कंस द्वारा देवकी के प्रथम पुत्र का वध

श्लोक 1 (devibhagavatam.4.21.1)

व्यास उवाच । अथ काले तु सम्प्राप्ते देवकी देवरूपिणी । गर्भं दधार विधिवद्वसुदेवेन सङ्गता ॥

vyāsa uvāca | atha kāle tu samprāpte devakī devarūpiṇī | garbhaṁ dadhāra vidhivadvasudevena saṅgatā ||

व्यास जी ने कहा — तब समय आने पर देवरूपिणी देवकी ने वसुदेव के साथ विधिवत् संगत होकर गर्भ धारण किया।

श्लोक 2 (devibhagavatam.4.21.2)

पूर्णेऽथ दशमे मासे सुषुवे सुतमुत्तमम् । रूपावयवसम्पन्नं देवकी प्रथमं यदा ॥

pūrṇe'tha daśame māse suṣuve sutamuttamam | rūpāvayavasampannaṁ devakī prathamaṁ yadā ||

दशम मास पूर्ण होने पर देवकी ने पहला पुत्र जन्मा, जो रूप और अंगों से संपन्न, उत्तम था।

श्लोक 3 (devibhagavatam.4.21.3)

तदाऽऽह वसुदेवस्तां सत्यवाक्यानुमोदितः । भावित्वाच्च महाभागो देवकीं देवमातरम् ॥

tadā''ha vasudevastāṁ satyavākyānumoditaḥ | bhāvitvācca mahābhāgo devakīṁ devamātaram ||

तब वसुदेव, महाभाग, अपने सत्यवचन से बंधे हुए और भावी को समझते हुए, देवमाता देवकी से बोले—

श्लोक 4 (devibhagavatam.4.21.4)

वरोरु समयं मे त्वं जानासि स्वसुतार्पणे । मोचिता त्वं महाभागे शपथेन मया तदा ॥

varoru samayaṁ me tvaṁ jānāsi svasutārpaṇe | mocitā tvaṁ mahābhāge śapathena mayā tadā ||

"हे वरोरु! तुम जानती हो मेरा वह वचन, जो अपने पुत्र के अर्पण के विषय में था; हे महाभागे! तुम तब मेरी शपथ से मुक्त कराई गई थीं।"

श्लोक 5 (devibhagavatam.4.21.5)

इमं पुत्रं सुकेशान्ते दास्यामि भ्रातृसूनवे । (खले कंसे विनाशार्थं दैवे किं वा करिष्यसि ।)॥ विचित्रकर्मणां पाको दुर्ज्ञेयो ह्यकृतात्मभिः ॥

imaṁ putraṁ sukeśānte dāsyāmi bhrātṛsūnave | (khale kaṁse vināśārthaṁ daive kiṁ vā kariṣyasi |)|| vicitrakarmaṇāṁ pāko durjñeyo hyakṛtātmabhiḥ ||

"हे सुकेशान्ते! यह पुत्र मैं भ्राता-पुत्र (कंस) को दूँगा। (उस दुष्ट कंस के विनाश हेतु दैव के आगे भला क्या किया जा सकता है?) विचित्र कर्मों का परिपाक असंयत आत्मा वालों के लिए दुर्ज्ञेय होता है।"

श्लोक 6 (devibhagavatam.4.21.6)

सर्वेषां किल जीवानां कालपाशानुवर्तिनाम् । भोक्तव्यं स्वकृतं कर्म शुभ वा यदि वाशुभम् ॥

sarveṣāṁ kila jīvānāṁ kālapāśānuvartinām | bhoktavyaṁ svakṛtaṁ karma śubha vā yadi vāśubham ||

"काल के पाश के अधीन समस्त प्राणियों को अपने ही कर्म को भोगना पड़ता है, चाहे वह शुभ हो या अशुभ।"

श्लोक 7 (devibhagavatam.4.21.7)

प्रारब्धं सर्वथैवात्र जीवस्य विधिनिर्मितम् । देवक्युवाच । स्वामिन् पूर्वं कृतं कर्म भोक्तव्यं सर्वथा नृभिः ॥

prārabdhaṁ sarvathaivātra jīvasya vidhinirmitam | devakyuvāca | svāmin pūrvaṁ kṛtaṁ karma bhoktavyaṁ sarvathā nṛbhiḥ ||

"यहाँ जीव के लिए जो निश्चित है, वह सर्वथा विधि द्वारा ही रचा गया है।" देवकी ने कहा — "हे स्वामी! पूर्वकृत कर्म का भोग मनुष्यों को हर प्रकार से करना ही पड़ता है—"

श्लोक 8 (devibhagavatam.4.21.8)

तीर्थैस्तपोभिर्दानैर्वा किं न याति क्षयं हि तत् । लिखितो धर्मशास्त्रेषु प्रायश्चित्तविधिर्नृप ॥

tīrthaistapobhirdānairvā kiṁ na yāti kṣayaṁ hi tat | likhito dharmaśāstreṣu prāyaścittavidhirnṛpa ||

"— क्या वह तीर्थों, तपस्याओं या दानों से नष्ट नहीं होता? हे राजन्! प्रायश्चित्त की विधि धर्मशास्त्रों में लिखी है,"

श्लोक 9 (devibhagavatam.4.21.9)

पूर्वार्जितानां पापानां विनाशाय महात्मभिः । ब्रह्महा हेमहारी च सुरापो गुरुतल्पगः ॥

pūrvārjitānāṁ pāpānāṁ vināśāya mahātmabhiḥ | brahmahā hemahārī ca surāpo gurutalpagaḥ ||

"— पूर्वार्जित पापों के विनाश हेतु महात्माओं द्वारा। ब्रह्महत्यारा, स्वर्ण-चोर, सुरापायी, गुरु-पत्नी-गामी—"

श्लोक 10 (devibhagavatam.4.21.10)

द्वादशाब्दव्रते चीर्णे शुद्धिं याति यतस्ततः । मन्वादिभिर्यथोद्दिष्टं प्रायश्चित्तं विधानतः ॥

dvādaśābdavrate cīrṇe śuddhiṁ yāti yatastataḥ | manvādibhiryathoddiṣṭaṁ prāyaścittaṁ vidhānataḥ ||

"— द्वादश वर्ष के व्रत का पालन करके शुद्धि प्राप्त कर लेता है; मनु आदि द्वारा जैसा निर्दिष्ट है, वैसा प्रायश्चित्त विधानपूर्वक—"

श्लोक 11 (devibhagavatam.4.21.11)

तथा कृत्वा नरः पापान्मुच्यते वा न वानघ । विगीतवचनास्ते किं मुनयस्तत्त्वदर्शिनः ॥

tathā kṛtvā naraḥ pāpānmucyate vā na vānagha | vigītavacanāste kiṁ munayastattvadarśinaḥ ||

"— इस प्रकार करने से क्या मनुष्य पापों से मुक्त होता है, या नहीं? हे अनघ! क्या तत्त्वदर्शी मुनि विरोधाभासी वचन बोलने वाले हैं?"

श्लोक 12 (devibhagavatam.4.21.12)

याज्ञवल्क्यादयः सर्वे धर्मशास्त्रप्रवर्तकाः । भवितव्यं भवत्येव यद्येवं निश्चयः प्रभो ॥

yājñavalkyādayaḥ sarve dharmaśāstrapravartakāḥ | bhavitavyaṁ bhavatyeva yadyevaṁ niścayaḥ prabho ||

"याज्ञवल्क्य आदि सभी धर्मशास्त्र-प्रवर्तक — 'जो होनहार है वह होकर ही रहेगा' — हे प्रभो! यदि यही निश्चय है,"

श्लोक 13 (devibhagavatam.4.21.13)

आयुर्वेदः स मिथ्यैव मन्त्रवादास्तथाखिलाः । उद्यमस्तु वृथा सर्वमेवं चेद्दैवनिर्मितम् ॥

āyurvedaḥ sa mithyaiva mantravādāstathākhilāḥ | udyamastu vṛthā sarvamevaṁ ceddaivanirmitam ||

"— तो आयुर्वेद मिथ्या ही है, और समस्त मंत्र-प्रयोग भी वैसे ही; और यदि सब कुछ इस प्रकार दैव-निर्मित है, तो उद्यम भी सर्वथा व्यर्थ है।"

श्लोक 14 (devibhagavatam.4.21.14)

भवितव्यं भवत्येव प्रवृत्तिस्तु निरर्थिका । अग्निष्टोमादिकं व्यर्थं नियतं स्वर्गसाधनम् ॥

bhavitavyaṁ bhavatyeva pravṛttistu nirarthikā | agniṣṭomādikaṁ vyarthaṁ niyataṁ svargasādhanam ||

"'जो होनहार है वह होकर ही रहेगा' — तो प्रवृत्ति ही निरर्थक हो जाती है; अग्निष्टोम आदि, जो स्वर्ग के नियत साधन कहे गए हैं, व्यर्थ हो जाते हैं।"

श्लोक 15 (devibhagavatam.4.21.15)

यदा तदा प्रमाणं हि वृथैव परिभाषितम् । वितथे तत्प्रमाणे तु धर्मोच्छेदः कुतो न हि ॥

yadā tadā pramāṇaṁ hi vṛthaiva paribhāṣitam | vitathe tatpramāṇe tu dharmocchedaḥ kuto na hi ||

"यदि दैव ही सदा प्रमाण है, तो शास्त्रीय वचन व्यर्थ ही कहे गए हैं; और यदि वह प्रमाण मिथ्या सिद्ध हो, तो धर्म का उच्छेद क्यों न हो?"

श्लोक 16 (devibhagavatam.4.21.16)

उद्यमे च कृते सिद्धिः प्रत्यक्षेणैव साध्यते । तस्मादत्र प्रकर्तव्यः प्रपञ्चश्चित्तकल्पितः ॥

udyame ca kṛte siddhiḥ pratyakṣeṇaiva sādhyate | tasmādatra prakartavyaḥ prapañcaścittakalpitaḥ ||

"उद्यम करने पर सिद्धि प्रत्यक्ष ही प्राप्त होती दिखती है। अतः यहाँ भी मन द्वारा रचा गया यह प्रयास करना ही चाहिए—"

श्लोक 17 (devibhagavatam.4.21.17)

यथायं बालकः क्षेमं प्राप्नोति मम पुत्रकः । मिथ्या यदि प्रकर्तव्यं वचनं शुभमिच्छता ॥

yathāyaṁ bālakaḥ kṣemaṁ prāpnoti mama putrakaḥ | mithyā yadi prakartavyaṁ vacanaṁ śubhamicchatā ||

"— जिससे यह बालक, मेरा पुत्र, सुरक्षा प्राप्त कर सके। कल्याण चाहने वाले को यदि असत्य भी बोलना पड़े—"

श्लोक 18 (devibhagavatam.4.21.18)

न तत्र दूषणं किञ्चित्पवदन्ति मनीषिणः । वसुदेव उवाच । निशामय महाभागे सत्यमेतद् ब्रवीमि ते ॥

na tatra dūṣaṇaṁ kiñcitpavadanti manīṣiṇaḥ | vasudeva uvāca | niśāmaya mahābhāge satyametad bravīmi te ||

"— तो भी बुद्धिमान लोग कहते हैं कि उसमें कोई दोष नहीं है।" वसुदेव ने कहा — "हे महाभागे! सुनो, मैं तुमसे यह सत्य कहता हूँ—"

श्लोक 19 (devibhagavatam.4.21.19)

उद्यमः खलु कर्तव्यः फलं दैववशानुगम् । त्रिविधानीह कर्माणि संसारेऽत्र पुराविदः ॥

udyamaḥ khalu kartavyaḥ phalaṁ daivavaśānugam | trividhānīha karmāṇi saṁsāre'tra purāvidaḥ ||

"— प्रयास अवश्य करना चाहिए; फल दैव के अधीन है। इस संसार में कर्म तीन प्रकार के हैं, ऐसा पूर्वजों ने—"

श्लोक 20 (devibhagavatam.4.21.20)

प्रवदन्तीह जीवानां पुराणेष्वागमेषु च । सञ्चितानि च जीर्णानि प्रारब्धानि सुमध्यमे ॥

pravadantīha jīvānāṁ purāṇeṣvāgameṣu ca | sañcitāni ca jīrṇāni prārabdhāni sumadhyame ||

"— जीवों के संबंध में पुराणों और आगमों में कहा गया है — संचित, जीर्ण, और प्रारब्ध, हे सुमध्यमे—"

श्लोक 21 (devibhagavatam.4.21.21)

वर्तमानानि वामोरु विविधानीह देहिनाम् । शुभाशुभानि कर्माणि बीजभूतानि यानि च ॥

vartamānāni vāmoru vividhānīha dehinām | śubhāśubhāni karmāṇi bījabhūtāni yāni ca ||

"— और वर्तमान कर्म, हे वामोरु! देहधारियों के लिए नाना प्रकार के हैं; जो शुभ और अशुभ कर्म बीजरूप हैं—"

श्लोक 22 (devibhagavatam.4.21.22)

बहुजन्मसमुत्थानि काले तिष्ठन्ति सर्वथा । पूर्वदेहं परित्यज्य जीवः कर्मवशानुगः ॥

bahujanmasamutthāni kāle tiṣṭhanti sarvathā | pūrvadehaṁ parityajya jīvaḥ karmavaśānugaḥ ||

"— वे अनेक जन्मों से उत्पन्न होकर काल में सर्वथा संचित रहते हैं। पूर्वदेह को त्यागकर जीव, कर्म के अधीन होकर—"

श्लोक 23 (devibhagavatam.4.21.23)

स्वर्गं वा नरकं वापि प्राप्नोति स्वकृतेन वै । दिव्यं देहञ्च सम्प्राप्य यातनादेहमर्थजम् ॥

svargaṁ vā narakaṁ vāpi prāpnoti svakṛtena vai | divyaṁ dehañca samprāpya yātanādehamarthajam ||

"— अपने ही कर्मों से स्वर्ग या नरक प्राप्त करता है; और दिव्य देह, अथवा यातना हेतु बना शरीर प्राप्त कर—"

श्लोक 24 (devibhagavatam.4.21.24)

भुनक्ति विविधान् भोगान्स्वर्गे वा नरकेऽथवा । भोगान्ते च यदोत्पत्तेः समयस्तस्य जायते ॥

bhunakti vividhān bhogānsvarge vā narake'thavā | bhogānte ca yadotpatteḥ samayastasya jāyate ||

"— वह स्वर्ग या नरक में विविध भोग भोगता है। उस भोग के अंत में, जब उसके अगले जन्म का समय आता है—"

श्लोक 25 (devibhagavatam.4.21.25)

लिङ्गदेहेन सहितं जायते जीवसंज्ञितम् । तदैव सञ्चितेभ्यश्च कर्मभ्यः कर्मभिः पुनः ॥

liṅgadehena sahitaṁ jāyate jīvasaṁjñitam | tadaiva sañcitebhyaśca karmabhyaḥ karmabhiḥ punaḥ ||

"— वह लिंगदेह सहित 'जीव' नाम से जन्म लेता है। तब संचित कर्मों में से, पुनः कर्मों द्वारा—"

श्लोक 26 (devibhagavatam.4.21.26)

योजयत्येव तं कालं कर्माणि प्राक्कृतानि च । देहेनानेन भाव्यानि शुभानि चाशुभानि च ॥

yojayatyeva taṁ kālaṁ karmāṇi prākkṛtāni ca | dehenānena bhāvyāni śubhāni cāśubhāni ca ||

"— वह काल उसे पूर्वकृत कर्मों से जोड़ देता है; इस देह के द्वारा शुभ और अशुभ कर्मों को फलित होना है—"

श्लोक 27 (devibhagavatam.4.21.27)

प्रारब्धानि च जीवेन भोक्तव्यानि सुलोचने । प्रायश्चित्तेन नश्यन्ति वर्तमानानि भामिनि ॥

prārabdhāni ca jīvena bhoktavyāni sulocane | prāyaścittena naśyanti vartamānāni bhāmini ||

"— और जीव को इन्हें भोगना ही पड़ता है, हे सुलोचने! हे भामिनि! वर्तमान [क्रियमाण] कर्म प्रायश्चित्त से नष्ट हो जाते हैं—"

श्लोक 28 (devibhagavatam.4.21.28)

सञ्चितानि तथैवाशु यथार्थं विहितेन च । प्रारब्धकर्मणां भोगात्सङ्क्षयो नान्यथा भवेत् ॥

sañcitāni tathaivāśu yathārthaṁ vihitena ca | prārabdhakarmaṇāṁ bhogātsaṅkṣayo nānyathā bhavet ||

"— और संचित कर्म भी शीघ्र ही, यथोचित विधान से। परंतु प्रारब्ध कर्मों का क्षय केवल उनके भोग से ही होता है, अन्यथा नहीं।"

श्लोक 29 (devibhagavatam.4.21.29)

तेनायं ते कुमारो वै देयः कंसाय सर्वथा । न मिथ्या वचनं मेऽस्ति लोकनिन्दाभिदूषितम् ॥

tenāyaṁ te kumāro vai deyaḥ kaṁsāya sarvathā | na mithyā vacanaṁ me'sti lokanindābhidūṣitam ||

"अतः यह तुम्हारा बालक कंस को सर्वथा दिया ही जाना चाहिए; लोकनिंदा से दूषित कोई मिथ्या वचन मेरा नहीं है।"

श्लोक 30 (devibhagavatam.4.21.30)

अनित्येऽस्मिंस्तु संसारे धर्मसारे महात्मनाम् । दैवाधीनं हि सर्वेषां मरणं जननं तथा ॥

anitye'smiṁstu saṁsāre dharmasāre mahātmanām | daivādhīnaṁ hi sarveṣāṁ maraṇaṁ jananaṁ tathā ||

"इस अनित्य संसार में, जो महात्माओं के लिए धर्म-सारयुक्त है, सबका मरण और जन्म दैव के अधीन ही है।"

श्लोक 31 (devibhagavatam.4.21.31)

तस्माच्छोको न कर्तव्यो देहिना हि निरर्थकः । सत्यं यस्य गतं कान्ते वृथा तस्यैव जीवितम् ॥

tasmācchoko na kartavyo dehinā hi nirarthakaḥ | satyaṁ yasya gataṁ kānte vṛthā tasyaiva jīvitam ||

"अतः देहधारी को शोक नहीं करना चाहिए, क्योंकि वह निरर्थक ही है। हे कांते! जिसका सत्य नष्ट हो गया, उसका जीवन ही व्यर्थ है।"

श्लोक 32 (devibhagavatam.4.21.32)

इहलोको गतो यस्मात्परलोकः कुतस्ततः । अतो देहि सुतं सुभ्रु कंसाय प्रददाम्यहम् ॥

ihaloko gato yasmātparalokaḥ kutastataḥ | ato dehi sutaṁ subhru kaṁsāya pradadāmyaham ||

"जिस क्षण सत्य नष्ट होता है, यह लोक ही खो जाता है — तब परलोक कहाँ से मिलेगा? अतः हे सुभ्रु! मुझे पुत्र दो; मैं उसे कंस को दे दूँगा।"

श्लोक 33 (devibhagavatam.4.21.33)

सत्यसंस्तरणाद्देवि शुभमग्रे भविष्यति । कर्तव्यं सुकृतं पुम्भिः सुखे दुःखे सति प्रिये ॥

satyasaṁstaraṇāddevi śubhamagre bhaviṣyati | kartavyaṁ sukṛtaṁ pumbhiḥ sukhe duḥkhe sati priye ||

"हे देवी! सत्य की रक्षा से आगे कल्याण ही होगा। हे प्रिये! सुख हो या दुःख, मनुष्यों को सत्कर्म करना ही चाहिए—"

श्लोक 34 (devibhagavatam.4.21.34)

(सत्यसंरक्षणाद्देवि शुभमेव भविष्यति)॥ व्यास उवाच । इत्युक्तवति कान्ते सा देवकी शोकसंयुता । ददौ पुत्रं प्रसूतं च वेपमाना मनस्विनी ॥

(satyasaṁrakṣaṇāddevi śubhameva bhaviṣyati)|| vyāsa uvāca | ityuktavati kānte sā devakī śokasaṁyutā | dadau putraṁ prasūtaṁ ca vepamānā manasvinī ||

"(हे देवी! सत्य के संरक्षण से केवल शुभ ही होगा।)" व्यास जी ने कहा — प्रिय के ऐसा कहने पर शोकयुक्त देवकी ने, मनस्विनी होते हुए भी कांपते हुए, अपने नवजात पुत्र को दे दिया।

श्लोक 35 (devibhagavatam.4.21.35)

वसुदेवोऽपि धर्मात्मा आदाय स्वसुतं शिशुम् । जगाम कंससदनं मार्गे लोकैरभिष्टुतः ॥

vasudevo'pi dharmātmā ādāya svasutaṁ śiśum | jagāma kaṁsasadanaṁ mārge lokairabhiṣṭutaḥ ||

धर्मात्मा वसुदेव भी अपने नवजात पुत्र को लेकर कंस के भवन को गए, मार्ग में लोगों द्वारा प्रशंसित होते हुए।

श्लोक 36 (devibhagavatam.4.21.36)

लोका ऊचुः । पश्यन्तु वसुदेवं भो लोका एवं मनस्विनम् । स्ववाक्यमनुरुध्यैव बालमादाय यात्यसौ ॥

lokā ūcuḥ | paśyantu vasudevaṁ bho lokā evaṁ manasvinam | svavākyamanurudhyaiva bālamādāya yātyasau ||

लोगों ने कहा — "देखो, इस प्रकार दृढ़मना वसुदेव को! अपने ही वचन का पालन करते हुए वह शिशु को लेकर जा रहा है।"

श्लोक 37 (devibhagavatam.4.21.37)

मृत्यवे दातुकामोऽद्य सत्यवागनसूयकः । सफलं जीवितं चास्य धर्मं पश्यन्तु चाद्भुतम् ॥

mṛtyave dātukāmo'dya satyavāganasūyakaḥ | saphalaṁ jīvitaṁ cāsya dharmaṁ paśyantu cādbhutam ||

"आज वह मृत्यु को [अपना पुत्र] देने की इच्छा रखता है, सत्यवादी और द्वेषरहित होकर; उसके जीवन को सफल और अद्भुत धर्म को देखो—"

श्लोक 38 (devibhagavatam.4.21.38)

यः पुत्रं याति कंसाय दातुं कालात्मनेऽपि हि । व्यास उवाच । इति संस्तूयमानस्तु प्राप्तः कंसालयं नृप ॥

yaḥ putraṁ yāti kaṁsāya dātuṁ kālātmane'pi hi | vyāsa uvāca | iti saṁstūyamānastu prāptaḥ kaṁsālayaṁ nṛpa ||

"— जो अपने पुत्र को कालस्वरूप कंस को देने के लिए जा रहा है।" व्यास जी ने कहा — हे राजन्! इस प्रकार प्रशंसित होते हुए वह कंस के भवन पहुँचा।

श्लोक 39 (devibhagavatam.4.21.39)

ददावस्मै कुमारं तं जातमात्रममानुषम् । कंसोऽपि विस्मयं प्राप्तो दृष्ट्वा धैर्यं महात्मनः ॥

dadāvasmai kumāraṁ taṁ jātamātramamānuṣam | kaṁso'pi vismayaṁ prāpto dṛṣṭvā dhairyaṁ mahātmanaḥ ||

उसने उस अभी जन्मे, अमानुष बालक को उसे दे दिया; कंस भी उस महात्मा की धैर्यशीलता देखकर विस्मित हुआ।

श्लोक 40 (devibhagavatam.4.21.40)

गृहीत्वा बालकं प्राह स्मितपूर्वमिदं वचः । धन्यस्त्वं शूरपुत्राद्य ज्ञातः पुत्रसमर्पणात् ॥

gṛhītvā bālakaṁ prāha smitapūrvamidaṁ vacaḥ | dhanyastvaṁ śūraputrādya jñātaḥ putrasamarpaṇāt ||

शिशु को लेकर उसने मुस्कुराते हुए यह वचन कहा — "हे शूरपुत्र! तुम धन्य हो, आज पुत्र-समर्पण से प्रसिद्ध हुए।"

श्लोक 41 (devibhagavatam.4.21.41)

मम मृत्युर्न चायं वै गिरा प्रोक्तस्तु चाष्टमः । न हन्तव्यो मया कामं बालोऽयं यातु ते गहम् ॥

mama mṛtyurna cāyaṁ vai girā proktastu cāṣṭamaḥ | na hantavyo mayā kāmaṁ bālo'yaṁ yātu te gaham ||

"यह निश्चय ही मेरी मृत्यु का कारण नहीं है — वाणी द्वारा तो आठवाँ [पुत्र] कहा गया था। इस बालक को मुझे मारने की आवश्यकता नहीं; यह तुम्हारे घर जाए।"

श्लोक 42 (devibhagavatam.4.21.42)

अष्टमस्तु प्रदातव्यस्त्वया पुत्रो महामते । इत्युक्त्वा वसुदेवाय ददावाशु खलः शिशुम् ॥

aṣṭamastu pradātavyastvayā putro mahāmate | ityuktvā vasudevāya dadāvāśu khalaḥ śiśum ||

"हे महामते! केवल आठवाँ पुत्र ही तुम्हें देना होगा।" ऐसा कहकर उस दुष्ट ने शीघ्रता से शिशु को वसुदेव को लौटा दिया।

श्लोक 43 (devibhagavatam.4.21.43)

गच्छत्वयं गृहे बालः क्षेमं व्याहृतवान्नृपः । तमादाय तदा शौरिर्जगाम स्वगृहं मुदा ॥

gacchatvayaṁ gṛhe bālaḥ kṣemaṁ vyāhṛtavānnṛpaḥ | tamādāya tadā śaurirjagāma svagṛhaṁ mudā ||

"यह बालक सकुशल घर जाए," ऐसा राजा ने कहा; तब उसे लेकर शौरि हर्षपूर्वक अपने घर गया।

श्लोक 44 (devibhagavatam.4.21.44)

कंसोऽपि सचिवानाह वृथा किं घातये शिशुम् । अष्टमाद्देवकीपुत्रान्मम मृत्युरुदाहृतः ॥

kaṁso'pi sacivānāha vṛthā kiṁ ghātaye śiśum | aṣṭamāddevakīputrānmama mṛtyurudāhṛtaḥ ||

कंस ने तब अपने मंत्रियों से कहा — "मैं व्यर्थ ही शिशु का वध क्यों करूँ? मेरी मृत्यु देवकी के आठवें पुत्र से कही गई है।"

श्लोक 45 (devibhagavatam.4.21.45)

अतः किं प्रथमं बालं हत्वा पापं करोम्यहम् । साधुसाध्विति तेऽप्युक्त्वा संस्थिता मन्त्रिसत्तमाः ॥

ataḥ kiṁ prathamaṁ bālaṁ hatvā pāpaṁ karomyaham | sādhusādhviti te'pyuktvā saṁsthitā mantrisattamāḥ ||

"अतः मैं पहले बालक को मारकर पाप क्यों करूँ?" उन्होंने भी "साधु, साधु!" कहकर मौन धारण किया — वे मंत्रिश्रेष्ठ।

श्लोक 46 (devibhagavatam.4.21.46)

विसर्जितास्तु कंसेन जग्मुस्ते स्वगृहान्प्रति । गतेषु तेषु सम्प्राप्तो नारदो मुनिसत्तमः ॥

visarjitāstu kaṁsena jagmuste svagṛhānprati | gateṣu teṣu samprāpto nārado munisattamaḥ ||

कंस द्वारा विदा किए जाकर वे अपने-अपने घर गए। उनके जाने पर मुनिश्रेष्ठ नारद वहाँ पधारे।

श्लोक 47 (devibhagavatam.4.21.47)

अभ्युत्थानार्घ्यपाद्यादि चकारोग्रसुतस्तदा । पप्रच्छ कुशलं राजा तत्रागमनकारणम् ॥

abhyutthānārghyapādyādi cakārograsutastadā | papraccha kuśalaṁ rājā tatrāgamanakāraṇam ||

उग्रसेन-पुत्र (कंस) ने तब अभ्युत्थान, अर्घ्य, पाद्य आदि किया; राजा ने उनका कुशल-क्षेम और वहाँ आने का कारण पूछा।

श्लोक 48 (devibhagavatam.4.21.48)

नारदस्तं तदोवाच स्मितपूर्वमिदं वचः । कंस कंस महाभाग गतोऽहं हेमपर्वतम् ॥

nāradastaṁ tadovāca smitapūrvamidaṁ vacaḥ | kaṁsa kaṁsa mahābhāga gato'haṁ hemaparvatam ||

नारद ने तब मुस्कुराते हुए उससे कहा — "हे कंस, कंस! हे महाभाग! मैं हेमपर्वत (मेरु) गया था।"

श्लोक 49 (devibhagavatam.4.21.49)

तत्र ब्रह्मादयो देवा मन्त्रं चक्रुः समाहिताः । देवक्यां वसुदेवस्य भार्यायां सुरसत्तमः ॥

tatra brahmādayo devā mantraṁ cakruḥ samāhitāḥ | devakyāṁ vasudevasya bhāryāyāṁ surasattamaḥ ||

"वहाँ ब्रह्मा आदि देवताओं ने, हे सुरसत्तम! एकत्रित होकर विचार-विमर्श किया — देवकी, वसुदेव की पत्नी, के विषय में—"

श्लोक 50 (devibhagavatam.4.21.50)

वधार्थं तव विष्णुश्च जन्म चात्र करिष्यति । तत्कथं न हतः पुत्रस्त्वया नीतिं विजानता ॥

vadhārthaṁ tava viṣṇuśca janma cātra kariṣyati | tatkathaṁ na hataḥ putrastvayā nītiṁ vijānatā ||

"— विष्णु तुम्हारे वध हेतु यहाँ [उसी के गर्भ से] जन्म लेंगे। तो नीति के ज्ञाता होकर भी तुमने अपने [इस] पुत्र का वध क्यों नहीं किया?"

श्लोक 51 (devibhagavatam.4.21.51)

कंस उवाच । अष्टमं च हनिष्येऽहं मृत्युं मे देवभाषितम् । नारद उवाच । न जानासि नृपश्रेष्ठ राजनीतिं शुभाशुभा ।

kaṁsa uvāca | aṣṭamaṁ ca haniṣye'haṁ mṛtyuṁ me devabhāṣitam | nārada uvāca | na jānāsi nṛpaśreṣṭha rājanītiṁ śubhāśubhā |

कंस ने कहा — "मैं आठवें को ही मारूँगा; देववाणी द्वारा वही तो मेरी मृत्यु कहा गया है।" नारद ने कहा — "हे नृपश्रेष्ठ! तुम शुभ-अशुभ राजनीति को नहीं जानते।"

श्लोक 52 (devibhagavatam.4.21.52)

मायाबलं च देवानां न त्वं वेत्सि वदामि किम् । रिपुरल्पोऽपि शूरेण नोपेक्ष्यः शुभमिच्छता ॥

māyābalaṁ ca devānāṁ na tvaṁ vetsi vadāmi kim | ripuralpo'pi śūreṇa nopekṣyaḥ śubhamicchatā ||

"और देवताओं की माया के बल को भी तुम नहीं जानते — क्या कहूँ? कल्याण चाहने वाले वीर को छोटे शत्रु की भी उपेक्षा नहीं करनी चाहिए।"

श्लोक 53 (devibhagavatam.4.21.53)

सम्मेलनक्रियायां तु सर्वे ते ह्यष्टमाः स्मृताः । मूर्खस्त्वमरिसन्त्यागः कृतोऽयं जानता त्वया ॥

sammelanakriyāyāṁ tu sarve te hyaṣṭamāḥ smṛtāḥ | mūrkhastvamarisantyāgaḥ kṛto'yaṁ jānatā tvayā ||

"गणना करने पर तो वे सभी 'आठवें' के रूप में गिने जा सकते हैं। तुम मूर्ख हो — जानते हुए भी तुमने अपने शत्रु को छोड़ दिया है।"

श्लोक 54 (devibhagavatam.4.21.54)

इत्युक्त्वाशु गतः श्रीमान्नारदो देवदर्शनः । गतेऽथ नारदे कंसः समाहूयाथ बालकम् । पाषाणे पोथयामास सुखं प्राप च मन्दधीः ॥

ityuktvāśu gataḥ śrīmānnārado devadarśanaḥ | gate'tha nārade kaṁsaḥ samāhūyātha bālakam | pāṣāṇe pothayāmāsa sukhaṁ prāpa ca mandadhīḥ ||

ऐसा कहकर श्रीमान देवदर्शी नारद शीघ्र ही चले गए। नारद के जाने पर कंस ने तब बालक को बुलवाकर पत्थर पर पटक दिया, और मंदबुद्धि कंस ने सुख का अनुभव किया।