिद्रुतम्

sa kathaṁ bhagavānviṣṇustvaktyā sukhamanaśvaram karoti mānuṣaṁ janma bhāvaistaistairabhidrutam

भगवान् विष्णु उस अविनाशी सुख को त्यागकर, इन्हीं भावों से आक्रान्त मानव-जन्म कैसे धारण करते हैं?

श्लोक 53 (devibhagavatam.4.2.53)

किं सुखं मानुषं प्राप्य भुवि जन्म मुनीश्वर । किं निमित्तं हरिः साक्षाद्गर्भवासं करोति वै

kiṁ sukhaṁ mānuṣaṁ prāpya bhuvi janma munīśvara kiṁ nimittaṁ hariḥ sākṣādgarbhavāsaṁ karoti vai

हे मुनीश्वर! मनुष्य-जन्म प्राप्त करके भूमि पर आने में क्या सुख है? हरि साक्षात् गर्भवास किस निमित्त करते हैं?

श्लोक 54 (devibhagavatam.4.2.54)

गर्भदुःखं जन्मदुःखं बालभावे तथा पुनः । यौवने कामजं दुःखं गार्हस्त्येऽतिमहत्तरम्

garbhaduḥkhaṁ janmaduḥkhaṁ bālabhāve tathā punaḥ yauvane kāmajaṁ duḥkhaṁ gārhastye'timahattaram

गर्भ का दुःख, जन्म का दुःख, फिर बाल्यावस्था का दुःख; यौवन में काम-जनित दुःख, और गृहस्थ जीवन में उससे भी बड़ा दुःख —

श्लोक 55 (devibhagavatam.4.2.55)

दुःखान्येतान्यवाप्नोति मानुषे द्विजसत्तम । कथं स भगवान्विष्णुरवतारान्पुनः पुनः

duḥkhānyetānyavāpnoti mānuṣe dvijasattama kathaṁ sa bhagavānviṣṇuravatārānpunaḥ punaḥ

हे द्विजसत्तम! मनुष्य-योनि में ये सभी दुःख प्राप्त होते हैं। फिर भगवान् विष्णु बार-बार अवतार क्यों लेते हैं,

श्लोक 56 (devibhagavatam.4.2.56)

प्राप्य रामावतारं हि हरिणा ब्रह्मयोनिना । दुःखं महत्तरं प्राप्तं वनवासेऽतिदारुणे

prāpya rāmāvatāraṁ hi hariṇā brahmayoninā duḥkhaṁ mahattaraṁ prāptaṁ vanavāse'tidāruṇe

जब हरि ने राम के रूप में अवतार लेकर, ब्रह्म-योनि से उत्पन्न होकर, अत्यंत भीषण वनवास में और भी अधिक दुःख झेला,

श्लोक 57 (devibhagavatam.4.2.57)

सीताविरहजं दुःखं सङ्ग्रामश्च पुनः पुनः । कान्तात्यागोऽप्यनेनैवमनुभूतो महात्मना

sītāvirahajaṁ duḥkhaṁ saṅgrāmaśca punaḥ punaḥ kāntātyāgo'pyanenaivamanubhūto mahātmanā

सीता-वियोग से उत्पन्न दुःख, बार-बार का युद्ध, और अपनी प्रिया का परित्याग भी उन्हीं महात्मा ने सहा।

श्लोक 58 (devibhagavatam.4.2.58)

तथा कृष्णावतारेऽपि जन्म रक्षागृहे पुनः । गोकुले गमनं चैव गवां चारणमित्युत

tathā kṛṣṇāvatāre'pi janma rakṣāgṛhe punaḥ gokule gamanaṁ caiva gavāṁ cāraṇamityuta

उसी प्रकार कृष्णावतार में भी रक्षागृह में जन्म, गोकुल-गमन, और गौओं के चारण जैसे कार्य भी उन्होंने किए —

श्लोक 59 (devibhagavatam.4.2.59)

कंसस्य हननं कष्टाद् द्वारकागमनं पुनः । नानासंसारदुःखानि भुक्तवान्भगवान् कथम्

kaṁsasya hananaṁ kaṣṭād dvārakāgamanaṁ punaḥ nānāsaṁsāraduḥkhāni bhuktavānbhagavān katham

कष्टपूर्वक कंस का वध, और फिर द्वारका-गमन — भगवान् ने संसार के इतने दुःखों को कैसे भोगा?

श्लोक 60 (devibhagavatam.4.2.60)

स्वेच्छया कः प्रतीक्षेत मुक्तो दुःखानि ज्ञानवान् । संशयं छिन्धि सर्वज्ञ मम चित्तप्रशान्तये

svecchayā kaḥ pratīkṣeta mukto duḥkhāni jñānavān saṁśayaṁ chindhi sarvajña mama cittapraśāntaye

जो पहले से ही मुक्त और ज्ञानवान् है, वह स्वेच्छा से दुःखों की प्रतीक्षा भला क्यों करेगा? हे सर्वज्ञ! मेरे चित्त की शान्ति के लिए इस संशय को दूर कीजिए।