देव-दानवों के अंशावतरण का वर्णन

श्लोक 1 (devibhagavatam.4.22.1)

जनमेजय उवाच । किं कृतं पातकं तेन बालकेन पितामह । यज्जातमात्रो निहतस्तथा तेन दुरात्मना ॥

janamejaya uvāca | kiṁ kṛtaṁ pātakaṁ tena bālakena pitāmaha | yajjātamātro nihatastathā tena durātmanā ||

जनमेजय ने कहा — "हे पितामह! उस बालक ने ऐसा कौन-सा पाप किया था कि वह जन्मते ही उस दुरात्मा द्वारा मार डाला गया?"

श्लोक 2 (devibhagavatam.4.22.2)

नारदोऽपि मुनिश्रेष्ठो ज्ञानवान्धर्मतत्परः । कथमेवंविधं पापं कृतवान्ब्रह्मवित्तमः ॥

nārado'pi muniśreṣṭho jñānavāndharmatatparaḥ | kathamevaṁvidhaṁ pāpaṁ kṛtavānbrahmavittamaḥ ||

"और नारद भी, मुनिश्रेष्ठ, ज्ञानवान और धर्मपरायण — वह ब्रह्मवेत्ताओं में श्रेष्ठ, ऐसा पाप कैसे कर बैठे?"

श्लोक 3 (devibhagavatam.4.22.3)

कर्ता कारयिता पापे तुल्यपापौ स्मृतौ बुधैः । स कथं प्रेरयामास मुनिः कंसं खलं तदा ॥

kartā kārayitā pāpe tulyapāpau smṛtau budhaiḥ | sa kathaṁ prerayāmāsa muniḥ kaṁsaṁ khalaṁ tadā ||

"पाप का कर्ता और कारक — दोनों बुद्धिमानों द्वारा समान पापी माने जाते हैं; तो उस मुनि ने उस दुष्ट कंस को कैसे प्रेरित किया?"

श्लोक 4 (devibhagavatam.4.22.4)

संशयोऽयं महान्मेऽत्र ब्रूहि सर्वं सविस्तरम् । येन कर्मविपाकेन बालको निधनं गतः ॥

saṁśayo'yaṁ mahānme'tra brūhi sarvaṁ savistaram | yena karmavipākena bālako nidhanaṁ gataḥ ||

"मुझे यहाँ यह महान संशय है — मुझे सब कुछ विस्तार से बताइए: किस कर्म-परिपाक से वह बालक मृत्यु को प्राप्त हुआ?"

श्लोक 5 (devibhagavatam.4.22.5)

व्यास उवाच । नारदः कौतुकप्रेक्षी सर्वदा कलहप्रियः । देवकार्यार्थमागत्य सर्वमेतच्चकार ह ॥

vyāsa uvāca | nāradaḥ kautukaprekṣī sarvadā kalahapriyaḥ | devakāryārthamāgatya sarvametaccakāra ha ||

व्यास जी ने कहा — "नारद, सदैव कौतुक देखने वाले, सदा कलहप्रिय, देवकार्य हेतु आकर, यह सब किया।"

श्लोक 6 (devibhagavatam.4.22.6)

न मिथ्याभाषणे बुद्धिर्मुनेस्तस्य कदाचन । सत्यवक्ता सुराणां स कर्तव्ये निरतः शुचिः ॥

na mithyābhāṣaṇe buddhirmunestasya kadācana | satyavaktā surāṇāṁ sa kartavye nirataḥ śuciḥ ||

"उस मुनि की बुद्धि कभी भी मिथ्या भाषण में नहीं जाती; वे देवताओं के सत्यवक्ता हैं, सदैव कर्तव्य में निरत, पवित्र।"

श्लोक 7 (devibhagavatam.4.22.7)

एवं षड् बालकास्तेन जाता जाता निपातिताः । षड् गर्भाः शापयोगेन सम्भूय मरणं गताः ॥

evaṁ ṣaḍ bālakāstena jātā jātā nipātitāḥ | ṣaḍ garbhāḥ śāpayogena sambhūya maraṇaṁ gatāḥ ||

"इस प्रकार छह बालक, जन्म लेते ही एक-एक करके, उसके द्वारा मार डाले गए; शाप के प्रभाव से छह गर्भ, एकत्र होकर, मृत्यु को प्राप्त हुए।"

श्लोक 8 (devibhagavatam.4.22.8)

शृणु राजन्प्रवक्ष्यामि तेषां शापस्य कारणम् । स्वायम्भुवेऽन्तरे पुत्रा मरीचेः षण्महाबलाः ॥

śṛṇu rājanpravakṣyāmi teṣāṁ śāpasya kāraṇam | svāyambhuve'ntare putrā marīceḥ ṣaṇmahābalāḥ ||

"हे राजन्! सुनो, मैं उनके शाप का कारण कहूँगा। स्वायंभुव मन्वंतर में मरीचि के छह पुत्र थे, महाबली—"

श्लोक 9 (devibhagavatam.4.22.9)

ऊर्णायां चैव भार्यायामासन्धर्मविचक्षणाः । ब्रह्माणं जहसुर्वीक्ष्य सुतां यभितुमुद्यतम् ॥

ūrṇāyāṁ caiva bhāryāyāmāsandharmavicakṣaṇāḥ | brahmāṇaṁ jahasurvīkṣya sutāṁ yabhitumudyatam ||

"— अपनी पत्नी ऊर्णा से उत्पन्न, धर्म में निपुण; उन्होंने ब्रह्मा को अपनी ही पुत्री के साथ रमण हेतु उद्यत देखकर हँसी की।"

श्लोक 10 (devibhagavatam.4.22.10)

शशाप तांस्तदा ब्रह्मा दैत्ययोनिं विशन्त्वधः । कालनेमिसुता जातास्ते षड्गर्भा विशाम्पते ॥

śaśāpa tāṁstadā brahmā daityayoniṁ viśantvadhaḥ | kālanemisutā jātāste ṣaḍgarbhā viśāmpate ||

"ब्रह्मा ने तब उन्हें शाप दिया — 'तुम नीचे दैत्य-योनि में प्रवेश करो!' हे विशांपते! वे कालनेमि के पुत्रों के रूप में जन्मे, वे छह गर्भ।"

श्लोक 11 (devibhagavatam.4.22.11)

अवतारे परे ते तु हिरण्यकशिपोः सुताः । जातास्ते ज्ञानसंयुक्ताः पूर्वशापभयान्नृप ॥

avatāre pare te tu hiraṇyakaśipoḥ sutāḥ | jātāste jñānasaṁyuktāḥ pūrvaśāpabhayānnṛpa ||

"अन्य अवतार में वे हिरण्यकशिपु के पुत्र बने; हे राजन्! पूर्व शाप के भय से ज्ञान-संयुक्त होकर—"

श्लोक 12 (devibhagavatam.4.22.12)

तस्मिञ्जन्मनि शान्ताश्च तपश्चक्रुः समाहिताः । तेषां प्रीतोऽभवद् ब्रह्मा षड्गर्भाणां वरान्ददौ ॥

tasmiñjanmani śāntāśca tapaścakruḥ samāhitāḥ | teṣāṁ prīto'bhavad brahmā ṣaḍgarbhāṇāṁ varāndadau ||

"— उस जन्म में शांत होकर उन्होंने एकाग्रचित्त तपस्या की। उनसे प्रसन्न होकर ब्रह्मा ने उन छह गर्भों को वरदान दिया।"

श्लोक 13 (devibhagavatam.4.22.13)

ब्रह्मोवाच । शप्ता यूयं मया पूर्वं क्रोधयुक्तेन पुत्रकाः । तुष्टोऽस्मि वो महाभागा ब्रुवन्तु वाञ्छितं वरम् ॥

brahmovāca | śaptā yūyaṁ mayā pūrvaṁ krodhayuktena putrakāḥ | tuṣṭo'smi vo mahābhāgā bruvantu vāñchitaṁ varam ||

ब्रह्मा ने कहा — "हे पुत्रो! तुम पूर्व में मेरे द्वारा क्रोधवश शापित हुए थे; हे महाभागो! मैं तुमसे प्रसन्न हूँ — अपना वांछित वर माँगो।"

श्लोक 14 (devibhagavatam.4.22.14)

व्यास उवाच । ते तु श्रुत्वा वचस्तस्य ब्रह्मणः प्रीतमानसाः । ब्रह्माणमब्रुवन्कामं सर्वे कार्यार्थतत्पराः ॥

vyāsa uvāca | te tu śrutvā vacastasya brahmaṇaḥ prītamānasāḥ | brahmāṇamabruvankāmaṁ sarve kāryārthatatparāḥ ||

व्यास जी ने कहा — उसके वचन सुनकर, प्रसन्नचित्त होकर, वे सभी, अपने प्रयोजन में तत्पर होकर, ब्रह्मा से बोले—

श्लोक 15 (devibhagavatam.4.22.15)

गर्भा ऊचुः । पितामहाद्य तुष्टोऽसि देहि नो वाञ्छितं वरम् । अवध्या दैवतैः सर्वैर्मानवैश्च महोरगैः ॥

garbhā ūcuḥ | pitāmahādya tuṣṭo'si dehi no vāñchitaṁ varam | avadhyā daivataiḥ sarvairmānavaiśca mahoragaiḥ ||

उन गर्भों ने कहा — "हे पितामह! आज आप प्रसन्न हैं, तो हमें वांछित वर दीजिए: देवताओं, मनुष्यों और महानागों द्वारा हम अवध्य हों—"

श्लोक 16 (devibhagavatam.4.22.16)

गन्धर्वसिद्धपतिभिर्वधो माभूत्पितामह । व्यास उवाच । तानुवाच ततो ब्रह्मा सर्वमेतद्भविष्यति ॥

gandharvasiddhapatibhirvadho mābhūtpitāmaha | vyāsa uvāca | tānuvāca tato brahmā sarvametadbhaviṣyati ||

"— हे पितामह! गंधर्वों और सिद्धपतियों के हाथों भी हमारा वध न हो।" व्यास जी ने कहा — ब्रह्मा ने तब उनसे कहा — "यह सब वैसा ही होगा—"

श्लोक 17 (devibhagavatam.4.22.17)

गच्छन्तु वो महाभागाः सत्यमेव न संशयः । दत्त्वा वरं गतो ब्रह्मा मुदितास्ते तदाभवन् ॥

gacchantu vo mahābhāgāḥ satyameva na saṁśayaḥ | dattvā varaṁ gato brahmā muditāste tadābhavan ||

"— हे महाभागो! अब जाओ; यह निश्चय ही सत्य है, इसमें संशय नहीं।" वरदान देकर ब्रह्मा चले गए, और वे तब हर्षित हुए।

श्लोक 18 (devibhagavatam.4.22.18)

हिरण्यकशिपुः क्रुद्धस्तानुवाच कुरूद्वह । यस्माद्विहाय मां पुत्रास्तोषितो वै पितामहः ॥

hiraṇyakaśipuḥ kruddhastānuvāca kurūdvaha | yasmādvihāya māṁ putrāstoṣito vai pitāmahaḥ ||

हिरण्यकशिपु ने क्रुद्ध होकर उनसे कहा, हे कुरुवंशी! — "चूँकि, हे पुत्रो! मुझे त्यागकर तुमने पितामह को प्रसन्न किया है—"

श्लोक 19 (devibhagavatam.4.22.19)

वरेण प्रार्थितोऽत्यर्थं बलवन्तो यतोऽभवन् । युष्माभिर्हापितः स्नेहस्ततो युष्मांस्त्यजाम्यहम् ॥

vareṇa prārthito'tyarthaṁ balavanto yato'bhavan | yuṣmābhirhāpitaḥ snehastato yuṣmāṁstyajāmyaham ||

"— और वर के लिए अत्यधिक प्रार्थना करके तुम बलवान हो गए हो — तुमने ही मेरा स्नेह खो दिया है; अतः मैं तुम्हें त्यागता हूँ।"

श्लोक 20 (devibhagavatam.4.22.20)

यूयं व्रजन्तु पाताले षड्गर्भा विश्रुता भुवि । पाताले निद्रयाविष्टास्तिष्ठन्तु बहुवत्सरान् ॥

yūyaṁ vrajantu pātāle ṣaḍgarbhā viśrutā bhuvi | pātāle nidrayāviṣṭāstiṣṭhantu bahuvatsarān ||

"पृथ्वी पर विख्यात हे छह गर्भो! पाताल को जाओ; पाताल में निद्रा से आविष्ट होकर अनेक वर्षों तक रहो।"

श्लोक 21 (devibhagavatam.4.22.21)

ततस्तु देवकीगर्भे वर्षे वर्षे पुनः पुनः । पिता वः कालनेमिस्तु तत्र कंसो भविष्यति ॥

tatastu devakīgarbhe varṣe varṣe punaḥ punaḥ | pitā vaḥ kālanemistu tatra kaṁso bhaviṣyati ||

"फिर देवकी के गर्भ में, वर्ष-प्रति-वर्ष, बार-बार — तुम्हारा पिता कालनेमि ही वहाँ कंस बनेगा।"

श्लोक 22 (devibhagavatam.4.22.22)

स एव जातमात्रान्वो वधिष्यति सुदारुणः । व्यास उवाच । एवं शप्तांस्तदा तेन गर्भे जातान्पुनः पुनः ॥

sa eva jātamātrānvo vadhiṣyati sudāruṇaḥ | vyāsa uvāca | evaṁ śaptāṁstadā tena garbhe jātānpunaḥ punaḥ ||

"वही अत्यंत भीषण, तुम्हें जन्मते ही मार डालेगा।" व्यास जी ने कहा — इस प्रकार उन्हें शापित कर, जब वे बार-बार उस गर्भ में जन्मे—

श्लोक 23 (devibhagavatam.4.22.23)

जघान देवकीपुत्रान्षड्गर्भाञ्छापनोदितः । शेषांशः सप्तमस्तत्र देवकीगर्भसंस्थितः ॥

jaghāna devakīputrānṣaḍgarbhāñchāpanoditaḥ | śeṣāṁśaḥ saptamastatra devakīgarbhasaṁsthitaḥ ||

— उसने कंस ने, शाप से प्रेरित होकर, देवकी के छह पुत्रों, उन छह गर्भों का वध किया। शेष का अंश, सातवाँ, वहाँ देवकी के गर्भ में स्थित—

श्लोक 24 (devibhagavatam.4.22.24)

विस्रंसितश्च गर्भोऽसौ योगेन योगमायया । नीतश्च रोहिणीगर्भे कृत्वा सङ्कर्षणं बलात् ॥

visraṁsitaśca garbho'sau yogena yogamāyayā | nītaśca rohiṇīgarbhe kṛtvā saṅkarṣaṇaṁ balāt ||

— वह गर्भ योगमाया के प्रयोग से विस्रंसित (स्थानांतरित) कर दिया गया, और संकर्षण करते हुए बलपूर्वक रोहिणी के गर्भ में पहुँचा दिया गया।

श्लोक 25 (devibhagavatam.4.22.25)

पतितः पञ्चमे मासि लोकख्यातिं गतस्तदा । कंसोऽपि ज्ञातवांस्तत्र देवकीगर्भपातनम् ॥

patitaḥ pañcame māsi lokakhyātiṁ gatastadā | kaṁso'pi jñātavāṁstatra devakīgarbhapātanam ||

पाँचवें मास में गिरने के कारण वह तब लोक में प्रख्यात हुआ। कंस को भी वहाँ देवकी के गर्भ-पात का समाचार मिला—

श्लोक 26 (devibhagavatam.4.22.26)

मुदं प्राप स दुष्टात्मा श्रुत्वा वार्तां सुखावहाम् । अष्टमे देवकीगर्भे भगवान्सात्वतां पतिः ॥

mudaṁ prāpa sa duṣṭātmā śrutvā vārtāṁ sukhāvahām | aṣṭame devakīgarbhe bhagavānsātvatāṁ patiḥ ||

— और उस दुष्टात्मा ने वह सुखद समाचार सुनकर हर्ष का अनुभव किया। फिर देवकी के आठवें गर्भ में सात्वतों के स्वामी भगवान—

श्लोक 27 (devibhagavatam.4.22.27)

उवास देवकार्यार्थं भारावतरणाय च । राजोवाच । वसुदेवः कश्यपांशः शेषांशश्च तदाभवत् ॥

uvāsa devakāryārthaṁ bhārāvataraṇāya ca | rājovāca | vasudevaḥ kaśyapāṁśaḥ śeṣāṁśaśca tadābhavat ||

— देवकार्य और भार-हरण के निमित्त निवास करने लगे। राजा ने कहा — "वसुदेव कश्यप के अंश थे, और शेष का अंश तब—"

श्लोक 28 (devibhagavatam.4.22.28)

हरेरंशस्तथा प्रोक्तो भवता मुनिसत्तम । अन्ये च येंऽशा देवानां तत्र जातास्तु तान्वद ॥

hareraṁśastathā prokto bhavatā munisattama | anye ca yeṁ'śā devānāṁ tatra jātāstu tānvada ||

"— आपके द्वारा हरि का अंश कहा गया है। हे मुनिसत्तम! अन्य जो देवताओं के अंश वहाँ जन्मे, वे भी मुझे बताइए—"

श्लोक 29 (devibhagavatam.4.22.29)

भाराववतारणार्थं वै क्षितेः प्रार्थनयानघ । व्यास उवाच । सुराणामसुराणां च ये येंऽशा भुवि विश्रुताः ॥

bhārāvavatāraṇārthaṁ vai kṣiteḥ prārthanayānagha | vyāsa uvāca | surāṇāmasurāṇāṁ ca ye yeṁ'śā bhuvi viśrutāḥ ||

"— हे अनघ! पृथ्वी की प्रार्थना पर, भार-अवतरण हेतु।" व्यास जी ने कहा — "देवताओं और असुरों के जो अंश पृथ्वी पर विख्यात हुए—"

श्लोक 30 (devibhagavatam.4.22.30)

तानहं सम्प्रवक्ष्यामि सङ्क्षेपेण शृणुष्व तान् । वसुदेवः कश्यपांशो देवकी च तथादितिः ॥

tānahaṁ sampravakṣyāmi saṅkṣepeṇa śṛṇuṣva tān | vasudevaḥ kaśyapāṁśo devakī ca tathāditiḥ ||

"— उन्हें मैं तुम्हें संक्षेप में कहूँगा; सुनो। वसुदेव कश्यप के अंश थे, और देवकी वैसे ही अदिति की।"

श्लोक 31 (devibhagavatam.4.22.31)

बलदेवस्त्वनन्तांशो वर्तमानेषु तेषु च । योऽसौ धर्मसुतः श्रीमान्नारायण इति श्रुतः ॥

baladevastvanantāṁśo vartamāneṣu teṣu ca | yo'sau dharmasutaḥ śrīmānnārāyaṇa iti śrutaḥ ||

"बलदेव अनंत (शेष) के अंश थे; और उस समय जो उपस्थित थे, उनमें जो नारायण नाम से प्रसिद्ध, धर्म के श्रीमान् पुत्र थे—"

श्लोक 32 (devibhagavatam.4.22.32)

तस्यांशो वासुदेवस्तु विद्यमाने मुनौ तदा । नरस्तस्यानुजो यस्तु तस्यांशोऽर्जुन एव च ॥

tasyāṁśo vāsudevastu vidyamāne munau tadā | narastasyānujo yastu tasyāṁśo'rjuna eva ca ||

"— उन्हीं का अंश वासुदेव (कृष्ण) था, जबकि वह मुनि नारायण विद्यमान रहे; और नर, जो उनके अनुज थे — उन्हीं का अंश अर्जुन था।"

श्लोक 33 (devibhagavatam.4.22.33)

युधिष्ठिरस्तु धर्मांशो वाय्वंशो भीम इत्युत । अश्विन्यंशौ ततः प्रोक्तौ माद्रीपुत्रौ महाबलौ ॥

yudhiṣṭhirastu dharmāṁśo vāyvaṁśo bhīma ityuta | aśvinyaṁśau tataḥ proktau mādrīputrau mahābalau ||

"युधिष्ठिर धर्म के अंश थे, और भीम वायु के अंश कहलाए; फिर माद्री के दोनों महाबली पुत्र अश्विनीकुमारों के अंश बताए गए।"

श्लोक 34 (devibhagavatam.4.22.34)

सूर्यांशः कर्ण आख्यातो धर्माशो विदुरः स्मृतः । द्रोणो बृहस्पतेरंशस्तत्सतस्तु शिवांशजः ॥

sūryāṁśaḥ karṇa ākhyāto dharmāśo viduraḥ smṛtaḥ | droṇo bṛhaspateraṁśastatsatastu śivāṁśajaḥ ||

"कर्ण सूर्य के अंश कहे गए; विदुर धर्म के अंश माने गए; द्रोण बृहस्पति के अंश थे, और उनका वह सखा शिव के अंश से जन्मा।"

श्लोक 35 (devibhagavatam.4.22.35)

समुद्रः शन्तनुः प्रोक्तो गङ्गा भार्या मता बुधैः । देवकस्तु समाख्यातो गन्धर्वपतिरागमे ॥

samudraḥ śantanuḥ prokto gaṅgā bhāryā matā budhaiḥ | devakastu samākhyāto gandharvapatirāgame ||

"समुद्र को शंतनु कहा गया, और गंगा को बुद्धिमानों ने उनकी पत्नी माना; आगम में देवक को गंधर्वपति कहा गया।"

श्लोक 36 (devibhagavatam.4.22.36)

वसुर्भीष्मो विराटस्तु मरुद्गण इति स्मृतः । अरिष्टस्य सुतो हंसो धृतराष्ट्रः प्रकीर्तितः ॥

vasurbhīṣmo virāṭastu marudgaṇa iti smṛtaḥ | ariṣṭasya suto haṁso dhṛtarāṣṭraḥ prakīrtitaḥ ||

"भीष्म एक वसु थे; विराट मरुद्गण से जन्मे माने गए। अरिष्ट के पुत्र हंस को धृतराष्ट्र कहा गया।"

श्लोक 37 (devibhagavatam.4.22.37)

मरुद्गणः कृपः प्रोक्तः कृतवर्मा तथापरः । दुर्योधनः कलेरंशः शकुनिं विद्धि द्वापरम् ॥

marudgaṇaḥ kṛpaḥ proktaḥ kṛtavarmā tathāparaḥ | duryodhanaḥ kaleraṁśaḥ śakuniṁ viddhi dvāparam ||

"कृपाचार्य मरुद्गण के कहे गए, और वैसे ही दूसरे, कृतवर्मा भी; दुर्योधन कलि के अंश थे — शकुनि को द्वापर जानो।"

श्लोक 38 (devibhagavatam.4.22.38)

सोमपुत्रः सुवर्चाख्यः सोमप्ररुरुदाहृतः । पावकांशो धृष्टद्युम्नः शिखण्डी राक्षसस्तथा ॥

somaputraḥ suvarcākhyaḥ somaprarurudāhṛtaḥ | pāvakāṁśo dhṛṣṭadyumnaḥ śikhaṇḍī rākṣasastathā ||

"सोम के पुत्र, सुवर्चा नामक, को सोमप्ररु कहा गया; धृष्टद्युम्न अग्नि (पावक) के अंश थे, और वैसे ही राक्षस शिखंडी भी।"

श्लोक 39 (devibhagavatam.4.22.39)

सनत्कुमारस्यांशस्तु प्रद्युम्नः परिकीर्तितः । द्रुपदो वरुणस्यांशो द्रौपदी च रमांशजा ॥

sanatkumārasyāṁśastu pradyumnaḥ parikīrtitaḥ | drupado varuṇasyāṁśo draupadī ca ramāṁśajā ||

"प्रद्युम्न सनत्कुमार के अंश कहे गए; द्रुपद वरुण के अंश थे, और द्रौपदी रमा (लक्ष्मी) के अंश से जन्मीं।"

श्लोक 40 (devibhagavatam.4.22.40)

द्रौपदीतनयाः पञ्च विश्वेदेवांशजाः स्मृताः । कुन्तिः सिद्धिर्धृतिर्माद्री मतिर्गान्धारराजजा ॥

draupadītanayāḥ pañca viśvedevāṁśajāḥ smṛtāḥ | kuntiḥ siddhirdhṛtirmādrī matirgāndhārarājajā ||

"द्रौपदी के पाँचों पुत्र विश्वेदेवों के अंश से जन्मे माने गए। कुंती सिद्धि थीं; माद्री धृति थीं; गांधार-नरेश की पुत्री गांधारी मति थीं।"

श्लोक 41 (devibhagavatam.4.22.41)

कृष्णपत्न्यस्तथा सर्वा देववाराङ्गनाः स्मृताः । राजानश्च तथा सर्वे असुराः शक्रनोदिताः ॥

kṛṣṇapatnyastathā sarvā devavārāṅganāḥ smṛtāḥ | rājānaśca tathā sarve asurāḥ śakranoditāḥ ||

"और कृष्ण की सभी पत्नियाँ देवताओं की अप्सराएँ मानी गईं। और वैसे ही सभी राजा असुर थे, शक्र द्वारा प्रेरित।"

श्लोक 42 (devibhagavatam.4.22.42)

हिरण्यकशिपोरंशः शिशुपाल उदाहृतः । विप्रचित्तिर्जरासन्धः शल्यः प्रह्लाद इत्यपि ॥

hiraṇyakaśiporaṁśaḥ śiśupāla udāhṛtaḥ | vipracittirjarāsandhaḥ śalyaḥ prahlāda ityapi ||

"शिशुपाल हिरण्यकशिपु के अंश कहे गए; जरासंध विप्रचित्ति थे; शल्य को प्रह्लाद कहा गया।"

श्लोक 43 (devibhagavatam.4.22.43)

कालनेमिस्तथा कंसः केशी हयशिरास्तथा । अरिष्टो बलिपुत्रस्तु ककुद्मी गोकुले हतः ॥

kālanemistathā kaṁsaḥ keśī hayaśirāstathā | ariṣṭo baliputrastu kakudmī gokule hataḥ ||

"कंस वैसे ही कालनेमि थे; केशी वैसे ही हयशिरा थे; अरिष्ट, बलि का पुत्र — ककुद्मी (कूबड़ वाला) — गोकुल में मारा गया।"

श्लोक 44 (devibhagavatam.4.22.44)

अनुह्लादो धृष्टकेतुर्भगदत्तोऽथ बाष्कलः । लम्बः प्रलम्बः सञ्चातः खरोऽसौ धेनुकोऽभवत् ॥

anuhlādo dhṛṣṭaketurbhagadatto'tha bāṣkalaḥ | lambaḥ pralambaḥ sañcātaḥ kharo'sau dhenuko'bhavat ||

"अनुह्लाद धृष्टकेतु बने; भगदत्त तब बाष्कल बने; लंब, प्रलंब, संचात, और खर — वही धेनुक बना।"

श्लोक 45 (devibhagavatam.4.22.45)

वाराहश्च किशोरश्च दैत्यौ परमदारुणौ । मल्लौ तावेव सञ्जातौ ख्यातौ चाणूरमुष्टिकौ ॥

vārāhaśca kiśoraśca daityau paramadāruṇau | mallau tāveva sañjātau khyātau cāṇūramuṣṭikau ||

"वाराह और किशोर, दो अत्यंत भीषण दैत्य, वे ही प्रसिद्ध मल्ल चाणूर और मुष्टिक बने।"

श्लोक 46 (devibhagavatam.4.22.46)

दितिपुत्रस्तथारिष्टो गजः कुवलयाभिधः । बलिपुत्री बकी ख्याता बकस्तदनुजः स्मृतः ॥

ditiputrastathāriṣṭo gajaḥ kuvalayābhidhaḥ | baliputrī bakī khyātā bakastadanujaḥ smṛtaḥ ||

"दिति-पुत्र अरिष्ट कुवलयापीड नामक हाथी बना; बलि की पुत्री बकी (पूतना) नाम से विख्यात हुई; बक उसका अनुज माना गया।"

श्लोक 47 (devibhagavatam.4.22.47)

यमो रुद्रस्तथा कामः क्रोधश्चैव चतुर्थकः । तेषामंशैस्तु सञ्जातो द्रोणपुत्रो महाबलः ॥

yamo rudrastathā kāmaḥ krodhaścaiva caturthakaḥ | teṣāmaṁśaistu sañjāto droṇaputro mahābalaḥ ||

"यम, रुद्र, तथा काम, और चौथा क्रोध — इन्हीं के अंशों से द्रोण का महाबली पुत्र (अश्वत्थामा) उत्पन्न हुआ।"

श्लोक 48 (devibhagavatam.4.22.48)

अंशावतरणे पूर्वं दैतेया राक्षसास्तथा । जाताः सर्वे सुरांशास्ते क्षितिभारावतारणे ॥

aṁśāvataraṇe pūrvaṁ daiteyā rākṣasāstathā | jātāḥ sarve surāṁśāste kṣitibhārāvatāraṇe ||

"इस अंशावतरण में, पूर्वकाल के दैत्य और राक्षस भी, सभी अपने-अपने अंशों के रूप में जन्मे — देवताओं के अंशों सहित, पृथ्वी के भार-हरण हेतु।"

श्लोक 49 (devibhagavatam.4.22.49)

एतेषां कथितं राजन्नंशावतरणं नृप । सुराणां चासुराणां च पुराणेषु प्रकीर्तितम् ॥

eteṣāṁ kathitaṁ rājannaṁśāvataraṇaṁ nṛpa | surāṇāṁ cāsurāṇāṁ ca purāṇeṣu prakīrtitam ||

"हे राजन्! इस प्रकार तुम्हें इनका अंशावतरण कहा गया — देवताओं और असुरों का, जैसा पुराणों में वर्णित है।"

श्लोक 50 (devibhagavatam.4.22.50)

यदा ब्रह्मादयो देवाः प्रार्थनार्थं हरिं गताः । हरिणा च तदा दत्तौ केशौ खलु सितासितौ ॥

yadā brahmādayo devāḥ prārthanārthaṁ hariṁ gatāḥ | hariṇā ca tadā dattau keśau khalu sitāsitau ||

"जब ब्रह्मा आदि देवता प्रार्थना हेतु हरि के पास गए, तब हरि ने वहीं दो केश दिए — एक श्वेत और एक श्याम।"

श्लोक 51 (devibhagavatam.4.22.51)

श्यामवर्णस्ततः कृष्णः श्वेतः सङ्कर्षणस्तथा । भारावतारणार्थं तौ जातौ देवांशसम्भवौ ॥

śyāmavarṇastataḥ kṛṣṇaḥ śvetaḥ saṅkarṣaṇastathā | bhārāvatāraṇārthaṁ tau jātau devāṁśasambhavau ||

"श्याम वर्ण वाला कृष्ण बना, और श्वेत वाला संकर्षण (बलराम); वे दोनों देवांश से उत्पन्न हुए, भार-अवतरण हेतु।"

श्लोक 52 (devibhagavatam.4.22.52)

अंशावतरणं चैतच्छृणोति भक्तिभावतः । सर्वपापविनिर्मुक्तो मोदते स्वजनैर्वृतः ॥

aṁśāvataraṇaṁ caitacchṛṇoti bhaktibhāvataḥ | sarvapāpavinirmukto modate svajanairvṛtaḥ ||

"जो कोई भी इस अंशावतरण को भक्तिभाव से सुनता है, वह समस्त पापों से मुक्त होकर, अपने स्वजनों से घिरा हुआ आनंदित होता है।"