देवी द्वारा कृष्ण (वासुदेव) के शोक का निवारण

श्लोक 1 (devibhagavatam.4.24.1)

व्यास उवाच । प्रातर्नन्दगृहे जातः पुत्रजन्ममहोत्सवः । किंवदन्त्यथ कंसेन श्रुता चारमुखादपि ॥

vyāsa uvāca | prātarnandagṛhe jātaḥ putrajanmamahotsavaḥ | kiṁvadantyatha kaṁsena śrutā cāramukhādapi ||

व्यास जी ने कहा — प्रातःकाल नंद के घर पुत्र-जन्म का महोत्सव हुआ; तब कंस ने गुप्तचर के मुख से एक अफवाह सुनी।

श्लोक 2 (devibhagavatam.4.24.2)

जानाति वसुदेवस्य दारास्तत्र वसन्ति हि । पशवो दासवर्गश्च सर्वे ते नन्दगोकुले ॥

jānāti vasudevasya dārāstatra vasanti hi | paśavo dāsavargaśca sarve te nandagokule ||

"वह जानता है कि वसुदेव का परिवार वहीं रहता है; उसके पशु और सेवकगण — सब नंद के गोकुल में हैं।"

श्लोक 3 (devibhagavatam.4.24.3)

तेन शङ्कासमाविष्टो गोकुलं प्रति भारत । नारदेनापि तत्सर्वं कथितं कारणं पुरा ॥

tena śaṅkāsamāviṣṭo gokulaṁ prati bhārata | nāradenāpi tatsarvaṁ kathitaṁ kāraṇaṁ purā ||

हे भारत! इस कारण संदेह से भर उठा वह गोकुल की ओर ध्यान देने लगा; और नारद ने भी पहले उसे इसका सारा कारण बता दिया था—

श्लोक 4 (devibhagavatam.4.24.4)

गोकुले ये च नन्दाद्यास्तत्पत्न्यश्च सुरांशजाः । देवकीवसुदेवाद्याः सर्वे ते शत्रवः किल ॥

gokule ye ca nandādyāstatpatnyaśca surāṁśajāḥ | devakīvasudevādyāḥ sarve te śatravaḥ kila ||

— कि गोकुल में नंद आदि, और उनकी पत्नियाँ, देवताओं के अंश थे; देवकी, वसुदेव आदि — सब ही उसके शत्रु थे।

श्लोक 5 (devibhagavatam.4.24.5)

इति नारदवाक्येन बोधितोऽसौ कुलाधमः । जातः कोपमना राजन् कंसः परमपापकृत् ॥

iti nāradavākyena bodhito'sau kulādhamaḥ | jātaḥ kopamanā rājan kaṁsaḥ paramapāpakṛt ||

नारद के वचनों से यह जानकर, कुलाधम कंस, वह परम पापी, हे राजन्! क्रोध से भर उठा।

श्लोक 6 (devibhagavatam.4.24.6)

पूतना निहता तत्र कृष्णेनामिततेजसा । बको वत्सासुरश्चापि धेनुकश्च महाबलः ॥

pūtanā nihatā tatra kṛṣṇenāmitatejasā | bako vatsāsuraścāpi dhenukaśca mahābalaḥ ||

वहाँ अमित तेजस्वी कृष्ण द्वारा पूतना मारी गई; बक, वत्सासुर, और महाबली धेनुक—

श्लोक 7 (devibhagavatam.4.24.7)

प्रलम्बो निहतस्तेन तथा गोवर्धनो धृतः । श्रुत्वैतत्कर्म कंसस्तु मेने मरणमात्मनः ॥

pralambo nihatastena tathā govardhano dhṛtaḥ | śrutvaitatkarma kaṁsastu mene maraṇamātmanaḥ ||

— प्रलंब उनके द्वारा मारा गया, और गोवर्धन को उठाया गया। इन कर्मों को सुनकर कंस ने इसे अपनी मृत्यु का संकेत माना।

श्लोक 8 (devibhagavatam.4.24.8)

तथा विनिहतः केशी ज्ञात्वा कंसोऽतिदुर्मनाः । धनुर्यागमिषेणाशु तावानेतुं प्रचक्रमे ॥

tathā vinihataḥ keśī jñātvā kaṁso'tidurmanāḥ | dhanuryāgamiṣeṇāśu tāvānetuṁ pracakrame ||

वैसे ही केशी के मारे जाने पर, अत्यंत व्याकुल मन वाले कंस ने, धनुष-यज्ञ के बहाने, उन दोनों को बुलाने का उपाय शीघ्र ही रचना आरंभ किया।

श्लोक 9 (devibhagavatam.4.24.9)

अक्रूरं प्रेषयामास क्रूरः पापमतिस्तदा । आनेतुं रामकृष्णौ च वधायामितविक्रमौ ॥

akrūraṁ preṣayāmāsa krūraḥ pāpamatistadā | ānetuṁ rāmakṛṣṇau ca vadhāyāmitavikramau ||

उस क्रूर, पापबुद्धि ने तब अक्रूर को उन दोनों — राम और कृष्ण, अमित पराक्रमी — को मारने हेतु लाने के लिए भेजा।

श्लोक 10 (devibhagavatam.4.24.10)

रथमारोप्य गोपालौ गोकुलाद् गान्दिनीसुतः । आगतो मथुरायां तु कंसादेशे स्थितः किल ॥

rathamāropya gopālau gokulād gāndinīsutaḥ | āgato mathurāyāṁ tu kaṁsādeśe sthitaḥ kila ||

गांदिनी-पुत्र (अक्रूर) उन दोनों गोपालों को रथ पर चढ़ाकर गोकुल से मथुरा आया, कंस की आज्ञा से वहाँ खड़ा रहा।

श्लोक 11 (devibhagavatam.4.24.11)

तावागत्य तदा तत्र धनुर्भङ्गञ्च चक्रतुः । हत्वाथ रजकं कामं गजं चाणूरमुष्टिकम् ॥

tāvāgatya tadā tatra dhanurbhaṅgañca cakratuḥ | hatvātha rajakaṁ kāmaṁ gajaṁ cāṇūramuṣṭikam ||

वहाँ आकर उन दोनों ने धनुष तोड़ दिया; और अपनी इच्छानुसार धोबी को, तथा हाथी, चाणूर और मुष्टिक को मारकर—

श्लोक 12 (devibhagavatam.4.24.12)

शलं च तोशलं चैव निजघान हरिस्तदा । जघान कंसं देवेशः केशेष्वाकृष्य लीलया ॥

śalaṁ ca tośalaṁ caiva nijaghāna haristadā | jaghāna kaṁsaṁ deveśaḥ keśeṣvākṛṣya līlayā ||

— शल और तोशल को भी, हरि ने तब मारा। देवेश ने कंस को केश पकड़कर लीलापूर्वक मार डाला।

श्लोक 13 (devibhagavatam.4.24.13)

पितरौ मोचयित्वाथ गतदुःखौ चकार ह । उग्रसेनाय राज्यं तद्ददावरिनिषूदनः ॥

pitarau mocayitvātha gataduḥkhau cakāra ha | ugrasenāya rājyaṁ taddadāvariniṣūdanaḥ ||

अपने माता-पिता को दुःख से मुक्त कराकर, उस शत्रुनाशक ने तब राज्य उग्रसेन को दे दिया।

श्लोक 14 (devibhagavatam.4.24.14)

वसुदेवस्तयोस्तत्र मौञ्जीबन्धनपूर्वकम् । कारयामास विधिवद् व्रतबन्धं महामनाः ॥

vasudevastayostatra mauñjībandhanapūrvakam | kārayāmāsa vidhivad vratabandhaṁ mahāmanāḥ ||

महामना वसुदेव ने वहाँ उन दोनों का मौंजी-बंधन-पूर्वक उपनयन-संस्कार विधिवत् कराया।

श्लोक 15 (devibhagavatam.4.24.15)

उपनीतौ तदा तौ तु गतौ सान्दीपनालयम् । विद्याः सर्वाः समभ्यस्य मथुरामागतौ पुनः ॥

upanītau tadā tau tu gatau sāndīpanālayam | vidyāḥ sarvāḥ samabhyasya mathurāmāgatau punaḥ ||

उपनयन होने पर वे दोनों सांदीपनि के आश्रम गए; समस्त विद्याओं का अभ्यास कर वे पुनः मथुरा लौट आए।

श्लोक 16 (devibhagavatam.4.24.16)

जातौ द्वादशवर्षीयौ कृतविद्यौ महाबलौ । मथुरायां स्थितौ वीरौ सुतावानकदुन्दुभेः ॥

jātau dvādaśavarṣīyau kṛtavidyau mahābalau | mathurāyāṁ sthitau vīrau sutāvānakadundubheḥ ||

बारह वर्ष के होकर, विद्या-संपन्न, महाबली, वे दोनों वीर, आनकदुंदुभि के पुत्र, मथुरा में रहने लगे।

श्लोक 17 (devibhagavatam.4.24.17)

मागधस्तु जरासन्धो जामातृवधदुःखितः । कृत्वा सैन्यसमाजं स मथुरामागतः पुरीम् ॥

māgadhastu jarāsandho jāmātṛvadhaduḥkhitaḥ | kṛtvā sainyasamājaṁ sa mathurāmāgataḥ purīm ||

मागधराज जरासंध, अपने दामाद (कंस) के वध से दुःखी होकर, सेना एकत्र कर मथुरा नगरी आया।

श्लोक 18 (devibhagavatam.4.24.18)

स सप्तदशवारं तु कृष्णेन कृतबुद्धिना । जितः सङ्ग्राममासाद्य मधुपुर्यां निवासिना ॥

sa saptadaśavāraṁ tu kṛṣṇena kṛtabuddhinā | jitaḥ saṅgrāmamāsādya madhupuryāṁ nivāsinā ||

वह मथुरा-निवासी, दृढ़बुद्धि कृष्ण द्वारा युद्ध में सत्रह बार पराजित हुआ।

श्लोक 19 (devibhagavatam.4.24.19)

पश्चाच्च प्रेरितस्तेन स कालयवनाभिधः । सर्वम्लेच्छाधिपः शूरो यादवानां भयङ्करः ॥

paścācca preritastena sa kālayavanābhidhaḥ | sarvamlecchādhipaḥ śūro yādavānāṁ bhayaṅkaraḥ ||

बाद में, उसके द्वारा प्रेरित होकर, कालयवन नामक वह आया — समस्त म्लेच्छों का स्वामी, वीर, यादवों के लिए भयंकर।

श्लोक 20 (devibhagavatam.4.24.20)

श्रुत्वा यवनमायान्तं कृष्णः सर्वान् यदूत्तमान् । आनाय्य च तथा राममुवाच मधुसूदनः ॥

śrutvā yavanamāyāntaṁ kṛṣṇaḥ sarvān yadūttamān | ānāyya ca tathā rāmamuvāca madhusūdanaḥ ||

यवन के आने का समाचार सुनकर, कृष्ण ने समस्त श्रेष्ठ यादवों को, और राम को भी बुलाकर कहा—

श्लोक 21 (devibhagavatam.4.24.21)

भयं नोऽत्र समुत्पन्नं जरासन्धान्महाबलात् । किं कर्तव्यं महाभाग यवनः समुपैति वै ॥

bhayaṁ no'tra samutpannaṁ jarāsandhānmahābalāt | kiṁ kartavyaṁ mahābhāga yavanaḥ samupaiti vai ||

"यहाँ हमें महाबली जरासंध से भय उत्पन्न हुआ है। हे महाभाग! क्या करना चाहिए? यवन अब निकट आ रहा है।"

श्लोक 22 (devibhagavatam.4.24.22)

प्राणत्राणं प्रकर्तव्यं त्यक्त्वा गेहं बलं धनम् । सुखेन स्थीयते यत्र स देशः खलु पैतृकः ॥

prāṇatrāṇaṁ prakartavyaṁ tyaktvā gehaṁ balaṁ dhanam | sukhena sthīyate yatra sa deśaḥ khalu paitṛkaḥ ||

"घर, सेना और धन त्यागकर प्राण-रक्षा करनी चाहिए। जहाँ सुखपूर्वक रहा जा सके, वही देश वास्तव में पैतृक कहलाता है।"

श्लोक 23 (devibhagavatam.4.24.23)

सदोद्वेगकरः कामं किं कर्तव्यः कुलोचितः । शैलसागरसान्निध्ये स्थातव्यं सुखमिच्छता ॥

sadodvegakaraḥ kāmaṁ kiṁ kartavyaḥ kulocitaḥ | śailasāgarasānnidhye sthātavyaṁ sukhamicchatā ||

"जो सदा उद्वेगकारी हो, ऐसे कुलोचित स्थान से क्या लाभ? सुख चाहने वाले को पर्वत या समुद्र के समीप रहना चाहिए।"

श्लोक 24 (devibhagavatam.4.24.24)

यत्र वैरिभयं न स्यात्स्थातव्यं तत्र पण्डितैः । शेषशय्यां समाश्रित्य हरिः स्वपिति सागरे ॥

yatra vairibhayaṁ na syātsthātavyaṁ tatra paṇḍitaiḥ | śeṣaśayyāṁ samāśritya hariḥ svapiti sāgare ||

"जहाँ शत्रु का भय न हो, वहीं विद्वानों को रहना चाहिए। हरि शेष-शय्या का आश्रय लेकर सागर में शयन करते हैं।"

श्लोक 25 (devibhagavatam.4.24.25)

तथैव च भयाद्भीतः कैलासे त्रिपुरार्दनः । तस्मान्नात्रैव स्थातव्यमस्माभिः शत्रुतापितैः ॥

tathaiva ca bhayādbhītaḥ kailāse tripurārdanaḥ | tasmānnātraiva sthātavyamasmābhiḥ śatrutāpitaiḥ ||

"वैसे ही भय से त्रिपुरारि (शिव) कैलास पर रहते हैं। अतः शत्रुओं से संतप्त हम सबको यहीं नहीं रहना चाहिए।"

श्लोक 26 (devibhagavatam.4.24.26)

द्वारवत्यां गमिष्यामः सहिताः सर्व एव वै । कथिता गरुडेनाद्य रम्या द्वारवती पुरी ॥

dvāravatyāṁ gamiṣyāmaḥ sahitāḥ sarva eva vai | kathitā garuḍenādya ramyā dvāravatī purī ||

"हम सब एक साथ द्वारवती जाएँगे। गरुड़ ने आज मुझे रमणीय द्वारवती नगरी के विषय में बताया है—"

श्लोक 27 (devibhagavatam.4.24.27)

रैवताचलसानिध्ये सिन्धुकूले मनोहरा । व्यास उवाच । तच्छ्रुत्वा वचनं तथ्यं सर्वे यादवपुङ्गवाः ॥

raivatācalasānidhye sindhukūle manoharā | vyāsa uvāca | tacchrutvā vacanaṁ tathyaṁ sarve yādavapuṅgavāḥ ||

"— रैवतक पर्वत के समीप, समुद्र के तट पर, मनोहर।" व्यास जी ने कहा — यह सत्य वचन सुनकर सभी यदुश्रेष्ठों ने—

श्लोक 28 (devibhagavatam.4.24.28)

गमनाय मतिं चक्रुः सकुटुम्बाः सवाहनाः । शकटानि तथोष्ट्राश्च वाम्यश्च महिषास्तथा ॥

gamanāya matiṁ cakruḥ sakuṭumbāḥ savāhanāḥ | śakaṭāni tathoṣṭrāśca vāmyaśca mahiṣāstathā ||

— अपने परिवार और वाहनों सहित प्रस्थान का निश्चय किया। अपनी गाड़ियों, ऊँटों, घोड़ियों और भैंसों को—

श्लोक 29 (devibhagavatam.4.24.29)

धनपूर्णानि कृत्वा ते निर्ययुर्नगराद्बहिः । रामकृष्णौ पुरस्कृत्य सर्वे ते सपरिच्छदाः ॥

dhanapūrṇāni kṛtvā te niryayurnagarādbahiḥ | rāmakṛṣṇau puraskṛtya sarve te saparicchadāḥ ||

— धन से भरकर, वे सब, अपने परिवार सहित, राम और कृष्ण को आगे कर, नगर से बाहर निकल पड़े।

श्लोक 30 (devibhagavatam.4.24.30)

अग्रे कृत्वा प्रजाः सर्वाश्चेलुः सर्वे यदूत्तमाः । कतिचिद्दिवसैः प्रापुः पुरीं द्वारवतीं किल ॥

agre kṛtvā prajāḥ sarvāśceluḥ sarve yadūttamāḥ | katiciddivasaiḥ prāpuḥ purīṁ dvāravatīṁ kila ||

सभी प्रजा को आगे कर, सभी यदुश्रेष्ठ चल पड़े; कुछ ही दिनों में वे द्वारवती नगरी पहुँच गए।

श्लोक 31 (devibhagavatam.4.24.31)

शिल्पिभिः कारयामास जीर्णोद्धारं हि माधवः । संस्थाप्य यादवांस्तत्र तावेतौ बलकेशवौ ॥

śilpibhiḥ kārayāmāsa jīrṇoddhāraṁ hi mādhavaḥ | saṁsthāpya yādavāṁstatra tāvetau balakeśavau ||

माधव ने शिल्पियों द्वारा उसका जीर्णोद्धार कराया; वहाँ यादवों को बसाकर वे दोनों, बल और केशव—

श्लोक 32 (devibhagavatam.4.24.32)

तरसा मथुरामेत्य संस्थितौ निर्जनां पुरीम् । तदा तत्रैव सम्प्राप्तो बलवान् यवनाधिपः ॥

tarasā mathurāmetya saṁsthitau nirjanāṁ purīm | tadā tatraiva samprāpto balavān yavanādhipaḥ ||

— शीघ्रता से मथुरा गए और वहाँ रहे, नगरी को सुनसान पाकर। तभी वहीं वह बलवान यवन-अधिपति भी आ पहुँचा।

श्लोक 33 (devibhagavatam.4.24.33)

ज्ञात्वैनमागतं कृष्णो निर्ययौ नगराद्बहिः । पदातिरग्रे तस्याभूद्यवनस्य जनार्दनः ॥

jñātvainamāgataṁ kṛṣṇo niryayau nagarādbahiḥ | padātiragre tasyābhūdyavanasya janārdanaḥ ||

उसके आने का ज्ञान होने पर कृष्ण नगर से बाहर निकले; जनार्दन उस यवन के आगे पैदल चले।

श्लोक 34 (devibhagavatam.4.24.34)

पीताम्बरधरः श्रीमान्प्राहसन्मधुसूदनः । तं दृष्ट्वा पुरतो यान्तं कृष्णं कमललोचनम् ॥

pītāmbaradharaḥ śrīmānprāhasanmadhusūdanaḥ | taṁ dṛṣṭvā purato yāntaṁ kṛṣṇaṁ kamalalocanam ||

पीताम्बरधारी, श्रीमान मधुसूदन मुस्कुराए; उस कमलनयन कृष्ण को अपने आगे जाते देखकर—

श्लोक 35 (devibhagavatam.4.24.35)

यवनोऽपि पदातिः सन्पृष्ठतोऽनुगतः खलः । प्रसुप्तो यत्र राजर्षिर्मुचुकुन्दो महाबलः ॥

yavano'pi padātiḥ sanpṛṣṭhato'nugataḥ khalaḥ | prasupto yatra rājarṣirmucukundo mahābalaḥ ||

— वह यवन भी, दुष्ट, पैदल होते हुए, पीछे-पीछे चला, वहाँ तक जहाँ महाबली राजर्षि मुचुकुंद सोए हुए थे।

श्लोक 36 (devibhagavatam.4.24.36)

प्रययौ भगवांस्तत्र सकालयवनो हरिः । तत्रैवान्तर्दधे विष्णुर्मुचुकुन्दं समीक्ष्य च ॥

prayayau bhagavāṁstatra sakālayavano hariḥ | tatraivāntardadhe viṣṇurmucukundaṁ samīkṣya ca ||

भगवान हरि, कालयवन को साथ लिए, वहाँ गए; और मुचुकुंद को देखकर विष्णु वहीं अंतर्धान हो गए।

श्लोक 37 (devibhagavatam.4.24.37)

तत्रैव यवनः प्राप्तः सुप्तभूतमपश्यत । मत्वा तं वासुदेवं स पादेनाताडयन्नृपम् ॥

tatraiva yavanaḥ prāptaḥ suptabhūtamapaśyata | matvā taṁ vāsudevaṁ sa pādenātāḍayannṛpam ||

वह यवन वहीं पहुँचकर एक सोए हुए व्यक्ति को देखा। उसे वासुदेव मानकर उसने उस राजा को पैर से ठोकर मारी।

श्लोक 38 (devibhagavatam.4.24.38)

प्रबुद्धः क्रोधरक्ताक्षस्तं ददाह महाबलः । तं दग्ध्वा मुचुकुन्दोऽथ ददर्श कमलेक्षणम् ॥

prabuddhaḥ krodharaktākṣastaṁ dadāha mahābalaḥ | taṁ dagdhvā mucukundo'tha dadarśa kamalekṣaṇam ||

जागृत होकर, क्रोध से लाल नेत्रों वाले उस महाबली ने उसे भस्म कर दिया। उसे भस्म करके मुचुकुंद ने तब उस कमलनयन—

श्लोक 39 (devibhagavatam.4.24.39)

वासुदेवं सुदेवेशं प्रणम्य प्रस्थितो वनम् । जगाम द्वारकां कृष्णो बलदेवसमन्वितः ॥

vāsudevaṁ sudeveśaṁ praṇamya prasthito vanam | jagāma dvārakāṁ kṛṣṇo baladevasamanvitaḥ ||

— देवेश वासुदेव को देखा; उन्हें प्रणाम कर वे वन को चले गए। कृष्ण बलदेव सहित द्वारका गए।

श्लोक 40 (devibhagavatam.4.24.40)

उग्रसेनं नृपं कृत्वा विजहार यथारुचि । अहरद्रुक्मिणी कामं शिशुपालस्वयंवरात् ॥

ugrasenaṁ nṛpaṁ kṛtvā vijahāra yathāruci | aharadrukmiṇī kāmaṁ śiśupālasvayaṁvarāt ||

राजा उग्रसेन को स्थापित कर वे यथारुचि विहार करने लगे; उन्होंने शिशुपाल के स्वयंवर से रुक्मिणी को इच्छानुसार हर लिया।

श्लोक 41 (devibhagavatam.4.24.41)

राक्षसेन विवाहेन चक्रे दारविधिं हरिः । ततो जाम्बवतीं सत्यां मित्रविन्दाञ्च भामिनीम् ॥

rākṣasena vivāhena cakre dāravidhiṁ hariḥ | tato jāmbavatīṁ satyāṁ mitravindāñca bhāminīm ||

राक्षस-विवाह-विधि से हरि ने उनसे विवाह-संस्कार संपन्न किया। फिर जांबवती, सत्या, तथा तेजस्विनी मित्रविंदा—

श्लोक 42 (devibhagavatam.4.24.42)

कालिन्दीं लक्षणां भद्रां तथा नाग्नजितीं शुभाम् । पृथक्पृथक्समानीयाप्युपयेमे जनार्दनः ॥

kālindīṁ lakṣaṇāṁ bhadrāṁ tathā nāgnajitīṁ śubhām | pṛthakpṛthaksamānīyāpyupayeme janārdanaḥ ||

— कालिंदी, लक्षणा, भद्रा, तथा शुभ नाग्नजिती — हर एक को अलग-अलग लाकर जनार्दन ने उनसे विवाह किया।

श्लोक 43 (devibhagavatam.4.24.43)

अष्टावेव महीपाल पत्न्यः परमशोभनाः । प्रासूत रुक्मिणी पुत्रं प्रद्युम्नं चारुदर्शनम् ॥

aṣṭāveva mahīpāla patnyaḥ paramaśobhanāḥ | prāsūta rukmiṇī putraṁ pradyumnaṁ cārudarśanam ||

हे महीपाल! ये आठ उनकी परम सुंदर पत्नियाँ थीं; रुक्मिणी ने प्रद्युम्न नामक सुदर्शन पुत्र को जन्म दिया।

श्लोक 44 (devibhagavatam.4.24.44)

जातकर्मादिकं तस्य चकार मधुसूदनः । हृतोऽसौ सूतिकागेहाच्छम्बरेण बलीयसा ॥

jātakarmādikaṁ tasya cakāra madhusūdanaḥ | hṛto'sau sūtikāgehācchambareṇa balīyasā ||

मधुसूदन ने उसका जातकर्म आदि संस्कार किया। बलवान शंबरासुर द्वारा वह शिशु सूतिका-गृह से हर लिया गया।

श्लोक 45 (devibhagavatam.4.24.45)

नीतश्च स्वपुरीं बालो मायावत्यै समर्पितः । वासुदेवो हृतं दृष्ट्वा पुत्रं शोकसमन्वितः ॥

nītaśca svapurīṁ bālo māyāvatyai samarpitaḥ | vāsudevo hṛtaṁ dṛṣṭvā putraṁ śokasamanvitaḥ ||

उस शिशु को उसकी अपनी नगरी में ले जाया गया, और मायावती को सौंप दिया गया। वासुदेव अपने पुत्र को हरा हुआ देखकर, शोकयुक्त होकर—

श्लोक 46 (devibhagavatam.4.24.46)

जगाम शरणं देवीं भक्तियुक्तेन चेतसा । वृत्रासुरादयो दैत्या लीलयैव यया हताः ॥

jagāma śaraṇaṁ devīṁ bhaktiyuktena cetasā | vṛtrāsurādayo daityā līlayaiva yayā hatāḥ ||

— भक्तियुक्त हृदय से देवी की शरण में गए — जिनके द्वारा वृत्रासुर आदि दैत्य लीलामात्र में मारे गए थे।

श्लोक 47 (devibhagavatam.4.24.47)

ततोऽसौ योगमायायाश्चकार परमां स्मृतिम् । वचोभिः परमोदारैरक्षरैः स्तवनैः शुभैः ॥

tato'sau yogamāyāyāścakāra paramāṁ smṛtim | vacobhiḥ paramodārairakṣaraiḥ stavanaiḥ śubhaiḥ ||

तब उन्होंने परम उदार वचनों से, शुभ अक्षरों में स्तुति करते हुए, योगमाया का परम स्मरण किया।

श्लोक 48 (devibhagavatam.4.24.48)

श्रीकृष्ण उवाच । मातर्मयातितपसा परितोषिता त्वं प्राग्जन्मनि प्रसुमनादिभिरर्चितासि । धर्मात्मजेन बदरीवनखण्डमध्ये किं विस्मृतो जननि ते त्वयि भक्तिभावः ॥

śrīkṛṣṇa uvāca | mātarmayātitapasā paritoṣitā tvaṁ prāgjanmani prasumanādibhirarcitāsi | dharmātmajena badarīvanakhaṇḍamadhye kiṁ vismṛto janani te tvayi bhaktibhāvaḥ ||

श्रीकृष्ण ने कहा — "हे माता! पूर्वजन्म में मैंने अत्यंत तपस्या से तुम्हें संतुष्ट किया था; बदरीवन के भीतर, धर्मपुत्र के रूप में, फूलों आदि से तुम्हारी पूजा की थी। हे जननी! क्या तुम्हारे प्रति वह भक्तिभाव विस्मृत हो गया?"

श्लोक 49 (devibhagavatam.4.24.49)

सूतीगृहादपहृतः किमु बालको मे केनापि दुष्टमनसाप्यथ कौतुकाद्वा । मानापहारकरणाय ममाद्य नूनं लज्जा तवाम्ब खलु भक्तजनस्य युक्ता ॥

sūtīgṛhādapahṛtaḥ kimu bālako me kenāpi duṣṭamanasāpyatha kautukādvā | mānāpahārakaraṇāya mamādya nūnaṁ lajjā tavāmba khalu bhaktajanasya yuktā ||

"क्या मेरे शिशु को किसी दुष्टमना ने, या यों ही कौतुकवश हर लिया — निश्चय ही आज मेरा मान हरने हेतु? हे माता! क्या अपने ही भक्त के लिए ऐसी लज्जा उचित है?"

श्लोक 50 (devibhagavatam.4.24.50)

दुर्गो महानतितरां नगरी सुगुप्ता तत्रापि मेऽस्ति सदनं किल मध्यभागे । अन्तःपुरे च पिहितं ननु सूतिगेहं बालो हृतः खलु तथापि ममैव दोषात् ॥

durgo mahānatitarāṁ nagarī suguptā tatrāpi me'sti sadanaṁ kila madhyabhāge | antaḥpure ca pihitaṁ nanu sūtigehaṁ bālo hṛtaḥ khalu tathāpi mamaiva doṣāt ||

"दुर्ग अत्यंत विशाल है, नगरी सुरक्षित है; उसमें भी मेरा भवन मध्यभाग में है। और अंतःपुर में सूतिका-गृह सुरक्षित बंद है — फिर भी बालक चोरी हो गया, निश्चय ही यह मेरा ही कोई दोष है।"

श्लोक 51 (devibhagavatam.4.24.51)

नाहं गतः परपुरं न च यादवाश्च रक्षावतीव नगरी किल वीरवर्यैः । माया तवैव जननि प्रकटप्रभावा मे बालकः परिहृतः कुहकेन केन ॥

nāhaṁ gataḥ parapuraṁ na ca yādavāśca rakṣāvatīva nagarī kila vīravaryaiḥ | māyā tavaiva janani prakaṭaprabhāvā me bālakaḥ parihṛtaḥ kuhakena kena ||

"मैं किसी अन्य नगर नहीं गया था, न यादव कहीं गए थे — नगरी तो श्रेष्ठ वीरों द्वारा अत्यंत सुरक्षित है। हे जननी! तुम्हारी ही प्रकट-प्रभावा माया — किस छल से मेरा बालक मुझसे छीना गया?"

श्लोक 52 (devibhagavatam.4.24.52)

नो वेद्म्यहं जननि ते चरितं सुगुप्तं को वेद मन्दमतिरल्पविदेव देही । क्वासौ गतो मम भटैर्न च वीक्षितो वा हर्ताम्बिके जवनिका तव कल्पितेयम् ॥

no vedmyahaṁ janani te caritaṁ suguptaṁ ko veda mandamatiralpavideva dehī | kvāsau gato mama bhaṭairna ca vīkṣito vā hartāmbike javanikā tava kalpiteyam ||

"हे माता! मैं तुम्हारी सुगुप्त लीला को नहीं जानता — मंदमति, अल्पज्ञ देहधारी भला उसे कैसे जान सकता है? वह कहाँ गया — क्या मेरे सैनिकों को भी दिखाई न दिया? हे अंबिके! तुम्हारे ही द्वारा रची यह परदा हटा दो।"

श्लोक 53 (devibhagavatam.4.24.53)

चित्रं न तेऽत्र पुरतो मम मातृगर्भो नीतस्त्वयार्धसमये किल माययासौ । यं रोहिणी हलधरं सुषुवे प्रसिद्धं दूरे स्थिता पतिपरा मिथुनं विनापि ॥

citraṁ na te'tra purato mama mātṛgarbho nītastvayārdhasamaye kila māyayāsau | yaṁ rohiṇī haladharaṁ suṣuve prasiddhaṁ dūre sthitā patiparā mithunaṁ vināpi ||

"तुम्हारे आगे यह कोई आश्चर्य नहीं — क्या मुझे स्वयं माँ के गर्भ से आधी अवधि में ही तुमने माया द्वारा नहीं हटाया था? जिसे रोहिणी ने जन्मा, वह प्रसिद्ध हलधर (बलराम) — वह पतिव्रता दूर रहते हुए भी, बिना युगल-मिलन के भी माता बनीं।"

श्लोक 54 (devibhagavatam.4.24.54)

सृष्टिं करोषि जगतामनुपालनं च नाशं तथैव पुनरप्यनिशं गुणैस्त्वम् । को वेद तेऽम्ब चरितं दुरितान्तकारि प्रायेण सर्वमखिलं विहितं त्वयैतत् ॥

sṛṣṭiṁ karoṣi jagatāmanupālanaṁ ca nāśaṁ tathaiva punarapyaniśaṁ guṇaistvam | ko veda te'mba caritaṁ duritāntakāri prāyeṇa sarvamakhilaṁ vihitaṁ tvayaitat ||

"तुम ही जगतों की सृष्टि करती हो, और उनका पालन, तथा वैसे ही बार-बार, गुणों द्वारा उनका संहार भी। हे माता! तुम्हारे उस पापनाशक चरित्र को भला कौन जान सकता है? यह सब लगभग तुम्हारे ही द्वारा विहित है।"

श्लोक 55 (devibhagavatam.4.24.55)

उत्पाद्य पुत्रजननप्रभवं प्रमोदं दत्त्वा पुनर्विरहजं किल दुःखभारम् । त्वं क्रीडसे सुललितैः खलु तैर्विहारै- र्नो चेत्कथं मम सुताप्तिरतिर्वृथा स्यात् ॥

utpādya putrajananaprabhavaṁ pramodaṁ dattvā punarvirahajaṁ kila duḥkhabhāram | tvaṁ krīḍase sulalitaiḥ khalu tairvihārai- rno cetkathaṁ mama sutāptiratirvṛthā syāt ||

"पुत्र-जन्म से उत्पन्न आनंद को उत्पन्न कर, फिर वियोगजन्य दुःख-भार को देकर — तुम इन्हीं अपने सुललित लीला-विहारों से क्रीड़ा करती हो; अन्यथा मेरी पुत्र-प्राप्ति की प्रसन्नता इस प्रकार व्यर्थ कैसे हो जाती?"

श्लोक 56 (devibhagavatam.4.24.56)

मातास्य रोदिति भृशं कुररीव बाला दुःखं तनोति मम सन्निधिगा सदैव । कष्टं न वेत्सि ललितेऽप्रमितप्रभावे मातस्त्वमेव शरणं भवपीडितानाम् ॥

mātāsya roditi bhṛśaṁ kurarīva bālā duḥkhaṁ tanoti mama sannidhigā sadaiva | kaṣṭaṁ na vetsi lalite'pramitaprabhāve mātastvameva śaraṇaṁ bhavapīḍitānām ||

"उसकी माता कुररी पक्षिणी की भाँति अत्यंत रोती है; वह बालक, सदा मेरे समीप रहने वाला, मुझे दुःख देता है। हे ललिते! हे अप्रमित-प्रभावे! तुम इस कष्ट को नहीं जानतीं। हे माता! तुम्हीं संसार-पीड़ितों की शरण हो।"

श्लोक 57 (devibhagavatam.4.24.57)

सीमा सुखस्य सुतजन्म तदीयनाशो दुःखस्य देवि भवने विबुधा वदन्ति । तत्किं करोमि जननि प्रथमे प्रनष्टे पुत्रे ममाद्य हृदयं स्फुटतीव मातः ॥

sīmā sukhasya sutajanma tadīyanāśo duḥkhasya devi bhavane vibudhā vadanti | tatkiṁ karomi janani prathame pranaṣṭe putre mamādya hṛdayaṁ sphuṭatīva mātaḥ ||

"'पुत्र-जन्म सुख की सीमा है, और हे देवी! उसका नाश दुःख की सीमा है' — ऐसा घर-गृहस्थी में विद्वान कहते हैं। तो हे माता! अब क्या करूँ? आज मेरे प्रथम पुत्र के नष्ट होने पर मेरा हृदय मानो फटा जा रहा है, हे माता!"

श्लोक 58 (devibhagavatam.4.24.58)

यज्ञं करोमि तव तुष्टिकरं व्रतं वा दैवं च पूजनमथाखिलदुःखहा त्वम् । मातः सुतोऽत्र यदि जीवति दर्शयाशु त्वं वै क्षमा सकलशोकविनाशनाय ॥

yajñaṁ karomi tava tuṣṭikaraṁ vrataṁ vā daivaṁ ca pūjanamathākhiladuḥkhahā tvam | mātaḥ suto'tra yadi jīvati darśayāśu tvaṁ vai kṣamā sakalaśokavināśanāya ||

"मैं तुम्हें संतुष्ट करने वाला यज्ञ करूँगा, या व्रत, अथवा देव-पूजन — क्योंकि तुम्हीं समस्त दुःख को हरने वाली हो। हे माता! यदि मेरा पुत्र जीवित है, तो शीघ्र मुझे दिखाओ; तुम्हीं समस्त शोक के विनाश में समर्थ हो।"

श्लोक 59 (devibhagavatam.4.24.59)

व्यास उवाच । एवं स्तुता तदा देवी कृष्णेनाक्लिष्टकर्मणा । प्रत्यक्षदर्शना भूत्वा तमुवाच जगद्गुरुम् ॥

vyāsa uvāca | evaṁ stutā tadā devī kṛṣṇenākliṣṭakarmaṇā | pratyakṣadarśanā bhūtvā tamuvāca jagadgurum ||

व्यास जी ने कहा — इस प्रकार अक्लिष्टकर्मा कृष्ण द्वारा स्तुति किए जाने पर देवी ने साक्षात् दर्शन देकर उस जगद्गुरु से कहा—

श्लोक 60 (devibhagavatam.4.24.60)

श्रीदेव्युवाच । शोकं मा कुरु देवेश शापोऽयं ते पुरातनः । तस्य योगेन पुत्रस्ते शम्बरेण हृतो बलात् ॥

śrīdevyuvāca | śokaṁ mā kuru deveśa śāpo'yaṁ te purātanaḥ | tasya yogena putraste śambareṇa hṛto balāt ||

श्री देवी ने कहा — "हे देवेश! शोक मत करो; यह तुम्हारा प्राचीन शाप है। इसी के प्रभाव से तुम्हारा पुत्र शंबर द्वारा बलपूर्वक हरा गया है।"

श्लोक 61 (devibhagavatam.4.24.61)

अतस्ते षोडशे वर्षे हत्वा तं शम्बरं बलात् । आगमिष्यति पुत्रस्ते मत्प्रसादान्न संशयः ॥

ataste ṣoḍaśe varṣe hatvā taṁ śambaraṁ balāt | āgamiṣyati putraste matprasādānna saṁśayaḥ ||

"अतः तुम्हारे पुत्र के सोलहवें वर्ष में, उस शंबर को बलपूर्वक मारकर, तुम्हारा पुत्र लौट आएगा — मेरी कृपा से, इसमें संशय नहीं।"

श्लोक 62 (devibhagavatam.4.24.62)

व्यास उवाच । इत्युक्त्वान्तर्दधे देवी चण्डिका चण्डविक्रमा । भगवानपि पुत्रस्य शोकं त्यक्त्वाभवत्सुखी ॥

vyāsa uvāca | ityuktvāntardadhe devī caṇḍikā caṇḍavikramā | bhagavānapi putrasya śokaṁ tyaktvābhavatsukhī ||

व्यास जी ने कहा — ऐसा कहकर चंडविक्रमा देवी चंडिका अंतर्धान हो गईं; और भगवान भी पुत्र-शोक त्यागकर सुखी हो गए।