पराशक्ति की सर्वज्ञता का कथन

श्लोक 1 (devibhagavatam.4.25.1)

राजोवाच । सन्देहो मे मुनिश्रेष्ठ जायते वचनात्तव । वैष्णवांशे भगवति दुःखोत्पत्तिं विलोक्य च ॥

rājovāca | sandeho me muniśreṣṭha jāyate vacanāttava | vaiṣṇavāṁśe bhagavati duḥkhotpattiṁ vilokya ca ||

राजा ने कहा — "हे मुनिश्रेष्ठ! आपके वचनों से, तथा नारायण-अंशयुक्त भगवान में दुःख की उत्पत्ति देखकर, मेरे मन में एक संशय उत्पन्न होता है।"

श्लोक 2 (devibhagavatam.4.25.2)

नारायणांशसम्भूतो वासुदेवः प्रतापवान् । कथं स सूतिकागाराद्धृतो बालो हरेरपि ॥

nārāyaṇāṁśasambhūto vāsudevaḥ pratāpavān | kathaṁ sa sūtikāgārāddhṛto bālo harerapi ||

"नारायण के अंश से उत्पन्न वह प्रतापी वासुदेव, बालक के रूप में, स्वयं हरि होते हुए भी, सूतिका-गृह से कैसे हर लिया गया?"

श्लोक 3 (devibhagavatam.4.25.3)

सुगुप्तनगरे रम्ये गुप्तेऽथ सूतिकागृहे । प्रविश्य तेन दैत्येन गृहीतोऽसौ कथं शिशुः ॥

suguptanagare ramye gupte'tha sūtikāgṛhe | praviśya tena daityena gṛhīto'sau kathaṁ śiśuḥ ||

"सुरक्षित नगरी में, सुंदर, सुरक्षित सूतिका-गृह में, प्रविष्ट होकर उस दैत्य द्वारा वह शिशु कैसे पकड़ा गया?"

श्लोक 4 (devibhagavatam.4.25.4)

न ज्ञातो वासुदेवेन चित्रमेतन्ममाद्भुतम् । जायते महदाश्चर्यं चित्ते सत्यवतीसुत ॥

na jñāto vāsudevena citrametanmamādbhutam | jāyate mahadāścaryaṁ citte satyavatīsuta ||

"वसुदेव को यह ज्ञात न हुआ — यह मेरे लिए एक विचित्र आश्चर्य है। हे सत्यवती-पुत्र! मेरे मन में यह महान विस्मय उत्पन्न होता है।"

श्लोक 5 (devibhagavatam.4.25.5)

ब्रूहि तत्कारणं ब्रह्मन्न ज्ञातं केशवेन यत् । हरणं तत्रसंस्थेन शिशोर्वा सूतिकागृहात् ॥

brūhi tatkāraṇaṁ brahmanna jñātaṁ keśavena yat | haraṇaṁ tatrasaṁsthena śiśorvā sūtikāgṛhāt ||

"हे ब्रह्मन्! मुझे इसका कारण बताइए, कि केशव को यह क्यों न ज्ञात हुआ — वहीं उपस्थित रहते हुए, सूतिका-गृह से शिशु का अपहरण।"

श्लोक 6 (devibhagavatam.4.25.6)

व्यास उवाच । माया बलवती राजन्नराणां बुद्धिमोहिनी । शाम्भवी विश्रुता लोके को वा मोहं न गच्छति ॥

vyāsa uvāca | māyā balavatī rājannarāṇāṁ buddhimohinī | śāmbhavī viśrutā loke ko vā mohaṁ na gacchati ||

व्यास जी ने कहा — "हे राजन्! माया अत्यंत बलवती है, मनुष्यों की बुद्धि को मोहित करने वाली; लोक में शांभवी नाम से विख्यात — कौन उससे मोहित नहीं होता?"

श्लोक 7 (devibhagavatam.4.25.7)

मानुषं जन्म सम्प्राप्य गुणाः सर्वेऽपि मानुषाः । भवन्ति देहजा कामं न देवा नासुरास्तदा ॥

mānuṣaṁ janma samprāpya guṇāḥ sarve'pi mānuṣāḥ | bhavanti dehajā kāmaṁ na devā nāsurāstadā ||

"मानव-जन्म प्राप्त करके सभी गुण भी पूर्णतः मानवीय हो जाते हैं, देह से उत्पन्न — वे तब न दैवी रहते हैं, न आसुरी।"

श्लोक 8 (devibhagavatam.4.25.8)

क्षुत्तृण्निद्रा भयं तन्द्रा व्यामोहः शोकसंशयः । हर्षश्चैवाभिमानश्च जरामरणमेव च ॥

kṣuttṛṇnidrā bhayaṁ tandrā vyāmohaḥ śokasaṁśayaḥ | harṣaścaivābhimānaśca jarāmaraṇameva ca ||

"क्षुधा, तृषा, निद्रा, भय, तंद्रा, व्यामोह, शोक, संशय, हर्ष, और अभिमान, तथा जरा और मृत्यु भी—"

श्लोक 9 (devibhagavatam.4.25.9)

अज्ञानं ग्लानिरप्रीतिरीर्ष्यासूया मदः श्रमः । एते देहभवा भावाः प्रभवन्ति नराधिप ॥

ajñānaṁ glāniraprītirīrṣyāsūyā madaḥ śramaḥ | ete dehabhavā bhāvāḥ prabhavanti narādhipa ||

"— अज्ञान, ग्लानि, अप्रीति, ईर्ष्या, असूया, मद, श्रम — हे नराधिप! ये देहजन्य भाव उत्पन्न होते हैं।"

श्लोक 10 (devibhagavatam.4.25.10)

यथा हेममृगं रामो न बुबोध पुरोगतम् । जानक्या हरणञ्चैव जटायुमरणं तथा ॥

yathā hemamṛgaṁ rāmo na bubodha purogatam | jānakyā haraṇañcaiva jaṭāyumaraṇaṁ tathā ||

"जैसे राम ने अपने सम्मुख खड़े स्वर्ण-मृग को मिथ्या नहीं पहचाना, और वैसे ही जानकी के हरण को, तथा जटायु की मृत्यु को भी नहीं जाना—"

श्लोक 11 (devibhagavatam.4.25.11)

अभिषेकदिने रामो वनवासं न वेद च । तथा न ज्ञातवान् रामः स्वशोकान्मरणं पितुः ॥

abhiṣekadine rāmo vanavāsaṁ na veda ca | tathā na jñātavān rāmaḥ svaśokānmaraṇaṁ pituḥ ||

"— अभिषेक के दिन ही राम को अपने आसन्न वनवास का ज्ञान न हुआ; वैसे ही अपने शोक में डूबे राम को अपने पिता की मृत्यु का भी ज्ञान न हुआ।"

श्लोक 12 (devibhagavatam.4.25.12)

अज्ञवद्विचचारासौ पश्यमानो वने वने । जानकीं न विवेदाथ रावणेन हृतां बलात् ॥

ajñavadvicacārāsau paśyamāno vane vane | jānakīṁ na vivedātha rāvaṇena hṛtāṁ balāt ||

"वे अज्ञानी की भाँति वन-वन में देखते हुए भटकते रहे; उन्हें यह ज्ञात न हुआ कि जानकी रावण द्वारा बलपूर्वक हरी गई थीं।"

श्लोक 13 (devibhagavatam.4.25.13)

सहायान् वानरान्कृत्वा हत्वा शक्रसुतं बलात् । सागरे सेतुबन्धञ्च कृत्वोत्तीर्य सरित्पतिम् ॥

sahāyān vānarānkṛtvā hatvā śakrasutaṁ balāt | sāgare setubandhañca kṛtvottīrya saritpatim ||

"वानरों को सहायक बनाकर, इंद्र-पुत्र (वाली) को बलपूर्वक मारकर, और समुद्र पर सेतु बाँधकर, नदीपति को पार करके—"

श्लोक 14 (devibhagavatam.4.25.14)

प्रेषयामास सर्वासु दिक्षु तान्कपिकुञ्जरान् । सङ्ग्रामं कृतवान्घोरं दुःखं प्राप रणाजिरे ॥

preṣayāmāsa sarvāsu dikṣu tānkapikuñjarān | saṅgrāmaṁ kṛtavānghoraṁ duḥkhaṁ prāpa raṇājire ||

"— उन्होंने उन श्रेष्ठ वानरों को सभी दिशाओं में भेजा; उन्होंने भीषण युद्ध किया, और रणभूमि में दुःख का सामना किया।"

श्लोक 15 (devibhagavatam.4.25.15)

बन्धनं नागपाशेन प्राप रामो महाबलः । गरुडान्मोक्षणं पश्चादन्वभूद्रघुनन्दनः ॥

bandhanaṁ nāgapāśena prāpa rāmo mahābalaḥ | garuḍānmokṣaṇaṁ paścādanvabhūdraghunandanaḥ ||

"महाबली राम नागपाश से बंधे; बाद में रघुनंदन ने गरुड़ द्वारा मुक्ति पाई।"

श्लोक 16 (devibhagavatam.4.25.16)

अहनद्रावणं सङ्ख्ये कुम्भकर्णं महाबलम् । मेघनादं निकुम्भञ्च कुपितो रघुनन्दनः ॥

ahanadrāvaṇaṁ saṅkhye kumbhakarṇaṁ mahābalam | meghanādaṁ nikumbhañca kupito raghunandanaḥ ||

"क्रुद्ध होकर रघुनंदन ने युद्ध में रावण, महाबली कुंभकर्ण, मेघनाद और निकुंभ को मारा—"

श्लोक 17 (devibhagavatam.4.25.17)

अदूष्यत्वञ्च जानक्या न विवेद जनार्दनः । दिव्यञ्च कारयामास ज्वलितेऽग्नौ प्रवेशनम् ॥

adūṣyatvañca jānakyā na viveda janārdanaḥ | divyañca kārayāmāsa jvalite'gnau praveśanam ||

"— जनार्दन को जानकी की निर्दोषता का ज्ञान न हुआ; उन्होंने उनकी दिव्य अग्नि-परीक्षा कराई।"

श्लोक 18 (devibhagavatam.4.25.18)

लोकापवादाच्च परं ततस्तत्याज तां प्रियाम् । अदूष्यां दूषितां मत्वा सीतां दशरथात्मजः ॥

lokāpavādācca paraṁ tatastatyāja tāṁ priyām | adūṣyāṁ dūṣitāṁ matvā sītāṁ daśarathātmajaḥ ||

"और उससे भी आगे, लोकापवाद के कारण, उन्होंने उस प्रिया को त्याग दिया; दशरथ-पुत्र ने निर्दोष सीता को दोषी मानकर त्याग दिया।"

श्लोक 19 (devibhagavatam.4.25.19)

न ज्ञातौ स्वसुतौ तेन रामेण च कुशीलवौ । मुनिना कथितौ तौ तु तस्य पुत्रौ महाबलौ ॥

na jñātau svasutau tena rāmeṇa ca kuśīlavau | muninā kathitau tau tu tasya putrau mahābalau ||

"अपने ही दोनों पुत्रों, कुश और लव, को उस राम ने नहीं पहचाना; वे मुनि (वाल्मीकि) द्वारा उन्हें उनके अपने महाबली पुत्र बताए गए।"

श्लोक 20 (devibhagavatam.4.25.20)

पातालगमनं चैव जानक्या ज्ञातवान्न च । राघवः कोपसंयुक्तो भ्रातरं हन्तुमुद्यतः ॥

pātālagamanaṁ caiva jānakyā jñātavānna ca | rāghavaḥ kopasaṁyukto bhrātaraṁ hantumudyataḥ ||

"और जानकी के पाताल-गमन को भी उन्होंने नहीं जाना; क्रोध से भरे राघव अपने ही भाई को मारने के लिए भी उद्यत हो गए।"

श्लोक 21 (devibhagavatam.4.25.21)

कालस्यागमनञ्चैव न विवेद खरान्तकः । मानुषं देहमाश्रित्य चक्रे मानुषचेष्टितम् ॥

kālasyāgamanañcaiva na viveda kharāntakaḥ | mānuṣaṁ dehamāśritya cakre mānuṣaceṣṭitam ||

"खरांतक (राम) को अपने काल के आगमन का ज्ञान न हुआ; मानव देह का आश्रय लेकर उन्होंने मानवोचित चेष्टाएँ कीं।"

श्लोक 22 (devibhagavatam.4.25.22)

तथैव मानुषान्भावान्नात्र कार्या विचारणा । पूर्वं कंसभयात्प्राप्तो गोकुले यदुनन्दनः ॥

tathaiva mānuṣānbhāvānnātra kāryā vicāraṇā | pūrvaṁ kaṁsabhayātprāpto gokule yadunandanaḥ ||

"उसी प्रकार यहाँ कृष्ण के भी मानवोचित भावों में कोई विचारणा नहीं करनी चाहिए। पूर्व में कंस के भय से यदुनंदन गोकुल गए—"

श्लोक 23 (devibhagavatam.4.25.23)

जरासन्धभयात्पश्चाद् द्वारवत्यां गतो हरिः । अधर्मं कृतवान्कृष्णो रुक्मिण्या हरणञ्च यत् ॥

jarāsandhabhayātpaścād dvāravatyāṁ gato hariḥ | adharmaṁ kṛtavānkṛṣṇo rukmiṇyā haraṇañca yat ||

"— फिर जरासंध के भय से हरि द्वारवती गए। कृष्ण ने अधर्म भी किया, जो उन्होंने रुक्मिणी का हरण किया—"

श्लोक 24 (devibhagavatam.4.25.24)

शिशुपालवृतायाश्च जानन्धर्मं सनातनम् । शुशोच बालकं कृष्णः शम्बरेण हृतं बलात् ॥

śiśupālavṛtāyāśca jānandharmaṁ sanātanam | śuśoca bālakaṁ kṛṣṇaḥ śambareṇa hṛtaṁ balāt ||

"— यद्यपि वह शिशुपाल द्वारा वृत की गई थी, सनातन धर्म को जानते हुए भी। कृष्ण अपने शिशु-पुत्र के लिए शोक करते रहे, जो शंबर द्वारा बलपूर्वक हरा गया था—"

श्लोक 25 (devibhagavatam.4.25.25)

मुमोद जानन्पुत्रं तं हर्षशोकयुतस्ततः । सत्यभामाज्ञया यत्तु युयुधे स्वर्गतः किल ॥

mumoda jānanputraṁ taṁ harṣaśokayutastataḥ | satyabhāmājñayā yattu yuyudhe svargataḥ kila ||

"— वे हर्षित हुए, उस पुत्र को जानते हुए भी, हर्ष और शोक दोनों से युक्त होकर। सत्यभामा की आज्ञा से जो उन्होंने किया, स्वर्ग से आए हुए इंद्र से युद्ध करते हुए—"

श्लोक 26 (devibhagavatam.4.25.26)

इन्द्रेण पादपार्थं तु स्त्रीजितत्वं प्रकाशयन् । जहार कल्पवृक्षं यः पराभूय शतक्रतुम् ॥

indreṇa pādapārthaṁ tu strījitatvaṁ prakāśayan | jahāra kalpavṛkṣaṁ yaḥ parābhūya śatakratum ||

"— एक वृक्ष के लिए, स्त्री-वशीभूत होने को प्रकट करते हुए, इंद्र के विरुद्ध — जिन्होंने शतक्रतु को पराजित कर कल्पवृक्ष हर लिया।"

श्लोक 27 (devibhagavatam.4.25.27)

मानिनीमानरक्षार्थं हरिश्चित्रधरः प्रभुः । बद्ध्वा वृक्षे हरिं सत्या नारदाय ददौ पतिम् ॥

māninīmānarakṣārthaṁ hariścitradharaḥ prabhuḥ | baddhvā vṛkṣe hariṁ satyā nāradāya dadau patim ||

"अपनी मानिनी पत्नी के मान की रक्षा हेतु, चित्रधर हरि, वे प्रभु — वृक्ष से बँधे हुए हरि को सत्या ने नारद को सौंप दिया।"

श्लोक 28 (devibhagavatam.4.25.28)

दत्त्वाथ कानकं कृष्णं मोचयामास भामिनी । दृष्ट्वा पुत्रान्पुरुगुणान्प्रद्युम्नप्रमुखानथ ॥

dattvātha kānakaṁ kṛṣṇaṁ mocayāmāsa bhāminī | dṛṣṭvā putrānpuruguṇānpradyumnapramukhānatha ||

"स्वर्ण उपहार देकर उस तेजस्विनी ने कृष्ण को मुक्त कराया। प्रद्युम्न-प्रमुख अपने अनेक गुणवान पुत्रों को देखकर—"

श्लोक 29 (devibhagavatam.4.25.29)

कृष्णं जाम्बवती दीना ययाचे सन्ततिं शुभाम् । स ययौ पर्वतं कृष्णस्तपस्याकृतनिश्चयः ॥

kṛṣṇaṁ jāmbavatī dīnā yayāce santatiṁ śubhām | sa yayau parvataṁ kṛṣṇastapasyākṛtaniścayaḥ ||

"— दुःखी जांबवती ने कृष्ण से शुभ संतान की याचना की। तपस्या का संकल्प कर कृष्ण पर्वत को गए—"

श्लोक 30 (devibhagavatam.4.25.30)

उपमन्युर्मुनिर्यत्र शिवभक्तः परन्तपः । उपमन्युं गुरु कृत्वा दीक्षां पाशुपतो हरिः ॥

upamanyurmuniryatra śivabhaktaḥ parantapaḥ | upamanyuṁ guru kṛtvā dīkṣāṁ pāśupato hariḥ ||

"— जहाँ शिवभक्त, शत्रुतापन मुनि उपमन्यु रहते थे; उपमन्यु को गुरु बनाकर हरि ने पाशुपत दीक्षा ग्रहण की।"

श्लोक 31 (devibhagavatam.4.25.31)

जग्राह पुत्रकामस्तु मुण्डी दण्डी बभूव ह । उग्रं तत्र तपस्तेपे मासमेकं फलाशनः ॥

jagrāha putrakāmastu muṇḍī daṇḍī babhūva ha | ugraṁ tatra tapastepe māsamekaṁ phalāśanaḥ ||

"पुत्र की कामना से उन्होंने दीक्षा ली, मुंडित हुए और दंड धारण किया। वहाँ एक मास तक फलाहारी रहकर उग्र तप किया।"

श्लोक 32 (devibhagavatam.4.25.32)

जजाप शिवमन्त्रं तु शिवध्यानपरो हरिः । द्वितीये तु जलाहारस्तिष्ठन्नेकपदा हरिः ॥

jajāpa śivamantraṁ tu śivadhyānaparo hariḥ | dvitīye tu jalāhārastiṣṭhannekapadā hariḥ ||

"शिव-ध्यान में तत्पर होकर उन्होंने शिव-मंत्र का जप किया; दूसरे मास में केवल जलाहार करते हुए, एक पैर पर खड़े रहे—"

श्लोक 33 (devibhagavatam.4.25.33)

तृतीये वायुभक्षस्तु पादाङ्गुष्ठाग्रसंस्थितः । षष्ठे तु भगवान् रुद्रः प्रसन्नो भक्तिभावतः ॥

tṛtīye vāyubhakṣastu pādāṅguṣṭhāgrasaṁsthitaḥ | ṣaṣṭhe tu bhagavān rudraḥ prasanno bhaktibhāvataḥ ||

"— तीसरे में केवल वायु-भक्षण करते हुए, पैर के अंगूठे के अग्रभाग पर स्थित रहे। छठे मास में भगवान रुद्र, भक्ति-भाव से प्रसन्न होकर—"

श्लोक 34 (devibhagavatam.4.25.34)

दर्शनञ्च ददौ तत्र सोमः सोमकलाधरः । आजगाम वृषारूढः सुरैरिन्द्रादिभिर्भूतः ॥

darśanañca dadau tatra somaḥ somakalādharaḥ | ājagāma vṛṣārūḍhaḥ surairindrādibhirbhūtaḥ ||

"— वहाँ दर्शन दिया — सोमकलाधर, वृषभ पर आरूढ़ होकर, इंद्र आदि देवताओं से घिरे हुए आए—"

श्लोक 35 (devibhagavatam.4.25.35)

ब्रह्मविष्णुयुतः साक्षाद्यक्षगन्धर्वसेवितः । सम्बोधयन्वासुदेवं शङ्करस्तमुवाच ह ॥

brahmaviṣṇuyutaḥ sākṣādyakṣagandharvasevitaḥ | sambodhayanvāsudevaṁ śaṅkarastamuvāca ha ||

"— साक्षात् ब्रह्मा और विष्णु से युक्त, यक्ष-गंधर्वों से सेवित; वासुदेव को संबोधित करते हुए शंकर ने उनसे कहा—"

श्लोक 36 (devibhagavatam.4.25.36)

तुष्टोऽस्मि कृष्ण तपसा तवोग्रेण महामते । ददामि वाच्छितान्कामान्ब्रूहि यादवनन्दन ॥

tuṣṭo'smi kṛṣṇa tapasā tavogreṇa mahāmate | dadāmi vācchitānkāmānbrūhi yādavanandana ||

"'हे कृष्ण! हे महामते! मैं तुम्हारी उग्र तपस्या से प्रसन्न हूँ; मैं तुम्हारी वांछित कामनाएँ प्रदान करता हूँ — कहो, हे यदुनंदन!'"

श्लोक 37 (devibhagavatam.4.25.37)

मयि दृष्टे कामपूरे कामशेषो न सम्भवेत् । व्यास उवाच । तं दृष्ट्वा शङ्करं तुष्टं भगवान्देवकीसुतः ॥

mayi dṛṣṭe kāmapūre kāmaśeṣo na sambhavet | vyāsa uvāca | taṁ dṛṣṭvā śaṅkaraṁ tuṣṭaṁ bhagavāndevakīsutaḥ ||

"'मुझे देख लेने पर, कामनापूरक को, कोई कामना-शेष नहीं रह सकती।'" व्यास जी ने कहा — शंकर को प्रसन्न देखकर देवकी-पुत्र भगवान—

श्लोक 38 (devibhagavatam.4.25.38)

पपात पादयोस्तस्य दण्डवत्प्रेमसंयुतः । स्तुतिं चकार देवेशो मेघगम्भीरया गिरा ॥

papāta pādayostasya daṇḍavatpremasaṁyutaḥ | stutiṁ cakāra deveśo meghagambhīrayā girā ||

— प्रेमपूर्वक दंडवत् उनके चरणों में गिर पड़े; देवेश ने मेघ-गंभीर वाणी में स्तुति की।

श्लोक 39 (devibhagavatam.4.25.39)

स्थितस्तु पुरतः शम्भोर्वासुदेवः सनातनः । श्रीकृष्ण उवाच । देवदेव जगन्ताथ सर्वभूतार्तिनाशन ॥

sthitastu purataḥ śambhorvāsudevaḥ sanātanaḥ | śrīkṛṣṇa uvāca | devadeva jagantātha sarvabhūtārtināśana ||

शंभु के सम्मुख खड़े होकर सनातन वासुदेव — श्रीकृष्ण ने कहा — "हे देवदेव! हे जगत्पालक! हे सर्वभूत-पीड़ा-नाशक—"

श्लोक 40 (devibhagavatam.4.25.40)

विश्वयोने सुरारिघ्न नमस्त्रैलोक्यकारक । नीलकण्ठ नमस्तुभ्यं शूलिने ते नमो नमः ॥

viśvayone surārighna namastrailokyakāraka | nīlakaṇṭha namastubhyaṁ śūline te namo namaḥ ||

"— हे विश्वयोने! हे सुरारिघ्न! हे त्रैलोक्यकारक! तुम्हें नमस्कार। हे नीलकंठ! तुम्हें नमस्कार, हे शूलिन्! तुम्हें बारंबार नमस्कार।"

श्लोक 41 (devibhagavatam.4.25.41)

शैलजावल्लभायाश्च यज्ञघ्नाय नमोऽस्तु ते । धन्योऽहं कृतकृत्योऽहं दर्शनात्तव सुव्रत ॥

śailajāvallabhāyāśca yajñaghnāya namo'stu te | dhanyo'haṁ kṛtakṛtyo'haṁ darśanāttava suvrata ||

"हे शैलजा (पार्वती) के प्रिय! हे यज्ञनाशक! तुम्हें नमस्कार हो। हे सुव्रत! तुम्हारे दर्शन से मैं धन्य हूँ, कृतकृत्य हूँ।"

श्लोक 42 (devibhagavatam.4.25.42)

जन्म मे सफलं जातं नत्वा ते पादपङ्कजम् । बद्धोऽहं स्त्रीमयैः पाशैः संसारेऽस्मिञ्जगद्गुरो ॥

janma me saphalaṁ jātaṁ natvā te pādapaṅkajam | baddho'haṁ strīmayaiḥ pāśaiḥ saṁsāre'smiñjagadguro ||

"तुम्हारे चरणकमलों को प्रणाम कर मेरा जन्म सफल हो गया। हे जगद्गुरु! मैं इस संसार में स्त्री-निर्मित पाशों से बंधा हूँ।"

श्लोक 43 (devibhagavatam.4.25.43)

शरणं तेऽद्य सम्प्राप्तो रक्षणार्थं त्रिलोचन । सम्प्राप्य मानुषं जन्म खिन्नोऽहं दुःखनाशन ॥

śaraṇaṁ te'dya samprāpto rakṣaṇārthaṁ trilocana | samprāpya mānuṣaṁ janma khinno'haṁ duḥkhanāśana ||

"हे त्रिलोचन! मैं आज तुम्हारी शरण में रक्षा हेतु आया हूँ। मानव-जन्म प्राप्त कर, हे दुःखनाशक! मैं थक गया हूँ।"

श्लोक 44 (devibhagavatam.4.25.44)

त्राहि मां शरणं प्राप्तं भवभीतं भवाधुना । गर्भवासे महद्दुःखं प्राप्तं मदनदाहक ॥

trāhi māṁ śaraṇaṁ prāptaṁ bhavabhītaṁ bhavādhunā | garbhavāse mahadduḥkhaṁ prāptaṁ madanadāhaka ||

"हे मदनदाहक! अब संसार से भयभीत होकर तुम्हारी शरण में आए मुझ भक्त की रक्षा करो। गर्भवास में मैंने महादुःख भोगा है।"

श्लोक 45 (devibhagavatam.4.25.45)

जन्मतः कंसभयजमनुभूतं च गोकुले । जातोऽहं नन्दगोपालो बल्लवाज्ञाकरस्तथा ॥

janmataḥ kaṁsabhayajamanubhūtaṁ ca gokule | jāto'haṁ nandagopālo ballavājñākarastathā ||

"जन्म से ही कंस-भय से उत्पन्न दुःख का, तथा गोकुल में भी, मैंने अनुभव किया; मैं नंद के यहाँ गोपाल बना, और गोपों की आज्ञा का पालन करने वाला सेवक भी।"

श्लोक 46 (devibhagavatam.4.25.46)

गोरजःकीर्णकेशस्तु भ्रमन्वृन्दावने घने । म्लेच्छराजभयत्रस्तो गतो द्वारवतीं पुनः ॥

gorajaḥkīrṇakeśastu bhramanvṛndāvane ghane | mleccharājabhayatrasto gato dvāravatīṁ punaḥ ||

"गोरज से भरे केश लिए मैं घने वृंदावन में भटकता रहा; म्लेच्छराज के भय से भयभीत होकर मैं पुनः द्वारवती गया।"

श्लोक 47 (devibhagavatam.4.25.47)

त्यक्त्वा पित्र्यं शुभं देशं माधुरं दुर्लभं विभो । ययातिशापबद्धेन तस्मै दत्तं भयाद्विभो ॥

tyaktvā pitryaṁ śubhaṁ deśaṁ mādhuraṁ durlabhaṁ vibho | yayātiśāpabaddhena tasmai dattaṁ bhayādvibho ||

"हे विभो! अपने पितृ-प्राप्त, शुभ, दुर्लभ मथुरा-देश को त्यागकर — ययाति के शाप से बंधे होने के कारण, हे विभो! भय से वह राज्य उसे दे दिया गया—"

श्लोक 48 (devibhagavatam.4.25.48)

राज्यं सुपुष्टमपि च धर्मरक्षापरेण च । उग्रसेनस्य दासत्वं कृतं वै सर्वदा मया ॥

rājyaṁ supuṣṭamapi ca dharmarakṣāpareṇa ca | ugrasenasya dāsatvaṁ kṛtaṁ vai sarvadā mayā ||

"— यद्यपि राज्य सुसमृद्ध था, फिर भी धर्म-रक्षा में तत्पर होकर मैंने सदैव उग्रसेन की दासवत् सेवा की है।"

श्लोक 49 (devibhagavatam.4.25.49)

राजासौ यादवानां वै कृतो नः पूर्वजैः किल । गार्हस्थ्यं दुःखदं शम्भो स्त्रीवश्यं धर्मखण्डनम् ॥

rājāsau yādavānāṁ vai kṛto naḥ pūrvajaiḥ kila | gārhasthyaṁ duḥkhadaṁ śambho strīvaśyaṁ dharmakhaṇḍanam ||

"यादवों का वह राजा तो हमारे ही पूर्वजों द्वारा बनाया गया था। हे शंभो! गृहस्थ जीवन दुःखदायी है, स्त्री-वश्य है, धर्म का खंडन करने वाला है।"

श्लोक 50 (devibhagavatam.4.25.50)

पारतन्त्र्यं सदा बन्धमोक्षवार्तात्र दुर्लभा । रुक्यिण्यास्तनयान्दृष्ट्वा भार्या जाम्बवती मम ॥

pāratantryaṁ sadā bandhamokṣavārtātra durlabhā | rukyiṇyāstanayāndṛṣṭvā bhāryā jāmbavatī mama ||

"सदा परतंत्रता; यहाँ बंधन से मुक्ति की बात भी दुर्लभ है। रुक्मिणी के पुत्रों को देखकर मेरी पत्नी जांबवती ने—"

श्लोक 51 (devibhagavatam.4.25.51)

प्रेरयामास पुत्रार्थं तपसे मदनान्तक । सकामेन मया तप्तं तपः पुत्रार्थमद्य वै ॥

prerayāmāsa putrārthaṁ tapase madanāntaka | sakāmena mayā taptaṁ tapaḥ putrārthamadya vai ||

"— हे मदनांतक! मुझे पुत्र-प्राप्ति हेतु तपस्या करने को प्रेरित किया। कामना से युक्त होकर आज मैंने पुत्र हेतु तप किया है।"

श्लोक 52 (devibhagavatam.4.25.52)

लज्जा भवति देवेश प्रार्थनायां जगद्गुरो । कस्त्वामाराध्य देवेशं मुक्तिदं भक्तवत्सलम् ॥

lajjā bhavati deveśa prārthanāyāṁ jagadguro | kastvāmārādhya deveśaṁ muktidaṁ bhaktavatsalam ||

"हे देवेश! हे जगद्गुरु! इस याचना में मुझे लज्जा होती है। जो तुम्हारी आराधना कर, हे देवेश! मुक्तिदाता, भक्तवत्सल—"

श्लोक 53 (devibhagavatam.4.25.53)

प्रसन्नं याचते मूढः फलं तुच्छं विनाशि यत् । सोऽयं मायाविमूढात्मा याचे पुत्रसुखं विभो ॥

prasannaṁ yācate mūḍhaḥ phalaṁ tucchaṁ vināśi yat | so'yaṁ māyāvimūḍhātmā yāce putrasukhaṁ vibho ||

"— तुम्हें प्रसन्न पाकर मूर्खतावश कोई तुच्छ, नाशवान फल माँगे? मायाविमूढ आत्मा वाला मैं भी, हे विभो! इसी प्रकार पुत्र-सुख माँगता हूँ।"

श्लोक 54 (devibhagavatam.4.25.54)

कामिन्या प्रेरितः शम्भो मुक्तिदं त्वां जगत्पते । जानामि दुःखदं शम्भो संसारं दुःखसाधनम् ॥

kāminyā preritaḥ śambho muktidaṁ tvāṁ jagatpate | jānāmi duḥkhadaṁ śambho saṁsāraṁ duḥkhasādhanam ||

"हे शंभो! अपनी पत्नी से प्रेरित होकर, तुम्हीं से, मुक्तिदाता, हे जगत्पते! यह माँगता हूँ; हे शंभो! मैं जानता हूँ कि संसार दुःखदायी है, दुःख का साधन है—"

श्लोक 55 (devibhagavatam.4.25.55)

अनित्यं नाशधर्माणं तथापि विरतिर्न मे । शापान्नारायणांशोऽहं जातोऽस्मि क्षितिमण्डले ॥

anityaṁ nāśadharmāṇaṁ tathāpi viratirna me | śāpānnārāyaṇāṁśo'haṁ jāto'smi kṣitimaṇḍale ||

"— अनित्य, नाशधर्मी है; फिर भी मुझमें उससे विरक्ति नहीं है। शाप के कारण मैं, नारायण का अंश, इस भूमंडल में जन्मा हूँ—"

श्लोक 56 (devibhagavatam.4.25.56)

भोक्तुं बहुतरं दुःखं मायापाशेन यन्त्रितः । व्यास उवाच । इत्युक्तवन्तं गोविन्दं प्रत्युवाच महेश्वरः ॥

bhoktuṁ bahutaraṁ duḥkhaṁ māyāpāśena yantritaḥ | vyāsa uvāca | ityuktavantaṁ govindaṁ pratyuvāca maheśvaraḥ ||

"— बहुत दुःख भोगने हेतु, माया के पाश से बंधा हुआ।" व्यास जी ने कहा — इस प्रकार कहने वाले गोविंद को महेश्वर ने उत्तर दिया—

श्लोक 57 (devibhagavatam.4.25.57)

बहवस्ते भविष्यन्ति पुत्राः शत्रुनिषूदन । स्त्रीणां षोडशसाहस्रं भविष्यति शतार्धकम् ॥

bahavaste bhaviṣyanti putrāḥ śatruniṣūdana | strīṇāṁ ṣoḍaśasāhasraṁ bhaviṣyati śatārdhakam ||

"हे शत्रुनिषूदन! तुम्हारे बहुत से पुत्र होंगे; तुम्हारी स्त्रियाँ सोलह हजार पचास होंगी—"

श्लोक 58 (devibhagavatam.4.25.58)

तासु पुत्रा दश दश भविष्यन्ति महाबलाः । इत्युक्त्वोपररामाशु शङ्करः प्रियदर्शनः ॥

tāsu putrā daśa daśa bhaviṣyanti mahābalāḥ | ityuktvopararāmāśu śaṅkaraḥ priyadarśanaḥ ||

"उनमें से प्रत्येक के दस-दस महाबली पुत्र होंगे।" ऐसा कहकर सुंदर मुख वाले शंकर तुरंत मौन हो गए।

श्लोक 59 (devibhagavatam.4.25.59)

उवाच गिरिजा देवी प्रणतं मधुसूदनम् । कृष्ण कृष्ण महाबाहो संसारेऽस्मिन्नराधिप ॥

uvāca girijā devī praṇataṁ madhusūdanam | kṛṣṇa kṛṣṇa mahābāho saṁsāre'sminnarādhipa ||

तब गिरिजा देवी (पार्वती) ने प्रणत मधुसूदन से कहा — "हे कृष्ण, कृष्ण! हे महाबाहो! हे नराधिप! इस संसार में—"

श्लोक 60 (devibhagavatam.4.25.60)

गृहस्थप्रवरो लोके भविष्यति भवानिह । ततो वर्षशतान्ते तु द्विजशापाज्जनार्दन ॥

gṛhasthapravaro loke bhaviṣyati bhavāniha | tato varṣaśatānte tu dvijaśāpājjanārdana ||

"— तुम इस लोक में गृहस्थों में श्रेष्ठ बनोगे। फिर सौ वर्ष पश्चात्, हे जनार्दन! एक द्विज के शाप से—"

श्लोक 61 (devibhagavatam.4.25.61)

गान्धार्याश्च तथा शापाद्भविता ते कुलक्षयः । परस्परं निहत्याजौ पुत्रास्ते शापमोहिताः ॥

gāndhāryāśca tathā śāpādbhavitā te kulakṣayaḥ | parasparaṁ nihatyājau putrāste śāpamohitāḥ ||

"— और वैसे ही गांधारी के शाप से, तुम्हारे कुल का क्षय होगा। शाप से मोहित तुम्हारे पुत्र, आपस में युद्ध में एक-दूसरे को मारकर—"

श्लोक 62 (devibhagavatam.4.25.62)

गमिष्यन्ति क्षयं सर्वे यादवाश्च तथापरे । सानुजस्त्वं तथा देहं त्यक्त्वा यास्यसि वै दिवम् ॥

gamiṣyanti kṣayaṁ sarve yādavāśca tathāpare | sānujastvaṁ tathā dehaṁ tyaktvā yāsyasi vai divam ||

"— सब नष्ट हो जाएँगे, और अन्य यादव भी। तुम भी अपने अनुज सहित तब देह त्यागकर स्वर्ग को जाओगे।"

श्लोक 63 (devibhagavatam.4.25.63)

शोकस्तत्र न कर्तव्यो भवितव्यं प्रति प्रभो । अवश्यम्भाविभावानां प्रतीकारो न विद्यते ॥

śokastatra na kartavyo bhavitavyaṁ prati prabho | avaśyambhāvibhāvānāṁ pratīkāro na vidyate ||

"हे प्रभो! उस होनहार पर वहाँ शोक नहीं करना चाहिए; जो अवश्यंभावी है, उसका कोई प्रतिकार नहीं होता।"

श्लोक 64 (devibhagavatam.4.25.64)

तत्र शोको न कर्तव्यो नूनं मम मतं सदा । अष्टावक्रस्य शापेन भार्यास्ते मधुसूदन ॥

tatra śoko na kartavyo nūnaṁ mama mataṁ sadā | aṣṭāvakrasya śāpena bhāryāste madhusūdana ||

"वहाँ शोक नहीं करना चाहिए — यह सदैव मेरा निश्चित मत है। हे मधुसूदन! अष्टावक्र के शाप से तुम्हारी पत्नियाँ—"

श्लोक 65 (devibhagavatam.4.25.65)

चौरेभ्यो ग्रहणं कृष्ण गमिष्यन्ति मृते त्वयि । व्यास उवाच । इत्युक्त्वान्तर्दधे शम्भुः सोमः ससुरमण्डलः ॥

caurebhyo grahaṇaṁ kṛṣṇa gamiṣyanti mṛte tvayi | vyāsa uvāca | ityuktvāntardadhe śambhuḥ somaḥ sasuramaṇḍalaḥ ||

"— हे कृष्ण! तुम्हारे मरने पर चोरों द्वारा हर ली जाएँगी।" व्यास जी ने कहा — ऐसा कहकर शंभु, सोम और सुरमंडल सहित अंतर्धान हो गए।

श्लोक 66 (devibhagavatam.4.25.66)

उपमन्युं प्रणम्याथ कृष्णोऽपि द्वारकां ययौ । यस्माद् ब्रह्मादयो राजन् सन्ति यद्यप्यधीश्वराः ॥

upamanyuṁ praṇamyātha kṛṣṇo'pi dvārakāṁ yayau | yasmād brahmādayo rājan santi yadyapyadhīśvarāḥ ||

उपमन्यु को प्रणाम कर कृष्ण भी तब द्वारका को गए। हे राजन्! इसीलिए, यद्यपि ब्रह्मा आदि देवता सचमुच अधीश्वर हैं—

श्लोक 67 (devibhagavatam.4.25.67)

तथापि मायाकल्लोलयोगसङ्क्षुभितान्तराः । तदधीनाः स्थिताः सर्वे काष्ठपुत्तलिकोपमाः ॥

tathāpi māyākallolayogasaṅkṣubhitāntarāḥ | tadadhīnāḥ sthitāḥ sarve kāṣṭhaputtalikopamāḥ ||

— फिर भी, माया के तरंग-योग से क्षुब्ध अंतःकरण वाले, सभी उसी के अधीन हैं, काठ की पुतलियों के समान।

श्लोक 68 (devibhagavatam.4.25.68)

यथा यथा पूर्वभवं कर्म तेषां तथा तथा । प्रेरयत्यनिशं माया परब्रह्मस्वरूपिणी ॥

yathā yathā pūrvabhavaṁ karma teṣāṁ tathā tathā | prerayatyaniśaṁ māyā parabrahmasvarūpiṇī ||

जैसा-जैसा उनका पूर्वजन्म का कर्म होता है, वैसे-वैसे परब्रह्म-स्वरूपिणी माया उन्हें निरंतर प्रेरित करती है।

श्लोक 69 (devibhagavatam.4.25.69)

न वैषम्यं न नैर्घृण्यं भगवत्यां कदाचन । केवलं जीवमोक्षार्थं यतते भुवनेश्वरी ॥

na vaiṣamyaṁ na nairghṛṇyaṁ bhagavatyāṁ kadācana | kevalaṁ jīvamokṣārthaṁ yatate bhuvaneśvarī ||

भगवती में कभी भी विषमता या निर्दयता नहीं होती; भुवनेश्वरी केवल जीवों की मुक्ति हेतु ही प्रयत्नशील रहती हैं।

श्लोक 70 (devibhagavatam.4.25.70)

यदि सा नैव सृज्येत जगदेतच्चराचरम् । तदा मायां विना भूतं जडं स्यादेव नित्यशः ॥

yadi sā naiva sṛjyeta jagadetaccarācaram | tadā māyāṁ vinā bhūtaṁ jaḍaṁ syādeva nityaśaḥ ||

यदि यह चराचर जगत् उसके द्वारा सृजित न होता, तो माया के बिना समस्त भूत सदैव जड़ ही बना रहता।

श्लोक 71 (devibhagavatam.4.25.71)

तस्मात्कारुण्यमाश्रित्य जगज्जीवादिकं च यत् । करोति सततं देवी प्रेरयत्यनिशं च तत् ॥

tasmātkāruṇyamāśritya jagajjīvādikaṁ ca yat | karoti satataṁ devī prerayatyaniśaṁ ca tat ||

अतः करुणा का आश्रय लेकर, जगत् और जीवों के प्रति जो कुछ भी देवी निरंतर करती हैं, वे उसे अविराम प्रेरित करती हैं।

श्लोक 72 (devibhagavatam.4.25.72)

तस्माद् ब्रह्मादिमोहेऽस्मिन्कर्तव्यः संशयो न हि । मायान्तःपातिनः सर्वे मायाधीनाः सुरासुराः ॥

tasmād brahmādimohe'sminkartavyaḥ saṁśayo na hi | māyāntaḥpātinaḥ sarve māyādhīnāḥ surāsurāḥ ||

अतः ब्रह्मा आदि के इस मोह में कोई संदेह नहीं करना चाहिए — माया के भीतर स्थित सभी देव और असुर माया के ही अधीन हैं।

श्लोक 73 (devibhagavatam.4.25.73)

स्वतन्त्रा सैव देवेशी स्वेच्छाचारविहारिणी । तस्मात्सर्वात्मना राजन् सेवनीया महेश्वरी ॥

svatantrā saiva deveśī svecchācāravihāriṇī | tasmātsarvātmanā rājan sevanīyā maheśvarī ||

वह देवेशी अकेली ही स्वतंत्र है, अपनी इच्छानुसार विचरण करने वाली; अतः हे राजन्! महेश्वरी की सर्वात्मना सेवा करनी चाहिए।

श्लोक 74 (devibhagavatam.4.25.74)

नातः परतरं किञ्चिदधिकं भुवनत्रये । एतद्धि जन्मसाफल्यं पराशक्तेः पदस्मृतिः ॥

nātaḥ parataraṁ kiñcidadhikaṁ bhuvanatraye | etaddhi janmasāphalyaṁ parāśakteḥ padasmṛtiḥ ||

इससे बढ़कर त्रिभुवन में कुछ भी उच्चतर नहीं है; यही जन्म की सार्थकता है — परा शक्ति के चरणों का स्मरण।

श्लोक 75 (devibhagavatam.4.25.75)

माभूत्तत्र कुले जन्म यत्र देवी न दैवतम् । अहं देवी न चान्योऽस्मि ब्रह्मैवाहं न शोकभाक् ॥

mābhūttatra kule janma yatra devī na daivatam | ahaṁ devī na cānyo'smi brahmaivāhaṁ na śokabhāk ||

जिस कुल में देवी आराध्य न हों, उसमें जन्म न हो। 'मैं ही देवी हूँ, अन्य नहीं; मैं ही ब्रह्म हूँ; मैं शोक के अधीन नहीं' —

श्लोक 76 (devibhagavatam.4.25.76)

इत्यभेदेन तां नित्यां चिन्तयेज्जगदम्बिकाम् । ज्ञात्वा गुरुमुखादेनां वेदान्तश्रवणादिभिः ॥

ityabhedena tāṁ nityāṁ cintayejjagadambikām | jñātvā gurumukhādenāṁ vedāntaśravaṇādibhiḥ ||

— इस प्रकार अभेद-भाव से उस नित्या जगदंबिका का चिंतन करना चाहिए; गुरु-मुख से, वेदांत-श्रवण आदि से उन्हें जानकर—

श्लोक 77 (devibhagavatam.4.25.77)

नित्यमेकाग्रमनसा भावयेदात्मरूपिणीम् । मुक्तो भवति तेनाशु नान्यथा कर्मकोटिभिः ॥

nityamekāgramanasā bhāvayedātmarūpiṇīm | mukto bhavati tenāśu nānyathā karmakoṭibhiḥ ||

— सदैव एकाग्रचित्त होकर उन्हें आत्मस्वरूपा भावना करनी चाहिए। इसी से शीघ्र मुक्ति होती है, अन्यथा करोड़ों कर्मों से भी नहीं।

श्लोक 78 (devibhagavatam.4.25.78)

श्वेताश्वतरादयः सर्वे ऋषयो निर्मलाशयाः । आत्मरूपां हृदा ज्ञात्वा विमुक्ता भवबन्धनात् ॥

śvetāśvatarādayaḥ sarve ṛṣayo nirmalāśayāḥ | ātmarūpāṁ hṛdā jñātvā vimuktā bhavabandhanāt ||

श्वेताश्वतर आदि सभी निर्मल-आशय ऋषि, उन्हें आत्मस्वरूपा हृदय से जानकर, संसार-बंधन से मुक्त हो गए।

श्लोक 79 (devibhagavatam.4.25.79)

ब्रह्मविष्ण्वादयस्तद्वद् गौरीलक्ष्म्यादयस्तथा । तामेव समुपासन्ते सच्चिदानन्दरूपिणीम् ॥

brahmaviṣṇvādayastadvad gaurīlakṣmyādayastathā | tāmeva samupāsante saccidānandarūpiṇīm ||

वैसे ही ब्रह्मा, विष्णु आदि, और वैसे ही गौरी, लक्ष्मी आदि भी — वे भी उन्हीं सच्चिदानंद-स्वरूपा की उपासना करते हैं।

श्लोक 80 (devibhagavatam.4.25.80)

इति ते कथितं राजन् यद्यत्पुष्टं त्वयानघ । प्रपञ्चतापत्रस्तेन किं भूयः श्रोतुमिच्छसि ॥

iti te kathitaṁ rājan yadyatpuṣṭaṁ tvayānagha | prapañcatāpatrastena kiṁ bhūyaḥ śrotumicchasi ||

हे राजन्! हे अनघ! तुमने जो कुछ पूछा, वह सब तुम्हें कहा गया; प्रपंच के ताप से पीड़ित होकर, अब और क्या सुनना चाहते हो?

श्लोक 81 (devibhagavatam.4.25.81)

एतत्ते कथितं राजन्मयाख्यानमनुत्तमम् । सर्वपापहरं पुण्यं पुराणं परमाद्भुतम् ॥

etatte kathitaṁ rājanmayākhyānamanuttamam | sarvapāpaharaṁ puṇyaṁ purāṇaṁ paramādbhutam ||

हे राजन्! यह मेरे द्वारा तुम्हें कहा गया अत्यंत उत्तम आख्यान — यह पवित्र, सर्वपापहर, परम अद्भुत पुराण है।

श्लोक 82 (devibhagavatam.4.25.82)

य इदं शृणुयान्नित्यं पुराणं वेदसम्मितम् । सर्वपापविनिर्मुक्तो देवीलोके महीयते ॥

ya idaṁ śṛṇuyānnityaṁ purāṇaṁ vedasammitam | sarvapāpavinirmukto devīloke mahīyate ||

जो कोई इस वेद-सम्मत पुराण को नित्य सुनता है, वह समस्त पापों से मुक्त होकर देवी-लोक में महिमान्वित होता है।

श्लोक 83 (devibhagavatam.4.25.83)

सूत उवाच । एतन्मया श्रुतं व्यासात्कथ्यमानं सविस्तरम् । पुराणं पञ्चमं नूनं श्रीमद्भागवताभिधम् ॥

sūta uvāca | etanmayā śrutaṁ vyāsātkathyamānaṁ savistaram | purāṇaṁ pañcamaṁ nūnaṁ śrīmadbhāgavatābhidham ||

सूत ने कहा — "यह मैंने व्यास जी से सुना, जैसा विस्तारपूर्वक कहा गया — यह निश्चय ही पाँचवाँ पुराण, श्रीमद्भागवत नामक।"