कंस के प्रति योगमाया का वचन

श्लोक 1 (devibhagavatam.4.23.1)

व्यास उवाच । हतेषु षट्सु पुत्रेषु देवक्या औग्रसेनिना । सप्तमे पतिते गर्भे वचनान्नारदस्य च ॥

vyāsa uvāca | hateṣu ṣaṭsu putreṣu devakyā augraseninā | saptame patite garbhe vacanānnāradasya ca ||

व्यास जी ने कहा — उग्रसेन-पुत्र (कंस) द्वारा छह पुत्रों के मारे जाने पर, और नारद के वचन से सातवें गर्भ के गिर जाने पर—

श्लोक 2 (devibhagavatam.4.23.2)

अष्टमस्य च गर्भस्य रक्षणार्थमतन्द्रितः । प्रयत्नमकरोद्राजा मरणं स्वं विचिन्तयन् ॥

aṣṭamasya ca garbhasya rakṣaṇārthamatandritaḥ | prayatnamakarodrājā maraṇaṁ svaṁ vicintayan ||

— राजा ने, अपनी मृत्यु का चिंतन करते हुए, आठवें गर्भ की रक्षा हेतु अथक प्रयत्न किया।

श्लोक 3 (devibhagavatam.4.23.3)

समये देवकीगर्भे प्रवेशमकरोद्धरिः । अंशेन वसुदेवे तु समागत्य यथाक्रमम् ॥

samaye devakīgarbhe praveśamakaroddhariḥ | aṁśena vasudeve tu samāgatya yathākramam ||

समय आने पर हरि ने देवकी के गर्भ में प्रवेश किया, वसुदेव में अंश-रूप से यथाक्रम आकर।

श्लोक 4 (devibhagavatam.4.23.4)

तदेयं योगमाया च यशोदायां यथेच्छया । प्रवेशमकरोद्देवी देवकार्यार्थसिद्धये ॥

tadeyaṁ yogamāyā ca yaśodāyāṁ yathecchayā | praveśamakaroddevī devakāryārthasiddhaye ||

तब यह योगमाया देवी भी अपनी इच्छा से यशोदा में प्रविष्ट हुईं, देवकार्य की सिद्धि हेतु।

श्लोक 5 (devibhagavatam.4.23.5)

रोहिण्यास्तनयो रामो गोकुले समजायत । यतः कंसभयोद्विग्ना संस्थिता सा च कामिनी ॥

rohiṇyāstanayo rāmo gokule samajāyata | yataḥ kaṁsabhayodvignā saṁsthitā sā ca kāminī ||

रोहिणी का पुत्र राम गोकुल में उत्पन्न हुए — क्योंकि कंस के भय से व्याकुल होकर वह प्रिया वहीं रह रही थी।

श्लोक 6 (devibhagavatam.4.23.6)

कारागारे ततः कंसो देवकीं देवसंस्तुताम् । स्थापयामास रक्षार्थं सेवकान्समकल्पयत् ॥

kārāgāre tataḥ kaṁso devakīṁ devasaṁstutām | sthāpayāmāsa rakṣārthaṁ sevakānsamakalpayat ||

तब कंस ने देवताओं द्वारा स्तुत देवकी को रक्षा हेतु कारागार में स्थापित किया, और सेवकों को नियुक्त किया।

श्लोक 7 (devibhagavatam.4.23.7)

वसुदेवस्तु कामिन्याः प्रेमतन्तुनियन्त्रितः । पुत्रोत्पत्तिं च सञ्चिन्त्य प्रविष्टः सह भार्यया ॥

vasudevastu kāminyāḥ prematantuniyantritaḥ | putrotpattiṁ ca sañcintya praviṣṭaḥ saha bhāryayā ||

वसुदेव, प्रिया के प्रेम-सूत्र से बंधे हुए, और पुत्रोत्पत्ति का चिंतन करते हुए, अपनी पत्नी सहित कारागार में प्रविष्ट हुए।

श्लोक 8 (devibhagavatam.4.23.8)

देवकीगर्भगो विष्णुर्देवकार्यार्थसिद्धये । संस्तुतोऽमरसङ्घैश्च व्यवर्धत यथाक्रमम् ॥

devakīgarbhago viṣṇurdevakāryārthasiddhaye | saṁstuto'marasaṅghaiśca vyavardhata yathākramam ||

देवकी के गर्भ में स्थित विष्णु, देवकार्य की सिद्धि हेतु, अमरगणों द्वारा स्तुत होते हुए, यथाक्रम बढ़ने लगे।

श्लोक 9 (devibhagavatam.4.23.9)

सञ्जाते दशमे तत्र मासेऽथ श्रावणे शुभे । प्राजापत्यर्क्षसंयुक्ते कृष्णपक्षेऽष्टमीदिने ॥

sañjāte daśame tatra māse'tha śrāvaṇe śubhe | prājāpatyarkṣasaṁyukte kṛṣṇapakṣe'ṣṭamīdine ||

दशम मास आने पर, शुभ श्रावण मास में, प्रजापति नक्षत्र (रोहिणी) से युक्त, कृष्ण पक्ष की अष्टमी तिथि को—

श्लोक 10 (devibhagavatam.4.23.10)

कंसस्तु दानवान्सर्वानुवाच भयविह्वलः । रक्षणीया भवद्भिश्च देवकी गर्भमन्दिरे ॥

kaṁsastu dānavānsarvānuvāca bhayavihvalaḥ | rakṣaṇīyā bhavadbhiśca devakī garbhamandire ||

भय से विह्वल कंस ने सभी दानवों से कहा — "तुम्हें देवकी की गर्भ-मंदिर में रक्षा करनी होगी।"

श्लोक 11 (devibhagavatam.4.23.11)

अष्टमो देवकीगर्भः शत्रुर्मे प्रभविष्यति । रक्षणीयः प्रयत्नेन मृत्युरूपः स बालकः ॥

aṣṭamo devakīgarbhaḥ śatrurme prabhaviṣyati | rakṣaṇīyaḥ prayatnena mṛtyurūpaḥ sa bālakaḥ ||

"देवकी का आठवाँ गर्भ मेरा शत्रु होगा; वह बालक, साक्षात् मृत्युरूप, प्रयत्नपूर्वक रखा जाना चाहिए।"

श्लोक 12 (devibhagavatam.4.23.12)

हत्वैनं बालकं दैत्याः सुखं स्वप्स्यामि मन्दिरे । निवृत्तिवर्जिते दुःखे नाशिते चाष्टमे सुते ॥

hatvainaṁ bālakaṁ daityāḥ sukhaṁ svapsyāmi mandire | nivṛttivarjite duḥkhe nāśite cāṣṭame sute ||

"हे दैत्यो! इस बालक को मारकर मैं महल में सुखपूर्वक सोऊँगा। आठवें पुत्र का नाश होने पर, अनन्त दुःख की निवृत्ति होगी—"

श्लोक 13 (devibhagavatam.4.23.13)

खड्गप्रासधराः सर्वे तिष्ठन्तु धृतकार्मुकाः । निद्रातन्द्राविहीनाश्च सर्वत्र निहितेक्षणाः ॥

khaḍgaprāsadharāḥ sarve tiṣṭhantu dhṛtakārmukāḥ | nidrātandrāvihīnāśca sarvatra nihitekṣaṇāḥ ||

"— तो सब खड्ग-भाला धारण किए, धनुष लिए, निद्रा-तंद्रा से रहित, सर्वत्र दृष्टि रखते हुए वहाँ खड़े रहें।"

श्लोक 14 (devibhagavatam.4.23.14)

व्यास उवाच । इत्यादिश्यासुरगणान् कृशोऽतिभयविह्वलः । मन्दिरं स्वं जगामाशु न लेभे दानवः सुखम् ॥

vyāsa uvāca | ityādiśyāsuragaṇān kṛśo'tibhayavihvalaḥ | mandiraṁ svaṁ jagāmāśu na lebhe dānavaḥ sukham ||

व्यास जी ने कहा — असुरगणों को ऐसा आदेश देकर वह दानव, कृश और भय से व्याकुल होकर, शीघ्रता से अपने महल गया, पर उसे सुख न मिला।

श्लोक 15 (devibhagavatam.4.23.15)

निशीथे देवकी तत्र वसुदेवमुवाच ह । किं करोमि महाराज प्रसवावसरो मम ॥

niśīthe devakī tatra vasudevamuvāca ha | kiṁ karomi mahārāja prasavāvasaro mama ||

आधी रात को देवकी ने वहाँ वसुदेव से कहा — "हे महाराज! मैं क्या करूँ? मेरा प्रसव-समय आ गया है।"

श्लोक 16 (devibhagavatam.4.23.16)

बहवो रक्षपालाश्च तिष्ठन्त्यत्र भयानकाः । नन्दपत्न्या मया सार्धं कृतोऽस्ति समयः पुरा ॥

bahavo rakṣapālāśca tiṣṭhantyatra bhayānakāḥ | nandapatnyā mayā sārdhaṁ kṛto'sti samayaḥ purā ||

"यहाँ अनेक भयानक रक्षक खड़े हैं; मेरे द्वारा पूर्व में नंद-पत्नी के साथ एक व्यवस्था की गई थी—"

श्लोक 17 (devibhagavatam.4.23.17)

प्रेषितव्यस्त्वया पुत्रो मन्दिरे मम मानिनि । पालयिष्याम्यहं तत्र तवातिमनसा किल ॥

preṣitavyastvayā putro mandire mama mānini | pālayiṣyāmyahaṁ tatra tavātimanasā kila ||

"'तुम अपने पुत्र को मेरे कक्ष में भेज देना, हे मानिनी; मैं वहाँ उसकी तुम्हारी ओर से अत्यंत स्नेह से देखभाल करूँगी।'"

श्लोक 18 (devibhagavatam.4.23.18)

अपत्यं ते प्रदास्यामि कंसस्य प्रत्ययाय वै । किं कर्तव्यं प्रभो चात्र विषमे समुपस्थिते ॥

apatyaṁ te pradāsyāmi kaṁsasya pratyayāya vai | kiṁ kartavyaṁ prabho cātra viṣame samupasthite ||

"'— और मैं अपनी संतान तुम्हें कंस की संतुष्टि हेतु दे दूँगी।' हे प्रभो! अब इस विषम स्थिति में क्या करना चाहिए?"

श्लोक 19 (devibhagavatam.4.23.19)

व्यत्ययः सन्ततेः शौरे कथं कर्तुं क्षमो भवेः । दूरे तिष्ठस्व कान्ताद्य लज्जा मेऽतिदुरत्यया ॥

vyatyayaḥ santateḥ śaure kathaṁ kartuṁ kṣamo bhaveḥ | dūre tiṣṭhasva kāntādya lajjā me'tiduratyayā ||

"हे शौरे! तुम संतान का यह विनिमय कैसे कर पाओगे? हे प्रिय! आज मुझसे दूर रहो; मेरी लज्जा अत्यंत दुस्तर है।"

श्लोक 20 (devibhagavatam.4.23.20)

परावृत्य मुखं स्वामिन्नन्यथा किं करोम्यहम् । इत्युक्त्वा तं महाभागं देवकी देवसम्मतम् ॥

parāvṛtya mukhaṁ svāminnanyathā kiṁ karomyaham | ityuktvā taṁ mahābhāgaṁ devakī devasammatam ||

"हे स्वामी! अपना मुख फेर लो; अन्यथा मैं और क्या करूँ?" उस देवसम्मत महाभाग वसुदेव से ऐसा कहकर—

श्लोक 21 (devibhagavatam.4.23.21)

बालकं सुषुवे तत्र निशीथे परमाद्भुतम् । तं दृष्ट्वा विस्मयं प्राप देवकी बालकं शुभम् ॥

bālakaṁ suṣuve tatra niśīthe paramādbhutam | taṁ dṛṣṭvā vismayaṁ prāpa devakī bālakaṁ śubham ||

— देवकी ने वहाँ आधी रात को उस परम अद्भुत बालक को जन्म दिया। उस शुभ बालक को देखकर देवकी विस्मित हो गईं।

श्लोक 22 (devibhagavatam.4.23.22)

पतिं प्राह महाभागा हर्षोत्कुल्लकलेवरा । पश्य पुत्रमुखं कान्त दुर्लभं हि तव प्रभो ॥

patiṁ prāha mahābhāgā harṣotkullakalevarā | paśya putramukhaṁ kānta durlabhaṁ hi tava prabho ||

महाभागा देवकी ने हर्ष से रोमांचित होकर पति से कहा — "हे प्रभो! हे कांत! देखो अपने पुत्र का मुख, जो तुम्हारे लिए अत्यंत दुर्लभ है।"

श्लोक 23 (devibhagavatam.4.23.23)

अद्यैनं कालरूपोऽसौ घातयिष्यति भ्रातृजः । वसुदेवस्तथेत्युक्त्वा तमादाय करे सुतम् ॥

adyainaṁ kālarūpo'sau ghātayiṣyati bhrātṛjaḥ | vasudevastathetyuktvā tamādāya kare sutam ||

"आज ही उसे, कालरूपी भ्राता-पुत्र, मार डालेगा।" वसुदेव ने "तथास्तु" कहकर पुत्र को हाथ में लेकर—

श्लोक 24 (devibhagavatam.4.23.24)

अपश्यच्चाननं तस्य सुतस्याद्भुतकर्मणः । वीक्ष्य पुत्रमुखं शौरिश्चिन्ताविष्टो बभूव ह ॥

apaśyaccānanaṁ tasya sutasyādbhutakarmaṇaḥ | vīkṣya putramukhaṁ śauriścintāviṣṭo babhūva ha ||

— उस अद्भुत कर्मों वाले पुत्र का मुख देखा। पुत्र का मुख देखकर शौरि चिंता से व्याकुल हो गए।

श्लोक 25 (devibhagavatam.4.23.25)

किं करोमि कथं न स्याद्दुःखमस्य कृते मम । एवं चिन्तातुरे तस्मिन्वागुवाचाशरीरिणी ॥

kiṁ karomi kathaṁ na syādduḥkhamasya kṛte mama | evaṁ cintāture tasminvāguvācāśarīriṇī ||

"मैं क्या करूँ? मेरे कारण इसे दुःख कैसे न हो?" वे इस प्रकार चिंता से व्याकुल थे, तभी एक अशरीरी वाणी बोली—

श्लोक 26 (devibhagavatam.4.23.26)

वसुदेवं समाभाष्य गगने विशदाक्षरा । वसुदेव गृहीत्वैनं गोकुलं नय सत्वरः ॥

vasudevaṁ samābhāṣya gagane viśadākṣarā | vasudeva gṛhītvainaṁ gokulaṁ naya satvaraḥ ||

— वसुदेव को संबोधित करते हुए, आकाश में स्पष्ट स्वरों में — "हे वसुदेव! इसे लेकर शीघ्र गोकुल जाओ।"

श्लोक 27 (devibhagavatam.4.23.27)

रक्षपालास्तथा सर्वे मया निद्राविमोहिताः । विवृतानि कृतान्यष्ट कपाटानि च शृङ्खलाः ॥

rakṣapālāstathā sarve mayā nidrāvimohitāḥ | vivṛtāni kṛtānyaṣṭa kapāṭāni ca śṛṅkhalāḥ ||

"सभी रक्षक भी मेरे द्वारा गहरी मोहनिद्रा में डाल दिए गए हैं; आठों द्वार और साँकलें खोल दी गई हैं।"

श्लोक 28 (devibhagavatam.4.23.28)

मुक्त्वैनं नन्दगेहे त्वं योगमायां समानय । श्रुत्वैवं वसुदेवस्तु तस्मिन्कारागृहे गतः ॥

muktvainaṁ nandagehe tvaṁ yogamāyāṁ samānaya | śrutvaivaṁ vasudevastu tasminkārāgṛhe gataḥ ||

"उसे नंद के घर छोड़कर योगमाया को उसके स्थान पर ले आओ।" यह सुनकर वसुदेव उस कारागृह में गए—

श्लोक 29 (devibhagavatam.4.23.29)

विवृतं द्वारमालोक्य बभूव तरसा नृप । तमादाय ययावाशु द्वारपालैरलक्षितः ॥

vivṛtaṁ dvāramālokya babhūva tarasā nṛpa | tamādāya yayāvāśu dvārapālairalakṣitaḥ ||

— और द्वार को खुला देखकर, हे राजन्! वे शीघ्रता से उसे लेकर, द्वारपालों को दिखाई दिए बिना, चल पड़े।

श्लोक 30 (devibhagavatam.4.23.30)

कालिन्दीतटमासाद्य पूरं दृष्ट्वा सुनिश्चितम् । तदैव कटिदघ्नी सा बभूवाशु सरिद्वरा ॥

kālindītaṭamāsādya pūraṁ dṛṣṭvā suniścitam | tadaiva kaṭidaghnī sā babhūvāśu saridvarā ||

कालिंदी के तट पर पहुँचकर, नदी को पूर्ण बाढ़ में देखकर — तभी वह श्रेष्ठ नदी तुरंत कमर-भर गहरी रह गई।

श्लोक 31 (devibhagavatam.4.23.31)

योगमायाप्रभावेण ततारानकदुन्दुभिः । गत्वा तु गोकुलं शौरिर्निशीथे निर्जने पथि ॥

yogamāyāprabhāveṇa tatārānakadundubhiḥ | gatvā tu gokulaṁ śaurirniśīthe nirjane pathi ||

योगमाया के प्रभाव से आनकदुंदुभि (वसुदेव) पार हो गए; तब गोकुल जाते हुए शौरि आधी रात को सुनसान मार्ग पर—

श्लोक 32 (devibhagavatam.4.23.32)

नन्दद्वारे स्थितः पश्यन्विभूतिं पशुसंज्ञिताम् । तदैव तत्र सञ्जाता यशोदा गर्भसम्भवा ॥

nandadvāre sthitaḥ paśyanvibhūtiṁ paśusaṁjñitām | tadaiva tatra sañjātā yaśodā garbhasambhavā ||

— नंद के द्वार पर खड़े होकर पशुधन-रूपी वैभव को देखने लगे। उसी क्षण यशोदा ने जन्म दिया—

श्लोक 33 (devibhagavatam.4.23.33)

योगमायांशजा देवी त्रिगुणा दिव्यरूपिणी । जातां तां बालिकां दिव्यां गृहीत्वा करपङ्कजे ॥

yogamāyāṁśajā devī triguṇā divyarūpiṇī | jātāṁ tāṁ bālikāṁ divyāṁ gṛhītvā karapaṅkaje ||

— योगमाया के अंश से उत्पन्न देवी को, जो त्रिगुणात्मिका, दिव्यरूपिणी थीं। उस दिव्य बालिका को अपने करकमल में लेकर—

श्लोक 34 (devibhagavatam.4.23.34)

तत्रागत्य ददौ देवी सैरन्ध्रीरूपधारिणी । वसुदेवः सुतं दत्त्वा सैरन्ध्रीकरपङ्कजे ॥

tatrāgatya dadau devī sairandhrīrūpadhāriṇī | vasudevaḥ sutaṁ dattvā sairandhrīkarapaṅkaje ||

— वहाँ आकर सेविका-रूप धारण किए हुए देवी ने उसे वसुदेव को दे दिया। वसुदेव ने अपने पुत्र को सेविका के करकमल में देकर—

श्लोक 35 (devibhagavatam.4.23.35)

तामादाय ययौ शीघ्रं बालिकां मुदिताशयः । कारागारे ततो गत्वा देवक्याः शयने सुताम् ॥

tāmādāya yayau śīghraṁ bālikāṁ muditāśayaḥ | kārāgāre tato gatvā devakyāḥ śayane sutām ||

— उस बालिका को लेकर प्रसन्नचित्त होकर शीघ्रता से चले गए। फिर कारागार में जाकर, देवकी की शय्या के पास पुत्री को रखकर—

श्लोक 36 (devibhagavatam.4.23.36)

निःक्षिप्य संस्थितः पार्श्वे चिन्ताविष्टो भयातुरः । रुरोद सुस्वरं कन्या तदैवागतसंज्ञकाः ॥

niḥkṣipya saṁsthitaḥ pārśve cintāviṣṭo bhayāturaḥ | ruroda susvaraṁ kanyā tadaivāgatasaṁjñakāḥ ||

— रखकर वे उसके पास चिंतायुक्त, भयातुर होकर बैठे रहे। बालिका जोर से रो पड़ी, और उसी क्षण जो अचेत हो गए थे—

श्लोक 37 (devibhagavatam.4.23.37)

उत्तस्थुः सेवका राज्ञः श्रुत्वा तद्रुदितं निशि । तमूचुर्भूपतिं गत्वा त्वरितास्तेऽतिविह्वलाः ॥

uttasthuḥ sevakā rājñaḥ śrutvā tadruditaṁ niśi | tamūcurbhūpatiṁ gatvā tvaritāste'tivihvalāḥ ||

— राजा के सेवक जाग उठे, रात्रि में वह रुदन सुनकर; वे अत्यंत विह्वल होकर शीघ्रता से राजा के पास जाकर बोले—

श्लोक 38 (devibhagavatam.4.23.38)

देवक्याश्च सुतो जातः शीघ्रमेहि महामते । तदाकर्ण्य वचस्तेषां शीघ्रं भोजपतिर्ययौ ॥

devakyāśca suto jātaḥ śīghramehi mahāmate | tadākarṇya vacasteṣāṁ śīghraṁ bhojapatiryayau ||

"देवकी को पुत्र उत्पन्न हुआ है; हे महामते! शीघ्र आइए।" उनके वचन सुनकर भोजपति (कंस) शीघ्रता से गए—

श्लोक 39 (devibhagavatam.4.23.39)

प्रावृतं द्वारमालोक्य वसुदेवमथाह्वयत् । कंस उवाच । सुतमानय देवक्या वसुदेव महामते ॥

prāvṛtaṁ dvāramālokya vasudevamathāhvayat | kaṁsa uvāca | sutamānaya devakyā vasudeva mahāmate ||

— और द्वार को खुला देखकर वसुदेव को पुकारा। कंस ने कहा — "हे महामते वसुदेव! देवकी की संतान लाओ।"

श्लोक 40 (devibhagavatam.4.23.40)

मृत्युर्मे चाष्टमो गर्भस्तन्निहन्मि रिपुं हरिम् । व्यास उवाच । श्रुत्वा कंसवचः शौरिर्भयत्रस्तविलोचनः ॥

mṛtyurme cāṣṭamo garbhastannihanmi ripuṁ harim | vyāsa uvāca | śrutvā kaṁsavacaḥ śaurirbhayatrastavilocanaḥ ||

"मेरी मृत्यु वह आठवाँ गर्भ है — मैं उस शत्रु हरि का वध करूँगा।" व्यास जी ने कहा — कंस के वचन सुनकर शौरि, भय से चंचल नेत्र लिए—

श्लोक 41 (devibhagavatam.4.23.41)

तामादाय सुतां पाणौ ददौ चाशु रुदन्निव । दृष्ट्वाथ दारिकां राजा विस्मयं परमं गतः ॥

tāmādāya sutāṁ pāṇau dadau cāśu rudanniva | dṛṣṭvātha dārikāṁ rājā vismayaṁ paramaṁ gataḥ ||

— उस पुत्री को लेकर मानो रोते हुए शीघ्रता से उसके हाथ में दे दिया। उस बालिका को देखकर राजा अत्यंत विस्मित हुआ:

श्लोक 42 (devibhagavatam.4.23.42)

देववाणी वृथा जाता नारदस्य च भाषितम् । वसुदेवः कथं कुर्यादनृतं सङ्कटे स्थितः ॥

devavāṇī vṛthā jātā nāradasya ca bhāṣitam | vasudevaḥ kathaṁ kuryādanṛtaṁ saṅkaṭe sthitaḥ ||

"क्या देववाणी और नारद का कथन व्यर्थ ही सिद्ध हुआ? विषम स्थिति में पड़कर भी वसुदेव मिथ्या आचरण भला कैसे करेंगे?"

श्लोक 43 (devibhagavatam.4.23.43)

रक्षपालाश्च मे सर्वे सावधाना न संशयः । कुतोऽत्र कन्यका कामं क्व गतः स सुतः किल ॥

rakṣapālāśca me sarve sāvadhānā na saṁśayaḥ | kuto'tra kanyakā kāmaṁ kva gataḥ sa sutaḥ kila ||

"मेरे सभी रक्षक निश्चय ही सावधान हैं — तो यह कन्या कहाँ से आई? वह पुत्र भला कहाँ गया?"

श्लोक 44 (devibhagavatam.4.23.44)

सन्देहोऽत्र न कर्तव्यः कालस्य विषमा गतिः । इति सञ्चिन्त्य तां बालां गृहीत्वा पादयोः खलः ॥

sandeho'tra na kartavyaḥ kālasya viṣamā gatiḥ | iti sañcintya tāṁ bālāṁ gṛhītvā pādayoḥ khalaḥ ||

"यहाँ कोई संदेह नहीं करना चाहिए — काल की गति विषम होती है।" ऐसा सोचकर उस दुष्ट ने उस बालिका को पैरों से पकड़कर—

श्लोक 45 (devibhagavatam.4.23.45)

पोथयामास पाषाणे निर्घृणः कुलपांसनः । सा करान्निःसृता बाला ययावाकाशमण्डलम् ॥

pothayāmāsa pāṣāṇe nirghṛṇaḥ kulapāṁsanaḥ | sā karānniḥsṛtā bālā yayāvākāśamaṇḍalam ||

— निर्दयतापूर्वक पत्थर पर पटक दिया, वह कुल-कलंकित दुष्ट। वह बालिका उसके हाथों से निकलकर आकाश-मंडल में चली गई।

श्लोक 46 (devibhagavatam.4.23.46)

दिव्यरूपा तदा भूत्वा तमुवाच मृदुस्वना । किं मया हतया पाप जातस्ते बलवान् रिपुः ॥

divyarūpā tadā bhūtvā tamuvāca mṛdusvanā | kiṁ mayā hatayā pāpa jātaste balavān ripuḥ ||

तब दिव्य रूप धारण करके उसने मृदु स्वर में उससे कहा — "हे पापी! मुझे मारकर तुझे क्या मिला? तुम्हारा बलवान शत्रु तो जन्म ले चुका है।"

श्लोक 47 (devibhagavatam.4.23.47)

हनिष्यति दुराराध्यः सर्वथा त्वां नराधमम् । इत्युक्त्वा सा गता कन्या गगनं कामगा शिवा ॥

haniṣyati durārādhyaḥ sarvathā tvāṁ narādhamam | ityuktvā sā gatā kanyā gaganaṁ kāmagā śivā ||

"वह, सर्वथा दुराराध्य, तुझ नराधम का वध अवश्य करेगा।" ऐसा कहकर वह कन्या, कल्याणी, इच्छानुसार गमन करने वाली, आकाश में चली गई।

श्लोक 48 (devibhagavatam.4.23.48)

कंसस्तु विस्मयाविष्टो गतो निजगृहं तदा । आनाय्य दानवान्सर्वानिदं वचनमब्रवीत् ॥

kaṁsastu vismayāviṣṭo gato nijagṛhaṁ tadā | ānāyya dānavānsarvānidaṁ vacanamabravīt ||

कंस विस्मय से अभिभूत होकर तब अपने महल गया; सभी दानवों को बुलाकर उसने यह वचन कहा—

श्लोक 49 (devibhagavatam.4.23.49)

बकधेनुकवत्सादीन्क्रोधाविष्टो भयातुरः । गच्छन्तु दानवाः सर्वे मम कार्यार्थसिद्धये ॥

bakadhenukavatsādīnkrodhāviṣṭo bhayāturaḥ | gacchantu dānavāḥ sarve mama kāryārthasiddhaye ||

— बक, धेनुक, वत्स आदि से, क्रोध और भय से व्याकुल होकर — "मेरे कार्य की सिद्धि हेतु सभी दानव जाएँ।"

श्लोक 50 (devibhagavatam.4.23.50)

जातमात्राश्च हन्तव्या बालका यत्र कुत्रचित् । पूतनैषा व्रजत्वद्य बालघ्नी नन्दगोकुलम् ॥

jātamātrāśca hantavyā bālakā yatra kutracit | pūtanaiṣā vrajatvadya bālaghnī nandagokulam ||

"जहाँ कहीं भी नवजात बालक हों, उन्हें मार डालना चाहिए। यह पूतना, शिशुघातिनी, अभी नंद के गोकुल जाए।"

श्लोक 51 (devibhagavatam.4.23.51)

जातमात्रान्विनिघ्नन्ती शिशूंस्तत्र ममाज्ञया । धेनुको वत्सकः केशी प्रलम्बो बक एव च ॥

jātamātrānvinighnantī śiśūṁstatra mamājñayā | dhenuko vatsakaḥ keśī pralambo baka eva ca ||

"मेरी आज्ञा से वहाँ नवजात शिशुओं का वध करती हुई — और धेनुक, वत्सक, केशी, प्रलंब, तथा बक भी—"

श्लोक 52 (devibhagavatam.4.23.52)

सर्वे तिष्ठन्तु तत्रैव मम कार्यचिकीर्षया । इत्याज्ञाप्यासुरान्कंसो ययौ निजगृहं खलः ॥

sarve tiṣṭhantu tatraiva mama kāryacikīrṣayā | ityājñāpyāsurānkaṁso yayau nijagṛhaṁ khalaḥ ||

"— सब वहीं रहें, मेरे कार्य की सिद्धि की कामना से।" इस प्रकार असुरों को आदेश देकर दुष्ट कंस अपने महल गया।

श्लोक 53 (devibhagavatam.4.23.53)

चिन्ताविष्टोऽतिदीनात्मा चिन्तयित्वैव तं पुनः ॥

cintāviṣṭo'tidīnātmā cintayitvaiva taṁ punaḥ ||

चिंता से व्याकुल, अत्यंत दीन आत्मा वाला, उस खतरे पर पुनः विचार करते हुए—